Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

A'nguttara Nikaaya
X. Dasaka-Nipaata
III. Mahaa Vagga

Sutta 21

Siihanaada Sutta.m

Adapted from the 1995 edition of the digital version of the
Sri Lanka Buddha Jayanti Tripitaka Series
and proofed against, and mostly resolved to
the Pali Text Society A'nguttara-Nikaaya
edited by Prof. E. Hardy, PhD., D.D.

 


[32]

[1][pts][bodh] Eva.m me suta.m:|| ||

Eka.m samaya.m Bhagavaa Saavatthiya.m viharati
Jetavane Anaathapi.n.dikassa aaraame.|| ||

Tatra kho Bhagavaa bhikkhuu aamantesi:|| ||

'Bhikkhavo' ti.|| ||

'Bhadante' ti te bhikkhuu Bhagavato paccassosu.m.|| ||

Bhagavaa etad avoca:|| ||

2. Siiho bhikkhave migaraajaa saaya.nhasamaya.m aasayaa nikkhamati.|| ||

Aasayaa nikkhamitvaa vijambhati,||
vijambhitvaa samantaa catudadisaa [33] anuviloket vaatikkhattum siihanaada.m nadati, tikkhattu.m naditvaa gocaraaya pakkamati.|| ||

Ta.m kissa hetu?|| ||

"Maaha.m khuddake paa.ne visamagate sa'nghaata.m aapaadesin" ti.|| ||

Siiho ti kho bhikkhave Tathaagatass'eta.m adhivacana.m arahato sammaa sambuddhassa.|| ||

Ya.m kho bhikkhave Tathaagato parisaaya dhamma.m deseti,||
idam assa hoti siihanaadasmi.m.|| ||

Dasa imaani bhikkhave Tathaagatassa Tathaagata-balaani yehi balehi samannaagato Tathaagato aasabha.m .thaana.m pa.tijaanaati,||
parisaasu siihanaada.m nadati,||
brahamacakka.m pavatteti.|| ||

Katamaani dasa?|| ||

3. Idha, bhikkhave, Tathaagato .thaana~n ca .thaanato a.t.thaana~n ca a.t.thaanato yathaabhuuta.m pajanaati.|| ||

Yam pi bhikkhave Tathaagato .thaana~n ca .thaanato a.t.thaana~n ca a.t.thaanato yathaabhuuta.m pajaanaati,||
idam pi bhikkhave Tathaagatassa Tathaagatabala.m hoti,||
ya.m bala.m aagamma Tathaagato aasabha.m .thaana.m pa.tijaanaati,||
parisaasu siihanaada.m nadati,||
brahmacakka.m pavatteti.|| ||

4. Puna ca para.m bhikkhave Tathaagato atiitaanaagatapaccuppannaana.m kammasamaadaanaana.m .thaanaso hetuso vipaaka.m yathaabhuuta.m pajaanaati.|| ||

Yam pi bhikkhave Tathaagato atiitaanaagatapaccuppannaana.m kammasamaadaanaana.m .thaanaso hetuso vipaaka.m yathaabhuuta.m pajaanaati,||
idam pi bhikkhave Tathaagatassa Tathaagatabala.m hoti,||
ya.m bala.m aagamma Tathaagato aasabha.m .thaana.m pa.tijaanaati,||
parisaasu siihanaada.m nadati,||
brahmacakka.m pavatteti.|| ||

5. Puna ca para.m bhikkhave Tathaagato sabbatthagaaminiipa.tipada.m yathaabhuuta.m pajaanaati.|| ||

Yam pi bhikkhave Tathaagato sabbatthagaaminiipa.tipada.m yathaabhuuta.m pajaanaati,||
idam pi bhikkhave Tathaagatassa Tathaagatabala.m hoti,||
ya.m bala.m aagamma Tathaagato aasabha.m .thaana.m pa.tijaanaati,||
parisaasu siihanaada.m nadati,||
brahmacakka.m pavatteti.|| ||

6. Puna ca para.m bhikkhave Tathaagato anekadhaatu- [34] naanaadhaatu-loka.m yathaabhuuta.m pajaanaati.|| ||

Yam pi bhikkhave Tathaagato anekadhaatu naanaadhaatu loka.m yathaabhuuta.m pajaanaati,||
idam pi bhikkhave Tathaagatassa Tathaagatabala.m hoti,||
ya.m bala.m aagamma Tathaagato aasabha.m .thaana.m pa.tijaanaati,||
parisaasu siihanaada.m nadati,||
brahmacakka.m pavatteti.|| ||

