Majjhima Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

Majjhima Nikaaya
I. Muulapa.n.naasa
1. Muulapariyaaya Vagga

Sutta 10

Satipa.t.thaana Sutta.m

Based on the 'Sri Lanka Buddha Jayanti Tripitaka Series.'

 


[55]

[1][chlm][pts][nysa][soma][than][ntbb][upal][olds] Eva.m me suta.m:|| ||

Eka.m samaya.m Bhagavaa Kuruusu viharati Kammaassadamma.m naama Kuruuna.m nigamo.|| ||

Tatra kho Bhagavaa bhikkhuu aamantesi:|| ||

"Bhikkhavo" ti.|| ||

"Bhadante" ti te bhikkhuu Bhagavato paccassosu.m.|| ||

Bhagavaa etad avoca:|| ||

2. Ekaayano aya.m bhikkhave maggo sattaana.m visuddhiyaa [56] sokapariddavaana.m samatikkamaaya dukkhadomanassaana.m attha-gamaaya ~naayassa adhigamaaya nibbaanassa sacchikiriyaaya - yadida.m cattaaro satipa.t.thaanaa.|| ||

3. Katame cattaaro?|| ||

Idha, bhikkhave, bhikkhu kaaye kaayaanupassii viharati aataapii sampajaano satimaa vineyya loke abhijjhaa-domanassa.m.|| ||

Vedanaasu vedanaanupassii viharati aataapii sampajaano satimaa vineyya loke abhijjhaa-domanassa.m.|| ||

Citte cittaanupassii viharati aataapii sampajaano satimaa vineyya loke abhijjhaa-domanassa.m.|| ||

Dhammesu dhammaanupassii viharati aataapii sampajaano satimaa vineyya loke abhijjhaa-domanassa.m.|| ||

4. Katha~n ca bhikkhave bhikkhu kaaye kaayaanupassii viharati?|| ||

Idha, bhikkhave, bhikkhu ara~n~nagato vaa rukkhamuulagato vaa su~n~naagaaragato vaa nisiidati palla.nka.m aabhujitvaa uju.m kaaya.m pa.nidhaaya parimukha.m sati.m upa.t.thapetvaa.|| ||

So satova assasati,||
sato passasati.|| ||

Diigha.m vaa assasanto diigha.m assasaamiiti pajaanaati.|| ||

Diigha.m vaa passasanto diigha.m passasaamiiti pajaanaati.|| ||

Rassa.m vaa assasanto rassa.m assasaamiiti pajaanaati.|| ||

Rassa.m vaa passasanto rassa.m passasaamiiti pajaanaati.|| ||

Sabbakaayapa.tisa.mvedii assasissaamiiti sikkhati|| ||

Sabbakaayapa.tisa.mvedii passasissaamiiti sikkhati .|| ||

Passambh aya.m kaayasa.nkhaara.m assasissaamiiti sikkhati.|| ||

Passambh aya.m kaayasa.nkhaara.m passasissaamiiti sikkhati.|| ||

Seyyathaa pi, bhikkhave, dakkho bhamakaaro vaa bhamakaarantevaasii vaa diigha.m vaa a~nchanto diigha.m a~nchaamiiti pajaanaati,||
rassa.m vaa a~nchanto rassa.m a~nchaamiiti pajaanaati,||
evam eva kho, bhikkhave, bhikkhu diigha.m vaa assasanto diigha.m assasaamiiti pajaanaati|| ||

Diigha.m vaa passasanto diigha.m passasaamiiti pajaanaati|| ||

Rassa.m vaa assasanto rassa.m assasaamiiti pajaanaati|| ||

Rassa.m vaa passasanto rassa.m passasaamiiti pajaanaati|| ||

Sabbakaayapa.tisa.mvedii assasissaamiiti sikkhati|| ||

Sabbakaayapa.tisa.mvedii passasissaamiiti sikkhati|| ||

Passambh aya.m kaayasa.nkhaara.m assasissaamiiti sikkhati|| ||

Passambh aya.m kaayasa.nkhaara.m passasissaamiiti sikkhati.|| ||

5. Iti ajjhatta.m vaa kaaye kaayaanupassii viharati|| ||

Bahiddhaa vaa kaaye kaayaanupassii viharati|| ||

Ajjhattabahiddhaa vaa kaaye kaayaanupassii viharati.|| ||

Samudayadhammaanupassii vaa kaayasmi.m viharati|| ||

Vayadhammaanupassii vaa kaayasmi.m viharati|| ||

Samudayavayadhammaanupassii vaa kaayasmi.m viharati.|| ||

Atthi kaayoti vaa panassa sati paccupa.t.thitaa hoti yaavad eva ~naa.namattaaya patissatimattaaya.|| ||

Anissito ca viharati|| ||

Na ca ki~nci loke upaadiyati.|| ||

Evam pi bhikkhave bhikkhu kaaye kaayaanupassii viharati.|| ||

6. Puna ca para.m bhikkhave bhikkhu gacchanto vaa gacchaamiiti pajaanaati.|| ||

.Thito vaa .thito'mhiiti pajaanaati.|| ||

Nisinno vaa [57] nisinnomhiiti pajaanaati.|| ||

Sayaano vaa sayaanomhiiti pajaanaati.|| ||

Yathaa yathaa vaa panassa kaayo pa.nihito hoti tathaa tathaa na.m pajaanaati.|| ||

7. Iti ajjhatta.m vaa kaaye kaayaanupassii viharati|| ||

Bahiddhaa vaa kaaye kaayaanupassii viharati|| ||

Ajjhattabahiddhaa vaa kaaye kaayaanupassii viharati|| ||

Samudayadhammaanupassii vaa kaayasmi.m viharati|| ||

Vayadhammaanupassii vaa kaayasmi.m viharati|| ||

Samudayavayadhammaanupassii vaa kaayasmi.m viharati|| ||

Atthi kaayoti vaa panassa sati paccupa.t.thitaa hoti yaavad eva ~naa.namattaaya patissatimattaaya|| ||

Anissito ca viharati|| ||

Na ca ki~nci loke upaadiyati.|| ||

Evam pi bhikkhave bhikkhu kaaye kaayaanupassii viharati.|| ||

8. Puna ca para.m bhikkhave bhikkhu abhikkante pa.tikkante sampajaanakaarii hoti.|| ||

Aalokite vilokite sampajaanakaarii hoti.|| ||

Sammi~njite pasaarite sampajaanakaarii hoti.|| ||

Sa.nghaa.tipattaciivaradhaara.ne sampajaanakaarii hoti.|| ||

Asite piite khaayite saayite sampajaanakaarii hoti.|| ||

Uccaarapassaavakamme sampajaanakaarii hoti.|| ||

Gate .thite nisinne sutte jaagarite bhaasite tu.nhiibhaave sampajaanakaarii hoti.|| ||

