Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

A'nguttara Nikaaya
X. Dasaka-Nipaata
VI. Sacitta Vagga

Sutta 51

Sacitta Sutta.m

Adapted from the 1995 edition of the digital version of the
Sri Lanka Buddha Jayanti Tripitaka Series
and proofed against, and mostly resolved to
the Pali Text Society A'nguttara-Nikaaya
edited by Prof. E. Hardy, PhD., D.D.

 


[92]

[1][pts][than][bodh] Eva.m me suta.m:|| ||

Eka.m samaya.m Bhagavaa Saavatthiya.m viharati Jetavane Anaathapi.n.dikassaaaraame.|| ||

Tatra kho Bhagavaa bhikkhu aamantesi bhikkhavoti.|| ||

Bhadanteti te bhikkhu Bhagavato paccassosu.m.|| ||

Bhagavaa etad avoca.|| ||

No ce kho bhikkhave bhikkhu paracittapariyaaya kusalo hoti,||
atha 'sacittapariyaaya kusalo bhavissaa mii'ti eva.m hi vo bhikkhave sikkhitabba.m.|| ||

Katha~n ca bhikkhave bhikkhu sacittapariyaaya kusalo hoti:|| ||

Seyyathaa pi bhikkhave itthii vaa puriso vaa daharo yuvaa ma.n.danakajaatiko aadaase vaa parisuddhe pariyodaate acche vaa udapatte saka.m mukhanimitta.m paccavekkhamaano sace tattha passati raja.m vaa a'nga.na.m vaa,||
tass'eva rajassa vaa a'nga.nassa vaa,||
pahaanaaya vaayamati.|| ||

No ce tattha passati raja.m vaa a'nga.na.m vaa ten'evattamano hoti paripu.n.nasa'nkappo||
'laabhaa vata me paripu.n.na.m vata me' ti.|| ||

Evam eva kho bhikkhave bhikkhuno paccavekkha.naa bahuukaaraa hoti kusalesu dhammesu.|| ||

Abhijjhaaluu [93] nu kho bahula.m viharaami,||
anabhijjhaaluu nu kho bahula.m viharaami;||

vyaapannacitto nu kho bahula.m viharaami,||
avyaapannacitto nu kho bahula.m viharaami;||

thiinamiddha-pariyu.t.thito nu kho bahula.m viharaami,||
vigata-thiinamiddho nu kho bahula.m viharaami;||

uddhatonu kho bahula.m viharaami,||
anuddhato nu kho bahula.m viharaami;||

vicikiccho nu kho bahula.m viharaami,||
ti.n.na-vicikiccho nu kho bahula.m viharaami;||

kodhano nu kho bahula.m viharaami,||
akkodhano nu kho bahula.m viharaami;||

sa'nkili.t.tha-citto nu kho bahula.m viharaami,||
asa'nkili.t.tha-citto nu kho bahula.m viharaami;||

saaraddhakaayo nu kho bahula.m viharaami,||
asaaraddhakaayo nu kho bahula.m viharaami;||

kusiito nu kho bahula.m viharaami,||
aaraddhaviriyo nu kho bahula.m viharaami;||

asamaahito nu kho bahula.m viharaami,||
samaahito nu kho bahula.m viharaamii ti.|| ||

Sace bhikkhave bhikkhu paccavekkhamaano eva.m jaanaati:|| ||

'Abhijjhaaluu bahula.m viharaami,||
byaapannacitto bahula.m viharaami,||
thiinamiddhapariyu.t.thito bahula.m viharaami,||
uddhato bahula.m viharaami,||
vicikiccho bahula.m viharaami,||
kodhano bahula.m viharaami,||
sa.mkili.t.thacitto bahula.m viharaami,||
saaraddhakaayo bahula.m viharaami,||
kusiito bahula.m viharaami,||
asamaahito bahula.m viharaamii' ti.|| ||

Tena bhikkhave bhikkhunaa tesa.m yeva paapakaana.m akusalaana.m dhammaana.m pahaanaaya adhimatto chando ca vaayaamo ca ussaaho ca usso'ahii ca appa.tiivaanii ca sati ca sampaja~n~nca kara.niiya.m.|| ||

Seyyathaa pi, bhikkhave, aadittacelo vaa aadittasiiso vaa tass'eva celassa vaa siisassa vaa nibbaapanaaya adhimatta.m chanda~n ca vaayaama~n ca ussaaha~n ca usso'ahi~n ca appa.tivaani~n ca sati~n ca sampaja~n~n ca kareyya.|| ||

Evam eva kho tena bhikkhunaa tesa.m yeva paapakaana.m akusalaana.m dhammaana.m pahaanaaya adhimatto chando ca vaayaamo ca ussaaho ca usso'ahi ca appa.tivaanii ca sati ca sampaja~n~nca kara.niiya.m.|| ||

[94] Sace pana bhikkhave bhikkhu paccavekkhamaano eva.m jaanaati:|| ||

'Anabhijjhaaluu bahula.m viharaami,||
avyaapannacitto bahula.m viharaami,||
vigatathiinamiddho bahula.m viharaami,||
anuddhato bahula.m viharaami,||
ti.n.navicikiccho bahula.m viharaami,||
akkodhano bahula.m viharaami,||
asa'nkili.t.tha-citto bahula.m viharaami,||
asaaraddhakaayo bahula.m viharaami,||
aaraddhaviriyo bahula.m viharaami,||
samaahito bahula.m viharaamii ti.|| ||

Tena bhikkhave bhikkhunaa tesuyeva kusalesu dhammesu pati.t.thaaya uttari.m aasavaana.m khayaaya yogo kara.niiyo ti.|| ||

 


Contact:
E-mail
Copyright Statement