Digha Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Diigha Nikaaya

Sutta 21

Sakkapa~nha Suttanta.m

Adapted from the digital version of the Sri Lanka Buddha Jayanti Tripitaka Series

 


 

[1][pts][than] EVA.M ME SUTA.M.|| ||

Eka.m samaya.m Bhagavaa magadhesu viharati,||
paaciinato Raajagahassa ambasa.n.daa naama braahma.nagaamo,||
tassuttarato vediyake pabbate indasaalaguhaaya.m.|| ||

Tena kho pana samayena sakkassa devaanamindassa ussukka.m udapaadi Bhagavanta.m dassanaaya.|| ||

Atha kho sakkassa devaanamindassa etad ahosi: kaha.m nu kho Bhagavaa etarahi viharati aha.m Sammaa-sambuddhoti.|| ||

Addasaa kho Sakko devaana.m indo Bhagavanta.m magadhesu viharanta.m,||
paaciinato Raajagahassa ambasa.n.daa naama braahma.nagaamo,||
tassuttarato vediyake pabbate indasaalaguhaaya.m.|| ||

Disvaana deve Taavati.mse aamantesi: aya.m maarisaa Bhagavaa magadhesu viharati paaciinato Raajagahassa ambasa.n.daa naama braahma.nagaamo tassuttarato vediyake pabbate indasaalaguhaaya.m.|| ||

Yadi pana maarisaa maya.m ta.m Bhagavanta.m dassanaaya upasa'nkameyyaama arahanta.m sammaasamBuddhanti.|| ||

Eva.m bhaddantavaati kho devaa Taavati.msaa sakkassa devaanamindassa paccassosu.m.

2. Atha kho Sakko devaana.m indo pa~ncasikha.m gandhabbadevaputta.m1 aamantesi: [264] aya.mtaana pa~ncasikha Bhagavaa magadhesu viharati,||
paaciinato Raajagahassa ambasa.n.daa naama braahma.nagaamo,||
tassuttarato vediyake pabbate indasaalaguhaaya.m.|| ||

Yadi pana taata pa~ncasikha maya.m ta.m Bhagavanta.m dassanaaya upasa'nkameyyaama arahanta.m sammaasamBuddhanti".|| ||

"Eva.m bhaddantavaa'ti kho pa~ncasikho gandhabbadevaputto sakkassa devaanamindassa pa.tissutvaa beluvapa.n.du.m vii.na.m aadaaya sakkassa devaanamindassa anucariya.m upaagami.|| ||

Atha kho Sakko devaana.m indo devehi taavatisehi parivuto pa~ncasikhena gandhabbadevaputtena purakkhato.|| ||

seyyathaa pi naama balavaa puriso sami~njita.m vaa baaha.m pasaareyya pasaarita.m vaa baaha.m sami~njeyya,||
evam eva devesu Taavati.msesu antarahito magadhesu paaciinato Raajagahassa.|| ||

Ambasa.n.daa naama braahma.nagaamo,||
tassuttarato vediyake pabbate paccu.t.thaasi.

3. Tena kho pana samayena vediyako pabbato atiriva obhaasajaato hoti ambasa.n.daa ca braahma.nagaamo,||
yathaa ta.m devaana.m devaanubhaavena.|| ||

Apissuda.m parito gaamesu manussaa evam aaha.msu: aadittassu naamajja vediyako pabbato jhaayatissu1 naamajja vediyako pabbato,||
jalatissu naamajja vediyako pabbato,||
ki.m su naamajja vediyako pabbato atiriva obhaasajaato ambasa.n.daa ca braahma.nagaamo" ti.sa.mviggaa lomaha.t.thajaataa ahesu.m.|| ||

Atha kho Sakko devaana.m indo pa~ncasikha.m gandhabbadevaputta.m aamantesi: [265] durupasa'nkamaa kho taata pa~ncasikha tathaagataa maadisena,||
jhaayi jhaanarataa,||
tadantarapa.tisalliinaa.|| ||

Yadi pana tva.m taata pa~ncasikha Bhagavanta.m pa.thama.m pasaadeyyaasi,||
tayaa taata pa.thama.m pasaadita.m pacchaa maya.m ta.m Bhagavanta.m dassanaaya upasa'nkameyyaama arahanta.m sammaasamBuddhanti." "Eva.m bhaddantavaa" ti.kho pa~ncasikho gandhabbadevaputto sakkassa devaanamindassa pa.tissutvaa beluvapa.n.duvii.na.m4 aadaaya yena indasaalaguhaa ten'upasa'nkami.|| ||

Upasa'nkamitvaa ettaavataa me Bhagavaa n'eva atiduure bhavissati na accaasanena sadda~nca me sossatii'ti eka-m-anta.m a.t.thaasi.|| ||

Eka-m-anta.m .thito kho pa~ncasikho gandhabbadeva putto beluvapa.n.duvii.na.m assaavesi.|| ||

Imaa ca gaathaa abhaasi buddhupasa.mhitaa dhammupasa.mhitaa sa'nghupasa.mhitaa arahantupasa.mhitaa kaamuupasa.mhitaa:

4. Vande te pitara.m bhadde timbaru.m suriyavaccase,

Yena jaataa'si kalyaa.nii Aanandajananii mama.

Vaato'va sedata.m5 kanto paaniiya.m'ca pipaasato,

A'ngiirasii piyaame'si dhammo arahataamiva.

[266] aaturasseva bhesajja.m bhojana.m'va jighacchato,

Parinibbaapaya ma.m bhadde jalannamiiva caarinaa.

Siitodaka.m1 pokkhara.ni.m yutta.m2 ki~njakkhare.nunaa,

Naago ghammaabhitatto'va ogaahe te thanuudara.m.

Acca'nkusoca naago'va jitamme tuttatomara.m,

Kaara.na.m nappajaanaami sammatto lakkha.nuuruyaa.

Tayi gedhitacitto'smi citta.m vipari.naamita.m,

Pa.tigantu.m na Sakkomi va'nkaghasto'va ambujo.

Vaamuru saja ma.m bhadde saja ma.m mandalocane,

Palissaja ma.m kalyaa.ni etamme abhipatthita.m.

Appako vata me santo kaamo vellitakesiyaa,

Anekabhaavo samapaadi arahante'va dakkhi.naa.

Yamme atthi kata.m pu~n~na.m arahankesu taadisu,||
tamme sabba'ngakalyaa.ni tayaa saddhi.m vipaccita.m.

[267] yamme atthi kata.m pu~n~na.m asmi.m pa.thavima.n.dale,

Tamme sabba'ngakalyaa.ni tayaa saddhi.m vipaccata.m.

Sakyaputto'va jhaanena ekodi nipako sato,

Amata.m muni jigi.msaano tamaha.m suriyavaccase.

