Digha Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Diigha Nikaaya

Sutta 3

Amba.t.tha Suttanta.m

Adapted from the digital version of the Sri Lanka Buddha Jayanti Tripitaka Series

 


 

[1][pts] Eva.m me suta.m eka.m samaya.m Bhagavaa Kosalesu caarika.m caramaano mahataa bhikkhu-sa'nghena saddhi.m pa~nca-mattehi bhikkhu-satehi yena Icchaana'ngala.m naama kosalaana.m braahma.nagaamo tadavasari.|| ||

Tatra suda.m Bhagavaa Icchaana'ngale viharati Icchaana'ngalavanasa.n.de.|| ||

2. Tena kho pana samayena braahma.no pokkharasaatii Ukka.t.tha.m ajjhaavasati sattussada.m sati.naka.t.thodaka.m sadha~n~na.m raajabhogga.m ra~n~naa pasenadinaa kosalena dinna.m raajadaaya.m brahmadeyya.m.|| ||

Assosi kho braahma.no pokkharasaati:|| ||

"Sama.no khalu bho Gotamo Sakyaputto Sakyakulaa pabbajito Kosalesu caarika.m caramaano mahataa bhikkhu-sa'nghena saddhi.m pa~nca-mattehi bhikkhu-satehi Icchaana'ngala.m anuppatto Icchaana'ngale viharati Icchaana'ngalavanasa.n.de.|| ||

Ta.m kho pana Bhagavanta.m Gotama.m eva.m kalyaa.no kittisaddo abbhuggato: "Iti pi so Bhagavaa araha.m Sammaa-sambuddho vijjaa-cara.na-sampanno sugato loka-viduu anuttaro purisa-damma-saarathii6 satthaa deva-manussaana.m buddho Bhagavaa.|| ||

So ima.m loka.m sadevaka.m samaaraka.m sabrahmaka.m sassama.na-braahma.ni.m paja.m sadeva-manussa.m saya.m abhi~n~naa sacchikatvaa pavedeti.|| ||

So dhamma.m deseti aadi kalyaa.na.m majjhe kalyaa.na.m pariyosaana-kalyaa.na.m saattha.m savya~njana.m8 kevalaparipu.n.na.m parisuddha.m [88] brahmacariya.m pakaaseti.|| ||

Saadhu kho pana tathaaruupaana.m arahata.m dassana.m hotii" ti.|| ||

3. Tena kho pana samayena braahma.nassa pokkharasaatissa amba.t.tho naama maa.navo9 antevaasii hoti ajjhaayako mantadharo ti.n.na.m vedaana.m paaraguu sanigha.n.duke.tubhaana.m saakkharappabhedaana.m itihaasapa~ncamaana.m padako veyyaakara.no lokaayatamahaapurisalakkha.nesu anavayo anu~n~naatapa.ti~n~naato sake aacariyake tevijjake paavacane yamaha.m jaanaami ta.m tva.m jaanaasi,||
ya.m tva.m jaanaasi tamaha.m jaanaamiiti.|| ||

4. Atha kho braahma.no pokkharasaati amba.t.tha.m maa.nava.m aamantesi: "aya.m taata amba.t.tha Sama.no Gotamo Sakyaputto Sakyakulaa pabbajito Kosalesu caarika.m caramaano mahataa bhikkhu-sa'nghena saddhi.m pa~nca-mattehi bhikkhu-satehi Icchaana'ngala.m anuppatto Icchaana'ngale viharati Icchaana'ngalavanasa.n.de.|| ||

Ta.m kho pana bhavanta.m Gotama.m eva.m kalyaa.no kittisaddo abbhuggato: "Iti pi so Bhagavaa araha.m Sammaa-sambuddho vijjaa-cara.na-sampanno sugato loka-viduu anuttaro purisa-damma-saarathii satthaa deva-manussaana.m buddho Bhagavaa.|| ||

So ima.m loka.m sadevaka.m samaaraka.m sabrahmaka.m sassama.na-braahma.ni.m paja.m sadeva-manussa.m saya.m abhi~n~naa sacchikatvaa pavedeti.|| ||

So dhamma.m deseti aadi kalyaa.na.m majjhe kalyaa.na.m pariyosaana-kalyaa.na.m saattha.m savya~njana.m kevalaparipu.n.na.m parisuddha.m brahmacariya.m pakaaseti.|| ||

Saadhu kho pana tathaaruupaana.m arahata.m dassana.m hotii" ti.|| ||

Ehi tva.m taata amba.t.tha yena Sama.no Gotamo ten'upasa'nkama.|| ||

Upasa'nkamitvaa sama.na.m Gotama.m jaanaahi yadi vaa ta.m bhavanta.m Gotama.m tathaasanta.myeva saddo abbhuggato,||
yadi vaa no tathaa,||
yadi vaa so bhava.m Gotamo taadiso,||
yadivaa na taadiso,||
tathaa maya.m ta.m bhavanta.m Gotama.m vedissaamaati.|| ||

5. "Yathaa katha.m panaaha.m bho ta.m bhavanta.m Gotama.m jaanissaami yadi vaa ta.m bhavanta.m Gotama.m tathaasanta.myeva saddo abbhuggato,||
yadi vaa no tathaa,||
yadi vaa so bhava.m Gotamo taadiso yadi vaa na taadiso" ti.|| ||

6. "Aagataani kho taata amba.t.tha amhaaka.m mantesu dvatti.msamahaapurisalakkha.naani yehi samannaagatassa mahaapurisassa dveva gatiyo bhavanti ana~n~naa: sace agaara.m ajjhaavasati raajaa hoti cakkavatti dhammiko dhammaraajaa caaturanto vijitaavii janapadatthaavariyappatto sattaratanasamannaagato.|| ||

[89] tassimaani sattaratanaani bhavanti.|| ||

Seyyathiida.m: cakkaratana.m hatthiratana.m assaratana.m ma.niratana.m itthiratana.m gahapatiratana.m parinaayakaratanameva sattama.m.|| ||

Parosahassa.m kho panassa puttaa bhavanti suuraa viira'ngaruupaa parasenappamaddanaa.|| ||

So ima.m pa.thavi.m saagarapariyan ta.m ada.n.dena asatthena dhammena abhivijiya ajjhaavasati.|| ||

Sace kho pana agaarasmaa anagaariya.m pabbajati araha.m hoti Sammaa-sambuddho loke vivattacchado.|| ||

Aha.m kho pana taata amba.t.tha mantaana.m daataa tva.m mantaana.m pa.tiggahetaa" ti.|| ||

"Eva.m bho'ti kho amba.t.tho maa.navo braahma.nassa pokkharasaatissa pa.tissutvaa u.t.thaay aasanaa braahma.na.m pokkharasaati.m abhivaadetvaa padakkhi.na.m katvaa va'avaarathamaaruyha sambahulehi maa.navehi1 saddhi.m yena Icchaana'ngalavanasa.n.do tena paayaasi.|| ||

Yaavatikaa yaanassa bhuumi yaanena gantvaa yaanaa paccorohitvaa pattiko'va aaraama.m paavisi.|| ||

7. Tena kho pana samayena sambahulaa bhikkhuu abbhokaase ca'nkamanti.|| ||

Atha kho amba.t.tho maa.navo yena te bhikkhuu ten'upasa'nkami.|| ||

Upasa'nkamitvaa te bhikkhuu etad avoca: "kahannu kho bho etarahi so bhava.m Gotamo viharati?|| ||

Ta.m hi maya.m bhavanta.m Gotama.m dassanaaya idhuupasa'nkantaa" ti.|| ||

8. Atha kho tesa.m bhikkhuuna.m etad ahosi: "aya.m kho amba.t.tho maa.navo abhi~n~naatakola~n~no c'eva abhi~n~naatassa ca braahma.nassa pokkharasaatissa antevaasii.|| ||

Agaru kho pana Bhagavato evaruupehi kulaputtehi saddhi.m kathaasallaapo hotii" ti.|| ||

Te amba.t.tha.m maa.nava.m etad avocu.m: "eso amba.t.tha vihaaro sa.mvutadvaaro.|| ||

Tena appasaddo upasa'nkamitvaa ataramaano aalinda.m pavisitvaa ukkaasitvaa agga'a.m aako.tehi.|| ||

Vivarissati te Bhagavaa dvaaranti."|| ||

9. Atha kho amba.t.tho maa.navo yena so vihaaro sa.mvutadvaaro tena appasaddo upasa'nkamitvaa ataramaano aalinda.m pavisitvaa ukkaasitvaa agga'a.m aako.tesi.|| ||

Vivari Bhagavaa dvaara.m.|| ||

Paavisi amba.t.tho maa.navo.|| ||

Maa.navakaa'pi pavisitvaa Bhagavataa saddhi.m sammodi.msu.|| ||

Sammodaniiya.m katha.m saaraa.niiya.m viitisaaretvaa eka-m-anta.m nisiidi.msu.|| ||

Amba.t.tho pana maa.navo ca'nkamanto pi nisinnena Bhagavataa [90] ka~nci ka~nci katha.m saaraa.niiya.m viitisaareti.|| ||

.Thito pi nisinnena Bhagavataa ka~nci ka~nci katha.m saaraa.niiya.m viitisaareti.|| ||

10. Atha kho Bhagavaa amba.t.tha.m maa.nava.m etad avoca: evannu kho te amba.t.tha braahma.nehi vuddhehi mahallakehi aacariyapaacariyehi saddhi.m kathaasallaapo hoti yathayida.m cara.m ti.t.tha.m nisinnena mayaa ka~nci ka~nci katha.m saaraa.niiya.m viitisaaresii?" ti.|| ||

"Noh'ida.m bho Gotama.|| ||

Gacchanto vaa hi bho Gotama gacchantena braahma.no braahma.nena saddhi.m sallapitumarahati.|| ||

.Thito vaa hi bho Gotama .thitena braahma.no braahma.nena saddhi.m sallapitumarahati.|| ||

Nisinno vaa hi bho Gotama nisinnena braahma.no buhma.nena saddhi.m sallapitumarahati.|| ||

Sayaano vaa hi bho Gotama sayaanena braahma.no braahma.nena saddhi.m sallapitumarahati.|| ||

Ye ca kho te bho Gotama mu.n.dakaa sama.nakaa ibbhaa ka.nhaa bandhupaadaapaccaa,||
tehipi me saddhi.m eva.m kathaasallaapo hoti yathariva bhotaa gotamenaa" ti.|| ||

11. "Atthikavato kho pana te amba.t.tha idhaagamana.m ahosi.|| ||

Yaayeva kho panatthaaya aagaccheyyaatho tameva attha.m saadhuka.m manasi kareyyaatho.|| ||

Avusitavaa yeva kho pana bho aya.m amba.t.tho maa.navo,||
vusitamaanii kima~n~natra avusitattaa" ti.|| ||

12. Atha kho amba.t.tho maa.navo Bhagavataa avusitavaadena vuccamaano kupito anattamano Bhagavanta.myeva khu.msento Bhagavanta.myeva vambhento Bhagavanta.myeva upavadamaano sama.no ca me bho Gotamo paapito bhavissatiiti Bhagavanta.m etad avoca: "ca.n.daa bho Gotama Sakyajaati,||
pharusaa bho Gotama Sakyajaati,||
lahusaa [91] bho Gotama Sakyajaati,||
rabhasaa bho Gotama Sakkaajaati.|| ||

Ibbhaa santaa ibbhaa samaanaa na braahma.ne sakkaronti na braahma.ne garukaronti na braahma.ne maanenti na braahma.ne puujenti na braahma.ne apacaayanti.|| ||

Ta-y-ida.m bho Gotama nacchanna.m tayida.m nappa.tiruupa.m yadime Sakkaa ibbhaa santaa ibbhaa samaanaa na braahma.ne sakkaronti na braahma.ne garu karonti na braahma.ne maanenti na braahma.ne puujenti na braahma.ne apacaayantii ti.|| ||

Iti ha amba.t.tho maa.navo ida.m pa.thama.m Sakkesu ibbhavaada.m nipaatesi.|| ||

13. "Kim pana te amba.t.tha Sakkaa aparaddhunti?"|| ||

"Eka midaaha.m bho Gotama samaya.m aacariyassa braahma.nassa pokkharasaatissa kenavideva kara.niiyena Kapilavatthu.m agamaasi.m.|| ||

Yena Sakkaana.m santhaagaara.m ten'upasa'nkami.m.|| ||

Tena kho pana samayena sambahulaa Sakkaa c'eva Sakyakumaaraa ca santhaagaare uccesu aasanesu nisinnaa honti a~n~nama~n~na.m a'ngulipatodakehi sa~njagghantaa sa.mkii'antaa a~n~nadatthu mama~n ~neva ma~n~ne anujagghantaa.|| ||

Na ma.m koci aasanena'pi nimantesi.|| ||

Ta-y-ida.m bho Gotama nacchanna.m,||
tayida.m nappa.tiruupa.m,||
yadime Sakkaa ibbhaa santaa ibbhaa samaanaa na braahma.ne sakkaronti na braahma.ne garukaronti na braahma.ne maanenti na braahma.ne puujenti na braahma.ne apacaayantii" ti.|| ||

Iti ha amba.t.tho maa.navo ida.m dutiya.m Sakkesu ibbhavaada.m nipaatesi.|| ||

14. "La.tukikaapi kho amba.t.tha saku.nikaa sake kulaavake kaamalaapinii hoti.|| ||

Saka.m kho pan'eta.m amba.t.tha Sakkaana.m yad ida.m Kapilavatthu.|| ||

Na arahataayasmaa amba.t.tho imaaya appamattaaya abhisajjituntii."|| ||

15. "Cattaaro'me bho Gotama va.n.naa: khattiyaa braahma.naa vessaa suddaa.|| ||

Imesa.m hi bho Gotama catunna.m va.n.naana.m tayo va.n.naa khattiyaa ca vessaa ca suddaa ca a~n~nadatthu braahma.nasseva paricaarikaa sampajjanti.|| ||

Ta-y-ida.m bho [92] Gotama nacchanna.m tayida.m nappa.tiruupa.m yadi me Sakkaa ibbhaa santaa ibbhaa samaanaa na braahma.ne sakkaronti na braahma.ne karukaronti na braahma.ne maanenti na braahma.ne puujenti na braahma.ne apacaayantii" ti.|| ||

Iti ha amba.t.tho maa.navo ida.m tatiya.m Sakkesu ibbhavaada.m nipaatesi.|| ||

16. Atha kho Bhagavato etad ahosi: atibaa'ha.m kho aya.m amba.t.tho maa.navo Sakkesu ibbhavaadena nimmaaneti.|| ||

Yannuunaaha.m gotta.m puccheyynti.|| ||

Atha kho Bhagavaa amba.t.tha.m maa.nava.m etad avoca: 'katha.m gottosi amba.t.thaa?Ti' "ka.nhaayano'hamasmi bho gotamaa" ti.|| ||

17. "Poraa.na.m kho pana te amba.t.tha maataapettika.m naamagotta.m anussarato ayyaputtaa Sakkaa bhavanti,||
daasiputto tvam asi Sakkaana.m.|| ||

Sakyaa kho pana amba.t.tha raajaana.m okkaaka.m pitaamaha.m dahanti.|| ||

"Bhuutapubba.m amba.t.tha raajaa okkaako yaa saa mahesii piyaa manaapaa tassaa puttassa rajja.m pari.naametukaamo je.t.thakumaare ra.t.thasmaa pabbaajesi ukkaamukha.m karaka.n.da.m hatthinika.m nipura.m.|| ||

Te ra.t.thasmaa pabbaajitaa himavantapasse pokkhara.niyaa tiire mahaasaakasa.n.do tattha vaasa.m kappesu.m.|| ||

