Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

A'nguttara Nikaaya
Ekaadasako Nipaato

Sutta 95

Adapted from the 1995 edition of the digital version of the Sri Lanka Buddha Jayanti Tripitaka Series.

Dukkhaanupassanaa Sutta.m

Ekaadasahi bhikkhave a'ngehi samannaagato gopaalako abhabbo goga.na.m Pariharitu.m phaatikatu.m, katamehi ekaadasahi: idha bhikkhave gopaalako na Ruupa~n~nu hoti, na lakkha.na kusalo hoti, na aasaa.tika.m saa.tetaa hoti, na Va.na.m pa.ticchaadetaa hoti, na dhuuma.m kattaa hoti, na tittha.m jaanaati, na piita.m Jaanaati, na viithi.m jaanaati, na gocarakusalo hoti, anavasesadohi ca Hoti, ye te usabhaa gopitaro goparinaayakaa te na atirekapuujaaya Puujetaa hoti, imehi kho bhikkhave ekaadasahi a'ngehi samannaagato Gopaalako abhabbo goga.na.m pariharitu.m phaatikatu.m.|| ||

Evam eva kho bhikkhave ekaadasahi dhammehi samannaagato bhikkhu abhabbo Rasesu dukkhaanupassii viharitu.m.|| ||

Katamehi ekaadasahi:

Idha, bhikkhave, bhikkhu na ruupa~n~nuu hoti. Na lakkha.nakusalo hoti, na aasaa.tika.m saa.tetaa hoti, na va.na.m pa.ticchaadetaa hoti, na dhuuma.m kattaa hoti, na tittha.m jaanaati, na piita.m jaanaati, na gocarakusalo hoti. Anavasesadohii ca hoti. Ye te bhikkhu theraa ratta~n~nuu cirapabbajitaa sa'nghapitaro sa'nghaparinaayakaa te na atireka puujaaya puujetaa hoti.|| ||

1. Katha~n ca bhikkhave bhikkhu na ruupa~n~nuu hoti: idha bhikkhave bhikkhu ya.m ki~nci ruupa.m sabba.m ta.m ruupa.m cattaari mahaabhuutaani catunna~nca mahaabhuutaana.m upaadaaya ruupanti yathaabhuuta.m nappajaanaati. Eva.m kho bhikkhave bhikkhuu na ruupa~n~nuu hoti.|| ||

2. Katha~n ca bhikkhave bhikkhu na lakkha.nakusalo hoti: idha bhikkhave bhikkhu, kamma lakkha.no baalo, kammalakkha.no pa.n.dito'ti yathaabhuuta.m nappajaanaati. Eva.m kho bhikkhave bhikkhu na lakkha.nakusalo hoti.|| ||

3. Katha~n ca bhikkhave bhikkhu na aasaa.tika.m saa.tetaa hoti: idha bhikkhave bhikkhu uppanna.m kaamavitakka.m adhivaaseti nappajahati na vinodeti na byantiikaroti na anabhaava.m gameti. Uppanna.m vyaapaadavitakka.m adhivaaseti nappajahati na vinodeti na byantiikaroti na anabhaava.m gameti. Uppanna.m vihi.msaavitakka.m adhivaaseti nappajahati na vinodeti na byantiikaroti, na anabhaava.m gameti. Uppannuuppanne paapake akusale dhamme adhivaaseti nappajahati na vinodeti na byantiikaroti na anabhaava.m gameti. Eva.m kho bhikkhave bhikkhu na aasaa.tika.m saa.tetaa hoti.|| ||

4. Katha~n ca bhikkhave bhikkhu na va.na.m pa.ticchaadetaa hoti: idha bhikkhave bhikkhu cakkhunaa ruupa.m disvaa nimittaggaahii hoti anubya~njanaggaahii, 'yatvaadhikara.name ta.m cakkhundriya.m asa.mvuta.m viharanta.m abhijjhaa domanassaa paapakaa akusalaa dhammaa anvaassaveyyu.m, tassa sa.mvaraaya na pa.tipajjati, na rakkhati cakkhundriya.m, cakkhundriye na sa.mvara.m aapajjati.|| ||

Sotena sadda.m sutvaa nimittaggaahii hoti anubya~njanaggaahii, 'yatvaadhikara.name ta.m sotindriya.m asa.mvuta.m viharanta.m abhijjhaa domanassaa paapanaa akusalaa dhammaa anvaassaveyyu.m, tassa sa.mvaraaya na pa.tipajjati, na rakkhati sotindriya.m, sotindriye na sa.mvara.m aapajjati.|| ||

Ghaanena gandha.m ghaayitvaa nimittaggaahii hoti anubya~njanaggaahii, 'yatvaadhikara.name ta.m ghaanindriya.m asa.mvuta.m viharanta.m abhijjhaa domanassaa paapanaa akusalaa dhammaa anvaassaveyyu.m, tassa sa.mvaraaya na pa.tipajjati, na rakkhati ghaanindriya.m, ghaanindriye na sa.mvara.m aapajjati.|| ||

