Digha Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Diigha Nikaaya

Sutta 13

Tevijja Suttanta.m

Adapted from the digital version of the Sri Lanka Buddha Jayanti Tripitaka Series

 


 

[1][bs][pts] Evam me suta.m:|| ||

eka.m samaya.m Bhagavaa Kosalesu caarika.m caramaano mahataa bhikkhu-sa'nghena saddhi.m pa~nca-mattehi bhikkhu-satehi yena manasaaka.ta.m naama kosalaana.m braahma.nagaamo tadavasari.|| ||

Tatra suda.m Bhagavaa manasaaka.te viharati uttarena manasaaka.tassa aciravatiyaa nadiyaa tiire Ambavane.|| ||

2. Tena kho pana samayena sambahulaa abhi~n~naataa abhi~n~naataa braahma.namahaasaalaa manasaaka.te pa.tivasati.|| ||

Seyyathiida.m: ca'nkii braahma.no taarukkho braahma.no pokkharasaatii braahma.no jaanussonii braahmano todeyyo braahma.no, a~n~ne ca abhi~n~naataa abhi~n~naataa braahma.namahaasaalaa.|| ||

3. Atha kho vaase.t.tha - bhaaradvaajaana.m ja'nghaavihaara.m anuca'nkamantaana.m anuvicarantaana.m maggaamagge kathaa udapaadi.|| ||

Atha kho vaase.t.tho maa.navo evam aaha: 'ayameva ujumaggo ayama~njasaayano niyyaa.niko niyyaati takkarassa bramhasahavyataaya yvaaya.m akkhaato braahma.nena pokkharasaatinaa'ti.|| ||

4. Bhaaradvaajo maa.navo evam aaha: ayameva ujumaggo [236] ayama~njasaayano niyyaa.niko niyyaani takkarassa brahmasahavyataaya yvaaya.m akkhaato braahma.nena taarukkhenaa'ti.|| ||

N'eva khvaasakkhi vaase.t.tho maa.navo bhaaradvaaja.m maa.nava.m sa~n~naapetu.|| ||

Na panaasakkhi bhaaradvaajo maa.navo vaase.t.tha.m maa.nava.m sa~n~naapetu.m.|| ||

5. Atha kho vaase.t.tho maa.navo bhaaradvaaja.m maa.nava.m aamantesi: aya.m kho bhaaradvaaja, Sama.no Gotamo Sakyaputto Sakyakulaa pabbajito manaasaaka.te viharati uttarena manasaaka.tassa aciravatiyaa nadiyaa tiire Ambavane.|| ||

Ta.m kho pana bhavanta.m Gotama.m eva.m kalyaa.no kittisaddo abbhuggato: iti pi so Bhagavaa araha.m Sammaa-sambuddho vijjaa-cara.na-sampanno sugato loka-viduu anuttaro purisa-damma-saarathii satthaa deva-manussaana.m buddho Bhagavaa'ti aayaama bho bhaaradvaaja yena Sama.no Gotamo ten'upasa'nkamissaama.|| ||

Upasa'nkamitvaa etam attha.m sama.na.m Gotama.m pucchissaama.|| ||

Yathaa no Sama.no Gotamo byaakarissati tathaa na.m dhaaressaamaati.|| ||

'Evambho'ti kho bhaaradvaajo kho bhaaradvaajo maa.navo vaase.t.thassa maa.navassa paccassosi.|| ||

6. Atha kho vaase.t.thabhaaradvaajaa maa.navaa yena Bhagavaa ten'upasa'nkami.msu.|| ||

Upasa'nkamitvaa Bhagavataa saddhi.m sammodi.msu.|| ||

Sammodaniiya.m katha.m saaraa.niiya.m viitisaaretvaa eka-m-anta.m nisiidi.msu.|| ||

Eka-m-anta.m nisinno kho vaase.t.tho maa.navo Bhagavanta.m etad avoca: "idha bho Gotama amhaaka.m ja'nghaavihaara.m anuca'nkamantaana.m anuvivarantaana.m maggaamagge kathaa udapaadi.|| ||

Aha.m eva.m vadaami: 'ayameva ujumaggo ayama~njasaayano niyyaa.niko niyyaati takkarassa brahmasahavyataaya yvaaya.m akkhaato braahma.nena pokkharasaatinaa'ti.|| ||

Bhaaradvaajo maa.navo evam aaha: 'ayameva ujumaggo ayama~njasaayano niyyaa.niko niyyaati takkarassa brahmasahavyataaya yvaaya.m akkhaato braahma.nena taarukkhenaa'ti.|| ||

Ettha bho Gotama attheva viggaho atthi vivaado atthi naanaavaado" ti.|| ||

7. [237] "Iti kira vaase.t.tha tva.m eva.m vadesi: ayameva ujumaggo ayama~njasaayano niyyaa.niko niyyaani takkarassa brahmasahavyataaya yvaaya.m akkhaato braahma.nena pokkharasaatinaa'ti.|| ||

Bhaaradvaajo maa.navo evam aaha: ayameva ujumaggo ayama~njasaayano niyyaa.niko niyyaati takkarassa brahmasahavyataaya yvaaya.m akkhaato braahma.nena taarukkhenaati.|| ||

Atha kismi.m pana vo vaase.t.thaa viggaho? Kismi.m vivaado? Kismi.m naanaavaado?" ti.|| ||

8. "Maggaamagge bho Gotama.|| ||

Ki~ncaapi bho Gotama braahma.naa naanaamagge pa~n~naapenti addhariyaa braahma.naa, tittiriyaa braahma.naa.|| ||

Chandokaa braahma.naa, bavahiricaa braahma.naa, atha kho sabbaani taani niyyaa.nikaani niyyanti takkarassa brahmasahavyataaya.|| ||

seyyathaa pi bho Gotama gaamassa vaa nigamassa vaa aviduure bahuuni ce pi naanaamaggaani bhavanti, atha kho sabbaani taani gaamasamosara.naani bhavanti.|| ||

Evam eva kho bho Gotama ki~ncaapi braahma.naa naanaamagge pa~n~naapenti addhariyaa braahma.naa, tiittiriyaa braahma.naa, chandokaa braahma.naa, bavahiricaa braahma.naa, atha kho sabbaani taani niyyaa.nikaani niyyanti takkarassa brahmasahavyataayaa" ti.|| ||

9. "Niyyantiiti vaase.t.tha vadesi?".|| ||

"Niyyantiiti bho Gotama vadaami".|| ||

"Niyyantiiti vaase.t.tha vadesi?".|| ||

"Niyantiiti bho Gotama vadaami."|| ||

"Niyyantiiti vaase.t.tha vaadesi?".|| ||

"Niyyantiiti bho Gotama vadaami."|| ||

10. [238] "ki.m pana vaase.t.tha atthi koci tevijjaana.m braahma.naana.m ekabraahma.no pi yena Brahmaa sakkhi di.t.tho?" ti.|| ||

"No h'ida.m bho Gotama."|| ||

"Ki.m pana vaase.t.tha atthi koci tevijjaana.m braahma.naana.m ekaacariyo pi yena Brahmaa sakkhi di.t.tho?" ti.|| ||

"Noh'ida.m bho Gotama".|| ||

"Ki.m pana vaase.t.tha atthi koci tevijjaana.m braahma.naana.m yaava sattamaa aacariyamahayugaa yena Brahmaa sakkhi di.t.tho?" ti.|| ||

"No h'ida.m bho Gotama".|| ||

"Ki.m pana vaase.t.tha ye pi tevijjaana.m braahma.naana.m pubbakaa isayo mantaana.m kattaaro mantaana.m pavattaaro yesamida.m etarahi tevijjaa braahma.naa poraa.na.m mantapada.m giita.m pavutta.m samuuhita.m tadanugaayanti tadanubhaasanti bhaasitamanubhaasanti vaacitamanuvaacenti, seyyathiida.m: a.t.tako vaamako vaamadevo vessaamitto yamataggi a'ngiraso bhaaradvaajo vaase.t.tho Kassapo bhagu, te'pi evam aaha.msu: mayame ta.m jaanaama mayame ta.m passaama yattha vaa Brahmaa yena vaa Brahmaa yahi.m vaa Brahmaa'ti?".|| ||

"No h'ida.m bho Gotama."|| ||

11. "Iti kira vaase.t.tha n'atthi koci tevijjaana.m braahma.naana.m ekabraahma.no pi yena Brahmaa sakkhi di.t.tho.|| ||

N'atthi koci tevijjaana.m braahma.naana.m ekaacariyo pi yena Brahmaa sakkhidi.t.tho.|| ||

N'atthi koci tevijjaana.m braahma.naana.m ekaacariyapaacariyo pi yena Brahmaa sakkhidi.t.tho.|| ||

N'atthi [239] koci tevijjaana.m braahma.naana.m yaava sattamaa aacariyamahayugaa yena Brahmaa sakkhi di.t.tho-.|| ||

Ye pi kira tevijjaana.m braahma.naana.m pubbakaa isayo mantaana.m kattaaro mantaana.m pavattaaro, yesamida.m etarahi tevijjaa braahma.naa poraa.na.m mantapada.m giita.m pavutta.m samuuhita.m tadanugaayanti tadanubhaasanti bhaasitamanubhaasanti vaacitamanuvaacenti, seyyathiida.m: a.t.tako vaamako vaamadevo vessaamitto yamataggi a'ngiraso bhaaradvaajo vaase.t.tho Kassapo bhagu, te'pi evam aaha.msu: mayame ta.m jaanaama mayame ta.m passaama yattha vaa Brahmaa yena vaa Brahmaa yahi.m vaa Brahmaa'ti.|| ||

Te vata tevijjaa braahma.naa evam aaha.msu: ya.m maya.m na jaanaama ya.m na passaama, tassa sahavyataaya magga.m desema: ayameva ujumaggo ayama~njasaayano niyyaa.niko niyyaati takkarassa brahmasahavyataayaa'ti.|| ||

12. Ta.m kim ma~n~nasi vaase.t.tha, tanu eva.m sante tevijjaana.m braahma.naana.m appaa.tihiirakata.m bhaasita.m sampajjatii?" ti.|| ||

"Addhaa kho bho Gotama, eva.m sante tevijjaana.m braahma.naana.m appaa.tihiirakata.m bhaasita.m sampajjatii" ti.|| ||