Te jaatisambhedabhayaa sakaahi bhaganiihi saddhi.m sa.mvaasa.m kappesu.m.|| ||

Atha kho amba.t.tha raajaa okkaako amacce paarisajje aamantesi: "kahannu kho bho etarahi kumaaraa sammantiiti"?|| ||

"Atthi deva himavantapasse pokkhara.niyaa tiire mahaasaakasa.n.do tatthetarahi kumaaraa sammanti.|| ||

Te jaatisambhedabhayaa sakaahi bhaganiihi saddhi.m sa.mvaasa.m kappenti" ti.|| ||

Atha kho amba.t.tha raajaa okkaako udaana.m udaanesi: [93] "Sakkaa vata bho kumaaraa paramaSakkaa vata bho kumaaraa" ti.|| ||

Tadagge kho pana amba.t.tha Sakkaa pa~n~naayanti.|| ||

So'va1 n'esa.m pubbapuriso.|| ||

Ra~n~no ca kho pana amba.t.tha okkaakassa disaa naama daasii ahosi.|| ||

Saa ka.nha.m naama janesi.|| ||

Jaato ka.nho pabyaahaasi: "dhovatha ma.m amma,||
nahaapetha ma.m amma,||
imasmaa ma.m amma asucismaa parimocetha,||
atthaaya vo bhavissaamii" ti.|| ||

Yathaa kho pana amba.t.tha etarahi manussaa pisaace disvaa 'pisaacaa'ti sa~njaananti.|| ||

Evam eva kho amba.t.tha tena samayena manussaa pisaace 'ka.nhaa'ti sa~njaananti.|| ||

Te evam aaha.msu: aya.m jaato pabyaahaasi: 'ka.nho jaato pisaaco jaato'ti.|| ||

Tadagge kho pana amba.t.tha ka.nhaayanaa pa~n~naayanti.|| ||

So ca ka.nhaayanaana.m pubbapuriso.|| ||

Iti kho te amba.t.tha poraa.na.m maataapettika.m naamagotta.m anussarato ayyaputtaa Sakkaa bhavanti.|| ||

Daasiputto tvam asi Sakkaananti.|| ||

18. Eva.m vutte te maa.navakaa Bhagavanta.m etad avocu.m: "maa bhava.m Gotamo amba.t.tha.m maa.nava.m atibaa'ha.m daasiputtavaadena nimmaanesi.|| ||

Sujaato ca bho Gotama amba.t.tho maa.navo kulaputto ca amba.t.tho maa.navo bahussuto ca amba.t.tho maa.navo kalyaa.navaakkara.no ca amba.t.tho maa.navo pa.n.dito ca amba.t.tho maa.navo.|| ||

Pahoti ca amba.t.tho maa.navo bhotaa Gotamena saddhi.m asmi.m vacane pa.timantetun" ti.|| ||

19. Atha kho Bhagavaa te maa.navake etad avoca: "sace kho tumhaaka.m maa.navakaa eva.m hoti 'dujjaato ca amba.t.tho maa.navo,||
akulaputto ca amba.t.tho maa.navo,||
appassuto [94] ca amba.t.tho maa.navo,||
akalyaa.navaakkara.no ca amba.t.tho maa.navo,||
duppa~n~no ca amba.t.tho maa.navo,||
na ca pahoti amba.t.tho maa.navo sama.nena Gotamena saddhi.m asmi.m vacane pa.timantetunti,||
ti.t.thatu amba.t.tho maa.navo,||
tumhe mayaa saddi.m mantayavho1 asmi.m vacane.|| ||

Sace pana tumhaaka.m maa.navakaa eva.m hoti: sujaato ca amba.t.tho maa.navo,||
kulaputto ca amba.t.tho maa.navo,||
bahussuto ca amba.t.tho maa.navo,||
kalyaa.navaakkara.no va amba.t.tho maa.navo,||
pa.n.dito ca amba.t.tho maa.navo,||
pahoti ca amba.t.tho maa.navo sama.nena Gotamena saddhi.m asmi.m vacane pa.timantetunti,||
ti.t.thatha tumhe,||
amba.t.tho maa.navo mayaa saddhi.m pa.timantetu" ti.|| ||

20. "Sujaato ca bho Gotama amba.t.tho maa.navo,||
kulaputto ca amba.t.tho maa.navo,||
bahussuto ca amba.t.tho maa.navo,||
kalyaa.navaakkara.no va amba.t.tho maa.navo,||
pa.n.dito ca amba.t.tho maa.navo,||
pahoti ca amba.t.tho maa.navo bhotaa Gotamena saddhi.m asmi.m vacane pa.timantetu.m.|| ||

Tu.nhii maya.m bhavissaama.|| ||

Amba.t.tho maa.navo bhotaa Gotamena saddhi.m asmi.m vacane pa.timantetuu" ti.|| ||

21. Atha kho Bhagavaa amba.t.tha.m maa.nava.m etad avoca: aya.m kho pana te amba.t.tha sahadhammiko pa~nho aagacchati.|| ||

Akaamaapi vyaakaatabbo.|| ||

Sace tva.m na vyaakarissasi a~n~nena vaa a~n~na.m pa.ticarissasi,||
tu.nhii vaa bhavissasi,||
pakkamissasi vaa,||
ettheva te sattadhaa muddhaa phalissati.|| ||

Ta.m ki.m ma~n~nasi amba.t.tha?|| ||

Kinti te suta.m braahma.naana.m vu.d.dhaana.m mahallakaana.m aacariyapaacariyaana.m kutopabhuutikaa ka.nhaayanaa?|| ||

Ko ca ka.nhaayanaana.m pubbapuriso?" ti.|| ||

Eva.m vutte amba.t.tho maa.navo tu.nhii ahosi.|| ||

dutiyam pi kho Bhagavaa amba.t.tha.m maa.nava.m etad avoca: ta.m kim ma~n~nasi amba.t.tha?|| ||

Kinti te suta.m braahma.naana.m vu.d.dhaana.m mahallakaana.m aacariyapaacariyaana.m kukopabhuutikaa ka.nhaayanaa?|| ||

Ko ca ka.nhaayanaana.m [95] pubbapuriso?Ti dutiyam pi kho amba.t.tho maa.navo tu.nhii ahosi.|| ||

Atha kho Bhagavaa amba.t.tha.m maa.nava.m etad avoca: vyaakarohi 'daani amba.t.tha,||
na 'daani te tu.nhiibhaavassa kaalo.|| ||

Yo kho amba.t.tha tathaagatena yaavatatiyaka.m sahadhammika.m pa~nha.m pu.t.tho na vyaakaroti etthev'assa sattadhaa muddhaa phalissati.|| ||

22. Tena kho pana samayena vajirapaa.ni yakkho mahanta.m ayokuu.ta.m aadaaya aaditta.m sampajjalita.m sajotibhuuta.m amba.t.thassa maa.navassa upari-vehaasa.m .thito hoti: sacaaya.m amba.t.tho maa.navo Bhagavataa yaavatatiyaka.m sahadhammika.m pa~nha.m pu.t.tho na vyaakarissati etthev'assa sattadhaa muddha.m phaalessaamiiti.|| ||

Ta.m kho pana vajirapaa.ni.m yakkha.m Bhagavaa c'eva passati amba.t.tho ca maa.navo.|| ||

23. Atha kho amba.t.tho maa.navo bhiito sa.mviggo lomaha.t.thajaato Bhagavanta.myeva taa.nagavesii Bhagavanta.myeva le.nagavesii Bhagavanta.myeva sara.nagavesi upanisiiditvaa Bhagavanta.m etad avoca: "ki.m me ta.m bhava.m Gotamo aaha?|| ||

Puna bhava.m Gotamo braviituu" ti.|| ||

"Ta.m kimma~n~nasii amba.t.tha?|| ||

Kinti te suta.m braahma.naana.m vu.d.dhaana.m mahallaakaana.m aacariyapaacariyaana.m bhaasamaanaana.m,||
kutoppabhuutikaa ka.nhaayanaa?|| ||

Ko ca ka.nhaayanaana.m pubbapuriso?Ti."|| ||

"Evam eva me bho Gotama suta.m,||
yatheva bhava.m Gotamo aaha.|| ||

Tatoppabhuutikaa ka.nhaayanaa.|| ||

So ca ka.nhaayanaana.m pubbapuriso" ti.|| ||

24. Eva.m vutte te maa.navakaa unnaadino uccaasaddamahaasaddaa ahesu.m: "dujjaato kira bho amba.t.tho maa.navo,||
akulaputto kira bho amba.t.tho maa.navo,||
daasiputto kira bho amba.t.tho maa.navo Sakkaana.m,||
ayyaputtaa kira bho amba.t.thassa maa.navassa Sakkaa bhavanti.|| ||

Dhammavaadi.m yeva kira maya.m sama.na.m Gotama.m apasaadetabba.m ama~n~nimhaa" ti.|| ||

25. Atha kho Bhagavato etad ahosi: "atibaa'ha.m kho [96] ime maa.navakaa amba.t.tha.m maa.nava.m daasiputtavaadena nimmaanenti.|| ||

Yannuunaaha.m parimoceyyanti."|| ||

Atha kho Bhagavaa te maa.navake etad avoca: "maa kho tumhe maa.navakaa amba.t.tha.m maa.nava.m atibaa'ha.m daasiputtavaadena nimmaanetha.|| ||

U'aaro so ka.nho isi ahosi.|| ||

So dakkhi.na.m janapada.m gantvaa brahme mante adhiiyitvaa raajaana.m okkaana.m upasa'nkamitvaa ma.t.tharuupi.m1 dhiitara.m yaaci.|| ||

Tassa raajaa okkaako 'ko n'eva re aya.m mayha.m daasiputto samaano ma.t.tharuupi.m dhiitara.m yaacatii'ti kupito anattamano khurappa.m sannayhi.|| ||

So ta.m khurappa.m n'eva asakkhi mu~ncitu.m,||
no pa.tisa.mharitu.m.|| ||

Atha kho maa.navakaa amaccaa paarisajjaa ka.nha.m isi.m upasa'nkamitvaa etad avocu.m: "sotthi bhadante hotu ra~n~no,||
sotthi bhadante hotu ra~n~no" ti.|| ||

"Sotthi bhavissati ra~n~no,||
api ca raajaa yadi adho khurappa.m mu~ncissati yaavataa ra~n~no vijita.m ettaavataa pa.thavii udriiyissatii" ti.|| ||

"Sotthi bhadante hotu ra~n~no,||
sotthi janapadassaa" ti.|| ||

"Sotthi bhavissati ra~n~no,||
sotthi janapadassa.|| ||

Api ca raajaa yadi uddha.m khurappa.m mu~ncissati yaavataa ra~n~no vijita.m ettaavataa sattavassaani devo na vassissatii" ti.|| ||

"Sotthi bhadante hotu ra~n~no,||
sotthi janapadassa,||
devo ca vassatuu" ti.|| ||

"Sotthi bhavissati ra~n~no,||
sotthi janapadassa,||
devo ca vassissati.|| ||

Api ca raajaa je.t.thakumaare khurappa.m pati.t.thaapetu,||
sotthi kumaaro,||
pallomo bhavissatii" ti.|| ||

Atha kho maa.navakaa,||
amaccaa okkaakassa aarocesu.m: "devo je.t.thakumaare khurappa.m pati.t.thaapetu,||
sotthi kumaaro pallomo bhavissatii" ti.|| ||

Atha kho raajaa okkaako je.t.thakumaare khurappa.m pati.t.thaapesi.|| ||

Sotthi kumaaro pallomo bhavi.|| ||

Atha kho tassa raajaa okkaako bhiito sa.mviggo lomaha.t.thajaato brahmada.n.dena [97] tajjito ma.t.tharuupi.m dhiitara.m adaasi.|| ||

Maa kho tumhe maa.navakaa amba.t.tha.m maa.nava.m atibaa'ha.m daasiputtavaadena nimmaanetha.|| ||

U'aaro so ka.nho isi ahosi.|| ||

26. Atha kho Bhagavaa amba.t.tha.m maa.nava.m aamantesi: "ta.m kim ma~n~nasi amba.t.tha?|| ||

Idha khattiyakumaaro braahma.naka~n~naaya saddhi.m sa.mvaasa.m kappeyya,||
tesa.m sa.mvaasamanvaaya putto jaayetha,||
yo so khattiyakumaarena braahma.naka~n~naaya putto uppanno,||
api nu so labhetha braahma.nesu aasana.m vaa udaka.m vaa?'Ti,|| ||

"Labhetha bho Gotama".|| ||

"Api nu na.m braahma.naa bhojeyyu.m saddhe vaa thaalipaake vaa ya~n~ne vaa paahune vaa?" ti.|| ||

"Bhojeyyu.m bho Gotama."|| ||

"Api nu na.m braahma.naa mante vaaceyyu.m vaa no vaa?"Ti|| ||

"Vaaceyyu.m bho Gotama."|| ||

"Apinu'ssa itthisu aava.ta.m vaa assa anaava.ta.m vaa?"Ti|| ||

"Anaava.ta.m hi'ssa bho Gotama".|| ||

"Api nu na.m khattiyaa khattiyaabhisekena abhisi~nceyyunti?"|| ||

"No h'ida.m bho Gotama."|| ||

"Ta.m kissa hetu?"|| ||

"Maatito hi bho Gotama anuppanno" ti.|| ||

27. "Ta.m kim ma~n~nasi amba.t.tha?|| ||

Idha braahma.nakumaaro khattiyaka~n~naaya saddhi.m sa.mvaasa.m kappeyya,||
tesa.m sa.mvaasamanvaaya putto jaayetha,||
yo so braahma.nakumaarena khattiyaka~n~naaya putto uppanno,||
api nu so labhetha braahma.nesu aasana.m vaa udaka.m vaa?"Ti|| ||

"Labhetha bho Gotama."|| ||

"Api nu na.m braahma.naa bhojeyyu.m saddhe vaa thaalipaake vaa ya~n~ne vaa paahune vaa?"Ti|| ||

"Bhojeyyu.m bho Gotama."|| ||

"Api nu na.m braahma.naa mante vaaceyyu.m vaa no vaa?"Ti|| ||

"Vaaceyyu.m bho Gotama."|| ||

[98] "apinu'ssa itthisu aava.ta.m vaa assa anaava.ta.m vaa?"Ti|| ||

"Anaava.ta.m hi'ssa bho Gotama."|| ||

"Api nu na.m khattiyaa khattiyaabhisekena abhisi~nceyyunti?"|| ||

"No h'ida.m bho Gotama."|| ||

"Ta.m kissa hetu?"|| ||

"Pitito hi bho Gotama anuppanno" ti.|| ||

28. "Iti kho amba.t.tha itthiyaa vaa itthi.m karitvaa purisena vaa purisa.m karitvaa khattiyaa 'va se.t.thaa,||
hiinaa braahma.naa.|| ||

Ta.m kim ma~n~nasi amba.t.tha?|| ||

Idha braahma.naa braahma.na.m kismicideva pakara.ne khuramu.n.da.m karitvaa assapu.tena vadhitvaa ra.t.thaa vaa nagaraa vaa pabbaajeyyu.m,||
api nu so labhetha braahma.nesu aasana.m vaa udaka.m vaa?"Ti|| ||

"No h'ida.m bho Gotama."|| ||

"Api nu na.m braahma.naa bhojeyyu.m saddhe vaa thaalipaake vaa ya~n~ne vaa paahune vaa?"Ti|| ||

