Majjhima Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Majjhima Nikaaya
I. Muulapa.n.naasa
3. Tatiya Vagga

Sutta 23

Vammika Sutta.m

Based on the 'Sri Lanka Buddha Jayanti Tripitaka Series.'

 


 

[1][chlm][pts][upal][olds][swe] Eva.m me suta.m.|| ||

Eka.m samaya.m Bhagavaa Saavatthiya.m viharati Jetavane Anaathapi.n.dikassa aaraame.|| ||

Tena kho pana samayena aayasmaa Kumaara Kassapo andhavane viharati.|| ||

Atha kho a~n~nataraa devataa abhikkantaaya rattiyaa abhikkantava.n.naa kevalakappa.m Andhavana.m obhaasetvaa yen'aayasmaa KumaaraKassapo ten'upasa'nkami,||
Upasa'nkamitvaa eka-m-anta.m a.t.thaasi.||
Eka-m-anta.m .thitaa kho saa devataa aayasmanta.m Kumaarakassapa.m etad avoca:|| ||

[2][pts][upal][olds][swe] Bhikkhu, bhikkhu, aya.m vammiko ratti.m dhuupaayati divaa pajjalati.|| ||

Braahma.no evam aaha:||
'Abhikkha.na su medha sattha.m aadaayaa' ti.|| ||

Abhikkha.nanto su medho sattha.m aadaaya addasa la'ngi.m:||
'La'ngii bhadante' ti.|| ||

Braahma.no evam aaha:||
Ukkhipa la'ngi.m.||
'Abhikkha.na su medha sattha.m aadaayaa' ti.|| ||

Abhikkha.nanto su medho sattha.m aadaaya addasa uddhumaayika.m:||
'Uddhumaayikaa bhadante' ti.|| ||

Braahma.no evam aaha:||
Ukkhipa uddhumaayika.m.||
'Abhikkha.na su medha sattha.m aadaayaa' ti.|| ||

Abhikkha.nanto su medho sattha.m aadaaya addasa dvidhaapatha.m.||
'Dvidhaapatho bhadante' ti.|| ||

Braahma.no evam aaha:||
[143] Ukkhipa dvidhaapatha.m.|| ||

'Abhikkha.na su medha sattha.m aadaayaa' ti.|| ||

Abhikkha.nanto su medho sattha.m aadaaya addasa ca'ngavaara.m.||
'Ca'ngavaara.m bhadante' ti.|| ||

Braahma.no evam aaha:||
Ukkhipa ca'ngavaara.m.||
'Abhikkha.na su medha sattha.m aadaayaa' ti.|| ||

Abhikkha.nanto su medho sattha.m aadaaya addasa kumma.m.||
'Kummo bhadante' ti.|| ||

Braahma.no evam aaha:||
Ukkhipa kumma.m.||
'Abhikkha.na su medha sattha.m aadaayaa' ti.|| ||

Abhikkha.nanto su medho sattha.m aadaaya addasa asisuuna.m.||
'Asisuunaa bhadante' ti.|| ||

Braahma.no evam aaha:||
Ukkhipa asisuuna.m.||
'Abhikkha.na su medha sattha.m aadaayaa' ti.|| ||

Abhikkha.nanto su medho sattha.m aadaaya addasa ma.msapesi.m.||
'Ma.msapesii bhadante' ti.|| ||

Braahma.no evam aaha:||
Ukkhipa ma.msapesi.m.||
'Abhikkha.na su medha sattha.m aadaayaa' ti.|| ||

Abhikkha.nanto su medho sattha.m aadaaya addasa naaga.m.||
'Naago bhadante' ti.|| ||

Braahma.no evam aaha:||
Ti.t.thatu naago.||
Maa naaga.m gha.t.tesi.||
Namo karohi naagassaa'tii.|| ||

[3][pts][upal][olds][swe] Ime kho tva.m bhikkhu pa~nhe Bhagavanta.m upasa'nkamitvaa puccheyyaasi.||
Yathaa te Bhagavaa vyaakaroti tathaa na.m dhaareyyaasi.|| ||

Naaha.m ta.m bhikkhu passaami sadevake loke samaarake sabrahmake sassama.nabraahma.niyaa pajaaya sadeva-manussaaya yo imesa.m pa~nhaana.m veyyaakara.nena citta.m aaraadheyya a~n~natra Tathaagatena vaa Tathaagatasaavakena vaa ito vaa pana sutvaa' ti.|| ||

Idam avoca saa devataa ida.m vatvaa tatthe'vantaradhaayi.|| ||

[4][pts][upal][olds][swe] Atha kho aayasmaa Kumaara Kassapo tassaa rattiyaa accayena yena Bhagavaa ten'upasa'nkami upasa'nkamitvaa Bhagavanta.m abhivaadetvaa eka-m-anta.m nisiidi.|| ||

