Digha Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Diigha Nikaaya

Sutta 8

Siihanaada Suttanta.m

Adapted from the digital version of the Sri Lanka Buddha Jayanti Tripitaka Series

 


[161]

[1][pts] Eva.m me suta.m:|| ||

Eka.m samaya.m Bhagavaa uju~n~naaya.m viharati ka.n.nakatthale Migadaaye.|| ||

Atha kho acelo Kassapo yena Bhagavaa ten'upasa'nkami.|| ||

Upasa'nkamitvaa Bhagavataa saddhi.m sammodi.|| ||

Sammodaniiya.m katha.m saaraa.niiya.m viitisaaretvaa eka-m-anta.m a.t.thaasi.

2. Eka-m-anta.m .thito kho acelo Kassapo Bhagavanta.m etad avoca:|| ||

"Sutamme ta.m bho Gotama,||
'Sama.no Gotamo sabba.m tapa.m garaha' ti.|| ||

Sabba.m tapassi.m lukhaajiivi.m eka.msena upakkosati upavadatii' ti.|| ||

Ye te bho Gotama evam aaha.msu 'Sama.no Gotamo sabba.m ta.m garahati,||
sabba.m tapassi.m lukhaajiivi.m eka.msena upakkosati upavadatii' ti.|| ||

Kacci te bhoto Gotamassa vuttavaadino?|| ||

Na ca bhavanta.m Gotama.m abhuutena abbhaacikkhanti?|| ||

Dhammassa caanudhamma.m byaakaronti?|| ||

Na ca koci sahadhammiko vaadaanuvaado gaarayha.m .thaana.m aagacchati?|| ||

Anabbhakkhaatukaamaa hi maya.m bhavanta.m Gotaman" ti.|| ||

3. Ye te Kassapa evam aaha.msu:|| ||

'Sama.no Gotamo sabba.m tapa.m garaha' ti.|| ||

'Sabba.m tapassi.m lukhaajiivi.m eka.msena upakkosati upavadatii' ti||
na me te vuttavaadino.|| ||

Abbhaacikkhanti ca pana ma.m te asataa abhuutena.|| ||

Idaaha.m Kassapa ekacca.m tapassi.m lukhaajiivi.m passaami dibbena [162] cakkhunaa visuddhena atikkantamaanusakena kaayassa bhedaa param mara.naa apaaya.m duggati.m vinipaata.m Niraya.m upapanna.m.|| ||

Idha panaaha.m Kassapa ekacca.m tapassi.m lukhaajiivi.m passaami dibbena cakkhunaa visuddhena atikkantamaanusakena kaayassa bhedaa param mara.naa sugati.m sagga.m loka.m upapanna.m.|| ||

Idaaha.m Kassapa ekacca.m tapassi.m appadukkhavihaari.m passaami dibbena cakkhunaa visuddhena atikkantamaanusakena kaayassa bhedaa param mara.naa apaaya.m duggati.m vinipaata.m Niraya.m upapanna.m.|| ||

*. Kassapa siihanaata sutta.m,||
kesuci.|| ||

Khuddhasiihanaadasuttantipi.|| ||

A.t.thakathaa.|| ||

Mahaasiihanaadasutta.m,||
machasa.m.|| ||

Idhapanaaha.m Kassapa ekacca.m tapassi.m appadukkhavihaari.m passaami dibbena cakkhunaa visuddhena atikkantamaanusakena kaayassa bhedaa param mara.naa sugati.m sagga.m loka.m upapanna.m.|| ||

Yo'ha.m Kassapa imesa.m tapassiina.m eva.m aagati~nca gati~nca cuti~nca upapatti~nca yathaabhuuta.m pajaanaami.|| ||

So'ha.m ki.m sabba.m tapa.m garahissaami,||
sabba.m vaa tapassi.m lukhaajiivi.m eka.msena upakkosissaami upavadissaami?

4. Santi Kassapa eke sama.na-braahma.naa pa.n.ditaa nipu.naa kata-parappavaadaa vaa'avedhiruupaa vobhindantaa1 ma~n~ne caranti pa~n~naa-gatena di.t.thi-gataani.|| ||

Tehi'pi me saddhi.m ekaccesu .thaanesu sameti ekaccesu .thaanesu na sameti.|| ||

Yante ekacca.m vadenti saadhuu' ti,||
mayam pi ta.m ekacca.m vadema saadhuu' ti.|| ||

Yante ekacca.m vadenti na saadhuu' ti,||
mayam pi ta.m ekacca.m vadema na saadhuu' ti.|| ||

Yante ekacca.m vadenti saadhuu' ti,||
maya.m ta.m ekacca.m vadema na saadhuu' ti.|| ||

Yante ekacca.m vadenti na saadhuu' ti,||
maya.m ta.m ekacca.m vadema saadhuu' ti.|| ||

Ya.m maya.m ekacca.m vadema saadhuu' ti,||
pare'pi ta.m ekacca.m vadenti na saadhuu' ti.|| ||

Ya.m maya.m ekacca.m vadema na saadhuu' ti,||
pare'pi ta.m ekacca.m vadenti na saadhuu' ti.|| ||

[163] ya.m maya.m ekacca.m vadema na saadhuu' ti,||
pare'pi ta.m ekacca.m vadenti saadhuu' ti.|| ||

Ya.m maya.m ekacca.m vadema saadhuu' ti.|| ||

Pare'pi ta.m ekacca.m vadenti na saadhuu' ti.|| ||

Tyaaha.m upasa'nkamitvaa eva.m vadaami: yesu no aavuso .thaanesu na sameti,||
ti.t.thantu taani .thaanaani.|| ||

Yesu .thaanesu sameti,||
tattha vi~n~nuu samanuyu~njanta.m samanugaahanta.m samanubhaasanta.m satthaaraa vaa satthaara.m sa'nghena vaa sa'ngha.m: "ye imesa.m bhavata.m dhammaa akusalaa akusalasa'nkhaataa saavajjaa saavajjasa'nkhaataa asevitabbaa asevitabbasa'nkhaataa na alamariyaa na alamariyasa'nkhaataa ka.nhaa ka.nhasa'nkhaataa,||
ko ime dhamme anavasesa.m pahaaya vattati,||
sama.no vaa Gotamo pare vaa pana bhonto ga.naacariyaa" ti?

.Thaana.m kho pan'eta.m Kassapa vijjati ya.m vi~n~nuu samanuyu~njantaa samanugaahantaa samanubhaasantaa eva.m vadeyyu.m: "ye imesa.m bhavata.m dhammaa akusalaa akusalasa'nkhaataa saavajjaa saavajjasa'nkhaataa asevitabbaa asevitabbasa'nkhaataa na alamariyaa na alamariyasa'nkhaataa ka.nhaa ka.nhasa'nkhaataa,||
Sama.no Gotamo ime dhamme anavasesa.m pahaaya vattati,||
ya.m vaa pana bhonto pare ga.naacariyaa" ti.|| ||

Iti ha Kassapa vi~n~nuu samanuyu~njantaa samanugaahantaa samanubhaasantaa amheva tattha yebhuyyena pasa.mseyyu.m.|| ||

5. Aparam pi no Kassapa vi~n~nuu samanuyu~njanta.m samanugaahanta.m samanubhaasanta.m satthaara.m sa'nghena vaa sa'ngha.m: "ye imesa.m bhavata.m dhammaa kusalaa kusalasa'nkhaataa anavajjaa anavajjasa'nkhaataa sevitabbaa sevitabbasa'nkhaataa alamariyaa alamariyasa'nkhaataa sukkaa sukkasa'nkhaataa,||
ko ime dhamme anavasesa.m samaadaaya vattati sama.no vaa Gotamo pare vaa pana bhonto ga.naacariyaa" ti?

.Thaana.m kho pan'eta.m Kassapa vijjati ya.m vi~n~nuu samanuyu~njantaa samanugaahantaa samanubhaasantaa eva.m [164] vadeyyu.m: "ye imesa.m bhavata.m dhammaa kusalaa kusalasa'nkhaataa anavajjaa anavajjasa'nkhaataa sevitabbaa sevitabbasa'nkhaataa alamariyaa alamariyasa'nkhaataa sukkaa sukkasa'nkhaataa,||
Sama.no Gotamo ime dhamme anavasesa.m samaadaaya vattati ya.m vaa pana bhonto pare ga.naacariyaa" ti.|| ||

Iti ha Kassapa vi~n~nuu samanuyu~njantaa samanugaahantaa samanubhaasantaa amheva tattha yebhuyyena pasa.mseyyu.m.|| ||

6. Aparam pi no Kassapa vi~n~nuu samanuyu~njanta.m samanugaahanta.m samanubhaasanta.m satthaaraa vaa satthaara.m sa'nghena vaa sa'ngha.m: "ye imesa.m bhavata.m dhammaa akusalaa akusalasa'nkhaataa saavajjaa saavajjasa'nkhaataa asevitabbaa asevitabbasa'nkhaataa na alamariyaa na alamariyasa'nkhaataa ka.nhaa ka.nhasa'nkhaataa ko ime dhamme anavasesa.m pahaaya vattati Gotamasaavakasa'ngho vaa pare vaa pana bhonto ga.naacariyasaavakasa'nghaa" ti?

.Thaana.m kho pan'eta.m Kassapa vijjati ya.m vi~n~nuu samanuyu~njantaa samanugaahantaa samanubhaasantaa eva.m vadeyyu.m: "ye imesa.m bhavata.m dhammaa akusalaa akusalasa'nkhaataa saavajjaa saavajjasa'nkhaataa asevitabbaa asevitabbasa'nkhaataa na alamariyaa na alamariyasa'nkhaataa ka.nhaa ka.nhasa'nkhaataa,||
Gotamasaavakasa'ngho ime dhamme anavasesa.m pahaaya vattati,||
ya.m vaa pana bhonto pare ga.naacariyasaavakasa'nghaa" ti.|| ||

Iti ha Kassapa vi~n~nuu samanuyu~njantaa samanugaahantaa samanubhaasantaa amheva tattha yebhuyyena pasa.mseyyu.m.|| ||

7. Aparam pi no Kassapa vi~n~nuu samanuyu~njanta.m samanugaahanta.m samanubhaasanta.m satthaaraa vaa satthaara.m sa'nghena vaa sa'ngha.m: "ye imesa.m bhavata.m dhammaa kusalaa kusalasa'nkhaataa anavajjaa anavajjasa'nkhaataa sevitabbaa sevitabbasa'nkhaataa alamariyaa alamariyasa'nkhaataa sukkaa sukkasa'nkhaataa,||
ko ime dhamme anavasesa.m samaadaaya vattati?|| ||

Gotamasaavakasa'ngho vaa,||
pare vaa pana bhonto ga.naacariyasaavakasa'nghaa" ti?

.Thaana.m kho pan'eta.m Kassapa vijjati ya.m vi~n~nuu samanuyu~njantaa [165] samanugaahantaa samanubhaasantaa eva.m vadeyyu.m "ye imesa.m bhavata.m dhammaa kusalaa kusalasa'nkhaataa anavajjaa anavajjasa'nkhaataa sevitabbaa sevitabbasa'nkhaataa alamariyaa alamariyasa'nkhaataa sukkaa sukkasa'nkhaataa,||
Gotamasaavakasa'ngho ime dhamme anavasesa.m samaadaaya vattati,||
ya.m vaa pana bhonto pare ga.naacariyasaavakasa'ngho" ti.|| ||

Iti ha Kassapa vi~n~nuu samanuyu~njantaa samanugaahantaa samanubhaasantaa amheva tattha yebhuyyena pasa.mseyyu.m.|| ||

8. Atthi Kassapa maggo atthi pa.tipadaa yathaa pa.tipanno saama.m yeva ~nassati saama.m dakkhiti "sama.no'va Gotamo kaala-vaadii bhuuta-vaadii attha-vaadii dhamma-vaadii vinaya-vaadii" ti.|| ||

Katamo ca Kassapa maggo katamaa pa.tipadaa yathaa pa.tipanno saama.m yeva ~nassati saama.m dakkhiti "sama.no'va Gotamo kaala-vaadii bhuuta-vaadii attha-vaadii dhamma-vaadii vinaya-vaadii" ti?