Yathaa pi muni nandeyya patvaa sambodhimuttama.m.

Eva.m nandeyya.m kalyaa.ni missiibhaava'ngato tayaa.

Sakko ce me vara.m dajjaa Taavati.msaanamissaro,||
[a]

Taaha.m bhadde vareyyaahe eva.m kaamo da'ho mama.

Saala.m'ca na cira.m phulla.m pitara.m te su medhase,

Vandamaano namassaa'mi yassaasetaadisii pajaa ti.

5. Eva.m vutte Bhagavaa pa~ncasikha.m gandhabbadevaputta.m etad avoca: 'sa.msandati kho te pa~ncasikha tantissaro giitassarena giitassaro ca tantissarena.|| ||

Na ca pana te pa~ncasikha tantissaro giitassara.m ativattati.|| ||

Giitassaro ca tantissara.m.|| ||

Kadaa sa.myuu'ha pana te pa~ncasikha imaa gaathaa buddhupasa.mhitaa dhammupasa.mhitaa,||
sa'nghupasa.mhitaa arahantupasa.mhitaa kaamuupapasa.mhitaa'ti.

Ekamidaaha.m bhante samaya.m Bhagavaa uruvelaaya.m viharati najjaa nera~njaraaya tiire ajapaalanigrodhamuule [268] pa.thamaabhisambuddho.|| ||

Tena kho panaaha.m bhante samayena bhaddaanaama suriyavaccasaa timbaruno gandhabbara~n~no dhiitaa tambhika'nkhaami,||
saa kho pana bhante bhaginii parakaaminii hoti.|| ||

Sikha.n.dii naama maatalissa sa'ngaahakassa putto tamabhika'nkhati.|| ||

Yato kho aha.m bhante ta.m bhagini.m naalattha.m kenaci parayaayena,||
athaaha.m beluvapa.n.duvii.na.m aadaaya yena timbaruno gandhabbara~n~no nivesana.m ten'upasa'nkami.m.|| ||

Upasa'nkamitvaa beluvapa.n.duvii.na.m assaavesi.m,||
imaa ca gaathaayo abhaasi.m buddhupasa.mhitaa dhammupasa.mhitaa sa'nghupasa.mhitaa arahantupasa.mhitaa kaamuupasa.mhitaa.

Vande te pitara.m bhadde timbaru.m suriyavaccase,||
yena jaataasi kalyaa.ni Aananda jananii mama.|| ||

Vaato'va sedata.m kanto paaniiya.m'ca pipaasato,

A'ngiirasii piyaame'si dhammo arahataamica.

Aaturasseva bhesajja.m bhojana.m'va jighacchato,

Parinibbaapaya ma.m bhadde jalannamiiva caarinaa.

Siitodaka.m pokkhara.ni.m yutta.m ki~njakkhare.nunaa,

Naago ghammaabhitatto'va ogaahe te thanuudara.m.

Acca'nkusoca naago'va jitamme tuttatomara.m,

Kaara.na.m nappajaanaami sammatto lakkha.nuuruyaa.

Tayi gedhitacitto'smi citta.m vipari.naamita.m,

Pa.tigantu.m na Sakkomi va'nkaghasto'va ambujo.

Vaamuru saja ma.m bhadde saja ma.m mandalocane,

Palissaja ma.m kalyaa.ni etamme abhipatthita.m.

Appako vata me santo kaamo vellitakesiyaa,

Anekabhaavo samapaadi arahante'va dakkhi.naa.

Yamme atthi kata.m pu~n~na.m arahantesu taadisu,||
tamme sabba'ngakalyaa.nii tayaa saddhi.m vipaccata.m

Yamme atthi kata.m pu~n~na.m asmi.m pa.thavima.n.dale,

Tamme sabba'ngakalyaa.ni tayaa saddhi.m vipaccata.m.

Sakyaputto'va jhaanena ekodi nipako sato,

Amata.m muni jigi.msaano tamaha.m suriyavaccase.

Yathaa pi muni nandeyya patvaa sambodhimuttama.m.

Eva.m nandeyya.m kalyaa.ni missiibhaava'ngato tayaa.

Sakko ce me vara.m dajjaa Taavati.msaanamissaro,||
[a]

Taaha.m bhadde vareyyaahe eva.m kaamo da'ho mama.

Saala.m'ca na cira.m phulla.m pitara.m te su medhase,

Vandamaano namassaa'mi yassaasetaadisii pajaa ti.

6. Eva.m vutte bhante bhaddaa suriyavaccasaa ma.m etad avoca: na kho me maarisa so Bhagavaa sammukhaa di.t.tho.|| ||

Api ca suto yeva me so Bhagavaa devaana.m Taavati.msaana.m sudhammaaya.m sabhaaya.m upanaccantiyaa,||
yato kho tva.m maarisa ta.m Bhagavanta.m kittesi hotu no ajja samaagamoti.|| ||

[PTS Page 269 '@]saa yeva no bhante tassaa bhaginiyaa saddhi.m samaagamo ahosi,||
na ca daani tato pacchaa" ti.

Atha kho sakkassa devaanamindassa etad ahosi: pa.tisammodati kho pa~ncasikho gandhabbadevaputto Bhagavataa,||
Bhagavaa ca pa~ncasikhenaa" ti.

7. Atha kho Sakko devaana.m indo pa~ncasikha.m gandhabbadevaputta.m aamantesi: abhivaadehi mettha.m taata pa~ncasikha Bhagavanta.m: Sakko bhante devaana.m indo saamacco saparijano Bhagavato paade sirasaa vandatii'ti.

'Eva.m bhaddantavaa'ti kho pa~ncasikho gandhabbadevaputto sakkassa devaanamindassa pa.tissutvaa Bhagavanta.m abhivaadesi: 'Sakko bhante devaana.m indo saamacco saparijano Bhagavato paade sirasaa vandatii'ti.

'Eva.m sukhii hotu pa~ncasikha Sakko devaana.m indo saamacco saparijano,||
sukhakaamaa hi devaa manussaa asuraa naagaa Gandhabbaa,||
ye ca~n~ne santi puthukaayaa'ti.

Eva~n ca pana tathaagataa evaruupe mahesakkhe yakkhe abhivadanti.

8. Abhivadito Sakko devaana.m indo Bhagavataa indasaalaguha.m pavisitvaa Bhagavanta.m abhivaadetvaa eka-m-anta.m a.t.thaasi.|| ||

Devaa pi Taavati.msaa indasaalaguha.m pavisitvaa Bhagavanta.m abhivaadetvaa eka-m-anta.m a.t.tha.msu.|| ||

Pa~ncasikhopi gandhabbadevaputto indasaalaguha.m pavisitvaa Bhagavanta.m abhivaadetvaa eka-m-anta.m a.t.thaasi.

