Majjhima Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Majjhima Nikaaya
I. Muulapa.n.naasa
2. Siihanaada Vagga

Sutta 16

Ceto-Khila Sutta.m

Based on the 'Sri Lanka Buddha Jayanti Tripitaka Series.'

 


 

[1][bs][chlm][pts][upal] Eva.m me suta.m:|| ||

Eka.m samaya.m Bhagavaa Saavatthiiya.m viharati Jetavane Anaathapi.n.dikassa aaraame.

Tatra kho Bhagavaa bhikkhuu aamantesi:|| ||

"Bhikkhavo" ti.

"Bhadante" ti te bhikkhuu Bhagavato paccassosu.m||
Bhagavaa etad avoca:|| ||

2. "Yassa kassa ci bhikkhave bhikkhuno pa~nca ceto-khilaa appahiinaa,||
pa~nca cetaso vinibandhaa asamucchinnaa,||
so vat'imasmi.m dhamma-vinaye vu.d.dhi.m viruu.lhi.m vepulla.m aapajjissatii ti||
n'eta.m .thaana.m vijjati.|| ||

3. Katam'assa pa~nca ceto-khilaa appahiinaa honti?|| ||

Idha, bhikkhave, bhikkhu Satthari ka'nkhati||
vicikicchati||
naadhimuccati||
na sampasiidati.

Yo so bhikkhave bhikkhu Satthari ka'nkhati||
vicikicchati||
naadhimuccati||
na sampasiidati,||
tassa citta.m na namati||
aatappaaya||
anuyogaaya||
saataccaaya||
padhaanaaya.

Yassa citta.m na namati||
aatappaaya||
anuyogaaya||
saataccaaya||
padhaanaaya,||
evam assaaya.m pa.thamo ceto-khilo appahiino hoti.|| ||

4. Puna ca para.m bhikkhave bhikkhu dhamme ka'nkhati||
vicikicchati||
naadhimuccati||
na sampasiidati.

Yo so bhikkhave bhikkhu dhamme ka'nkhati||
vicikicchati||
naadhimuccati||
na sampasiidati,||
tassa citta.m na namati||
aatappaaya||
anuyogaaya||
saataccaaya||
padhaanaaya.

Yassa citta.m na namati||
aatappaaya||
anuyogaaya||
saataccaaya||
padhaanaaya,||
evam assaaya.m dutiyo ceto-khilo appahiino hoti.|| ||

5. Puna ca para.m bhikkhave bhikkhu sa'nghe ka'nkhati||
vicikicchati||
naadhimuccati||
na sampasiidati.

Yo so bhikkhave bhikkhu sa'nghe ka'nkhati||
vicikicchati||
naadhimuccati||
na sampasiidati,||
tassa citta.m na namati||
aatappaaya||
anuyogaaya||
saataccaaya||
padhaanaaya.

Yassa citta.m na namati,||
aatappaaya||
anuyogaaya||
saataccaaya||
padhaanaaya,||
evam assaaya.m tatiyo ceto-khilo appahiino hoti.|| ||

6. Puna ca para.m bhikkhave bhikkhu sikkhaaya ka'nkhati||
vicikicchati||
naadhimuccati||
na sampasiidati.

Yo so bhikkhave bhikkhu sikkhaaya ka'nkhati||
vicikicchati||
naadhimuccati||
na sampasiidati,||
tassa citta.m na namati||
aatappaaya||
anuyogaaya||
saataccaaya||
padhaanaaya.