Ayameva ariyo a.t.tha'ngiko maggo.|| ||

Seyyathiida.m: sammaadi.t.thi sammaasa'nkappo sammaavaacaa sammaakammanto sammaaaajiivo sammaavaayaamo sammaasati sammaasamaadhi.|| ||

Aya.m kho Kassapa maggo aya.m pa.tipadaa,||
yathaa pa.tipanno saama.m yeva ~nassati saama.m dakkhiti 'sama.no'va Gotamo kaala-vaadii bhuuta-vaadii attha-vaadii dhamma-vaadii vinaya-vaadii' ti.|| ||

9. Eva.m vutte acelo Kassapo Bhagavanta.m etad avoca:

"Ime'pi kho aavuso Gotama tapopakkamaa ekesa.m [166] sama.na-braahma.naana.m saama~n~nasa'nkhaataa ca brahma~n~nasa'nkhaataa ca: acelako hoti muttaacaaro,||
hatthaapalekhano,||
na ehibhadantiko,||
na ti.t.thabhadantiko,||
naabhiha.ta.m,||
na uddissaka.ta.m,||
na nimantana.m saadiyati.|| ||

So na kumbhimukhaa pa.tigga.nhaati,||
na ka'opimukhaa pa.tigga.nhaati,||
na e'akamantara.m.|| ||

Na da.n.damantara.m,||
na musalamantara.m,||
na dvinna.m bhu~njamaanaana.m,||
na gabbhiniyaa,||
na paayamaanaaya,||
na purisantaragataaya,||
na sa.mkittiisu,||
na yattha saa upa.t.thito hoti,||
na yattha makkhikaa sa.n.dasa.n.dacaarinii,||
na maccha.m na ma.msa.m na sura.m na meraya.m na thusodaka.m pivati.|| ||

So ekaagaariko vaa hoti ekaalopiko,||
dvaagaariko vaa hoti dvaalopiko,||
sattaagaariko vaa hoti sattaalopiko,||
ekissaapi dattiyaa yaapeti,||
dviihipi dattiipi yaapeti,||
sattahipi dattiihi yaapeti,||
ekaahikampi aahaara.m aahaareti,||
dvaahikampi aahaara.m aahaareti,||
sattaahikampi aahaara.m aahaareti.|| ||

Iti evaruupa.m addhamaasikampi pariyaayabhattabhojanaanuyogamanuyutto viharati.|| ||

10. Ime'pi kho aavuso Gotama tapopakkamaa ekesa.m sama.na-braahma.naana.m saama~n~nasa'nkhaataa ca brahma~n~nasa'nkhaataa ca: saakabhakkho vaa hoti,||
saamaakabhakkho vaa hoti,||
niivaarabhakkho vaa hoti,||
daddulabhakkho vaa hoti,||
ha.tabhakkho vaa hoti,||
ka.nabhakkho vaa hoti,||
aacaamabhakkho vaa hoti,||
pi~n~naakabhakkho vaa hoti,||
ti.nabhakkho vaa hoti,||
gomayabhakkho vaa hoti,||
vanamuulaphalaahaaro yaapeti pavattaphalabhojii.|| ||

11. Ime'pi kho aavuso Gotama tapopakkamaa ekesa.m sama.na-braahma.naana.m saama~n~nasa'nkhaataa ca brahma~n~nasa'nkhaataa ca: saa.naani pi dhaareti,||
masaa.naani pi dhaareti,||
chavadussaani pi dhaareti,||
pa.msukuulaani pi dhaareti,||
tirii.taani pi dhaareti,||
[167] ajinampi dhaareti,||
ajinakkhipampi dhaareti,||
kusaciirampi dhaareti,||
vaakaciirampi dhaareti,||
elakaciirampi dhaareti,||
kesakambalampi dhaareti,||
vaalakambalampi dhaareti,||
uluukapakkhikampi dhaareti,||
kesamassulocako pi hoti kesamassulocanaanuyogamanuyutto,||
ubbha.t.thako pi hoti aasanapa.tikkhitto,||
ukku.tiko pi hoti ukku.tikappadhaanamanuyutto,||
ka.n.takaapassayiko pi hoti,||
ka.n.takaapassaye seyya.m kappeti,||
phalakaseyyampi kappeti,||
tha.n.dilaseyyampi kappeti,||
ekapassasayiko pi hoti,||
rajojalladharo abbhokaasiko pi hoti yathaasanthatiko,||
veka.tiko pi hoti vika.tabhojanaanuyogamanuyutto,||
apaanako pi hoti apaanakattamanuyutto,||
saayatatiyakampi1 udakoroha.naanuyogamanuyutto viharatii" ti.|| ||

12. "Acelako ce pi Kassapa hoti muttacaaro hatthaapalekhano,||
na ehibhadantiko,||
na ti.t.thabhadantiko,||
naabhiha.ta.m,||
na uddissaka.ta.m,||
na nimittana.m saadiyati.|| ||

So na kumbhimukhaa pa.tigga.nhaati,||
na ka'opimukhaa pa.tigga.nhaati,||
na e'akamantara.m.|| ||

Na da.n.damantara.m,||
na musalamantara.m,||
na dvinna.m bhu~njamaanaana.m,||
na gabbhiniyaa,||
na paayamaanaaya,||
na purisantaragataaya,||
na sa.mkittiisu,||
na yattha saa upa.t.thito hoti,||
na yattha makkhikaa sa.n.dasa.n.dacaarinii,||
na maccha.m na ma.msa.m.|| ||

Na sura.m na meraya.m na thusodaka.m pivati.|| ||

So ekaagaariko vaa hoti ekaalopiko,||
dvaagaariko vaa hoti dvaalopiko,||
sattaagaariko vaa hoti sattaalopiko,||
ekissaapi dattiyaa yaapeti,||
dviihipi dattiipi yaapeti,||
sattahipi dattiihi yaapeti,||
ekaahikampi aahaara.m aahaareti,||
dvaahikampi aahaara.m aahaareti,||
sattaahikampi aahaara.m aahaareti.|| ||

Iti evaruupa.m addhamaasikampi pariyaayabhattabhojanaanuyogamanuyutto viharati.|| ||

Tassa caaya.m siilasampadaa cittasampadaa pa~n~naasampadaa abhaavitaa hoti asacchikataa.|| ||

Atha kho so aarakaa'va saama~n~naa,||
aarakaa'va brahma~n~naa.|| ||

Yato kho Kassapa bhikkhu avera.m abyaapajja.m mettacitta.m bhaaveti,||
aasavaana~nca khayaa anaasava.m ceto-vimutti.m pa~n~naa-vimutti.m di.t.th'eva [168] dhamme saya.m abhi~n~naa sacchikatvaa upasampajja viharati.|| ||

Aya.m vuccati Kassapa bhikkhu sama.no i' ti pi braahma.no i' ti.i.|| ||

13. Saakabhakkho ce pi Kassapa hoti saamaakabhakkho ce pi Kassapa hoti niivaarabhakkho ce pi Kassapa hoti daddulabhakkho ce pi Kassapa hoti ha.tabhakkho ce pi Kassapa hoti ka.nabhakkho ce pi Kassapa hoti aacaamabhakkho ce pi Kassapa hoti pi~n~naakabhakkho ce pi Kassapa hoti ti.nabhakkho ce pi Kassapa hoti gomayabhakkho ce pi Kassapa hoti vanamuulaphalaahaaro yaapeti pavattaphalabhojii.|| ||

Tassa caaya.m siilasampadaa cittasampadaa pa~n~naasampadaa abhaavitaa hoti asacchikataa.|| ||

Atha kho so aarakaa'va saama~n~naa aarakaa'va brahma~n~naa.|| ||

Yato kho Kassapa bhikkhu avera.m abyaapajja.m mettacitta.m bhaaveti,||
aasavaana~nca khayaa anaasava.m ceto-vimutti.m pa~n~naa-vimutti.m di.t.the va dhamme saya.m abhi~n~naa sacchikatvaa upasampajja viharati.|| ||

Aya.m vuccati Kassapa bhikkhu sama.no i' ti pi braahma.no itii'pi.|| ||

14. Saa.naani ce pi Kassapa dhaareti,||
masaa.naani 'pi Kassapa dhaareti,||
chavadussaani 'pi Kassapa dhaareti,||
pa.msukuulaani 'pi Kassapa dhaareti,||
tirii.taani 'pi Kassapa dhaareti,||
ajinampi Kassapa dhaareti,||
ajinakkhipampi Kassapa dhaareti,||
kusaciiram pi Kassapa dhaareti,||
vaakaciiram pi Kassapa dhaareti,||
elakaciiram pi Kassapa dhaareti,||
kesakambalam pi Kassapa dhaareti,||
vaalakambalam pi Kassapa dhaareti,||
uluukapakkhikam pi Kassapa dhaareti,||
kesamassulocako pi hoti kesamassulocanaanuyogamanuyutto,||
ubbha.t.thako pi hoti aasanapa.tikkhitto,||
ukku.tiko pi hoti ukku.tikappadhaanamanuyutto,||
ka.n.takaapassayiko pi hoti,||
ka.n.takaapassaye seyya.m kappeti,||
phalakaseyyam pi kappeti,||
tha.n.dilaseyyam pi kappeti,||
ekapassasayiko pi hoti,||
rajojalladharo abbhokaasiko pi hoti yathaasanthatiko,||
veka.tiko pi hoti vika.tabhojanaanuyogamanuyutto,||
apaanako pi hoti apaanakattamanuyutto,||
saayatatiyakam pi udakoroha.naanuyogamanuyutto viharati,||
tassa caaya.m siilasampadaa cittasampadaa pa~n~naasampadaa abhaavitaa hoti asacchikataa,||
atha kho so aarakaa'va saama~n~naa aarakaa'va brahma~n~naa.|| ||

Yato kho Kassapa bhikkhu avera.m abyaapajja.m mettacitta.m bhaaveti,||
aasavaana~n ca khayaa anaasava.m ceto-vimutti.m pa~n~naa-vimutti.m di.t.the va dhamme saya.m abhi~n~naa sacchikatvaa upasampajja viharati.|| ||

Aya.m vuccati Kassapa bhikkhu sama.no i' ti pi braahma.no i' ti.i.|| ||

15. Eva.m vutte acelo Kassapo Bhagavanta.m etad avoca: dukkara.m bho Gotama saama~n~na.m dukkara.m brahma~n~nanti.|| ||

"Pakati kho esaa Kassapa lokasmi.m dukkara.m saama~n~na.m dukkara.m brahma~n~nanti."|| ||

"Acelako ce pi Kassapa hoti muttaacaaro hatthaapalekhano,||
na ehibhadantiko,||
na ti.t.thabhadantiko,||
naabhiha.ta.m,||
na uddissaka.ta.m,||
na nimantana.m saadiyati.|| ||

So na kumbhimukhaa pa.tigga.nhaati,||
na ka'opimukhaa pa.tigga.nhaati,||
na e'akamantara.m.|| ||

Na da.n.damantara.m,||
na musalamantara.m,||
na dvinna.m bhu~njamaanaana.m,||
na gabbhiniyaa,||
na paayamaanaaya,||
na purisantaragataaya,||
na sa.mkittiisu,||
na yattha saa upa.t.thito hoti,||
na yattha makkhikaa sa.n.dasa.n.dacaarinii,||
na maccha.m na ma.msa.m na sura.m na meraya.m na thusodaka.m pivati.|| ||

So ekaagaariko vaa hoti ekaalopiko,||
dvaagaariko vaa hoti dvaalopiko,||
sattaagaariko vaa hoti sattaalopiko,||
ekissaapi dattiyaa yaapeti,||
dviihipi dattiipi yaapeti,||
sattahipi dattiihi yaapeti,||
ekaahikampi aahaara.m aahaareti,||
dvaahikampi aahaara.m aahaareti,||
sattaahikampi aahaara.m aahaareti.|| ||

Iti evaruupa.m addhamaasikampi pariyaayabhattabhojanaanuyogamanuyutto viharati,||
imaaya ca Kassapa mattaaya iminaa ca tapopakkamena saama~n~na.m vaa abhavissa brahma~n~na.m dukkara.m sudukkara.m,||
n'eta.m abhavissa kalla.m vacanaaya dukkara.m saama~n~na.m dukkara.m brahma~n~nan" ti.|| ||

16. Sakkaa ca pan'eta.m abhavissa ~naatu.m gahapatinaa vaa gahapatiputtena vaa antamaso kumbhadaasiyaa'pi: "handaaha.m acelako homi muttaacaaro hatthaapalekhano,||
na ehibhadantiko,||
na ti.t.thabhadantiko,||
naabhiha.ta.m,||
na uddissaka.ta.m,||
na nimantana.m saadiyati.|| ||

