Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Anguttara Nikaaya
Navaka Nipaata

Sutta 72

Vinibandha Satipa.t.thaana Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society A'nguttara-Nikaaya edited by Prof. E. Hardy, PhD., D.D..

 


 

[1][pts] Eva.m me suta.m:|| ||

Saavatthinidaana.m|| ||

Pa~nc'ime bhikkhave cetaso vinibandhaa.|| ||

Katame pa~nca?|| ||

Idha, bhikkhave, bhikkhu kaamesu aviitaraago hoti avigatachando avigatapemo avigatapipaaso avigatapari.laaho avigata ta.nho.|| ||

Yo so bhikkhave bhikkhu kaamesu aviitaraago hoti avigatachando avigatapemo avigatapipaaso avigatapari.laabho avigatata.nho,||
tassa citta.m na namati aatappaaya anuyogaaya saataccaaya padhaanaaya.|| ||

Yassa citta.m na namati aatappaaya anuyogaaya saataccaaya padhaanaaya,||
aya.m pa.thamo cetaso vinibandho.|| ||

Puna ca para.m bhikkhave bhikkhu kaaye aviitaraago hoti avigatachando avigatapemo avigatapipaaso avigatapari.laaho avigata ta.nho.|| ||

Yo so bhikkhave bhikkhu kaaye aviitaraago hoti avigatachando avigatapemo avigatapipaaso avigatapari.laabho avigatata.nho,||
tassa citta.m na namati aatappaaya anuyogaaya saataccaaya padhaanaaya.|| ||

Yassa citta.m na namati aatappaaya anuyogaaya saataccaaya padhaanaaya,||
aya.m dutiyo cetaso vinibandho.|| ||

Puna ca para.m bhikkhave bhikkhu ruupe aviitaraago hoti avigatachando avigatapemo avigatapipaaso avigatapari.laaho avigata ta.nho.|| ||

Yo so bhikkhave bhikkhu ruupesu aviitaraago hoti avigatachando avigatapemo avigatapipaaso avigatapari.laabho avigatata.nho,||
tassa citta.m na namati aatappaaya anuyogaaya saataccaaya padhaanaaya.|| ||

Yassa citta.m na namati aatappaaya anuyogaaya saataccaaya padhaanaaya, aya.m tatiyo cetaso vinibandho.|| ||

Puna ca para.m bhikkhave bhikkhu yaavadattha.m udaraavadehaka.m bhu~njitvaa seyyasukha.m passasukha.m middhasukha.m anuyutto viharati aviitaraago hoti avigatachando avigatapemo avigatapipaaso avigatapari.laaho avigata ta.nho.|| ||

Yo so bhikkhave bhikkhu yaavadattha.m udaraavadehaka.m bhu~njitvaa seyyasukha.m passasukha.m middhasukha.m anuyutto viharati,||
aviitaraago hoti avigatachando avigatapemo avigatapipaaso avigatapari.laabho avigatata.nho,||
tassa citta.m na namati aatappaaya anuyogaaya saataccaaya padhaanaaya.|| ||

Yassa citta.m na namati aatappaaya anuyogaaya saataccaaya padhaanaaya,||
aya.m catuttho cetaso vinibandho.|| ||

Puna ca para.m bhikkhave bhikkhu a~n~natara.m devanikaaya.m pa.nidhaaya brahmacariya.m carati,||
iminaaha.m siilena vaa vatena vaa tapena vaa brahmacariyena vaa devo vaa bhavissaami deva~n~nataro vaa'ti.|| ||

Yo so bhikkhave bhikkhu a~n~natara.m devanikaaya.m pa.nidhaaya brahmacariya.m carati iminaaha.m siilena vaa vatena vaa tapena vaa brahmacariyena vaa devo vaa bhavismi deva~n~nataro vaati,||
tassa citta.m na namati aatappaaya anuyogaaya, saataccaaya padhaanaaya.|| ||

Yassa citta.m na namati aatappaaya anuyogaaya saataccaaya padhaanaaya,||
aya.m pa~ncamo cetaso vinibandho.|| ||

Ime kho bhikkhave, pa~nca cetaso vinibandhaa.|| ||

Imesa.m kho bhikkhave pa~ncanna.m cetaso vinibandhana.m pahaanaaya||
cattaaro satipa.t.thaanaa bhaavetabbaa.|| ||

Katame cattaaro?|| ||

Idha, bhikkhave, bhikkhu kaaye kaayaanupassii viharati aataapii sampajaano satimaa vineyya loke abhijjhaadomanassa.m.|| ||

Vedanaasu vedanaanupassi viharati aataapii sampajaano satimaa vineyya loke abhijjhaadomanassa.m.|| ||

Citte cittaanupassii viharati aataapii sampajaano satimaa vineyya loke abhijjhaadomanassa.m.|| ||

Dhammesu dhammaanupassi viharati aataapii sampajaano satimaa vineyya loke abhijjhaadomanassa.m.|| ||

Imesa.m kho bhikkhave pa~ncanna.m vinibandhana.m pahaanaaya ime cattaaro satipa.t.thaanaa bhaavetabbaa ti.|| ||

 


Contact:
E-mail
Copyright Statement