9. Iti ajjhatta.m vaa kaaye kaayaanupassii viharati bahiddhaa vaa kaaye kaayaanupassii viharati|| ||

Ajjhattabahiddhaa vaa kaaye kaayaanupassii viharati|| ||

Samudayadhammaanupassii vaa kaayasmi.m viharati|| ||

Vayadhammaanupassii vaa kaayasmi.m viharati|| ||

Samudayavayadhammaanupassii vaa kaayasmi.m viharati|| ||

Atthi kaayoti vaa panassa sati paccupa.t.thitaa hoti yaavad eva ~naa.namattaaya patissatimattaaya|| ||

Anissito ca viharati|| ||

Na ca ki~nci loke upaadiyati.|| ||

Evam pi bhikkhave bhikkhu kaaye kaayaanupassii viharati.|| ||

10. Puna ca para.m bhikkhave bhikkhu imam eva kaaya.m uddha.m paadatalaa adho kesamatthakaa tacapariyanta.m puura.m naanappakaarassa asucino paccavekkhati:|| ||

atthi imasmi.m kesaa lomaa nakhaa dantaa taco ma.msa.m nahaaru a.t.thi a.t.thimi~nja.m vakka.m hadaya.m yakana.m kilomaka.m piihaka.m papphaasa.m anta.m antagu.na.m udariya.m kariisa.m pitta.m semha.m pubbo lohita.m sedo medo assu vasaa khe'o si.nghaa.nikaa lasikaa muttanti.|| ||

Seyyathaa pi, bhikkhave, ubhatomukhaa muuto'ii puuraa naanaavihitassa dha~n~nassa-seyyathiida.m: saaliina.m viihiina.m muggaana.m maasaana.m tilaana.m ta.n.dulaana.m,||
tamena.m cakkhumaa puriso mu~ncitvaa paccavekkheyya:|| ||

ime saalii ime viihii ime muggaa ime maasaa ime tilaa ime ta.n.dulaati,|| ||

Evam eva kho bhikkhave bhikkhu imam eva kaaya.m uddha.m paadatalaa adho kesamatthakaa tacapariyanta.m puura.m naanappakaarassa asucino paccavekkhati:|| ||

atthi imasmi.m kaaye kesaa lomaa nakhaa dantaa taco ma.msa.m nahaaru a.t.thi a.t.thimi~nja.m vakka.m hadaya.m yakana.m kilomaka.m piihaka.m papphaasa.m anta.m antagu.na.m udariya.m kariisa.m pitta.m semha.m pubbo lohita.m sedo medo assu vasaa khe'o si.nghaa.nikaa lasikaa muttanti.|| ||

11. Iti ajjhatta.m vaa kaaye kaayaanupassii viharati|| ||

Bahiddhaa vaa kaaye kaayaanupassii viharati|| ||

Ajjhattabahiddhaa vaa kaaye kaayaanupassii viharati|| ||

Samudayadhammaanupassii vaa kaayasmi.m viharati|| ||

Vayadhammaanupassii vaa kaayasmi.m viharati|| ||

Samudayavayadhammaanupassii vaa kaayasmi.m viharati|| ||

Atthi kaayoti vaa panassa sati paccupa.t.thitaa hoti yaavad eva ~naa.namattaaya patissatimattaaya|| ||

Anissito ca viharati|| ||

Na ca ki~nci loke upaadiyati|| ||

Evam pi bhikkhave bhikkhu kaaye kaayaanupassii viharati.|| ||

12. Puna ca para.m bhikkhave bhikkhu imam eva kaaya.m yathaa.thita.m yathaapa.nihita.m dhaatuso paccavekkhati:|| ||

atthi imasmi.m kaaye pa.thaviidhaatu aapodhaatu tejodhaatu vaayodhaatuuti.|| ||

[58] Seyyathaa pi, bhikkhave, dakkho goghaatako vaa goghaatakantevaasii vaa gaavi.m vadhitvaa caatummahaapathe bilaso pa.tivibhajitvaa nisinno assa,|| ||

Evam eva kho bhikkhave bhikkhu imam eva kaaya.m yathaa.thita.m yathaapa.nihita.m dhaatuso paccavekkhati:|| ||

atthi imasmi.m kaaye pa.thaviidhaatu aapodhaatu tejodhaatu vaayodhaatuuti.|| ||

13. Iti ajjhatta.m vaa kaaye kaayaanupassii viharati|| ||

Bahiddhaa vaa kaaye kaayaanupassii viharati|| ||

Ajjhattabahiddhaa vaa kaaye kaayaanupassii viharati|| ||

Samudayadhammaanupassii vaa kaayasmi.m viharati|| ||

Vayadhammaanupassii vaa kaayasmi.m viharati|| ||

Samudayavayadhammaanupassii vaa kaayasmi.m viharati|| ||

Atthi kaayoti vaa panassa sati paccupa.t.thitaa hoti yaavad eva ~naa.namattaaya patissati mattaaya|| ||

Anissito ca viharati|| ||

Na ca ki~nci loke upaadiyati|| ||

Evam pi bhikkhave bhikkhu kaaye kaayaanupassii viharati.|| ||

14. Puna ca para.m bhikkhave bhikkhu seyyathaa pi passeyya sariira.m siivathikaaya cha.d.dita.m ekaahamata.m vaa dviihamata.m vaa tiihamata.m vaa uddhumaataka.m viniilaka.m vipubbakajaata.m,||
so imam eva kaaya.m upasa.mharati: 'ayam pi kho kaayo eva.m dhammo evambhaavii eva.m anatiito' ti.|| ||

15. Iti ajjhatta.m vaa kaaye kaayaanupassii viharati bahiddhaa vaa kaaye kaayaanupassii viharati|| ||

Ajjhattabahiddhaa vaa kaaye kaayaanupassii viharati|| ||

Samudayadhammaanupassii vaa kaayasmi.m viharati|| ||

Vayadhammaanupassii vaa kaayasmi.m viharati|| ||

Samudayavayadhammaanupassii vaa kaayasmi.m viharati|| ||

Atthi kaayoti vaa panassa sati paccupa.t.thitaa hoti yaavad eva ~naa.namattaaya patissatimattaaya|| ||

Anissito ca viharati|| ||

Na ca ki~nci loke upaadiyati|| ||

Evam pi bhikkhave bhikkhu kaaye kaayaanupassii viharati.|| ||

16. Puna ca para.m bhikkhave bhikkhu seyyathaa pi passeyya sariira.m siivathikaaya cha.d.dita.m kaakehi vaa khajjamaana.m kulalehi vaa khajjamaana.m gijjhehi vaa khajjamaana.m supaa.nehi vaa khajjamaana.m sigaalehi vaa khajjamaana.m vividhehi vaa paa.nakajaatehi khajjamaana.m,||
so imam eva kaaya.m upasa.mharati: ayam pi kho kaayo eva.m dhammo evambhaavii eta.m anatiitoti.|| ||