13. Saadhu vaase.t.tha.|| ||

Te vata vaase.t.tha tevijjaa braahma.naa ya.m na jaananti ya.m na passanti tassa sahavyataaya magga.m desessanti: 'ayameva ujumaggo ayama~njasaayano niyyaa.niko niyyaani takkarassa brahmasahavyataayaa'ti n'eta.m .thaana.m vijjati.|| ||

seyyathaa pi vaase.t.tha andhave.niparampara.m sa.msattaa purimo pi na passati majjhimo pi na passati pacchimo pi na passati, evam eva kho vaase.t.tha andhave.nuupama.m ma~n~ne tevijjaana.m braahma.naana.m bhaasita.m.|| ||

Purimo pi na [240] passati.|| ||

Majjhimo pi na passati.|| ||

Pacchimo pi na passati.|| ||

Tesamida.m tevijjaana.m braahma.naana.m bhaasita.m bhassaka.m yeva sampajjati, naamaka.m yeva sampajjati.|| ||

Rittaka.m yeva sampajjati, tucchaka.m yeva sampajjati.|| ||

14. "Ta.m kim ma~n~nasi vaase.t.tha, passanti tevijjaa braahma.naa candimasuriye a~n~ne caapi bahuu janaa, yato ca candimasuriyaa uggacchanti, yattha ca ogacchanti, aayaacanti, thomayanti, pa~njalikaa namassamaanaa anuparivattanti?" ti.|| ||

"Eva.m bho Gotama.|| ||

Passanti tevijjaa braahma.naa candimasuriye a~n~ne caapi bahuujanaa, yato ca candimasuriyaa uggacchanti yattha ca ogacchanti, aayaacanti, thomayanti, pa~njalikaa namassamaanaa anuparivattantii" ti.|| ||

15. "Ta.m kim ma~n~nasi vaase.t.tha, ya.m passantii tevijjaa braahma.naa candimasuriye a~n~ne caapi bahujanaa, yato ca candimasuriyaa uggacchanti, yattha ca ogacchanti, aayaacanti thomayanti pa~njalikaa namassamaanaa anuparivattanti, pahonti tevijjaa braahma.naa candima-suriyaana.m sahavyataaya magga.m desetu.m: ayameva ujumaggo ayama~njasaayano niyyaa.niko niyyaati takkarassa candima-suriyaana.m sahavyataayaa?" ti.|| ||

"No h'ida.m bho Gotama.".|| ||

16. Iti kira vaase.t.tha ya.m passanti tevijjaa braahma.naa candimasuriye, a~n~ne caapi bahuu janaa, yato ca candimasuriyaa uggacchanti, yattha ca ogacchanti, aayaacanti thomayanti pa~njalikaa namassamaanaa anuparivattanti, te'pi nappahonti candima-suriyaana.m sahavyataaya magga.m desetu.m: ayameva ujumaggo ayama~njasaayano niyyaa.niko niyyaani takkarassa candima-suriyaana.m sahavyataayaati.|| ||

Ki.m pana, na kira tevijjehi braahma.nehi Brahmaa sakkhi di.t.tho.|| ||

Na pi kira tevijjaana.m braahma.naana.m aacariyehi Brahmaa sakkhidi.t.tho.|| ||

Na pi kira tevijjaana.m [241] braahma.naana.m aacariyapaacariyehi Brahmaa sakkhidi.t.tho.|| ||

Na pi kira tevijjaana.m braahma.naana.m yaava sattamaa aacariyamahayugehi Brahmaa sakkhidi.t.tho.|| ||

"Ye pi kira tevijjaana.m braahma.naana.m pubbakaa isayo mantaana.m kattaaro mantaana.m pavattaaro, yesamida.m etarahi tevijjaa braahma.naa pora.na.m mantapada.m giita.m pavutta.m samuuhita.m, tadanugaayanti tadanubhaasanti bhaasitamanubhaasanti vaacitamanuvaacenti, seyyathiida.m: a.t.tako vaamako vaamadevo vessaamitto yamataggi a'ngiraso bhaaradvaajo maase.t.tho Kassapo bhagu.|| ||

Te pi na evam aaha.msu: mayame ta.m jaanaama, mayame ta.m passaama, yattha vaa Brahmaa yena vaa Brahmaa yahi.m vaa Brahmaa'ti.|| ||

Te vata tevijjaa brahma.naa evam aaha.msu: ya.m na jaanaama ya.m na passaama, tassa sahavyataaya magga.m desema: ayameva ujumaggo ayama~njasaayano niyyaa.niko niyyaati takkarassa brahmasahavyataayaa" ti.|| ||

"Ta.m kim ma~n~nasi vaase.t.tha, nanu eva.m sante tevijjaana.m braahma.naana.m appaa.tihiirakata.m bhaasita.m sampajjatii?" ti.|| ||

"Addhaa kho bho Gotama eva.m satte tevijjaana.m braahma.naana.m appaa.tiihiirakata.m bhaasita.m sampajjatii" ti.|| ||

17. "Saadhu vaase.t.tha.|| ||

Te vata vaase.t.tha tevijjaa braahma.naa ya.m na jaananti ya.m na passanti tassa sahavyataaya magga.m desessanti: aayameva ujumaggo ayama~njasaayano niyyaa.niko niyyaani takkarassa brahmasabhavyataayaati n'eta.m .thaana.m vijjatii'ti.|| ||

18. seyyathaa pi vaase.t.tha puriso eva.m vadeyya: aha.m kho yaa imasmi.m janapade janapadakalyaa.ni, ta.m icchaami ta.m kaamemiiti.|| ||

Tam ena.m eva.m vadeyyu.m: ambho purisa, ya.m tva.m janapadakalyaa.ni.m icchasi kaamesi, jaanaasi ta.m janapadakalyaa.ni.m khattayii vaa braahma.nii vaa vessii vaa suddii vaa?' ti iti pu.t.tho 'no'ti vadeyya tam ena.m eva.m vadeyyu.m: "ambho purisa ya.m tva.m janapadakalyaa.ni.m na jaanaasi, na passasi, [242] eva.mnaamaa vaa eva.mgottaa vaa, diighaa vaa rassaa vaa majjhimaa vaa kaa'ii vaa saamaa vaa ma'nguracchavii vaa'ti, amukasmi.m gaame vaa nigame vaa nagare vaa" ti.|| ||

Iti pu.t.tho 'no'ti vadeyya.|| ||

Tam ena.m eva.m vadeyyu.m: "ambho purisa ya.m tva.m na jaanaasi, na passasi, ta.m tva.m icchasi kaamesii" ti.|| ||

Iti pu.t.tho 'aamo'ti vadeyya.|| ||

Ta.m kim ma~n~nasi vaase.t.tha nanu eva.m sante tassa purisassa appaa.tihiirakata.m bhaasita.m sampajjatii?" ti.|| ||

"Addhaa kho bho Gotama tassa purisassa appaa.tiibhiirakata.m bhaasita.m sampajjatii" ti.|| ||

19. Evam eva kho vaase.t.tha na kira tevijjehi braahma.nehi Brahmaa sakkhi di.t.tho.|| ||

Napi kira tevijjaana.m braahma.naana.m aacariyehi Brahmaa sakkhi di.t.tho.|| ||

Napi kira tevijjaana.m braahma.naana.m aacariyapaacariyehi Brahmaa sakkhi di.t.tho.|| ||

Napi kira tevijjaana.m braahma.naana.m yaava sattamaa aacariyamahayugehi Brahmaa sakkhi di.t.tho.|| ||

Ye pi kira tevijjaana.m brahma.naana.m pubbakaa isayo mantaana.m kattaaro mantaana.m pavattaaro yesamida.m etarahi tevijjaa braahma.naa poraa.na.m mantapada.m giita.m pavutta.m samuuhita.m tadanugaayanti tadanubhaasanti bhaasitamanubhaasanti vaacitamanuvaacenti, seyyathiida.m a.t.tako vaamako vaamadevo vessaamitto yamataggii a'ngiraso bhaaradvaajo vaase.t.tho Kassapo bhagu, te'pi na evam aaha.msu: mayame ta.m jaanaama mayame ta.m passaama yattha vaa Brahmaa yena vaa Brahmaa yahi.m vaa Brahmaa'ti.|| ||

Te vata tevijjaa braahma.naa evam aaha.msu: ya.m na jaanaama ya.m na passaama, tassa sahavyataaya magga.m desema: ayameva ujumaggo ayama~njasaayano niyyaa.niko niyyaati takkarassa brahmasahavyataayaa'ti.|| ||

Ta.m kim ma~n~nasi vaase.t.tha, nanu eva.m sante tevijjaana.m braahma.naana.m appaa.tihirakata.m bhaasita.m sampajjatii?" ti.|| ||

"Addhaa kho bho Gotama eva.m sante tevijjaana.m braahma.naana.m appaa.tihiirakata.m bhaasita.m sampajjatii" ti.|| ||

20. Saadhu vaase.t.tha.|| ||

Te vata vaase.t.tha, tevijjaa braahma.naa ya.m na jaananti, ya.m na passanti, tassa sahavyataaya [243] magga.m desessanti: ayameva ujumaggo ayama~njasaayano niyyaa.niko niyyaani takkarassa brahmasahavyataayaa'ti n'eta.m .thaana.m vijjatii'ti.|| ||

21. seyyathaa pi vaase.t.tha puriso caatummahaapathe nisse.ni.m kareyya paasaadassa aaroha.naaya, tam ena.m eva.m vadeyyu.m: ambho purisa yassa tva.m paasaadassa aaroha.naaya nisse.ni.m karosi, jaanaasi ta.m paasaada.m puratthimaaya vaa disaaya dakkhi.naayavaa disaaya pacchimaaya vaa disaaya uttaraaya vaa disaaya, ucco vaa niico vaa majjhimo vaa'?Ti iti pu.t.tho 'no'ti vadeyya, tam ena.m eva.m vadeyyu.m: ambho purisa ya.m tva.m na jaanaasi na passasi tassa tva.m paasaadassa aaroha.naaya nisse.ni.m karosii?Ti.|| ||

Iti pu.t.tho 'aamo'ti vadeyya.|| ||

Ta.m kim ma~n~nasi vaase.t.tha, tanu eva.m sante tassa purisassa appaa.tihiirakata.m bhaasita.m sampajjatii?" ti.|| ||