7. Puna ca para.m bhikkhave Tathaagato sattaana.m naanaadhimuttikata.m yathaabhuuta.m pajaanaati.|| ||

Yam pi bhikkhave Tathaagato sattaana.m naanaadhimuttikata.m yathaabhuuta.m pajaanaati,||
idam pi bhikkhave Tathaagatassa Tathaagatabala.m hoti,||
ya.m bala.m aagamma Tathaagato aasabha.m .thaana.m pa.tijaanaati,||
parisaasu siihanaada.m nadati,||
brahmacakka.m pavatteti.|| ||

8. Puna ca para.m bhikkhave Tathaagato parasattaata.m parapuggalaana.m indriyaparopariyatta.m yathaabhuuta.m pajaanaati.|| ||

Yam pi bhikkhave Tathaagato parasattaana.m parapuggalaana.m indriyaparopariyatta.m yathaabhuuta.m pajaanaati,||
idam pi bhikkhave Tathaagatassa Tathaagatabala.m hoti,||
ya.m bala.m aagamma Tathaagato aasabha.m .thaana.m pa.tijaanaati,||
parisaasu siihanaada.m nadati,||
brahmacakka.m pavatteti.|| ||

9. Puna ca para.m bhikkhave Tathaagato jhaana-vimokkha-samaadhi-sampattiina.m sa.mkilesa.m vodaana.m vu.t.thaana.m yathaabhuuta.m pajaanaati.|| ||

Yam pi bhikkhave Tathaagato jhaana-vimokkha-samaadhi-samaapattiina.m sa.mkilesa.m vodaana.m vu.t.thaana.m yathaabhuuta.m pajaanaati,||
idam pi bhikkhave Tathaagatassa Tathaagatabala.m hoti,||
ya.m bala.m aagamma Tathaagato aasabha.m .thaana.m pa.tijaanaati,||
parisaasu siihanaada.m nadati,||
brahmacakka.m pavatteti.|| ||

10. Puna ca para.m bhikkhave Tathaagato anekavihita.m pubbenivaasa.m anussarati,||
seyyath'ida.m:|| ||

Ekam pi jaati.m,||
dve pi jaatiyo,||
tisso pi jaatiyo,||
catasso pi jaatiyo,||
pa~nca pi jaatiyo,||
dasa pi jaatiyo,||
viisam pi jaatiyo,||
ti.msam pi jiitiyo cattaarisam [35] pi jiitiyo,||
pa~n~naasam pi jaatiyo,||
jaatisatam pi jaatisahassam pi jaatisatasahassam pi aneke pi sa.mva.t.takappe,||
aneke pi viva.t.takappe,||
aneke pi sa.mva.t.ta-viva.t.takappe,||
amutraasi.m eva.m-naamo,||
eva.mgotto,||
eva.m-va.n.no||
evam-aahaaro||
eva.m sukhadukkha pa.tisa'nvedii||
evam-aayu-pariyanto.|| ||

So tato cuto amutra upapaadi.m,||
tatraapaasim eva.m-naamo,||
eva.mgotto,||
eva.m-va.n.no||
evam-aahaaro||
eva.m sukhadukkha pa.tisa'nvedii||
evam-aayu-pariyanto.|| ||

So tato cuto idh'upapanno' ti.|| ||

Iti saakaaram sa-uddesa.m anekavihita.m pubbenivaasa.m anussarati.|| ||

Yam pi bhikkhave anekavihita.m pubbenivaasa.m anussarati,||
seyyath'ida.m:|| ||

Ekam pi jaati.m,||
dve pi jaatiyo,||
tisso pi jaatiyo,||
catasso pi jaatiyo,||
pa~nca pi jaatiyo,||
dasa pi jaatiyo,||
viisam pi jaatiyo,||
ti.msam pi jiitiyo cattaarisam pi jiitiyo,||
pa~n~naasam pi jaatiyo,||
jaatisatam pi jaatisahassam pi jaatisatasahassam pi aneke pi sa.mva.t.takappe,||
aneke pi viva.t.takappe,||
aneke pi sa.mva.t.ta-viva.t.takappe,||
amutraasi.m eva.m-naamo,||
eva.mgotto,||
eva.m-va.n.no||
evam-aahaaro||
eva.m sukhadukkha pa.tisa'nvedii||
evam-aayu-pariyanto.|| ||

So tato cuto amutra upapaadi.m,||
tatraapaasim eva.m-naamo,||
eva.mgotto,||
eva.m-va.n.no||
evam-aahaaro||
eva.m sukhadukkha pa.tisa'nvedii||
evam-aayu-pariyanto.|| ||

