Majjhima Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Majjhima Nikaaya
I. Muulapa.n.naasa
3. Tatiya Vagga

Sutta 24

Ratha-Viniita Sutta.m

Based on the 'Sri Lanka Buddha Jayanti Tripitaka Series.'

 


 

[1][chlm][pts][than][upal] Eva.m me suta.m: eka.m samaya.m Bhagavaa Raajagahe viharati veluvane kalandakanivaape.|| ||

2. Atha kho sambahulaa jaatibhuumakaa bhikkhuu jaatibhuumiya.m vassa.m vutthaa yena Bhagavaa ten'upasa'nkami.msu.|| ||

Upasa'nkamitvaa Bhagavanta.m abhivaadetvaa eka-m-anta.m nisiidi.msu.|| ||

Eka-m-anta.m nisinne kho te bhikkhuu Bhagavaa etad avoca:|| ||

Ko nu kho bhikkhave jaatibhuumiya.m jaatibhuumakaana.m bhikkhuuna.m sabrahmacaariina.m eva.m sambhaavito: attanaa ca appiccho appicchakatha~n ca bhikkhuuna.m kattaa,||
attanaa ca santu.t.tho santu.t.thikatha~n ca bhikkhuuna.m kattaa,||
attanaa ca pavivitto pavivekakatha~n ca bhikkhuuna.m kattaa,||
attanaa ca asa.msa.t.tho asa.msaggakatha~n ca bhikkhuuna.m kattaa,||
attanaa ca aaraddhaviriyo viriyaarambhakatha~n ca bhikkhuuna.m kattaa,||
attanaa ca siilasampanno siila-sampadaakatha~n ca bhikkhuuna.m kattaa,||
attanaa ca samaadhisampanno samaadhi sampadaakatha~n ca bhikkhuuna.m kattaa,||
attanaa ca pa~n~naasampanno pa~n~naasampadaakatha~n ca bhikkhuuna.m kattaa,||
attanaa ca vimuttisampanno vimutti sampadaa katha~n ca bhikkhuuna.m kattaa,||
attanaa ca vimutti ~naa.na dassana sampanno vimutti ~naa.na dassana sampadaa katha~n ca bhikkhuuna.m kattaa,||
ovaadako vi~n~naapako sandassako samaadapako [146] samuttejako samp'aha.msako sabrahmacaariinan" ti?|| ||

Pu.n.no naama bhante aayasmaa Mantaa.ni-putto jaatibhuumiya.m jaatibhuumakaana.m bhikkhuuna.m sabrahmacaariina.m eva.m sambhaavito:attanaa ca appiccho appicchakatha~n ca bhikkhuuna.m kattaa,||
attanaa ca santu.t.tho santu.t.thikatha~n ca bhikkhuuna.m kattaa,||
attanaa ca pavivitto pavivekakatha~n ca bhikkhuuna.m kattaa,||
attanaa ca asa.msa.t.tho asa.msaggakatha~n ca bhikkhuuna.m kattaa,||
attanaa ca aaraddhaviriyo viriyaarambhakatha~n ca bhikkhuuna.m kattaa,||
attanaa ca siilasampanno siila-sampadaakatha~n ca bhikkhuuna.m kattaa,||
attanaa ca samaadhisampanno samaadhi sampadaa katha~n ca bhikkhuuna.m kattaa,||
attanaa ca pa~n~naasampanno pa~n~naa sampadaa katha~n ca bhikkhuuna.m kattaa,||
attanaa ca vimutti sampanno vimutti sampadaa katha~n ca bhikkhuuna.m kattaa,||
attanaa ca vimutti ~naa.na dassana sampanno vimutti ~naa.na dassana sampadaa katha~n ca bhikkhuuna.m kattaa,||
ovaadako vi~n~naapako sandassako samaadapako samuttejako samp'aha.msako sabrahmacaariinan" ti.|| ||

3. Tena kho pana samayena aayasmaa Saariputto Bhagavato aviduure nisinno hoti.|| ||

Atha kho aayasmato Saariputtassa etad ahosi: laabhaa aayasmato pu.n.nassa Mantaa.ni-puttassa,||
yassa vi~n~nuu sabrahmacaarii satthu sammukhaa anumaassa anumaassa va.n.na.m bhaasanti,||
ta~n ca satthaa abbhanumodati,||
app'eva naama maya.m kadaaci karahaci aayasmataa pu.n.nena Mantaa.ni-puttena saddhi.m samaagaccheyyaama,||
app'eva naama siyaa koci deva kathaasallaapo" ti.|| ||