Jivhaaya rasa.m saayitvaa nimittaggaahii hoti anubya~njanaggaahii, 'yatvaadhikara.name ta.m1 jivhindriya.m asa.mvuta.m viharanta.m abhijjha domanassaa paapanaa akusalaa dhammaa anvaassaveyyu.m, tassa sa.mvaraaya na pa.tipajjati, na rakkhati jivhindriya.m, jivhindriye sa.mvara.m aapajjati.|| ||

Kaayena pho.t.thabba.m phusitvaa nimittaggaahii hoti anubya~njanaggaahii, 'yatvaadhikara.name ta.m1 kaayendriya.m asa.mvuta.m viharanta.m abhijjhaa domanassaa paapanaa akusalaa dhammaa anvaassaveyyu.m, tassa sa.mvaraaya na pa.tipajjati, na rakkhati kaayindriya.m, kaayindriye na sa.mvara.m aapajjati.|| ||

Manasaadhamma.m vi~n~naaya nimittaggaahii hoti anubya~njanaggaahii, yatvaadhikara.name ta.m manindriya.m asa.mvuta.m viharanta.m abhijjhaa domanassaa paapakaa akusalaadhammaa anvaassaveyyu.m, tassa sa.mvaraaya na pa.tipajjati, na rakkhati, manindriya.m manindriye sa.mvara.m naapajjati. Eva.m bhikkhave bhikkhu na va.na.m pa.ticchaadetaa hoti.|| ||

5. Katha~n ca bhikkhave bhikkhu na dhuuma.m kattaa hoti: idha bhikkhave bhikkhu na yathaasuta.m yathaapariyan ta.m dhamma.m vitthaarena paresa.m desetaa hoti. Eva.m kho bhikkhave bhikkhu na dhuuma.m kattaa hoti.|| ||

6. Katha~n ca bhikkhave bhikkhu na tittha.m jaanaati: idha bhikkhave bhikkhu ye te bhikkhuu bahussutaa aagataagamaa dhammadharaa vinayadharaa maatikaadharaa, te kaalena kaala.m upasa.mkamitvaa na paripucjati, na paripa~nhati, 'ida.m bhante katha.m, imassa ko atthoti? Tassa te aayasmanto aviva.ta~n c'eva na vivaranti, anuttaaniikata~n ca na uttaanii.m karonti. Anekavivihitetasu ca ka'nkha.t.thaaniiyesu dhammesu ka'nkha.m na pa.tivinodenti. Eva.m kho bhikkhave bhikkhu na tittha.m jaanaati.|| ||

7. Katha~n ca bhikkhave bhikkhu na piita.m jaanaati: idha bhikkhave bhikkhu Tathaagatappavedite dhamma-vinaye desiyamaane na labhati atthaveda.m, na labhati dhammaveda.m, na labhati dhammuupasa.mhita.m paamujja.m. Eva.m kho bhikkhave bhikkhu na piita.m jaanaati.|| ||

8. Katha~n ca bhikkhave bhikkhu na viithi.m jaanaati: idha bhikkhave bhikkhu ariya.m a.t.tha'ngika.m magga.m yathaabhuuta.m nappajaanaati. Eva.m kho bhikkhave bhikkhu na viithi.m jaanaati.|| ||

9. Katha~n ca bhikkhave bhikkhu na gocarakusalo hoti: idha bhikkhave bhikkhu cattaaro satipa.t.thaane yathaabhuuta.m nappajaanaati. Eva.m kho bhikkhave bhikkhu na gocarakusalo hoti.|| ||

10. Katha~n ca bhikkhave bhikkhu anavasesadohii hoti: idha bhikkhave Bhikkhu.m saddhaa gahapatikaa abhiha.t.thu.m pavaarenti Ciivarapi.n.dapaatasenaasanagilaanapaccayabhesajjaparikkhaarena. Tatra bhikkhu matta.m na Jaanaati pa.tiggahanaaya, eva.m kho bhikkhave bhikkhu anavasesadohii hoti.|| ||

11. Katha~n ca bhikkhave bhikkhu ye te bhikkhu theraa ratta~n~nuu cirapabbajitaa sa'ngha pitaro sa'nghaparinaayakaa, te na atireka puujaaya puujetaa hoti. Idha, bhikkhave, bhikkhu ye te bhikkhu theraa ratta~n~nuu cirapabbajitaa sa'nghapitaro sa'nghaparinaayakaa, tesu na metta.m kaayakamma.m paccupa.t.thaapeti aavii c'eva raho ca. Na metta.m vaciikamma.m paccupa.t.thaapeti aavii c'eva raho ca. Na metta.m manokamma.m pacacupa.t.thaapeti aaviic'eva raho ca. Eva.m kho bhikkhave bhikkhu ye te bhikkhuu theraa ratta~n~nuu cirapabbajitaa sa'nghapitaro sa'nghaparinaayakaa, te na atireka puujaaya puujetaa hoti. Imehi kho bhikkhave ekaadasahi dhammehi samannaagato bhikkhu abhabbo rasesu dukkhaanupassii viharitu.m.|| ||

 


Contact:
E-mail
Copyright Statement