Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

A'nguttara Nikaaya
X. Dasaka-Nipaata
II. Naatha Vagga

Sutta 18

Dutiya Naathakara.na Sutta.m

Adapted from the 1995 edition of the digital version of the
Sri Lanka Buddha Jayanti Tripitaka Series
and proofed against, and mostly resolved to
the Pali Text Society A'nguttara-Nikaaya
edited by Prof. E. Hardy, PhD., D.D.

 


 

[1][pts][bodh] Eva.m me suta.m:|| ||

Eka.m samaya.m Bhagavaa Saavatthiya.m viharati
Jetavane Anaathapi.n.dikassa aaraame.|| ||

Tatra kho Bhagavaa bhikkhuu aamantesi:|| ||

'Bhikkhavo' ti.|| ||

'Bhadante' ti te bhikkhuu Bhagavato paccassosu.m.|| ||

Bhagavaa etad avoca:|| ||

2. Sanaathaa bhikkhave viharatha, maa anaathaa, dukkha.m bhikkhave anaatho viharati. Dasa ime gakkhave naathakara.naa dhammaa.|| ||

Katame dasa?|| ||

3. Idha, bhikkhave, bhikkhu siilavaa hoti paatimokkha-sa.mvara-sa.mvuto viharati aacaara-gocara-sampanno,||
a.numattesu vajjesu bhaya-dassaavii samaadaaya sikkhati sikkhaapadesu.|| ||

'Siilavaa vataaya.m bhikkhu hoti paatimokkha sa.mvarasa.mvuto viharati aacaara-gocara-sampanno,||
a.numattesu vajjse bhaya-dassaavii samaadaaya sikkhati sikkhaapadesuu' ti,||
theraa pi na.m bhikkhu [26] vattabba.m anusaasitabba.m ma~n~nanti||
majjhamaa pi bhikkhu na.m bhikkhu vattabba.m anusaasitabba.m ma~n~nanti||
navaa pi na.m bhikkhu vattabba.m anusaasitabba.m ma~n~nanti.|| ||

Tassa theraanukampitassa majjhamaanukampitassa navaanukampitassa vuddhiyeva paa.tika'nkaa kusalesu dhammesu, no parihaani.|| ||

Ayam pi dhammo naathakara.no.|| ||

4. Puna ca para.m bhikkhave bhikkhu bahussuto hoti sutadharo sutasanniicayo,||
ye te dhammaa aadikalyaa.naa majjhekalyaa.naa pariyosaanakalyaa.naa saatthaa,||
sabya~njanaa kevalaparipu.n.na.m parisuddha.m brahmacariya.m abhivadanti,||
tathaaruupassa dhammaa bahussutaa honti dhataa vacasaa parivitaa manasaanupekkhitaa di.t.thiyaa suppa.tividdhaa.|| ||

'Bahussuto vataaya.m bhikkhu sutadharo sutasanniicayo,||
ye te dhammaa aadikalyaa.naa majjhekalyaa.naa pariyosaanakalyaa.naa saatthaa,||
sabya~njanaa kevalaparipu.n.na.m parisuddha.m brahmacariya.m abhivadanti,||
tathaaruupassa dhammaa bahussutaa honti dhataa vacasaa parivitaa manasaanupekkhitaa di.t.thiyaa suppa.tividdhaa' ti,|| ||

Theraa pi na.m bhikkhu vattabba.m anusaasitabba.m ma~n~nanti||
majjhamaa pi bhikkhu na.m bhikkhu vattabba.m anusaasitabba.m ma~n~nanti||
navaa pi na.m bhikkhu vattabba.m anusaasitabba.m ma~n~nanti.|| ||

Tassa theraanukampitassa majjhamaanukampitassa navaanukampitassa vuddhiyeva paa.tika'nkaa kusalesu dhammesu, no parihaani.|| ||