Tena kho pana samayena indasaalaguhaa visamaa santii samaa samapaadi,||
sambaadhaa santii urundaasamapaadii.|| ||

Andhakaaro guhaaya.m antaradhaayii,||
aaloko udapaadi yathaa ta.m [270] devaana.m devaanubhaavena.

Atha kho Bhagavaa sakka.m devaanaminda.m etad avoca: 'acchariyam ida.m aayasmato kosiyassa abbhutamida.m aayasmato [C1] kosiyassa taava bahukiccassa bahukara.niiyassa yad ida.m idhaa.m gamananti.'

Cirappatikaaha.m bhante Bhagavanta.m dassanaaya upasa'nkamitukaamo.|| ||

Api ca devaana.m Taavati.msaana.m kehici kehici kiccakara.niiyehi byaava.to evaaha.m naasakkhi.m Bhagavanta.m dassanaaya upasa'nkamitu.m.|| ||

Ekam ida.m bhante samaya.m Bhagavaa Saavatthiya.m viharati sa'alaagaarake.|| ||

Atha khvaaha.m bhante Saavatthi.m agamaasi.m Bhagavanta.m dassanaaya.|| ||

Tena kho pana bhante samayena Bhagavaa a~n~natarena samaadhinaa nisinno hoti.

Bhu~njatii naama vessava.nassa mahaaraajassa paricaarikaa Bhagavanta.m paccupa.t.thitaa hoti pa~njalikaa namassamaanaa athakhvaaha.m bhante bhu~njati.m etad avoca.m: "abhivaadehi me tva.m bhagini Bhagavanta.m,||
Sakko bhante devaana.m indo saamacco saparijano Bhagavato paade sirasaa vandatii" ti.|| ||

Eva.m vutte bhante saa bhu~njatii ma.m etad avoca: 'akaalo kho maarisa Bhagavanta.m dassanaaya,||
pa.tisalliino Bhagavaa'ti.|| ||

[271] "tena hi bhagini yadaa Bhagavaa tamhaa samaadhimhaa vu.t.thito hoti atha mama vacanena Bhagavanta.m abhivaadehi.|| ||

Sakko bhante devaana.m indo saamacco saparijano Bhagavato paade sirasaa vandatii" ti.

"Kaccii me saa bhante bhaganii Bhagavanta.m abhivaadesi,||
sarati Bhagavaa tassaa bhaginiyaa vacananti?" "Abhivaadesi ma.m saa devaanaminda bhaginii,||
saraamaha.m tassaa bhaginiyaa vacana.m.|| ||

Api caaha.m aayasmato ca nemisaddena tamhaa samaadhimhaa vu.t.thito" ti.

"Ye te bhante devaa amhehi pa.thamatara.m Taavati.msakaaya.m upapannaa,||
tesa.m me sammukhaa suta.m sammukhaa pa.tiggahiita.m: "yadaa tathaagataa loke uppajjanti arahanto Sammaa-sambuddhaa,||
dibbaa kaayaa paripuuranti haayanti asurakaayaa'ti.|| ||

Ta.m me ida.m bhante sakkhidi.t.tha.m yato Tathaagato loke uppanno araha.m sammaa sambuddho,||
dibbaa kaayaa paripuuranti,||
haayanti asurakaayaa ti.|| ||

Idh'eva bhante Kapilavatthusmi.m gopikaa naama Sakyadhitaa ahosi Buddhe pasannaa dhamme pasannaa sa'nghe pasannaa siilesu paripuurakaariini.|| ||

Yaa itthitta.m viraajetvaa purisatta.m bhaavetvaa kaayassa bhedaa param mara.naa sugati.m sagga.m loka.m upapannaa devaana.m Taavati.msaana.m sahabyata.m amhaaka.m puttatta.m ajjhupagataa.|| ||

Tatrapi na.m eva.m jaanantii 'gopako devaputto gopako devaputto'ti.

9. A~n~ne pi bhante tayo bhikkhu Bhagavati brahmacariya.m caritvaa hiina.m gandhabbakaaya.m upapannaa.|| ||

Te pa~ncahi kaama-gu.nehi samappitaa sama'ngibhuutaa paricaarayamaanaa amhaaka.m upa.t.thaanamaagacchanti amhaaka.m paaricariya.m.|| ||

Te amhaaka.m upa.t.thaanamaagate amhaaka.m paaricaariya.m gopako naama devaputto [272] pa.ticodesi: "kutomukhaa naama tumhe maarisaa tassa Bhagavato dhamma.m assutthaa aha.m hi naama itthikaa samaana Buddhe pasannaa dhamme pasananaa sa'nghe pasannaa siilesu paripuurakaarinii itthitta.m viraajetvaa purisatta.m bhaavetvaa kaayassa bhedaa param mara.naa sugati.m sagga.m loka.m upapannaa devaana.m Taavati.msaana.m sahabyataa.|| ||

Sakkassa devaanamindassa puttatta.m ajjhupagataa.

Idhaapi ma.m eva.m jaananti gopako devaputto gopako devaputtoti.|| ||

Tumhe pana maarisaa Bhagavatii brahmacariya.m caritvaa hiina.m gandhabbakaaya.m upapannaa duddi.t.tharuupa.m vata bho addasaama ye maya.m addasaama sahadhammike hiina.m gandhabbakaaya.m upapanne'ti".|| ||

Tesa.m bhante gopakena devaputtena pa.ticoditaana.m dve devaa di.t.the va dhamme sati.m pa.tilabhi.msu kaaya.m brahmapurohita.m,||
eko pana devo kaame ajjhaavasi.

10. "Upaasikaa cakkhumato ahosi.m naamampi mayha.m ahu gopikaa ti,

Buddhe ca dhamme abhippasannaa sa'ngha~ncupa.t.thaasi.m pasannacittaa.

Tass'eva Buddhassa sudhammataaya sakkassa puttomhi mahaanubhaavo,

Mahaajutiiko tidivuupapanto jaananti ma.m idhaapi gopako ti.

Athaddasa.m bhikkhavo di.t.thapubbe gandhabbakaayuupagate' vahiine.|| ||

Imehi te Gotamasaavakaa se ye ca maya.m pubbe manussabhuutaa.

Annena paanena upa.t.thahimhaa paaduupasa.mgayha sake nivesane,

[273] kutomukhaa naama ime bhavanto Buddhassa dhammaani pa.tiggahesu.m.

Paccatta.m veditabbo hi dhammo sudesito cakkhumataanubuddho,

Aha.m hi tumheva upaasamaano sutvaa ariyaana.m subhaasitaani.

Sakkassa putto'mhi mahaanubhaavo mahaajutiiko tidivuupapanno,

Tumhe pana se.t.thamupaasamaanaa anuttara.m brahmacariya.m caritvaa.

