Majjhima Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Majjhima Nikaaya
I. Muulapa.n.naasa
4. Mahaa Yamaka Vagga

Sutta 33

Mahaa Gopaalaka Sutta.m

Based on the 'Sri Lanka Buddha Jayanti Tripitaka Series.'

 


 

[1][chlm][pts][than][upal] Eva.m me suta.m:|| ||

Eka.m samaya.m Bhagavaa Saavatthiiya.m viharati Jetavane Anaathapi.n.dikassa aaraame.|| ||

Tatra kho Bhagavaa bhikkhuu aamantesi:|| ||

"Bhikkhavo" ti.|| ||

"Bhadante" ti te bhikkhuu Bhagavato paccassosu.m Bhagavaa etad avoca:|| ||

2. "Ekaadasahi bhikkhave a'ngehi samannaagato gopaalako abhabbo goga.na.m pariharitu.m phaatikatu.m.|| ||

Katamehi ekaadasahi?|| ||

Idha, bhikkhave, gopaalako||
na ruupa~n~nuu hoti,||
na lakkha.na-kusalo hoti,||
na aasaa.tika.m saa.tetaa hoti,||
na va.na.m pa.ticchaadetaa hoti,||
na dhuuma.m kattaa hoti,||
na tittha.m jaanaati,||
na piita.m jaanaati,||
na viithi.m jaanaati,||
na gocara-kusalo hoti,||
anavasesadohii ca hoti,||
ye te usabhaa gopitaro gopari.naayakaa te na atireka puujaaya puujetaa hoti.|| ||

Imehi kho bhikkhave ekaadasahi a'ngehi samannaagato gopaalako abhabbo goga.na.m pariharitu.m phaatikatu.m.|| ||

3. Evam eva ko bhikkhave ekaadasahi dhammehi samannaagato bhikkhu abhabbo imasmi.m dhamma-vinaye vu.d.dhi.m viruu.lhi.m vepulla.m aapajjitu.m.|| ||

Katamehi ekaadasahi?|| ||

Idha, bhikkhave, bhikkhu||
na ruupa~n~nuu hoti,||
na lakkha.na-kusalo hoti,||
na aasaa.tika.m saa.tetaa hoti,||
na va.na.m pa.ticchaadetaa hoti,||
na dhuuma.m kattaa hoti,||
na tittha.m jaanaati,||
na piita.m jaanaati,||
na viithi.m jaanaati,||
na gocara-kusalo hoti,||
anavasesadohii ca hoti,||
ye te bhikkhuu theraa ratta~n~nuu cirapabbajitaa sa'nghapitaro sa'nghapari.naayakaa te na atirekapuujaaya puujetaa hoti.|| ||

 


 

(1) Katha~n ca bhikkhave bhikkhu na ruupa~n~nuu hoti?|| ||

Idha, bhikkhave, bhikkhu|| ||

'Ya.m ki~nci ruupa.m||
sabba.m ruupa.m cattaari mahaabhuutaani||
catunna~n ca mahaabhuutaana.m upaadaaya ruupan' ti|| ||

yathaabhuuta.m nappajaanaati.|| ||

Eva.m kho bhikkhave bhikkhu na ruupa~n~nuu hoti.|| ||

(2) Katha~n ca bhikkhave bhikkhu||
na lakkha.na-kusalo hoti?|| ||

Idha, bhikkhave, bhikkhu|| ||

'Kamma-lakkha.no baalo,||
kamma-lakkha.no pa.n.dito' ti|| ||

yathaabhuuta.m nappajaanaati.|| ||

Eva.m kho bhikkhave bhikkhu na lakkha.na-kusalo hoti.|| ||

(3) Katha~n ca bhikkhave bhikkhu na aasaa.tika.m saa.tetaa hoti?|| ||

Idha, bhikkhave, bhikkhu||
uppanna.m kaama-vitakka.m adhivaaseti||
nappajahati||
na vinodeti||
na byantiikaroti||
na anabhaava.m gameti.|| ||

Uppanna.m vyaapaada-vitakka.m adhivaaseti||
nappajahati||
na vinodeti||
na byantiikaroti||
na anabhaava.m gameti.|| ||

Uppanna.m vihi.msaa-vitakka.m adhivaaseti||
nappajahati||
na vinodeti||
na byantiikaroti||
na anabhaava.m gameti.|| ||

Uppannuppanne paapake akusale dhamme adhivaaseti||
[221] nappajahati||
na vinodeti||
na byantiikaroti||
na anabhaava.m gameti.|| ||