Eka-m-anta.m nisinno kho aayasmaa Kumaara Kassapo Bhagavanta.m etad avoca:||
Ima.m bhante ratti.m a~n~nataraa devataa abhikkantaaya rattiyaa abhikkantava.n.naa kevalakappa.m andhavana.m obhaasetvaa yenaaha.m ten'upasa'nkami. Upasa'nkamitvaa eka-m-anta.m a.t.thaasi. Eka-m-anta.m .thitaa kho bhante saa devataa ma.m etad avoca.|| ||

Bhikkhu, bhikkhu, aya.m vammiko ratti.m dhuupaayati divaa pajjalati.|| ||

Braahma.no evam aaha:||
'Abhikkha.na su medha sattha.m aadaayaa' ti.|| ||

Abhikkha.nanto su medho sattha.m aadaaya addasa la'ngi.m:||
'La'ngii bhadante' ti.|| ||

Braahma.no evam aaha:||
Ukkhipa la'ngi.m,||
abhikkha.na su medha sattha.m aadaayaa' ti.|| ||

Abhikkha.nanto su medho sattha.m aadaaya addasa uddhumaayika.m:||
'Uddhumaayikaa bhadante' ti.|| ||

Braahma.no evam aaha:||
Ukkhipa uddhumaayika.m.||
'Abhikkha.na su medha sattha.m aadaayaa' ti.|| ||

Abhikkha.nanto su medho sattha.m aadaaya addasa dvidhaapatha.m.||
'Dvidhaapatho bhadante' ti.|| ||

Braahma.no evam aaha:||
Ukkhipa dvidhaapatha.m.|| ||

'Abhikkha.na su medha sattha.m aadaayaa' ti.|| ||

Abhikkha.nanto su medho sattha.m aadaaya addasa ca'ngavaara.m.||
'Ca'ngavaara.m bhadante' ti.|| ||

Braahma.no evam aaha:||
Ukkhipa ca'ngavaara.m.||
'Abhikkha.na su medha sattha.m aadaayaa' ti.|| ||

Abhikkha.nanto su medho sattha.m aadaaya addasa kumma.m.||
'Kummo bhadante' ti.|| ||

Braahma.no evam aaha:||
Ukkhipa kumma.m.||
'Abhikkha.na su medha sattha.m aadaayaa' ti.|| ||

Abhikkha.nanto su medho sattha.m aadaaya addasa asisuuna.m.||
'Asisuunaa bhadante' ti.|| ||

Braahma.no evam aaha:||
Ukkhipa asisuuna.m.||
'Abhikkha.na su medha sattha.m aadaayaa' ti.|| ||

Abhikkha.nanto su medho sattha.m aadaaya addasa ma.msapesi.m.||
'Ma.msapesii bhadante' ti.|| ||

Braahma.no evam aaha:||
Ukkhipa ma.msapesi.m.||
'Abhikkha.na su medha sattha.m aadaayaa' ti.|| ||

Abhikkha.nanto su medho sattha.m aadaaya addasa naaga.m.||
'Naago bhadante' ti.|| ||

Braahma.no evam aaha:||
Ti.t.thatu naago.||
Maa naaga.m gha.t.tesi.||
Namo karohi naagassaa'tii.|| ||

"Ime kho tva.m bhikkhu pa~nhe Bhagavanta.m upasa'nkamitvaa puccheyyaasi.||
Yathaa te Bhagavaa vyaakaroti, tathaa na.m dhaareyyaasi.|| ||

Naaha.m ta.m bhikkhu passaami sadevake loke samaarake sabrahmake sassama.nabraahma.niyaa pajaaya sadeva-manussaaya yo imesa.m pa~nhaana.m veyyaakara.nena citta.m aaraadheyya a~n~natra Tathaagatena vaa Tathaagatasaavakena vaa ito vaa pana sutvaa' ti.||
Idam avoca saa devataa.||
Ida.m vatvaa tatthe'vantaradhaayiiti.|| ||

[5][pts][upal][olds][swe] Ko nu kho bhante vammiko?||
Kaa ratti.m dhuupaayanaa?||
Kaa divaa pajjalanaa?||
Ko braahma.no?||
Ko su medho?||
Ki.m sattha.m?||
Ki.m abhikkha.na.m?||
Kaa la'ngii?||
Kaa uddhumaayikaa?||
Ko dvidhaapatho?||
Ki.m ca'ngavaara.m?||
Ko kummo?||
Kaa asisuunaa?||
Kaa ma.msapesi?||
Ko naago ti?|| ||

[144][6][pts][upal][olds][swe] Vammiko ti kho bhikkhu imass'eta.m caatummahaabhuutikassa kaayassa adhivacana.m maataapettikasambhavassa odanakummaasuupacayassa aniccucchaadana-parimaddana-bhedana-viddha.msanaDhammassa.|| ||