"Addhaa kho bho Gotama eva.m sante tassa purisassa appaa.tihiirakata.m bhaasita.m sampajjatii" ti.|| ||

22. Evam eva kho vaase.t.tha na kira tevijjahi braahma.nehi Brahmaa sakkhi di.t.tho napi kira tevijjaana.m braahma.naana.m aacariyehi Brahmaa sakkhi di.t.tho.|| ||

Napi kira tevijjaana.m braahma.naana.m aacariyapaacariyehi Brahmaa sakkhi di.t.tho.|| ||

Napi kira tevijjaana.m braahma.naana.m yaava sattamaa aacariyamahayugehi Brahmaa sakkhi di.t.tho.|| ||

Ye pi kira tevijjaana.m brahma.naana.m pubbakaa isayo mantaana.m kattaaro mantaana.m pavattaaro yesamida.m etarahi tevijjaa braahma.naa poraa.na.m mantapada.m giita.m pavutta.m samuuhita.m tadanugaayanti tadanubhaasanti bhaasitamanubhaasanti vaacitamanuvaacenti, seyyathiida.m: a.t.tako vaamako vaamadevo vessaamitto yamataggii a'ngiraso bhaaradvaajo vaase.t.tho Kassapo bhagu, te'pi na evam aaha.msu: mayame ta.m jaanaama mayame ta.m passaama yattha vaa Brahmaa yena vaa Brahmaa yahi.m vaa Brahmaa'ti.|| ||

Te vata tevijjaa braahma.naa evam aaha.msu: ya.m na jaanaama ya.m na passaama, tassa sahavyataaya [244] magga.m desema: ayameva ujumaggo ayama~njasaayano niyyaa.niko niyyaati takkarassa brahmasahavyataayaa'ti.|| ||

Ta.m kim ma~n~nasi vaase.t.tha, nanu eva.m sante tevijjaana.m braahma.naana.m appaa.tihirakata.m bhaasita.m sampajjatii?" ti.|| ||

"Addhaa kho bho Gotama eva.m sante tevijjaana.m braahma.naana.m appaa.tihiirakata.m bhaasita.m sampajjatii" ti.|| ||

23. Saadhu vaase.t.tha.|| ||

Te vata vaase.t.tha, tevijjaa braahma.naa ya.m na jaananti, ya.m na passanti, tassa sahavyataaya magga.m desessanti: ayameva ujumaggo ayama~njasaayano niyyaa.niko niyyaani takkarassa brahmasahavyataayaa'ti n'eta.m .thaana.m vijjatii'ti.|| ||

24. seyyathaa pi vaase.t.tha aya.m aciravatii nadii puuraa udakassa samatittikaa kaakapeyyaa, atha puriso aagaccheyya paaratthiko paaragacesii paagaamii paara.m taritukaamo, so orime tiire .thito paarima.m tira.m avheyya: ehi paaraapaara.m, ehi paarapaaranti, ta.m kim ma~n~nasi vaase.t.tha api nu tassa purisassa avhaayanahetu vaa aayaacanahetu vaa patthanaahetu vaa abhinandanahetu vaa aciravatiyaa nadiyaa paarima.m tiira.m orima.m tiira.m aagaccheyyaa?" ti.|| ||

"No h'ida.m bho Gotama".|| ||

25. Evam eva kho vaase.t.tha tevijjaa braahma.naa ye dhammaa braahma.na kara.naa te dhamme pahaaya vattamaanaa, ye dhammaa abraahma.nakara.naa te dhamme samaadaaya vattamaanaa evam aaha.msu: indamavhayaama, somamahvayaama, varu.namavhayaama, iisaanamavhayaama, pajaapatimavhayaama, brahamamavhayaama, mahindamavhayaama, yaamamavhayaamaa'ti.|| ||

Te vata vaase.t.tha tevijjaa [245] braahma.naa ye dhammaa braahma.nakaara.naa te dhamme pahaaya vattamaanaa, ye dhammaa abraahma.nakara.naa te dhamme samaadaaya vattamaanaa, avhaanahetu vaa aayaacanahetu vaa patthanaahetu vaaabhinandanahetu vaa kaayassa bhedaa param mara.naa brahmu.no sahavyupagaa bhavissantiiti n'eta.m .thaana.m vijjati.|| ||

26. seyyathaa pi vaase.t.tha aya.m aciravatii nadii puuraa udakassa samatittikaa kaakapeyyaa, atha puriso aagaccheyya paaratthiko paaragacesii paagaamii paara.m taritukaamo, so orime tiire da.lhaaya anduyaa pacchaabaaha.m gaa.lhabandhana.m baddho, ta.m kim ma~n~nasi vaase.t.tha, api nu so puriso aciravatiyaa nadiyaa orimaa tiiraa paarima.m tiira.m gaccheyyaa?" ti.|| ||

"No h'ida.m bho Gotama".|| ||

27. "Evam eva kho vaase.t.tha pa~ncime kaamagu.naa ariyassa vinaye anduu' ti pi vuccanti bandhanantipi vuccanti.|| ||

Katame pa~nca? Cakkhuvi~n~neyya ruupaa i.t.thaa kantaa manaapaa piyaruupaa kaamuupasa.mhitaa rajaniiyaa.|| ||

Sotavi~n~neyyaa saddaa i.t.thaa kantaa manaapaa piyaruupaa kaamuupasa.mhitaa rajaniiyaa.|| ||

Ghaa.navi~n~neyyaa gandhaa i.t.thaa kantaa manaapaa piyaruupaa kaamuupasa.mhitaa rajaniiyaa.|| ||

Jivhaavi~n~neyyaa rasaa i.t.thaa kantaa manaapaa piyaruupaa kaamuupasa.mhitaa rajaniiyaa.|| ||

Kaayavi~n~neyya pho.t.thabbaa i.t.thaa kantaa manaapaa piyaruupaa kaamuupasa.mhitaa rajaniiyaa.|| ||

Ime kho vaase.t.tha pa~nca kaamagu.naa ariyassa vinaye anduu' ti pi vuccanti bandhanan' ti pi vuccanti.|| ||

Ime kho vaase.t.tha pa~nca kaamagu.ne tevijjaa braahma.naa gathitaa mucchitaa ajjhopannaa anaadiinavadassaavino anissara.napa~n~naa paribhu~njanti.|| ||

28. Te vata vaase.t.tha tevijjaa braahma.naa ye dhammaa braahma.nakara.naa te dhamme pahaaya vattamaanaa, ye [246] dhammaa abraahma.nakara.naa te dhamme samaadaaya vattamaanaa, pa~nca kaamagu.ne gathitaa mucchitaa ajjhopannaa anaadiinavadassaavino anissara.napa~n~naa paribhu~njannaa kaamandubandhanabaddhaa kaayassa bhedaa param mara.naa brahmuno sabhavyupagaa bhavissantiiti n'eta.m .thaana.m vijjati.|| ||

29. seyyathaa pi vaase.t.tha aya.m aciravatii nadii puuraa udakassa samatittikaa kaakapeyyaa, atha puriso aagaccheyya paaratthiko paaragavesii paaragaamii paara.m taritukamo, so orime tiire sasiisa.m paarupitvaa nipajjeyya, ta.m kim ma~n~nasi vaase.t.tha, api nu so puriso aciravatiyaa nadiyaa orimaa tiiraa paarima.m tiira.m gaccheyyaa ti.|| ||

"No h'ida.m bho Gotama".|| ||

30. Evam eva kho vaase.t.tha pa~ncime niivara.naa ariyassa vinaye aavara.naa' ti pi vuccanti, niivara.naa' ti pi vuccanti, onaahaa' ti pi vuccanti.|| ||

Pariyonaahaa' ti pi vuccanti.|| ||

Katame pa~nca? Kaamacchandaniivara.na.m vyaapaadaniivara.na.m thinamiddhaniivara.na.m uddhaccakukkuccaniivara.na.m vicikicchaaniivara.na.m.|| ||

Ime kho vaase.t.tha pa~ncaniivara.naa ariyassa vinaye aavara.naa' ti pi vuccanti, niivara.naa' ti pi vuccanti, onaahaa' ti pi vuccanti, pariyonaahaa' ti pi vuccanti.|| ||

Imehi kho vaase.t.tha pa~ncahi niivara.nehi tevijjaa braahma.naa aavu.taa nivu.taa ovu.taa pariyonaddhaa.|| ||

Te vata vaase.t.tha tevijjaa braahma.naa ye dhammaa braahma.nakara.naa te dhamme pahaaya vattamaanaa, ye dhammaa abraahma.nakara.naa te dhamme samaadaaya vattamaanaa, pa~nca niivara.nehi aavu.taa nivu.taa ovu.taa pariyonaddhaa kaayassa bhedaa param mara.naa brahmu.no [247] sahavyupagaa bhavissan' ti pi n'eta.m .thaana.m vijjati.|| ||

31. Ta.m kim ma~n~nasi vaase.t.tha, kinti te suta.m braahma.naana.m vu.d.dhaana.m mahallakaana.m aacariyapaacariyaana.m bhaasamaanaana.m:.|| ||

"Sapariggaho vaa Brahmaa apariggaho vaa" ti.|| ||

"Apariggaho bho Gotama.".|| ||

"Saveracitto vaa averacitto vaa?" ti.|| ||

"Averacitto bho Gotama.".|| ||

"Savyaapajjhacitto vaa avyapajjhacitto vaa?" ti.|| ||

"Avyaapajjhacitto bho Gotama.".|| ||

"Sa'nkili.t.thacitto vaa asa'nkili.t.tha-citto vaa?" ti.|| ||

"Asa'nkili.t.tha-citto bho Gotama.".|| ||

"Vasavatti vaa avasavattii vaa?" ti.|| ||

"Vasavatti bho Gotama.".|| ||

32. Ta.m kim ma~n~nasi vaase.t.tha, sapariggahaa vaa tevijjaa braahma.naa apariggahaa vaa?" ti.|| ||

"Sapariggahaa bho Gotama.".|| ||

"Saveracittaa vaa averacittaa vaa?" ti.|| ||

"Saveracittaa bho Gotama.".|| ||

"Savyaapajjhacittaa vaa avyaapajjhacittaa vaa?" ti.|| ||

"Savyaapajjhacittaa bho Gotama.".|| ||

"Sa'nkili.t.thacittaa vaa asa'nkili.t.thacittaa vaa?" ti.|| ||

"Sa'nkili.t.thacittaa bho Gotama.".|| ||

"Vasavattii vaa avasavattii vaa?" ti.|| ||

"Avasavattii bho Gotama.".|| ||

33. Iti kira vaase.t.tha sapariggahaa tevijjaa braahma.naa.|| ||

Apariggaho Brahmaa.|| ||

Api nu kho sapariggahaana.m tevijjaana.m braahma.naana.m apariggahena brahmunaa saddhi.m sa.msandati sametii?" ti.|| ||

