Digha Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Diigha Nikaaya

Sutta 33

Sa'ngiiti Suttanta.m

Adapted from the digital version of the Sri Lanka Buddha Jayanti Tripitaka Series

 


 

Atthi kho aavuso tena Bhagavataa jaanataa passataa arahataa SammaaSambuddhena nava dhammaa sammad-akkhaataa. Tattha sabbeh'eva sa'ngaayitabba.m na vivaditabba.m, yatha-yida.m brahmacariya.m addhaniya.m assa cira-.t.thitika.m, tad assa bahujana-hitaaya bahujana-sukhaaya lokaanukampaaya atthaaya hitaaya sukhaaya deva-manussaana.m.

Katame nava?

[9.01][pts][wp][bd] Nava aaghaata-vatthuuni:
'Anattha.m me acarii' ti aaghaata.m bandhati.
'Anattha.m me caratii' ti aaghaata.m bandhati.
'Anattha.m me carissatii' ti aaghaata.m bandhati.
'Piyassa me manaapassa anattha.m acarii' ti aaghaata.m bandhati.
'Piyassa me manaapassa anattha.m caratii' ti aaghaata.m bandhati.
'Piyassa me manaapassa anattha.m carissatii' ti aaghaata.m bandhati.
'Appiyassa me amanaapassa attha.m acarii' ti aaghaata.m badhati.
'Appiyassa me amanaapassa attha.m caratii'ti aaghaata.m bandhati.
'Appiyassa me amanaapassa attha.m carissatii'ti aaghaata.m bandhati.

[9.02][pts][wp][bd] Nava aaghaata-pa.tivinayaa:
'Anattha.m me acarii, ta.m kut'ettha labbhaa' ti aaghaata.m pa.tivineti.
'Anattha.m [263] me caratii, ta.m kut'ettha labbhaa' ti aaghaata.m pa.tivineti.
'Anaattha.m me carissatii ti,' 'ta.m kut'ettha labbhaa' ti aaghaata.m pa.tivineti.
'Piyassa me manaapassa anattha.m acarii'ti ta.m kut'ettha labbhaa'ti aaghaata.m pa.tivineti.
'Piyassa me manaapassa anattha.m caratii'ti ta.m kut'ettha labbhaa'ti aaghaata.m pa.tivineti.
'Piyassa me manaapassa anattha.m carissatii ti,' 'ta.m kut'ettha labbhaa' ti aaghaata.m pa.tivineti.
'Appiyassa me amanaapassa attha.m acarii ta.m kut'ettha labbhaa' ti aaghaata.m pa.tivineti.
Appiyassa me amanaapassa attha.m caratii ta.m kut'ettha labbhaa'ti aaghaata.m pa.tivineti.
'Appiyassa me amanaapassa attha.m carissatii ti,' 'ta.m kut'etthe labbhaa' ti aaghaata.m pa.tivineti.

[9.03][pts][wp][bd] Nava sattaavaasaa:
Sant'aavuso, sattaa naanatta-kaayaa naanatta sa~n~nino seyyathaa pi manussaa ekacce ca devaa ekacce ca vinipaatikaa. Aya.m pa.thamo sattaavaaso.
Sant'aavuso, sattaa naanaatta-kaayaa ekatta-sa~n~nino seyyathaa pi devaa Brahmakaayikaa pa.thamaabhinibbattaa. Aya.m dutiyo sattaavaaso.
Sant'aavuso, sattaa ekatta-kaayaa naanatta-sa~n~nino seyyathaa pi devaa Aabhassaraa. Aya.m tatiyo sattaavaaso.
Sant'aavuso, sattaa ekatta-kaayaa ekatta-sa~n~nino seyyathaa pi devaa Subha-ki.nhaa. Aya.m catuttho sattaavaaso,
Sant'aavuso, sattaa asa~n~nino appa.tisa'nvedino seyyathaa pi devaa Asa~n~na-sattaa. Aya.m pa~ncamo sattaavaaso.
Sant'aavuso, sattaa sabbaso ruupa-sa~n~naana.m samatikkamaa pa.tigha-sa~n~naana.m attha-gamaa naanatta-sa~n~naana.m amanasi-kaaraa 'Ananto aakaaso' ti aakaasaana~ncaayatanuupagaa. Aya.m cha.t.tho sattaavaaso.
Sattaavuso, sattaa sabbaso akaakaasaana~ncaayatana.m samatikkamma 'Ananta.m vi~n~naana.nan' ti vi~n~naa.na~ncaayatanuupagaa. Aya.m sattamo sattaavaaso.
Sant'aavuso, sattaa sabbaso vi~n~naa.na~ncaayatana.m samatikkamma 'N'atthi ki~ncii'ti aaki~nca~n~naayatanuupagaa. Aya.m a.t.thamo sattaavaaso.
Sant'aavuso, sattaa sabbaso aaki~nca~n~naayatana.m samatikkamma n'evasa~n~naa-naasa~n~naayatanuupagaa. Aya.m navamo sattaavaaso.

