Majjhima Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Majjhima Nikaaya
I. Muulapa.n.naasa
4. Mahaa Yamaka Vagga

Sutta 36

Mahaa Saccaka Sutta.m

Based on the 'Sri Lanka Buddha Jayanti Tripitaka Series.'

 


[237]

[1][chlm][pts][than][ntbb][upal] Eva.m me suta.m:|| ||

Eka.m samaya.m Bhagavaa Vesaaliya.m viharati Mahaavane Kuu.taagaarasaalaya.m.|| ||

Tena kho pana samayena Bhagavaa pubba.nha-samaya.m sunivattho hoti pattaciivara.m aadaaya Vesaali.m pi.n.daaya pavisitukaamo.|| ||

Atha kho Saccako Niga.n.tha-putto ja'nghaavihaara.m anuca'nkamamaano anuvicaramaano yena Mahaavana.m Kuu.taagarasaalaa ten'upasa'nkami.|| ||

Addasaa kho aayasmaa Aanando Saccaka.m Niga.n.tha-putta.m duurato va aagacchanta.m,||
disvaana Bhagavanta.m etad avoca:|| ||

"Aya.m bhante Saccako Niga.n.tha-putto aagacchati bhassappavaadiko pa.n.ditavaado,||
saadhusammato bahujanassa.|| ||

Eso kho bhante ava.n.nakaamo Buddhassa,||
ava.n.nakaamo Dhammassa,||
ava.n.nakaamo Sa'nghassa.|| ||

Saadhu bhante Bhagavaa muhutta.m nisiidatu anukampa.m upaadaayaa" ti.|| ||

Nisiidi Bhagavaa pa~n~natte aasane.|| ||

Atha kho Saccako Niga.n.da-putto yena Bhagavaa ten'upasa'nkami.|| ||

Upasa'nkamitvaa Bhagavataa saddhi.m sammodi.|| ||

Sammodaniiya.m katha.m saaraa.niiya.m viitisaaretvaa eka-m-anta.m nisiidi.|| ||

Eka-m-anta.m nisinno kho Saccako Niga.n.tha-putto Bhagavanta.m etad avoca:|| ||

2. "Santi bho Gotama eke sama.na-braahma.naa kaaya-bhaavanaanuyogam-anuyuttaa viharanti||
no citta-bhaavana.m.|| ||

Phusanti hi te bho Gotama saariirika.m dukkha.m vedana.m.|| ||

Bhuutapubba.m bho Gotama saariirikaaya dukkhaaya vedanaaya pu.t.thassa sato uurukkhambho pi naama bhavissati,||
hadayam pi naama phaalissati||
u.nham pi lohita.m mukhato uggamissati,||
ummaadam pi paapu.nissati cittakkhepa.m.|| ||

Tassa kho eta.m bho Gotama kaayanvaya.m citta.m hoti,||
kaayassa vasena vattati.|| ||

Ta.m kissa hetu?|| ||

[238] Abhaavitattaa cittassa.|| ||

Santi pana bho Gotama eke sama.na-braahma.naa citta-bhaavanaanuyogam-anuyuttaa viharanti,||
no kaaya-bhaavana.m.|| ||

Phusanti hi te bho Gotama cetasika.m dukkha.m vedana.m.|| ||

Bhuutapubba.m bho Gotama cetasikaaya dukkhaaya vedanaaya phu.t.thassa sato uurukkhambho pi naama bhavissati,||
hadayam pi naama phaalissati,||
u.nham pi lohita.m mukhato uggamissati,||
ummaadam pi paapu.nissati cittakkhepa.m.|| ||

Tassa kho eso bho Gotama cittanvayo kaayo hoti,||
cittassa vasena vattati.|| ||

Ta.m kissa hetu?|| ||

Abhaavitattaa kaayassa.|| ||

Tassa mayha.m bho Gotama eva.m hoti:|| ||

Addhaa bhoto Gotamassa saavakaa citta-bhaavanaanuyogam-anuyuttaa viharanti,||
no kaaya-bhaavanan" ti.|| ||