"No h'ida.m bho Gotama."|| ||

"Api nu na.m braahma.naa mante vaaceyyu.m vaa no vaa?" ti.|| ||

"No h'ida.m bho Gotama."|| ||

"Api nu'ssa itthiisu aava.ta.m vaa assa anaava.ta.m vaa?Ti"|| ||

"Aava.ta.m hi'ssa bho Gotama."|| ||

29. "Ta.m kim ma~n~nasi amba.t.tha?|| ||

Idha khattiyaa khattiya.m kismicideva pakara.ne khuramu.n.da.m karitvaa assapu.tena vadhitvaa ra.t.thaa vaa nagaraa vaa pabbaajeyyu.m,||
api nu so labhetha braahma.nesu aasana.m vaa udaka.m vaa?Ti"|| ||

"Labhetha bho Gotama"|| ||

"Api nu na.m braahma.naa bhojeyyu.m saddhe vaa thaalipaake vaa ya~n~ne vaa paahune vaa?Ti"|| ||

"Bhojeyyu.m bho Gotama."|| ||

"Api nu na.m braahma.naa mante vaaceyyu.m vaa no vaa?"Ti|| ||

"Vaaceyyu.m bho Gotama."|| ||

"Api nu'ssa ithiisu aava.ta.m vaa assa anaava.ta.m vaa?"Ti|| ||

"Anaava.ta.m hi'ssa bho Gotama."|| ||

"Ettaavataa kho amba.t.tha khattiyo paramanihiinata.m [99] patto hoti,||
yadeva na.m khattiyaa khuramu.n.da.m karitvaa assapu.tena vadhitvaa ra.t.thaa vaa nagaraa vaa pabbaajenti.|| ||

Iti kho amba.t.tha yadaa khattiyo paramanihiinata.m patto hoti,||
tadaapi khattiyaa'va se.t.thaa hiinaa braahma.naa.|| ||

30. Brahmunaa'pi amba.t.tha sana'nkumaarena gaathaa bhaasitaa:|| ||

'Khattiyo se.t.tho janetasmi.m|| ||

Ye gottapa.tisaarino,|| ||

vijjaa-cara.na-sampanno|| ||

So se.t.tho devamaanuse'ti|| ||

Saa kho pan'esaa amba.t.tha brahmunaa sana'nkumaarena gaathaa sugiitaa no duggiitaa,||
subhaasitaa no dubbhaasitaa,||
atthasa.mhitaa no anatthasa.mhitaa,||
anumataa mayaa.|| ||

Ahampi amba.t.tha eva.m vadaami:|| ||

'Khattiyo se.t.tho janetasmi.m|| ||

Ye gottapa.tisaarino,|| ||

vijjaa-cara.na-sampanno|| ||

So se.t.tho devamaanuse'ti.|| ||

Bhaa.naavaaro pa.thamo.|| ||

31. "Katama.m pana ta.m bho Gotama cara.na.m,||
katamaa ca pana saa vijjaa?" ti.|| ||

"Na kho amba.t.tha anuttaraaya vijjaacara.nasampadaaya jaativaado vaa vuccati gottavaado vaa vuccati maanavaado vaa vuccati: 'arahasi vaa ma.m tva.m na vaa ma.m tva.m arahasii'ti.|| ||

Yattha kho amba.t.tha aavaaho vaa hoti,||
vivaaho vaa hoti,||
aavaahavivaaho vaa hoti,||
etth'eta.m vuccati jaativaado vaa iti pi,||
gottavaado vaa iti pi,||
maanavaado vaa iti pi:'arahasi vaa ma.m tva.m na vaa ma.m tva.m arahasii'ti.|| ||

Ye hi keci amba.t.tha jaativaadavinibaddhaa vaa gottavaadavinibaddhaa vaa maanavaadavinibaddhaa vaa aavaahavivaahavinibaddhaa vaa,||
aarakaa te anuttaraaya vijjaacara.nasampadaaya.|| ||

Pahaaya kho amba.t.tha jaativaadavinibaddha~nca gottavaadavinibaddha~nca maanavaadavinibaddha~nca aavaahavivaahavinibaddha~nca [100] anuttaraaya vijjaacara.nasampadaaya sacchikiriyaa hotii" ti.|| ||

32. "Katama.m pana ta.m bho Gotama cara.na.m?|| ||

Katamaa ca saa vijjaa?"Ti|| ||

"Idha amba.t.tha Tathaagato loke uppajjati araha.m Sammaa-sambuddho vijjaa-cara.na-sampanno sugato loka-viduu anuttaro purisa-damma-saarathii satthaa deva-manussaana.m buddho Bhagavaa.|| ||

So ima.m loka.m sadevaka.m samaaraka.m sabrahmaka.m sassama.na-braahma.ni.m paja.m sadeva-manussa.m saya.m abhi~n~naa sacchikatvaa pavedeti.|| ||

So dhamma.m deseti aadi kalyaa.na.m majjhe kalyaa.na.m pariyosaana-kalyaa.na.m saattha.m savya~njana.m kevalaparipu.n.na.m parisuddha.m brahmacariya.m pakaaseti.|| ||

33. Ta.m dhamma.m su.naati gahapati vaa gahapatiputto vaa a~n~natarasmi.m vaa kule paccaajaato.|| ||

So ta.m dhamma.m sutvaa tathaagate saddha.m pa.tilabhati.|| ||

So tena saddhaapa.tilaabhena samannaagato iti pa.tisa.mcikkhati: "sambaadho gharaavaaso rajopatho abbhokaaso pabbajjaa.|| ||

Nayida.m sukara.m agaara.m ajjhaavasataa ekantaparipu.n.na.m ekantaparisuddha.m sa.mkhalikhita.m brahmacariya.m caritu.m,||
yannuunaaha.m kesamassu.m ohaaretthaa kaasaayaani vatthaani acchaadetvaa agaarasmaa anagaariya.m pabbajeyyan" ti.|| ||

So aparena samayena appa.m vaa bhogakkhandha.m pahaaya mahanta.m vaa bhogakkhandha.m pahaaya appa.m vaa ~naatipariva.t.ta.m pahaaya mahanta.m vaa ~naatipariva.t.ta.m pahaaya kesamassu.m ohaaretvaa kaasaayaani vatthaani acchaadetvaa agaarasmaa anagaariya.m pabbajati.|| ||

So eva.m pabbajito samaano paatimokkha-sa.mvara-sa.mvuto viharati aacaara-gocara-sampanno a.numattesu vajjesu bhaya-dassaavii.|| ||

Samaadaaya sikkhati sikkhaapadesu kaayakammavaciikammena samannaagato kusalena,||
parisuddhaajiivo siilasampanno indriyesu guttadvaaro bhojane matta~n~nuu satisampaja~n~nena samannaagato santu.t.tho.|| ||

34. Katha~n ca amba.t.tha bhikkhu siilasampanno hoti?|| ||

Idha amba.t.tha bhikkhu paa.naatipaata.m pahaaya paa.naatipaataa pa.tivirato hoti nihita-da.n.do nihita-sattho lajjii dayaapanno sabba-paa.na-bhuuta-hitaanukampii viharati.|| ||

Idam pi'ssa hoti siilasmi.m.|| ||

Adinnaadaana.m pahaaya adinnaadaanaa pa.tivirato hoti.|| ||

Dinnaadaayii dinna-paa.tika'nkhii athenena suci-bhuutena attanaa viharati.|| ||

Idam pi'ssa hoti siilasmi.m.|| ||

Abrahmacariya.m pahaaya brahmacaarii hoti aaraa-caarii virato methunaa gaama-dhammaa.|| ||

Idam pi'ssa hoti siilasmi.m.|| ||

Musaa-vaada.m pahaaya musaa-vaadaa pa.tivirato hoti sacca-vaadii sacca-sandho theto paccayiko avisa.mvaadako lokassa.|| ||

Idam pi'ssa hoti siilasmi.m.|| ||

Pisu.na.m vaaca.m pahaaya pisu.naaya vaacaaya pa.tivirato hoti,||
ito sutvaa na amutra akkhaataa imesa.m bhedaaya.|| ||

Amutra vaa sutvaa na imesa.m akkhaataa amuusa.m bhedaaya.|| ||

Iti bhinnaana.m vaa sandhaataa sa.mhitaana.m vaa anuppadaataa samaggaaraamo samagga-rato samagga-nandii samagga-kara.ni.m vaaca.m bhaasitaa hoti.|| ||

Idam pi'ssa hoti siilasmi.m.|| ||

Pharusa.m vaaca.m pahaaya pharusaaya vaacaaya pa.tivirato hoti.|| ||

Yaa saa vaacaa ne'aa ka.n.na-sukhaa pemaniiyaa hadaya'n-gamaa porii bahujana-kantaa bahujana-manaapaa tathaa-ruupi.m vaaca.m bhaasitaa hoti.|| ||

Idam pi'ssa hoti siilasmi.m.|| ||

Samphappalaapa.m pahaaya samphappalaapaa pa.tivirato hoti kaala-vaadii bhuuta-vaadii attha-vaadii dhamma-vaadii vinaya-vaadii nidhaanavati.m vaaca.m bhaasitaa hoti kaalena saapadesa.m pariyantavati.m atthasa~nhita.m idampi'ssa hoti siilasmi.m.|| ||

35. Biijagaama-bhuutagaama-samaarambhaa pa.tivirato hoti.|| ||

Eka-bhattiko hoti rattuuparato pa.tivirato vikaala-bhojanaa.|| ||

Nacca-giita-vaadita-visuuka-dassanaa pa.tivirato hoti.|| ||

Maalaa-gandha-vilepana-dhaara.na-ma.n.dana-vibhuusana-.t.thaanaa pa.tivirato hoti.|| ||

Uccaasayana-mahaasayanaa pa.tivirato hoti.|| ||

Jaataruupa-rajata-pa.tiggaha.naa pa.tivirato hoti.|| ||

Aamaka-dha~n~na-pa.tiggaha.naa pa.tivirato hoti.|| ||

Aamaka-ma.msa-pa.tiggaha.naa pa.tivirato hoti.|| ||

Itthi-kumaarika-pa.tiggaha.naa pa.tivirato hoti.|| ||

Daasi-daasa-pa.tiggaha.naa pa.tivirato hoti.|| ||

Aj-e'aka-pa.tiggaha.naa pa.tivirato hoti.|| ||

Kukku.ta-suukara-pa.tiggaha.naa pa.tivirato hoti.|| ||

Hatthi-gavaassa-va'ava-pa.tiggaha.naa pa.tivirato hoti.|| ||

Khetta-vatthu-pa.tiggaha.naa pa.tivirato hoti.|| ||

Duuteyya-pahi.na-gamanaanuyogaa pa.tivirato hoti.|| ||

Kaya-vikkayaa pa.tivirato hoti.|| ||

Tulaakuu.ta-ka.msakuu.ta-maanakuu.taa pa.tivirato hoti.|| ||

Ukko.tana-va~ncana-nikati-saaci-yogaa pa.tivirato hoti.|| ||

Chedana-vadhabandhana-viparaamosa-aalopa-sahasaakaaraa pa.tivirato hoti.|| ||

Idam pi'ssa hoti siilasmi.m.|| ||

36. Yathaa vaa pan'eke bhonto sama.na-braahma.naa saddhaa-deyyaani bhojanaani bhu~njitvaa te evaruupaa biijagaama-bhuutagaama-samaarambha.m anuyuttaa viharanti,||
seyyathiida.m: muula-biija.m khandha-biija.m phaebiija.m agga-biija.m biija-biijam eva pa~ncama.m.|| ||

Iti evaruupaa biijagaama-bhuutagaama-samaarambhaa pa.tivirato hoti idampi'ssa hoti siilasmi.m.|| ||

37. Yathaa vaa pan'eke bhonto sama.na-braahma.naa saddhaa-deyyaani bhojanaani bhu~njitvaa te evaruupa.m sannidhi-kaara-paribhoga.m anuyuttaa viharanti,||
seyyathiida.m: anna-sannidhi.m paana-sannidhi.m vattha-sannidhi.m yaana-sannidhi.m sayana-sannidhi.m gandha-sannidhi.m aamisa-sannidhi.m.|| ||

Iti vaa iti evaruupaa sannidhi-kaara-paribhogaa pa.tivirato hoti.|| ||

Idam pi'ssa hoti siilasmi.m.|| ||

38. Yathaa vaa pan'eke bhonto sama.na-braahma.naa saddhaa-deyyaani bhojanaani bhu~njitvaa te evaruupaa visuukadassana.m anuyuttaa viharanti seyyathiida.m: nacca.m giita.m vaadita.m pekkha.m akkhaana.m paa.nissara.m vetaala.m kumbhathuuna.m sobhanagaraka.m ca.n.daala.m va.msa.m dhopana.m hatthi-yuddha.m assa-yuddha.m mahisayuddha.m usabhayuddha.m ajayuddha.m me.n.dayuddha.m kukku.tayuddha.m va.t.takayuddha.m da.n.da-yuddha.m mu.t.thi-yuddha.m nibBuddha.m uyyodhika.m balagga.m senaa-byuha.m a.niikadassana.m.|| ||

Iti vaa iti evaruupaa visuuka-dassanaa pa.tivirato hoti.|| ||

Idam pi'ssa hoti siilasmi.m.|| ||

39. Yathaa vaa pan'eke bhonto sama.na-braahma.naa saddhaa-deyyaani bhojanaani bhu~njitvaa te evaruupaa juuta-ppamaada-.t.thaanaanuyoga.m anuyuttaa viharanti.|| ||

Seyyathiida.m: a.t.tha-pada.m dasa-pada.m aakaasa.m parihaara-patha.m santika.m khalika.m gha.tika.m salaaka-hattha.m akkha.m pa'ngaciira.m va'nkaka.m mokkhacika.m ci'ngulaka.m pattaa.lhaka.m rathaka.m dhanuka.m akkharika.m manesika.m yathaa-vajja.m.|| ||

Iti vaa iti evaruupaa juuta-ppamaada-.t.thaanaanuyogaa pa.tivirato hoti.|| ||

Idam pi'ssa hoti siilasmi.m.|| ||

40. Yathaa vaa pan'eke bhonto sama.na-braahma.naa saddhaa-deyyaani bhojanaani bhu~njitvaa te evaruupa.m uccaa-sayana-mahaasayana.m anuyuttaa viharanti,||
seyyathiida.m: aasandi.m palla'nka.m gonaka.m cittaka.m pa.tika.m pa.talika.m tulika.m vikatika.m udda-lomi.m ekanta-lomi.m ka.t.thi'ssa.m koseyya.m kuttaka.m hatthatthara.m assatthara.m rathatthara.m ajina-ppave.ni.m kaadali-miga-pavara-pacc'atthara.na.m sa-uttara-cchada.m ubhatolohitakupadhaana.m - iti vaa iti evaruupaa uccaasayana-mahaasayanaa pa.tivirato hoti.|| ||

Idam pi'ssa hoti siilasmi.m.|| ||

41. Yathaa vaa pan'eke bhonto sama.na-braahma.naa saddhaa-deyyaani bhojanaani bhu~njitvaa te evaruupa.m ma.n.dana-vibhusana-.t.thaanaanuyoga.m anuyuttaa viharanti,||
seyyathiida.m: uccaadana.m parimaddana.m nahaapana.m sambaahana.m aadaasa.m a~njana.m maalaa-vilepana.m mukkha-cu.n.naka.m mukhaalepana.m hattha-bandha.m sikhaa-bandha.m da.n.daka.m naa.lika.m khagga.m chatta.m citruupaahana.m u.nhiisa.m ma.ni.m vaa'aviijani.m odaataani vatthaani diigha-dasaani.|| ||

Iti vaa iti evaruupaa ma.n.danavibhuusana.t.thaanaanuyogaa pa.tivirato hoti.|| ||

