Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

A'nguttara Nikaaya
X. Dasaka-Nipaata
VI. Sacitta Vagga

Sutta 58

Muulaka Sutta.m

Adapted from the 1995 edition of the digital version of the
Sri Lanka Buddha Jayanti Tripitaka Series
and proofed against, and mostly resolved to
the Pali Text Society A'nguttara-Nikaaya
edited by Prof. E. Hardy, PhD., D.D.

 


[106]

[1][pts][ati][bd][bodh] Eva.m me suta.m:|| ||

Eka.m samaya.m Bhagavaa Saavatthiya.m viharati.|| ||

Tatra kho Bhagavaa bhikkhuu aamantesi:|| ||

'Bhikkhavo' ti.|| ||

'Bhadante' ti te bhikkhuu Bhagavato paccassosu.m.|| ||

Bhagavaa etad avoca:|| ||

Sace bhikkhave a~n~natitthiyaa paribbaajakaa eva.m puccheyyu.m:

'Ki.mmuulaka aaavuso sabbe dhammaa,
ki.msambhavaa sabbe dhammaa,
ki.msamudayaa sabbe dhammaa,
ki.msamosara.naa sabbe dhammaa,
ki.mpamukhaa sabbe dhammaa,
ki.m-aadhipateyyaa sabbe dhammaa,
ki.m-uttaraa sabbe dhammaa,
ki.msaaraa sabbe dhammaa,
ki.m-ogadhaa sabbe dhammaa,
ki.mpariyosaanaa sabbe dhammaa' ti.

Eva.m pu.t.thaa tumhe bhikkhave tesa.m a~n~natitthiyaana.m paribbaajakaana.m kinti vyaakareyyaathaa ti?

'Bhagava.mmuulakaa no bhante dhammaa Bhagava.mnettikaa Bhagava.mpa.tisara.naa. Saadhu vata bhante Bhagavanta.m yeva pa.tibhaatu etassa bhaasitassa attho, Bhagavato sutvaa bhikkhuu dhaaressantii' ti.

Tena hi bhikkhave su.naatha saadhuka.m manasikarotha, bhaasissaamii ti.

'Eva.m bhante' ti kho te bhikkhuu Bhagavato paccassosu.m.

Bhagavaa etad avoca: -

2. Sace bhikkhave a~n~natitthiyaa paribbaajakaa eva.m puccheyyu.m:

'Ki.mmuulaka aaavuso sabbe dhammaa,
ki.msambhavaa sabbe dhammaa,
ki.msamudayaa sabbe dhammaa,
ki.msamosara.naa sabbe dhammaa,
ki.mpamukhaa sabbe dhammaa,
ki.m-aadhipateyyaa sabbe dhammaa,
ki.m-uttaraa sabbe dhammaa,
ki.msaaraa sabbe dhammaa,
ki.m-ogadhaa sabbe dhammaa,
ki.mpariyosaanaa sabbe dhammaa' ti.

'Chandamuulakaa aaavuso sabbe dhammaa,
manasikaarasambhavaa sabbe dhammaa,
phassasamudayaa sabbe dhammaa,
vedanaa samosara.naa sabbe dhammaa,
samaadhipaamukhaa sabbe dhammaa,
sataadhipateyyaa sabbe dhammaa,
pa~n~nuttaraa sabbe dhammaa,
vimuttisaaraa sabbe dhammaa,
amatogadhaa sabbe dhammaa,
nibbaanapariyosaaaa sabbe dhammaa' ti.

Eva.m pu.t.thaa tumhe bhikkhave tesa.m a~n~natitthiyaana.m paribbaajakaana.m eva.m vyaakareyyaathaa ti.

 


Contact:
E-mail
Copyright Statement