Eva.m kho bhikkhave bhikkhu na aasaa.tika.m saa.tetaa hoti.|| ||

(4) Katha~n ca bhikkhave bhikkhu na va.na.m pa.ticchaadetaa hoti?|| ||

Idha, bhikkhave, bhikkhu||
cakkhunaa ruupa.m disvaa nimittaggaahii hoti anubya~njanaggaahii,||
yatvaadhikara.namena.m cakkhu'ndriya.m asa.mvuta.m viharanta.m abhijjhaa-domanassaa paapakaa akusalaa dhammaa anvaassaveyyu.m tassa sa.mvaraaya na pa.tipajjati,||
na rakkhati cakkhu'ndriya.m,||
cakkhu'ndriye na sa.mvara.m aapajjati.|| ||

Sotena sadda.m sutvaa nimittaggaahii hoti anubya~njanaggaahii,||
yatvaadhikara.namena.m sot'indriya.m asa.mvuta.m viharanta.m abhijjhaa-domanassaa paapakaa akusalaa dhammaa anvaassaveyyu.m tassa sa.mvaraaya na pa.tipajjati,||
na rakkhati sot'indriya.m,||
sot'indriye na sa.mvara.m aapajjati.|| ||

Ghaanena gandha.m ghaayitvaa nimittaggaahii hoti anubya~njanaggaahii,||
yatvaadhikara.namena.m ghaan'indriya.m asa.mvuta.m viharanta.m abhijjhaa-domanassaa paapakaa akusalaa dhammaa anvaassaveyyu.m tassa sa.mvaraaya na pa.tipajjati,||
na rakkhati ghaan'indriya.m,||
ghaan'indriye na sa.mvara.m aapajjati.|| ||

Jivhaaya rasa.m saayitvaa nimittaggaahii hoti anubya~njanaggaahii,||
yatvaadhikara.namena.m jivh'indriya.m asa.mvuta.m viharanta.m abhijjhaa-domanassaa paapakaa akusalaa dhammaa anvaassaveyyu.m tassa sa.mvaraaya na pa.tipajjati,||
na rakkhati jivh'indriya.m,||
jivh'indriye na sa.mvara.m aapajjati.|| ||

Kaayena pho.t.thabba.m phusitvaa nimittaggaahii hoti anubya~njanaggaahii,||
yatvaadhikara.namena.m kaay'indriya.m asa.mvuta.m viharanta.m abhijjhaa-domanassaa paapakaa akusalaa dhammaa anvaassaveyyu.m tassa sa.mvaraaya na pa.tipajjati,||
na rakkhati kaay'indriya.m,||
kaay'indriye na sa.mvara.m aapajjati.|| ||

Manasaa dhamma.m vi~n~naaya nimittaggaahii hoti anubya~njanaggaahii,||
yatvaadhikara.namena.m man'indriya.m asa.mvuta.m viharanta.m abhijjhaa-domanassaa paapakaa akusalaa dhammaa anvaassaveyyu.m tassa sa.mvaraaya na pa.tipajjati,||
na rakkhati man'indriya.m,||
man'indriye na sa.mvara.m aapajjati.|| ||

Eva.m kho bhikkhave bhikkhu na va.na.m pa.ticchaadetaa hoti.|| ||

(5) Katha~n ca bhikkhave bhikkhu na dhuuma.m kattaa hoti?|| ||

Idha, bhikkhave, bhikkhu||
yathaasuta.m yathaapariyatta.m dhamma.m na vitthaarena paresa.m desetaa hoti.|| ||

Eva.m kho bhikkhave bhikkhu na dhuuma.m kattaa hoti.|| ||

(6) Katha~n ca bhikkhave bhikkhu na tittha.m jaanaati?|| ||

Idha, bhikkhave, bhikkhu||
ye te bhikkhuu bahussutaa aagataagamaa dhammadharaa vinayadharaa maatikaadharaa,||
te kaalena kaala.m upasa'nkamitvaa na paripucchati||
na paripa~nhati:|| ||

'Ida.m bhante katha.m,||
imassa ko attho' ti?|| ||

Tassa te aayasmanto aviva.ta~n c'eva na vivaranti,||
anuttaaniikata~n ca na uttaanii.m karonti,||
anekavihitesu ca ka'nkha.t.thaaniiyesu dhammesu ka'nkha.m na pa.tivinodenti.|| ||

Eva.m kho bhikkhave bhikkhu na tittha.m jaanaati.|| ||

(7) Katha~n ca bhikkhave bhikkhu na piita.m jaanaati?|| ||

Idha, bhikkhave, bhikkhu Tathaagatappavedite dhamma-vinaye desiyamaane na labhati atthaveda.m,||
na labhati dhammaveda.m,||
na labhati dhammuupasa.mhita.m paamojja.m.|| ||