Yassa citta.m na namati||
aatappaaya||
anuyogaaya||
saataccaaya||
padhaanaaya,||
evam assaaya.m catuttho ceto-khilo appahiino hoti.|| ||

7. Puna ca para.m bhikkhave bhikkhu sabrahmacaariisu kupito hoti||
anattamano||
aahatacitto||
khilajaato.

Yo so bhikkhave bhikkhu sabrahmacaariisu kupito hoti||
anattamano||
aahatacitto||
khilajaato,||
tassa citta.m na namati||
aatappaaya||
anuyogaaya||
saataccaaya||
padhaanaaya.|| ||

Yassa citta.m na namati||
aatappaaya||
anuyogaaya||
saataccaaya||
padhaanaaya,||
evam assaaya.m pa~ncamo ceto-khilo appahiino hoti.|| ||

Imassa pa~nca ceto-khilaa appahiinaa honti.|| ||

 


 

8. Katam'assa pa~nca cetaso vinibandhaa asamucchinnaa honti?|| ||

Idha, bhikkhave, bhikkhu kaame aviita-raago hoti||
avigata-chando,||
avigata-pemo,||
avigata-pipaaso,||
avigata-pari.laaho,||
avigata-ta.nho.

Yo so bhikkhave bhikkhu kaame aviita-raago hoti||
avigata-chando,||
avigata-pemo,||
avigata-pipaaso,||
avigata-pari.laaho,||
avigata-ta.nho,||
tassa citta.m na namati||
aatappaaya,||
anuyogaaya,||
saataccaaya,||
padhaataaya.

Yassa citta.m na namati||
aatappaaya,||
anuyogaaya,||
saataccaaya,||
padhaanaaya,||
evam assaaya.m pa.thamo cetaso vinibandho asamucchinno hoti.

[102] 9. Puna ca para.m bhikkhave bhikkhu kaaye aviita-raago||
avigata-chando,||
avigata-pemo,||
avigata-pipaaso,||
avigata-pari.laaho,||
avigata-ta.nho.

Yo so bhikkhave bhikkhu kaaye aviita-raago hoti||
avigata-chando,||
avigata-pemo,||
avigata-pipaaso,||
avigata-pari.laaho,||
avigata-ta.nho,||
tassa citta.m na namati||
aatappaaya,||
anuyogaaya,||
saataccaaya,||
padhaanaaya.

Yassa citta.m na namati||
aatappaaya,||
anuyogaaya,||
saataccaaya,||
padhaanaaya,||
evam assaaya.m dutiyo cetaso vinibandho asamucchinno hoti.|| ||

10. Puna ca para.m bhikkhave bhikkhu ruupe aviita-raago hoti||
avigata-chando,||
avigata-pemo,||
avigata-pipaaso,||
avigata-pari.laaho,||
avigata-ta.nho.

Yo so bhikkhave bhikkhu ruupe aviita-raago hoti||
avigata-chando,||
avigata-pemo,||
avigata-pipaaso,||
avigata-pari.laaho,||
avigata-ta.nho,||
tassa citta.m na namati||
aatappaaya,||
anuyogaaya,||
saataccaaya,||
padhaanaaya.

Yassa citta.m na namati||
aatappaaya||
anuyogaaya||
saataccaaya||
padhaanaaya,||
evam assaaya.m tatiyo cetaso vinibandho asamucchinno hoti.|| ||

11. Puna ca para.m bhikkhave bhikkhu yaavadattha.m||
udaraavadehaka.m,||
bhu~njitvaa,||
seyyasukha.m,||
passasukha.m,||
middhasukha.m||
anuyutto viharati.

Yo so bhikkhave bhikkhu yaavadattha.m||
udaraavadehaka.m||
bhu~njitvaa,||
seyyasukha.m,||
passasukha.m,||
middhasukha.m,||
anuyutto viharati,||
tassa citta.m na namati||
aatappaaya,||
anuyogaaya,||
saataccaaya,||
padhaanaaya.

Yassa citta.m na namati||
aatappaaya,||
anuyogaaya,||
saataccaaya,||
padhaanaaya,||
evam assaaya.m catuttho cetaso vinibandho asamucchinno hoti.|| ||

12. Puna ca para.m bhikkhave bhikkhu a~n~natara.m||
devanikaaya.m||
pa.nidhaaya brahmacariya.m carati:||
iminaaha.m siilena vaa vatena vaa tapena vaa brahmacariyena vaa devo vaa bhavissaami deva~n~nataro vaati.