[9.04][pts][wp][bd] Nava akkha.naa asamayaa brahmacariya-vaasaaya:
[264] Idh'aavuso, Tathaagato ca loke uppanno hoti araha.m Sammaa-Sambuddho, Dhammo ca desiiyati opasamiko parinibbaaniko sambodha-gaamii sugata-ppavedito; aya.m ca puggalo Niraya.m upapanno hoti. Aya.m pa.thamo akkha.no asamayo brahmacariya-vaasaaya.
Puna ca para.m aavuso, Tathaagato ca loke uppanno hoti araha.m Sammaa-Sambuddho, Dhammo ca desiiyati opasamiko parinibbaaniko sambodha-gaami sugata-ppavedito; aya.m ca puggalo tiracchaana-yoni.m upapanno hoti. Aya.m dutiyo akkha.no asamayo brahmacariya-vaasaaya.
Puna ca para.m aavuso, Tathaagato ca loke uppanno hoti araha.m Sammaa-Sambuddho, Dhammo ca desiiyati opasamiko parinibbaaniko sambodhagaamii sugata-ppavedito; aya.m ca puggalo petti-visaya.m upapanno hoti. Aya.m tatiyo akkha.no asamayo brahvacariya-vaasaaya.
Puna ca para.m aavuso, Tathaagato ca loke uppanno hoti araha.m Sammaa-Sambuddho, Dhammo ca desiiyati opasamiko parinibbaaniko sambodhagaamii sugata-ppavedito, aya.m ca puggalo asura-kaaya.m upapanno hoti. Aya.m catuttho akkha.no asamayo brahmacariya-vaasaaya.
Puna ca para.m aavuso, Tathaagato ca loke uppanno hoti araha.m Sammaa-Sambuddho, Dhammo ca desiiyati opasamiko parinibbaaniko sambodhagaamii sugata-ppavedito, aya.m ca puggalo a~n~natara.m diighaa-yuka.m deva-nikaaya.m upapanno hoti. Aya.m pa~ncamo akkha.no asamayo brahmacariya-vaasaaya.
Puna ca para.m aavuso, Tathaagato ca loke uppanno hoti araha.m Sammaa-Sambuddho, Dhammo ca desiiyati opasamiko parinibbaaniko sambodhagaamii sugata-ppavedito, aya.m ca puggalo paccan-timesu janapadesu paccaajaato hoti milakkhesu avi~n~naataaresu, yattha n'atthi gati bhikkhuuna.m bhikkhuniina.m upaasakaana.m upaasikaana.m. Aya.m cha.t.tho akkha.no asamayo brahmacariya-vaasaaya.
Puna ca para.m aavuso, Tathaagato ca loke uppanno hoti araha.m Sammaa-Sambuddho, Dhammo ca desiiyati opasamiko parinibbaaniko sambodhagaamii sugata-ppavedito, aya.m ca puggalo majjhimesu janapadesu paccaajaato hoti, so ca hoti micchaa-di.t.thiko vipariita-dassano: 'N'atthi dinna.m, n'atthi yi.t.tha.m, n'atthi huta.m, n'atthi suka.ta-dukka.taana.m kammaana.m phala.m vipaako, n'atthi aya.m loko, n'atthi paro-loko, [265] n'atthi maataa, n'atthi pitaa, n'atthi sattaa opapaatikaa, n'atthi loke Sama.na-braahma.naa- sammaggataa sammaa-pa.tipannaa, ye ima.m ca loka.m para.m ca loka.m saya.m abhi~n~naa sacchikatvaa pavedentii' ti. Aya.m sattamo akkha.no asamayo brahmacariya-vaasaaya.
Puna ca para.m aavuso, Tathaagato ca loke uppanno hoti araha.m Sammaa-Sambuddho, Dhammo ca desiiyati opasamiko parinibbaaniko sambodha-gaamii sugata-ppavedito, aya.m ca puggalo majjhimesu janapadesu paccaajaato hoti, so ca hoti duppa~n~no ja'o e'amugo na pa.tibalo subhaasita-dubbhaasitaa-na.m attham a~n~naatu.m. Aya.m a.t.thamo akkha.no asamayo brahmacariya-vaasaaya.
Puna ca para.m aavuso, Tathaagato ca loke anuppanno hoti araha.m Sammaa-Sambuddho, Dhammo ca na desiiyati opasamiko parinibbaaniko sambodha-gaamii sugata-ppavedito, aya.m ca puggalo majjhimesu janapadesu paccaajaato hoti so ca hoti pa~n~navaa aja'o anelamugo pa.tibalo subhaasita-dubbhaasitaana.m attham a~n~naatu.m. Aya.m navamo akkha.no asamayo brahmacariya-vaasaaya.