Hiina.m kaaya.m upapannaa bhavanto anaanulomaa bhavatopapatti,

Duddi.t.tharuupa.m vata addasaama sahadhammike hiinakaayuupapanne.

Gandhabbakaayupagataa bhavanto devaanamaagacchatha paaricariya.m,

Agaare vasako mayha.m ima.m passa visesata.m.

Iti hutvaa svajja puumaa'mhi devo dibbehi kaamehi sama'ngi-bhuuto,

Te coditaa Gotamasaavakena sa.mvegamaapaadu.m samecca gopaka.m,

"Handa byaayamaama viyaayamaama maa no maya.m parapessaa ahumha,||
"

[274] tesa.m duve viriya.m aarabhi.msu anussara.m Gotamasaasanaani,

Idhe va cittaani viraajayitvaa kaamesu aadiinavamaddasa.msu,

Te kaamasa.myojanabandhanaani paapimayogaani duraccayaani

Naagoca sandaanagu.naani chetvaa deve Taavati.mse atikkami.msu,||
saindaa devaa sapajaapatikaa sabbe sudhammaaya sabhaayupavi.t.thaa-

Te sa.mnisinnaana.m atikkami.msu viiraa viraagaa viraja.m karontaa,

Te disvaa sa.mvegamakaasi vaasavo devaabhibhuu devaga.nassa majjhe.

Ime hi te hiinakaayuupapannaa deveTaavati.mse atikkamanti,

Sa.mvegajaatassa vaco nisamma so gopako vaasavamajjhabhaasi.

"Buddho janindatthi manussaloke kaamaabhibhuu Sakyamuniiti ~naayati,

Tassete puttaa satiyaa vihiinaa coditaa mayaa te satimajjhalatthu.m.

[275] ti.n.na.m tesa.m vasiinettha eko gandhabbakaayuupagato 'vahiino

Dve c'eva sambodhipathaanusaarino devepi hii'enti samaahitattaa.

Etaadisii dhammappakaasanettha na tathe ki.m ka'nkhati koci saavako,

Nitthi.n.naogha.m vicikicchaajinna.m Buddha.m namassaama jina.m janinda.m.

Yante dhamma.m idha~n~naaya visesa.m ajjhaga.msu te,

Kaaya.m brahmapurohita.m duve tesa.m visesaguu.

Tassa Dhammassa pattiyaa aagatamhaasi maarisa,

Kataavakaasaa Bhagavataa pa~nha.m pucchemu maarisaati.

11. Atha kho Bhagavato etad ahosi: diigha-ratta.m visuddho kho aya.m Sakko ya.m ki~nci ma.m pa~nha.m pucchi'ssati.|| ||

Sabba.m ta.m atthasa.mhita.m yeva pucchi'ssati,||
no anatthasa.mhita.m.|| ||

Ya.m cassaaha.m pu.t.tho byaakarissaami.|| ||

Ta.m khippameva aajaanissatii" ti.|| ||

Atha kho Bhagavaa sakka.m devaanaminda.m gaathaaya ajjhabhaasi:

"Puccha vaasava ma.m pa~nha.m ya.m ki~nci manasicchasi,

Tassa tass'eva pa~nhassa aha.m anta.m karomi te" ti.

Pa.thamabhaa.navaara.m ni.t.thita.m

12. [276] kataavakaaso Sakko devaana.m indo Bhagavataa ima.m Bhagavanta.m pa.thama.m pa~nha.m apucchi: ki.msa~n~nojanaa nu kho maarisa devaa manussaa asuraa naagaa Gandhabbaa ye ca~n~ne santi puthukaayaa te 'averaa ada.n.daa asapattaa abyaapajjaa1 viharemu averino'ti iti ce n'esa.m hoti.|| ||

Atha ca pana saveraa sada.n.daa sasapattaa sabyaapajjaa viharanti saverino" ti.ittha.m Sakko devaana.m indo Bhagavanta.m pa~nha.m apucchi.

Tassa Bhagavaa pa~nha.m pu.t.tho byaakaasi:

"Issaamacchariyasa~n~nojanaa kho devaanaminda devaa manussaa asuraa naagaa Gandhabbaa,||
ye ca~n~ne santi puthukaayaa,||
te 'averaa ada.n.daa asapattaa abyaapajjaa viharemu averino'ti iti ce n'esa.m hoti.|| ||

Atha ca pana saveraa sada.n.daa sasapattaa sabyapajjaa viharanti saverino ti.|| ||

Ittha.m Bhagavaa sakkassa devaanamindassa pa~nha.m pu.t.tho byaakaasi.|| ||

Attamano Sakko devaana.m indo Bhagavato bhaasita.m abhinandi anumodi: evam eta.m Bhagavaa,||
evam eta.m sugata,||
ti.n.naa me'ttha ka'nkhaa vigataa katha.mkathaa Bhagavato pa~nhassa veyyaakara.na.m sutvaa" ti.

13. Iti ha Sakko devaana.m indo Bhagavato bhaasita.m [277] abhinanditvaa anumoditvaa Bhagavanta.m uttari.m pa~nhamapucchi:

"Issaamacchariya.m pana maarisa ki.mnidaana.m ki.msamudaya.m ki.mjaatika.m ki.mpabhava.m,||
kismi.m sati issaamacchariya.m hoti,||
kismi.m asati issaamacchariya.m na hotii?"Ti.

Issaamacchariya.m kho devaanaminda piyaappiyasidaana.m piyaappiyasamudaya.m piyaappiyajaatika.m piyaappiyapabhaya.m,||
piyaappiye sati issaamacchariya.m hoti.|| ||

Piyaappiye asati issaamacchariya.m na hotii" ti.

14. "Piyaappiya.m kho pana maarisa ki.mnidaana.m ki.msamudaya.m ki.mjaatika.m ki.mpabhava.m.|| ||

Kismi.m sati piyaappiya.m hoti,||
kismii asati piyaappiya.m na hotii" ti.

"Piyaappiya.m kho devaanaminda chandanidaana.m chandasamudaya.m chandajaatika.m chandappabhava.m chande sati piyaappiya.m hoti,||
chande' asati piyaappiya.m na hotii" ti.

15. "Chando kho pana maarisa ki.mnidaano ki.msamudayo ki.mjaatiko ki.mpabhavo,||
kismi.m sati chando hoti kismi.m asati chando na hotii'ti.

Chando kho devaanaminda vitakkanidaano vitakkasamudayo vitakkajaatiko vitakkapabhavo.|| ||

Vitakke sati chande hoti,||
vitakke asati chando na hotii" ti.

16. Vitakko kho pana maarisa ki.mnidaano ki.msamudayo ki.mjaatiko ki.mpabhavo kismi.m sati vitakko hoti,||
kismi.m asati vitakko na hotii'ti.