So na kumbhimukhaa pa.tigga.nhaati,||
na ka'opimukhaa pa.tigga.nhaati,||
na e'akamantara.m.|| ||

Na da.n.damantara.m,||
na musalamantara.m,||
na dvinna.m bhu~njamaanaana.m,||
na gabbhiniyaa,||
na paayamaanaaya,||
na purisantaragataaya,||
na sa.mkittiisu,||
na yattha saa upa.t.thito hoti,||
na yattha makkhikaa sa.n.dasa.n.dacaarinii,||
na maccha.m na ma.msa.m na sura.m na meraya.m na thusodaka.m pivati.|| ||

So ekaagaariko vaa hoti ekaalopiko,||
dvaagaariko vaa hoti dvaalopiko,||
sattaagaariko vaa hoti sattaalopiko,||
ekissaapi dattiyaa yaapeti,||
dviihipi dattiipi yaapeti,||
sattahipi dattiihi yaapeti,||
ekaahikampi aahaara.m aahaareti,||
dvaahikampi aahaara.m aahaareti,||
sattaahikampi aahaara.m aahaareti.|| ||

Iti evaruupa.m addhamaasikampi pariyaayabhattabhojanaanuyogamanuyutto viharaamii" ti.|| ||

Yasmaa ca kho Kassapa a~n~natreva imaaya mattaaya a~n~natra iminaa tapopakkamena saama~n~na.m vaa hoti.|| ||

Brahma~n~na.m vaa dukkara.m sudukkara.m,||
tasmaa eta.m kalla.m vacanaaya dukkara.m saama~n~na.m dukkara.m brahma~n~nanti.|| ||

Yato kho Kassapa bhikkhu avera.m abyaapajja.m mettacitta.m bhaaveti,||
aasavaana~nca khayaa anaasava.m ceto-vimutti.m pa~n~naa-vimutti.m di.t.the va dhamme saya.m abhi~n~naa sacchikatvaa upasampajja viharati.|| ||

Aya.m vuccati Kassapa bhikkhu sama.no i' ti pi braahma.no [169] i' ti.i.|| ||

17. Saakabhakkho ce pi Kassapa hoti saamaakabhakkho ce pi Kassapa hoti niivaarabhakkho ce pi Kassapa hoti daddulabhakkho ce pi Kassapa hoti ha.tabhakkho ce pi Kassapa hoti ka.nabhakkho ce pi Kassapa hoti aacaamabhakkho ce pi Kassapa hoti pi~n~naakabhakkho ce pi Kassapa hoti ti.nabhakkho ce pi Kassapa hoti gomayabhakkho ce pi Kassapa hoti vanamuulaphalaahaaro yaapeti pavattaphalabhojii.|| ||

Imaaya ca Kassapa mattaaya iminaa tapopakkamena saama~n~na.m vaa abhavissa brahma~n~na.m vaa dukkara.m sudukkara.m,||
n'eta.m abhavissa kalla.m vacanaaya 'dukkara.m saama~n~na.m dukkara.m brahma~n~nan' ti.|| ||

Sakkaa ca pan'eta.m abhavissa ~naatu.m gahapatinaa vaa gahapatiputtena vaa antamaso kumbhadaasiyaapi: 'handaaha.m saakabhakkho vaa homi,||
saamaakabhakkho vaa homi,||
niivaarabhakkho vaa homi,||
daddulabhakkho vaa homi,||
ha.tabhakkho vaa homi,||
ka.nabhakkho vaa homi,||
aacaamabhakkho vaa homi,||
pi~n~naakabhakkho vaa homi,||
ti.nabhakkho vaa homi,||
gomayabhakkho vaa homi,||
vanamuulaphalaahaaro yaapeti pavattaphalabhojii' ti.|| ||

Yasmaa ca kho Kassapa a~n~natreva imaaya mattaaya a~n~natra iminaa tapopakkamena saama~n~na.m vaa hoti brahma~n~na.m vaa dukkara.m sudukkara.m,||
tasmaa eta.m kalla.m vacanaaya 'dukkara.m saama~n~na.m dukkara.m brahma~n~nan' ti.|| ||

Yato kho Kassapa bhikkhu avera.m abyaapajja.m mettacitta.m bhaaveti,||
aasavaana~nca khayaa anaasava.m ceto-vimutti.m pa~n~naa-vimutti.m di.t.the va dhamme saya.m abhi~n~naa sacchikatvaa upasampajja viharati.|| ||

Aya.m vuccati Kassapa bhikkhu sama.no i' ti pi braahma.no i' ti.i.|| ||

18. Saa.naani ce pi Kassapa dhaareti,||
masaa.naani 'pi Kassapa dhaareti,||
chavadussaani 'pi Kassapa dhaareti,||
pa.msukuulaani 'pi Kassapa dhaareti,||
tirii.taani ce pi Kassapa dhaareti,||
ajinampi Kassapa dhaareti,||
ajinakkhipampi Kassapa dhaareti,||
kusaciirampi Kassapa dhaareti,||
vaakaciirampi Kassapa dhaareti,||
elakaciirampi ce pi Kassapa dhaareti,||
kesakambalampi Kassapa dhaareti,||
vaalakambalampi Kassapa dhaareti,||
uluukapakkhikampi Kassapa dhaareti,||
kesamassulocako 'pi hoti kesamassulocanaanuyogamanuyutto,||
ubbha.t.thako pi hoti aasanapa.tikkhitto,||
ukku.tiko pi hoti ukku.tikappadhaanamanuyutto,||
ka.n.takaapassayiko pi hoti,||
ka.n.takaapassaye seyya.m kappeti,||
phalakaseyyampi kappeti,||
tha.n.dilaseyyampi kappeti,||
ekapassasayiko pi hoti,||
rajojalladharo abbhokaasiko pi hoti yathaasanthatiko,||
veka.tiko pi hoti vika.tabhojanaanuyogamanuyutto,||
apaanako pi hoti apaanakattamanuyutto,||
saayatatiyakampi udakoroha.naanuyogamanuyutto viharati.|| ||

Imaaya ca Kassapa mattaaya iminaa tapopakkamena saama~n~na.m vaa abhavissa brahma~n~na.m vaa dukkara.m sudukkara.m,||
n'eta.m abhavissa kalla.m vacanaaya 'dukkara.m saama~n~na.m dukkara.m brahma~n~nan' ti.|| ||

Sakkaa ca pan'eta.m abhavissa ~naatu.m gahapatinaa vaa gahapatiputtena vaa antamaso kumbhadaasiyaapi: 'handaaha.m saa.naanipi dhaaremi,||
maasaa.naanipi Kassapa dhaaremi,||
chavadussaani 'pi Kassapa dhaaremi,||
pa.msukuulaani 'pi Kassapa dhaaremi,||
tirii.taani 'pi Kassapa dhaaremi,||
ajinampi Kassapa dhaaremi,||
ajinakkhipampi Kassapa dhaaremi,||
kusaciirampi Kassapa dhaaremi,||
vaakaciirampi Kassapa dhaaremi,||
elakaciirampi Kassapa dhaaremi,||
kesakambalampi Kassapa dhaaremi,||
vaalakambalampi Kassapa dhaaremi,||
uluukapakkhikampi Kassapa dhaaremi,||
kesamassulocako 'pi hoti kesamassulocanaanuyogamanuyutto,||
ubbha.t.thako pi hoti aasanapa.tikkhitto,||
ukku.tiko pi hoti ukku.tikappadhaanamanuyutto,||
ka.n.takaapassayiko pi hoti,||
ka.n.takaapassaye seyya.m kappeti,||
phalakaseyyampi kappeti,||
tha.n.dilaseyyampi kappeti,||
ekapassasayiko pi hoti,||
rajojalladharo abbhokaasiko pi hoti yathaasanthatiko,||
veka.tiko pi hoti vika.tabhojanaanuyogamanuyutto,||
apaanako pi hoti apaanakattamanuyutto,||
saayatatiyakampi udakoroha.naanuyogamanuyutto viharaamii' ti.|| ||

Yasmaa ca kho Kassapa a~n~natreva imaaya mattaaya a~n~natra iminaa tapopakkamena saama~n~na.m vaa hoti brahma~n~na.m vaa dukkara.m sudukkara.m,||
tasmaa eta.m kalla.m vacanaaya 'dukkara.m saama~n~na.m dukkara.m brahma~n~nan' ti.|| ||

Yato kho Kassapa bhikkhu avera.m abyaapajja.m mettacitta.m bhaaveti,||
aasavaana~nca khayaa anaasava.m ceto-vimutti.m pa~n~naa-vimutti.m di.t.the va dhamme saya.m abhi~n~naa sacchikatvaa upasampajja viharati.|| ||

Aya.m vuccati Kassapa bhikkhu sama.no i' ti pi braahma.no i' ti.iiti.|| ||

19. [170] eva.m vutte acelo Kassapo Bhagavanta.m etad avoca: "dujjaano bho Gotama sama.no dujjaano braahma.no" ti.|| ||

"Pakati kho esaa Kassapa lokasmi.m 'dujjaano sama.no dujjaano braahma.no" ti.|| ||

20. "Acelako ce pi Kassapa hoti muttaacaaro hatthaapalekhano,||
na ehibhadantiko,||
na ti.t.thabhadantiko,||
naabhiha.ta.m,||
na uddissaka.ta.m,||
na nimantana.m saadiyati.|| ||

So na kumbhimukhaa pa.tigga.nhaati,||
na ka'opimukhaa pa.tigga.nhaati,||
na e'akamantara.m,||
na da.n.damantara.m,||
na musalamantara.m,||
na dvinna.m bhu~njamaanaana.m,||
na gabbhiniyaa,||
na paayamaanaaya,||
na purisantaragataaya,||
na sa.mkittiisu,||
na yattha saa upa.t.thito hoti,||
na yattha makkhikaa sa.n.dasa.n.dacaarinii,||
na maccha.m na ma.msa.m na sura.m na meraya.m na thusodaka.m pivati.|| ||

So ekaagaariko vaa hoti ekaalopiko,||
dvaagaariko vaa hoti dvaalopiko,||
sattaagaariko vaa hoti sattaalopiko,||
ekissaa pi dattiyaa yaapeti,||
dviihi pi dattiipi yaapeti,||
sattahi pi dattiihi yaapeti,||
ekaahikam pi aahaara.m aahaareti,||
dvaahikam pi aahaara.m aahaareti,||
sattaahikam pi aahaara.m aahaareti.|| ||

Iti evaruupa.m addhamaasikam pi pariyaayabhattabho-janaanuyoga-manuyutto viharati,||
imaaya Kassapa mattaaya iminaa tapopakkamena sama.no vaa abhavissa braahma.no vaa dujjaano sudujjaano,||
n'eta.m abhavissa kalla.m vacanaaya dujjaano sama.no dujjaano braahma.no' ti.|| ||

Sakkaa ca paneso abhavissa ~naatu.m gahapatinaa vaa gahapatiputtena vaa antamaso kumbha daasiyaa'pi: aya.m acelako hoti muttaacaaro hatthaapalekhano,||
na ehibhadantiko,||
na ti.t.thabhadantiko,||
naabhiha.ta.m,||
na uddissaka.ta.m,||
na nimantana.m saadiyati.|| ||

So na kumbhimukhaa pa.tigga.nhaati,||
na ka'opimukhaa pa.tigga.nhaati,||
na e'akamantara.m||
na da.n.damantara.m,||
na musalamantara.m,||
na dvinna.m bhu~njamaanaana.m,||
na gabbhiniyaa,||
na paayamaanaaya,||
na purisantaragataaya,||
na sa.mkittiisu,||
na yattha saa upa.t.thito hoti,||
na yattha makkhikaa sa.n.dasa.n.dacaarinii,||
na maccha.m na ma.msa.m na sura.m na meraya.m na thusodaka.m pivati.|| ||

So ekaagaariko vaa hoti ekaalopiko,||
dvaagaariko vaa hoti dvaalopiko,||
sattaagaariko vaa hoti sattaalopiko,||
ekissaa pi dattiyaa yaapeti,||
dviihi pi dattiipi yaapeti,||
sattahi pi dattiihi yaapeti,||
ekaahikam pi aahaara.m aahaareti,||
dvaahikam pi aahaara.m aahaareti,||
sattaahikam pi aahaara.m aahaareti.|| ||

Iti evaruupa.m addhamaasikam pi pariyaayabhattabhojanaanuyogamanuyutto viharatii ti.|| ||