Idam pi'ssa hoti siilasmi.m.|| ||

42. Yathaa vaa pan'eke bhonto sama.na-braahma.naa saddhaa-deyyaani bhojanaani bhu~njitvaa te evaruupa.m tiracchaana-katha.m anuyuttaa viharanti,||
seyyathiida.m: raaja-katha.m cora-katha.m mahaamatta-katha.m senaa-katha.m bhaya-katha.m yuddha-katha.m anna-katha.m paana-katha.m vattha-katha.m sayana-katha.m maalaa-katha.m gandha-katha.m ~naati-katha.m yaana-katha.m gaama-katha.m nigama-katha.m nagara-katha.m janapada-katha.m itthi-katha.m purisakatha.m kumaarakatha.m kumaariikatha.m suura-katha.m visikhaa-katha.m kumbha.t.thaana-katha.m pubba-peta-katha.m naanatta-katha.m lokakkhaayika.m samuddakkhaayika.m itibhavaabhava-katha.m.|| ||

Iti vaa iti evaruupaaya tiracchaana-kathaaya pa.tivirato hoti.|| ||

Idam pi'ssa hoti siilasmi.m.|| ||

43. Yathaa vaa pan'eke bhonto sama.na-braahma.naa saddhaa-deyyaani bhojanaani bhu~njitvaa te evaruupa.m viggaahika-katha.m anuyuttaa viharanti,||
seyyathiida.m: na tva.m ima.m Dhamma-Vinaya.m aajaanaasi.|| ||

Aha.m ima.m Dhamma-Vinaya.m aajaanaami.|| ||

Ki.m tva.m ima.m Dhamma-Vinaya.m aajaanissasi?|| ||

Micchaa-pa.tipanno tvam asi,||
aham asmi sammaapa.tinno.|| ||

Sahitamme asahitanne.|| ||

Pure vacaniiya.m pacchaa avaca,||
pacchaavacaniiya.m pure avaca.|| ||

Aavici.n.nan te viparaavatta.m.|| ||

Aaropito te vaado niggahito'si.|| ||

Cara vaadappamokkhaaya.|| ||

Nibbe.thehi vaa sace pahosii ti.|| ||

Iti vaa iti evaruupaaya viggaahika-kathaaya pa.tivirato hoti.|| ||

Idam pi'ssa hoti siilasmi.m.|| ||

44. Yathaa vaa pan'eke bhonto sama.na-braahma.naa saddhaa-deyyaani bhojanaani bhu~njitvaa te evaruupa.m duuteyya-pahi.na-gamanaanuyogamanuyuttaa viharanti,||
seyyathiida.m: ra~n~na.m raaja-mahaamattaana.m khattiyaana.m braahma.naana.m gahapatikaana.m kumaaraana.m: idha gaccha,||
amutraagaccha,||
ida.m hara,||
amutra ida.m aaharaati.|| ||

Iti vaa evaruupaa duuteyya-pahi.na-gamanaanuyogaa pa.tivirato hoti.|| ||

Idam pi'ssa hoti siilasmi.m.|| ||

45. Yathaa vaa pan'eke bhonto sama.na-braahma.naa saddhaa-deyyaani bhojanaani bhu~njitvaa te kuhakaa ca honti lapakaa ca nemittikaa ca nippesikaa ca laabhena laabha.m nijigi.msitaaro ca.|| ||

Iti vaa iti evaruupaa kuhanalapanaa pa.tivirato hoti.|| ||

Idam pi'ssa hoti siilasmi.m.|| ||

46. Yathaa vaa pan'eke bhonto sama.na-braahma.naa saddhaa-deyyaani bhojanaani bhu~njitvaa te evaruupaaya tiracchaana-vijjaaya micchaajiivena jiivika.m kappenti seyyathiida.m: a'nga.m nimitta.m uppaada.m supina.m lakkha.na.m muusikacchinna.m aggi-homa.m dabbi-homa.m thusa-homa.m ka.na-homa.m ta.n.dula-homa.m sappi-homa.m tela-homa.m mukhahoma.m lohita-homa.m a'nga-vijjaa vatthu-vijjaa khatta-vijjaa siva-vijjaa bhuuta-vijjaa bhuurivijjaa ahi-vijjaa visa-vijjaa vicchika-vijjaa muusika-vijjaa saku.na-vijjaa vaayasa-vijjaa pakkajjhaana.m saraparittaana.m migacakka.m.|| ||

Iti vaa iti evaruupaaya tiracchaana-vijjaaya micchaajiivaa pa.tivirato hoti.|| ||

Idam pi'ssa hoti siilasmi.m.|| ||

47. Yathaa vaa pan'eke bhonto sama.na-braahma.naa saddhaa-deyyaani bhojanaani bhu~njitvaa te evaruupaaya tiracchaana-vijjaaya micchaajiivena jiivika.m kappenti seyyathiida.m: ma.ni-lakkha.na.m vattha-lakkha.na.m da.n.da-lakkha.na.m asi-lakkha.na.m usu-lakkha.na.m dhanu-lakkha.na.m aavudha-lakkha.na.m itthi-lakkha.na.m purisa-lakkha.na.m kumaara-lakkha.na.m kumaarilakkha.na.m daasa-lakkha.na.m daasilakkha.na.m hatthi-lakkha.na.m assa-lakkha.na.m mahisa-lakkha.na.m usabha-lakkha.na.m go-lakkha.na.m aja-lakkha.na.m me.n.da-lakkha.na.m kukku.ta-lakkha.na.m va.t.takalakkha.na.m godhaa-lakkha.na.m ka.n.nikaa-lakkha.na.m kacchapa-lakkha.na.m miga-lakkha.na.m.|| ||

Iti vaa iti evaruupaaya tiracchaana-vijjaaya micchaajiivaa pa.tivirato hoti.|| ||

Idam pi'ssa hoti siilasmi.m.|| ||

48. Yathaa vaa pan'eke bhonto sama.na-braahma.naa saddhaa-deyyaani bhojanaani bhu~njitvaa te evaruupaaya tiracchaana-vijjaaya micchaajiivena jiivika.m kappenti seyyathiida.m: ra~n~na.m niyyaana.m bhavissati,||
ra~n~na.m aniyyaana.m bhavissati.|| ||

Abbhantaraana.m ra~n~na.m upayaana.m bhavissati,||
baahiraana.m ra~n~na.m apayaana.m bhavissati.|| ||

Baahiraana.m ra~n~na.m upayaana.m bhavissati,||
abbhantaraana.m ra~n~na.m apayaana.m bhavissati.|| ||

Abbhantaraana.m ra~n~na.m jayo bhavissati,||
baahiraana.m ra~n~na.m paraajayo bhavissati.|| ||

Baahiraana.m ra~n~na.m jayo bhavissati,||
abbhantaraana.m ra~n~na.m paraajayo bhavissati.|| ||

Iti imassa jayo bhavissati,||
imassa paraajayo bhavissati.|| ||

Iti vaa iti evaruupaaya tiracchaana-vijjaaya micchaajiivaa pa.tivirato hoti.|| ||

Idam pi'ssa hoti siilasmi.m.|| ||

49. Yathaa vaa pan'eke bhonto sama.na-braahma.naa saddhaa-deyyaani bhojanaani bhu~njitvaa te evaruupaaya tiracchaana-vijjaaya micchaajiivena jiivika.m kappenti seyyathiida.m: canda-ggaaho bhavissati suriya-ggaaho bhavissati nakkhatta-ggaaho bhavissati.|| ||

Candima-suriyaana.m patha-gamana.m bhavissati candima-suriyaana.m uppatha-gamana.m bhavissati nakkhattaana.m patha-gamana.m bhavissati nakkhattaana.m uppatha-gamana.m bhavissati.|| ||

Ukkaapaato bhavissati.|| ||

Disaa-.daaho bhavissati.|| ||

Bhuumi-caalo bhavissati.|| ||

Eva.m vipaako deva-dundubhi bhavissati.|| ||

Eva.m-vipaako candima-suriya-nakkhattaana.m uggamana.m ogamana.m sa.mkilesa.m vodaana.m bhavissati.|| ||

Eva.m-vipaako canda-ggaaho bhavissati.|| ||

Eva.m-vipaako suriya-ggaaho bhavissati.|| ||

Eva.m-vipaako nakkhatta-ggaaho bhavissati.|| ||

Eva.mvipaaka.m candima-suriyaana.m patha-gamana.m bhavissati.|| ||

Eva.mvipaaka.m candima-suriyaana.m uppatha-gamana.m bhavissati.|| ||

Eva.mvipaaka.m nakkhattaana.m patha-gamana.m bhavissati.|| ||

Eva.m-vipaako ukkaa-paato bhavissati.|| ||

Eva.m-vipaako disaa-.daaho bhavissati.|| ||

Eva.m-vipaako bhuumi-caalo bhavissati.|| ||

Eva.m-vipaako deva-dunduubhi bhavissati.|| ||

Eva.mvipaaka.m candima-suriya-nakkhattaana.m uggamana.m ogamana.m sa'nkileso vodaana.m bhavissati.|| ||

Iti vaa iti evaruupaaya tiracchaana-vijjaaya micchaajiivaa pa.tivirato hoti.|| ||

Idam pi'ssa hoti siilasmi.m.|| ||

50. Yathaa vaa pan'eke bhonto sama.na-braahma.naa saddhaa-deyyaani bhojanaani bhu~njitvaa te evaruupaaya tiracchaana-vijjaaya micchaajiivena jiivika.m kappenti seyyathiida.m: subbu.t.thikaa bhavissati dubbu.t.thikaa bhavissati.|| ||

Subhikkha.m bhavissati dubbhikkha.m bhavissati.|| ||

Khema.m bhavissati bhaya.m bhavissati.|| ||

Rogo bhavissati aarogya.m bhavissati.|| ||

Muddaa ga.nanaa sa.mkhaana.m kaaveyya.m lokaayata.m.|| ||

Iti vaa iti evaruupaaya tiracchaana-vijjaaya micchaajiivaa pa.tivirato hoti.|| ||

Idam pi'ssa hoti siilasmi.m.|| ||

51. Yathaa vaa pan'eke bhonto sama.na-braahma.naa saddhaa-deyyaani bhojanaani bhu~njitvaa te evaruupaaya tiracchaana-vijjaaya micchaajiivena jiivika.m kappenti seyyathiida.m: aavaahana.m vivaahana.m sa.mvadana.m vivadana.m sa.mkira.na.m vikira.na.m subhaga-kara.na.m dubbhaga-kara.na.m viruddha-gabbha-kara.na.m jivhaa-nitthaddana.m hanusa.mhanana.m hatthaabhijappana.m hanujappana.m ka.n.na-jappana.m aadaasa-pa~nha.m kumaaripa~nha.m deva-pa~nha.m aadiccupa.t.thaana.m Mahat-upa.t.thaana.m abbhujjalana.m sirivhaayana.m.|| ||

Iti vaa iti evaruupaaya tiracchaana-vijjaaya micchaajiivaa pa.tivirato hoti.|| ||

Idam pi'ssa hoti siilasmi.m.|| ||

52. Yathaa vaa pan'eke bhonto sama.na-braahma.naa saddhaa-deyyaani bhojanaani bhu~njitvaa te evaruupaaya tiracchaana-vijjaaya micchaajiivena jiivika.m kappenti - seyyathiida.m: santi-kamma.m pa.nidhi-kamma.m bhuuri-kamma.m vassa-kamma.m vossa-kamma.m vatthu-kamma.m vatthu-parikira.na.m aacamana.m nahaapana.m juhana.m vamana.m virecana.m uddha-virecana.m adho-virecana.m siisa-virecana.m ka.n.na-tela.m nettapatappana.m natthu-kamma.m a~njana.m pacca~njana.m saalaakiya.m sallakattiya.m daaraka-tikicchaa muula-bhesajjaana.m anuppadaana.m osadhiina.m pa.timokkho.|| ||

Iti vaa iti evaruupaaya tiracchaana-vijjaaya micchaajiivaa pa.tivirato hoti.|| ||

Idam pi'ssa hoti siilasmi.m.|| ||

53. Atha kho so amba.t.tha bhikkhu eva.m siilasampanno na kutoci bhaya.m samanupassati yad ida.m siilasa.mvarato.|| ||

Seyyathaa pi amba.t.tha khattiyo muddhaavasitto nihatapaccaamitto na kutoci bhaya.m samanupassati yad ida.m paccatthikato,||
evam eva kho amba.t.tha bhikkhu eva.m siilasampanno na kutoci bhaya.m samanupassati yad ida.m siilasa.mvarato.|| ||

So iminaa ariyena siilakkhandhena samannaagato ajjhatta.m anavajjasukha.m pa.tisa'nvedeti.|| ||

Eva.m kho amba.t.tha bhikkhu siilasampanno hoti.|| ||

54. Katha~n ca amba.t.tha bhikkhu indirayesu gutatadvaaro hoti?|| ||

Idha amba.t.tha bhikkhu cakkhunaa ruupa.m disvaa na nimittaggaahii hoti naanuvya~njanaggaahii.|| ||

Yatvaadhikara.nam ena.m cakkhundriya.m asa.mvuta.m viharanta.m abhijjhaadomanassaa paapakaa akusalaa dhammaa anvaassaveyyu.m tsasa sa.mvaraaya pa.tipajjati rakkhati cakkhundriya.m,||
cakkhundriya sa.mvara.m aapajjati.|| ||

Sotena sadda.m sutvaa na nimittaggaahii hoti naanuvya~njanaggaahii.|| ||

Yatvaadhikara.nam ena.m sotendriya.m asa.mvuta.m viharanta.m abhijjhaadomanassaa paapakaa akusalaa dhammaa anvaassaveyyu.m tsasa sa.mvaraaya pa.tipajjati rakkhati sotendriya.m,||
sotendriye sa.mvara.m aapajjati.|| ||

Ghaa.nena gandha.m ghaayitvaa na nimittaggaahii hoti naanuvya~njanaggaahii.|| ||

Yatvaadhikara.nam ena.m ghaanindriya.m asa.mvuta.m viharanta.m abhijjhaadomanassaa paapakaa akusalaa dhammaa anvaassaveyyu.m tsasa sa.mvaraaya pa.tipajjati rakkhati ghaa.nindriya.m,||
ghaa.nindriye sa.mvara.m aapajjati.|| ||

Jivhaaya rasa.m saayitvaa na nimittaggaahii hoti naanuvya~njanaggaahii.|| ||

Yatvaadhikara.nam ena.m jivhindriya.m asa.mvuta.m viharanta.m abhijjhaadomanassaa paapakaa akusalaa dhammaa anvaassaveyyu.m tsasa sa.mvaraaya pa.tipajjati rakkhati jivhindriya.m,||
jivhindriye sa.mvara.m aapajjati.|| ||

Kaayena pho.t.thabba.m phusitvaa na nimittaggaahii hoti naanuvya~njanaggaahii.|| ||

Yatvaadhikara.nam ena.m kaayindriya.m asa.mvuta.m viharanta.m abhijjhaadomanassaa paapakaa akusalaa dhammaa anvaassaveyyu.m tsasa sa.mvaraaya pa.tipajjati rakkhati kaayindriya.m,||
kaayindriye sa.mvara.m aapajjati.|| ||

Manasaa dhamma.m vi~n~naaya na nimittaggaahii hoti naanuvya~njanaggaahii.|| ||

Yatvaadhikara.nam ena.m manindriya.m asa.mvuta.m viharanta.m abhijjhaadomanassaa paapakaa akusalaa dhammaa anvaassaveyyu.m tsasa sa.mvaraaya pa.tipajjati rakkhati manindriya.m,||
manindriye sa.mvara.m aapajjati.|| ||

So iminaa ariyena indriyasa.mvarena samannaagato ajjhatta.m abyaasekasukha.m pa.tisa'nvedeti.|| ||