Yo so bhikkhave bhikkhu a~n~natara.m devanikaaya.m pa.nidhaaya brahmacariya.m carati: iminaaha.m siilena vaa vatena vaa tapena vaa brahmacariye vaa devo vaa bhavissaami deva~n~nataro vaati,||
tassa citta.m na namati aatappaaya anuyogaaya saataccaaya padhaanaaya.

Yassa citta.m na namati aatappaaya anuyogaaya saataccaaya padhaanaaya,||
evamassaaya.m pa~ncamo cetaso vinibandho asamucchinno hoti.|| ||

Im'assa pa~nca cetaso vinibandhaa asamucchinnaa honti.|| ||

13. Yassa kassaci bhikkhave bhikkhuno ime pa~nca ceto-khilaa appahiinaa,||
ime pa~nca cetaso vinibandhaa asamucchinnaa,||
so vat'imasmi.m dhamma-vinaye vu.d.dhi.m viruu.lhi.m aapajjissatii ti||
n'eta.m .thaana.m vijjati.|| ||

 

§

 

14. Yassa kassa ci bhikkhave bhikkhuno pa~nca ceto-khilaa pahiinaa,||
pa~nca cetaso vinibandhaa susamucchinnaa,||
so vat'imasmi.m dhamma-vinaye vu.d.dhi.m viruu.lhi.m vepulla.m aapajjissatii ti||
.thaaname ta.m vijjati.|| ||

 


 

15. Katam'assa pa~nca ceto-khilaa pahiinaa honti?|| ||

Idha, bhikkhave, bhikkhu satthari na ka'nkhati||
na vicikicchati||
adhimuccati||
sampasiidati.

Yo so bhikkhave bhikkhu satthari na ka'nkhati||
na vicikicchati||
adhimuccati,||
sampasiidati,||
tassa citta.m namati||
aatappaaya||
anuyogaaya||
saataccaaya||
padhaanaaya.

Yassa citta.m namati||
aatappaaya||
anuyogaaya||
saataccaaya||
padhaanaaya,||
evam assaaya.m pa.thamo ceto-khilo pahiino hoti.|| ||

16. Puna ca para.m bhikkhave bhikkhu dhamme na ka'nkhati||
na vicikicchati||
adhimuccati||
sampasiidati.

Yo so bhikkhave bhikkhu dhamme na ka'nkhati||
na vicikicchati||
adhimuccati||
sampasiidati,||
tassa citta.m namati||
aatappaaya||
anuyogaaya||
saataccaaya||
padhaanaaya.

Yassa citta.m namati||
aatappaaya||
anuyogaaya||
saataccaaya||
padhaanaaya,||
evam assaaya.m dutiyo ceto-khilo pahiino hoti.|| ||

17. Puna ca para.m bhikkhave bhikkhu sa'nghe na ka'nkhati||
na vicikicchati||
adhimuccati||
sampasiidati.

Yo so bhikkhave bhikkhu sa'nghe na ka'nkhati||
na vicikicchati||
adhimuccati||
sampasiidati,||
tassa citta.m namati||
aatappaaya||
anuyogaaya||
saataccaaya||
padhaanaaya.

Yassa citta.m namati||
aatappaaya||
anuyogaaya||
saataccaaya||
padhaanaaya,||
evam assaaya.m tatiyo ceto-khilo pahiino hoti.|| ||

18. Puna ca para.m bhikkhave bhikkhu sikkhaaya na ka'nkhati||
na vicikicchati||
adhimuccati||
sampasiidati.

Yo so bhikkhave bhikkhu sikkhaaya na ka'nkhati||
na vicikicchati||
adhimuccati||
sampasiidati,||
tassa citta.m namati||
aatappaaya||
anuyogaaya||
saataccaaya||
padhaanaaya.