So tato cuto idh'upapanno' ti.|| ||

Iti saakaaram sa-uddesa.m anekavihita.m pubbenivaasa.m anussarati,||
idam pi bhikkhave Tathaagatassa Tathaagatabala.m hoti,||
ya.m bala.m aagamma Tathaagato aasabha.m .thaana.m pa.tijaanaati,||
parisaasu siihanaada.m nadati,||
brahmacakka.m pavatteti.|| ||

11. Puna ca para.m bhikkhave Tathaagato dibbena cakkhunaa visuddhena atikkantamaanusakena satte passati cavamaane upapajjamaane hiine pa.niite suva.n.ne dubba.n.ne sugate duggate yathaakammuupage satte pajaanaati:|| ||

"Ime vata bhonto sattaa kaayaduccaritena samannaagataa,||
vacii duccaritena samannaagataa,||
mano duccaritena samannaagataa||
aariyaana.m upavaadakaa,||
micchaadi.t.thikaa micchaadi.t.thikamma samaadaanaa,||
te kaayassa bhedaa param mara.naa apaaya.m duggati.m vinipaata.m Niraya.m upapannaa.|| ||

Ime vaa pana bhonto sattaa kaayasucaritena samannaagataa||
vacii sucaritena samannaagataa||
mano sucaritena samannaagataa||
Ariyaana.m anupavaadakaa||
sammaadi.t.thikaa sammaadi.t.thikammasamaadaanaa||
te kaayassa bhedaa param mara.naa sugati.m sagga.m loka.m upapannaati.|| ||

Iti dibbena cakkhunaa visuddhena atikkanta maanusakena satte passati cavamaane uppajjamaane hiine pa.nite suva.n.ne dubba.n.ne sugate duggate yathaakammuupage satte pajaanaati.|| ||

[36] Yam pi bhikkhave Tathaagato dibbena cakkhunaa visuddhena atikkantamaanusakena satte passati cavamaane upapajjamaane hiine pa.niite suva.n.ne dubba.n.ne sugate duggate yathaakammuupage satte pajaanaati:|| ||

"Ime vata bhonto sattaa kaayaduccaritena samannaagataa,||
vacii duccaritena samannaagataa,||
mano duccaritena samannaagataa||
aariyaana.m upavaadakaa,||
micchaadi.t.thikaa micchaadi.t.thikamma samaadaanaa,||
te kaayassa bhedaa param mara.naa apaaya.m duggati.m vinipaata.m Niraya.m upapannaa.|| ||

Ime vaa pana bhonto sattaa kaayasucaritena samannaagataa||
vacii sucaritena samannaagataa||
mano sucaritena samannaagataa||
Ariyaana.m anupavaadakaa||
sammaadi.t.thikaa sammaadi.t.thikammasamaadaanaa||
te kaayassa bhedaa param mara.naa sugati.m sagga.m loka.m upapannaati.|| ||

Iti dibbena cakkhunaa visuddhena atikkanta maanusakena satte passati cavamaane uppajjamaane hiine pa.nite suva.n.ne dubba.n.ne sugate duggate yathaakammuupage satte pajaanaati,||
idam pi bhikkhave Tathaagatassa Tathaagatabala.m hoti||
ya.m bala.m aagamma Tathaagato aasaha.m .thaana.m pa.tijaanaati,||
parisaasu siihanaada.m nadati,||
brahmacakka.m pavatteti.|| ||

12. Puna ca para.m bhikkhave Tathaagato aasavaana.m khayaa anaasava.m ceto-vimutti.m pa~n~naa-vimutti.m di.t.the va dhamme saya.m abhi~n~naa sacchikatvaa upasampajja viharati.|| ||

Yam pi bhikkhave Tathaagato aasavaana.m khayaa anaasava.m ceto-vimutti.m pa~n~naa-vimutti.m di.t.th'evadhamme saya.m abhi~n~naa sacchikatvaa upasampajja viharati,||
idam pi bhikkhave Tathaagatassa Tathaagatabala.m hoti||
ya.m bala.m aagamma Tathaagato aasaha.m .thaana.m pa.tijaanaati,||
parisaasu siihanaada.m nadati,||
brahmacakka.m pavatteti.|| ||

Imaani kho bhikkhave dasa Tathaagatassa Tathaagata-balaani, yehi balehi samannaagato Tathaagato aasabha.m .thaana.m pa.tijaanaati,||
parisaasu siihanaada.m nadati,||
brahmacakka.m pavattetii ti.|| ||

Siihanaada Sutta.m Pa.thama.m.

 


Contact:
E-mail
Copyright Statement