Eva.m kho bhikkhave bhikkhu na piita.m jaanaati.|| ||

(8) Katha~n ca bhikkhave bhikkhu na viithi.m jaanaati?|| ||

Idha, bhikkhave, bhikkhu||
ariya.m a.t.tha'ngika.m magga.m yathaabhuuta.m nappajaanaati.|| ||

Eva.m kho bhikkhave bhikkhu na viithi.m jaanaati.|| ||

(9) Katha~n ca bhikkhave bhikkhu na gocara-kusalo hoti?|| ||

Idha, bhikkhave, bhikkhu cattaaro satipa.t.thaane yathaabhuuta.m nappajaanaati.|| ||

Eva.m [222] kho bhikkhave bhikkhu na gocara-kusalo hoti.|| ||

(10) Katha~n ca bhikkhave bhikkhu anavasesadohii hoti?|| ||

Idha, bhikkhave, bhikkhu.m saddhaa gahapatikaa abhiha.t.thu.m pavaarenti ciivara-pi.n.dapaata-senaasana-gilaana-paccaya-bhesajja-parikkhaarehi,||
tatra bhikkhu na matta.m||
na jaanaati pa.tiggaha.naaya.|| ||

Eva.m kho bhikkhave bhikkhu anavasesadohii hoti.|| ||

(11) Katha~n ca bhikkhave bhikkhu ye te bhikkhuu theraa ratta~n~nuu cirapabbajitaa sa'nghapitaro sa'nghapari.naayakaa,||
te na atirekapuujaaya puujetaa hoti?|| ||

Idha, bhikkhave, bhikkhu||
ye te bhikkhuu theraa ratta~n~nuu cirapabbajitaa sa'nghapitaro sa'nghapari.naayakaa,||
tesu na metta.m kaaya-kamma.m paccupa.t.thaapeti aavii c'eva raho ca,||
na metta.m vacii-kamma.m paccupa.t.thaapeti aavii c'eva raho ca,||
na metta.m mano-kamma.m paccupa.t.thaapeti aavii c'eva raho ca.|| ||

Eva.m kho bhikkhave bhikkhu||
ye te bhikkhuu theraa ratta~n~nuu cirapabbajitaa sa'nghapitaro sa'nghapari.naayakaa,||
te na atirekapuujaaya puujetaa hoti.|| ||

Imehi kho bhikkhave ekaadasahi dhammehi samannaagato bhikkhu abhabbo imasmi.m dhamma-vinaye vu.d.dhi.m viruu.lhi.m vepulla.m aapajjitu.m.|| ||

 


 

4. Ekaadasahi bhikkhave a'ngehi samannaagato gopaalako bhabbo goga.na.m pariharitu.m phaatikatu.m.|| ||

Katamehi ekaadasahi?|| ||

Idha, bhikkhave, gopaalako||
ruupa~n~nuu hoti,||
lakkha.na-kusalo hoti,||
aasaa.tika.m saa.tetaa hoti,||
va.na.m pa.ticchaadetaa hoti,||
dhuuma.m kattaa hoti,||
tittha.m jaanaati,||
piita.m jaanaati,||
viithi.m jaanaati,||
gocara-kusalo hoti,||
saavassedohii ca hoti,||
ye te usabhaa gopitaro gopari.naayakaa,||
te atirekapuujaaya puujetaa hoti.|| ||

Imehi kho bhikkhave ekaadasahi a'ngehi samannaagato gopaalako bhabbo goga.na.m pariharitu.m phaatikatu.m.|| ||

5. Evam eva kho bhikkhave ekaadasahi dhammehi samannaagato bhikkhu bhabbo imasmi.m dhamma-vinaye vu.d.dhi.m viruu.lhi.m vepulla.m aapajjitu.m.|| ||

Katamehi ekaadasahi?|| ||

Idha, bhikkhave, bhikkhu||
ruupa~n~nuu hoti,||
lakkha.na-kusalo hoti,||
aasaa.tika.m saa.tetaa hoti,||
va.na.m pa.ticchaadetaa hoti,||
dhuuma.m kattaa hoti,||
tittha.m jaanaati,||
piita.m jaanaati,||
viithii.m jaanaati,||
gocara-kusalo hoti,||
saavasesadohii ca hoti,||
ye te bhikkhuu theraa ratta~n~nuu cirapabbajitaa sa'nghapitaro sa'nghapari.naayakaa||
te atirekapuujaaya puujetaa hoti.|| ||

 


 