4. Atha kho Bhagavaa Raajagahe yathaabhiranta.m viharitvaa yena Saavatthii tena caarika.m pakkaami.|| ||

Anupubbena caarika.m caramaano yena Saavatthii tadavasari.|| ||

Tatra suda.m Bhagavaa Saavatthiiya.m viharati Jetavane Anaathapi.n.dikassa aaraame.|| ||

5. Assosi kho aayasmaa pu.n.no Mantaa.ni-putto Bhagavaa kira Saavatthii.m anuppatto Saavatthiiya.m viharati Jetavane Anaathapi.n.dikassa aaraame" ti.|| ||

Atha kho aayasmaa pu.n.no Mantaa.ni-putto senaasana.m sa.msaametvaa pattaciivara.m aadaaya yena Saavatthii tena caarika.m pakkaami.|| ||

Anupubbena caarika.m caramaano yena Saavatthii Jetavana.m Anaathapi.n.dikassa aaraamo yena Bhagavaa ten'upasa'nkami.|| ||

Upasa'nkamitvaa Bhagavanta.m abhivaadetvaa eka-m-anta.m nisiidi.|| ||

Eka-m-anta.m nisinna.m kho aayasmanta.m pu.n.na.m Mantaa.ni-putta.m Bhagavaa dhammiyaa kathaaya sandassesi samaadapesi samuttejesi samp'aha.msesi.|| ||

Atha kho aayasmaa pu.n.no mantaa.ni putto Bhagavataa dhammiyaa kathaaya sandassito samaadapito samuttejito samp'aha.msito Bhagavato bhaasita.m abhinanditvaa anumoditvaa u.t.thaay aasanaa Bhagavanta.m abhivaadetvaa padakkhi.na.m katvaa yena andhavana.m tena pakkaami divaavihaaraaya.|| ||

6. Atha kho a~n~nataro bhikkhu yen'aayasmaa Saariputto ten'upasa'nkami.|| ||

Upasa'nkamitvaa aayasmanta.m Saariputta.m etad avoca:|| ||

Yassa kho tva.m aavuso Saariputta pu.n.nassa naama bhikkhuno Mantaa.ni-puttassa abhinha.m kittayamaano hosi,||
so [147] Bhagavataa dhammiyaa kathaaya sandassito samaadapito samuttejito samp'aha.msito Bhagavato bhaasita.m abhinanditvaa anumoditvaa u.t.thaay aasanaa Bhagavanta abhivaadetvaa padakkhi.na.m katvaa yena andhavana.m tena pakkanto divaavihaaraayaa" ti.|| ||

7. Atha kho aayasmaa Saariputto taramaanaruupo nisiidana.m aadaaya aayasmanta.m pu.n.na.m Mantaa.ni-putta.m pi.t.thito pi.t.thito anubandhi siisaanu lokii.|| ||

Atha kho aayasmaa pu.n.no Mantaa.ni-putto andhavana.m ajjhogahetvaa a~n~natarasmi.m rukkhamuule divaavihaara.m nisiidi.|| ||

Aayasmaapi kho Saariputto andhavana.m ajjhogahetvaa a~n~natarasmi.m rukkhamuule divaavihaara.m nisiidi.|| ||

8. Atha kho aayasmaa Saariputto saaya.nhasamaya.m pa.tisallaanaa vu.t.thito yen'aayasmaa pu.n.no Mantaa.ni-putto ten'upasa'nkami.|| ||

Upasa'nkamitvaa aayasmataa pu.n.nena Mantaa.ni-puttena saddhi.m sammodi.|| ||

Sammodaniiya.m katha.m saaraa.niiya.m viitisaaretvaa eka-m-anta.m nisiidi.|| ||

Eka-m-anta.m nisinno kho aayasmaa Saariputto aayasmanta.m pu.n.na.m Mantaa.ni-putta.m etad avoca:|| ||

9. "Bhagavati no aavuso brahmacariya.m vussatii" ti?|| ||

"Evamaavuso" ti.|| ||

"Kin nu kho aavuso siilavisuddhattha.m Bhagavati brahmacariya.m vussatii" ti?|| ||

"No h'ida.m aavuso."|| ||

"Kim pan'aavuso cittavisuddhattha.m Bhagavati brahmacariya.m vussatii" ti?|| ||

"No h'ida.m aavuso."|| ||

"Kin nu kho aavuso di.t.thivisuddhattha.m Bhagavati brahmacariya.m vussatii" ti?|| ||