"No h'ida.m bho Gotama.".|| ||

Saadhu vaase.t.tha.|| ||

Te vata vaase.t.tha sapariggahaa tevijjaa braahma.naa kaayassabhedaa param mara.naa apariggahassa [248] brahmuno sahavyupagaa bhavissantiiti n'eta.m .thaana.m vijjati.|| ||

34. Iti kira vaase.t.tha saveracittaa tevijjaa braahma.naa.|| ||

Averacitto Brahmaa.|| ||

Api nukho averacittaana.m tevijjaa.m braahma.naana.m averacittena brahmunaa saddhi.m sa.msandati sametii?" ti.|| ||

"No h'ida.m bho Gotama.".|| ||

Saadhu vaase.t.tha.|| ||

Te vata vaase.t.tha saceracittaa tevijjaa braahma.naa kaayassabhedaa param mara.naa avera cittassa brahmuno sahavyupagaa bhavissantiiti n'eta.m .thaana.m vijjati.|| ||

35. Iti kira vaase.t.tha savyaapajjhacittaa tevijjaa braahma.naa.|| ||

Avyaapajjhacitto Brahmaa.|| ||

Api nukho savyaapajjhacittaana.m tevijjaana.m brahma.naana.m avyaapajjhacittena brahmunaa saddhi.m sa.msandati sametii?" ti.|| ||

"No h'ida.m bho Gotama.".|| ||

Saadhu vaase.t.tha.|| ||

Te vata vaase.t.tha savyaapajjhacittaa tevijjaa braahma.naa kaayassa bhedaaparam mara.naa avyaapajjhacittassa brahmuno sahavyupagaa bhavissantiti n'eta.m .thaana.m vijjati.|| ||

36. Iti kira vaase.t.tha sa.mkili.t.thacittaa tevijjaa braahma.naa.|| ||

Asa.mkili.t.thacitto Brahmaa.|| ||

Api nu kho sa.mkili.t.thacittaana.m tevijjaana.m braahma.naana.m asa.mkili.t.thacittena brahmunaa saddhi.m sa.msandati sametii?" ti.|| ||

"No h'ida.m bho Gotama.".|| ||

Saadhu vaase.t.tha.|| ||

Te vata vaase.t.tha sa.mkili.t.thacittaa tevijjaa braahma.naa kaayassa bhedaa param mara.naa asa.mkili.t.thacittassa buhmuno sahavyupagaa bhavissantiiti n'eta.m .thaana.m vijjati.|| ||

37. Iti kira vaase.t.tha avasavattii tevijjaa braahma.naa.|| ||

Vasavattii Brahmaa.|| ||

Api nu kho avasavattiina.m tevijjaana.m braahma.naana.m vasavattinaa brahmuno saddhi.m sa.msandati sametii?'Ti.|| ||

"No h'ida.m bho Gotama".|| ||

Saadhu vaase.t.tha.|| ||

Te vata vaase.t.tha avasavatti tevijjaa braahma.naa kaayassa bhedaa param mara.naa vasavattissa brahmuno sahavyupagaa bhavissantiiti n'eta.m .thaana.m vijjati.|| ||

Idha kho pana te vaase.t.tha tevijjaa braahma.naa aasiiditvaa sa.msiidanti, sa.msiiditvaa visaada.m vaa paapu.nanti.|| ||

Sukkhatara.na.m ma~n~ne pataranti.|| ||

Tasmaa ida.m tevijjaana.m braahma.naana.m tevijja.m ira.nan' ti vuccati.|| ||

Tevijja.m vipinan' ti pi vuccati.|| ||

Tevijja.m vyasanan' ti pi vuccatii" ti.|| ||

38. Eva.m vutte vaase.t.tho maa.navo Bhagavanta.m etad avoca: "suta.m me ta.m bho Gotama, Sama.no Gotamo brahmuno sahavyataaya magga.m jaanaatii" ti.|| ||

Ti.m kim ma~n~nasi vaase.t.tha aasanena ito manasaaka.ta.m, nayito duure manasaaka.tanti?".|| ||

"Eva.m bho Gotama.|| ||

Aasanena ito manasaaka.ta.m.|| ||

Nayito duure manasaaka.tanti.".|| ||

39. Ta.m kim ma~n~nasi vaase.t.tha, idhassa puriso manasaaka.te jaatavaddho, tam ena.m manasaaka.tato taavadeva [249] avasa.ta.m manasaaka.tassa magga.m puccheyyu.m, siyaa nu kho vaase.t.tha tassa purisassa manasaaka.te jaatavaddhassa manasaaka.tassa magga.m pu.t.thassa dandhaayitatta.m vaa vitthaayitatta.m vaa?" ti.|| ||

"No h'ida.m bho Gotama.|| ||

Ta.m kissa hetu? Asu hi bho Gotama puriso manasaaka.te jaatavaddho.|| ||

Tassa sabbaan'eva manasaaka.tassa maggaani suviditaanii" ti.|| ||

40. "Siyaa kho vaase.t.tha tassa purisassa manasaaka.te jatavaddhassa manasaaka.tassa magga.m pu.t.thassa dandhaayitatta.m vaa vitthaayitatta.m vaa, nattheva Tathaagatassa brahmaloke vaa brahmalokagaaminiyaa vaa pa.tipadaaya pu.t.thassa dandhaayitatta.m vaa vitthaayitatta.m vaa.|| ||

Brahmaana~ncaaha.m vaase.t.tha pajaanaami brahmaloka~n ca brahmalokagaamini~nca pa.tipada.m.|| ||

Yathaapa.tipanno brahmaloka.m upapanno, ta~n capajaanaamii" ti.|| ||

41. Eva.m vutte vaase.t.tho maa.navo Bhagavanta.m etad avoca: "suta.m me ta.m bho Gotama 'Sama.no Gotamo brahmuno sahavyataaya magga.m desetii'ti.|| ||

Saadhu no bhava.m Gotamo brahmuno sahavyataaya magga.m desetu.|| ||

Ullumpatu bhava.m Gotamo braahma.ni.m pajan" ti.|| ||

"Tena hi vaase.t.tha su.naahi.|| ||

Saadhuka.m manasikarohi.|| ||

Bhaasissaamii" ti.|| ||

"Tena hi vaase.t.tha su.naahi.|| ||

Saadhuka.m manasikarohi.|| ||

Bhaasissaamii" ti.|| ||

'Eva.m bho'ti kho vaase.t.tho maa.navo Bhagavato paccassosi.|| ||

Bhagavaa etad avoca:.|| ||

42. Idha vaase.t.tha Tathaagato loko uppajjati araha.m Sammaa-sambuddho vijjaa-cara.na-sampanno sugato loka-viduu [250] anuttaro purisa-damma-saarathii satthaa deva-manussaana.m buddho Bhagavaa.|| ||

So ima.m loka.m sadevaka.m samaaraka.m sabrahmaka.m sassama.na-braahma.ni.m paja.m sadeva-manussa.m saya.m abhi~n~naa sacchikatvaa pavedeti.|| ||

So dhamma.m deseti aadi kalyaa.na.m majjhe kalyaa.na.m pariyosaana-kalyaa.na.m saattha.m savya~njana.m kevalaparipu.n.na.m parisuddha.m.|| ||

Brahmacariya.m pakaaseti.|| ||

43(29). Ta.m dhamma.m su.naati gahapati vaa gahapatiputto vaa a~n~natarasmi.m vaa kule paccaajaato.|| ||

So ta.m dhamma.m sutvaa tathaagate saddha.m pa.tilabhati.|| ||

So tena saddhaapa.tilaabhena samannaagato iti pa.tisa.mcikkhati: 'sambaadho gharaavaso rajaapatho.|| ||

Abbhokaaso pabbajjaa.|| ||

Nayida.m sukara.m agaara.m ajjhaavasataa ekantaparipu.n.na.m ekantaparisuddha.m sa.mkhalikhita.m brahmacariya.m caritu.m.|| ||

Yannuunaaha.m kesamassu.m ohaaretvaa kaasaayaani vatthaani acchaadetvaa agaarasmaa anagaariya.m pabbajeyya'nti.|| ||

44. So aparena samayena appa.m vaa bhogakkhandha.m pahaaya mahanta.m vaa bhogakkhandha.m pahaaya appa.m vaa ~naatipariva.t.ta.m pahaaya mahanta.m vaa ~naatipariva.t.ta.m pahaaya kesamassu.m ohaaretvaa kaasaayaani vatthaani acchaadetvaa agaarasmaa anagaariya.m pabbajati.|| ||

So eva.m pabbajito samaano paatimokkha-sa.mvara-sa.mvuto viharati aacaara-gocara-sampanno a.numattesu vajjesu bhaya-dassaavii.|| ||

Samaadaaya sikkhati sikkhaapadesu kaayakammavaciikammena samannaagato kusalena.|| ||

Parisuddhaajiivo siilasampanno indriyesu guttadvaaro bhojane matta~n~nuu satisampaja~n~nesu samannaagato santu.t.tho.|| ||

45(29). Katha~n ca vaase.t.tha bhikkhu siilasampanno hoti? Idha vaase.t.tha bhikkhu paa.naatipaata.m pahaaya paa.naatipaataa pa.tivirato hoti nihita-da.n.do nihita-sattho lajjii dayaapanno.|| ||

Sabbapaa.nabhuutahitaanukampii viharati.|| ||

Idam pi'ssa hoti siilasmi.m.|| ||

Adinnaadaana.m pahaaya adinnaadaanaa pa.tivirato hoti dinnaadaayii dinna-paa.tika'nkhii.|| ||

Athenena suci-bhuutena attanaa viharati.|| ||

Idam pi'ssa hoti siilasmi.m.|| ||

Abrahmacariya.m pahaaya brahmacaarii hoti aaraa-caarii virato methunaa gaama-dhammaa.|| ||