Yassa citta.m namati||
aatap- [103] paaya||
anuyogaaya||
saataccaaya||
padhaanaaya,||
evam assaaya.m catuttho ceto-khilo pahiino hoti.|| ||

19. Puna ca para.m bhikkhave bhikkhu sabrahmacaariisu na kupito hoti||
attamano||
anaahatacitto||
akhilajaato.|| ||

Yo so bhikkhave bhikkhu sabrahmacaariisu na kupito hoti||
attamano||
anaahatacitto||
akhilajaato,||
tassa citta.m namati||
aatappaaya||
anuyogaaya||
saataccaaya||
padhaanaaya.

Yassa citta.m namati||
aatappaaya||
anuyogaaya||
saataccaaya||
padhaanaaya,||
evam assaaya.m pa~ncamo ceto-khilo pahiino hoti.|| ||

Imassa pa~nca ceto-khilaa pahiinaa honti.|| ||

 


 

20. Katam'assa pa~nca cetaso vinibandhaa susamucchinnaa honti?|| ||

Idha, bhikkhave, bhikkhu kaame viita-raago hoti||
vigata-chando||
vigata-pemo||
vigata-pipaaso||
vigata-pari.laaho||
vigata-ta.nho.

Yo so bhikkhave bhikkhu kaame viita-raago hoti||
vigata-chando||
vigata-pemo||
vigata-pipaaso||
vigata-pari.laaho||
vigata-ta.nho,||
tassa citta.m namati||
aatappaaya||
anuyogaaya||
saatacacaaya||
padhaanaaya.

Yassa citta.m namati||
aatappaaya||
anuyogaaya||
saataccaaya||
padhaanaaya||
evam assaaya.m pa.thamo cetaso vinibandho susamucchinno hoti.|| ||

21. Puna ca para.m bhikkhave bhikkhu kaaye viita-raago hoti||
vigata-chando||
vigata-pemo||
vigata-pipaaso||
vigata-pari.laaho||
vigata-ta.nho.

Yo so bhikkhave bhikkhu kaaye viita-raago hoti||
vigata-chando||
vigata-pemo||
vigata-pipaaso||
vigata-pari.laaho||
vigata-ta.nho,||
tassa citta.m namati||
aatappaaya||
anuyogaaya||
saataccaaya||
padhaanaaya.

Yassa citta.m namati||
aatappaaya||
anuyogaaya||
saataccaaya||
padhaanaaya.

Evam assaaya.m dutiyo cetaso vinibandho susamucchinno hoti.|| ||

22. Puna ca para.m bhikkhave bhikkhu ruupe viita-raago hoti||
vigata-chando||
vigata-pemo||
vigata-pipaaso||
vigata-pari.laaho||
vigata-ta.nho.

Yo so bhikkhave bhikkhu ruupe viita-raago hoti||
vigata-chando||
vigata-pemo||
vigata-pipaaso||
vigata-pari.laaho||
vigata-ta.nho,||
tassa citta.m namati||
aatappaaya||
anuyogaaya||
saataccaaya||
padhaanaaya.

Yassa citta.m namati||
aatappaaya||
anuyogaaya||
saataccaaya||
padhaanaaya||
evam assaaya.m tatiyo cetaso vinibandho susamucchinno hoti.|| ||

23. Puna ca para.m bhikkhave bhikkhu na yaavadattha.m||
udaraavadehaka.m||
bhu~njitvaa||
seyyasukha.m||
passasukha.m||
middhasukha.m||
anuyutto viharati.

Yo so bhikkhave bhikkhu na yaavadattha.m||
udaraavadehaka.m||
bhu~njitvaa||
seyyasukha.m||
passasukha.m||
middhasukha.m||
anuyutto viharati,||
tassa citta.m namati||
aatappaaya||
anuyogaaya||
saataccaaya||
padhaanaaya.