"No h'ida.m aavuso."|| ||

"Kim pan'aavuso ka'nkhaavitara.na visuddhattha.m Bhagavati brahmacariya.m vussatii" ti?|| ||

"No h'ida.m aavuso."|| ||

"Kin nu kho aavuso maggaamagga ~naa.na dassana visuddhattha.m Bhagavati brahmacariya.m vussatii" ti?|| ||

"No h'ida.m aavuso."|| ||

Kampan'aavuso pa.tipadaa ~naa.na dassana visuddhattha.m Bhagavati brahmacariya.m vussatii" ti?|| ||

"No h'ida.m aavuso."|| ||

"Kin nu kho aavuso ~naa.na dassana visuddhattha.m Bhagavati brahmacariya.m vussatii" ti?|| ||

"No h'ida.m aavuso."|| ||

10. "Kin nu kho aavuso siilavisuddhattha.m Bhagavati brahmacariya.m vussatii" ti.|| ||

Iti pu.t.tho samaano 'no h'ida.m aavuso' ti vadesi.|| ||

"Kim pan'aavuso cittavisuddhattha.m Bhagavati brahmacariya.m vussatii" ti.|| ||

Iti pu.t.tho samaano 'no h'ida.m aavuso' ti vadesi.|| ||

"Kin nu kho aavuso di.t.thivisuddhattha.m Bhagavati brahmacariya.m vussatii" ti.|| ||

Iti pu.t.tho samaano 'no h'ida.m aavuso' ti vadesi.|| ||

"Kim pan'aavuso ka'nkhaa vitara.na visuddhattha.m Bhagavati brahmacariya.m vussatii" ti.|| ||

Iti pu.t.tho samaano no h'ida.m aavuso' ti vadesi.|| ||

"Kin nu kho aavuso maggaamagga ~naa.na dassana visuddhattha.m Bhagavati brahmacariya.m vussatii" ti.|| ||

Iti pu.t.tho samaano 'no h'ida.m aavuso' ti vadesi.|| ||

"Kin nu kho aavuso pa.tipadaa ~naa.na dassana visuddhattha.m Bhagavati brahmacariya.m vussatii" ti.|| ||

Iti pu.t.tho samaano 'no h'ida.m aavuso' ti vadesi.|| ||

"Kin nu kho aavuso ~naa.na dassana visuddhattha.m Bhagavati brahmacariya.m vussatii" ti.|| ||

Iti pu.t.tho samaano 'no h'ida.m aavuso' ti vadesi.|| ||

"Kimattha.m-carah'aavuso Bhagavati [148] brahmacariya.m vussatii" ti?|| ||

Anupaadaa parinibbaanattha.m kho aavuso Bhagavati brahmacariya.m vussatii' ti.|| ||

11. "Kin nu kho aavuso siilavisuddhi anupaadaa parinibbaanan ti?|| ||

"No h'ida.m aavuso."|| ||

"Kim pan'aavuso cittavisuddhi anupaadaa parinibbaanan ti?|| ||

"No h'ida.m aavuso."|| ||

"Kin nu kho aavuso di.t.thivisuddhi anupaadaa parinibbaanan ti?|| ||

"No h'ida.m aavuso."|| ||

"Kim pan'aavuso ka'nkhaa vitara.navisuddhi anupaadaaparinibbaanan ti?|| ||

"No h'ida.m aavuso."|| ||

"Kin nu kho aavuso maggaamagga ~naa.na dassana visuddhi anupaadaa parinibbaanan ti?|| ||

"No h'ida.m aavuso."|| ||

"Kim pan'aavuso pa.tipadaa~naa.na-dassanavisuddhi anupaadaa parinibbaanan ti?|| ||