Yasmaa ca kho Kassapa a~n~natreva imaaya mattaaya a~n~natra iminaa tapopakkamena sama.no vaa hoti.|| ||

Braahma.no vaa dujjaano sudujjaano,||
tasmaa eta.m kalla.m vacanaaya dujjaano sama.no dujjaano braahma.no' ti.|| ||

Yato kho Kassapa bhikkhu avera.m abyaapajja.m metta-citta.m [171] bhaaveti,||
aasavaana~n ca khayaa anaasava.m ceto-vimutti.m pa~n~naa-vimutti.m di.t.the va dhamme saya.m abhi~n~naa sacchikatvaa upasampajja viharati.|| ||

Aya.m vuccati Kassapa bhikkhu sama.no iti pi braahma.no itii ti.|| ||

21. Saakabhakkho ce pi Kassapa hoti saamaakabhakkho ce pi Kassapa hoti niivaarabhakkho ce pi Kassapa hoti daddulabhakkho ce pi Kassapa hoti ha.tabhakkho ce pi Kassapa hoti ka.nabhakkho ce pi Kassapa hoti aacaamabhakkho ce pi Kassapa hoti pi~n~naakabhakkho ce pi Kassapa hoti ti.nabhakkho ce pi Kassapa hoti gomayabhakkho ce pi Kassapa hoti vanamuulaphalaahaaro yaapeti pavattaphalabhojii.|| ||

Imaaya ca Kassapa|| ||

Mattaaya iminaa tapopakkamena saama~n~na.m vaa abhavissa braahma.no vaa dujjaano sudujjaano,||
n'eta.m abhavissa kalla.m vacanaaya 'dujjaano sama.no dujjaano braahma.no' ti.|| ||

Sakkaa ca pan'eta.m abhavissa ~naatu.m gahapatinaa vaa gahapatiputtena vaa antamaso kumbhadaasiyaapi:|| ||

'Aya.m saakabhakkho vaa hoti,||
saamaakabhakkho vaa hoti,||
niivaarabhakkho vaa hoti,||
daddulabhakkho vaa hoti,||
ha.tabhakkho vaa hoti,||
ka.nabhakkho vaa hoti,||
aacaamabhakkho vaa hoti,||
pi~n~naakabhakkho vaa hoti,||
ti.nabhakkho vaa hoti,||
gomayabhakkho vaa hoti,||
vanamuulaphalaahaaro yaapeti pavattaphalabhojii' ti.|| ||

Yasmaa ca kho Kassapa a~n~natreva imaaya mattaaya a~n~natra iminaa tapopakkamena sama.no vaa hoti braahma.no vaa dujjaano sudujjaano,||
tasmaa eta.m kalla.m vacanaaya 'dujjaano sama.no dujjaano braahma.no' ti.|| ||

Yato kho Kassapa bhikkhu avera.m abyaapajja.m mettacitta.m bhaaveti,||
aasavaana~nca khayaa anaasava.m ceto-vimutti.m pa~n~naa-vimutti.m di.t.the va dhamme saya.m abhi~n~naa sacchikatvaa upasampajja viharati.|| ||

Aya.m vuccati Kassapa bhikkhu sama.no iti pi braahma.no' ti.|| ||

22. Saa.naani ce pi Kassapa dhaareti,||
masaa.naani ce pi Kassapa dhaareti,||
chavadussaani ce pi Kassapa dhaareti,||
pa.msukuulaani ce pi Kassapa dhaareti,||
tirii.taani ce pi Kassapa dhaareti,||
ajinampi Kassapa dhaareti,||
ajinakkhipam pi Kassapa dhaareti,||
kusaciiram pi Kassapa dhaareti,||
vaakaciiram pi Kassapa dhaareti,||
elakaciiram pi ce pi Kassapa dhaareti,||
kesakambalam pi ce pi Kassapa dhaareti,||
vaalakambalam pi ce pi Kassapa dhaareti,||
uluukapakkhikam pi Kassapa dhaareti,||
kesamassulocako pi hoti kesamassulocanaanuyoga-manuyutto,||
ubbha.t.thako pi hoti aasanapa.tikkhitto,||
ukku.tiko pi hoti ukku.tikappadhaanamanuyutto,||
ka.n.takaapassayiko pi hoti,||
ka.n.takaapassaye seyya.m kappeti,||
phalakaseyyampi kappeti,||
tha.n.dilaseyyampi kappeti,||
ekapassasayiko pi hoti,||
rajojalladharo abbhokaasiko pi hoti yathaa santhatiko,||
veka.tiko pi hoti vika.tabhojanaanuyogamanuyutto,||
apaanako pi hoti apaanakattamanuyutto,||
saayatatiyakam pi udakoroha.naanuyoga-manuyutto viharati.|| ||

Imaaya ca Kassapa mattaaya iminaa tapopakkamena sama.no vaa abhavissa braahma.no vaa dujjaano sudujjaano,||
n'eta.m abhavissa kalla.m vacanaaya 'dujjaano sama.no dujjaano braahma.no' ti.

Yato kho Kassapa bhikkhu avera.m abyaapajja.m mettacitta.m bhaaveti,||
aasavaana~nca khayaa anaasava.m ceto-vimutti.m pa~n~naa-vimutti.m di.t.the va dhamme saya.m abhi~n~naa sacchikatvaa upasampajja viharati.|| ||

Aya.m vuccati Kassapa bhikkhu sama.no i' ti pi braahma.no i' ti.

23. Eva.m vutte acelo Kassapo Bhagavanta.m etad avoca: "katamaa pana saa bho Gotama siilasampadaa,||
katamaa cittasampadaa,||
katamaa pa~n~naasampadaa" ti?

"Idha Kassapa Tathaagato loke uppajjati araha.m sammaa sambuddho vijjaa-cara.na-sampanno sugato loka-viduu anuttaro purisa-damma-saarathii satthaa deva-manussaana.m buddho Bhagavaa.|| ||

So ima.m loka.m sadevaka.m samaaraka.m sabrahmaka.m sassama.na-braahma.ni.m paja.m sadeva-manussa.m saya.m abhi~n~naa sacchikatvaa pavedeti.|| ||

So dhamma.m deseti aadi kalyaa.na.m majjhe kalyaa.na.m pariyosaana-kalyaa.na.m saattha.m savya~njana.m kevalaparipu.n.na.m parisuddha.m brahmacariya.m pakaaseti.|| ||

23.(29) Ta.m dhamma.m su.naati gahapati vaa gahapatiputto vaa a~n~natarasmi.m vaa kule paccaajaato.|| ||

So ta.m dhamma.m sutvaa tathaagate saddha.m pa.tilabhati.|| ||

So tena saddhaapa.tilaabhena samannaagato iti pa.tisa.mcikkhati: 'sambaadho gharaavaso rajaapatho1.|| ||

Abbhokaaso pabbajjaa.|| ||

Nayida.m sukara.m agaara.m ajjhaavasataa ekantaparipu.n.na.m ekantaparisuddha.m sa.mkhalikhita.m brahmacariya.m caritu.m.|| ||

Yannuunaaha.m kesamassu.m ohaaretvaa kaasaayaani vatthaani acchaadetvaa agaarasmaa anagaariya.m pabbajeyya'nti.|| ||

So aparena samayena appa.m vaa bhogakkhandha.m pahaaya mahanta.m vaa bhogakkhandha.m pahaaya appa.m vaa ~naatipariva.t.ta.m pahaaya mahanta.m vaa ~naatipariva.t.ta.m pahaaya kesamassu.m ohaaretvaa kaasaayaani vatthaani acchaadetvaa agaarasmaa anagaariya.m pabbajati.|| ||

So eva.m pabbajito samaano paatimokkha-sa.mvara-sa.mvuto viharati aacaara-gocara-sampanno a.numattesu vajjesu bhaya-dassaavii.|| ||

Samaadaaya sikkhati sikkhaapadesu kaayakammavaciikammena samannaagato kusalena.|| ||

Parisuddhaajiivo siilasampanno indriyesu guttadvaaro bhojane matta~n~nuu satisampaja~n~nesu samannaagato santu.t.tho.|| ||

24.(29) Katha~n ca Kassapa bhikkhu siilasampanno hoti?|| ||

Idha Kassapa bhikkhu paa.naatipaata.m pahaaya paa.naatipaataa pa.tivirato hoti nihita-da.n.do nihita-sattho lajjii dayaapanno.|| ||

Sabbapaa.nabhuutahitaanukampii viharati.|| ||

Idam pi'ssa hoti siilasmi.m.|| ||

Adinnaadaana.m pahaaya adinnaadaanaa pa.tivirato hoti dinnaadaayii dinna-paa.tika'nkhii.|| ||

Athenena suci-bhuutena attanaa viharati.|| ||

Idam pi'ssa hoti siilasmi.m.|| ||

Abrahmacariya.m pahaaya brahmacaarii hoti aaraa-caarii1 virato methunaa gaama-dhammaa.|| ||

Idam pi'ssa hoti siilasmi.m.|| ||

Musaa-vaada.m pahaaya musaa-vaadaa pa.tivirato hoti sacca-vaadii sacca-sandho theto paccayiko avisa.mvaadako lokassa.|| ||

Idam pi'ssa hoti siilasmi.m.|| ||

Pisu.na.m vaaca.m pahaaya pisu.naaya vaacaaya pa.tivirato hoti.|| ||

Ito sutvaa na amutra akkhaataa imesa.m bhedaaya.|| ||

Amutra vaa sutvaa na imesa.m akkhaataa amuusa.m bhedaaya.|| ||

Iti bhinnaana.m vaa sandhaataa,||
sahitaana.m vaa anuppadaataa samaggaaraamo samagga-rato samagganandi.m samagga-kara.ni.m vaaca.m bhaasitaa hoti.|| ||

Idam pi'ssa hoti siilasmi.m.|| ||

Pharusa.m vaaca.m6 pahaaya pharusaaya vaacaaya pa.tivirato hoti.|| ||

Yaa saa vaacaa ne'aa ka.n.na-sukhaa pemaniiyaa7 hadaya'n-gamaa porii bahujana-kantaa bahujana-manaapaa,||
tathaaruupa.m8 vaaca.m bhaasitaa hoti.|| ||

Idam pi'ssa hoti siilasmi.m.|| ||

Samphappalaapa.m pahaaya samphappalaapaa pa.tivirato hoti kaala-vaadii bhuuta-vaadii attha-vaadii dhamma-vaadii vinaya-vaadii.|| ||

Nidhaanavati.m vaaca.m bhaasitaa hoti kaalena saapadesa.m pariyantavati.m atthasa~nhita.m.|| ||

Idam pi'ssa hoti siilasmi.m.|| ||

24.(30) Biijagaama-bhuutagaama-samaarambhaa1 pa.tivirato hoti.|| ||

Eka-bhattiko hoti rattuuparato pa.tivirato vikaala-bhojanaa.|| ||

Nacca-giita-vaadita-visuuka-dassanaa pa.tivirato hoti.|| ||

Maalaagandhavilepanadhaara.nama.n.danavibhusana.t.thaanaa pa.tivirato hoti.|| ||

Uccaasayana-mahaasayanaa pa.tivirato hoti.|| ||

Jaataruupa-rajata-pa.tiggaha.naa6 pa.tivirato hoti.|| ||

Aamaka-dha~n~na-pa.tiggaha.naa pa.tivirato hoti.|| ||

Aamakama.msapa.tigggaha.naa pa.tivirato hoti.|| ||

Itthi-kumaarika-pa.tiggaha.naa pa.tivirato hoti.|| ||

Daasi-daasa-pa.tiggaha.naa6 pa.tivirato hoti.|| ||

Aj-e'aka-pa.tiggaha.naa pa.tivirato hoti.|| ||

Kukku.ta-suukara-pa.tiggaha.naa pa.tivirato hoti.|| ||

Hatthigavassava'avaa pa.tiggaha.naa pa.tivirato hoti.|| ||

Khetta-vatthu-pa.tiggaha.naa pa.tivirato hoti.|| ||

Duuteyyapahe.na gamanaanuyogaa pa.tivirato hoti.|| ||

Kaya-vikkayaa pa.tivirato hoti.|| ||

Tulaakuu.ta-ka.msakuu.ta-maanakuu.taa pa.tivirato hoti.|| ||

Ukko.tanava~n cananikatisaaci yogaa pa.tivirato hoti.|| ||

Chedana-vadhabandhana-viparaamosa-aalopa-sahasaakaaraa pa.tivirato hoti.|| ||

Idam pi'ssa hoti siilasmi.m.|| ||

Cullasiila.m ni.t.thita.m

24.(31) Yathaa vaa pan'eke bhonto sama.na-braahma.naa saddhaa-deyyaani bhojanaani bhu~njitvaa te evaruupa.m biijagaama-bhuutagaama-samaarambha.m anuyuttaa viharanti,||
seyyathiida.m: muula-biija.m khandha-biija.m phalu-biija.m agga-biija.m bijabiijameva pa~ncama.m.|| ||