Vitakko kho devaanaminda papa~ncasa~n~naasa'nkhaanidaano papa~ncasa~n~naasa'nkhaasamudayo papa~ncasa~n~naasa'nkhaajaatiko papa~ncasa~n~naasa'nkhaapabhavo,||
papa~ncasa~n~naasa'nkhaaya sati vitakko hoti,||
papa~ncasa~n~naasa'nkhaaya asati vitakko na hotii" ti.

17. Katha.m pa.tipanno pana maarisa bhikkhu papa~ncasa~n~naasa'nkhaanirodhasaaruppagaaminiipa.tipada.m pa.tipanno hotii'ti.

[278] somanassampaaha.m devaanaminda duvidhena vadaami sevitabbampi asevitabbampi.|| ||

Domanassampaaha.m devaanaminda duvidhena vadaami.|| ||

Sevitabbampi asevitabbampi,||
upekkhampaaha.m devaanaminda duvidhena vadaami sevitabbampi asevitabbampi.

Somanassampaaha.m devaanaminda duvidhena vadaami.|| ||

Sevitabbampi asevitabbampi iti kho pan'eta.m vutta.m ki~nc'eta.m pa.ticca vutta.m.|| ||

Tattha ya.m ja~n~naa somanassa.m 'ima.m kho me somanassa.m sevato akusalaa dhammaa abhiva.d.dhanti kusalaa dhammaa parihaayantii'ti.|| ||

Evaruupa.m somanassa.m na sevitabba.m.|| ||

Tattha ya.m ja~n~naa somanassa.m 'ima.m kho me somanassa.m sevato akusalaa dhammaa parihaayanti kusalaa dhammaa abhiva.d.dhantii'ti evaruupa.m somanassa.m sevitabba.m.|| ||

Tattha ya~nce savitakka.m savicaara.m ya~nce avitakka.m avicaara.m ye avitakkaavicaare te pa.niitatare.|| ||

Somanassampaaha.m devaanaminda duvidhena vadaami sevitabbampi asevitabbampiiti.|| ||

Iti yan ta.m vutta.m idame ta.m pa.ticca vutta.m.|| ||

Domanassampaaha.m devaanaminda duvidhena vadaami sevitabbampi asevitabbampii ti iti kho pan'eta.m vutka.m ki~nc'eta.m pa.ticcavutta.m.|| ||

Tattha ya.m ja~n~naa domanassa.m 'ima.m kho me domanassa.m sevato akusalaa dhammaa abhiva.d.dhanti kusalaa dhammaa parihaayantii'ti,||
evaruupa.m domanassa.m na sevitabba.m.|| ||

Tattha ya.m ja~n~naa domanasasa.m 'ima.m kho me domanassa.m sevato akusalaa dhammaa parihaayanni kusalaa dhammaa abhiva.d.dhantii'ti,||
evaruupa.m domanassa.m sevitabba.m.|| ||

Tattha ya~nce savitakka.m savicaara.m ya~nce avitakka.m avicaara.m ye avitakkaavicaare te pa.niitatare.|| ||

Domanassampaaha.m devaanaminda duvidhena vadaami [279] sevitabbampi asevitabbampii ti.|| ||

Iti yan ta.m vutta.m idame ta.m pa.ticcavutta.m.

Upekkhampaaha.m devaanaminda duvidhena vadaami sevitabbampi asevitabbampii ti iti kho pan'eta.m vutta.m.|| ||

Ti~nc'eta.m pa.ticca vutta.m tattha ya.m ja~n~naaupekkha.m ima.m kho me upekkha.m sevato akusalaa dhammaa abhiva.d.dhanti.|| ||

Kusalaa dhammaa parihaayanti ti evaruupaa upekkhaa na sevitabbaa.|| ||

Tattha ya.m ja~n~naa upekkhaa ima.m kho me upekkha.m sevato akusalaa dhammaa parihaayanti kusalaa dhammaa abhiva.d.dhantiiti evaruupaa upekkhaa sevitabbaa.|| ||

Tattha ya~nce savitakka.m savicaara.m ya~nce avitakka.m avicaara.m ye avitakkaavicaare te pa.niitatare.|| ||

Upekkhampaaha.m devaanaminda duvidhena vadaami.|| ||

Sevitabbampi asevitabbampii ti.|| ||

Iti ynta.m vutta.m idame ta.m pa.ticca vutta.m.

Eva.m pa.tipanno kho devaanaminda bhikkhu papa~ncasa~n~naasa'nkhaanirodhasaaruppagaaminiipa.tipada.m pa.tipanno hotii ti.|| ||

Ittha.m Bhagavaa sakkassa devaanamindassa pa~nha.m pu.t.tho byaakaasi.|| ||

Attamano Sakko devaana.m indo Bhagavato bhaasita.m abhinandi anumodi.|| ||

evam eta.m"Bhagavaa evam eta.m sugata ti.n.naa me'ttha ka'nkhaa vigataa katha.mkathaa Bhagavato pa~nhaveyyaakara.na.m sutvaa" ti.

18. Iti ha Sakko devaana.m indo Bhagavato bhaasita.m abhinanditvaa anumoditvaa Bhagavanta.m uttari.m pa~nha.m apucchi: "katha.m pa.tipanno pana maarisa bhikkhu paatimokkhasa.mvaraaya pa.tipanno hotii" ti?

Kaayasamaacaarampaaha.m devaanaminda duvidhena vadaami sevitabbampi asevitabbampiiti.|| ||

Vaciisamaacaarampaaha.m devaanaminda duvidhena vadaami sevitabbampi asevitabbampiiti.|| ||

Pariyesanampaaha.m devaanaminda duvidhena vadaami sevitabbampi asevitabbampii ti.|| ||

[280] kaayasamaacaarampaaha.m devaanaminda duvidhena vadaami.|| ||

Sevitabbampi asevitabbampii ti.|| ||

Iti kho pan'eta.m vutta.m ki~nc'eta.m pa.ticca vutta.m.|| ||

Tattha ya.m ja~n~naa kaayasamaacaara.m ima.m kho me kaayasamaacaara.m sevato akusalaa dhammaa abhiva.d.dhanti kusalaa dhammaa parihaayantii ti,||
evaruupo kaayasamaacaaro na sevitabbo.|| ||

Tattha ya.m ja~n~naa kaayasamaacaara.m ima.m kho me kaayasamaacaara.m sevato akusalaa dhammaa parihaayanti kusalaa dhammaa abhiva.d.dhantii'ti,||
evaruupo kaayasamaacaaro sevitabbo.|| ||

Kaayasamaacaarampaaha.m devaanaminda duvidhena vadaami.|| ||

Sevitabbampi asevitabbampii ti.|| ||

Iti yan ta.m vutta.m,||
idame ta.m pa.ticca vutta.m,

Vaciisamaacaarampaaha.m devaanaminda duvidhena vadaami sevitabbampi asevitabbampiiti.|| ||

Iti kho pan'eta.m vutta.m.|| ||

Ki~nc'eta.m pa.ticca vutta.m.|| ||

Tattha ya.m ja~n~naa vaciisamaacaara.m ima.m kho me vaciisamaacaara.m sevato akusalaa dhammaa abhiva.d.dhanti kusalaa dhammaa parihaayantii ti,||
evaruupo vaciisamaacaaro na sevitabbo.|| ||

Tattha ya.m ja~n~naa vaciisamaacaara.m ima.m kho me vaciisamaacaara.m sevato akusalaa dhammaa parihaayanti kusalaa dhammaa abhiva.d.dhantii'ti,||
evaruupo vaciisamaacaaro sevitabbo.|| ||

Vaciisamaacaarampaaha.m devaanaminda duvidhena vadaami.|| ||

Sevitabbampi asevitabbampiiti iti yan ta.m vutta.m idame ta.m pa.ticca vutta.m.