"No h'ida.m aavuso."|| ||

"Kin nu kho aavuso ~naa.na dassana visuddhi anupaadaaparinibbaanan ti?|| ||

"No h'ida.m aavuso."|| ||

A~n~natra imehi dhammehi anupaadaa parinibbaanan ti?|| ||

"No h'ida.m aavuso."|| ||

12. Kin nu ko aavuso siilavisuddhi anupaadaa parinibbaanan" ti|| ||

Iti pu.t.tho samaano 'no h'ida.m aavuso' ti vadesi.|| ||

"Kim pan'aavuso cittavisuddhi,||
anupaadaa parinibbaanan" ti|| ||

Iti pu.t.tho samaano 'no h'ida.m aavuso' ti vadesi.|| ||

"Kin nu kho aavuso di.t.thivisuddhi,||
anupaadaa parinibbaanan" ti|| ||

Iti pu.t.tho samaano 'no h'ida.m aavuso' ti vadesi.|| ||

"Kin nu kho aavuso ka'nkhaa vitara.na visuddhi anupaadaa parinibbaanan" ti|| ||

Iti pu.t.tho samaano 'no h'ida.m aavuso' ti vadesi.|| ||

"Kim pan'aavuso maggaamagga ~naa.na dassana visuddhi anupaadaa parinibbaanan" ti|| ||

Iti pu.t.tho samaano 'no h'ida.m aavuso' ti vadesi.|| ||

"Kim pan'aavuso pa.tipadaa ~naa.na dassana visuddhi,||
anupaadaa parinibbaanan" ti|| ||

Iti pu.t.tho samaano 'no h'ida.m aavuso' ti iti vadesi.|| ||

"Kin nu kho aavuso ~naa.na dassana visuddhi anupaadaa parinibbaanan" ti|| ||

Iti pu.t.tho samaano 'no h'ida.m aavuso' ti vadesi.|| ||

"Kim pan'aavuso a~n~natra imehi dhammehi anupaadaa parinibbaanan" ti|| ||

Iti pu.t.tho samaano 'no h'ida.m aavuso' ti vadesi.|| ||

Yathaa katha.m pan'aavuso imassa bhaasitassa attho da.t.thabbo ti?|| ||

13. Siila-visuddhi~n ce aavuso Bhagavaa anupaadaa parinibbaana.m pa~n~naapessa,||
saupaadaana.myeva samaana.m anupaadaa parinibbaana.m pa~n~naapessa.|| ||

Citta-visuddhi~n ce aavuso Bhagavaa anupaadaa parinibbaana.m pa~n~naapessa,||
saupaadaana.myeva samaana.m anupaadaa parinibbaana.m pa~n~naapessa.|| ||

Di.t.thi-visuddhi~n ce aavuso Bhagavaa anupaadaa parinibbaana.m pa~n~naapessa,||
saupaadaana.myeva samaana.m anupaadaa parinibbaana.m pa~n~naapessa.|| ||

Ka'nkhaa vitara.na visuddhi~n ce aavuso Bhagavaa anupaadaa parinibbaana.m pa~n~naapessa.|| ||

Saupaadaana.myeva samaana.m anupaadaa parinibbaana.m pa~n~naapessa.|| ||

Maggaa-magga ~naa.na dassana visuddhi~n ce aavuso Bhagavaa anupaadaa parinibbaana.m pa~n~naapessa,||
saupaadaana.myeva samaana.m anupaadaa parinibbaana.m pa~n~naapessa.|| ||

Pa.tipadaa ~naa.na dassana visuddhi~n ce aavuso Bhagavaa anupaadaa parinibbaana.m pa~n~naapessa.|| ||

Saupaadaana.myeva samaana.m anupaadaa parinibbaana.m pa~n~naapessa.|| ||

Aa.nadassana visuddhi~n ce aavuso Bhagavaa anupaadaa parinibbaana.m pa~n~naapessa,||
saupaadaana.myeva samaana.m anupaadaa parinibbaana.m pa~n~naapessa.|| ||

A~n~natra ce aavuso imehi dhammehi anupaadaa parinibbaana.m abhavissa,||
puthujjano parinibbaayeyya.|| ||

Puthujjano hi aavuso a~n~natra imehi dhammehi.|| ||

14. Tena haavuso upama.m te karissaami
upamaaya p'idh'ekacce vi~n~nuu purisaa bhaasitassa attha.m aajaananti.|| ||

Seyyathaa pi aavuso ra~n~no Pasenadissa Kosalassa Saavatthiiya.m [149] pa.tivasantassa saakate ki~nci'd'eva accaayika.m kara.niiya.m uppajjeyya,||
tassa antaraa ca Saavatthii.m antaraa ca saaketa.m satta rathaviniitaani upa.t.thapeyu.m.|| ||

Atha kho aavuso raajaa Pasenadi Kosalo Saavatthiiyaa nikkhamitvaa antepuradvaaraa pa.thama.m rathaviniita.m abhiruuheyya pa.thamena rathaviniitena dutiya.m rathaviniita.m paapu.neyya,||
pa.thama.m rathaviniita.m vissajjeyya,||
dutiya.m rathaviniita.m abhiruuheyya.|| ||

