Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

A'nguttara Nikaaya
X. Dasaka-Nipaata
VI. Sacitta Vagga

Sutta 54

Samatha Sutta.m

Adapted from the 1995 edition of the digital version of the
Sri Lanka Buddha Jayanti Tripitaka Series
and proofed against, and mostly resolved to
the Pali Text Society A'nguttara-Nikaaya
edited by Prof. E. Hardy, PhD., D.D.

 


[98]

[1][pts][than][bodh] Eva.m me suta.m:|| ||

Eka.m samaya.m Bhagavaa Saavatthiya.m viharati
Jetavane Anaathapi.n.dikassa aaraame.|| ||

Tatra kho Bhagavaa bhikkhuu aamantesi:|| ||

'Bhikkhavo' ti.|| ||

'Bhadante' ti te bhikkhuu Bhagavato paccassosu.m.|| ||

Bhagavaa etad avoca:|| ||

2. No ce bhikkhave bhikkhu paracitta-pariyaaya-kusalo hoti, atha||
"sacittapariyaayakusalo bhavissaamii" ti|| ||

Eva.m hi vo bhikkhave sikkhitabba.m.|| ||

3. Katha~n ca bhikkhave bhikkhu sacittapariyaaya kusalo hoti?|| ||

Seyyathaa pi bhikkhave itthii vaa puriso vaa daharo yuvaa ma.n.danakajaatiko aadaase vaa parisuddhe pariyodaate acche vaa udapatte saka.m mukhanimitta.m paccavekkhamaano sace tattha passati raja.m vaa a'nga.na.m vaa,||
tass'eva rajassa vaa a'nga.nassa vaa,||
pahaanaaya vaayamati.|| ||

No ce tattha passati raja.m vaa a'nga.na.m vaa ten'evattamano [99] hoti paripu.n.nasa'nkappo||
'laabhaa vata me paripu.n.na.m vata me' ti.|| ||

Evam eva kho bhikkhave bhikkhuno paccavekkha.naa bahukaaraa hoti kusalesu dhammesu.|| ||

"Laabhii nu kho'mhi ajjhatta.m cetosamathassa,||
na nu kho'mhi laabhii ajjhatta.m cetosamathassa,||
laabhii nu kho'mhi adhipa~n~naa-dhamma-vipassanaaya||
na nu kho'mhi laabhii adhipa~n~naa-dhamma-vipassanaayaa" ti.|| ||

4. Sace bhikkhave bhikkhu paccavekkhamaano eva.m jaanaati:|| ||

"Laabhiimhi ajjhatta.m cetosamathassa,||
na laabhii adhipa~n~naa-dhamma-vipassanaayaa" ti,|| ||

tena bhikkhave bhikkhunaa ajjhatta.m cetosamathe pati.t.thaaya adhipa~n~naa-dhamma-vipassanaaya yogo kara.niiyo.|| ||

So aparena samayena laabhi c'eva hoti ajjhatta.m cetosamathassa laabhii ca adhipa~n~naa-dhamma-vipassanaaya.|| ||

5. Sace pana bhikkhave bhikkhu paccavekkhamaano eva.m jaanaati:|| ||

"Laabhii'mhi adhipa~n~naa-dhamma-vipassanaaya na laabhii ajjhatta.m cetosamatassaa" ti,|| ||

tena bhikkhave bhikkhunaa adhipa~n~naa-dhamma-vipassanaaya pati.t.thaaya ajjhatta.m cetosamathe yogo kara.niiyo.|| ||

So aparena samayena laabhii c'eva hoti adhipa~n~naa-dhamma-vipassanaaya laabhii ca ajjhatta.m cetosamathassa.|| ||

6. Sace pana bhikkhave bhikkhu paccavekkhamaano eva.m jaanaati:|| ||

"Na laabhii ajjhatta.m cetosamathassa,||
na laabhii adhipa~n~naa-dhamma-vipassanaayaa" ti,|| ||

tena bhikkhave bhikkhunaa tesa.m yeva kusalaana.m dhammaana.m pa.tilaabhaaya adhimatto||
chando ca||
vaayaamo ca||
ussaaho ca||
usso.lahi ca||
appa.tivaani ca||
sati ca||
sampaja~n~n~n ca kara.niiya.m.|| ||