Pariyesanampaaha.m devaanaminda duvidhena vadaami sevitabbampi asevitabbampii ti.|| ||

Iti kho pan'eta.m vutta.m.|| ||

Ki~nc'eta.m pa.ticca vutta.m.|| ||

Tattha ya.m ja~n~naa pariyesana.m ima.m kho me pariyesana.m sevato akusalaa dhammaa abhiva.d.dhanti kusalaa dhammaa parihaayantii ti,||
evaruupaa pariyesanaa na sevitabbaa.|| ||

Tattha ya.m ja~n~naa pariyesana.m ima.m kho me pariyesana.m sevato akusalaa dhammaa parihaayanti kusalaa dhammaa abhiva.d.dhantii'ti,||
evaruupaa pariyesanaa sevitabbaa.|| ||

Pariyesanampaaha.m devaanaminda duvidhena vadaami sevitabbampi asevitabbampii ti iti yan ta.m vutta.m idame ta.m pa.ticca vutta.m.|| ||

[281] eva.m pa.tipanno kho devaanaminda bhikkhu paatimokkhasa.mvaraaya pa.tipanno hotii ti.

Ittha.m Bhagavaa sakkassa devaanamindassa pa~nha.m pu.t.tho byaakaasi attamano Sakko devaana.m indo Bhagavato bhaasita.m abhinandi anumodi: "evam eta.m Bhagavaa evam eta.m sugata.|| ||

Ti.n.naa me'ttha ka'nkhaa vigataa katha.mkathaa Bhagavato pa~nhaveyyaakara.na.m sutvaa" ti.

19. Iti ha Sakko devaana.m indo Bhagavato bhaasita.m abhinanditvaa anumoditvaa Bhagavanta.m uttari.m pa~nha.m apucchi: "katha.m pa.tipanno pana maarisa bhikkhu indriyasa.mvaraaya pa.tipanno hotii?"Ti.

"Cakkhuvi~n~neyya.m ruupampaaha.m devaanaminda duvidhena vadaami sevitabbampi asevitabbampiiti.|| ||

Sotavi~n~neyya.m saddampaaha.m devaanaminda duvidhena vadaami sevitabbampi asevitabbampiiti.|| ||

Ghaanavi~n~neyya.m gandhampaaha.m devaanaminda duvidhena vadaami sevitabbampii asevitabbampii ti.|| ||

Jivhaavi~n~neyya.m rasampaaha.m devaanaminda duvidhena vadaami sevitabbampi asevitabbampii ti.|| ||

Kaayavi~n~neyya.m pho.t.thabbampaaha.m devaanaminda duvidhena vadaami sevitabbampi asevitabbampi ti.|| ||

Manovi~n~neyya.m dhammampaaha.m devaanaminda duvidhena vadaami sevitabbampi asevitabbampii'ti.

Eva.m vutte Sakko devaana.m indo Bhagavanta.m etad avoca: imassa kho aha.m bhante Bhagavataa sa'nkhittena bhaasitassa eva.m vitthaarena attha.m aajaanaami.|| ||

Yathaaruupa.m bhante catkhuvi~n~neyya.m ruupa.m sevato akusalaa dhammaa abhiva.d.dhanti kusalaa dhammaa parihaayantii ti,||
evaruupa.m cakkhuvi~n~neyya.m ruupa.m na sevitabba.m,||
yathaaruupa~nca kho bhante cakkhuvi~n~neyya.m ruupa.m sevato akusalaa dhammaa parihaayanti kusalaa dhammaa abhiva.d.dhantii'ti,||
evaruupa.m cakkhuvi~n~neyya.m ruupa.m [282] sevitabba.m.|| ||

Yathaaruupa~nca kho bhante sotavi~n~neyya.m sadda.m sevato akusalaa dhammaa abhiva.d.dhanti kusalaa dhammaa parihaayantii ti,||
evaruupa.m sotavi~n~neyya.m sadda.m na sevitabba.m,||
yathaaruupa~nca kho bhante sotavi~n~neyya.m sadda.m sevato akusalaa dhammaa parihaayanti kusalaa dhammaa abhiva.d.dhantii'ti,||
evaruupa.m sotavi~n~neyya.m sadda.m sevitabba.m.|| ||

Yathaaruupa~nca kho bhante ghaanavi~n~neyya.m gandha.m sevato akusalaa dhammaa abhiva.d.dhanti kusalaa dhammaa parihaayantii ti,||
evaruupa.m ghaanavi~n~neyya.m gandha.m na sevitabba.m,||
yathaaruupa~nca kho bhante ghaanavi~n~neyya.m gandha.m sevato akusalaa dhammaa parihaayanti kusalaa dhammaa abhiva.d.dhantii'ti,||
evaruupa.m ghaanavi~n~neyya.m gandha.m sevitabba.m.|| ||

Yathaaruupa~nca kho bhante jivhaavi~n~neyya.m rasa.m sevato akusalaa dhammaa abhiva.d.dhanti kusalaa dhammaa parihaayanti ti,||
evaruupa.m jivhaavi~n~neyya.m rasa.m na sevitabba.m,||
yathaaruupa~nca kho bhante jivhaavi~n~neyya.m rasa.m sevato akusalaa dhammaa parihaayanti kusalaa dhammaa abhiva.d.dhantii'ti evaruupa.m jivhaavi~n~neyya.m rasa.m sevitabba.m.|| ||

Yathaaruupa~nca kho bhante kaayavi~n~neyya.m pho.t.thabba.m sevato akusalaa dhammaa abhiva.d.dhanti kusalaa dhammaa parihaayanti ti,||
evaruupa.m kaayavi~n~neyya.m pho.t.thabba.m na sevitabba.m,||
yathaaruupa~nca kho bhante kaayavi~n~neyya.m pho.t.thabba.m sevato akusalaa dhammaa parihaayanti kusalaa dhammaa abhiva.d.dhantii'ti evaruupa.m kaayavi~n~neyya.m pho.t.thabba.m sevitabba.m.|| ||

Yathaaruupa~nca kho bhante manovi~n~neyya.m dhammaa sevato akusalaa dhammaa abhiva.d.dhanti kusalaa dhammaa parihaayanti ti evaruupo manovi~n~neyyo dhammo na sevitabbo.|| ||

Yathaaruupa~nca kho bhante manovi~n~neyya.m dhamma.m sevato akusalaa dhammaa parihaayanti kusalaa dhammaa abhiva.d.dhantii'ti evaruupo manovi~n~neyyo dhammo sevitabbo.|| ||

Imassa kho me bhante Bhagavataa sa'nkhittena bhaasitassa eva.m vitthaarena attha.m aajaanato ti.n.na.m me'ttha ka'nkhaa vigataa katha.mkathaa Bhagavato pa~nhaveyyaakara.na.m sutvaa" ti.