17. Iti ajjhatta.m vaa kaaye kaayaanupassii viharati|| ||

Bahiddhaa vaa kaaye kaayaanupassii viharati|| ||

Ajjhattabahiddhaa vaa kaaye kaayaanupassii viharati|| ||

Samudayadhammaanupassii vaa kaayasmi.m viharati|| ||

Vayadhammaanupassii vaa kaayasmi.m viharati|| ||

Samudayavayadhammaanupassii vaa kaayasmi.m viharati|| ||

Atthi kaayoti vaa panassa sati paccupa.t.thitaa hoti yaavad eva ~naa.namattaaya patissatimattaaya|| ||

Anissito ca viharati|| ||

Na ca ki~nci loke upaadiyati|| ||

Evam pi bhikkhave bhikkhu kaaye kaayaanupassii viharati.|| ||

18. Puna ca para.m bhikkhave bhikkhu seyyathaa pi passeyya sariira.m siivathikaaya cha.d.dita.m a.t.thikasa.nkhalika.m sama.msalohita.m nahaarusambandha.m,||
so imam eva kaaya.m upasa.mharati: ayam pi kho kaayo eva.m dhammo evambhaavii eta.m anatiitoti.|| ||

19. Iti ajjhatta.m vaa kaaye kaayaanupassii viharati|| ||

Bahiddhaa vaa kaaye kaayaanupassii viharati|| ||

Ajjhattabahiddhaa vaa kaaye kaayaanupassii viharati|| ||

Samudayadhammaanupassii vaa kaayasmi.m viharati|| ||

Vayadhammaanupassii vaa kaayasmi.m viharati|| ||

Samudayavayadhammaanupassii vaa kaayasmi.m viharati|| ||

Atthi kaayoti vaa panassa sati paccupa.t.thitaa hoti yaavad eva ~naa.namattaaya patissatimattaaya|| ||

Anissito ca viharati|| ||

Na ca ki~nci loke upaadiyati|| ||

Evam pi bhikkhave bhikkhu kaaye kaayaanupassii viharati.|| ||

20. Puna ca para.m bhikkhave bhikkhu seyyathaa pi passeyya sariira.m siivathikaaya cha.d.dita.m a.t.thikasa.nkhalika.m nimma.msalohitamakkhitta.m nahaarusambandha.m,||
so imam eva kaaya.m upasa.mharati: ayam pi kho kaayo eva.m dhammo evambhaavii eta.m anatiitoti.|| ||

21. Iti ajjhatta.m vaa kaaye kaayaanupassii viharati|| ||

Bahiddhaa vaa kaaye kaayaanupassii viharati|| ||

Ajjhattabahiddhaa vaa kaaye kaayaanupassii viharati|| ||

Samudayadhammaanupassii vaa kaayasmi.m viharati|| ||

Vayadhammaanupassii vaa kaayasmi.m viharati|| ||

Samudayavayadhammaanupassii vaa kaayasmi.m viharati|| ||

Atthi kaayoti vaa panassa sati paccupa.t.thitaa hoti yaavad eva ~naa.namattaaya patissatimattaaya|| ||

Anissito ca viharati|| ||

Na ca ki~nci loke upaadiyati|| ||

Evam pi bhikkhave bhikkhu kaaye kaayaanupassii viharati.|| ||

22. Puna ca para.m bhikkhave bhikkhu seyyathaa pi passeyya sariira.m siivathikaaya cha.d.dita.m a.t.thikasa.nkhalika.m apagatama.msalohita.m nahaarusambandha.m,||
so imam eva kaaya.m upasa.mharati: ayam pi kho kaayo eva.m dhammo evambhaavii eta.m anatiitoti.|| ||

23. Iti ajjhatta.m vaa kaaye kaayaanupassii viharati|| ||

Bahiddhaa vaa kaaye kaayaanupassii viharati|| ||

Ajjhattabahiddhaa vaa kaaye kaayaanupassii viharati|| ||

Samudayadhammaanupassii vaa kaayasmi.m viharati|| ||

Vayadhammaanupassii vaa kaayasmi.m viharati|| ||

Samudayavayadhammaanupassii vaa kaayasmi.m viharati|| ||

Atthi kaayoti vaa panassa sati paccupa.t.thitaa hoti yaavad eva ~naa.namattaaya patissatimattaaya|| ||

Anissito ca viharati|| ||

Na ca ki~nci loke upaadiyati|| ||

Evam pi bhikkhave bhikkhu kaaye kaayaanupassii viharati.|| ||

24. Puna ca para.m bhikkhave bhikkhu seyyathaa pi passeyya sariira.m siivathikaaya cha.d.dita.m - a.t.thikaani apagatasambandhaani disaa vidisaasu vikkhittaani a~n~nena hattha.t.thika.m a~n~nena paada.t.thika.m a~n~nena ja.ngha.t.thika.m a~n~nena uura.t.thika.m a~n~nena ka.ta.t.thika.m a~n~nena pi.t.thika.n.taka.m a~n~nena siisaka.taaha.m,||
so imam eva kaaya.m upasa.mharati : ayam pi kho kaayo eva.m dhammo evambhaavii eta.m anatiitoti.|| ||

25. Iti ajjhatta.m vaa kaaye kaayaanupassii viharati|| ||

Bahiddhaa vaa kaaye kaayaanupassii viharati|| ||

Ajjhattabahiddhaa vaa kaaye kaayaanupassii viharati|| ||

Samudayadhammaanupassii vaa kaayasmi.m viharati|| ||

Vayadhammaanupassii vaa kaayasmi.m viharati|| ||

Samudayavayadhammaanupassii vaa kaayasmi.m viharati|| ||

Atthi kaayoti vaa panassa sati paccupa.t.thitaa hoti yaavad eva ~naa.namattaaya patissatimattaaya|| ||

Anissito ca viharati|| ||

Na ca ki~nci loke upaadiyati|| ||

Evam pi bhikkhave bhikkhu kaaye kaayaanupassii viharati.|| ||

26. Puna ca para.m bhikkhave bhikkhu seyyathaa pi passeyya sariira.m siivathikaaya cha.d.dita.m a.t.thikaani setaani sa.nkhava.n.nuupanibhaani,||
so imam eva kaaya.m upasa.mharati: ayam pi kho kaayo eva.m dhammo evambhaavii eta.m anatiitoti.|| ||