Seyyathaa pi, bhikkhave, aadittacelo vaa aadittasiiso vaa tasse va celassa vaa siisassa vaa nibbaapanaaya adhimatta.m||
chanda~n ca||
vaayaama~n ca||
ussaaha~n ca||
usso'ahi~n ca||
appa.tivaani~n ca||
sati~n ca||
sampaja~n~n~n ca kareyya|| ||

Evam eva kho, bhikkhave, tena bhikkhunaa tesa.m yeva kusalaana.m dhammaana.m,||
pa.tilaabhaaya adhimatto||
chando ca [100]||
vaayaamo ca||
ussaaho ca||
usso.lahi ca||
appa.tivaani ca||
sati ca||
sampaja~n~na~n ca kara.niiya.m.|| ||

So aparena samayena laabhiic'eva hoti ajjhatta.m cetosamathassa laabhii ca adhipa~n~naa-dhamma-vipassanaaya.|| ||

7. Sace pana bhikkhave bhikkhu paccavekkhamaano eva.m jaanaati:|| ||

"Laabhi'mhi ajjhatta.m cetosamathassa, laabhii adhipa~n~naa-dhamma-vipassanaayaa" ti,|| ||

tena bhikkhave bhikkhunaa tesu yeva kusalesu dhammesu pati.t.thaaya uttari.m aasavaana.m khayaaya yogo kara.niiyo.|| ||

 


 

8. Ciivarampaha.m bhikkhave, duvidhena vadaami,||
sevitabbam pi asevitabbam pi.|| ||

Pi.n.dapaatampaha.m bhikkhave duvidhena vadaami,||
sevitabbam pi asevitabbam pi.|| ||

Senaasanampaha.m bhikkhave duvidhena vadaami,||
sevitabbam pi asevitabbam pi.|| ||

Gaamanigamampaha.m bhikkhave duvidhena vadaami,||
sevitabbam pi asevitabbam pi.|| ||

Janapadapadesampaha.m bhikkhave duvidhenana vadaami,||
sevitabbam pi asevitabbam pi.|| ||

Puggalampaha.m bhikkhave duvidhena vadaami,||
sevitabbam pi asevitabbam pi.|| ||

9. "Ciivarampaha.m bhikkhave duvidhena vadaami,||
sevitabbam pi asevitabbam pi" ti.|| ||

Iti kho pan'eta.m vutta.m,||
ki~n c'eta.m pa.ticca vutta.m?|| ||

Tattha ya.m ja~n~naa ciivara.m:|| ||

"Ida.m kho me ciivara.m seveto||
akusalaa dhammaa abhiva.d.dhanti,||
kusalaa dhammaa parihaayantii" ti,||
evaruupa.m ciivara.m na sevitabba.m.|| ||

Tattha ya.m ja~n~naa ciivara.m:|| ||

"Ida.m kho me ciivara.m sevato||
akusalaa dhammaa parihaayanti||
kusalaa dhammaa abhiva.d.dhan' ti,||
eva ruupa.m ciivara sevitabba.m.|| ||

Ciivaram p'aha.m bhikkhave duvidhena vadaami,||
sevitabbam pi asevitabbam pi,
iti ya.m ta.m vutta.m idame ta.m pa.ticca vutta.m.|| ||

10. "Pi.n.dapaatampaha.m bhikkhave duvidhena vadaami,||
sevitabbam pi asevitabbam pi" ti.|| ||

Iti kho pan'eta.m vutta.m,||
ki~n c'eta.m pa.ticca vutta.m?|| ||

Tattha ya.m ja~n~naa pi.n.dapaata.m:|| ||

"Ima.m kho me pi.n.dapaata.m seveto||
akusalaa dhammaa abhiva.d.dhanti||
kusalaa [101] dhammaa parihaayanti" ti,||
evaruupo pi.n.dapaato na sevitabbo.|| ||

Tattha ya.m ja~n~naa pi.n.dapaata.m:|| ||

"Ima.m kho me pi.n.dapaata.m sevato||
akusalaa dhammaa parihaayanti||
kusalaa dhammaa abhiva.d.dhantii" ti,||
evaruupo pi.n.dapaato sevitabbo.|| ||

Pi.n.dapaatampaha.m bhikkhave duvidhena vadaami,||
sevitabbam pi asevitabbam pi ti||
iti ya.m ta.m vutta.m idame ta.m pa.ticca vutta.m.|| ||