(1) Katha~n ca bhikkhave bhikkhu ruupa~n~nuu hoti?|| ||

Idha, bhikkhave, bhikkhu|| ||

'Ya.m ki~nci ruupa.m,||
sabba.m ruupa.m||
cattaari [223] mahaabhuutaani||
catunna~n ca mahaabhuutaana.m upaadaaya ruupan' ti|| ||

yathaabhuuta.m pajaanaati.|| ||

Eva.m kho bhikkhave bhikkhu ruupa~n~nuu hoti.|| ||

(2) Katha~n ca bhikkhave bhikkhu lakkha.na-kusalo hoti?|| ||

Idha, bhikkhave, bhikkhu|| ||

'Kamma-lakkha.no baalo,||
kamma-lakkha.no pa.n.dito' ti|| ||

yathaabhuuta.m pajaanaati.|| ||

Eva.m kho bhikkhave bhikkhu lakkha.na-kusalo hoti.|| ||

(3) Katha~n ca bhikkhave bhikkhu aasaa.tika.m saa.tetaa hoti?|| ||

Idha, bhikkhave, bhikkhu||
uppanna.m kaama-vitakka.m naadhivaaseti,||
pajahati vinodeti byantiikaroti anabhaava.m gameti||
uppanna.m vyaapaada-vitakka.m naadhivaaseti,||
pajahati vinodeti byantiikaroti anabhaava.m gameti||
uppanna.m vihi.msaa-vitakka.m naadhivaaseti,||
pajahati vinodeti byantiikaroti anabhaava.m gameti||
uppannuppanne paapake akusale dhamme naadhivaaseti||
pajahati vinodeti byantiikaroti anabhaava.m gameti.|| ||

Eva.m kho bhikkhave bhikkhu aasaa.tika.m saa.tetaa hoti.|| ||

(4) Katha~n ca bhikkhave bhikkhu va.na.m pa.ticchaadetaa hoti?|| ||

Idha, bhikkhave, bhikkhu cakkhunaa ruupa.m disvaa||
na nimittaggaahii hoti||
naanuvya~njanaggaahii,||
yatvaadhikara.namena.m cakkhu'ndriya.m asa.mvuta.m viharanta.m abhijjhaa-domanassaa paapakaa akusalaa dhammaa anvaassaveyyu.m,||
tassa sa.mvaraaya pa.tipajjati,||
rakkhati cakkhu'ndriya.m,||
cakkhu'ndriye sa.mvara.m aapajjati.|| ||

Sotena sadda.m sutvaa na nimittaggaahii hoti naanuvya~njanaggaahii,||
yatvaadhikara.namena.m sot'indriya.m asa.mvuta.m viharanta.m abhijjhaa-domanassaa paapakaa akusalaa dhammaa anvaassaveyyu.m,||
tassa sa.mvaraaya pa.tipajjati,||
rakkhati sot'indriya.m,||
sot'indriye sa.mvara.m aapajjati.|| ||

Ghaanena gandha.m ghaayitvaa na nimittaggaahii hoti naanuvya~njanaggaahii,||
yatvaadhikara.namena.m ghaan'indriya.m asa.mvuta.m viharanta.m abhijjhaa-domanassaa paapakaa akusalaa dhammaa anvaassaveyyu.m,||
tassa sa.mvaraaya pa.tipajjati,||
rakkhati ghaan'indriya.m,||
ghaan'indriye sa.mvara.m aapajjati.|| ||

Jivhaaya rasa.m saayitvaa na nimittaggaahii hoti naanuvya~njanaggaahii,||
yatvaadhikara.namena.m jivh'indriya.m asa.mvuta.m viharanta.m abhijjhaa-domanassaa paapakaa akusalaa dhammaa anvaassaveyyu.m,||
tassa sa.mvaraaya pa.tipajjati,||
rakkhati jivh'indriya.m,||
jivh'indriye sa.mvara.m aapajjati.|| ||

Kaayena pho.t.thabba.m phusitvaa na nimittaggaahii hoti naanuvya~njanaggaahii,||
yatvaadhikara.namena.m kaay'indriya.m asa.mvuta.m viharanta.m abhijjhaa-domanassaa paapakaa akusalaa dhammaa anvaassaveyyu.m,||
tassa sa.mvaraaya pa.tipajjati,||
rakkhati kaay'indriya.m,||
kaay'indriye sa.mvara.m aapajjati.|| ||