[9.05][pts][wp][bd] Nava anupubba-vihaaraa:
Idh'aavuso, bhikkhu vivicc'eva kaamehi vivicca akusalehi dhammehi savitakka.m savicaara.m vivekaja.m piiti-sukha.m pa.thama.m-jhaana.m upasampajja viharati.
Vitakka-vicaaraana.m vuupasamaa ajjhatta.m sampasaadana.m cetaso ekodi-bhaava.m avitakka.m avicaara.m samaadhija.m piiti-sukha.m dutiya.m-jhaana.m upasampajja viharati.
Piitiyaa ca viraagaa upekkhako ca viharati sato ca sampajaano sukha.m ca kaayena pa.tisa'nvedeti, ya.m ta.m ariyaa aacikkhanti: 'Upekkhako satimaa sukha-vihaarii'ti tativa-jjhaana.m upasampajja viharati.
Sukhassa ca pahaa.naa dukkhassa ca pahaa.naa pubbe va somanassa-domanassaana.m attha'ngamaa adukkha.m-asukha.m upekkhaa-satipaarisuddhi.m catuttha-jjhaana.m upasampajja viharati.
Sabbaso ruupa-sa~n~naana.m samatikkamaa pa.tigha-sa~n~naana.m attha-gamaa naanatta-sa~n~naana.m amanasi-kaaraa 'Ananto aakaaso' ti aakaasaana~ncaayatana.m upasampajja viharati.
Sabbaso aakaasaana~ncaayatana.m samatik- [266] kamma 'Ananta.m vi~n~naa.nan' ti vi~n~naa.na~ncaayatana.m upasampajja viharati.
Sabbaso vi~n~naa.na~ncaayatana.m samatikkamma 'N'atthi ki~ncii' ti aaki~nca~n~naayatana.m upasampajja viharati.
Sabbaso aaki~nca~n~naayatana.m samatikkamma n'evasa~n~naa-naasa~n~naayatana.m upasampajja viharati.
Sabbaso n'evasa~n~naanaa-sa~n~naayatana.m samatikkamma sa~n~naavedayitanirodha.m upasampajja viharati.

[9.06][pts][wp][bd] Nava anupubba-nirodhaa:
Pa.thamajjhaana.m samaapannassa kaama-sa~n~naa niruddhaa hoti.
Dutiyajjhaana.m samaapannassa vitakka-vicaaraa niraaddhaa honti.
Tatiyajjhaana.m samaapannassa piiti niruddhaa hoti.
Catutthajjhaana.m samaapannassa assaasa-passaasaa niruddhaa honti.
Aakaasaana~ncaayatana.m samaapannassa ruupa-sa~n~naa niruddhaa hoti.
Vi~n~naa.na~ncaayatana.m samaapannassa aakaasaana~ncaayatana-sa~n~naa niruddhaa hoti.
Aki~nca~n~naayatana.m samaapannassa vi~n~naa.na~ncaayatana-sa~n~naa niruddhaa hoti.
N'evasa~n~naa-naasa~n~naayatana.m samaapannassa aaki~nca~n~naayatana-sa~n~naa niruddhaa hoti.
Sa~n~naa-vedayita-nirodha.m samaapannassa sa~n~naa ca vedanaa ca niruddhaa honti.

Ime kho aavuso tena Bhagavataa jaanataa passataa arahataa SammaaSambuddhena nava dhammaa sammad-akkhaataa. Tattha sabbeh'eva sa'ngaayitabba.m na vivaditabba.m, yathayida.m brahmacariya.m addhaniya.m assa cira-.t.thitika.m, tad assa bahujana-hitaaya bahujana-sukhaaya lokaanukampaaya atthaaya hitaaya sukhaaya deva-manussaana.m.


 [Ones and Twos]  [Threes]  [Fours]  [Fives]  [Sixes]  [Sevens]  [Eights]  [Nines]  [Tens]


Contact:
E-mail
Copyright Statement