Eva.m kho amba.t.tha bhikkhu indriyesu guttadvaaro hoti.|| ||

55. Katha~n ca amba.t.tha bhikkhu satisampaja~n~nena samannaagato hoti?|| ||

Idha amba.t.tha bhikkhu abhikkante pa.tikkante sampajaanakaarii hoti,||
aalokite vilokite sampajaanakaarii hoti,||
sami~njite pasaarite sampajaanakaarii hoti,||
sanghaa.tipattaciivaradhaara.ne sampajaanakaarii hoti,||
asite piite khaayite saayite sampajaanakaarii hoti,||
uccaarapassaavakamme sampajaanakaarii hoti,||
gate .thite nisinne sutte jaagarite bhaasite tu.nhiibhaave sampajaanakaarii hoti.|| ||

Eva.m kho amba.t.tha bhikkhu satisampaja~n~nena samannaagato hoti.|| ||

56. Katha~n ca amba.t.tha bhikkhu santu.t.tho hoti?|| ||

Idha amba.t.tha bhikkhu santu.t.tho hoti kaayaparihaarikena ciivarena kucchiparihaarikena pi.n.dapaatena.|| ||

So yena yen'eva pakkamati samaadaayeva pakkamati.|| ||

Seyyathaapii amba.t.tha pakkhi saku.no yena yen'eva .deti sapattabhaaro'va .deti,||
evam eva kho amba.t.tha bhikkhu santu.t.tho hoti kaayaparihaarikena ciivarena kucchiparihaarikena pi.n.dapaatena.|| ||

So yena yen'eva pakkamati samaadaayeva pakkamati.|| ||

Eva.m kho amba.t.tha bhikkhu santu.t.tho hoti.|| ||

57. So iminaa ca ariyena siilakkhandhena samannaagato iminaa ca ariyena indriyasa.mvarena samannaagato iminaa ca ariyena satisampaja~n~nena samannaagato imaaya ca ariyaaya santu.t.thiyaa samannaagato vivitta.m senaasana.m bhajati ara~n~na.m rukkhamuula.m pabbata.m kandara.m giriguha.m susaana.m vanapattha.m abbhokaasa.m palaalapu~nja.m.|| ||

So pacchaabhatta.m pi.n.dapaatapa.tikkanto nisiidati palla'nka.m aabhujitvaa uju.m kaaya.m pa.nidhaaya parimukha.m sati.m upa.t.thapetvaa.|| ||

58. So abhijjha.m loke pahaaya vigataabhijjhena cetasaa viharati abhijjhaaya citta.m parisodheti.|| ||

vyaapaadapadosa.m pahaaya abyaapannacitto viharati sabbapaa.nabhuutahitaanukampi,||
vyaapaadapadosaa citta.m parisodheti.|| ||

Thiinamiddha.m pahaaya vigatathiinamiddho viharati aalokasa~n~nii sato sampajaano,||
thiinamiddhaa citta.m parisodheti.|| ||

Uddhaccakukkucca.m pahaaya anuddhato viharati ajjhatta.m vuupasantacitto,||
uddhaccakukkucca.m citta.m parisodheti.|| ||

Vicikiccha.m pahaaya ti.n.navicikiccho viharati akatha.mkathii kusalesu dhammesu,||
vicikicchaaya citta.m parisodheti.|| ||

59. seyyathaa pi amba.t.tha puriso i.na.m aadaaya kammante payojeyya tassa te kammantaa samijjheyyu.m,||
so yaani ca poraa.naani i.namuulaani taani ca byantiikareyya,||
siyaa c'assa uttari.m avasi.t.tha.m daarabhara.naaya,||
tassa evam assa: 'aha.m kho pubbe i.na.m aadaaya kammante payojesi.m tassa me te kammantaa samijjhi.msu so'ha.m yaani ca poraa.naani i.namuulaani taani ca byantiiakaasi.m.|| ||

Atthi ca me uttari.m avasi.t.tha.m daarabhara.naayaa'ti.|| ||

So tatonidaana.m labhetha paamojja.m,||
adhigaccheyya somanassa.m.|| ||

60. seyyathaa pi amba.t.tha puriso aabaadhiko assa dukkhito baa.lhagilaano,||
bhatta.m c'assa nacchaadeyya,||
na c'assa kaaye balamattaa.|| ||

So aparena samayena tambhaa aabaadhaa mucceyya bhatta~nc'assa chaadeyya siyaa c'assa kaaye balamattaa.|| ||

Tassa evam assa: 'aha.m bo pubbe aabaadhiko ahosi.m dukkhito baa.lhagilaano bhatta.m me nacchaadesi na c'assa me aasi kaaye balamattaa.|| ||

So'mhi etarahi tamhaa aabaadhaa mutto bhatta~n ca me chaadeti atthi ca me kaaye balamattaa'ti,||
so tatonidaana.m labhetha paamojja.m adhigaccheyya somanassa.m.|| ||

61. seyyathaa pi amba.t.tha puriso bandhanaagaare baddho assa,||
so aparena samayena tambhaa bandhanaagaaraa mucceyya sotthinaa abbayena,||
na c'assa ki~nci bhogaana.m vayo.|| ||

Tassa evam assa: 'aha.m kho pubbe bandhanaagaare baddho ahosi.|| ||

So'mhi etarahi tamhaa bandhanaagaaraa mutto sotthinaa abbayena.|| ||

N'atthi ca me ki~nci bhogaana.m vayo'ti.|| ||

So tatonidaana.m labhetha paamojja.m adhigaccheyya somanassa.m.|| ||

62. seyyathaa pi amba.t.tha puriso daaso assa anattaadhiino paraadhiino na yenakaama'ngamo.|| ||

So aparena samayena tamhaa daasabyaa mucceyya attaadhiino aparaadhiino bhujisso yenakaama'ngamo.|| ||

Tassa evam assa: 'aha.m kho pubbe daaso ahosi.m anattaadhiino paraadhiino na yenakaama'ngamo.|| ||

So'mhi etarahi tamhaa daasabyaa mutto attaadhiino aparaadhiino bhujisso yenakaama'ngamo'ti.|| ||

So tatonidaana.m labhetha paamojja.m,||
adhigaccheyya somanassa.m.|| ||

63. seyyathaa pi amba.t.tha puriso sadhano sabhogo kantaaraddhaanamagga.m pa.tipajjeyya dubbhikkha.m sappa.tibhaya.m.|| ||

So aparena samayena ta.m kantaara.m nitthareyya sotthinaa gaamanta.m anupaapu.neyya khema.m appa.tibhaya.m.|| ||

Tassa evam assa: 'aha.m kho pubbe sadhano sabhogo kantaaraddhaanamagga.m pa.tipajji.m dubbhikkha.m sappa.tibhaya.m.|| ||

So'mhi etarahi ta.m kantaara.m ti.n.no sotthinaa gaamanta.m anuppatto khema.m appa.tibhaya'nti.|| ||

So tato nidaana.m labhetha paamojja.m adhigaccheyya somanassa.m.|| ||

Evam eva kho amba.t.tha bhikkhu yathaa i.na.m yathaa roga.m yathaa bandhanaagaara.m yathaa daasabya.m yathaa kantaaraddhaanamagga.m eva.m ime pa~ncaniivara.ne appahiine attani samanupassati.|| ||

Seyyathaa pi amba.t.tha aana.nya.m yathaa aarogya.m yathaa bandhanaa mokkha.m yathaa bhujissa.m yathaa khemantabhuumi.m evam eva kho amba.t.tha bhikkhu ime pa~ncaniivara.ne pahiine attani samanupassati.|| ||

64. Tassime pa~ncaniivara.ne pahii.ne attani samanupassato paamojja.m jaayati,||
pamuditassa piiti jaayati,||
piitimanassa kaayo passambhati,||
passaddhakaayo sukha.m vedeti,||
sukhino citta.m samaadhiyati.|| ||

65. So vivicc'eva kaamehi vivicca akusalehi dhammehi savitakka.m savicaara.m vivekaja.m piiti-sukha.m pa.thama.m-jhaana.m upasampajja viharati.|| ||

So imameva kaaya.m vivekajena piitisukhena abhisanneti parisanneti paripuureti parippharati.|| ||

Naassa ki~nci sabbaavato kaayassa vivekajena piitisukhena apphu.ta.m hoti.|| ||

66. seyyathaa pi amba.t.tha dakkho nahaapako vaa nahaapakantevaasii vaa ka.msathaale nahaaniiyacu.n.naani aakiritvaa udakena paripphosaka.m paripphosaka.m sanneyya,||
saaya.m nahaaniiyapi.n.dii snehaanugataa snehaparetaa saantarabaahiraa phu.taa snehena,||
na ca pagghari.nii,|| ||

Evam eva kho amba.t.tha bhikkhu imameva kaaya.m vivekajena piitisukhena abhisanneti parisanneti paripuureti parippharati.|| ||

Naassa ki~nci sabbaavato kaayassa vivekajena piitisukhena apphu.ta.m hoti.|| ||

Idam pi'ssa hoti cara.nasmi.m.|| ||

67. Puna ca para.m amba.t.tha bhikkhu vitakka-vicaaraana.m vuupasamaa ajjhatta.m sampasaadana.m cetaso ekodi-bhaava.m avitakka.m avicaara.m samaadhija.m piiti-sukha.m dutiya.m-jhaana.m upasampajja viharati.|| ||

So imameva kaaya.m samaadhijena piitisukhena abhisanneti parisanneti paripuureti parippharati naassa ki~nci sabbaavato kaayassa samaadhijena piitisukhena apphu.ta.m hoti.|| ||

68. seyyathaa pi amba.t.tha udakarahado gambhiiro ubbhidodako,||
tassa nev'assa puratthimaaya disaaya udakassa aayamukha.m,||
na dakkhi.naaya disaaya udakassa aayamukha.m,||
na pacchimaaya disaaya udakassa aayamukha.m,||
na uttaraaya disaaya udakassa aayamukha.m,||
devo ca na kaalena kaala.m sammaa dhaara.m anuppaveccheyya,||
atha kho tamhaa ca udakarahadaa siitaa vaaridhaaraa ubbhijjitvaa tameva udakarahada.m siitena vaarinaa abhisanneyya1 parisanneyya2 paripuureyya paripphareyya,||
naassa ki~nci sabbaavato udakarahadassa siitena vaarinaa apphu.ta.m assa,|| ||

Evam eva kho amba.t.tha bhikkhu imameva kaaya.m samaadhijena piitisukhena abhisanneti parisanneti paripuureti parippharati.|| ||

Naassa ki~nci sabbaavato kaayassa samaadhijena piitisukhena apphu.ta.m hoti.|| ||

Idam pi'ssa hoti cara.nasmi.m.|| ||

69. Puna ca para.m amba.t.tha bhikkhu piitiyaa ca viraagaa upekkhako ca viharati sato sampajaano,||
sukha~nca kaayena pa.tisa'nvedeti,||
yan ta.m ariyaa aacikkhanti: 'Upekkhako satimaa sukha-vihaarii' ti ta.m tatiya.m-jhaana.m upasampajja viharati.|| ||

So imameva kaaya.m nippiitikena sukhena abhisanneti parisanneti paripuureti parippharati,||
naassa ki~nci sabbaavato kaayassa nippiitikena sukhena apphu.ta.m hoti.|| ||

Seyyathaa pi amba.t.tha uppaliniya.m vaa paduminiya.m vaa pu.n.dariikiniya.m vaa appekaccaani uppalaani vaa padumaani vaa pu.n.dariikaani vaa udake jaataani udake sa.mvaddhaani udakaanuggataani antonimuggaposiini taani yaava caggaa yaava ca muulaa siitena caarinaa abhisannaani parisannaani3 paripuuraani paripphu.taani naassa ki~nci sbabaavata.m uppalaana.m vaa padumaana.m vaa pu.n.dariikaana.m vaa siitena vaarinaa apphu.ta.m assa,|| ||

Evam eva kho amba.t.tha bhikkhu imameva kaaya.m nippiitikena sukhena abhisanneti parisanneti paripuureti parippharati naassa ki~nci sabbaavato kaayassa nippiitikena sukhena apphu.ta.m hoti.|| ||

Idam pi'ssa hoti cara.nasmi.m.|| ||

70. Puna ca para.m amba.t.tha bhikkhu sukhassa ca pahaanaa dukkhassa ca pahaanaa pubb'eva somanassa-domanassaana.m attha'ngamaa adukkha-m-asukha.m upekkhaa-sati-paarisuddhi.m catuttha.m-jhaana.m upasampajja viharati.|| ||

So imameva kaaya.m parisuddhena cetasaa pariyodaatena pharitvaa nisinno hoti naassa ki~nci sabbaavato kaayassa parisuddhena cetasaa pariyodaatena apphu.ta.m hoti.|| ||

Seyyathaa pi amba.t.tha puriso odaatena vatthena sasiisa.m paarupitvaa nisinno assa,||
naassa ki~nci sabbaavato kaayassa odaatena vatthena apphu.ta.m assa,||
evam eva kho amba.t.tha bhikkhu imameva kaaya.m parisuddhena cetasaa pariyodaatena pharitvaa nisinno hoti naassa ki~nci sabbaavato kaayassa parisuddhena cetasaa pariyodaatena apphu.ta.m hoti.|| ||

Idam pi'ssa hoti cara.nasmi.m.|| ||

Ida.m kho ta.m amba.t.tha cara.na.m.|| ||

71. (Puna ca para.m amba.t.tha) so eva.m samaahite citte parisuddhe pariyodaate ana'nga.ne vigatuupakkilese mudubhuute kammaniye .thite aanejjappatte ~naa.nadassanaaya citta.m abhiniiharati abhininnaameti.|| ||

So eva.m pajaanaati: aya.m kho me kaayo ruupii caatum-mahaa-bhuutiko maataa-pettika-sambhavo odanakummaasuupacayo aniccucchaadanaparimaddanabhedanaviddha.msanadhammo.|| ||

Ida.m ca pana me vi~n~naa.na.m ettha sita.m ettha pa.tibaddhanti.|| ||

Seyyathaa pi amba.t.tha ma.ni veeriyo subho jaatimaa a.t.tha.mso suparikammakato accho vippasanno anaavilo sabbaakaarasampanno,||
tatr'assa sutta.m aavuta.m niila.m vaa piita.m vaa lohita.m vaa odaata.m vaa pa.n.dusutta.m vaa.|| ||

Tam ena.m cakkhumaa puriso hatthe karitvaa paccavekkheyya: aya.m kho ma.ni veeriyo subho jaatimaa a.t.tha.mso suparikammakato accho vippasanno anaavilo sabbaakaarasampanno.|| ||

Tatirada.m sutta.m aavuta.m niila.m vaa piita.m vaa lohita.m vaa odaata.m vaa pa.n.dusutta.m vaa'ti.|| ||

Evam eva kho amba.t.tha bhikkhu eva.m samaahite citte parisuddhe pariyodaate ana'nga.ne vigatuupakkilese mudubhuute kammaniye .thite aanejjappatte ~naa.nadassanaaya citta.m abhiniiharati abhininnaameti.|| ||

So eva.m pajaanaati: aya.m kho me kaayo ruupii caatum-mahaa-bhuutiko maataa-pettika-sambhavo odanakummaasuupacayo aniccucchaadanaparimaddanabhedanaviddha.msanadhammo.|| ||

Ida.m ca pana me vi~n~naa.na.m ettha sita.m ettha pa.tibaddhanti.|| ||

Idam pi'ssa hoti vijjaaya.|| ||

72. So eva.m samaahite citte parisuddhe pariyodaate ana'nga.ne vigatuupakkilese mudubhuute kammaniye .thite aanejjappatte manomaya.m kaaya.m abhinimminanaaya citta.m abhiniiharati abhininnaameti.|| ||

So imambhaa kaayaa a~n~na.m kaaya.m abhinimminaati ruupi.m manomaya.m sabba'ngapacca'ngi.m ahiinindriya.m.|| ||