Manasaa dhamma.m vi~n~naaya na nimittaggaahii hoti naanuvya~njanaggaahii,||
yatvaadhikara.namena.m man'indriya.m asa.mvuta.m viharanta.m abhijjhaa-domanassaa paapakaa akusalaa dhammaa anvaassaveyyu.m,||
tassa sa.mvaraaya pa.tipajjati,||
rakkhati man'indriya.m,||
man'indriye sa.mvara.m aapajjati.|| ||

Eva.m kho bhikkhave bhikkhu va.na.m pa.ticchaadetaa hoti.|| ||

(5) Katha~n ca bhikkhave bhikkhu dhuuma.m kattaa hoti?|| ||

Idha, bhikkhave, bhikkhu||
yathaasuta.m yathaapariyatta.m dhamma.m vitthaarena paresa.m desetaa hoti.|| ||

Eva.m kho bhikkhave bhikkhu dhuuma.m kattaa hoti.|| ||

(6) Katha~n ca bhikkhave bhikkhu tittha.m jaanaati?|| ||

Idha, bhikkhave, bhikkhu ye te bhikkhuu bahussutaa aagataagamaa dhammadharaa vinayadharaa maatikaadharaa,||
te kaalena kaala.m upasa'nkamitvaa paripucchati paripa~nhati:|| ||

'Ida.m bhante katha.m,||
imassa ko attho' ti?|| ||

Tassa te aayasmanto aviva.ta~n c'eva vivaranti,||
anuttaaniikata~n ca uttaanii.m karonti,||
anekavihitesu ca ka'nkha.t.thaaniiyesu dhammesu ka'nkha.m pa.tivinodenti.|| ||

Eva.m kho bhikkhave bhikkhu tittha.m jaanaati.|| ||

(7) Katha~n ca bhikkhave [224] bhikkhu piita.m jaanaati?|| ||

Idha, bhikkhave, bhikkhu Tathaagatappavedite dhamma-vinaye desiyamaane labhati atthaveda.m,||
labhati dhammaveda.m,||
labhati dhammuupasa.mhita.m paamojja.m.|| ||

Eva.m kho bhikkhave bhikkhuu piita.m jaanaati.|| ||

(8) Katha~n ca bhikkhave bhikkhu viithi.m jaanaati?|| ||

Idha, bhikkhave, bhikkhu ariya.m a.ta'ngika.m magga.m yathaabhuuta.m pajaanaati.|| ||

Eva.m kho bhikkhave bhikkhu viithi.m jaanaati.|| ||

(9) Katha~n ca bhikkhave bhikkhu gocara-kusalo hoti?|| ||

Idha, bhikkhave, bhikkhu cattaaro satipa.t.thaane yathaabhuuta.m pajaanaati.|| ||

Eva.m kho bhikkhave bhikkhu gocara-kusalo hoti.|| ||

(10) Katha~n ca bhikkhave bhikkhu saavasesadohii hoti?|| ||

Idha, bhikkhave, bhikkhu.m saddhaa gahapatikaa abhiha.t.thu.m pavaarenti ciivara-pi.n.dapaata-senaasana-gilaana-paccayabhesajja-parikkhaarehi||
tatra bhikkhu matta.m jaanaati pa.tiggaha.naaya.|| ||

Eva.m kho bhikkhave bhikkhu saavasesadohii hoti.|| ||

(11) Katha~n ca bhikkhave bhikkhu ye te bhikkhuu theraa ratta~n~nuu cirapabbajitaa sa'nghapitaro sa'nghapari.naayakaa,||
te atiirekapuujaaya puujetaa hoti?|| ||

Idha, bhikkhave, bhikkhu||
ye te bhikkhuu theraa ratta~n~nuu cirapabbajitaa sa'nghapitaro sa'nghapari.naayakaa,||
tesu metta.m kaaya-kamma.m paccupa.t.thaapeti aavii c'eva raho ca,||
metta.m vacii-kamma.m paccupa.t.thaapeti aavii c'eva raho ca,||
metta.m mano-kamma.m paccupa.t.thaapeti aavii c'eva raho ca.|| ||

Eva.m kho bhikkhave bhikkhu ye te bhikkhuu theraa ratta~n~nuu cirapabbajitaa sa'nghapitaro sa'nghapari.naayakaa,||
te atirekapuujaaya puujetaa hoti.|| ||

Imehi kho bhikkhave ekaadasahi dhammehi samannaagato bhikkhu bhabbo imasmi.m dhamma-vinaye vu.d.dhi.m viruu.lhi.m vepulla.m aapajjitunti.|| ||

Idam avoca Bhagavaa.|| ||

Attamanaa te bhikkhuu Bhagavato bhaasita.m abhinandunti.|| ||

Mahaagopaalakasutta.m tatiya.m


Contact:
E-mail
Copyright Statement