27. Iti ajjhatta.m vaa kaaye kaayaanupassii viharati|| ||

Bahiddhaa vaa kaaye kaayaanupassii viharati|| ||

Ajjhattabahiddhaa vaa kaaye kaayaanupassii viharati|| ||

Samudayadhammaanupassii vaa kaayasmi.m viharati|| ||

Vayadhammaanupassii vaa kaayasmi.m viharati|| ||

Samudayavayadhammaanupassii vaa kaayasmi.m viharati|| ||

Atthi kaayoti vaa panassa sati paccupa.t.thitaa hoti yaavad eva ~naa.namattaaya patissatimattaaya|| ||

Anissito ca viharati|| ||

Na ca ki~nci loke upaadiyati|| ||

Evam pi bhikkhave bhikkhu kaaye kaayaanupassii viharati.|| ||

28. Puna ca para.m bhikkhave bhikkhu seyyathaa pi passeyya sariira.m siivathikaaya cha.d.dita.m a.t.thikaani pu~njakitaani terovassikaani ,||
so imam eva kaaya.m upasa.mharati: ayam pi kho kaayo eva.m dhammo evambhaavii eta.m anatiito' ti.|| ||

29. Iti ajjhatta.m vaa kaaye kaayaanupassii viharati|| ||

Bahiddhaa vaa kaaye kaayaanupassii viharati|| ||

Ajjhattabahiddhaa vaa kaaye kaayaanupassii viharati|| ||

Samudayadhammaanupassii vaa kaayasmi.m viharati|| ||

Vayadhammaanupassii vaa kaayasmi.m viharati|| ||

Samudayavayadhammaanupassii vaa kaayasmi.m viharati|| ||

Atthi kaayoti vaa panassa sati paccupa.t.thitaa hoti yaavad eva ~naa.namattaaya patissatimattaaya|| ||

Anissito ca viharati|| ||

Na ca ki~nci loke upaadiyati|| ||

Evam pi bhikkhave bhikkhu kaaye kaayaanupassii viharati.|| ||

30. Puna ca para.m bhikkhave bhikkhu seyyathaa pi passeyya sariira.m siivathikaaya cha.d.dita.m a.t.thikaani puutiini cu.n.na- [59] kajaataani ,||
so imam eva kaaya.m upasa.mharati: 'ayam pi kho kaayo eva.m dhammo evambhaavii eta.m anatiito' ti.|| ||

31. Iti ajjhatta.m vaa kaaye kaayaanupassii viharati|| ||

Bahiddhaa vaa kaaye kaayaanupassii viharati|| ||

Ajjhattabahiddhaa vaa kaaye kaayaanupassii viharati|| ||

Samudayadhammaanupassii vaa kaayasmi.m viharati|| ||

Vayadhammaanupassii vaa kaayasmi.m viharati|| ||

Samudayavayadhammaanupassii vaa kaayasmi.m viharati|| ||

Atthi kaayoti vaa panassa sati paccupa.t.thitaa hoti yaavad eva ~naa.namattaaya patissatimattaaya|| ||

Anissito ca viharati|| ||

Na ca ki~nci loke upaadiyati|| ||

Evam pi bhikkhave bhikkhu kaaye kaayaanupassii viharati|| ||

Eva.m kho bhikkhave bhikkhu kaaye kaayaanupassii viharati.|| ||

32. Katha~n ca bhikkhave bhikkhu vedanaasu vedanaanupassii viharati?|| ||

Idha, bhikkhave, bhikkhu sukha.m vedana.m vediyamaano 'sukha.m vedana.m vediyaamii'ti pajaanaati.|| ||

Dukkha.m vedana.m vediyamaano 'dukkha.m vedana.m vediyaamii'ti pajaanaati.|| ||

Adukkhamasukha.m vedana.m vediyamaano 'adukkhamasukha.m vedana.m vediyaamii'ti pajaanaati.|| ||

Saamisa.m vaa sukha.m vedana.m vediyamaano 'saamisa.m sukha.m vedana.m vediyaamii'ti pajaanaati.|| ||

Niraamisa.m vaa sukha.m vedana.m vediyamaano 'niraamisa.m sukha.m vedana.m vediyaamii'ti pajaanaati.|| ||

Saamisa.m vaa dukkha.m vedana.m vediyamaano 'saamisa.m dukkha.m vedana.m vediyaamii'ti pajaanaati.|| ||

Niraamisa.m vaa dukkha.m vedana.m vediyamaano 'niraamisa.m dukkha.m vedana.m vediyaamii'ti pajaanaati.|| ||

Saamisa.m vaa adukkhamasukha.m vedana.m vediyamaano 'saamiisa.m adukkhamasukha.m vedana.m vediyaamii'ti pajaanaati.|| ||

Niraamisa.m vaa adukkhamasukha.m vedana.m vediyamaano 'niraamisa.m adukkhamasukha.m vedana.m vediyaamii'ti pajaanaati.|| ||

33. Iti ajjhatta.m vaa vedanaasu vedanaanupassii viharati|| ||

Bahiddhaa vaa vedanaasu vedanaanupassii viharati|| ||

Ajjhattabahiddhaa vaa vedanaasu vedanaanupassii viharati|| ||

Samudayadhammaanupassii vaa vedanaasu viharati|| ||

Vayadhammaanupassii vaa vedanaasu viharati|| ||

Samudayavayadhammaanupassii vaa vedanaasu viharati|| ||

Atthi vedanaati vaa panassa sati paccupa.t.thitaa hoti yaavad eva ~naa.namattaaya patissatimattaaya|| ||

Anissito ca viharati|| ||

Na ca ki~nci loke upaadiyati|| ||

Eva.m kho bhikkhave bhikkhu vedanaasu vedanaanupassii viharati.|| ||

34. Katha~n ca bhikkhave bhikkhu citte cittaanupassii viharati?|| ||

Idha, bhikkhave, bhikkhu saraaga.m vaa citta.m saraaga.m cittanti pajaanaati|| ||

