Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

A'nguttara Nikaaya
X. Dasaka-Nipaata
III. Mahaa Vagga

Sutta 29

Pa.thama Kosala Sutta.m

Adapted from the 1995 edition of the digital version of the
Sri Lanka Buddha Jayanti Tripitaka Series
and proofed against, and mostly resolved to
the Pali Text Society A'nguttara-Nikaaya
edited by Prof. E. Hardy, PhD., D.D.

 


[59]

[1][pts][than][bodh] Eva.m me suta.m:|| ||

Eka.m samaya.m Bhagavaa Saavatthiya.m viharati.|| ||

Tatra kho Bhagavaa bhikkhuu aamantesi:|| ||

'Bhikkhavo' ti.|| ||

'Bhadante' ti te bhikkhuu Bhagavato paccassosu.m.|| ||

Bhagavaa etad avoca:|| ||

2. Yaavataa bhikkhave Kaasi Kosalaa,||
yaavataa ra~n~no Pasenadissa Kosalassa vijite,||
raajaa tattha Pasenadii Kosalo raajaa aggam akkhaayati.|| ||

Ra~n~nopi kho bhikkhave Pasenadissa Kosalassa attheva a~n~nathatta.m,||
atthi vipari.naamo.|| ||

Eva.m passa bhikkhave Sutavaa ariyasaavako tasmimapi nibbindati.|| ||

Tasmi.m nibbindanto agge virajjati,||
pageva hiinasmi.m.|| ||

3. Yaavataa bhikkhave candimasuriyaa pariharanti,||
disaa bhanti virocanaa,||
taava sahassadhaa loko.|| ||

Tasmi.m sahassadhaa loke sahassa.m candaana.m,||
sahassa.m suriyaana.m,||
sahassa.m sinerupabbataraajaana.m,||
sahassa.m Jambudiipaana.m,||
sahassa.m aparagoyaanaana.m sahassa.m uttaraKuruuna.m,||
sahassa.m pubbavidehaana.m,||
cattaari mahaasamuddasahassaani,||
cattaari mahaaraajasahassaani,||
sahassa.mcaatummahaaraajikaana.m,||
sahassa.m Taavati.msaana.m,||
sahassa.m yaamaana.m,||
sahassa.m tusitaana.m,||
sahassa.m nimmaa.naratiina.m,||
sahassa.m paranimmitavasavattiina.m,||
sahassa.m brahmalokaana.m,||
yaavataa bhikkhave sahassiiloka-dhaatu,||
Mahaa-Brahmaa tattha aggagamakkhaayati.|| ||

[60] mahaabrahmunopi kho bhikkhave attheva a~n~nathatta.m,||
atthivipari.naamo eva.m passa.m bhikkhave Sutavaa ariyasaavako tasmim pi nibbindati.|| ||

Tasmi.m nibbindanto agge virajjati,||
pageva hiinasmi.m.|| ||

4. Hoti kho so bhikkhave samayo,||
ya.m aya.m loko sa.mva.t.tati,||
sa.mva.t.tamaane bhikkhave loke yebhuyyena sattaa aabhassara sa.mvattanikaa bhavanti,||
te tattha honti manomayaa,||
piiti-bhakkhaa saya.m pabhaa antalikkhecaraa subha.t.thaayino cira.m diigham addhaana.m ti.t.thanti.|| ||

Sa.mva.t.tamaane bhikkhave loke aabhassaraa devaa aggamakkhaayanti.|| ||

Aabhassaraanam pi kho bhikkhave devaana.m attheva a~n~nathatta.m.|| ||

Atthi vipari.naamo,||
eva.m passa.m bhikkhave sutavaa ariyasaavako tasmim pi nibbindati,||
tasmi.m nibbindanto agge virajjati,||
pageva hiinasmi.m.|| ||

5. Dasaimaani bhikkhave kasi.naayatanaani.|| ||

Katamaani dasa?|| ||

Pa.thavi-kasi.nam eko sa~njaanaati uddha.m adho tiriya.m advaya.m appamaa.na.m.|| ||

Aapo-kasi.nam eko sa~njaanaati uddha.m adho,||
tiriya.m advaya.m appamaa.na.m.|| ||

Tejo-kasi.nam eko sa~njaanaati uddha.m adho,||
tiriya.m advaya.m appamaa.na.m.|| ||

Vaayo-kasi.nam eko sa~njaanaati uddha.m adho,||
tiriya.m advaya.m appamaa.na.m.|| ||