Dutiyena rathaviniitena tatiya.m rathaviniita.m paapu.neyya,||
dutiya.m rathaviniita.m vissajjeyya,||
tatiya.m rathaviniita.m abhiruuheyya.|| ||

Tatiyena rathaviniitena catuttha.m rathaviniita.m paapu.neyya,||
tatiya.m rathaviniita.m vissajjeyya.|| ||

Catuttha.m rathaviniita.m abhiruuheyya.|| ||

Catutthena rathaviniitena pa~ncama.m rathaviniita.m paapu.neyya,||
catuttha.m rathaviniita.m vissajjeyya,||
pa~ncama.m rathaviniita.m abhiruuheyya.|| ||

Pa~ncamena rathaviniitena cha.t.tha.m rathaviniita.m paapu.neyya,||
pa~ncama.m rathaviniita.m vissajjeyya,||
cha.t.tha.m rathaviniita.m abhiruuheyya.|| ||

Cha.t.thena rathaviniitena sattama.m rathaviniita.m paapu.neyya,||
cha.t.tha.m rathaviniita.m vissajjeyya,||
sattama.m rathaviniita.m abhiruuheyya.|| ||

Sattamena rathaviniitena saaketa.m anupaapu.neyya antepuradvaara.m.|| ||

Tam ena.m antepuradvaaragata.m samaana.m mittaamaccaa~naatisaalohitaa eva.m puccheyyu.m:|| ||

"Iminaa tva.m mahaaraaja rathaviniitena Saavatthiiyaa saaketa.m anuppatto antepuradvaaran" ti?|| ||

Katha.m vyaakaramaano nu kho aavuso raajaa Pasenadi Kosalo sammaa vyaakaramaano vyaakareyyaa" ti?|| ||

Eva.m vyaakaramaano kho aavuso raajaa Pasenadi Kosalo sammaa vyaakaramaano vyaakareyya:|| ||

Idha me Saavatthiiya.m pa.tivasantassa saakete ki~nci deva accaayika.m kara.niiya.m uppajji.|| ||

Tassa me antaraa ca Saavatthii.m antaraa ca saaketa.m sattarathaviniitaani upa.t.thapesu.m.|| ||

Atha khvaaha.m Saavatthiiyaa nikkhamitvaa antepuradvaaraa pa.thama.m rathaviniita.m abhiruuhi.m.|| ||

Pa.thamena rathaviniitena dutiya.m rathaviniita.m paapu.ni.m.|| ||

Pa.thama.m rathaviniita.m nissaji.m.|| ||

Dutiya.m rathaviniita.m abhiruuhi.m.|| ||

Dutiyena rathaviniitena tatiya.m rathaviniita.m paapu.ni.m.|| ||

Dutiya.m rathaviniita.m nissaji.m.|| ||

Tatiya.m rathaviniita.m abhiruuhi.m.|| ||

Tatiyena rathaviniitena catuttha.m rathaviniita.m paapu.ni.m.|| ||

Tatiya.m rathaviniita.m nissaji.m.|| ||

Catuttha.m rathaviniita.m abhiruuhi.m.|| ||

Catutthena rathaviniitena pa~ncama.m rathaviniita.m paapu.ni.m.|| ||

Catuttha.m rathaviniita.m nissaji.m.|| ||

Pa~ncama.m rathaviniita.m abhiruuhi.m.|| ||

Pa~ncamena rathaviniitena cha.t.tha.m rathaviniita.m paapu.ni.m.|| ||

Pa~ncama.m rathaviniita.m nissaji.m.|| ||

Cha.t.tha.m rathaviniita.m abhiruuhi.m.|| ||

Cha.t.thena rathaviniitena sattama.m rathaviniita.m paapu.ni.m cha.t.tha.m rathaviniita.m nissaji.m.|| ||

Sattama.m rathaviniita.m abhiruuhi.m.|| ||

Sattamena hi rathaviniitena saaketa.m anuppatto antepuradvaaranti.|| ||

Eva.m vyaakaramaano kho aavuso raajaa Pasenadi Kosalo sammaa vyaakaramaano vyaakareyyaati.|| ||