20. Iti ha sakkaa devaana.m indo Bhagavato bhaasita.m abhinanditvaa anumoditvaa Bhagavanta.m uttari.m pa~nha.m apucchi: "sabbe va nu kho maarisa sama.na-braahma.naa ekantavaadaa ekantasiilaa ekantachandaa ekantaajjhosaanaa" ti.

"Na kho devaanaminda sabbe sama.na-braahma.naa ekantavaadaa ekantasiilaa ekantachandaa ekantaajjhosaanaa" ti.

"Kasmaa pana maarisa na sabbe sama.na-braahma.naa ekantavaadaa ekantasiilaa ekantachandaa ekantaajjhosaanaa?"Ti.

"Anekadhaatunaanaadhaatu kho devaanaminda loko.|| ||

Tasmi.m anekadhaatunaanaadhaatusmi.m loke ya.m yadeva sattaa dhaatu.m abhinivisanti ta.m tad eva thaamasaa paraamassa abhinivissa voharanti 'idam eva sacca.m mogham a~n~nan ti.|| ||

' Tasmaa na sabbe sama.na-braahma.naa ekantavaadaa ekantasiilaa ekantachandaa ekantaajjhosaanaa" ti.

"Sabbe va nu kho maarisa sama.na-braahma.naa [283] accantani.t.thaa accantayogakkhemii accantabrahmacaarii accantapariyosaanaa?"Ti.

"Na kho devaanaminda sabbe sama.na-braahma.naa accantani.t.thaa accantayogakkhemii accantabrahmacaarii accantapariyosaanaa" ti.

"Kasmaa pana maarisa na sabbe sama.na-braahma.naa accantani.t.thaa accantayogakkhemii accantabrahmacaarii accantapariyosaanaa" ti.

"Ye kho devaanaminda bhikkhu ta.nhaasa'nkhayavimuttaa te accantani.t.thaa accantayogakkhemii accantabrahmacaarii accantapariyosaanaa.|| ||

Tasmaa na sabbe sama.na-braahma.naa accantani.t.thaa accantayogakkhemii accantabrahmacaarii accantapariyosaanaa" ti.

Ittha.m Bhagavaa sakkassa devaanamindassa pa~nha.m pu.t.tho byaakaasi.|| ||

Attamano Sakko devaana.m indo Bhagavato bhaasita.m abhinandi anumodi.|| ||

Eva me ta.m Bhagavaa evam eta.m sugata ti.n.naa me'ttha ka'nkhaa vigataa katha.m kathaa Bhagavato pa~nhaveyyaakara.na.m sutvaa" ti.

21. Iti ha Sakko devaana.m indo Bhagavato bhaasita.m abhinanditvaa anumoditvaa Bhagavanta.m etad avoca: ejaa bhante rogo ejaa ga.n.do ejaa salla.m ejaa ima.m purisa.m parika.d.dhati tassa tass'eva bhavassa abhinibbattiyaa.|| ||

Tasmaa aya.m puriso uccaavacamaapajjati.|| ||

Yesvaaha.m bhante pa~nhaana.m ito bahiddhaa a~n~nesu sama.nabraahma.nesu okaasakammampi naalattha.m.|| ||

Te me Bhagavataa byaakataa diigharattaanusayita~n ca pana me vicikicchaa-katha.mkathaasalla.m,||
ta~n ca Bhagavataa abbuu'hanti.

22. [284] abhijaanaasi.|| ||

No tva.m devaanaminda ime pa~nhe a~n~ne sama.nabraahma.ne pucchitaa" ti.

"Abhijaanaamaha.m bhante ime pa~nhe a~n~ne sama.nabraahma.ne pucchitaa" ti.

"Yathaakatha.m pana te devaanaminda byaaka.msu,||
sace te agaru bhaasassuu" ti.

"Na kho me bhante garu yatth'assa Bhagavaa nisinno Bhagavantaruupo vaa" ti.

"Tena hi devaanaminda bhaasassuu" ti.

"Ye svaaha.m bhante ma~n~naami sama.na-braahma.naa aara~n~nakaa panta senaasanaa'ti.|| ||

Tyaaha.m upasa'nkamitvaa.|| ||

Ime pa~nhe pucchaami.|| ||

Te mayaa pu.t.thaa na sampaayanti,||
asampaayantaa mama.m yeva pa.tipucchan' ti.ko naamo aayasmaa?'Ti.|| ||

Tesaaha.m pu.t.tho byaakaromi: "aha.m kho maarisa,||
Sakko devaana.m indo'ti.|| ||

Te mama.m yeva uttari.m pa.tipucchanti 'ki.m panaayasmaa devaanaminda kamma.m katvaa ima.m .thaana.m patto'ti.|| ||

Tesaaha.m yathaasuta.m yathaapariyatta.m dhamma.m desemi.|| ||

Te taavataken'eva attamanaa honti 'Sakko ca no devaana.m indo di.t.tho ya~n ca no apucchimha ta~n ca no byaakaasii'ti.|| ||

Te a~n~nadatthu mama yeva saavakaa sampajjanti,||
na caaha.m tesa.m.|| ||

Aha.m kho pana bhante Bhagavato saavako sotaapanno avinipaatadhammo niyato sambodhiparaaya.no" ti.

23. "Abhijaanaasi no tvaja devaanaminda ito pubbe evaruupa.m veda pa.tilaabha.m somanassapa.tilaabhanti?"

[285] "abhijaanaamaha.m bhante ito pubbe evaruupa.m vedapa.tilaabha.m somanassapa.tilaabhanti."|| ||

"Yathaakatha.m pana tva.m devaanaminda abhijaanaasi ito pubbe evaruupa.m vedapa.tilaabha.m somanassapa.tilaabhanti?"