Seyyathaa pi amba.t.tha puriso mu~njamhaa iisika.m pabbaaheyya.|| ||

Tassa evam assa: aya.m mu~njo,||
aya.m iisikaa,||
a~n~no mu~njo,||
a~n~naa iisikaa,||
mu~njamhaatv eva iisikaa pabbaa'haa'ti.|| ||

Seyyathaa vaa pana amba.t.tha puriso asi.m kosiyaa pabbaaheyya,||
tassa evam assa: aya.m asi,||
aya.m kosi,||
a~n~no asi,||
a~n~naa kosi,||
kosiyaa tv eva asi pabbaa'ho'ti.|| ||

Seyyathaa vaa pana amba.t.tha puriso ahi.m kara.n.daa uddhareyya,||
tassa evam assa: aya.m ahi,||
aya.m kara.n.do,||
a~n~no ahi,||
a~n~no kara.n.do,||
kara.n.daatv eva ahi ubbhato'ti.|| ||

Evam eva kho amba.t.tha bhikkhu eva.msamaahite citte parisuddhe pariyodaate ana'nga.ne vigatuupakkilese mudubhuute kammaniye .thite aanejjappatte manomaya.m kaaya.m abhinimminanaaya citta.m abhiniiharati abhininnaameti.|| ||

So imamhaa kaayaa a~n~na.m kaaya.m abhinimminaati ruupi.m manomaya.m sabba'ngapacca'ngi.m ahiinindriya.m.|| ||

Idam pi'ssa hoti vijjaaya.|| ||

73. So eva.m samaahite citte parisuddhe pariyodaate ana'nga.ne vigatuupakkilese mudubhuute kammaniye .thite aanejjappatte iddhividhaaya citta.m abhiniiharati,||
abhininnaameti.|| ||

So aneka-vihita.m iddhividha.m paccanubhoti: eko pi hutvaa bahudhaa hoti,||
bahudhaapi hutvaa eko hoti,||
aaciibhaava.m tirobhaava.m tiroku.d.da.m tiropaakaara.m tiropabbata.m asajjamaano gacchati seyyathaa pi aakaase.|| ||

Pathaviyaa pi ummujjanimujja.m karoti seyyathaa pi udake.|| ||

Udake'pi abhijjamaane gacchati seyyathaa pi pathaviya.m.|| ||

Aakaase'pi palla'nkena kamati seyyathaa pi pakkhi saku.no.|| ||

Ime'pi candimasuriye eva.mmahiddhike eva.mmahaanubhaave paa.ninaa parimasati parimajjati,||
yaava brahmalokaa'pi kaayena vasa.m vatteti.|| ||

Seyyathaa pi amba.t.tha dakkho kumbhakaaro vaa kumbhakaarantevaasii vaa suparikammakataaya mattikaaya ya.m yadeva bhaajanavikati.m aaka'nkheyya ta.m tad eva kareyya abhinipphaadeyya.|| ||

Seyyathaa vaa pana amba.t.tha dakkho dantakaarovaa dantakaarantevaasii vaa suparikammakatasmi.m dantasmi.m ya.m yadeva dantavikati.m aaka'nkheyya ta.m tad eva kareyya abhinipphaadeyya.|| ||

Seyyathaa vaa pana amba.t.tha dakkho suva.n.nakaaro vaa suva.n.nakaarantevaasii vaa suparikammakatasmi.m suva.n.nasmi.m ya.m yadeva suva.n.navikati.m aaka'nkheyya ta.m tad eva kareyya abhinipphaadeyya,||
evam eva kho amba.t.tha bhikkhu eva.m samaahite citte parisuddhe pariyodaate ana'nga.ne viigatuupakkilese mudubhuute kammaniye .thite aanejjappatte iddhividhaaya citta.m abhiniiharati abhininnaameti.|| ||

So aneka-vihita.m iddhividha.m paccanubhoti eko pi hutvaa bahudhaa hoti bahudhaapi hutvaa eko hoti.|| ||

Aaviibhaava.m tirobhaava.m tiroku.d.da.m tiropaakaara.m tiropabbata.m asajjamaano gacchati seyyathaa pi aakaase.|| ||

Pathaviyaapi ummujjanimujja.m karoti seyyathaa pi udake.|| ||

Udake'pi abhijjamaane gacchati seyyathaa pi pa.thaviya.m.|| ||

Aakaase'pi palla'nkena kamati seyyathaa pi pakkhi saku.no.|| ||

Ime'pi candimasuriye eva.mmahiddhike eva.mmahaanubhaave paa.ninaa parimasati.|| ||

Parimajjati.|| ||

Yaava brahmalokaa'pi kaayena vasa.m vatteti.|| ||

Idam pi'ssa hoti vijjaaya.|| ||

74. So eva.m samaahite citte parisuddhe pariyodaate ana'nga.ne vigatuupakkilese mudubhuute kammaniye .thite aanejjappatte1 dibbaaya sotadhaatuyaa citta.m abhiniiharati abhininnaameti.|| ||

So dibbaaya sotadhaatuyaa visuddhaaya atikkantamaanusikaaya ubho sadde su.naati dibbe ca maanuse ca ye duure sannike ca.|| ||

Seyyathaa pi amba.t.tha puriso addhaanamaggapa.tipanno so su.neyya bherisaddampi mudi'ngasaddampi sa'nkhapa.navade.n.dimasaddampi.|| ||

Tassa evam assa: bherisaddo iti pi mudi'ngasaddo iti pi sa'nkhapa.navade.n.disaddo iti pi.|| ||

Evam eva kho amba.t.tha bhikkhu eva.m samaahite citte parisuddhe pariyodaate ana'nga.ne vigatuupakkilese mudubhuute kammaniye .thite aanejjappatte dibbaaya sotadhaatuyaa citta.m abhiniiharati abhininnaameti.|| ||

So dibbaaya sotadhaatuyaa visuddhaaya atikkantamaanusikaaya ubho sadde su.naati dibbe ca maanuse ca ye duure santike ca.|| ||

Idam pi'ssa hoti vijjaaya.|| ||

75. So eva.m samaahite citte parisuddhe pariyodaate aanejjappatte cetopariya~naa.naaya citta.m abhininnaameti.|| ||

So parasattaana.m parapuggalaana.m cetasaa ceto paricca pajaanaati:|| ||

Saraaga.m vaa citta.m saraaga.m cittanti pajaanaati,|| ||

Viitaraaga.m vaa citta.m viitaraaga.m cittanti pajaanaati,|| ||

Sadosa.m vaa citta.m sadosa.m cittanti pajaanaati,|| ||

Viitadosa.m vaa citta.m viitadosa.m cittanti pajaanaati,|| ||

Samoha.m vaa citta.m samoha.m cittanti pajaanaati,|| ||

Viitamoha.m vaa citta.m viitamoha.m cittanti pajaanaati,|| ||

Sa'nkhitta.m vaa citta.m sa'nkhitta.m cittanti pajaanaati,|| ||

Vikkhitta.m vaa citta.m vikkhitta.m cittanti pajaanaati,|| ||

Mahaggata.m vaa citta.m mahaggata.m cittanti pajaanaati,|| ||

Amahaggata.m vaa citta.m amahaggata.m cittanti pajaanaati,|| ||

Sauttara.m vaa citta.m sauttara.m cittanti pajaanaati,|| ||

Anuttara.m vaa citta.m anuttara.m cittanti pajaanaati,|| ||

Samaahita.m vaa citta.m samaahita.m cittanti pajaanaati,|| ||

Asamaahita.m vaa citta.m asamaahita.m cittanti pajaanaati,|| ||

Vimutta.m vaa citta.m vimutta.m cittanti pajaanaati,|| ||

Avimutta.m vaa citta.m avimutta.m cittanti pajaanaati,|| ||

Seyyathaa pi amba.t.tha itthi vaa puriso vaa daharo vaa yuvaa ma.n.danajaatiko aadaase vaa parisuddhe pariyodaate acche vaa udakapatte saka.m mukhanimitta.m paccavekkhamaano saka.nika.m vaa saka.nikanti jaaneyya,||
aka.nika.m vaa aka.nikanti jaaneyya,||
evam eva kho amba.t.tha bhikkhu eva.m samaahite citte parisuddhe pariyodaate ana'nga.ne vigatuupakkilese mudubhuute kammaniye .thite aanejjappatte cetopariya~naa.naaya citta.m abhiniiharati abhininnaameti.|| ||

So parasattaana.m parapuggalaana.m cetasaa ceto paricca pajaanaati:|| ||

"Saraaga.m vaa citta.m saraaga.m cittanti pajaanaati,|| ||

Viitaraaga.m vaa citta.m viitaraaga.m cittanti pajaanaati,|| ||

Sadosa.m vaa citta.m sadosa.m cittanti pajaanaati,|| ||

Viitadosa.m vaa citta.m viitadosa.m cittanti pajaanaati,|| ||

Samoha.m vaa citta.m samoha.m cittanti pajaanaati,|| ||

Viitamoha.m vaa citta.m viitamoha.m cittanti pajaanaati,|| ||

Sa'nkhitta.m vaa citta.m sa'nkhitta.m cittanti pajaanaati,|| ||

Vikkhitta.m vaa citta.m vikkhitta.m cittanti pajaanaati,|| ||

Mahaggata.m vaa citta.m mahaggata.m cittanti pajaanaati,|| ||

Amahaggata.m vaa citta.m amahaggata.m cittanti pajaanaati,|| ||

Sauttara.m vaa citta.m sauttara.m cittanti pajaanaati,|| ||

Anuttara.m vaa citta.m anuttara.m cittanti pajaanaati,|| ||

Samaahita.m vaa citta.m samaahita.m cittanti pajaanaati,|| ||

Asamaahita.m vaa citta.m asamaahita.m cittanti pajaanaati,|| ||

Vimutta.m vaa citta.m vimutta.m cittanti pajaanaati,|| ||

Avimutta.m vaa citta.m avimutta.m cittanti pajaanaati,|| ||

Idam pissa hoti vijjaaya.|| ||

76. So eva.m samaahite citte parisuddhe pariyodaate ana'nga.ne vigatuupakkilese mudubhuute kammaniye .thite aana~njeppatte pubbenivaasaanussati~naa.naaya citta.m abhiniiharati abhininnaameti.|| ||

So aneka-vihita.m pubbenivaasa.m anussarati.|| ||

Seyyathiida.m: ekam pi jaati.m dve pi jaatiyo tisso pi jaatiyo catasso pi jaatiyo pa~nca pi jaatiyo dasa pi jaatiyo viisampi jaatiyo ti.msam pi jaatiyo cattaariisam pi jaatiyo pa~n~naasam pi jaatiyo jaati-satam pi jaati-sahassam pi jaati-sata-sahassam pi aneke'pi sa.mva.t.takappe aneke'pi viva.t.takappe aneke'pi sa.mva.t.ta-viva.t.takappe "amutraasi.m eva.m-naamo eva.mgotto eva.m-va.n.no evam-aahaaro eva.m-sukha-dukkha-pa.tisa'nvedii evam-aayu-pariyanto.|| ||

So tato cuto amutrrra upapaadi.m.|| ||

Tatraapaasi.m eva.mnaamo eva.mgotto eva.m-va.n.no evam-aahaaro eva.m-sukha-dukkha-pa.tisa'nvedii evam-aayu-pariyanto.|| ||

So tato cuto idhuupapanno" ti.|| ||

Iti saakaara.m sa-uddesa.m aneka-vihita.m pubbenivaasa.m anussarati.|| ||

Seyyathaa pi amba.t.tha puriso sakambhaa gaamaa a~n~na.m gaama.m gaccheyya,||
tamhaapi gaamaa a~n~na.m gaama.m gaccheyya,||
so tamhaa gaamaa saka.m yeva gaama.m paccaagaccheyya,||
tassa evam assa: aha.m kho sakamhaa gaamaa amu.m gaama.m agacchi.m.|| ||

Tatra eva.m a.t.thaasi.m eva.m nisiidi.m eva.m abhaasi.m eva.m tu.nhii ahosi.|| ||

Tamhaapi gaamaa amu.m gaama.m agacchi.m.|| ||

Tatraapi eva.m a.t.thaasi.m eva.m nisiidi.m eva.m abhaasi.m eva.m tu.nhii ahosi.|| ||

So'mhi tamhaa gaamaa saka.m yeva gaama.m paccaagato'ti,|| ||

Evam eva kho amba.t.tha bhikkhu eva.m samaahite citte parisuddhe pariyodaate ana'nga.ne vigatuupakkilese mudrabhuute kammaniye .thite aanejjappatte pubbenivaasaanussati~naa.naaya citta.m abhiniiharati abhininnaameti.|| ||

So aneka-vihita.m pubbenivaasa.m anussarati: seyyathiida.m ekam pi jaati.m dve pi jaatiyo tisso pi jaatiyo catasse'pi jaatiyo pa~nca pi jaatiyo dasa pi jaatiyo viisampi jaatiyo ti.msam pi jaatiyo cattaariisam pi jaatiyo pa~n~naasampii jaatiyo jaati-satam pi jaati-sahassam pi jaati-sata-sahassam pi aneke'pi sa.mva.t.takappe aneke'pi viva.t.takappe aneke'pi sa.mva.t.ta-viva.t.takappe: amutraasi.m eva.mnaamo eva.mgotto eva.m-va.n.no evam-aahaaro eva.m-sukha-dukkha-pa.tisa'nvedii evam-aayu-pariyanto.|| ||

So tato cuto amutra upapaadi.m.|| ||

Tatraapaasi.m eva.mnaamo eva.mgotto eva.m-va.n.no evam-aahaaro eva.m-sukha-dukkha-pa.tisa'nvedii evam-aayu-pariyanto.|| ||

So tato cuto idhuupapanno'ti.|| ||

Iti saakaara.m sa-uddesa.m aneka-vihita.m pubbenivaasa.m anussarati.|| ||

Idam pi'ssa hoti vijjaaya.|| ||

77. So eva.m samaahite citte parisuddhe pariyodaate ana'nga.ne vigatuupakkilese mudubhuute kammaniye .thite aanejjappatte sattaana.m cutuupapaata~naa.naaya citta.m abhiniiharati abhininnaameti.|| ||

So dibbena cakkhunaa visuddhena atikkantamaanusakena satte passati cavamaane upapajjamaane hiine pa.niite suva.n.ne dubba.n.ne sugate duggate yathaakammuupage satte pajaanaati: ime vata bhonto sattaa kaayaduccaritena samannaagataa vaciiduccaritena samannaagataa manoduccaritena samannaagataa ariyaana.m upavaadakaa micchaadi.t.thikaa micchaadi.t.thikammasamaadaanaa.|| ||

Te kaayassa bhedaa param mara.naa apaaya.m duggati.m vinipaata.m Niraya.m upapannaa.|| ||

Ime vaa pana bhonto sattaa kaayasucaritena samannaagataa vaciisucaritena samannaagataa manosucaritena samannaagataa ariyaana.m anupavaadakaa sammaadi.t.thikaa sammaadi.t.thikammasamaadaanaa.|| ||

Te kaayassa bhedaa param mara.naa sugati.m sagga.m loka.m upapannaa'ti.|| ||

Iti dibbena cakkhunaa viisuddhena atikkantamaanusakena satte passati cavamaane upapajjamaane hiine pa.niite suva.n.ne dubba.n.ne sugate duggate yathaakammuupage satte pajaanaati.|| ||

Seyyathaa pi amba.t.tha majjhe si.mghaa.take pasaado,||
tattha cakkhumaa puriso .thito passeyya manusse geha.m pavisante'pi nikkhamante'pi rathiyaa viitisa~ncarante'pi majjhe si.mghaa.take nisinne'pi.|| ||