Viitaraaga.m vaa citta.m viitaraaga.m cittanti pajaanaati.|| ||

Sadosa.m vaa citta.m sadosa.m cittanti pajaanaati|| ||

Viitadosa.m vaa citta.m viitadosa.m cittanti pajaanaati.|| ||

Samoha.m vaa citta.m samoha.m cittanti pajaanaati|| ||

Viitamoha.m vaa citta.m viitamoha.m cittanti pajaanaati.|| ||

Sa.nkhitta.m vaa citta.m sa.nkhitta.m cittanti pajaanaati|| ||

Vikkhitta.m vaa citta.m vikkhitta.m cittanti pajaanaati.|| ||

Mahaggata.m vaa citta.m mahaggata.m cittanti pajaanaati|| ||

Amahaggata.m vaa citta.m amahaggata.m cittanti pajaanaati.|| ||

Sauttara.m vaa citta.m sauttara.m cittanti pajaanaati|| ||

Anuttara.m vaa citta.m anuttara.m cittanti pajaanaati.|| ||

Samaahita.m vaa citta.m samaahita.m cittanti pajaanaati|| ||

Asamaahita.m vaa citta.m asamaahita.m cittanti pajaanaati.|| ||

Vimutta.m vaa citta.m vimutta.m cittanti pajaanaati|| ||

Avimutta.m vaa citta.m avimutta.m cittanti pajaanaati.|| ||

35. Iti ajjhatta.m vaa citte cittaanupassii viharati|| ||

Bahiddhaa vaa citte cittaanupassii viharati|| ||

Ajjhattabahiddhaa vaa citte cittaanupassii viharati|| ||

Samu- [60] dayadhammaanupassii vaa cittasmi.m viharati|| ||

Vayadhammaanupassii vaa cittasmi.m viharati samudayavayadhammaanupassii vaa cittasmi.m viharati|| ||

Atthi cittanti vaa panassa sati paccupa.t.thitaa hoti yaavad eva ~naa.namattaaya patissatimattaaya|| ||

Anissito ca viharati|| ||

Na ca ki~nci loke upaadiyati|| ||

Eva.m kho bhikkhave bhikkhu citte cittaanupassii viharati.|| ||

36. Katha~n ca bhikkhave bhikkhu dhammesu dhammaanupassii viharati?|| ||

Idha, bhikkhave, bhikkhu dhammesu dhammaanupassii viharati pa~ncasu niivara.nesu.|| ||

Katha~n ca bhikkhave bhikkhu dhammesu dhammaanupassii viharati pa~ncasu niivara.nesu?|| ||

Idha, bhikkhave, bhikkhu santa.m vaa ajjhatta.m kaamacchanda.m 'atthi me ajjhatta.m kaamacchando'ti pajaanaati.|| ||

Asanta.m vaa ajjhatta.m kaamacchanda.m 'n'atthi me ajjhatta.m kaamacchando'ti pajaanaati.|| ||

Yathaa ca anuppannassa kaamacchandassa uppaado hoti,||
ta~n ca pajaanaati|| ||

Yathaa ca uppannassa kaamacchandassa pahaana.m hoti,||
ta~n ca pajaanaati|| ||

Yathaa ca pahiinassa kaamacchandassa aayati.m anuppaado hoti,||
ta~n ca pajaanaati.|| ||

Santa.m vaa ajjhatta.m vyaapaada.m 'atthi me ajjhatta.m vyaapaado'ti pajaanaati.|| ||

Asanta.m vaa ajjhatta.m vyaapaada.m 'n'atthi me ajjhatta.m vyaapaado'ti pajaanaati.|| ||

Yathaa ca anuppannassa vyaapaadassa uppaado hoti,||
ta~n ca pajaanaati|| ||

Yathaa ca uppannassa vyaapaadassa pahaana.m hoti,||
ta~n ca pajaanaati|| ||

Yathaa ca pahiinassa vyaapaadassa aayati.m anuppaado hoti,||
ta~n ca pajaanaati.|| ||

Santa.m vaa ajjhatta.m thiinamiddha.m'atthi me ajjhatta.m thiinamiddhan' ti.pajaanaati.|| ||

Asanta.m vaa ajjhatta.m thiinamiddha.m 'n'atthi me ajjhatta.m thiinamiddhanti,||
pajaanaati.|| ||

Yathaa ca anuppannassa thiinamiddhassa uppaado hoti,||
ta~n ca pajaanaati|| ||

Yathaa ca uppannassa thiinamiddhassa pahaana.m hoti,||
ta~n ca pajaanaati|| ||

Yathaa ca pahiinassa thiinamiddhassa aayati.m anuppaado hoti,||
ta~n ca pajaanaati.|| ||

Santa.m vaa ajjhatta.m uddhaccakukkucca.m 'atthi me ajjhatta.m uddhaccakukkucca'nti pajaanaati.|| ||

Asanta.m vaa ajjhatta.m uddhaccakukkucca.m'n'atthi me ajjhatta.m uddhaccakukkucca'nti pajaanaati.|| ||

Yathaa ca anuppannassa uddhaccakukkuccassa uppaado hoti,||
ta~n ca pajaanaati|| ||

Yathaa ca uppannassa uddhaccakukkuccassa pahaana.m hoti,||
ta~n ca pajaanaati|| ||

Yathaa ca pahiinassa uddhaccakukkuccassa aayati.m anuppaado hoti,||
ta~n ca pajaanaati.|| ||

Santa.m vaa ajjhatta.m vicikiccha.m atthi me ajjhatta.m vicikicchaa'ti pajaanaati.|| ||

Asanta.m vaa ajjhatta.m vicikiccha.m'n'atthi me ajjhatta.m vicikicchaa'ti pajaanaati.|| ||

Yathaa ca anuppannaaya vicikicchaaya uppaado hoti,||
ta~n ca pajaanaati|| ||

Yathaa ca uppannaaya vicikicchaaya pahaana.m hoti,||
ta~n ca pajaanaati|| ||

Yathaa ca pahiinaaya vicikicchaaya aayati.m anuppaado hoti,||
ta~n ca pajaanaati.|| ||

37. Iti ajjhatta.m vaa dhammesu dhammaanupassii viharati|| ||

Bahiddhaa vaa dhammesu dhammaanupassii viharati|| ||

Ajjhattabahiddhaa vaa dhammesu dhammaanupassii viharati|| ||

Samudayadhammaanupassii vaa dhammesu viharati|| ||

Vayadhammaanupassii vaa dhammesu viharati|| ||

Samudayavayadhammaanupassii vaa dhammesu viharati|| ||

Atthi dhammaati vaa panassa sati paccupa.t.thitaa hoti yaavad eva ~naa.namattaaya patissatimattaaya|| ||

Anissito ca viharati|| ||

Na ca ki~nci loke upaadiyati|| ||

Eva.m kho bhikkhave bhikkhu dhammesu dhammaanupassii viharati pa~ncasu niivara.nesu.|| ||

38. Puna ca para.m bhikkhave bhikkhu dhammesu dham- [61] maanupassii viharati pa~ncasupaadaanakkhandhesu.|| ||

Katha~n ca bhikkhave bhikkhu dhammesu dhammaanupassii viharati pa~ncasupaadaanakkhandhesu.|| ||

Idha, bhikkhave, bhikkhu|| ||

Iti ruupa.m,||
iti ruupassa samudayo,||
iti ruupassa atthagamo.|| ||

Iti vedanaa,||
iti vedanaaya samudayo,||
iti vedanaaya atthagamo.|| ||

Iti sa~n~naa,||
iti sa~n~naaya samudayo,||
iti sa~n~naaya atthagamo.|| ||

Iti sa.nkhaaraa,||
iti sa.nkhaaraana.m samudayo,||
iti sa.nkhaaraana.m atthagamo.|| ||