Idam pi'ssa hoti siilasmi.m.|| ||

Musaa-vaada.m pahaaya musaa-vaadaa pa.tivirato hoti sacca-vaadii sacca-sandho theto paccayiko avisa.mvaadako lokassa.|| ||

Idam pi'ssa hoti siilasmi.m.|| ||

Pisu.na.m vaaca.m pahaaya pisu.naaya vaacaaya pa.tivirato hoti.|| ||

Ito sutvaa na amutra akkhaataa imesa.m bhedaaya.|| ||

Amutra vaa sutvaa na imesa.m akkhaataa amuusa.m bhedaaya.|| ||

Iti bhinnaana.m vaa sandhaataa, sahitaana.m vaa anuppadaataa samaggaaraamo samagga-rato samagganandi.m samagga-kara.ni.m vaaca.m bhaasitaa hoti.|| ||

Idam pi'ssa hoti siilasmi.m.|| ||

Vaaca.m pahaaya pharusaaya vaacaaya pa.tivirato hoti.|| ||

Yaa saa vaacaa ne'aa ka.n.na-sukhaa pemaniiyaa hadaya'n-gamaa porii bahujana-kantaa bahujana-manaapaa, tathaaruupa.m vaaca.m bhaasitaa hoti.|| ||

Idam pi'ssa hoti siilasmi.m.|| ||

Samphappalaapa.m pahaaya samphappalaapaa pa.tivirato hoti kaala-vaadii bhuuta-vaadii attha-vaadii dhamma-vaadii vinaya-vaadii.|| ||

Nidhaanavati.m vaaca.m bhaasitaa hoti kaalena saapadesa.m pariyantavati.m atthasa~nhita.m.|| ||

Idam pi'ssa hoti siilasmi.m.|| ||

46(30). Biijagaama-bhuutagaama-samaarambhaa pa.tivirato hoti.|| ||

Eka-bhattiko hoti rattuuparato pa.tivirato vikaala-bhojanaa.|| ||

Nacca-giita-vaadita-visuuka-dassanaa pa.tivirato hoti.|| ||

Maalaagandhavilepanadhaara.nama.n.danavibhusana.t.thaanaa pa.tivirato hoti.|| ||

Uccaasayana-mahaasayanaa pa.tivirato hoti.|| ||

Jaataruupa-rajata-pa.tiggaha.naa pa.tivirato hoti.|| ||

Aamaka-dha~n~na-pa.tiggaha.naa pa.tivirato hoti.|| ||

Aamakama.msapa.tigggaha.naa pa.tivirato hoti.|| ||

Itthi-kumaarika-pa.tiggaha.naa pa.tivirato hoti.|| ||

Daasi-daasa-pa.tiggaha.naa pa.tivirato hoti.|| ||

Aj-e'aka-pa.tiggaha.naa pa.tivirato hoti.|| ||

Kukku.ta-suukara-pa.tiggaha.naa pa.tivirato hoti.|| ||

Hatthigavassava'avaa pa.tiggaha.naa pa.tivirato hoti.|| ||

Khetta-vatthu-pa.tiggaha.naa pa.tivirato hoti.|| ||

Duuteyyapahe.na gamanaanuyogaa pa.tivirato hoti.|| ||

Kaya-vikkayaa pa.tivirato hoti.|| ||

Tulaakuu.ta-ka.msakuu.ta-maanakuu.taa9 pa.tivirato hoti.|| ||

Ukko.tanava~n cananikatisaaci yogaa pa.tivirato hoti.|| ||

Chedana-vadhabandhana-viparaamosa-aalopa-sahasaakaaraa pa.tivirato hoti.|| ||

Idam pi'ssa hoti siilasmi.m.|| ||

Cullasiila.m ni.t.thita.m.|| ||

47(31). Yathaa vaa pan'eke bhonto sama.na-braahma.naa saddhaa-deyyaani bhojanaani bhu~njitvaa te evaruupa.m biijagaama-bhuutagaama-samaarambha.m anuyuttaa viharanti, seyyathiida.m: muula-biija.m khandha-biija.m phalu-biija.m agga-biija.m bijabiijameva pa~ncama.m.|| ||

Iti vaa iti evaruupaa biijagaama-bhuutagaama-samaarambhaa pa.tivirato hoti.|| ||

Idam pi'ssa hoti siilasmi.m.|| ||

32. 48(32) Yathaa vaa pan'eke bhonto sama.na-braahma.naa saddhaa-deyyaani bhojanaani bhu~njitvaa te evaruupa.m sannidhi-kaara-paribhoga.m anuyuttaa viharanti, seyyathiida.m: anna-sannidhi.m paana-sannidhi.m vattha-sannidhi.m yaana-sannidhi.m sayana-sannidhi.m gandha-sannidhi.m aamisa-sannidhi.m.|| ||

Iti vaa iti evaruupaa sannidhi-kaara-paribhogaa pa.tivirato hoti.|| ||

Idam pi'ssa hoti siilasmi.m.|| ||

49(33). Yathaa vaa pan'eke bhonto sama.na-braahma.naa saddhaa-deyyaani bhojanaani bhu~njitvaa te evaruupa.m visuukadassana.m anuyuttaa viharanti, seyyathiida.m: nacca.m giita.m vaadita.m pekkha.m akkhaata.m paa.nissara.m vetaala.m kumbhathuuna.m Sobha-nagaraka.m ca.n.daala.m va.msa.m dhopanaka.m hatthi-yuddha.m assa-yuddha.m mahisayuddha.m usabhayuddha.m ajayuddha.m me.n.dayuddha.m kukku.tayuddha.m va.t.takayuddha.m da.n.da-yuddha.m mu.t.thi-yuddha.m nibBuddha.m uyyodhika.m balagga.m senaabyuuha.m a.niikadassana.m.|| ||

Iti vaa iti evaruupaa visuuka-dassanaa pa.tivirato hoti.|| ||

Idam pi'ssa hoti siilasmi.m.|| ||

50(34). Yathaa vaa pan'eke bhonto sama.na-braahma.naa saddhaa-deyyaani bhojanaani bhu~njitvaa te evaruupa.m juuta-ppamaada-.t.thaanaanuyoga.m anuyuttaa viharanti, seyyathiida.m: a.t.tha-pada.m dasa-pada.m aakaasa.m parihaara-patha.m santika.m khalika.m gha.tika.m salaaka-hattha.m akkha.m pa'ngaciira.m va'nkaka.m mokkhacika.m ci'ngulaka.m pattaa.lhaka.m rathaka.m dhanuka.m akkharika.m manesika.m yathaa-vajja.m.|| ||

Iti vaa iti evaruupaa juuta-ppamaada-.t.thaanaanuyogaa pa.tivirato hoti.|| ||

Idam pi'ssa hoti siilasmi.m.|| ||

51(35). Yathaa vaa pan'eke bhonto sama.na-braahma.naa saddhaa-deyyaani bhojanaani bhu~njitvaa te evaruupa.m uccaa-sayana-mahaasayana.m anuyuttaa viharanti, seyyathiida.m: aasandi.m palla'nka.m gonaka.m cittaka.m pa.tika.m pa.talika.m tuulika.m vikatika.m udda-lomi.m ekanta-lomi.m ka.t.thi'ssa.m koseyya.m kuttaka.m hatthatthara.m assatthara.m rathatthara.m ajina-ppave.ni.m kaadali-miga-pavara-pacc'atthara.na.m sa-uttara-cchada.m ubhato-lohitakuupadhaana.m.|| ||

Iti vaa iti evaruupaa uccaasayana-mahaasayanaa pa.tivirato hoti.|| ||

Idam pi'ssa hoti siilasmi.m.|| ||

52(36). Yathaa vaa pan'eke bhonto sama.na-braahma.naa saddhaa-deyyaani bhojanaani bhu~njitvaa te evaruupa.m ma.n.dana-vibhusana-.t.thaanaanuyoga.m anuyuttaa viharanti, seyyathiida.m: ucchaadana.m parimaddana.m nahaapana.m sambaahana.m aadaasa.m a~njana.m maalaa-vilepana.m mukkha-cu.n.naka.m mukhalepana.m hattha-bandha.m sikhaa-bandha.m da.n.daka.m naa.lika.m khagga.m chatta.m citruupaahana.m u.nhiisa.m ma.ni.m vaala-viijani.m odaataani vatthaani diigha-dasaani.|| ||

Iti vaa iti evaruupaa ma.n.dana-vibhusana-.t.thaanaanuyogaa pa.tivirato hoti.|| ||

Idam pi'ssa hoti siilasmi.m.|| ||

53(37). Yathaa vaa pan'eke bhonto sama.na-braahma.naa saddhaa-deyyaani bhojanaani bhu~njitvaa te evaruupa.m tiracchaana-katha.m anuyuttaa viharanti, seyyathiida.m: raaja-katha.m cora-katha.m mahaamatta-katha.m senaa-katha.m bhaya-katha.m yuddha-katha.m anna-katha.m paana-katha.m vattha-katha.m sayana-katha.m maalaa-katha.m gandha-katha.m ~naati-katha.m yaana-katha.m gaama-katha.m nigama-katha.m nagara-katha.m janapada-katha.m itthi-katha.m purisakatha.m (kumaarakatha.m kumaarikatha.m) suura-katha.m visikhaa-katha.m kumbha.t.thaana-katha.m pubba-peta-katha.m naanatta-katha.m lokakkhaayika.m samuddakkhaayika.m itibhavaabhava-katha.m.|| ||

Iti vaa iti evaruupaaya tiracchaana-kathaaya pa.tivirato hoti.|| ||

Idam pi'ssa hoti siilasmi.m.|| ||

54(38). Yathaa vaa pan'eke bhonto sama.na-braahma.naa saddhaa-deyyaani bhojanaani bhu~njitvaa te evaruupaa viggaahika-katha.m anuyuttaa viharanti, seyyathiida.m: "na tva.m ima.m Dhamma-Vinaya.m aajaanaasi.|| ||