Tassa evam assa: ete manussaa geha.m pavisanti.|| ||

Ete nikkhamanti.|| ||

Ete rathiyaa viitisa~ncaranti.|| ||

Ete majjhe si.mghaa.take nisinnaa'ti.|| ||

Evam eva kho amba.t.tha bhikkhu eva.m samaahite citte parisuddhe pariyodaate ana'nga.ne vigatuupakkilese mudubhuute kammaniye .thite aanejjappatte sattaana.m cutuupapaata~naa.naaya citta.m abhiniiharati abhininnaameti.|| ||

So dibbena cakkhunaa visuddhena atikkantamaanusakena satte passati cavamaane upapajjamaane hiine pa.niite suva.n.ne dubaba.n.ne sugate duggate yathaakammuupage satte pajaanaati: ime vata bhonto sattaa kaayaduccaritena samannaagataa vaciiduccaritena samannaagataa manoduccaritena samannaagataa ariyaana.m upavaadakaa micchaadi.t.thikaa micchaadi.t.thiikammasamaadaanaa.|| ||

Te kaayassa bhedaa param mara.naa apaaya.m duggati.m vinipaata.m Niraya.m upapannaa.|| ||

Ime vaa pana bhonto sattaa kaayasucaritena samannaagataa vaciisucaritena samannaagataa manosucaritena samannaagataa ariyaana.m anupavaadakaa sammaadi.t.thiikaa sammaadi.t.thikammasamaadaanaa.|| ||

Te kaayassa bhedaa param mara.naa sugati.m sagga.m loka.m upapannaa'ti.|| ||

Iti dibbena cakkhunaa visuddhena atikkantamaanusakena satte passati cavamaane upapajjamaane hiine pa.niite suva.n.ne dubba.n.ne sugate duggate yathaakapammuupage satte pajaanaati.|| ||

Idam pi'ssa hoti vijjaaya.|| ||

78. So eva.m samaahite citte parisuddhe pariyodaate ana'nga.ne vigatuupakkilese mudubhuute kammaniye .thite aanejjappatte aasavaana.m khaya~naa.naaya citta.m abhiniiharati abhininnaameti.|| ||

So ida.m dukkhan ti yathaabhuuta.m pajaanaati.|| ||

Aya.m dukkhasamudayo'ti yathaabhuuta.m pajaanaati.|| ||

Aya.m dukkhanirodho'ti yathaabhuuta.m pajaanaati.|| ||

Aya.m dukkhanirodhagaaminipa.tipadaa'ti yathaabhuuta.m pajaanaati.|| ||

Ime aasavaa'ti yathaabhuuta.m pajaanaati.|| ||

Aya.m aasavasamudayo'ti yathaabhuuta.m pajaanaati.|| ||

Aya.m aasavanirodho'ti yathaabhuuta.m pajaanaati.|| ||

Aya.m aasavanirodhagaaminii pa.tipadaa'ti yathaabhuuta.m pajaanaati.|| ||

Tassa eva.m jaanato eva.m passato kaamaasavaa'pi citta.m vimuccati,||
bhavaasavaa'pi citta.m vimuccati,||
avijjaasavaa'pi citta.m vimuccati.|| ||

Vimuttasmi.m vimuttamiti ~naa.na.m hoti.|| ||

'Khii.naa jaati,||
vusita.m brahmacariya.m,||
kata.m kara.niiya.m,||
naapara.m itthattaayaa'ti pajaanaati.|| ||

Syethaapi amba.t.tha pabbatasa'nkhepe udakarahado accho vippasanno anaavilo,||
tattha cakkhumaa puriso tiire .thito passeyya sippisambukmpi sakkharaka.thalampi macchagumbampi carantampi ti.t.thantampi.|| ||

Tassa evam assa: aya.m kho udakarahado accho vippasanno anaavilo.|| ||

Tatirame sippisambukaa'pi sakkharaka.thalaa'pi macchagumbaa'pi caran' ti pi ti.t.than' ti.iiti.|| ||

Evam eva kho amba.t.tha bhikkhu samaahite citte parisuddhe pariyodaate ana'nga.ne vigatuupakkilese mudubhuute kammaniye .thite aanejjappatte aasavaana.m khaya~naa.naaya citta.m abhiniiharati abhininnaameti.|| ||

So 'ida.m dukkhan' ti.yathaabhuuta.m pajaanaati.|| ||

'Aya.m dukkhasamudayo'ti yathaabhuuta.m pajaanaati.|| ||

'Aya.m dukkhanirodho'ti yathaabhuuta.m pajaanaati.|| ||

'Aya.m dukkhanirodhagaaminii pa.tipadaa'ti yathaabhuuta.m pajaanaati.|| ||

'Ime aasavaa'ti yathaabhuuta.m pajaanaati.|| ||

'Aya.m aasavasamudayo'ti yathaabhuuta.m pajaanaati.|| ||

'Aya.m aasavanirodho'ti yathaabhuuta.m pajaanaati.|| ||

'Aya.m aasavanirodhagaaminiipa.tipadaa'ti yathaabhuuta.m pajaanaati.|| ||

Tassa eva.m jaanato eva.m passato kaamaasavaa'pi citta.m vimuccati,||
bhavaasavaa'pi citta.m vimuccati,||
avijjaasavaa'pi citta.m vimuccati.|| ||

Vimuttasmi.m vimuttamiti ~naa.na.m hoti.|| ||

'Khii.naa jaati,||
vusita.m brahmacariya.m,||
kata.m kara.niiya.m,||
naapara.m itthattaayaa'ti pajaanaati.|| ||

Aya.m kho saa amba.t.tha vijjaa.|| ||

79. Aya.m vuccati amba.t.tha bhikkhu vijjaasampanno iti pi,||
cara.na sampanno iti pi,||
vijjaa-cara.na-sampanno iti pi.|| ||

Imaaya ca amba.t.tha vijjaacara.nasampadaaya cara.nasampadaaya ca a~n~naa vijjaasampadaa ca cara.nasampadaa ca uttaritaraa vaa pa.niitataraa vaa n'atthi.|| ||

80. Imaaya kho amba.t.tha anuttaraaya vijjaacara.nasampadaaya [101] cattaari apaayamukhaani bhavanti.|| ||

Katamaani cattaari?|| ||

Idha amba.t.tha ekacco sama.no vaa braahma.no vaa ima~nveva anuttara.m vijjaacara.nasampada.m anabhisambhu.namaano khaarivivadhamaadaaya ara~n~naayatana.m ajjhogaahati pavattaphalabhojano bhavissaamiiti.|| ||

So a~n~nadatthu vijjaacara.nasampannasseva paricaarako sampajjati.|| ||

Imaaya kho amba.t.tha anuttaraaya vijjaacara.nasampadaaya ida.m pa.thama.m apaayamukha.m bhavati.|| ||

81. Puna ca para.m amba.t.tha idh'ekacco sama.no vaa braahma.no vaa ima~nc'eva anuttara.m vijjaacara.nasampada.m anabhisambhu.namaano pavattaphalabhojanata~n ca anabhisambhu.namaano kuddaalapi.taka.m aadaaya ara~n~naayatanamajjhogaahati kandamuulaphalabhojano bhavissaamiiti.|| ||

So a~n~nadatthu vijjaacara.nasampannasseva paricaarako sampajjati.|| ||

Imaaya ca kho amba.t.tha anuttaraaya vijjaacara.nasampadaaya ida.m dutiya.m apaayamukha.m bhavati.|| ||

82. Puna ca para.m amba.t.tha idh'ekacco sama.no vaa braahma.no vaa ima~nc'eva anuttara.m vijjaacara.nasampada.m anabhisambhu.namaano pavattaphalabhojanata~n ca anabhisambhu.namaano kandamuulaphalabhojanata~n ca anabhisambhu.namaano gaamasaamanta.m vaa nigamasaamanta.m vaa agyaagaara.m karitvaa aggi.m paricaranto acchati.|| ||

So a~n~nadatthu vijjaacara.nasampannasseva paricaariko sampajjati.|| ||

Imaaya kho amba.t.tha anuttaraaya vijjaacara.nasampadaaya ida.m tatiya.m apaayamukha.m bhavati.|| ||

83. Puna ca para.m amba.t.tha idh'ekacco sama.no vaa braahma.no vaa ima~nc'eva anuttara.m vijjaacara.nasampada.m anabhisambhu.namaano pavattaphalabhojana~nca anabhisambhu.namaano kandamuulaphalabhojanana~nca anabhisambhu.namaano aggiparicariya~n ca anabhisambhu.namaano [102] caatummahaapathe catudvaara.m agaara.m karitvaa acchati: yo imaahi catuuhi disaahi aagamissati sama.no vaa braahma.no vaa tamaha.m yathaasatti yathaabala.m pa.tipuujessaamiiti.|| ||

So a~n~nadatthu vijjaacara.nasampannasseva paricaarako sampajjati.|| ||

Imaaya kho amba.t.tha anuttaraaya vijjaacara.nasampadaaya ida.m catuttha.m apaayamukha.m bhavati.|| ||

Imaaya kho amba.t.tha anuttaraaya vijjaacara.nasampadaaya imaani cattaari apaayamukhaani bhavanti.|| ||

84. Ta.m kim ma~n~nasi amba.t.tha?|| ||

Api nu tva.m imaaya anuttaraaya vijjaacara.nasampadaaya sandissasi saacariyako?" ti.|| ||

"No h'ida.m bho Gotama.|| ||

Ko caaha.m bho Gotama saacariyako?|| ||

Kaa ca anuttaraa vijjaacara.nasampadaa?|| ||

Aarakaa'ha.m bho Gotama anuttaraaya vijjaacara.nasampadaaya saacariyako" ti.|| ||

"Ta.m kim ma~n~nasi amba.t.tha?|| ||

Api nu tva.m ima~nc'eva anuttara.m vijjaacara.nasampada.m anabhisambhu.namaano khaarivivadhamaadaaya ara~n~navanamajjhogaahasi saacariyako pavattaphalabhojano bhavissaamiti?"|| ||

"No h'ida.m bho Gotama."|| ||

"Ta.m kim ma~n~nasi amba.t.tha?|| ||

Api nu tva.m ima~nc'eva anuttara.m vijjaacara.nasampada.m anabhisambhu.namaano pavattaphalabhojanata~n ca anabhisambhu.namaano kuddaalapi.taka.m aadaaya ara~n~navanamajjhogaahasi saacariyako kandamuulaphalabhojano bhavissaamiiti?"|| ||

"No h'ida.m bho Gotama."|| ||

"Ta.m kim ma~n~nasi amba.t.tha?|| ||

Api nu tva.m ima~nc'eva anuttara.m vijjaacara.nasampada.m anabhisambhu.namaano pavattaphalabhojanana~nca anabhisambhu.namaano kandamuulaphalabhojanata~n ca anabhisambhu.namaano gaamasaamanta.m vaa nigamasaamanta.m vaa agyaagaara.m karitvaa aggi.m paricaranto acchasi saacariyako?|| ||

"Ti|| ||

[103] "No h'ida.m bho Gotama."|| ||

"Ta.m kim ma~n~nasi amba.t.tha api nu tva.m ima~nc'eva anuttara.m vijjaacara.nasampada.m anabhisambhu.namaano pavattaphalabhojanata~n ca anabhisambhu.namaano kandamuulaphalabhojanata~n ca anabhisambhu.namaano aggiparicariya~n ca anabhisambhu.namaano caatummahaapathe catudvaara.m agaara.m karitvaa acchasi saacariyako,||
yo imaahi catuuhi disaahi aagamissati sama.no vaa braahma.no vaa ta.m maya.m yathaasatti yathaabala.m pa.tipuujessaamaati?"|| ||

"No h'ida.m bho Gotama."|| ||

85. Iti kho amba.t.tha imaaya c'eva tva.m anuttaraaya vijjaacara.nasampadaaya parihiino saacariyako.|| ||

Ye cime anuttaraaya vijjaacara.nasampadaaya cattaari apaayamukhaani bhavanti,||
tato ca tva.m parihiino saacariyako.|| ||

Bhaasitaa kho pana te esaa amba.t.tha aacariyena braahma.nena pokkharasaadinaa vaacaa "ke ca mu.n.dakaa sama.nakaa ibbhaa ka.nhaa bandhupaadapaccaa,||
kaa ca tevijjaana.m braahma.naana.m saakacchaa" ti.|| ||

attanaa aapaayiko pi aparipuurayamaano.|| ||

Passa amba.t.tha yaava aparaddha~nca te ida.m aacariyassa braahma.nassa pokkharasaadissa.|| ||

86. Braahma.no kho pana amba.t.tha pokkharasaadii ra~n~no pasenadissa kosalassa dattika.m bhu~njati.|| ||

Tassa raajaa pasenadi kosalo sammukhiibhaavampi na dadaati.|| ||

Yadaapi tena manteti tirodussena manteti.|| ||

Yassa kho pana amba.t.tha dhammika.m payata.m bhikkha.m patiga.nheyya,||
katha.m tassa raajaa pasenadii kosalo sammukhiibhaavampi na dadeyya?|| ||

Passa amba.t.tha yaavaaparaddha~nca te ida.m aacariyassa braahma.nassa pokkharasaadissa.|| ||

Ta.m kim ma~n~nasi amba.t.tha?|| ||

Raajaa pasenadi kosalo hatthigiivaaya vaa nisinno assapi.t.the vaa nisinno rathuupatthare vaa .thito uggehi vaa raaja~n~nehi vaa ki~nci'd'eva [104] manta.na.m manteyya,||
so tamhaa padesaa apakkamma eka-m-anta.m ti.t.theyya.|| ||

Atha aagaccheyya suddo vaa suddadaaso vaa,||
so tasmi.m padese .thito tad eva manta.na.m manteyya: evam pi raajaa pasenadi kosalo aaha evam pi raajaa pasenadii kosalo aahaati.|| ||

Api nu so raajabha.nita.m vaa bha.nati raajamanta.m vaa manteti,||
ettaavataa so assa raajaa vaa raajamahaamatto vaati?"|| ||

"No h'ida.m bho Gotama."|| ||

87. Evam eva kho tva.m amba.t.tha,||
ye te ahesu.m braahma.naana.m pubbakaa isayo mantaana.m kattaaro mantaana.m pavattaaro,||
yesamida.m etarahi braahma.naa poraa.na.m mantapada.m giita.m pavutta.m samuuhita.m tadanuggaayanti tadanubhaasanti bhaasitamanubhaasanti vaacitamanuvaacenti,||
seyyathiida.m: a.t.tako vaamako vaamadevo vessaamitto yamataggii a'ngiraso bhaaradvaajo vaase.t.tho Kassapo bhagu,||
tyaaha.m mante adhiyaami saacariyako'ti taavataa tva.m bhavissasi isi vaa isittaaya vaa pa.tinno'ti n'eta.m .thaana.m vijjati.|| ||

88. Ta.m kim ma~n~nasi amba.t.tha kinti te suta.m braahma.naana.m vu.d.dhaana.m mahallakaana.m aacariyapaacariyaana.m bhaasamaanaana.m: "ye te ahesu.m braahma.naana.m pubbakaa isayo mantaana.m kattaaro mantaana.m pavattaaro,||
yesamida.m etarahi braahma.naa poraa.na.m mantapada.m giita.m pavutta.m samuuhita.m tadanugaayanti tadanubhaasanti bhaasitamanubhaasanti vaacitamanuvaacenti seyyathiida.m: a.t.tako,||
vaamako,||
vaamadevo,||
vessaamitto,||
yamataggi,||
a'ngiraso,||
bhaaradvaajo,||
vaase.t.tho,||
Kassapo,||
bhagu - eva.m su te sunhaataa suvilittaa kappitakesamassuu aamuttama.niku.n.dalaabhara.naa odaatavatthavasanaa pa~ncahi kaama-gu.nehi samappitaa sama'ngibhuutaa paricaarenti,||
seyyathaa pi tva.m etarahi saacariyako?" ti.|| ||