Ya.m kho bhikkhu divaa kammante aarabbha ratti.m anuvitakketi anuvicaareti aya.m ratti.m dhuupaayanaa.|| ||

Ya.m kho bhikkhu ratti.m anuvitakketvaa anuvicaaretvaa divaa kammante payojeti kaayena vaacaaya manasaa aya.m divaa pajjalanaa.|| ||

Braahma.no ti kho bhikkhu Tathaagatass'eta.m adhivacana.m arahato Sammaa-sambuddhassa.|| ||

Sumedho ti kho bhikkhu sekhass'eta.m bhikkhuno adhivacana.m.|| ||

Satthan ti kho bhikkhu ariyaay'eta.m pa~n~naaya adhivacana.m.|| ||

Abhikkha.nan ti kho bhikkhu viriyaarambhass'eta.m adhivacana.m.|| ||

La'ngii ti kho bhikkhu avijjaay'eta.m adhivacana.m;||
ukkhipa la'ngi.m, pajaha avijja.m,||
abhikkha.na su medha sattha.m aadaayaa'ti ayam etassa attho.|| ||

Uddhumaayikaa ti kho bhikkhu kodhuupaayaasass'eta.m adhivacana.m;||
ukkhipa uddhumaayika.m pajaha kodhuupaayaasa.m,||
abhikkha.na su medha sattha.m aadaayaa'ti ayam etassa attho.|| ||

Dvidhaapatho ti kho bhikkhu vicikicchaay'eta.m adhivacana.m;||
ukkhipa dvidhaapatha.m pajaha vicikiccha.m,||
abhikkha.na su medha sattha.m aadaayaa'ti ayametassa attho.|| ||

Ca'ngavaaran ti kho bhikkhu pa~ncann'eta.m niivara.naana.m adhivacana.m:|| ||

kaamacchanda-niivara.nassa||
vyaapaada-niivara.nassa||
thiinamiddha-niivara.nassa||
uddhaccakukkucca-niivara.nassa||
vicikicchaa-niivara.nassa.|| ||

Ukkhipa ca'ngavaara.m pajaha pa~nca niivara.ne abhikkha.na su medha sattha.m aadaayaa'ti ayametassa attho.|| ||

Kummo ti kho bhikkhu pa~ncann'eta.m upaadaanakkhandhaana.m adhivacana.m,||
seyyathiida.m:|| ||

ruupuupaadaanakkhandhassa||
vedanuupaadaanakkhandhassa||
sa~n~nuupaadaanakkhandhassa||
sankhaaruupaadaanakkhandhassa||
vi~n~naa.nuupaadaanakkhandhassaca.|| ||

Ukkhipa kumma.m pajaha pa~ncupaadaanakkhandhe abhikkha.na su medha sattha.m aadaayaa'ti ayametassa attho.|| ||

Asisuunaa ti kho bhikkhu pa~ncann'eta.m kaamagu.naana.m adhivacana.m:|| ||

cakkhuvi~n~neyyaana.m ruupaana.m i.t.thaana.m kantaana.m manaapaana.m piyaruupaana.m kaamuupasa.mhitaana.m rajaniiyaana.m,||
sotavi~n~neyyaana.m saddaana.m i.t.thaana.m kantaana.m manaapaana.m piyaruupaana.m kaamuupasa.mhitaana.m rajaniiyaana.m,||
ghaanavi~n~neyyaana.m gandhaana.m i.t.thaana.m kantaana.m manaapaana.m piyaruupaana.m kaamuupasa.mhitaana.m rajaniiyaana.m,||
jivhaavi~n~neyyaana.m rasaana.m i.t.thaana.m kantaana.m manaapaana.m piyaruupaana.m kaamuupasa.m- [145] hitaana.m rajaniiyaana.m,||
kaayavi~n~neyyaana.m pho.t.thabbaana.m i.t.thaana.m kantaana.m manaapaana.m piyaruupaana.m kaamuupasa.mhitaana.m rajaniiyaana.m.|| ||

Ukkhipa asisuuna.m, pajaha pa~nca kaamagu.ne abhikkha.na su medha sattha.m aadaayaati ayam etassa attho.|| ||

Ma.msapesii ti kho bhikkhu nandiraagass'eta.m adhivacana.m;||
ukkhipa ma.msapesi.m pajaha nandiraaga.m abhikkha.na su medha sattha.m aadaayaati ayam etassa attho.|| ||

Naago ti kho bhikkhu khii.naasavass'eta.m bhikkhuno adhivacana.m.|| ||

Ti.t.thatu naago||
maa naaga.m gha.t.tesi||
namo karohi naagassaati ayam etassa attho' ti.|| ||

Idam avoca Bhagavaa.|| ||

Attamano aayasmaa Kumaara Kassapo Bhagavato bhaasita.m abhinandiiti.|| ||

Vammikasutta.m tatiya.m.


Contact:
E-mail
Copyright Statement