Aha.m ima.m Dhamma-Vinaya.m aajaanaami.|| ||

Ki.m tva.m ima.m Dhamma-Vinaya.m aajaanissasi? Micchaa-pa.tipanno tvam asi.|| ||

Ahamasmi sammaapa.tipanno.|| ||

Sahita.m me, asahita.m te.|| ||

Pure vacaniiya.m pacchaa avaca.|| ||

Pacchaa vacaniiya.m pure avaca.|| ||

Aavici.n.nan4 te viparaavatta.m.|| ||

Aaropito te vaado.|| ||

Niggahiito tvam asi.|| ||

Cara vaadappamokkhaaya.|| ||

Nibbe.thehi vaa sace pahosii" ti.|| ||

Iti vaa iti evaruupaaya viggaahika-kathaaya pa.tivirato hoti.|| ||

Idam pi'ssa hoti siilasmi.m.|| ||

55(39). Yathaa vaa pan'eke bhonto sama.na-braahma.naa saddhaa-deyyaani bhojanaani bhu~njitvaa te evaruupa.m duuteyya-pahi.na-gamanaanuyogamanuyruttaa viharanti, seyyathiida.m: ra~n~na.m raaja-mahaamattaana.m khattiyaana.m braahma.naana.m gahapatikaana.m kumaaraana.m "idha gaccha.|| ||

Amutraagaccha.|| ||

Ida.m hara.|| ||

Amutra ida.m aaharaa" ti.|| ||

Iti vaa iti evaruupaa duuteyya-pahi.na-gamanaanuyogaa pa.tivirato hoti.|| ||

Idam pi'ssa hoti siilasmi.m.|| ||

56(40). Yathaa vaa pan'eke bhonto sama.na-braahma.naa saddhaa-deyyaani bhojanaani bhu~njitvaa te kuhakaa ca honti lapakaa ca nemittikaa ca nippesikaa ca laabhena ca laabha.m nijigi.msitaaro.|| ||

Iti vaa iti evaruupaa kuhanalapanaa pa.tivirato hoti.|| ||

Idam pi'ssa hoti siilasmi.m.|| ||

Majjhimasiila.m ni.t.thita.m.|| ||

57(41). Yathaa vaa pan'eke bhonto sama.na-braahma.naa saddhaa-deyyaani bhojanaani bhu~njitvaa te evaruupaaya tiracchaana-vijjaaya micchaajiivena jiivika.m kappenti, seyyathiida.m: a'nga.m nimitta.m uppaata.m supi.na.m lakkha.na.m muusikacchinna.m aggi-homa.m dabbi-homa.m thusa-homa.m ta.n.dula-homa.m sappi-homa.m tela-homa.m mukhahoma.m lohita-homa.m a'nga-vijjaa vatthu-vijjaa khatta-vijjaa siva-vijjaa bhuuta-vijjaa bhuri-vijjaa ahi-vijjaa visa-vijjaa vicchika-vijjaa muusika-vijjaa saku.na-vijjaa vaayasa-vijjaa pakkajjhaana.m saraparittaana.m migacakka.m.|| ||

Iti vaa iti evaruupaaya tiracchaana-vijjaaya micchaajiivaa pa.tivirato hoti.|| ||

Idam pi'ssa hoti siilasmi.m.|| ||

58(42). Yathaa vaa pan'eke bhonto sama.na-braahma.naa saddhaa-deyyaani bhojanaani bhu~njitvaa te evaruupaaya tiracchaana-vijjaaya micchaajiivena jiivika.m kappenti, seyyathiida.m: ma.ni-lakkha.na.m vattha-lakkha.na.m da.n.da-lakkha.na.m asi-lakkha.na.m usu-lakkha.na.m dhanu-lakkha.na.m aavudha-lakkha.na.m itthi-lakkha.na.m purisa-lakkha.na.m kumaara-lakkha.na.m kumaarilakkha.na.m daasa-lakkha.na.m daasilakkha.na.m hatthi-lakkha.na.m assa-lakkha.na.m mahisa-lakkha.na.m usabha-lakkha.na.m go-lakkha.na.m9 aja-lakkha.na.m me.n.da-lakkha.na.m kukku.ta-lakkha.na.m va.t.takalakkha.na.m godhaa-lakkha.na.m ka.n.nikaa-lakkha.na.m kacchapa-lakkha.na.m miga-lakkha.na.m.|| ||

Iti vaa iti evaruupaaya tiracchaana-vijjaaya micchaajiivaa pa.tivirato hoti.|| ||

Idam pi'ssa hoti siilasmi.m.|| ||

59(43). Yathaa vaa pan'eke bhonto sama.na-braahma.naa saddhaa-deyyaani bhojanaani bhu~njitvaa te evaruupaaya tiracchaana-vijjaaya micchaajiivena jiivika.m kappenti seyyathiida.m: ra~n~na.m niyyaana.m bhavissati, ra~n~na.m aniyyaana.m bhavissati, abbhantaraana.m ra~n~na.m upayaana.m bhavissati, baahiraana.m ra~n~na.m apayaana.m bhavissati, baahiraana.m ra~n~na.m upayaana.m bhavissati, abbhantaraana.m ra~n~na.m apayaana.m bhavissati, abbhantaraana.m ra~n~na.m jayo bhavissati, abbhantaraana.m ra~n~na.m paraajayo bhavissati.|| ||

Iti imassa jayo bhavissati.|| ||

Imassa paraajayo bhavissati.|| ||

Iti vaa iti evaruupaaya tiracchaana-vijjaaya micchaajiivaa pa.tivirato hoti.|| ||

Idam pi'ssa hoti siilasmi.m.|| ||

60(44). Yathaa vaa pan'eke bhonto sama.na-braahma.naa saddhaa-deyyaani bhojanaani bhu~njitvaa te evaruupaaya tiracchaana-vijjaaya micchaajiivena jiivika.m kappenti.|| ||

Seyyathiida.m: canda-ggaaho bhavissati.|| ||

Suriyaggaaho bhavissati.|| ||

Nakkhattagaaho bhavissati.|| ||

Candima-suriyaana.m patha-gamana.m bhavissati.|| ||

Candima-suriyaana.m uppatha-gamana.m bhavissati.|| ||

Nakkhattaana.m patha-gamana.m bhavissati.|| ||

Nakkhattaana.m uppatha-gamana.m bhavissati.|| ||

Ukkaapaato bhavissati.|| ||

Diisaa.daaho bhavissati.|| ||

Bhuumi-caalo bhavissati.|| ||

Deva-dundubhi bhavissati.|| ||

Candima-suriya-nakkhattaana.m uggamana.m ogamana.m sa.mkilesa.m vodaana.m bhavissati.|| ||

Eva.m-vipaako canda-ggaaho bhavissati.|| ||

Eva.m-vipaako suriya-ggaaho bhavissati.|| ||

Eva.m-vipaako nakkhatta-ggaaho bhavissati.|| ||

Eva.mvipaaka.m candima-suriyaana.m patha-gamana.m bhavissati.|| ||

Eva.mvipaaka.m candima-suriyaana.m uppatha-gamana.m bhavissati.|| ||

Eva.mvipaaka.m nakkhattaana.m patha-gamana.m bhavissati.|| ||

Eva.mvipaaka.m nakkhattaana.m uppatha-gamana.m bhavissati.|| ||

Eva.m-vipaako ukkaa-paato bhavissati.|| ||

Eva.m-vipaako disaa-.daaho bhavissati.|| ||

Eva.m-vipaako bhuumi-caalo bhavissati.|| ||

Eva.m-vipaako deva-dunduubhi bhavissati.|| ||

Eva.m-vipaako candima-suriya-nakkhattaana.m uggamana.m ogamana.m sa'nkilesa.m vodaana.m bhavissati.|| ||

Iti vaa iti evaruupaaya tiracchaana-vijjaaya micchaajiivaa pa.tivirato hoti.|| ||

Idam pi'ssa hoti siilasmi.m.|| ||

61(45). Yathaa vaa pan'eke bhonto sama.na-braahma.naa saddhaa-deyyaani bhojanaani bhu~njitvaa te evaruupaaya tiracchaana-vijjaaya micchaajiivena jiivika.m kappenti.|| ||

Seyyathiida.m: subbu.t.thikaa bhavissati.|| ||

Dubbu.t.thikaa bhavissati.|| ||

Subhikkha.m bhavissati.|| ||

Dubbhikkha.m bhavissati.|| ||

Khema.m bhavissati.|| ||

Bhaya.m bhavissati.|| ||

Rogo bhavissati.|| ||

Aarogya.m bhavissati.|| ||

Muddaa ga.nanaa sa.mkhaana.m kaaveyya.m lokaayata.m.|| ||

Iti vaa iti evaruupaaya tiracchaana-vijjaaya micchaajiivena pa.tivirato hoti.|| ||

Idam pi'ssa hoti siilasmi.m.|| ||

62(46).|| ||

Yathaa vaa pan'eke bhonto sama.na-braahma.naa saddhaa-deyyaani bhojanaani bhu~njitvaa te evaruupaaya tiracchaana-vijjaaya micchaajiivena jiivika.m kappenti.|| ||

Seyyathiida.m: aavaahana.m vivaahana.m sa.mvadana.m vivadana.m sa.mkira.na.m vikira.na.m subhaga-kara.na.m dubbhaga-kara.na.m viruddha-gabbha-kara.na.m jivhaa-nitthaddana.m hanusa.mhanana.m hatthaabhijappana.m hanujappana.m ka.n.na-jappana.m aadaasa-pa~nha.m kumaaripa~nha.m deva-pa~nha.m aadiccupa.t.thaana.m Mahat-upa.t.thaana.m abbhujjalana.m sirivhaayana.m.|| ||

Iti vaa iti evaruupaaya tiracchaana-vijjaaya micchaajiivaa pa.tivirato hoti.|| ||

Idam pi'ssa hoti siilasmi.m.|| ||

63(47). Yathaa vaa pan'eke bhonto sama.na-braahma.naa saddhaa-deyyaani bhojanaani bhu~njitvaa te evaruupaaya tiracchaana-vijjaaya micchaajiivena jiivika.m kappenti.|| ||

Seyyathiida.m: santi-kamma.m pa.nidhi-kamma.m bhuutakamma.m bhurikamma.m vassa-kamma.m vossa-kamma.m vatthu-kamma.m vatthu-parikira.na.m aacamana.m nahaapana.m juhana.m vamana.m virecana.m uddha-virecana.m adho-virecana.m siisa-virecana.m ka.n.na-tela.m netta-tappana.m natthu-kamma.m a~njana.m pacca~njana.m saalaakiya.m sallakattiya.m daaraka-tikicchaa muula-bhesajjaana.m anuppadaana.m osadhiina.m pa.timokkho.|| ||