Iti vi~n~naa.na.m,||
iti vi~n~naa.nassa samudayo,||
iti vi~n~naa.nassa atthagamo' ti.|| ||

39. Iti ajjhatta.m vaa dhammesu dhammaanupassii viharati|| ||

Bahiddhaa vaa dhammesu dhammaanupassii viharati|| ||

-Ajjhattabahiddhaa vaa dhammesu dhammaanupassii viharati|| ||

Samudayadhammaanupassii vaa dhammesu viharati|| ||

Vayadhammaanupassii vaa dhammesu viharati|| ||

Samudaya -vayadhammaanupassii vaa dhammesu viharati|| ||

Atthi dhammaati vaa panassa sati paccupa.t.thitaa hoti yaavad eva ~naa.namattaaya patissatimattaaya|| ||

Anissito ca viharati na ca ki~nci loke upaadiyati|| ||

Eva.m kho bhikkhave bhikkhu dhammesu dhammaanupassii viharati pa~ncasupaadaanakkhandhesu.|| ||

40. Puna ca para.m bhikkhave bhikkhu dhammesu dhammaanupassii viharati chasu ajjhattikabaahiresu aayatanesu.|| ||

Katha~n ca bhikkhave bhikkhu dhammesu dhammaanupassii viharati chasu ajjhattikabaahiresu aayatanesu?|| ||

Idha, bhikkhave, bhikkhu cakkhu~nca pajaanaati|| ||

Ruupe ca pajaanaati.|| ||

Ya~n ca tadubh aya.m pa.ticca uppajjati sa.myojana.m,||
ta~n ca pajaanaati|| ||

Yathaa ca anuppannassa sa.myojanassa uppaado hoti,||
ta~n ca pajaanaati|| ||

Yathaa ca uppannassa sa.myojanassa pahaana.m hoti|| ||

Ta~n ca pajaanaati|| ||

Yathaa ca pahiinassa sa.myojanassa aayati.m anuppaado hoti,||
ta~n ca pajaanaati.|| ||

Sota~n ca pajaanaati|| ||

Sadde ca pajaanaati ya~n ca tadubh aya.m pa.ticca uppajjati sa.myojana.m,||
ta~n ca pajaanaati|| ||

|| ||

Yathaa ca anuppannassa sa.myojanassa uppaado hoti,||
ta~n ca pajaanaati|| ||

Yathaa ca uppannassa sa.myojanassa pahaana.m hoti|| ||

Ta~n ca pajaanaati|| ||

Yathaa ca pahiinassa sa.myojanassa aayati.m anuppaado hoti,||
ta~n ca pajaanaati.|| ||

Ghaa.na~nca pajaanaati|| ||

Gandhe ca pajaanaati ya~n ca tadubh aya.m pa.ticca uppajjati sa.myojana.m,||
ta~n ca pajaanaati.|| ||

Yathaa ca anuppannassa sa.myojanassa uppaado hoti,||
ta~n ca pajaanaati|| ||

Yathaa ca uppannassa sa.myojanassa pahaana.m hoti|| ||

Ta~n ca pajaanaati|| ||

Yathaa ca pahiinassa sa.myojanassa aayati.m anuppaado hoti,||
ta~n ca pajaanaati.|| ||

Jivha~nca pajaanaati|| ||

Rase ca pajaanaati ya~n ca tadubh aya.m pa.ticca uppajjati sa.myojana.m,||
ta~n ca pajaanaati.|| ||

Yathaa ca anuppannassa sa.myojanassa uppaado hoti,||
ta~n ca pajaanaati|| ||

Yathaa ca uppannassa sa.myojanassa pahaana.m hoti|| ||

Ta~n ca pajaanaati|| ||

Yathaa ca pahiinassa sa.myojanassa aayati.m anuppaado hoti,||
ta~n ca pajaanaati.|| ||

Kaaya~n ca pajaanaati|| ||

Pho.t.thabbe ca pajaanaati ya~n ca tadubh aya.m pa.ticca uppajjati sa.myojana.m,||
ta~n ca pajaanaati.|| ||

Yathaa ca anuppannassa sa.myojanassa uppaado hoti,||
ta~n ca pajaanaati|| ||

Yathaa ca uppannassa sa.myojanassa pahaana.m hoti|| ||

Ta~n ca pajaanaati|| ||

Yathaa ca pahiinassa sa.myojanassa aayati.m anuppaado hoti,||
ta~n ca pajaanaati.|| ||

Mana~nca pajaanaati|| ||

Dhamme ca pajaanaati ya~n ca tadubh aya.m pa.ticca uppajjati sa.myojana.m,||
ta~n ca pajaanaati.|| ||

Yathaa ca anuppannassa sa.myojanassa uppaado hoti,||
ta~n ca pajaanaati|| ||

Yathaa ca uppannassa sa.myojanassa pahaana.m hoti|| ||

Ta~n ca pajaanaati|| ||

Yathaa ca pahiinassa sa.myojanassa aayati.m anuppaado hoti,||
ta~n ca pajaanaati. || ||

41. Iti ajjhatta.m vaa dhammesu dhammaanupassii viharati|| ||

Bahiddhaa vaa dhammesu dhammaanupassii viharati|| ||

Ajjhattabahiddhaa vaa dhammesu dhammaanupassii viharati|| ||

Samudayadhammaanupassii vaa dhammesu viharati|| ||

Vayadhammaanupassii vaa dhammesu viharati|| ||

Samudayavayadhammaanupassii vaa dhammesu viharati|| ||

Atthi dhammaati vaa panassa sati paccupa.t.thitaa hoti yaavad eva ~naa.namattaaya patissatimattaaya|| ||

Anissito ca viharati|| ||

Na ca ki~nci loke upaadiyati|| ||

Eva.m kho bhikkhave bhikkhu dhammesu dhammaanupassii viharati chasu ajjhattikabaahiresu aayatanesu.|| ||

42. Puna ca para.m bhikkhave bhikkhu dhammesu dhammaanupassii viharati sattasu bojjha.ngesu.|| ||

Katha~n ca bhikkhave bhikkhu dhammesu dhammaanupassii viharati sattasu bojjha.ngesu?|| ||

Idha, bhikkhave, bhikkhu santa.m vaa ajjhatta.m satisambojjha.nga.m atthi me ajjhatta.m satisambojjha.ngo'ti pajaanaati.|| ||

Asanta.m vaa ajjhatta.m satisambojjha.nga.m 'n'atthi [62] me ajjhatta.m satisambojjha.ngo'ti pajaanaati -|| ||