[105] "no h'ida.m bho Gotama."|| ||

89. "Eva.m su te saaliina.m odana.m sucima.msuupasecana.m vicitakaalaka.m anekasuupa.m anekavya~njana.m paribhu~njanti,||
seyyathaa pi tva.m etarahi saacariyako?" ti.|| ||

"No h'ida.m bho Gotama."|| ||

"Eva.m su te ve.thanakapassaahi naariihi paricaarenti seyyathaa pi tva.m etarahi saacariyako?" ti.|| ||

"No h'ida.m bho Gotama."|| ||

"Eva.m su te kuttavaalehi va'avaarathehi diighaahi patodala.t.thihi vaahane vitudentaa vipariyaayanti seyyathaa pi tva.m etarahi saacariyako?" ti.|| ||

" No h'ida.m bho Gotama."|| ||

"Eva.m su te ukki.n.naparikhaasu okkhittapalighaasu nagaruupakaarikaasu diighaasibaddhehi purisehi rakkhaapeti seyyathaa pi tva.m etarahi saacariyako?" ti.|| ||

" No h'ida.m bho Gotama."|| ||

Iti kho amba.t.tha n'eva tva.m isi,||
na isittaaya pa.tipanno saacariyako.|| ||

Yassa kho pana amba.t.tha mayi ka'nkhaa vaa vimati vaa,||
so ma.m pa~nhena,||
aha.m veyyakara.nena sodhissaamii" ti.|| ||

90. Atha kho Bhagavaa vihaaraa nikkhamma cankama.m abbhu.t.thaasi.|| ||

Amba.t.tho pi maa.navo vihaaraa nikkhamma cankama.m abbhu.t.thaasi.|| ||

Atha kho amba.t.tho maa.navo Bhagavanta.m ca'nkamanta.m anuca'nkamamaano kaaye dvatti.msamahaapurisalakkha.naani samannesi.|| ||

Addasa kho amba.t.tho maa.navo Bhagavato kaaye dvatti.msamahaapurisalakkha.naani yebhuyyena .thapetvaa [106] dve.|| ||

Dviisu mahaapurisalakkha.nesu ka'nkhati vicikicchati naadhimuccati na sampasiidati kosohite ca vatthaguyhe1 pahuutajivhataaya ca.|| ||

91. Atha kho Bhagavato etad ahosi: passati kho me aya.m amba.t.tho maa.navo dvatti.msamahaapurisalakkha.naani yebhuyyena .thapetvaa dve.|| ||

Dviisu mahaapurisalakkha.nesu ka'nkhati vicikicchati naadhimuccati na sampasiidati kosohite ca vatthaguyhe pahuutajivhataaya caa ti.|| ||

Atha kho Bhagavaa tathaaruupa.m iddhaabhisankhaara.m abhisa'nkaasi yathaa addasa amba.t.tho maa.navo Bhagavato kosohita.m vatthaguyha.m.|| ||

Atha kho Bhagavaa jivha.m ninnaametvaa ubho pi ka.n.nasotaani anumasi parimasi.|| ||

Ubho pi naasikaasotaani anumasi parimasi.|| ||

Kevalampi na'aa.tama.n.dala.m jivhaaya chaadesi.|| ||

Atha kho amba.t.thassa maa.navassa etad ahosi: samannaagato kho sama.no gotavo dvatti.msamahaapurisalakkha.nehi paripu.n.nehi no aparipu.n.nehiiti Bhagavanta.m etad avoca: "handa ca'daani maya.m bho Gotama gacchaama.|| ||

Bahukiccaa maya.m bahukara.niiyaa" ti.|| ||

"Yassa'daani tva.m amba.t.tha kaala.m ma~n~nasiiti".|| ||

Atha kho amba.t.tho maa.navo va'avaarathamaaruyha pakkaami.|| ||

92. Tena kho pana samayena brahma.no pokkharasaadi ukka.t.thaaya nikkhamitvaa mahataa braahma.naga.nena saddhi.m sake aaraame nisinno hoti amba.t.tha.m yeva maa.nava.m patimaanento.|| ||

Atha kho amba.t.tho maa.navo yena sako aaraamo tena paayaasi.|| ||

Yaavatikaa yaanassa bhuumi yaanena gantvaa yaanaa paccorohitvaa pattiko'va yena braahma.no pokkharasaadii ten'upasa'nkami,||
upasa'nkamitvaa braahma.na.m pokkharasaadi.m abhivaadetvaa eka-m-anta.m nisiidi.|| ||

93. Eka-m-anta.m nisinna.m kho amba.t.tha.m maa.nava.m braahma.no pokkharasaadii etad avoca: kacci taata amba.t.tha addasa ta.m bhavanta.m Gotamanti?.|| ||

"Addasaama kho bho ta.m bhavanta.m Gotamanti."|| ||

"Kacci taata amba.t.tha ta.m bhavanta.m Gotama.m tathaa [107] santo yeva saddo abbhuggato no a~n~nathaa?|| ||

Kacci pana bho so bhava.m Gotamo taadiso no a~n~naadiso?" ti.|| ||

"Tathaa santo yeva bho ta.m bhavanta.m Gotama.m saddo abbhuggato no a~n~nathaa.|| ||

Taadiso'va bho so bhava.m Gotamo no a~n~naadiso.|| ||

Samannaagato ca bho so bhava.m Gotamo dvatti.msamahaapurisalakkha.nehi paripu.n.nehi no aparipu.n.nehii" ti.|| ||

"Ahu pana te taata amba.t.tha sama.nena Gotamena saddhi.m kocideva kathaasallaapo?" ti.|| ||

"Ahu kho yeva bho sama.nena Gotamena saddhi.m kocideva kathaasallaapo?" ti.|| ||

"Yathaakatha.m pana te taata amba.t.tha ahu sama.nena Gotamena saddhi.m kocideva kathaasallaapo?" ti.|| ||

Atha kho amba.t.tho maa.navo yaavatako ahosi Bhagavataa saddhi.m kathaasallaapo ta.m sabba.m braahma.nassa pokkharasaadissa aarocesi.|| ||

94. Eva.m vutte braahma.no pokkharasaadii amba.t.tha.m maa.nava.m etad avoca: "aho vata re,||
amhaaka.m pa.n.ditaka! Aho vata re amhaaka.m bahussutaka! Aho vata re,||
amhaaka.m tevijjaka! Evaruupena kira bho puriso atthacarakena kaayassa bhedaa param mara.naa apaaya.m duggati.m vinipaata.m Niraya.m upapajjeyya.|| ||

Yad eva kho tva.m amba.t.tha ta.m bhavanta.m Gotama.m eva.m aasajja aasajja avacaasi.|| ||

Atha kho bhava.m Gotamo amhe'pi eva.m upaneyya upaneyya avaca.|| ||

Abho vata re,||
amhaaka.m pa.n.ditaka! Aho vata re,||
amhaaka.m bahussutaka! Aho vata re,||
amhaaka.m tevijjaka! Evaruupena kira bho puriso atthacarakena kaayassa bhedaa param mara.naa apaaya.m duggati.m vinipaata.m Niraya.m upapajjeyyaa" ti.kupito anattamano amba.t.tha.m maa.nava.m padasaa yeva pavattesi.|| ||

Icchati ca taavadeva Bhagavanta.m dassanaaya upasa'nkamitu.m.|| ||

95. [108] atha kho te braahma.naa braahma.na.m pokkharasaadi.m etad avocu.m: ativikaalo kho bho ajja sama.na.m Gotama.m dassanaaya upasa'nkamitu.m.|| ||

Svedaani bhava.m pokkharasaatii sama.na.m Gotama.m dassanaaya upasa'nkamissatii" ti.|| ||

Atha kho braahma.no sake nivesane pa.niita.m khaadaniiya.m bhojaniiya.m pa.tiyaadaapetvaa yaanesu aaropetvaa ukkaasu dhaariyamaanaasu ukka.t.thaaya niyyaasi.|| ||

Yena Icchaana'ngalavanasa.n.do tena paayaasi.|| ||

Yaavatikaa yaanassa bhuumi yaanena gantvaa yaanaa paccorohitvaa pattiko'va yena Bhagavaa ten'upasa'nkami.|| ||

Upasa'nkamitvaa Bhagavataa saddhi.m sammodaniiya.m katha.m saaraa.niiya.m viitisaaretvaa eka-m-anta.m nisiidi.|| ||

Eka-m-anta.m nisinno kho braahma.no pokkharasaadii Bhagavanta.m etad avoca: "aagamaanukhavidha bho Gotama amhaaka.m antevaasii amba.t.tho maa.navo?" ti.|| ||

"Aagamaa kho te antevaasii amba.t.tho maa.navo" ti.|| ||

"Ahu pana te bho Gotama amba.t.thena maa.navena saddhi.m kocideva kathaasallaapo?" ti.|| ||

"Ahu kho me braahma.na amba.t.thena maa.navena saddhi.m kocideva kathaasallaapo" ti.|| ||

"Yathaakatha.m pana te bho Gotama ahu amba.t.thena maa.navena saddhi.m kocideva kathaasallaapo?" ti.|| ||

Atha kho Bhagavaa yaavatiko ahosi amba.t.thena maa.navena saddhi.m kathaasallaapo,||
ta.m sabba.m braahma.nassa pokkharasaadissa aarocesi.|| ||

"Eva.m vutte braahma.no pokkharasaadi Bhagavanta.m etad avoca: baalo bho Gotama amba.t.tho maa.navo.|| ||

Khamatu bhava.m Gotamo amba.t.thassa maa.navassaa" ti.|| ||

"Sukhii hotu braahma.na amba.t.tho maa.navo" ti.|| ||

96. [109] atha kho braahma.no pokkharasaadi Bhagavato kaaye dvatti.msamahaapurisalakkha.naani samannesi.|| ||

Addasaa kho braahma.no pokkharasaadii Bhagavato kaaye dvatti.msamahaapurisalakkha.naani yebhuyyena .thapetvaa dve.|| ||

Dviisu mahaapurisalakkha.nesu ka'nkhati vicikicchati naadhimuccati na sampasiidati kosohite ca vatthaguyhe pahuutajivhataaya ca.|| ||

97. Atha kho Bhagavato etad ahosi: passati kho me aya.m braahma.no pokkharasaadii dvatti.msamahaapurisalakkha.naani yebhuyyena .thapetvaa dve.|| ||

Dviisu mahaapurisalakkha.nesu ka'nkhati vicikicchati naadhimuccati na sampasiidati kosohite ca vatthaguyhe pahuutajivhataaya caa ti.|| ||

Atha kho Bhagavaa tathaaruupa.m iddhaabhisankhaara.m abhisa'nkhaasii yathaa addasa braahma.no pokkharasaadii Bhagavato kosohita.m vatthaguyha.m.|| ||

Atha kho Bhagavaa jivha.m ninnaametvaa ubho pi ka.n.nasotaani anumasi,||
pa.timasi,||
ubho pi naasikaasotaani anumasi,||
pa.timasi.|| ||

Kevalampi na'aa.tama.n.dala.m jivhaaya chaadesi.|| ||

98. Atha kho braahma.nassa pokkharasaadissa etad ahosi: "samannaagato kho Sama.no Gotamo dvatti.msamahaapurisalakkha.nehi paripu.n.nehi no aparipu.n.nehii" ti.Bhagavanta.m etad avoca: adhivaasetu me bhava.m Gotamo ajjatanaaya bhatta.m saddhi.m bhikkhusa'nghenaa" ti.|| ||

Adhivaasesi Bhagavaa tu.nhiibhaavena.|| ||

99. Atha kho braahma.no pokkharasaadii Bhagavato,||
adhivaasana.m viditvaa Bhagavato kaala.m aarocesi: kaalo bho Gotama,||
ni.t.thita.m bhattanti.'|| ||

Atha kho Bhagavaa pubba.nhasamaya.m nivaasetvaa pattaciivaramaadaaya saddhi.m bhikkhu-sa'nghena yena buhma.nassa pokkharasaadissa parivesanaa ten'upasa'nkhami.|| ||

Upasa'nkamitvaa pa~n~natte aasane nisiidi.|| ||

Atha kho braahma.no pokkharasaatii Bhagavanta.m pa.niitena khaadaniiyena bhojaniiyena sahatthaa santappesi sampavaaresi.|| ||

Maa.navakaa'pi bhikkhu-sa'ngha.m.|| ||

Atha kho braahma.no pokkharasaatii Bhagavanta.m bhuttaavi.m oniitapattapaa.ni.m a~n~natara.m niica.m aasana.m gahetvaa eka-m-anta.m nisiidi.|| ||

100. Eka-m-anta.m nisinnassa kho braahma.nassa pokkharasaadissa [110] Bhagavaa aanupubbiikatha.m kathesi,||
seyyathiida.m: daanakatha.m siilakatha.m saggakatha.m kaamaana.m aadiinava.m okaara.m sa.mkilesa.m nekkhamme ca aanisa.msa.m pakaasesi.|| ||

Yadaa Bhagavaa a~n~naasi braahma.na.m pokkharasaati.m kallacitta.m muducitta.m viniivara.nacitta.m udaggacitta.m pasannacitta.m,||
atha yaa buddhaana.m saamukka.msikaa dhammadesanaa ta.m pakaasesi: dukkha.m samudaya.m nirodha.m magga.m.|| ||

Seyyathaa pi naama suddha.m vattha.m apagatakaa'aka.m samma-d-eva rajana.m pa.tigga.nheyya,||
evam eva braahma.nassa pokkharasaadissa tasmi.m yeva aasane viraja.m viitamala.m dhammacakkhu.m udapaadi ya.m ki~nci samudayadhamma.m sabba.m ta.m nirodhadhammanti.|| ||

101. Atha kho braahma.no pokkharasaadii di.t.thadhammo pattadhammo viditadhammo pariyogaa.lhadhammo ti.n.navicikiccho vigatakatha.mkatho vesaarajjappatto aparappaccayo satthusaasane Bhagavanta.m etad avoca: "abhikkanta.m bho Gotama abhikkanta.m bho Gotama.|| ||

Seyyathaa pi bho Gotama nikkujjita.m vaa ukkujjeyya pa.ticchanna.m vaa vivareyya muu.lhassa vaa magga.m aacikkheyya andhakaare vaa telapajjota.m dhaareyya cakkhumanto ruupaani dakkhintiiti,||
evam eva bhotaa Gotamena aneka-pariyaayena dhammo pakaasito.|| ||

Esaaha.m bho Gotama saputto sabhariyo sapariso saamacco bhavanta.m Gotama.m sara.na.m gacchaami dhamma~nca bhikkhu-sa'ngha~n ca.|| ||

Upaasaka.m ma.m bhava.m Gotamo dhaaretu ajjatagge paa.nupeta.m sara.na.m gata.m.|| ||

Yathaa ca bhava.m Gotamo ukka.t.thaaya a~n~naani upaasakakulaani upasa'nkamati evam eva bhava.m Gotamo pokkharasaadikula.m upasa'nkamatu.|| ||

Tattha ye te maa.navakaa vaa maa.navikaa vaa bhavanta.m Gotama.m abhivaadessanti vaa paccu.t.thi'ssanti vaa aasana.m vaa udaka.m vaa dassanti citta.m vaa pasaadessanti,||
tesa.m ta.m bhavissanti diigha-ratta.m hitaaya sukhaayaa" ti.|| ||

"Kalyaa.na.m vuccati braahma.naa" ti.|| ||


Contact:
E-mail
Copyright Statement