Iti vaa iti evaruupaaya tiracchaana-vijjaaya micchaajiivaa pa.tivirato hoti.|| ||

Idam pi'ssa hoti siilasmi.m.|| ||

64(48). Sa kho so vaase.t.tha bhikkhu eva.m siilasampanno na kutoci bhaya.m samanupassati yad ida.m siilasa.mvarato.|| ||

seyyathaa pi vaase.t.tha khattiyo muddhaavasitto nihatapaccaamitto na kutoci bhaya.m samanupassati yad ida.m paccatthikato, evam eva kho vaase.t.tha bhikkhu eva.m siilasampanno na kutoci bhaya.m samanupassati yad ida.m siilasa.mvarato.|| ||

So iminaa ariyena siilakkhandhena samannaagato ajjhatta.m anavajjasukha.m pa.tisa'nvedeti.|| ||

Eva.m kho vaase.t.tha bhikkhu siilasampanno hoti.|| ||

65(49). Katha~n ca vaase.t.tha bhikkhu indriyesu guttadvaaro hoti? Idha vaase.t.tha bhikkhu cakkhunaa ruupa.m disvaa na nimittaggaahii hoti naanuvya~njanaggaahii.|| ||

Yatvaadhikara.namena.m cakkhundriya.m asa.mvuta.m viharanta.m abhijjhaa domanassaa paapakaa akusalaa dhammaa anvassaveyyu.m tassa sa.mvaraaya pa.tipajjati.|| ||

Rakkhati cakkhundriya.m.|| ||

Cakkhundriye sa.mvara.m aapajjati.|| ||

Sotena sadda.m sutvaa na nimittaggaahii hoti naanuvya~njanaggaahii.|| ||

Yatvaadhikara.namena.m sotindriya.m asa.mvuta.m viharanta.m abhijjhaa domanassaa paapakaa akusalaa dhammaa anvassaveyyu.m tassa sa.mvaraaya pa.tipajjati.|| ||

Rakkhati sotindriya.m.|| ||

Sotindriye sa.mvara.m aapajjati.|| ||

Ghaa.nena gandha.m ghaayitvaa na nimittaggaahii hoti naanuvya~njanaggaahii.|| ||

Yatvaadhikara.namena.m ghaa.nindriya.m asa.mvuta.m viharanta.m abhijjhaa domanassaa paapakaa akusalaa dhammaa anvassaveyyu.m tassa sa.mvaraaya pa.tipajjati.|| ||

Rakkhati ghaa.nindriya.m.|| ||

Ghaa.nindriye sa.mvara.m aapajjati.|| ||

Jivhaaya rasa.m saayitvaa na nimittaggaahii hoti naanuvya~njanaggaahii.|| ||

Yatvaadhikara.namena.m jivhindriya.m asa.mvuta.m viharanta.m abhijjhaa domanassaa paapakaa akusalaa dhammaa anvassaveyyu.m tassa sa.mvaraaya pa.tipajjati.|| ||

Rakkhati jivhindriya.m.|| ||

Jivhindriye sa.mvara.m aapajjati.|| ||

Kaayena pho.t.thabba.m phusitvaa na nimittaggaahii hoti naanuvya~njanaggaahii.|| ||

Yatvaadhikara.namena.m kaayindriya.m asa.mvuta.m viharanta.m abhijjhaa domanassaa paapakaa akusalaa dhammaa anvassaveyyu.m tassa sa.mvaraaya pa.tipajjati.|| ||

Rakkhati kaayindriya.m.|| ||

Kaayindriye sa.mvara.m aapajjati.|| ||

Manasaa dhamma.m vi~n~naaya na nimittaggaahii hoti naanuvya~njanaggaahii.|| ||

Yatvaadhikara.namena.m manindriya.m asa.mvuta.m viharanta.m abhijjhaa domanassaa paapakaa akusalaa dhammaa anvassaveyyu.m tassa sa.mvaraaya pa.tipajjati.|| ||

Rakkhati manindriya.m.|| ||

Manindriye sa.mvara.m aapajjati.|| ||

So iminaa ariyena indriyasa.mvarena samannaagato ajjhatta.m abyaasekasukha.m pa.tisa'nvedeti.|| ||

Eva.m kho vaase.t.dha bhikkhu indriyesu guttadvaaro hoti.|| ||

50. Katha~n ca vaase.t.tha bhikkhu satisampaja~n~nena samannaagato hoti? Idha vaase.t.tha bhikkhu abhikkante pa.tikkante sampajaanakaarii hoti.|| ||

Aalokite vilokite sampajaanakaarii hoti.|| ||

Sami~njite pasaarite sampajaanakaarii hoti.|| ||

Sa'nghaa.tipattaciivaradhaara.ne sampajaanakaarii hoti.|| ||

Asite piite khaayite saayite sampajaanakaarii hoti.|| ||

Uccaarapassaavakamme sampajaanakaarii hoti.|| ||

Gate .thite nisinne sutte jaagarite bhaasite tu.nhiibhaave sampajaanakaarii hoti.|| ||

Eva.m kho vaase.t.tha bhikkhu satisampaja~n~nena samannaagato hoti.|| ||

67(51). Katha~n ca vaase.t.tha bhikkhu santu.t.tho hoti? Idha vaase.t.tha bhikkhu santu.t.tho hoti kaayaparihaariyena ciivarena kucchiparihaariyena pi.n.dapaatena.|| ||

So yena yen'eva pakkamati samaadaayeva pakkamati.|| ||

seyyathaa pi vaase.t.tha pakkhi saku.no yena yen'eva .deti sapattabhaaro'va .deti, evam eva kho vaase.t.tha bhikkhu santu.t.tho hoti kaayaparihaariyena ciivarena kucchiparihaariyena pi.n.dapaatena.|| ||

So yena yen'eva pakkamati samaadaayeva pakkamati.|| ||

Eva.m kho vaase.t.tha bhikkhu santu.t.tho hoti.|| ||

68(52). So iminaa ca ariyena siilakkhandhena samannaagato iminaa ca ariyena indriyasa.mvarena samannaagato iminaa ca ariyena satisampaja~n~nena samannaagato imaaya ca ariyaaya santu.t.thiyaa samannaagato vivitta.m senaasana.m bhajati ara~n~na.m rukkhamuula.m pabbata.m kandara.m giriguha.m susaana.m vanapattha.m abbhokaasa.m palaalapu~nja.m.|| ||

So pacchaabhatta.m pi.n.dapaatapa.tikkanto nisiidati palla'nka.m aabhujitvaa uju.m kaaya.m pa.nidhaaya parimukha.m sati.m upa.t.thapetvaa.|| ||

69(53). So abhijjha.m loke pahaaya vigataabhijjhena cetasaa viharati.|| ||

Abhijjhaaya citta.m parisodheti.|| ||

vyaapaadapadosa.m pahaaya abyaapannacitto viharati sabba-paa.na-bhuuta-hitaanukampii.|| ||

vyaapaadapadosaa citta.m parisodheti.|| ||

Thiinamiddha.m pahaaya vigatathiinamiddho viharati aalokasa~n~nii sato sampajaano.|| ||

Thiinamiddhaa citta.m parisodheti.|| ||

Uddhaccakukkucca.m pahaaya anuddhato viharati ajjhatta.m vuupasantacitto.|| ||

Uddhaccakukkuccaa citta.m parisodheti.|| ||

Vicikiccha.m pahaaya ti.n.navicikiccho viharati akatha.mkathii kusalesu dhammesu.|| ||

Vicikicchaaya citta.m parisodheti.|| ||

54. seyyathaa pi vaase.t.tha puriso i.na.m aadaaya kammante payojeyya, tassa te kammantaa samijjheyyu.m, so yaani ca poraa.naani i.namuulaani taani ca byantiikareyya, siyaa c'assa uttari.m avasi.t.tha.m daarabhara.naaya, tassa evam assa: "aha.m kho pubbe i.na.m aadaaya kammante payojesi.m.|| ||

Tassa me te kammantaa samijjhi.msu.|| ||

So'ha.m yaani ca poraa.naani i.namuulaani taani ca byantii akaasi.m.|| ||

Atthi ca me uttari.m avasi.t.tha.m daarabhara.naayaa" ti.|| ||

So tatonidaana.m labhetha paamojja.m, adhigaccheyya somanassa.m-|| ||

71(55). seyyathaa pi vaase.t.tha puriso aabaadhiko assa dukkhito baa.lhagilaano, bhatta.m c'assa nacchaadeyya, na c'assa kaaye balamattaa, so aparena samayena tamhaa aabaadhaa mucceyya, bhatta~nc'assa chaadeyya, siyaa c'assa kaaye balamattaa, tassa evam assa: "aha.m kho pubbe aabaadhiko ahosi.m dukkhito baa.lhagilaano.|| ||

Bhatta.m ca me nacchaadesi.|| ||

Nacassa me aasi kaaye balamattaa.|| ||

So'mhi etarahi tamhaa aabaadhaa mutto bhatta~n ca me chaadeti.|| ||

Atthi ca me kaaye balamattaa" ti.|| ||

So tato nidaana.m labhetha paamojja.m, adhigaccheyya somanassa.m-|| ||

72(56). seyyathaa pi vaase.t.tha puriso bandhanaagaare baddho assa, so aparena samayena tamhaa bandhanaagaaraa mucceyya sotthinaa abbayena, na c'assa ki~nci bhogaana.m vayo, tassa evam assa: "aha.m kho pubbe bandhanaagaare baddho ahosi.|| ||

So'mhi etarahi tamhaa bandhanaagaaraa mutto sotthinaa abbayena.|| ||

N'atthi ca me ki~nci bhogaana.m vayo" ti.|| ||

So tatonidaana.m labhetha paamojja.m, adhigaccheyya somanassa.m-|| ||

73(57). seyyathaa pi vaase.t.tha puriso daaso assa anattaadhiino paraadhiino na yenakaama'ngamo, so aparena samayena tamhaa daasabyaa mucceyya attaadhiino aparaadhiino bhujisso yenakaama'ngamo, tassa evam assa: "aha.m kho pubbe daaso ahosi.m anattaadhiino paraadhiino na yenakaama'ngamo, so'mhi etarahi tamhaa daasabyaa mutto attaadhiino aparaadhiino bhujisso yenakaama'ngamo" ti.|| ||