Yathaa ca anuppannassa satisambojjha.ngassa uppaado hoti,||
ta~n ca pajaanaati|| ||

Yathaa ca uppannassa satisambojjha.ngassa bhaavanaapaaripuurii hoti,||
ta~n ca pajaanaati.|| ||

Santa.m vaa ajjhatta.m dhammavicayasambojjha.nga.m 'atthi me ajjhatta.m dhammavicayasambojjha.ngo'ti pajaanaati.|| ||

Asanta.m vaa ajjhatta.m dhammavicayasambojjha.nga.m 'n'atthi me ajjhatta.m dhammavicayasambojjha.ngo'ti pajaanaati.|| ||

Yathaa ca anuppannassa dhammavicayasambojjha.ngassa uppaado hoti,||
ta~n ca pajaanaati|| ||

Yathaa ca uppannassa dhammavicayasambojjha.ngassa bhaavanaapaaripuurii hoti,||
ta~n ca pajaanaati.|| ||

Santa.m vaa ajjhatta.m viriyasambojjha.nga.m atthi me 'ajjhatta.m viriyasambojjha.ngo'ti pajaanaati.|| ||

Asanta.m vaa ajjhatta.m viriyasambojjha.nga.m 'n'atthi me ajjhatta.m viriyasambojjha.ngo'ti pajaanaati.|| ||

Yathaa ca anuppannassa viriyasambojjha.ngassa uppaado hoti,||
ta~n ca pajaanaati|| ||

Yathaa ca uppannassa viriyasambojjha.ngassa bhaavanaapaaripuurii hoti ta~n ca pajaanaati.|| ||

Santa.m vaa ajjhatta.m piitisambojjha.nga.m atthi me 'ajjhatta.m piitisambojjha.ngo'ti pajaanaati.|| ||

Asanta.m vaa ajjhatta.m piitisambojjha.nga.m 'n'atthi me ajjhatta.m piitisambojjha.ngo'ti pajaanaati.|| ||

Yathaa ca anuppannassa piitisambojjha.ngassa uppaado hoti,||
ta~n ca pajaanaati|| ||

Yathaa ca uppannassa piitisambojjha.ngassa bhaavanaapaaripuurii hoti ta~n ca pajaanaati.|| ||

Santa.m vaa ajjhatta.m passaddhisambojjha.nga.m atthi me' ajjhatta.m passaddhisambojjha.ngo'ti pajaanaati.|| ||

Asanta.m vaa ajjhatta.m passaddhisambojjha.nga.m 'n'atthi me ajjhatta.m passaddhisambojjha.ngo'ti pajaanaati.|| ||

Yathaa ca anuppannassa passaddhisambojjha.ngassa uppaado hoti,||
ta~n ca pajaanaati|| ||

Yathaa ca uppannassa passaddhisambojjha.ngassa bhaavanaapaaripuurii hoti ta~n ca pajaanaati.|| ||

Santa.m vaa ajjhatta.m samaadhisambojjha.nga.m atthi me ajjhatta.m samaadhisambojjha.ngo'ti pajaanaati.|| ||

Asanta.m vaa ajjhatta.m samaadhisambojjha.nga.m 'n'atthi me ajjhatta.m samaadhisambojjha.ngo'ti pajaanaati.|| ||

Yathaa ca anuppannassa samaadhisambojjha.ngassa uppaado hoti,||
ta~n ca pajaanaati|| ||

Yathaa ca uppannassa samaadhisambojjha.ngassa bhaavanaapaaripuurii hoti ta~n ca pajaanaati.|| ||

Santa.m vaa ajjhatta.m upekkhaasambojjha.nga.m atthi me' ajjhatta.m upekkhaasambojjha.ngo'ti pajaanaati.|| ||

Asanta.m vaa ajjhatta.m upekkhaasambojjha.nga.m 'n'atthi me ajjhatta.m upekkhaasambojjha.ngo'ti pajaanaati.|| ||

Yathaa ca anuppannassa upekkhaasambojjha.ngassa uppaado hoti,||
ta~n ca pajaanaati|| ||

Yathaa ca uppannassa upekkhaasambojjha.ngassa bhaavanaapaaripuurii hoti ta~n ca pajaanaati.|| ||

43. Iti ajjhatta.m vaa dhammesu dhammaanupassii viharati|| ||

Bahiddhaa vaa dhammesu dhammaanupassii viharati|| ||

Ajjhattabahiddhaa vaa dhammesu dhammaanupassii viharati|| ||

Samudayadhammaanupassii vaa dhammesu viharati|| ||

Vayadhammaanupassii vaa dhammesu viharati|| ||

Samudayavayadhammaanupassii vaa dhammesu viharati|| ||

Atthi dhammaati vaa panassa sati paccupa.t.thitaa hoti yaavad eva ~naa.namattaaya patissatimattaaya|| ||

Anissito ca viharati|| ||

Na ca ki~nci loke upaadiyati|| ||

Evam pi kho bhikkhave bhikkhu dhammesu dhammaanupassii viharati sattasu bojjha.ngesu.|| ||

44. Puna ca para.m bhikkhave bhikkhu dhammesu dhammaanupassii viharati catusu ariyasaccesu.|| ||

Katha~n ca bhikkhave bhikkhu dhammesu dhammaanupassii viharati catusu ariyasaccesu?|| ||

Idha, bhikkhave, bhikkhu 'ida.m dukkhan ti yathaabhuuta.m pajaanaati.|| ||

Aya.m dukkhasamudayo' ti yathaabhuuta.m pajaanaati.|| ||

Aya.m dukkhanirodho' ti yathaabhuuta.m pajaanaati.|| ||

Aya.m dukkhanirodhagaaminii pa.tipadaa' ti yathaabhuuta.m pajaanaati.|| ||

45. Iti ajjhatta.m vaa dhammesu dhammaanupassii viharati|| ||

Bahiddhaa vaa dhammesu dhammaanupassii viharati|| ||

Ajjhattabahiddhaa vaa dhammesu dhammaanupassii viharati|| ||

Samudayadhammaanupassii vaa dhammesu viharati,||
vayadhammaanupassii vaa dhammesu viharati|| ||

Samudayavayadhammaanupassii vaa dhammesu viharati|| ||

Atthi dhammaati vaa panassa sati paccupa.t.thitaa hoti yaavad eva ~naa.namattaaya patissatimattaaya|| ||

Anissito ca viharati|| ||

Na ca ki~nci loke upaadiyati|| ||

Evam pi kho bhikkhave bhikkhu dhammesu dhammaanupassii viharati catusu ariyasaccesu.|| ||