Ayam pi dhammo naathakara.no.|| ||

5. Puna ca para.m bhikkhave bhikkhu kalyaa.namitto hoti kalyaa.nasahaayo kalyaa.nasampava'nko.|| ||

'Kalyaa.namitto vataaya.m bhikkhu kalyaa.nasahaayo kalyaa.nasampava'nko, ti|| ||

theraapi na.m vattabba.m anusaasitabba.m ma~n~nanti. Majjhamaapi bhikkhu vattabba.m anusaasitabba.m ma~n~nanti. Navaapi bhikkhu vattabba.m anusaasitabba.m ma~n~nanti. Tassa theraanukampitassa majjhamaanukampitassa navaanukampitassa vuddhiyeva paa.tika'nkhaa kusalesu dhammesu, no parihaani, ayam pi dhammo naathakara.no.|| ||

6. Puna ca para.m bhikkhave bhikkhu suvaco hoti sovacassakara.nehi dhammehi samannaagato khamo padakakkhi.naggaahii anusaasani.m.|| ||

'Suvaco vataaya.m bhikkhu sovacassakara.nehi dhammehi samannaagato khamo padakkhi.naggaahii anusaasanin' ti,||
theraa pi na.m bhikkhu vattabba.m [27] anusaasitabba.m ma~n~nanti||
majjhamaa pi bhikkhu na.m bhikkhu vattabba.m anusaasitabba.m ma~n~nanti||
navaa pi na.m bhikkhu vattabba.m anusaasitabba.m ma~n~nanti.|| ||

Tassa theraanukampitassa majjhamaanukampitassa navaanukampitassa vuddhiyeva paa.tika'nkaa kusalesu dhammesu, no parihaani.|| ||

Ayam pi dhammo naathakara.no.|| ||

7. Puna ca para.m bhikkhave bhikkhu yaani taani sabrahmacaariina.m uccaavacaani ki'nkara.niiyaani,||
tattha dakkho hoti analaso,||
tatruupaayaaya viima.msaaya samannaagato ala.m kaatu.m ala.m sa.mvidhaatu.m.|| ||

'Yaani taani sabrahmacaariina.m uccaavacaani ki.mkara.niiyaani,||
tattha dakkho vataaya.m bhikkhu analaso||
tatruupaayaaya viima.msaaya samannaagato ala.mkaatu.m ala.m sa.mvidhaatun' ti,|| ||

Theraa pi na.m bhikkhu vattabba.m anusaasitabba.m ma~n~nanti||
majjhamaa pi bhikkhu na.m bhikkhu vattabba.m anusaasitabba.m ma~n~nanti||
navaa pi na.m bhikkhu vattabba.m anusaasitabba.m ma~n~nanti.|| ||

Tassa theraanukampitassa majjhamaanukampitassa navaanukampitassa vuddhiyeva paa.tika'nkaa kusalesu dhammesu, no parihaani.|| ||

Ayam pi dhammo naathakara.no.|| ||

8. Puna ca para.m bhikkhave bhikkhu dhammakaamo hoti piyasamudaahaaro,||
abhidhamme abhivinaye u'aarapaamojjo.|| ||

'Dhammakaamo vataaya.m bhikkhu piyasamudaahaaro abhidhamme abhivinaye u'aarapaamojjo' ti,|| ||

Theraa pi na.m bhikkhu vattabba.m anusaasitabba.m ma~n~nanti||
majjhamaa pi bhikkhu na.m bhikkhu vattabba.m anusaasitabba.m ma~n~nanti||
navaa pi na.m bhikkhu vattabba.m anusaasitabba.m ma~n~nanti.|| ||

Tassa theraanukampitassa majjhamaanukampitassa navaanukampitassa vuddhiyeva paa.tika'nkaa kusalesu dhammesu, no parihaani.|| ||

Ayam pi dhammo naathakara.no.|| ||

9. Puna ca para.m bhikkhave bhikkhu aaraddhaviriyo viharati akusalaana.m dhammaana.m pahaanaaya,||
kusalaana.m dhammaana.m upasampadaaya thaamavaa da.lhaparakkamo anikkhittadhuro kusalesu dhammesu.|| ||