Niila-kasi.nam eko sa~njaanaati uddha.m adho,||
tiriya.m advaya.m appamaa.na.m.|| ||

Piita-kasi.nam eko sa~njaanaati uddha.m adho,||
tiriya.m advaya.m appamaa.na.m.|| ||

Lohita-kasi.nam eko sa~njaanaati uddha.m adho,||
tiriya.m advaya.m appamaa.na.m.|| ||

Odaata-kasi.nam eko sa~njaanaati uddha.m adho,||
tiriya.m advaya.m appamaa.na.m.|| ||

Aakaasa-kasi.nam eko sa~njaanaati uddha.m adho,||
tiriya.m advaya.m appamaa.na.m.|| ||

Vi~n~naa.na-kasi.nam eko sa~njaanaati uddha.m adho tiriya.m advaya.m appamaa.na.m imaani kho bhikkhave dasa kasi.naani.|| ||

Etad agga.m bhikkhave imesa.m dasanna.m kasi.naayatanaana.m yad ida.m vi~n~naa.nakasi.nameko sa~njaanaati uddha.m adho tiriya.m advaya.m appamaa.na.m,||
eva.msa~n~ninopi kho bhikkhave santi sattaa.|| ||

Eva.m sa~n~niinam pi bhikkhave sattaana.m attheva a~n~nathatta.m,||
atthi vipari.naamo.|| ||

Eva.m [61] passa.m bhikkhave sutavaa ariyasaavako tasmimpi nibbindati.|| ||

Tasmi.m nibbindanto agge virajjati,||
pageva hiinasmi.m.|| ||

6. A.t.th'imaani bhikkhave abhibhaayatanaani,||
katamaani.|| ||

A.t.tha ajjhatta.m ruupasa~n~nii eko bahiddhaa ruupaani passati parittaani suva.n.na dubba.n.naani.|| ||

'Taani abhibhuyya jaanaami passaamii' ti||
eva.msa~n~nii hoti ida.m pa.thama.m abhibhaayatana.m.|| ||

Ajjhatta.m ruupasa~n~nii ekobahiddhaa ruupaani passati appamaa.naani suva.n.na dubba.n.naani,||
taani abhibhuyya jaanaami,||
passaamii'ti eva.m sa~n~nii hoti.|| ||

Ida.m dutiya.m abhibhaayatana.m.|| ||

Ajjhatta.m aruupasa~n~nii eko bahiddhaa ruupaani passati parittaani suva.n.nadubba.n.naani,||
'taani abhibhuyya jaanaami,||
passaamii' ti||
eva.m sa~n~nii hoti.|| ||

Ida.m tatiya.m abhibhaayatana.m.|| ||

Ajjhatta.m aruupasa~n~nii eko bahiddhaa ruupaani passati appamaa.naani suva.n.nadubba.n.naani,||
'taani abhibhuyya jaanaami passaamii'ti||
eva.m sa~n~nii hoti ida.m catuttha.m abhibhaayatana.m.|| ||

Ajjhatta.m aruupasa~n~nii eko bahiddhaa ruupaani passati niilaani niilava.n.naani niila nidassanaani niila nibhaasaani seyyathaa pi naama ummaa puppha.m niila.m niilava.n.na.m niiladassana.m niilanibhaasa.m,||
seyyathaa pi vaa pana ta.m vattha.m baaraa.naseyyaka.m ubhatobhaaga vima.t.tha.m niila.m niilava.n.na.m niiladassana.m niila nibhaasa.m.|| ||

Evam eva ajjhatta.m aruupasa~n~nii eko bahiddhaa ruupaani passati niilaani niilava.n.naani niilanidassanaani.|| ||

'Taani abhibhuyya jaanaami,||
passaamii'ti eva.m sa~n~nii hoti,||
ima.m pa~ncama.m abhibhaayatana.m.|| ||

Ajjhatta.m aruupasa~n~nii eko bahiddhaa ruupaani passati piitaani piitava.n.naani piitanidassanaani,||
piitanibhaasaani seyyathaa pi naama ka.nikaarapuppha.m piita.m piita.mva.n.na.m piitanidassana.m niilanibhaasa.m, seyyathaa pi vaa pana ta.m vattha.m [62] baaraa.naseyyaka.m ubhatobhaaga vima.t.tha.m niila.m niilava.n.na.m vima.t.tha.m piita.m piitava.n.na.m piitanidassana.m piitanibhaasa.m.|| ||