15. Evam eva kho aavuso siilavisuddhi yaavad eva citta-visuddhatthaa.|| ||

Citta-visuddhi yaavad eva di.t.thi-visuddhatthaa.|| ||

Di.t.thi-visuddhi yaavad eva ka'nkhaavitara.na-visuddhatthaa.|| ||

Ka'nkhaavitara.na- [150] visuddhi yaavad eva maggaamagga ~naa.na dassana visuddhatthaa.|| ||

Maggaamagga ~naa.na-dassana visuddhi yaavad eva pa.tipadaa ~naa.na dassana visuddhatthaa.|| ||

Pa.tipadaa ~naa.na-dassana visuddhi yaavad eva ~naa.na dassana visudatthaa.|| ||

~Naa.na-dassana-visuddhi yaavad eva anupaadaaparinibbaanatthaa.|| ||

Anupaadaa parinibbaanattha.m kho aavuso Bhagavati brahmacariya.m vussatii ti.|| ||

16. Eva.m vutte aayasmaa Saariputto aayasmanta.m pu.n.na.m Mantaa.ni-putta.m etad avoca:|| ||

"Ko naamo aayasmaa?|| ||

Katha~n ca pana aayasmanta.m sabrahmacaarii jaananti" tii?|| ||

Pu.n.no'ti kho me aavuso naama.m.|| ||

Mantaa.niputto'ti ca pana ma.m sabrahmacaarii jaanantiiti.||
Acchariya.m aavuso,||
abbhuta.m aavuso.|| ||

Yathaa ta.m sutavataa saavakena samma-d-eva satthusaasana.m aajaanantena,||
evam eva.m aayasmataa pu.n.nena Mantaa.ni-puttena gambhiiraa gambhiiraa pa~nhaa anumaassa anumaassa byaakataa.|| ||

Laabhaa sabrahmacaariina.m,||
suladdha laabhaa sabrahmacaariina.m,||
ye aayasmanta.m pu.n.na.m Mantaa.ni-putta.m labhanti dassanaaya.|| ||

Labhanti payirupaasanaaya.|| ||

Cela.n.dukena ce pi sabrahmacaarii aayasmanta.m pu.n.na.m Mantaa.ni-putta.m muddhanaa pariharantaa labheyyu.m dassanaaya,||
labheyyu.m payirupaasanaaya,||
tesam pi laabhaa.|| ||

Tesampi suladdha.m,||
amhaakampi laabhaa,||
amhaakampi suladdha.m,||
ye maya.m aayasmanta.m pu.n.na.m Mantaa.ni-putta.m labhaama dassanaaya,||
labhaama payirupaasanaayaa " ti.|| ||

17. Eva.m vutte aayasmaa pu.n.no Mantaa.ni-putto aayasmanta.m Saariputta.m etad avoca: ko naamo aayasmaa?|| ||

Katha~n ca pana aayasmanta.m sabrahmacaarii jaanantiiti?||
Upatisso'ti kho me aavuso naama.m.|| ||

'Saariputto' ti ca pana ma.m sabrahmacaarii jaanantii ti.|| ||

Satthukappena vata kira bho saavakena saddhi.m mantayamaanaa na jaanimha aayasmaa Saariputto' ti.|| ||

Sace hi maya.m jaaneyyaama aayasmaa Saariputto'ti ettakampi no nappa.tibhaaseyya.|| ||

Acchariya.m aavuso,||
abbhuta.m aavuso,||
yathaa ta.m sutavataa saavakena samma-d-eva satthusaasana.m aajaanantena,||
evam eva.m aayasmataa Saariputtena gambhiiraa gambhiiraa pa~nhaa anumaassa anumaassa pucchitaa.|| ||

Laabhaa sabrahmacaariina.m,||
suladdhalaabhaa sabrahmacaariina.m,||
ye aayasmanta.m Saariputta.m labhanti dassanaaya.|| ||

Labhanti payirupaasanaaya.|| ||

Cela.n.dukena ce pi sabrahmacaarii aayasmanta.m Saariputta.m muddhanaa pariharantaa labheyyu.m dassanaaya,||
labheyyu.m payirupaasanaaya,||
[151] tesam pi laabhaa,||
tesam pi suladdha.m.|| ||

Amhaakam pi laabhaa,||
amhaakampi suladdha.m,||
ye maya.m aayasmanta.m Saariputta.m labhaama dassanaaya.|| ||

Labhaama payirupaasanaayaa" ti.|| ||

Iti ha te ubho mahaanaagaa a~n~nama~n~nassa subhaasita.m samanumodi.msuti.

Rathaviniitasutta.m catuttha.m.


Contact:
E-mail
Copyright Statement