Iti vaa iti evaruupaa biijagaama-bhuutagaama-samaarambhaa pa.tivirato hoti.|| ||

Idam pi'ssa hoti siilasmi.m.|| ||

24.(32) Yathaa vaa pan'eke bhonto sama.na-braahma.naa saddhaa-deyyaani bhojanaani bhu~njitvaa te evaruupa.m sannidhi-kaara-paribhoga.m anuyuttaa viharanti,||
seyyathiida.m: anna-sannidhi.m paana-sannidhi.m vattha-sannidhi.m yaana-sannidhi.m sayana-sannidhi.m gandha-sannidhi.m aamisa-sannidhi.m.|| ||

Iti vaa iti evaruupaa sannidhi-kaara-paribhogaa pa.tivirato hoti.|| ||

Idam pi'ssa hoti siilasmi.m.|| ||

24.(33) Yathaa vaa pan'eke bhonto sama.na-braahma.naa saddhaa-deyyaani bhojanaani bhu~njitvaa te evaruupa.m visuukadassana.m anuyuttaa viharanti,||
seyyathiida.m: nacca.m giita.m vaadita.m pekkha.m akkhaata.m paa.nissara.m vetaala.m kumbhathuuna.m Sobha-nagaraka.m ca.n.daala.m va.msa.m dhopanaka.m hatthi-yuddha.m assa-yuddha.m mahisayuddha.m usabhayuddha.m ajayuddha.m me.n.dayuddha.m kukku.tayuddha.m va.t.takayuddha.m da.n.da-yuddha.m mu.t.thi-yuddha.m5 nibBuddha.m uyyodhika.m balagga.m senaabyuuha.m a.niikadassana.m.|| ||

Iti vaa iti evaruupaa visuuka-dassanaa pa.tivirato hoti.|| ||

Idam pi'ssa hoti siilasmi.m.|| ||

24.(34) Yathaa vaa pan'eke bhonto sama.na-braahma.naa saddhaa-deyyaani bhojanaani bhu~njitvaa te evaruupa.m juuta-ppamaada-.t.thaanaanuyoga.m anuyuttaa viharanti,||
seyyathiida.m: a.t.tha-pada.m dasa-pada.m aakaasa.m parihaara-patha.m santika.m khalika.m gha.tika.m salaaka-hattha.m akkha.m pa'ngaciira.m va'nkaka.m mokkhacika.m ci'ngulaka.m pattaa.lhaka.m rathaka.m dhanuka.m akkharika.m manesika.m yathaa-vajja.m.|| ||

Iti vaa iti evaruupaa juuta-ppamaada-.t.thaanaanuyogaa pa.tivirato hoti.|| ||

Idam pi'ssa hoti siilasmi.m.|| ||

24.(35) Yathaa vaa pan'eke bhonto sama.na-braahma.naa saddhaa-deyyaani bhojanaani bhu~njitvaa te evaruupa.m uccaa-sayana-mahaasayana.m anuyuttaa viharanti,||
seyyathiida.m: aasandi.m palla'nka.m gonaka.m cittaka.m pa.tika.m pa.talika.m tuulika.m vikatika.m udda-lomi.m ekanta-lomi.m ka.t.thi'ssa.m koseyya.m kuttaka.m hatthatthara.m assatthara.m rathatthara.m ajina-ppave.ni.m kaadali-miga-pavara-pacc'atthara.na.m sa-uttara-cchada.m ubhato-lohitakuupadhaana.m.|| ||

Iti vaa iti evaruupaa uccaasayana-mahaasayanaa pa.tivirato hoti.|| ||

Idam pi'ssa hoti siilasmi.m.|| ||

24.(36) Yathaa vaa pan'eke bhonto sama.na-braahma.naa saddhaa-deyyaani bhojanaani bhu~njitvaa te evaruupa.m ma.n.dana-vibhusana-.t.thaanaanuyoga.m anuyuttaa viharanti,||
seyyathiida.m: ucchaadana.m parimaddana.m nahaapana.m sambaahana.m aadaasa.m a~njana.m maalaa-vilepana.m mukkha-cu.n.naka.m1 mukhalepana.m2 hattha-bandha.m sikhaa-bandha.m da.n.daka.m naa.lika.m khagga.m chatta.m citruupaahana.m u.nhiisa.m ma.ni.m vaala-viijani.m odaataani vatthaani diigha-dasaani.|| ||

Iti vaa iti evaruupaa ma.n.dana-vibhusana-.t.thaanaanuyogaa pa.tivirato hoti.|| ||

Idam pi'ssa hoti siilasmi.m.|| ||

24.(37) Yathaa vaa pan'eke bhonto sama.na-braahma.naa saddhaa-deyyaani bhojanaani bhu~njitvaa te evaruupa.m tiracchaana-katha.m anuyuttaa viharanti,||
seyyathiida.m: raaja-katha.m cora-katha.m mahaamatta-katha.m senaa-katha.m bhaya-katha.m yuddha-katha.m anna-katha.m paana-katha.m vattha-katha.m sayana-katha.m maalaa-katha.m gandha-katha.m ~naati-katha.m yaana-katha.m gaama-katha.m nigama-katha.m nagara-katha.m janapada-katha.m itthi-katha.m purisakatha.m (kumaarakatha.m kumaarikatha.m)3 suura-katha.m visikhaa-katha.m kumbha.t.thaana-katha.m pubba-peta-katha.m naanatta-katha.m lokakkhaayika.m samuddakkhaayika.m itibhavaabhava-katha.m.|| ||

Iti vaa iti evaruupaaya tiracchaana-kathaaya pa.tivirato hoti.|| ||

Idam pi'ssa hoti siilasmi.m.|| ||

24.(38) Yathaa vaa pan'eke bhonto sama.na-braahma.naa saddhaa-deyyaani bhojanaani bhu~njitvaa te evaruupaa viggaahika-katha.m anuyuttaa viharanti,||
seyyathiida.m: "na tva.m ima.m Dhamma-Vinaya.m aajaanaasi.|| ||

Aha.m ima.m Dhamma-Vinaya.m aajaanaami.|| ||

Ki.m tva.m ima.m Dhamma-Vinaya.m aajaanissasi?|| ||

Micchaa-pa.tipanno tvam asi.|| ||

Ahamasmi sammaapa.tipanno.|| ||

Sahita.m me,||
asahita.m te.|| ||

Pure vacaniiya.m pacchaa avaca.|| ||

Pacchaa vacaniiya.m pure avaca.|| ||

Aavici.n.nan4 te viparaavatta.m.|| ||

Aaropito te vaado.|| ||

Niggahiito tvam asi.|| ||

Cara vaadappamokkhaaya.|| ||

Nibbe.thehi vaa sace pahosii" ti.|| ||

Iti vaa iti evaruupaaya viggaahika-kathaaya pa.tivirato hoti.|| ||

Idam pi'ssa hoti siilasmi.m.|| ||

24.(39) Yathaa vaa pan'eke bhonto sama.na-braahma.naa saddhaa-deyyaani bhojanaani bhu~njitvaa te evaruupa.m duuteyya-pahi.na-gamanaanuyogamanuyruttaa viharanti,||
seyyathiida.m: ra~n~na.m raaja-mahaamattaana.m khattiyaana.m braahma.naana.m gahapatikaana.m kumaaraana.m "idha gaccha.|| ||

Amutraagaccha.|| ||

Ida.m hara.|| ||

Amutra ida.m aaharaa" ti.|| ||

Iti vaa iti evaruupaa duuteyya-pahi.na-gamanaanuyogaa pa.tivirato hoti.|| ||

Idam pi'ssa hoti siilasmi.m.|| ||

24.(40) Yathaa vaa pan'eke bhonto sama.na-braahma.naa saddhaa-deyyaani bhojanaani bhu~njitvaa te kuhakaa ca honti lapakaa ca nemittikaa ca nippesikaa ca laabhena ca laabha.m nijigi.msitaaro.|| ||

Iti vaa iti evaruupaa kuhanalapanaa pa.tivirato hoti.|| ||

Idam pi'ssa hoti siilasmi.m.|| ||

Majjhimasiila.m ni.t.thita.m.|| ||

24.(41) Yathaa vaa pan'eke bhonto sama.na-braahma.naa saddhaa-deyyaani bhojanaani bhu~njitvaa te evaruupaaya tiracchaana-vijjaaya micchaajiivena jiivika.m kappenti,||
seyyathiida.m: a'nga.m nimitta.m uppaata.m supi.na.m lakkha.na.m muusikacchinna.m aggi-homa.m dabbi-homa.m thusa-homa.m ta.n.dula-homa.m sappi-homa.m tela-homa.m mukhahoma.m lohita-homa.m a'nga-vijjaa vatthu-vijjaa khatta-vijjaa siva-vijjaa bhuuta-vijjaa bhuri-vijjaa ahi-vijjaa visa-vijjaa vicchika-vijjaa muusika-vijjaa saku.na-vijjaa vaayasa-vijjaa pakkajjhaana.m saraparittaana.m migacakka.m.|| ||

Iti vaa iti evaruupaaya tiracchaana-vijjaaya micchaajiivaa pa.tivirato hoti.|| ||

Idam pi'ssa hoti siilasmi.m.|| ||

24.(42) Yathaa vaa pan'eke bhonto sama.na-braahma.naa saddhaa-deyyaani bhojanaani bhu~njitvaa te evaruupaaya tiracchaana-vijjaaya micchaajiivena jiivika.m kappenti,||
seyyathiida.m: ma.ni-lakkha.na.m vattha-lakkha.na.m da.n.da-lakkha.na.m asi-lakkha.na.m usu-lakkha.na.m dhanu-lakkha.na.m aavudha-lakkha.na.m itthi-lakkha.na.m purisa-lakkha.na.m kumaara-lakkha.na.m kumaarilakkha.na.m daasa-lakkha.na.m daasilakkha.na.m hatthi-lakkha.na.m assa-lakkha.na.m mahisa-lakkha.na.m8 usabha-lakkha.na.m go-lakkha.na.m aja-lakkha.na.m me.n.da-lakkha.na.m10 kukku.ta-lakkha.na.m va.t.takalakkha.na.m godhaa-lakkha.na.m ka.n.nikaa-lakkha.na.m kacchapa-lakkha.na.m miga-lakkha.na.m.|| ||

Iti vaa iti evaruupaaya tiracchaana-vijjaaya micchaajiivaa pa.tivirato hoti.|| ||

Idam pi'ssa hoti siilasmi.m.|| ||

24.(43) Yathaa vaa pan'eke bhonto sama.na-braahma.naa saddhaa-deyyaani bhojanaani bhu~njitvaa te evaruupaaya tiracchaana-vijjaaya micchaajiivena jiivika.m kappenti seyyathiida.m: ra~n~na.m niyyaana.m bhavissati,||
ra~n~na.m aniyyaana.m bhavissati,||
abbhantaraana.m ra~n~na.m upayaana.m bhavissati,||
baahiraana.m ra~n~na.m apayaana.m bhavissati,||
baahiraana.m ra~n~na.m upayaana.m bhavissati,||
abbhantaraana.m ra~n~na.m apayaana.m bhavissati,||
abbhantaraana.m ra~n~na.m jayo bhavissati,||
abbhantaraana.m ra~n~na.m paraajayo bhavissati.|| ||

Iti imassa jayo bhavissati.|| ||

Imassa paraajayo bhavissati.|| ||

Iti vaa iti evaruupaaya tiracchaana-vijjaaya micchaajiivaa pa.tivirato hoti.|| ||

Idam pi'ssa hoti siilasmi.m.|| ||

24.(44) Yathaa vaa pan'eke bhonto sama.na-braahma.naa saddhaa-deyyaani bhojanaani bhu~njitvaa te evaruupaaya tiracchaana-vijjaaya micchaajiivena jiivika.m kappenti.|| ||