Yassa citta.m namati||
aatappaaya||
anuyogaaya||
saataccaaya||
padhaanaaya||
evam assaaya.m catuttho cetaso vinibandho susamucchinno hoti.|| ||

24. Puna ca para.m bhikkhave bhikkhu na a~n~natara.m||
devanikaaya.m||
pa.nidhaaya||
brahmacariya.m carati:||
iminaaha.m siilena vaa||
vatena vaa||
tapena vaa||
brahmacariyena vaa||
devo vaa||
bhavissaami deva~n~nataro vaa ti.

Yo so bhikkhave bhikkhu na a~n~natara.m||
devanikaaya.m||
pa.nidhaaya||
brahmacariya.m carati:||
iminaaha.m siilena vaa||
vatena vaa||
tapena vaa||
brahmacariye vaa||
devo vaa||
bhavissaami deva~n~nataro vaa ti,||
tassa citta.m namati||
aatappaaya||
anuyogaaya||
saataccaaya||
padhaanaaya.

Yassa citta.m namati||
aatappaaya||
anuyogaaya||
saataccaaya||
padhaanaaya,||
evam assaaya.m pa~ncamo cetaso vinibandho susamucchinno hoti.|| ||

Imassa pa~nca cetaso vinibandhaa susamucchinnaa honti.|| ||

 


 

25. Yassa kassa ci bhikkhave bhikkhuno ime pa~nca ceto-khilaa pahiinaa,||
ime pa~nca cetaso vinibandhaa susumucchinnaa,||
so vat'imasmi.m dhamma-vinaye vu.d.dhi.m||
viruu.lhi.m||
vepulla.m||
aapajjissatii ti .thaaname ta.m vijjati.|| ||

26. So chanda-samaadhi-padhaana-sankhaara-samannaagata.m iddhipaada.m bhaaveti.

Viriyasamaadhipadhaanasankhaarasamannaagata.m iddhipaada.m bhaaveti.

Cittasamaadhipadhaanasankhaarasamannaagata.m iddhipaada.m bhaaveti.

Viima.msaasamaadhipadhaanasankhaarasamannaagata.m iddhipaada.m bhaaveti.

Usso.lhiyeva pa~ncamii.|| ||

27. Sa kho so bhikkhave eva.m usso.lhii pannarasa'nga- [104] samannaagato bhikkhu bhabbo abhinibbhidaaya,||
bhabbo sambodhaaya,||
bhabbo anuttarassa yogakkhemassa adhigamaaya.

Seyyathaa pi, bhikkhave, kukku.tiyaa a.n.daani a.t.tha vaa dasa va dvaadasa vaa,||
taan'assu kukku.tiyaa sammaa adhisayitaani,||
sammaa pariseditaani,||
sammaa paribhaavitaani,||
ki~ncaa pi tassaa kukku.tiyaa na eva.m icchaa uppajjeyya:|| ||

'Aho vatime kukku.tapotakaa paadanakhasikhaaya vaa mukhatu.n.dakena vaa a.n.dakosa.m padaaletvaa sotthinaa abhinibbhijjeyyun' ti.

Atha kho bhabbaa va te kukku.ta potakaa paadanakhasikhaaya vaa mukhatu.n.dakena vaa a.n.dakosa.m padaaletvaa sotthinaa abhinibbhijjitu.m.

Evam eva kho bhikkhave eva.m usso.lhii pannarasa'ngasamannaagato bhikkhu bhabbo sambodhaaya,||
bhabbo abhinibbhidaaya,||
bhabbo anuttarassa yogakkhemassa adhigamaayaa" ti.|| ||

Idam avoca Bhagavaa.

Attamanaa te bhikkhuu Bhagavato bhaasita.m abhinandunti.|| ||

ceto-khila Sutta.m cha.t.tha.m


Contact:
E-mail
Copyright Statement