46. Yo hi ko ci bhikkhave ime cattaaro satipa.t.thaane eva.m bhaaveyya satta vassaani,||
tassa dvinna.m phalaana.m a~n~natara.m phala.m paa.tika.nkha.m: di.t.the va dhamme a~n~naa,||
sati vaa upaadisese anaagaamitaa.|| ||

Ti.t.thantu bhikkhave satta vassaani,||
yo hi [63] ko ci bhikkhave ime cattaaro satipa.t.thaane eva.m bhaaveyya chabbassaani tassa dvinna.m phalaana.m a~n~natara.m phala.m paa.tika.nkha.m: di.t.the va dhamme a~n~naa,||
sati vaa upaadisese anaagaamitaa.|| ||

Ti.t.thantu bhikkhave chabbassaani,||
yo hi ko ci bhikkhave ime cattaaro satipa.t.thaane eva.m bhaaveyya pa~ncavassaani tassa dvinna.m phalaana.m a~n~natara.m phala.m paa.tika.nkha.m: di.t.the va dhamme a~n~naa,||
sati vaa upaadisese anaagaamitaa.|| ||

Ti.t.thantu bhikkhave pa~ncavassaani,||
yo hi ko ci bhikkhave ime cattaaro satipa.t.thaane eva.m bhaaveyya cattaari vassaani tassa dvinna.m phalaana.m a~n~natara.m phala.m paa.tika.nkha.m: di.t.the va dhamme a~n~naa,||
sati vaa upaadisese anaagaamitaa.|| ||

Ti.t.thantu bhikkhave cattaari vassaani,||
yo hi ko ci bhikkhave ime cattaaro satipa.t.thaane eva.m bhaaveyya tii.ni vassaani tassa dvinna.m phalaana.m a~n~natara.m phala.m paa.tika.nkha.m: di.t.the va dhamme a~n~naa,||
sati vaa upaadisese anaagaamitaa.|| ||

Ti.t.thantu bhikkhave tii.ni vassaani,||
yo hi ko ci bhikkhave ime cattaaro satipa.t.thaane eva.m bhaaveyya dve vassaani tassa dvinna.m phalaana.m a~n~natara.m phala.m paa.tika.nkha.m: di.t.the va dhamme a~n~naa,||
sati vaa upaadisese anaagaamitaa.|| ||

Ti.t.thantu bhikkhave dve vassaani,||
yo hi ko ci bhikkhave ime cattaaro satipa.t.thaane eva.m bhaaveyya eka.m vassa.m tassa dvinna.m phalaana.m a~n~natara.m phala.m paa.tika.nkha.m: di.t.the va dhamme a~n~naa,||
sati vaa upaadisese anaagaamitaa.|| ||

Ti.t.thantu bhikkhave eka.m vassa.m,||
yo hi ko ci bhikkhave ime cattaaro satipa.t.thaane eva.m bhaaveyya satta maasaani,||
tassa dvinna.m phalaana.m a~n~natara.m phala.m paa.tika.nkha.m: di.t.the va dhamme a~n~naa,||
sati vaa upaadisese anaagaamitaa.|| ||

Ti.t.thantu bhikkhave satta maasaani,||
yo hi ko ci bhikkhave ime cattaaro sati satipa.t.thaane eva.m bhaaveyya cha maasaani tassa dvinna.m phalaana.m a~n~natara.m phala.m paa.tika.nkha.m: di.t.the va dhamme a~n~naa,||
sati vaa upaadisese anaagaamitaa.|| ||

Ti.t.thantu bhikkhave cha maasaani,||
yo hi ko ci bhikkhave ime cattaaro sati satipa.t.thaane eva.m bhaaveyya' pa~nca maasaani tassa dvinna.m phalaana.m a~n~natara.m phala.m paa.tika.nkha.m: di.t.the va dhamme a~n~naa,||
sati vaa upaadisese anaagaamitaa.|| ||

Ti.t.thantu bhikkhave pa~nca maasaani,||
yo hi ko ci bhikkhave ime cattaaro sati satipa.t.thaane eva.m bhaaveyya' cattaari maasaani tassa dvinna.m phalaana.m a~n~natara.m phala.m paa.tika.nkha.m: di.t.the va dhamme a~n~naa,||
sati vaa upaadisese anaagaamitaa.|| ||

Ti.t.thantu bhikkhave cattaari maasaani,||
yo hi ko ci bhikkhave ime cattaaro sati satipa.t.thaane eva.m bhaaveyya' tii.ni maasaani tassa dvinna.m phalaana.m a~n~natara.m phala.m paa.tika.nkha.m: di.t.the va dhamme a~n~naa,||
sati vaa upaadisese anaagaamitaa.|| ||

Ti.t.thantu bhikkhave tii.ni maasaani,||
yo hi ko ci bhikkhave ime cattaaro sati satipa.t.thaane eva.m bhaaveyya' dve maasaani tassa dvinna.m phalaana.m a~n~natara.m phala.m paa.tika.nkha.m: di.t.the va dhamme a~n~naa sati vaa upaadisese anaagaamitaa.|| ||

Ti.t.thantu bhikkhave dve maasaani,||
yo hi ko ci bhikkhave ime cattaaro sati satipa.t.thaane eva.m bhaaveyya' maasa.m tassa dvinna.m phalaana.m a~n~natara.m phala.m paa.tika.nkha.m: di.t.the va dhamme a~n~naa sati vaa upaadisese anaagaamitaa.|| ||

Ti.t.thatu bhikkhave maasa.m,||
yo hi ko ci bhikkhave ime cattaaro sati satipa.t.thaane eva.m bhaaveyya' addhamaasa.m,||
tassa dvinna.m phalaana.m a~n~natara.m phala.m paa.tika.nkha.m: di.t.the va dhamme a~n~naa,||
sati vaa upaadisese anaagaamitaa.|| ||

Ti.t.thatu bhikkhave addhamaaso,||
yo hi ko ci bhikkhave ime cattaaro satipa.t.thaane eva.m bhaaveyya sattaaha.m,||
tassa dvinna.m phalaana.m a~n~natara.m phala.m paa.tika.nkha.m: di.t.the va dhamme a~n~naa,||
sati vaa upaadisese anaagaamitaa.|| ||

47. "Ekaayano aya.m bhikkhave maggo sattaana.m visuddhiyaa sokapariddavaana.m samatikkamaaya dukkhadomanassaana.m attha-gamaaya ~naayassa adhigamaaya nibbaanassa sacchikiriyaaya yadida.m cattaaro satipa.t.thaanaa" ti,||
iti yanta.m vutta.m idameta.m pa.ticca vuttanti.|| ||

Idam avoca Bhagavaa.|| ||

Attamanaa te bhikkhuu Bhagavato bhaasita.m abhinandunti.|| ||

Satipa.t.thaanasutta.m dasama.m.


Contact:
E-mail
Copyright Statement