Seyyathiida.m: canda-ggaaho bhavissati.|| ||

Suriyaggaaho bhavissati.|| ||

Nakkhattagaaho bhavissati.|| ||

Candima-suriyaana.m patha-gamana.m bhavissati.|| ||

Candima-suriyaana.m uppatha-gamana.m bhavissati.|| ||

Nakkhattaana.m patha-gamana.m bhavissati.|| ||

Nakkhattaana.m uppatha-gamana.m bhavissati.|| ||

Ukkaapaato bhavissati.|| ||

Diisaa.daaho bhavissati.|| ||

Bhuumi-caalo bhavissati.|| ||

Deva-dundubhi bhavissati.|| ||

Candima-suriya-nakkhattaana.m uggamana.m ogamana.m1 sa.mkilesa.m vodaana.m bhavissati.|| ||

Eva.m-vipaako canda-ggaaho bhavissati.|| ||

Eva.m-vipaako suriya-ggaaho bhavissati.|| ||

Eva.m-vipaako nakkhatta-ggaaho bhavissati.|| ||

Eva.mvipaaka.m candima-suriyaana.m patha-gamana.m bhavissati.|| ||

Eva.mvipaaka.m candima-suriyaana.m uppatha-gamana.m bhavissati.|| ||

Eva.mvipaaka.m nakkhattaana.m patha-gamana.m bhavissati.|| ||

Eva.mvipaaka.m nakkhattaana.m uppatha-gamana.m bhavissati.|| ||

Eva.m-vipaako ukkaa-paato bhavissati.|| ||

Eva.m-vipaako disaa-.daaho bhavissati.|| ||

Eva.m-vipaako bhuumi-caalo bhavissati.|| ||

Eva.m-vipaako deva-dunduubhi bhavissati.|| ||

Eva.m-vipaako candima-suriya-nakkhattaana.m uggamana.m ogamana.m sa'nkilesa.m vodaana.m bhavissati.|| ||

Iti vaa iti evaruupaaya tiracchaana-vijjaaya micchaajiivaa pa.tivirato hoti.|| ||

Idam pi'ssa hoti siilasmi.m.|| ||

24.(45) Yathaa vaa pan'eke bhonto sama.na-braahma.naa saddhaa-deyyaani bhojanaani bhu~njitvaa te evaruupaaya tiracchaana-vijjaaya micchaajiivena jiivika.m kappenti.|| ||

Seyyathiida.m: subbu.t.thikaa bhavissati.|| ||

Dubbu.t.thikaa bhavissati.|| ||

Subhikkha.m bhavissati.|| ||

Dubbhikkha.m bhavissati.|| ||

Khema.m bhavissati.|| ||

Bhaya.m bhavissati.|| ||

Rogo bhavissati.|| ||

Aarogya.m bhavissati.|| ||

Muddaa ga.nanaa sa.mkhaana.m kaaveyya.m lokaayata.m.|| ||

Iti vaa iti evaruupaaya tiracchaana-vijjaaya micchaajiivena pa.tivirato hoti.|| ||

Idam pi'ssa hoti siilasmi.m.|| ||

24.(46) Yathaa vaa pan'eke bhonto sama.na-braahma.naa saddhaa-deyyaani bhojanaani bhu~njitvaa te evaruupaaya tiracchaana-vijjaaya micchaajiivena jiivika.m kappenti.|| ||

Seyyathiida.m: aavaahana.m vivaahana.m sa.mvadana.m vivadana.m sa.mkira.na.m vikira.na.m subhaga-kara.na.m dubbhaga-kara.na.m viruddha-gabbha-kara.na.m jivhaa-nitthaddana.m2 hanusa.mhanana.m hatthaabhijappana.m hanujappana.m ka.n.na-jappana.m aadaasa-pa~nha.m kumaaripa~nha.m deva-pa~nha.m aadiccupa.t.thaana.m Mahat-upa.t.thaana.m abbhujjalana.m sirivhaayana.m.|| ||

Iti vaa iti evaruupaaya tiracchaana-vijjaaya micchaajiivaa pa.tivirato hoti.|| ||

Idam pi'ssa hoti siilasmi.m.|| ||

24.(47) Yathaa vaa pan'eke bhonto sama.na-braahma.naa saddhaa-deyyaani bhojanaani bhu~njitvaa te evaruupaaya tiracchaana-vijjaaya micchaajiivena jiivika.m kappenti.|| ||

Seyyathiida.m: santi-kamma.m pa.nidhi-kamma.m bhuutakamma.m bhurikamma.m vassa-kamma.m vossa-kamma.m vatthu-kamma.m vatthu-parikira.na.m aacamana.m nahaapana.m juhana.m vamana.m virecana.m uddha-virecana.m adho-virecana.m siisa-virecana.m ka.n.na-tela.m netta-tappana.m natthu-kamma.m a~njana.m pacca~njana.m saalaakiya.m sallakattiya.m daaraka-tikicchaa muula-bhesajjaana.m anuppadaana.m osadhiina.m pa.timokkho.|| ||

Iti vaa iti evaruupaaya tiracchaana-vijjaaya micchaajiivaa pa.tivirato hoti.|| ||

Idamassa hoti siilasampadaaya.|| ||

24.(48) Sa kho1 so Kassapa bhikkhu eva.m siilasampanno na kutoci bhaya.m samanupassati yad ida.m siilasa.mvarato.|| ||

Seyyathaa pi Kassapa raajaa khattiyo muddhaavasitto2 nihatapaccaamitto na kutoci bhaya.m samanupassati yad ida.m paccatthikato,||
evam eva kho Kassapa bhikkhu eva.m siilasampanno na kutoci bhaya.m samanupassati yad ida.m siilasa.mvarato.|| ||

So iminaa ariyena siilakkhandhena samannaagato ajjhatta.m anavajjasukha.m pa.tisa'nvedeti.|| ||

Eva.m kho Kassapa bhikkhu siilasampanno hoti.|| ||

25.(49) Katha~n ca Kassapa bhikkhu indriyesu guttadvaaro hoti?|| ||

Idha Kassapa bhikkhu cakkhunaa ruupa.m disvaa na nimittaggaahii hoti naanuvya~njanaggaahii.|| ||

Yatvaadhikara.namena.m cakkhundriya.m asa.mvuta.m viharanta.m abhijjhaa domanassaa paapakaa akusalaa dhammaa anvassaveyyu.m3 tassa sa.mvaraaya pa.tipajjati.|| ||

Rakkhati cakkhundriya.m.|| ||

Cakkhundriye sa.mvara.m aapajjati.|| ||

Sotena sadda.m sutvaa na nimittaggaahii hoti naanuvya~njanaggaahii.|| ||

Yatvaadhikara.namena.m sotindriya.m asa.mvuta.m viharanta.m abhijjhaa domanassaa paapakaa akusalaa dhammaa anvassaveyyu.m tassa sa.mvaraaya pa.tipajjati.|| ||

Rakkhati sotindriya.m.|| ||

Sotindriye sa.mvara.m aapajjati.|| ||

Ghaa.nena gandha.m ghaayitvaa na nimittaggaahii hoti naanuvya~njanaggaahii.|| ||

Yatvaadhikara.namena.m ghaa.nindriya.m asa.mvuta.m viharanta.m abhijjhaa domanassaa paapakaa akusalaa dhammaa anvassaveyyu.m tassa sa.mvaraaya pa.tipajjati.|| ||

Rakkhati ghaa.nindriya.m.|| ||

Ghaa.nindriye sa.mvara.m aapajjati.|| ||

Jivhaaya rasa.m saayitvaa na nimittaggaahii hoti naanuvya~njanaggaahii.|| ||

Yatvaadhikara.namena.m jivhindriya.m asa.mvuta.m viharanta.m abhijjhaa domanassaa paapakaa akusalaa dhammaa anvassaveyyu.m3 tassa sa.mvaraaya pa.tipajjati.|| ||

Rakkhati jivhindriya.m.|| ||

Jivhindriye sa.mvara.m aapajjati.|| ||

Kaayena pho.t.thabba.m phusitvaa na nimittaggaahii hoti naanuvya~njanaggaahii.|| ||

Yatvaadhikara.namena.m kaayindriya.m asa.mvuta.m viharanta.m abhijjhaa domanassaa paapakaa akusalaa dhammaa anvassaveyyu.m3 tassa sa.mvaraaya pa.tipajjati.|| ||

Rakkhati kaayindriya.m.|| ||

Kaayindriye sa.mvara.m aapajjati.|| ||

Manasaa dhamma.m vi~n~naaya na nimittaggaahii hoti naanuvya~njanaggaahii.|| ||

Yatvaadhikara.namena.m manindriya.m asa.mvuta.m viharanta.m abhijjhaa domanassaa paapakaa akusalaa dhammaa anvassaveyyu.m3 tassa sa.mvaraaya pa.tipajjati.|| ||

Rakkhati manindriya.m.|| ||

Manindriye sa.mvara.m aapajjati.|| ||

So iminaa ariyena indriyasa.mvarena samannaagato ajjhatta.m abyaasekasukha.m pa.tisa'nvedeti.|| ||

Eva.m kho Kassapa bhikkhu indriyesu guttadvaaro hoti.|| ||

26.(50) Katha~n ca Kassapa bhikkhu satisampaja~n~nena samannaagato hoti?|| ||

Idh'aavuso bhikkhu abhikkante pa.tikkante sampajaanakaarii hoti.|| ||

Aalokite vilokite sampajaanakaarii hoti.|| ||

Sami~njite1 pasaarite sampajaanakaarii hoti.|| ||

Sa'nghaa.tipattaciivaradhaara.ne sampajaanakaarii hoti.|| ||

Asite piite khaayite saayite sampajaanakaarii hoti.|| ||

Uccaarapassaavakamme sampajaanakaarii hoti.|| ||

Gate .thite nisinne sutte jaagarite bhaasite tu.nhiibhaave sampajaanakaarii hoti.|| ||

Eva.m kho Kassapa bhikkhu satisampaja~n~nena samannaagato hoti.|| ||

27.(51) Katha~n ca aavuso bhikkhu santu.t.tho hoti?|| ||

Idh'aavuso bhikkhu santu.t.tho hoti kaayaparihaariyena ciivarena kucchiparihaariyena pi.n.dapaatena.|| ||

So yena yen'eva pakkamati samaadaayeva pakkamati.|| ||

Seyyathaa pi Kassapa pakkhi saku.no yena yen'eva .deti sapattabhaaro'va .deti,||
evam eva kho aavuso bhikkhu santu.t.tho hoti kaayaparihaariyena ciivarena kucchiparihaariyena pi.n.dapaatena.|| ||

So yena yen'eva pakkamati samaadaayeva pakkamati.|| ||

Eva.m kho aavuso bhikkhu santu.t.tho hoti.|| ||

28.(52) So iminaa ca ariyena siilakkhandhena3 samannaagato iminaa ca ariyena indriyasa.mvarena samannaagato iminaa ca ariyena satisampaja~n~nena samannaagato imaaya ca ariyaaya santu.t.thiyaa samannaagato vivitta.m senaasana.m bhajati ara~n~na.m rukkhamuula.m pabbata.m kandara.m giriguha.m susaana.m vanapattha.m abbhokaasa.m palaalapu~nja.m.|| ||

So pacchaabhatta.m pi.n.dapaatapa.tikkanto nisiidati palla'nka.m aabhujitvaa uju.m kaaya.m pa.nidhaaya parimukha.m sati.m upa.t.thapetvaa.|| ||

29.(53) So loke abhijjha.m pahaaya vigataabhijjhena cetasaa viharati.|| ||

Abhijjhaaya citta.m parisodheti.|| ||

vyaapaadapadosa.m pahaaya abyaapannacitto viharati sabba-paa.na-bhuuta-hitaanukampii.|| ||

vyaapaadapadosaa citta.m parisodheti.|| ||

Thiinamiddha.m pahaaya vigatathiinamiddho viharati aalokasa~n~nii sato sampajaano.|| ||

Thiinamiddhaa citta.m parisodheti.|| ||

Uddhaccakukkucca.m pahaaya anuddhato viharati ajjhatta.m vuupasantacitto.|| ||

Uddhaccakukkuccaa citta.m parisodheti.|| ||

Vicikiccha.m pahaaya ti.n.navicikiccho viharati akatha.mkathii kusalesu dhammesu.|| ||