'Aaraddhaviriyo vataaya.m bhikkhu viharati akusalaana.m dhammaana.m pahaanaaya||
[28] kusalaana.m dhammaana.m upasampadaaya thaamavaa da.lhaparakkamo anikkhittadhuro kusalesu dhammesu' ti,|| ||

Theraa pi na.m bhikkhu vattabba.m anusaasitabba.m ma~n~nanti||
majjhamaa pi bhikkhu na.m bhikkhu vattabba.m anusaasitabba.m ma~n~nanti||
navaa pi na.m bhikkhu vattabba.m anusaasitabba.m ma~n~nanti.|| ||

Tassa theraanukampitassa majjhamaanukampitassa navaanukampitassa vuddhiyeva paa.tika'nkaa kusalesu dhammesu, no parihaani.|| ||

Ayam pi dhammo naathakara.no.|| ||

10. Puna ca para.m bhikkhave bhikkhu santu.t.tho hoti Itariitaraciivarapi.n.dapaatasenaasanagilaanapaccayabhesajjaparikkhaarena.|| ||

'Santu.t.tho vataaya.m bhikkhu itariitaraciivara-pi.n.dapaatasenaasana-gilaanapaccaya-bhesajjaparikkhaarenaa' ti,|| ||

Theraa pi na.m bhikkhu vattabba.m anusaasitabba.m ma~n~nanti||
majjhamaa pi bhikkhu na.m bhikkhu vattabba.m anusaasitabba.m ma~n~nanti||
navaa pi na.m bhikkhu vattabba.m anusaasitabba.m ma~n~nanti.|| ||

Tassa theraanukampitassa majjhamaanukampitassa navaanukampitassa vuddhiyeva paa.tika'nkaa kusalesu dhammesu, no parihaani.|| ||

Ayam pi dhammo naathakara.no.|| ||

11. Puna ca para.m bhikkhave bhikkhu satimaa hoti paramena satinepakkena samannaagato cirakatam pi cirabhaasitam pi saritaa anussaritaa.|| ||

'Satimaa vataaya.m bhikkhu paramena satinepakkena samannaagato cirakatam pi cirabhaasitam pi saritaa anussaritaa' ti,|| ||

Theraa pi na.m bhikkhu vattabba.m anusaasitabba.m ma~n~nanti||
majjhamaa pi bhikkhu na.m bhikkhu vattabba.m anusaasitabba.m ma~n~nanti||
navaa pi na.m bhikkhu vattabba.m anusaasitabba.m ma~n~nanti.|| ||

Tassa theraanukampitassa majjhamaanukampitassa navaanukampitassa vuddhiyeva paa.tika'nkaa kusalesu dhammesu, no parihaani.|| ||

Ayam pi dhammo naathakara.no.|| ||

12. Puna ca para.m bhikkhave bhikkhu pa~n~navaa hoti udayatthagaaminiyaa||
pa~n~naaya samannaagato ariyaaya nibbedhikaaya sammaa dukkhakkhayagaaminiyaa.|| ||

'Pa~n~navaa vataaya.m bhikkhu udayatthagaaminiyaa,||
pa~n~naaya samannaagato ariyaaya nibbedhikaaya sammaa dukkhakakkhayagaaminiyaa' ti,|| ||

Theraa pi na.m bhikkhu vattabba.m anusaasitabba.m ma~n~nanti||
majjhamaa pi bhikkhu na.m bhikkhu vattabba.m anusaasitabba.m ma~n~nanti||
navaa pi na.m bhikkhu vattabba.m [29] anusaasitabba.m ma~n~nanti.|| ||

Tassa theraanukampitassa majjhamaanukampitassa navaanukampitassa vuddhiyeva paa.tika'nkaa kusalesu dhammesu, no parihaani.|| ||

Ayam pi dhammo naathakara.no.|| ||

Sanaathaa bhikkhave viharatha, maa anaathaa, dukkha.m bhikkhave anaatho viharati.|| ||

Ime kho bhikkhave dasanaathakara.naa dhammaati.|| ||

 


Contact:
E-mail
Copyright Statement