So tatonidaana.m labhetha paamojja.m, adhigaccheyya somanassa.m-|| ||

74(59). seyyathaa pi vaase.t.tha puriso sadhano sabhogo kantaaraddhaanamagga.m pa.tipajjeyya dubbhikkha.m sappa.tibhaya.m.|| ||

So aparena samayena ta.m kantaara.m nitthareyya, sotthinaa gaamanta.m anupaapu.neyya khema.m appa.tibhaya.m, tassa evam assa: "aha.m kho pubbe sadhano sabhogo kantaaraddhaanamagga.m pa.tipajji.m dubbhikkha.m sappa.tibhaya.m.|| ||

So'mhi etarahi ta.m kantaara.m ti.n.no sotthinaa gaamanta.m anuppatto khema.m appa.tibhayan" ti.|| ||

So tato nidaana.m labhetha paamojja.m adhigaccheyya somanassa.m-|| ||

75(60). Evam eva kho vaase.t.tha bhikkhu yathaa i.na.m yathaa roga.m yathaa bandhanaagaara.m yathaa daasabya.m yathaa kantaaraddhaanamagga.m eva.m ime pa~nca niivara.ne appahii.ne attani samanupassati.|| ||

seyyathaa pi vaase.t.tha aana.nya.m yathaa aarogya.m yathaa bandhanaa mokkha.m yathaa bhujissa.m yathaa khemantabhuumi.m evam eva kho vaase.t.tha bhikkhu ime pa~nca niivara.ne pahii.ne attani samanupassati.|| ||

76(61). Tassime pa~nca niivara.ne pahii.ne attani samanupassato paamojja.m jaayati.|| ||

Pamuditassa piiti jaayati.|| ||

Piitimanassa kaayo passambhati.|| ||

Passaddhakaayo sukha.m vedeti.|| ||

Sukhino citta.m samaadhiyati.|| ||

77. So mettaa-sahagatena cetasaa eka.m disa.m eritvaa [251] viharati tathaa dutiya.m tathaa tatiya.m tathaa catutthi.m.|| ||

Iti uddham-adho tiriya.m sabbadhi sabbattataaya sabbaavanta.m loka.m mettaa-sahagatena cetasaa vipulena mahaggatena appamaa.nena averena avyaapajjhena pharitvaa viharati.|| ||

seyyathaa pi vaase.t.tha balavaa sa'nkhadhamo appakasiren'eva caatuddisa.m sarena vi~n~naapeyya, evam eva kho vaase.t.tha eva.m bhaavitaaya mettaaya ceto-vimuttiyaa ya.m pamaa.nakata.m kamma.m na ta.m tatraavasissati, na ta.m tatraavati.t.thati.|| ||

Ayam pi kho vaase.t.tha brahmuno sahavyataaya maggo.|| ||

78. Puna ca para.m vaase.t.tha bhikkhu karu.naa-sahagatena cetasaa eka.m disa.m eritvaa viharati tathaa dutiya.m tathaa tatiya.m tathaa catutthi.m.|| ||

Iti uddham-adho tiriya.m sabbadhi sabbattataaya sabbaavanta.m loka.m karu.naa-sahagatena cetasaa vipulena mahaggatena appamaa.nena averena avyaapajjhena pharitvaa viharati.|| ||

seyyathaa pi vaase.t.tha sa'nkhadhamo appakasiren'eva caatuddisa.m sarena vi~n~naapeyya, evam eva kho vaase.t.tha eva.m bhaavitaaya mettaaya ceto-vimuttiyaa ya.m pamaa.nakata.m kamma.m na ta.m tatraavasissati, na ta.m tatraavati.t.thati.|| ||

Ayam pi kho vaase.t.tha brahmuno sahavyataaya maggo.|| ||

79. Puna ca para.m vaase.t.tha bhikkhu muditaa-sahagatena cetasaa eka.m disa.m eritvaa viharati tathaa dutiya.m tathaa tatiya.m tathaa catutthi.m.|| ||

Iti uddham-adho tiriya.m sabbadhi sabbattataaya sabbaavanta.m loka.m muditaa-sahagatena cetasaa vipulena mahaggatena appamaa.nena averena avyaapajjhena pharitvaa viharati.|| ||

seyyathaa pi vaase.t.tha balavaa sa'nkhadhamo appakasiren'eva caatuddisa.m sarena vi~n~naapeyya, evam eva kho vaase.t.tha eva.m bhaavitaaya mettaaya ceto-vimuttiyaa ya.m pamaa.nakata.m kamma.m na ta.m tatraavasissati, na ta.m tatraavati.t.thati.|| ||

Ayam pi kho vaase.t.tha brahmuno sahavyataaya maggo.|| ||

80. Puna ca para.m vaase.t.tha bhikkhu upekkhaa-sahagatena cetasaa eka.m disa.m eritvaa viharati tathaa dutiya.m tathaa tatiya.m tathaa catutthi.m.|| ||

Iti uddham-adho tiriya.m sabbadhi sabbattataaya sabbaavanta.m loka.m upekkhaa-sahagatena cetasaa vipulena mahaggatena appamaa.nena averena avyaapajjhena pharitvaa viharati.|| ||

seyyathaa pi vaase.t.tha balavaa sa'nkhadhamo appakasiren'eva caatuddisa.m sarena vi~n~naapeyya, evam eva kho vaase.t.tha eva.m bhaavitaaya mettaaya ceto-vimuttiyaa ya.m pamaa.nakata.m kamma.m na ta.m tatraavasissati, na ta.m tatraavati.t.thati.|| ||

Ayam pi kho vaase.t.tha brahmuno sahavyataaya maggo.|| ||

81. Ta.m ki.m ma~n~nasi vaase.t.tha? Eva.m vihaarii bhikkhu sapariggaho vaa apariggaho vaa?" ti.|| ||

"Apariggaho bho Gotama."|| ||

"Saveracitto vaa averacitto vaa?" ti.|| ||

"Averacitto bho Gotama."|| ||

"Savyaapajjha citto vaa avyaapajjhacitto vaa?" ti.|| ||

"Abyaapajjha citto bho Gotama"|| ||

"Sa.mkili.t.thacitto vaa asa.mkili.t.thacitto vaa?" ti.|| ||

"Asa.mkili.t.thacitto bho Gotama."|| ||

"Vasavatti vaa avasavattii vaa?" ti.|| ||

"Vasavatti bho Gotama."|| ||

82. [252] iti kira vaase.t.tha apariggaho bhikkhu.|| ||

Apariggaho Brahmaa.|| ||

Api nu kho apariggahassa bhikkhuno apariggahena brahmunaa saddhi.m sa.msandati sametii?" ti.|| ||

"Eva.m bho Gotama."|| ||

"Saadhu vaase.t.tha.|| ||

So vata vaase.t.tha apariggabho bhikkhu kaayassa bhedaa param mara.naa apariggahassa brahmuno sahavyupago bhavissatiiti .thaaname ta.m vijjati."|| ||

83. Iti kira vaase.t.tha averacitto bhikkhu.|| ||

Averacitto Brahmaa.|| ||

Api nu kho averacittassa bhikkhuno averacittena brahmunaa saddhi.m sa.msandati sametii?" ti.|| ||

"Eva.m bho Gotama."|| ||

"Saadhu vaase.t.tha.|| ||

So vata vaase.t.tha averacitto bhikkhu kaayassa bhedaa param mara.naa averacitgassa brahmuno sahavyupago bhavissatiiti .thaaname ta.m vijjati."|| ||

84. Iti kira vaase.t.tha avyaapajjhacitto bhikkhu.|| ||

Abyaapajjhacitto Brahmaa.|| ||

Api nu kho avyaapajjhacittassa bhikkhuno avyaapajjhacittena brahmunaa saddhi.m sa.msandati sametii?" ti.|| ||

"Eva.m bho Gotama"|| ||

"Saadhu vaase.t.tha.|| ||

So vata vaase.t.tha avyaapajjhacitto bhikkhu kaayassa bhedaa param mara.naa avyaapajjhacitgassa brahmuno sahavyupago bhavissatiiti .thaaname ta.m vijjati."|| ||

85. Iti kira vaase.t.tha asa.mkili.t.thacitto bhikkhu.|| ||

Asa.mkili.t.thacitto Brahmaa.|| ||

Api nu kho asa.mkili.t.thacittassa bhikkhuno asa.mkili.t.thacittena brahmunaa saddhi.m sa.msandati sametii?" ti.|| ||

"Eva.m bho Gotama"|| ||

"Saadhu vaase.t.tha.|| ||

So vata vaase.t.tha asa.mkili.t.thacitto bhikkhu kaayassa bhedaa param mara.naa asa.mkili.t.thacitgassa brahmuno sahavyupago bhavissatiiti .thaaname ta.m vijjati."|| ||

86. Iti kira vaase.t.tha vasattii bhikkhu.|| ||

Vasavattii Brahmaa.|| ||

Api nu kho vasavattissa bhikkhuno vasavattinaa brahmunaa saddhi.m sa.msandati sametii?" ti.|| ||

"Eva.m bho Gotama"|| ||

"Saadhu vaase.t.tha.|| ||

So vata vaase.t.tha vasavattii bhikkhu kaayassa bhedaa param mara.naa vasavattissa brahmuno sahavyupago bhavissatiiti .thaaname ta.m vijjati."|| ||

87. Eva.m vutte vaase.t.thabhaaradvaajaa maa.navaa Bhagavanta.m etad avocu.m: "abhikkanta.m bho Gotama abhikkanta.m bho Gotama.|| ||

seyyathaa pi bho Gotama nikkujjita.m vaa ukkujjeyya, pa.ticchanna.m vaa vivareyya, muu.lhassa vaa magga.m aacikkheyya, andhakaare vaa telappajjota.m dhaareyya cakkhumanto ruupaani dakkhintiiti, evam eva bhotaa Gotamena aneka-pariyaayena dhammo pakisito.|| ||

Ete maya.m Bhagavanta.m Gotama.m sara.na.m gacchaama dhamma~nca bhikkhu-sa'ngha~n ca.|| ||

Upaasake ne bhava.m Gotamo dhaaretu ajjatagge paa.nupete sara.na.mgate" ti.|| ||

Tevijjasutta.m ni.t.thita.m terasama.m.


Contact:
E-mail
Copyright Statement