Vicikicchaaya citta.m parisodheti.|| ||

29.(54) seyyathaa pi aavuso puriso i.na.m aadaaya kammante payojeyya,||
tassa te kammantaa samijjheyyu.m,||
so yaani ca poraa.naani i.namuulaani taani ca byantiikareyya,||
siyaa c'assa uttari.m avasi.t.tha.m daarabhara.naaya,||
tassa evam assa: "aha.m kho pubbe i.na.m aadaaya kammante payojesi.m.|| ||

Tassa me te kammantaa samijjhi.msu.|| ||

So'ha.m yaani ca poraa.naani i.namuulaani taani ca byantii akaasi.m.|| ||

Atthi ca me uttari.m avasi.t.tha.m daarabhara.naayaa" ti.|| ||

So tatonidaana.m labhetha paamojja.m,||
adhigaccheyya somanassa.m-

29.(55) seyyathaa pi aavuso puriso aabaadhiko assa dukkhito baa.lhagilaano,||
bhatta.m c'assa nacchaadeyya,||
na c'assa kaaye balamattaa,||
so aparena samayena tamhaa aabaadhaa mucceyya,||
bhatta~nc'assa chaadeyya,||
siyaa c'assa kaaye balamattaa,||
tassa evam assa: "aha.m kho pubbe aabaadhiko ahosi.m dukkhito baa.lhagilaano.|| ||

Bhatta.m ca me nacchaadesi.|| ||

Nacassa me aasi kaaye balamattaa.|| ||

So'mhi etarahi tamhaa aabaadhaa mutto bhatta~n ca me chaadeti.|| ||

Atthi ca me kaaye balamattaa" ti.|| ||

So tato nidaana.m labhetha paamojja.m,||
adhigaccheyya somanassa.m-

29.(56) seyyathaa pi aavuso puriso bandhanaagaare baddho assa,||
so aparena samayena tamhaa bandhanaagaaraa mucceyya sotthinaa abbayena1,||
na c'assa ki~nci bhogaana.m vayo,||
tassa evam assa: "aha.m kho pubbe bandhanaagaare baddho ahosi.m.|| ||

So'mhi etarahi tamhaa bandhanaagaaraa mutto sotthinaa abbayena.|| ||

N'atthi ca me ki~nci bhogaana.m vayo" ti.|| ||

So tatonidaana.m labhetha paamojja.m,||
adhigaccheyya somanassa.m-

29.(57) seyyathaa pi aavuso puriso daaso assa anattaadhiino paraadhiino na yenakaama'ngamo,||
so aparena samayena tamhaa daasabyaa mucceyya attaadhiino aparaadhiino bhujisso yenakaama'ngamo,||
tassa evam assa: "aha.m kho pubbe daaso ahosi.m anattaadhiino paraadhiino na yenakaama'ngamo,||
so'mhi etarahi tamhaa daasabyaa mutto attaadhiino aparaadhiino bhujisso yenakaama'ngamo" ti.|| ||

So tatonidaana.m labhetha paamojja.m,||
adhigaccheyya somanassa.m-

29.(59) seyyathaa pi aavuso puriso sadhano sabhogo kantaaraddhaanamagga.m pa.tipajjeyya dubbhikkha.m sappa.tibhaya.m.|| ||

So aparena samayena ta.m kantaara.m nitthareyya,||
sotthinaa gaamanta.m anupaapu.neyya khema.m appa.tibhaya.m,||
tassa evam assa: "aha.m kho pubbe sadhano sabhogo kantaaraddhaanamagga.m pa.tipajji.m dubbhikkha.m sappa.tibhaya.m.|| ||

So'mhi etarahi ta.m kantaara.m ti.n.no sotthinaa gaamanta.m anuppatto khema.m appa.tibhayan" ti.|| ||

So tato nidaana.m labhetha paamojja.m adhigaccheyya somanassa.m-

29.(60) Evam eva kho aavuso bhikkhu yathaa i.na.m yathaa roga.m yathaa bandhanaagaara.m yathaa daasabya.m yathaa kantaaraddhaanamagga.m eva.m ime pa~nca niivara.ne appahii.ne attani samanupassati.|| ||

Seyyathaa pi aavuso aana.nya.m yathaa aarogya.m yathaa bandhanaa mokkha.m yathaa bhujissa.m yathaa khemantabhuumi.m evam eva kho aavuso bhikkhu ime pa~nca niivara.ne pahii.ne attani samanupassati.|| ||

30(61) Tassime pa~nca niivara.ne pahii.ne attani samanupassato paamojja.m jaayati.|| ||

Pamuditassa piiti jaayati.|| ||

Piitimanassa kaayo passambhati.|| ||

Passaddhakaayo sukha.m vedeti.|| ||

Sukhino citta.m samaadhiyati.|| ||

So vivicc'eva kaamehi vivicca akusalehi dhammehi [173] savitakka.m savicaara.m vivekaja.m piiti-sukha.m pa.thama.m-jhaana.m upasampajja viharati.|| ||

So imameva kaaya.m vivekajena piitisukhena abhisanneti parisanneti paripuureti parippharati.|| ||

Naassa ki~nci sabbaavato kaayassa vivekajena piitisukhena apphu.ta.m hoti.|| ||

Seyyathaa pi aavuso dakkho nahaapako vaa nahaapakantevaasii vaa ka.msathaale nahaaniiyavu.n.naani aakiritvaa udakena paripphosaka.m paripphosaka.m sanneyya3 saaya.m nahaaniiyapi.n.di snehaanugataa snehaparetaa santarabaahiraa phu.taa snehena na ca pagghara.ni-

Evam eva kho aavuso bhikkhu imameva kaaya.m vivekajena piitisukhena abhisanneti parisenneti paripuureti parippharati.|| ||

Naassa ki~nci sabbaavato kaayassa vivekajena piitisukhena apphu.ta.m hoti.|| ||

Puna ca para.m aavuso bhikkhu vitakka-vicaaraana.m vuupasamaa ajjhatta.m sampasaadana.m cetaso ekodi-bhaava.m avitakka.m avicaara.m samaadhija.m piiti-sukha.m dutiya.m-jhaana.m upasampajja viharati.|| ||

So imameva kaaya.m samaadhijena piitisukhena abhisandeti parisandeti paripuureti parippharati.|| ||

Naassa ki~nci sabbaavato kaayassa samaadhijena piitisukhena apphu.ta.m hoti.|| ||

Seyyathaa pi aavuso udakarabhado ubbhidodako,||
tassa nev'assa puratthimaaya disaaya udakassa aayamukha.m,||
na dakkhi.naaya disaaya udakassa aayamukha.m,||
na pacchimaaya disaaya udakassa aayamukha.m,||
na uttaraaya disaaya udakassa aayamukha.m,||
devo ca na kaalena kaala.m sammaa dhaara.m anupaveccheyya,||
atha kho tamhaa ca udakarahadaa siitaa vaaridhaaraa ubbhijjitvaa tameva udakarahada.m siitena vaarinaa abhisandeyya parisandeyya paripuureyya paripphareyya,||
naassa ki~nci sabbaavato udakarahadassa vaarinaa siitena apphu.ta.m assa-

Evam eva kho aavuso bhikkhu imameva kaaya.m samaadhijena piitisukhena abhisandeti parisandeti paripuureti parippharati.|| ||

Naassa ki~nci sabbaavato kaayassa samaadhijena piitisukhena apphu.ta.m hoti.|| ||

Puna ca para.m aavuso bhikkhu piitiyaa ca viraagaa upekkhako ca viharati sato sampajaano sukha~nca kaayena pa.tisa'nvedeti.|| ||

Yanta.m ariyaa aacikkhanti: 'Upekkhako satimaa sukha-vihaarii' ti tatiya.m-jhaana.m upasampajja viharati.|| ||

So imameva kaaya.m nippiitikena sukhena abhisandeti parisandeti paripuureti,||
parippharati naassa ki~nci sabbaavato kaayassa nippiitikena sukhena apphu.ta.m hoti.|| ||

Seyyathaa pi aavuso uppaliniya.m vaa paduminiya.m vaa pu.n.dariikiniya.m vaa appekaccaani uppalaani vaa padumaani vaa pu.n.dariikaani vaa udake jaataani udake sa.mvaddhaani udakaanuggataani antonimuggaposiini taani yaava caggaa yaava ca muulaa siitena vaarinaa abhisannaani parisannaani paripuuraani,||
paripphu.taani naassaa ki~nci sabbaavata.m uppalaana.m vaa padumaana.m vaa pu.n.dariikaana.m vaa siitena vaarinaa apphu.ta.m assa.|| ||

Evam eva kho aavuso bhikkhu imameva kaaya.m nippiitikena sukhena abhisandeti parisandeti paripuureti parippharati.|| ||

Naassa ki~nci sabbaavato kaayassa nippiitikena sukhena apphu.ta.m hoti.|| ||

Puna ca para.m aavuso bhikkhu sukhassa ca pahaanaa dukkhassa ca pahaanaa pubb'eva somanassa-domanassaana.m attha'ngamaa adukkha-m-asukha.m upekkhaa-sati-paarisuddhi.m catuttha.m-jhaana.m upasampajja viharati.|| ||

Idam pi'ssa hoti cittasampadaaya.|| ||

Aya.m kho saa Kassapa cittasampadaa.|| ||

31. So eva.m samaahite citte -pe-

32. [174] imaaya ca Kassapa siilasampadaaya imaaya ca cittasampadaaya imaaya ca pa~n~naasampadaaya a~n~naa siilasampadaa cittasampadaa pa~n~naasampadaa uttariitaraa vaa pa.niitataraa vaa n'atthi.|| ||

33. Santi Kassapa eke sama.na-braahma.naa siilavaadaa.|| ||

Te aneka-pariyaayena siilassa va.n.na.m bhaasanti.|| ||

Yaavataa Kassapa ariya.m parama.m siila.m,||
naaha.m tattha attano samasama.m samanupassaami.|| ||

Kuto bhiyyo?|| ||

Atha kho ahameva tattha bhiyyo yad ida.m adhisiila.m.|| ||

34. Santi Kassapa eke sama.na-braahma.naa tapojigucchaavaadaa.|| ||

Te aneka-pariyaayena tapojigucchaaya va.n.na.m bhaasanti.|| ||

Yaavataa Kassapa ariyaa paramaa tapojigucchaa,||
naaha.m tattha attano samasama.m samanupassaami.|| ||

Kuto bhiyyo?|| ||

Atha kho ahameva tattha bhiyyo yad ida.m adhijeguccha.m.|| ||

35. Santi Kassapa eke sama.na-braahma.naa pa~n~naavaadaa.|| ||

Te aneka-pariyaayena pa~n~naaya va.na.na.m bhaasanti.|| ||

Yaavataa Kassapa ariyaa paramaa pa~n~naa,||
naaha.m tattha attano samasama.m samanupassaami.|| ||

Kuto bhiyyo?|| ||

Atha kho ahameva tattha bhiyyo yad ida.m adhipa~n~naa.|| ||

36. Santi Kassapa eke sama.na-braahma.naa vimuttivaadaa.|| ||

Te aneka-pariyaayena vimuttiyaa va.na.na.m bhaasanti.|| ||

Yaavataa Kassapa ariyaa paramaa vimutti,||
naaha.m tattha attano samasama.m samanupassaami.|| ||

Kuto bhiyyo?|| ||

Atha kho ahameva tattha bhiyyo yad ida.m adhimutti.|| ||

37. [175] .thaana.m kho pan'eta.m Kassapa vijjati ya.m a~n~natitthiyaa paribbaajakaa eva.m vadeyyu.m: "siihanaada.m kho Sama.no Gotamo nadati.|| ||

Ta~n ca kho su~n~naagaare nadati no parisaasuu" ti.|| ||

Te 'maa hevan' ti.su vacaniiyaa.|| ||

"Siihanaada~nca Sama.no Gotamo nadati,||
parisaasu ca nadatii' ti.|| ||

Evamassu Kassapa vacaniiyaa.|| ||

38. .Thaana.m kho pan'eta.m Kassapa vijjati ya.m a~n~natitthiyaa paribbaajakaa eva.m vadeyyu.m: "siihanaada~nca Sama.no Gotamo nadati,||
parisaasu ca nadati.|| ||

No ca kho visaarado nadatii" ti.|| ||

Te 'maa hevan' ti.su vacaniiyaa.|| ||

"Siihanaada~nca Sama.no Gotamo nadati,||
parisaasu ca nadati,||
visaarado ca nadatii" ti.|| ||