"Bhuutapubba.m bhante devaasurasa'ngaamo samupabyu'ho ahosi,||
tasmi.m kho pana bhante sa'ngaame devaa jini.msu,||
asuraa paraajiyi.msu.|| ||

Tassa mayha.m bhante ta.m sa'ngaama.m abhivijinitvaa vijitasa'ngaamassa etad ahosi: 'yaa c'eva daani dibbaa ojaa yaa ca asuraa ojaa ubhayamettha devaa paribhu~njissantantii ti.|| ||

So kho me bhante vedapa.tilaabho somanassapa.tilaabho sada.n.daavacaro sasatthaavacaro na nibbidaaya na viraagaaya na nirodhaaya na upasamaaya na abhi~n~naaya na sambodhaaya na nibbaanaaya sa.mvattati.|| ||

Yo kho pana me aya.m bhante Bhagavato dhamma.m sutvaa vedapa.tilaabho somanassapa.tilaabho,||
so ada.n.daavacaro asatthaavacaro ekantanibbidaaya viraagaaya nirodhaaya upasamaaya abhi~n~naaya sambodhaaya nibbaanaaya sa.mvattatii" ti.

24.|| ||

"Ki.m pana tva.m devaanaminda atthavasa.m sampassamaano evaruupa.m vedapa.tilaabha.m somanassa pa.tilaabha.m pavedesii?" Ti.

"Cha kho aha.m bhante atthavase sampassamaano evaruupa.m vedapa.tilaabha.m somanassapa.tilaabha.m pavedemii" ti.

"Idh'eva ti.t.thamaanassa devabhuutassa me sato,

Punaraayu ca me laddho eva.m jaanaahi maarisaa" ti.

Ima.m kho aha.m bhante pa.thama.m atthavasa.m [286] sampassamaano evaruupa.m vedapa.tilaabha.m somanassapa.tilaabha.m pavedemi.

Cuto'ha.m diviyaa kaayaa aayu.m hitvaa amaanusa.m,

Amuu'ho gabbhamessaami yattha me ramatii mano.

Ima.m kho aha.m bhante dutiya.m atthavasa.m sampassamaano evaruupa.m vedapa.tilaabha.m somanassapa.tilaabha.m pavedemi.

Svaaha.m amuu.lhapa~n~nassa vihara.m saasane rato,

~naayena viharissaami sampajaano patissato.

Ima.m kho aha.m bhanne tatiya.m atthavasa.m sampassamaano evaruupa.m vedapa.tilaabha.m somanassapa.tilaabha.m pavedemi.

~naayena me carato ca sambodhi ce bhavissati,

A~n~naataa viharissaami sveva manto bhavissati.

Ima.m kho aha.m bhante catuttha.m atthavasa.m sampassamaano eva ruupa.m vedapa.tilaabha.m somanassapa.tilaabha.m pavedemi.

Cuto'ha.m maanusaa kaayaa aayu.m hitvaana maanusa.m,

Puna deva bhavissaami devalokamhi uttamo.

Ima.m kho aha.m bhante pa~ncama.m atthavasa.m sampassamaano evaruupa.m vedapa.tilaabha.m somanassapa.tilaabha.m pavedemi.

Te pa.niitataraa devaa akani.t.thaa yasassino,

Antime vattamaanamhi so nivaaso bhavissati.

[287] ima.m kho aha.m bhante cha.t.tha.m atthavasa.m sampassamaano evaruupa.m vedapa.tilaabha.m somanassapa.tilaabha.m pavedemi.

Ime kho aha.m bhante cha atthavase sampassamaano evaruupa.m vedapa.tilaabha.m somanassapa.tilaabha.m pavedemi.

25. "Apariyositasa'nkappo vicikicchi katha.mkathi,

Vicari.m1 diigham addhaana.m anvesanto Tathaagata.m.

Yyaassu ma~n~naami sama.ne pavivittavihaarino,

Samabuddhaa iti ma~n~naano gacchaami te upaasitu.m.

Katha.m aaraadhanaa hoti katha.m hoti viraadhanaa,

Iti pu.t.thaa na sambhonti 3 magge pa.tipadaasu ca.

Tyaassu yadaa ma.m jaananti Sakko devaanamaagato.

Tyaassu mameva pucchanti ki.m katvaa paapu.nii ida.m.

Tesa.m yathaa suta.m dhamma.m desayaami janesuta,

Tena attamanaa honti1 di.t.tho no vaasavo'ti ca.

Yadaa ca Buddhamaddakkhi.m vicikicchaavitaara.na.m,

So'mbhi viitabhayo ajja samBuddha.m payirupaasiya.|| ||

2

Ta.nhaasallassa hantaara.m Buddhamappa.tipuggala.m,||
aha.m vande mahaaviira.m Buddhamaadiccabandhuna.m3

[288] ya.m karomasi brahmuno sama.m devehi maarisa,

Tadajja tuyha.m kassaama handa saama.m karoma te.

Tvameva asi sambuddho tuva.m satthaa anuttaro,

Sadevakasmi.m lokasmi.m n'atthi te pa.tipuggalo" ti.

26. Atha kho Sakko devaana.m indo pa~ncasikha.m gandhabbaputta.m aamantesi.|| ||

Bahuupakaaro kho me'si tva.m taata pa~ncasikha.m ya.m tva.m Bhagavanta.m pa.thama.m pasaadesi tayaa taata pa.thama.m pasaadita.m pacchaa maya.m ta.m Bhagavanta.m dassanaaya upasa'nkamimha arahanta.m sammaasamBuddha.m.|| ||

Pettike ca .thaane .thapayissaami,||
gandhabbaraajaa bhavissasi,||
bhadda~nca te suriyavaccasa.m dammi,||
saa hi te abhipatthitaa" ti.|| ||

Atha kho Sakko devaana.m indo paa.ninaa pa.thavi.m paraamasitvaa tikkhattu.m udaana.m udaanesi: "namo tassa Bhagavato arahato Sammaa-sambuddhassa,||
namo tassa Bhagavato arahato Sammaa-sambuddhassa,||
namo tassa Bhagavato arahato Sammaa-sambuddhassaa" ti.

Imasmi~n ca pana veyyaakara-.nasmi.m bha~n~namaane sakkassa devaanamindassa viraja.m viitamala.m dhammacakkhu.m udapaadi "ya.m ki~nci samudayadhamma.m sabbanta.m nirodhadhammanti,||
" a~n~nesa~nca asiitiyaa [289] devataasahassaana.m.|| ||

Iti ye Sakkena devaanam indena ajjhi.t.thapa~nhaa pu.t.thaa,||
te Bhagavataa byaakataa.|| ||

Tasmaa imassa veyyaakara.nassa sakkapa~nho'tv eva adhivacananti.

Sakkapa~nhasutta.m ni.t.thita.m a.t.thama.m.


Contact:
E-mail
Copyright Statement