11. "Senaasanampaha.m bhikkhave duvidhena vadaami,||
sevitabbam pi asevitabbam pi" ti.|| ||

Iti kho pan'eta.m vutta.m,||
ki~n c'eta.m pa.ticca vutta.m?|| ||

Tattha ya.m ja~n~naa senaasana.m:|| ||

"Ida.m kho me senaasana.m sevato||
akusalaa dhammaa abhiva.d.dhanti,||
kusalaa dhammaa parihaayantii" ti,||
evaruupa.m senaasana.m na sevitabba.m.|| ||

Tattha ya.m ja~n~naa senaasana.m:|| ||

"Ida.m kho me senaasana.m sevato||
akusalaa dhammaa parihaayanti||
kusalaa dhammaa abhiva.d.dhantii" ti,||
evaruupa.m senaasana.m sevitabba.m.|| ||

Senaasanampaha.m bhikkhave duvidhena vadaami, sevitabbam pi asevitabbam pii ti||
iti ya.m vutta.m idame ta.m pa.ticca vutta.m.|| ||

12. "Gaamanigamampaha.m bhikkhave duvidhena vadaami,||
sevitabbam pi asevitabbam pi" ti.|| ||

Iti kho pan'eta.m vutta.m,||
ki~n c'eta.m pa.ticca vutta.m?|| ||

Tattha ya.m ja~n~naa gaamanigama.m:|| ||

"Ida.m kho me gaamanigama.m sevato||
akusalaa dhammaa abhiva.d.dhanti||
kusalaa dhammaa parihaayanti" ti,||
evaruupo gaamanigamo na sevitabbo.|| ||

Tattha ya.m ja~n~naa gaamanigama.m:|| ||

"Ima.m kho me gaamanigama.m sevato||
akusalaa dhammaa parihaayanti,||
kusalaa dhammaa abhiva.d.dhantii" ti,||
evaruupo gaamanigamo sevitabbo.|| ||

Gaamanigamampaaha.m bhikkhave duvidhena vadaami, sevitabbampi asevitabbampii ti||
iti ya.m ta.m vutta.m idame ta.m pa.ticca vutta.m.|| ||

13. "Janapadapadesampaha.m bhikkhave duvidhena vadaami,||
sevitabbam pi asevitabbam pi" ti.|| ||

Iti kho pan'eta.m vutta.m,||
ki~n c'eta.m pa.ticca vutta.m?|| ||

Tattha ya.m ja~n~naa janapada padesa.m:|| ||

"Ima.m kho me janapadapadesa.m sevato||
akusalaa dhammaa abhiva.d.dhanti,||
[102] kusalaa dhammaa parihaayantii" ti,||
evaruupo janapada padeso na sevitabbo.|| ||

Tattha ya.m ja~n~naa janapadapadesa.m:|| ||

"Ima.m kho me janapadapadesa.m sevato||
akusalaa dhammaa parihaayanti||
kusalaa dhammaa abhiva.d.dhantii" ti,||
evaruupo janapadapadeso sevitabbo.|| ||

Janapadapadesampaha.m bhikkhave duvidhena vadaami,||
sevitabbam pi asevitabbampii ti||
iti ya.m ta.m vutta.m idame ta.m pa.ticca vutta.m.|| ||

14. "Puggalampaha.m bhikkhave duvidhena vadaami,||
sevitabbam pi asevitabbam pi" ti.|| ||

Iti kho pan'eta.m vutta.m,||
ki~n c'eta.m pa.ticca vutta.m?|| ||

Tattha ya.m ja~n~naa puggala.m:|| ||

"Ima.m kho me puggala.m sevato||
akusalaa dhammaa abhiva.d.dhanti||
kusalaa dhammaa parihaayantii" ti,||
evaruupo puggalo na sevitabbo.|| ||

Tattha ya.m ja~n~naa puggala.m:|| ||

"Ima.m kho me puggala.m sevato||
akusalaa dhammaa parihaayanti||
kusalaa dhammaa abhiva.d.dhantii" ti,||
evaruupo puggalo sevitabbo.|| ||

Puggalampaha.m bhikkhave duvidhena vadaami,||
sevitabbam pi asevitabbam pii ti||
iti ya.m ta.m vutta.m idame ta.m pa.ticca vuttanti.|| ||

 


Contact:
E-mail
Copyright Statement