Evamassu Kassapa vacaniiyaa.|| ||

39. .Thaana.m kho pan'eta.m Kassapa vijjati ya.m a~n~natitthiyaa paribbaajakaa eva.m vadeyyu.m: "siihanaada~nca Sama.no Gotamo nadati,||
parisaasu ca nadati,||
visaarado ca nadati,||
no ca kho na.m pa~nha.m pucchantii" ti.|| ||

Te 'maa hevan' ti.su vacaniiyaa "siihanaada.m ca Sama.no Gotamo nadati.|| ||

Parisaasu ca nadati,||
visaarado ca nadati,||
pa~nha~nca na.m pucchantii" ti.|| ||

Evamassu Kassapa vacaniiyaa.|| ||

40. .Thaana.m kho pan'eta.m Kassapa vijjati ya.m a~n~natitthiyaa paribbaajakaa eva.m vadeyyu.m: "siihanaada.m ca Sama.no Gotamo nadati,||
parisaasu ca nadati,||
visaarado ca nadati,||
pa~nha.m ca na.m pucchanti,||
no ca kho n'esa.m pa~nha.m pu.t.tho byaakarotii" ti.|| ||

Te 'maa hevan' ti.su vacaniiyaa.|| ||

"Siihanaada~nca Sama.no Gotamo nadati,||
parisaasu ca nadati,||
visaarado ca nadati,||
pa~nha.m ca na.m pucchanti.|| ||

Pa~nha~nca n'esa.m pu.t.tho byaakarotii" ti.|| ||

Evamassu Kassapa vacaniiyaa.|| ||

41. .Thaana.m kho pan'eta.m Kassapa vijjati ya.m a~n~natitthiyaa paribbaajakaa eva.m vadeyyu.m: "siihanaada~nca Sama.no Gotamo nadati,||
parisaasu ca nadati.|| ||

Visaarado ca nadati,||
pa~nha.m ca na.m pucchanti,||
no ca kho pa~nha~nca n'esa.m pu.t.tho byaakaroti,||
no ca kho pa~nhassa veyyaakara.nena citta.m aaraadhetii" ti.|| ||

Te 'maa hevan' ti.su vacaniiyaa "siihanaada.m ca Sama.no Gotamo nadati,||
parisaasu ca nadati,||
visaarado ca nadati,||
pa~nha.m ca na.m pucchanti,||
no ca kho n'esa.m pa~nhassa ca veyyaakara.nena citta.m aaraadhetii" ti.evamassu Kassapa vacaniiyaa.|| ||

42. .Thaana.m kho pan'eta.m Kassapa vijjati ya.m a~n~natitthiyaa paribbaajakaa eva.m vadeyyu.m: "siihanaada~nca Sama.no Gotamo nadati.|| ||

Parisaasu ca nadati,||
visaarado ca nadati,||
pa~nhassa ca veyyaakara.nena citta.m aaraadheti,||
no ca kho sotabba.m ma~n~nantii" ti.|| ||

Te 'maa hevan' ti.su vacaniiyaa: "siihanaada~nca Sama.no Gotamo nadati,||
parisaasu ca nadati,||
visaarado ca nadati,||
pa~nhassa ca veyyaakara.nena citta.m aaraadheti.|| ||

Sotabba~nc'assa ma~n~nantii" ti.|| ||

Evamassu Kassapa vacaniiyaa.|| ||

43. .Thaana.m kho pan'eta.m vijjati ya.m a~n~natitthiyaa paribbaajakaa eva.m vadeyyu.m: "siihanaada~nca Sama.no Gotamo nadati.|| ||

Parisaasu ca nadati,||
visaarado ca nadati,||
pa~nhassa ca veyyaakara.nena citta.m aaraadheti,||
no ca kho sotabba.m ma~n~nantii" ti.|| ||

Te 'maa hevan' ti.su vacaniiyaa: "siihanaada~nca Sama.no Gotamo nadati,||
parisaasu ca nadati,||
visaarado ca nadati,||
pa~nhassa ca veyyaakara.nena citta.m aaraadheti.|| ||

Sotabba~nc'assa ma~n~nanti.|| ||

No ca kho sutvaa c'assa pasiidanatii" ti.|| ||

Te 'maa hevan' ti.su vacaniiyaa: "siihanaada~nca Sama.no Gotamo nadati,||
parisaasu ca nadati,||
visaarado ca nadati,||
pa~nhassa ca veyyaakara.nena citta.m aaraadheti.|| ||

Sotabba~nc'assa ma~n~nanti.|| ||

Sutvaa c'assa pasiidantii" ti.|| ||

Evamassu Kassapa vacaniiyaa.|| ||

44. .Thaana.m kho pan'eta.m Kassapa vijjati ya.m a~n~natitthiyaa paribbaajakaa eva.m vadeyyu.m: "siihanaada~nca Sama.no Gotamo nadati.|| ||

Parisaasu ca nadati,||
visaarado ca nadati,||
pa~nhassa ca veyyaakara.nena citta.m aaraadheti,||
no ca kho sotabba.m ma~n~nantii" ti.|| ||

Te 'maa hevan' ti.su vacaniiyaa: "siihanaada~nca Sama.no Gotamo nadati,||
parisaasu ca nadati,||
visaarado ca nadati,||
pa~nhassa ca veyyaakara.nena citta.m aaraadheti.|| ||

Sutvaa c'assa pasiidanti,||
no ca kho pasannaa pasannaakaara.m karontii" ti.|| ||

Te maa' hevan' ti.su vacaniiyaa.|| ||

"Siihanaada~nca Sama.no Gotamo nadati.|| ||

Parisaasu ca nadati,||
visaarado ca nadati,||
pa~nhassa ca veyyaakara.nena citta.m aaraadheti,||
no ca kho sotabba.m ma~n~nantii" ti.|| ||

Te 'maa hevan' ti.su vacaniiyaa: "siihanaada~nca Sama.no Gotamo nadati,||
parisaasu ca nadati,||
visaarado ca nadati,||
pa~nhassa ca veyyaakara.nena citta.m aaraadheti.|| ||

Sutvaa c'assa pasiidati,||
pasannaa ca pasannaakaara.m karontii" ti.evamassu Kassapa vacaniiyaa.|| ||

45. .Thaana.m kho pan'eta.m Kassapa vijjati ya.m a~n~natitthiyaa paribbaajakaa eva.m vadeyyu.m: "siihanaada.m ca Sama.no Gotamo nadati.|| ||

Parisaasu ca nadati,||
visaarado ca nadati,||
pa~nhassa ca veyyaakara.nena citta.m aaraadheti,||
no ca kho sotabba.m ma~n~nantii" ti.|| ||

Te 'maa hevan' ti.su vacaniiyaa: "siihanaada~nca Sama.no Gotamo nadati,||
parisaasu ca nadati,||
visaarado ca nadati,||
pa~nhassa ca veyyaakara.nena citta.m aaraadheti.|| ||

Pasannaa ca pasannaakaara.m karoti.|| ||

No ca kho tathattaaya pa.tipajjantii" ti.|| ||

Te 'maa hevanti"ssu vacaniiyaa "siihanaada.m ca Sama.no Gotamo nadati.|| ||

Parisaasu ca nadati,||
visaarado ca nadati,||
pa~nhassa ca veyyaakara.nena citta.m aaraadheti,||
no ca kho sotabba.m ma~n~nantii" ti.|| ||

Te 'maa hevan' ti.su vacaniiyaa: "siihanaada~nca Sama.no Gotamo nadati,||
parisaasu ca nadati,||
visaarado ca nadati,||
pa~nhassa ca veyyaakara.nena citta.m aaraadheti.|| ||

Pasannaa ca pasannaakaara.m karonti.|| ||

Tathattaaya ca pa.tipajjantii" ti.evamassu Kassapa vacaniiyaa.|| ||

46. .Thaana.m kho pan'eta.m Kassapa vijjati ya.m a~n~natitthiyaa paribbaajakaa eva.m vadeyyu.m: "siihanaada.m ca Sama.no Gotamo nadati.|| ||

Parisaasu ca nadati,||
visaarado ca nadati,||
pa~nhassa ca veyyaakara.nena citta.m aaraadheti,||
sotabba.m ca ma~n~nanti,||
tathattaaya ca pa.tipajjanti,||
no ca kho pa.tipannaa aaraadhentii" ti.|| ||

Te 'maa hevan' ti.su vacaniiyaa.|| ||

"Siihanaada~nca Sama.no Gotamo nadati.|| ||

Parisaasu ca nadati,||
visaarado ca nadati,||
pa~nha~nca ta.m pucchanti,||
pa~nha~nca n'esa.m pu.t.tho byaakaroti,||
pa~nhassa ca veyyaakara.nena citta.m aaraadheti,||
sotabba~nc'assa ma~n~nanti,||
sutvaa c'assa pasiidanti,||
pasannaa ca pasannaakaara.m karonti,||
tathattaaya ca pa.tipajjanti pa.tipannaa ca aaraadhentii" ti.|| ||

Evamassu Kassapa vacaniiyaa.|| ||

47. Ekamidaaha.m Kassapa samaya.m Raajagahe viharaami Gijjhakuu.te pabbate.|| ||

Tatra ma.m a~n~nataro tapabrahmacaarii [176] nigrodho naama adhijegucche pa~nha.m pucchi.|| ||

Tassaaha.m adhijegucche pa~nha.m pu.t.tho byaakaasi.m.|| ||

Byaakato ca pana me attamano ahosi. Para.m viya mattaayaati.|| ||

48. "Ko hi bhante Bhagavato dhamma.m sutvaa na attamano assa para.m viya mattaaya?|| ||

Bhante Bhagavato dhamma.m sutvaa attamano para.m viya mattaaya,||
abhikkanta.m bhante,||
abhikkanta.m bhante.|| ||

Seyyathaa pi bhante nikkujjita.m vaa ukkujjeyya,||
pa.ticchanna.m vaa vivareyya,||
muu.lhassa vaa magga.m aacikkheyya,||
andhakaare vaa telapajjota.m dhaareyya cakkhumanto ruupaani dakkhintiiti,||
evam eva Bhagavataa aneka-pariyaayena dhammo pakaasito.|| ||

Esaaha.m bhante Bhagavanta.m sara.na.m gacchaami dhamma~nca bhikkhu-sa'ngha~n ca.|| ||

Labheyyaaha.m bhante Bhagavato santike pabbajja.m,||
labheyya.m upasampadanti".|| ||

49. "Yo kho Kassapa a~n~natitthiyapubbo imasmi.m dhamma-vinaye aaka'nkhati pabbajja.m,||
aaka'nkhati upasampada.m,||
so cattaaro maase parivasati.|| ||

Catunna.m maasaana.m accayena aaraddhacittaa bhikkhuu ta.m pabbaajenti,||
upasampaadenti bhikkhubhaavaaya.|| ||

Api ca mettha puggalavemattataa viditaa" ti.|| ||

50. "Sace bhante a~n~natitthiyapubbaa imasmi.m dhamma-vinaye aaka'nkhantaa pabbajja.m aaka'nkhantaa upasampada.m cattaaro maase parivasanti,||
catunna.m maasaana.m accayena aaraddhacittaa bhikkhuu ta.m pabbaajenti,||
upasampaadenti bhikkhubhaavaaya.|| ||

Aha.m cattaari vassaani parivasissaami.|| ||

Catunna.m vassaana.m accayena aaraddhacittaa bhikkhuu ma.m pabbaajentu,||
upasampaadentu bhikkhubhaavaayaa' ti.|| ||

51. Alattha kho acelo Kassapo Bhagavato santike pabbajja.m [177] alatthupasampada.m.|| ||

Aciruupasampanno kho panaayasmaa Kassapo eko vuupaka.t.tho appamatto aataapii pahitatto viharanto,||
na cirass'eva yassatthaaya kulaputtaa samma-d-eva agaarasmaa anagaariya.m pabbajanti,||
tadanuttara.m brahmacariyapariyosaana.m di.t.the va dhamme saya.m abhi~n~naa sacchikatvaa upasampajja vihaasi.|| ||

"Khii.naa jaati.|| ||

Vusita.m brahmacariya.m.|| ||

Kata.m kara.niiya.m.|| ||

Naapara.m itthattaayaa" ti.abbha~n~naasi.|| ||

A~n~nataro ca kho panaayasmaa Kassapo arahata.m ahosiiti.|| ||

Siihanaadasutta.m Ni.t.thita.m A.t.thama.m.|| ||


Contact:
E-mail
Copyright Statement