Evam eva.m ajjhatta.m aruupasa~n~nii eko bahiddhaa ruupaani passati piita.m piitava.n.naani piitanidassanaani piitanibhaasaani.|| ||

'Taani abhibhuyya jaanaami,||
passaamii' ti||
eva.m sa~n~nii hoti ida.m cha.t.tha.m abhibhaayatana.m.|| ||

Ajjhatta.m aruupasa~n~nii eko bahiddhaa ruupaani passati lohitakaani lohitakava.n.naani lohitakanidassanaani lohitakanibhaasaani seyyathaa pi naama bandhujiivakapuppha.m lohitaka.m lohitakava.n.na.m lohitakanidassana.m lohitakanibhaasa.m,||
seyyathaa pi vaa pana ta.m vattha.m baaraa.naseyyaka.m ubhatobhaagavima.t.tha.m lohitaka.m lohitava.n.na.m lohitakanidassana.m lohitaka nibhaasa.m.|| ||

Evam eva.m ajjhatta.m aruupasa~n~nii eko bahiddhaa ruupaani passati lohitakaani lohitakava.n.naani lohitaka nidassanaani lohitaka nibhaasaani taani abhibhuyya jaanaami,||
passaamii' ti||
eva.m sa~n~nii hoti ida.m sattama.m abhibhaayatana.m.|| ||

Ajjhatta.m aruupasa~n~nii eko bahiddhaa ruupaani passati odaataani odaatava.n.naani odaatanidassanaani odaata nibhaasaani.|| ||

Seyyathaa pi naama osadhiitaarakaa odaataa odaatava.n.naa odaatanidasasanaa odaatanibhaasaa.|| ||

Seyyathaa pi vaa pana ta.m vattha.m baaraa.naseyyaka.m ubhatobhaagavima.t.tha.m odaata.m odaatava.n.na.m odaatanidassana.m odaatanibhaasa.m evam eva.m ajjhatta.m aruupasa~n~nii eko bahiddhaa ruupaani passati odaataani odaatava.n.naani odaatanidassanaani odaatanibhaasaani.|| ||

'Taani abhibhuyya jaanaami,||
passaamii'ti eva.msa~n~nii hoti ida.m a.t.thama.m abhibhaayatana.m.|| ||

Imaani kho bhikkhave a.t.tha abhibhaayatanaani.|| ||

Etad agga.m bhikkhave imesa.m a.t.thanta.m abhibhaayatanaana.m yad ida.m ajjhatta.m aruupasa~n~nii eko bahiddhaa ruupaani passati odaataani odaatava.n.naani odaatanidassanaani odaatanibhaasaani.|| ||

Taani abhibhuyya jaanaami passaamiiti eva.m sa~n~nii hoti.|| ||

Eva.m sa~n~nino pi kho bhikkhave santi sattaa.|| ||

Eva.m sa~n~niinam pi kho bhikkhave sattaana.m attheva [63] a~n~nathatta.m,||
atthi vipari.naamo,||
eva.m passa.m bhikkhave sutavaa ariyasaavako tasmim pi nibbindati.|| ||

Tasmi.m nibbindanto agge virajjati,||
pageva hiinasmi.m.|| ||

7. Catasso imaa bhikkhave pa.tipadaa.|| ||

Katamaa catasso?|| ||

Dukkhaa pa.tipadaa dandhaabhi~n~naa,||
dukkhaa pa.tipadaa khippaabhi~n~naa,||
sukhaapa.tipadaa dandhaabhi~n~naa,||
sukhaapa.tipadaa khippaabhi~n~naa.|| ||

Imaa kho bhikkhave catasso pa.tipadaa.|| ||

Etad agga.m bhikkhave imaasa.m catunna.m pa.tipadaana.m yad ida.m sukhaa pa.tipadaa khippaabhi~n~naa.|| ||

Eva.m pa.tipannaa pi kho bhikkhave santi sattaa.|| ||

Eva.m pa.tipannaanam pi kho bhikkhave sattaana.m attheva a~n~nathatta.m,||
atthi vipari.naamo.|| ||

Eva.m passa.m bhikkhave sutavaa ariyasaavako tasmimpi nibbindati.|| ||

Tasmi.m nibbindanto agge virajjati,||
pageva hiinasmi.m.|| ||

8. Catasso imaa bhikkhave sa~n~naa.|| ||

Katamaa catasso?|| ||

Parittameko sa~njaanaati,||
mahaggatameko sa~njaanaati,||
appamaa.nameko sa~njaanaati||
'N'atthi ki~ncii' ti||
aaki~nca~n~naayatanameko sa~njaanaati,||
imaa kho bhikkhave catasso sa~n~naa.|| ||

Etad agga.m bhikkhave imaasa.m catunna.m sa~n~naana.m yad ida.m||
'n'atthi ki~ncii' ti||
aaki~nca~n~naayatanameko sa~njaanaati.|| ||

Eva.m sa~n~nino pi kho bhikkhave santi sattaa.|| ||

Eva.m sa~n~niinam pi kho bhikkhave sattaana.m attheva a~n~nathatta.m,||
atthi vipari.naamo eva.m passa.m bhikkhave Sutavaa,||
ariyasaavako tasmimpi nibbindati.|| ||

Tasmi.m nibbindanto agge virajjati,||
pageva hiinasmi.m.|| ||

9. Etad agga.m bhikkhave baahirakaana.m di.t.thigataana.m yad ida.m no c'assa.m,||
no ca me siyaa,||
na bhavissaami,||
na me bhavissantii ti.|| ||

Eva.m di.t.thino bhikkhave eta.m paa.tika'nkha.m:||
yaa caaya.m bhave appa.tikulyataa,||
saa c'assa [64] na bhavissati,||
yaa caaya.m bhavanirodhe paa.tikulyataa,||
saa c'assa na bhavissatii ti.|| ||

Eva.m di.t.thino pi kho bhikkhave santi sattaa.|| ||

Eva.m di.t.thinam pi kho bhikkhave sattaana.m attheva a~n~nathatta.m,||
atthi vipari.naamo.|| ||

Eva.m passa.m bhikkhave Sutavaa ariyasaavako tasmimpi nibbindati.|| ||

Tasmi.m nibbindanto agge virajjati,||
pageva hiinasmi.m.|| ||

10. Santi, bhikkhave, eke sama.na-braahma.naa paramatthavisuddhi.m pa~n~naapenti.|| ||

Etad agga.m bhikkhave paramatthavisuddhi.m pa~n~naapentaana.m yad ida.m sabbaso aaki~nca~n~naayatana.m samatikkamma n'eva-sa~n~naa-naasa~n~naayatana.m upasampajja viharati.|| ||

Te tadabhi~n~naaya tassa sacchikiriyaaya dhamma.m desenti.|| ||

Eva.m vaadinopi kho bhikkhave santi sattaa.|| ||

Eva.m vaadiinampi kho bhikkhave sattaana.m attheva a~n~nathatta.m,||
atthi vipari.naamo.|| ||

Eva.m passa.m bhikkhave Sutavaa ariyasaavako tasmimpi nibbindati,||
tasmi.m nibbindanto agge virajjati.|| ||

Pageva hiinasmi.m.|| ||

11. Santi, bhikkhave, eke sama.na-braahma.naa paramadi.t.thadhammanibbaanaavaadaa.|| ||

Te paramadi.t.thadhamma.m nibbaana.m pa~n~naapenti.|| ||

Etad agga.m bhikkhave paramadi.t.thadhamma nibbaana.m pa~n~naapentaana.m yad ida.m channa.m phassaayatanaana.m samudaya~n ca atthagama~n ca assaada~n ca aadiinava~n ca nissara.na~n ca yathaabhuuta.m viditvaa anupaadaa vimokkho.|| ||

Eva.m vaadi.m kho ma.m bhikkhave evamakkhaayi.m.|| ||

Eke sama.na-braahma.naa asataa tucchaa musaa abhutena abbhaavikkhanti:||
na Sama.no Gotamo kaamaana.m pari~n~na.m pa~n~naapeti.|| ||

Na ruupaana.m pari~n~na.m pa~n~naapeti,||
na vedanaana.m pari~n~na.m pa~n~naapetii ti.|| ||

[65] Kaamaana.m kho aha.m bhikkhave pari~n~na.m pa~n~naapemi,||
ruupaana~nca pari~n~na.m pa~n~naapemi,||
vedanaana~nca pari~n~na.m pa~n~naapemi di.t.the va dhamme nicchaato nibbuto siitibhuuto anupaadaa parinibbaana.m pa~n~naapemii ti.|| ||

 


Contact:
E-mail
Copyright Statement