3. "Kinti pana te Aggivessana kaaya-bhaavanaa sutaa" ti?|| ||

"Seyyathiida.m:||
Nando Vaccho,||
Kiso Sa.mkicco,||
Makkhali Gosaalo -||
ete hi bho Gotama acelakaa muttaacaaraa hatthaapalekhanaa,||
na ehi-bhadantikaa,||
na ti.t.tha-bhadantikaa,||
na abhiha.ta.m||
na uddissaka.ta.m||
na nimanta.na.m saadiyanti.|| ||

Te na kumbhimukhaa patiga.nhanti,||
na ka.lopimukhaa patiga.nhanti,||
na e.lakamantara.m,||
na da.n.damantara.m,||
na musalamantara.m,||
na dvinna.m bhu~njamaanaana.m,||
na gabbhiniyaa,||
na paayamaanaaya,||
na purisantaragataaya,||
na sa'nkittiisu,||
na yattha saa upa.t.thito hoti,||
na yattha makkhikaa sa.n.dacaarinii,||
na maccha.m,||
na ma.msa.m||
na sura.m||
na meraya.m||
na thusodaka.m pipanti.|| ||

Te ekaagaarikaa vaa honti ekaalopikaa,||
dvaagaarikaa vaa honti dvaalopikaa,||
sattaagaarikaa vaa honti sattaalopikaa.|| ||

Ekissaa pi dattiyaa yaapenti,||
dviihi pi dattiihi yaapenti,||
sattahi pi dantiihi yaapenti.|| ||

Ekaahikam pi aahaara.m aahaarenti,||
dviihikam pi aahaara.m aahaarenti,||
sattaahikam pi aahaara.m aahaarenti.|| ||

Iti evaruupa.m addhamaasikam pi pariyaaya-bhatta-bhojanaanuyogam-anuyuttaa viharantii" ti.|| ||

4. "Ki.m pana te Aggivessana taavataken'eva yaapentii" ti?|| ||

"No h'ida.m bho Gotama.|| ||

App'ekadaa bho Gotama u.laaraani u.laaraani khaadaniiyaanii khaadanni||
u.laaraani u.laaraani bhojaniiyaani bhu~njanti||
u.laaraani u.laaraani saayaniyaani saayanti||
u.laaraani u.laaraani paanaani pivanti.|| ||

Te imehi kaaya.m bala.m gaahenti naama,||
bruuhenti naama,||
medenti naamaa" ti.|| ||

"Ya.m kho te Aggivessana purima.m pahaaya pacchaa upacinanti.|| ||

Eva.m imassa kaayassa aacayaapacayo hoti.|| ||

5. Kinni pana te Aggivessana citta-bhaavanaa sutaa" ti?|| ||

Citta-bhaavanaaya [239] kho Saccako Niga.n.tha-putto Bhagavataa pu.t.tho samaano na sampaayaasi.|| ||

6. Atha kho Bhagavaa Saccaka.m Niga.n.tha-putta.m etad avoca:

"Yaa pi kho te esaa Aggivessana purimaa kaaya-bhaavanaa bhaasitaa,||
saa pi ariyassa vinaye no dhammikaa kaaya-bhaavanaa.|| ||

Kaaya-bhaavana.m hi kho tva.m Aggivessana na a~n~naasi,||
kuto pana tva.m citta-bhaavana.m jaanissasi.|| ||

Api ca Aggivessana yathaa abhaavita-kaayo ca hoti abhaavita-citto ca,||
bhaavita-kaayo ca bhaavita-citto ca,||
ta.m su.naahi,||
saadhuka.m manasikarohi,||
bhaasissaamii" ti.|| ||

"Eva.m bho" ti kho Saccako Niga.n.tha-putto Bhagavato paccassosi.|| ||

Bhagavaa etad avoca:|| ||

7. "Katha~n ca Aggivessana abhaavitakaayo ca hoti abhaavitacitto ca?|| ||

Idha Aggivessana assutavato puthujjanassa uppajjati sukhaa vedanaa.|| ||

So sukhaaya vedanaaya phu.t.tho samaano sukhasaaraagii ca hoti,||
sukhasaaraagita~n ca aapajjati||
tassa saa sukhaa vedanaa nirujjhati.|| ||

Sukhaaya vedanaaya nirodhaa uppajjati dukkhaa vedanaa.|| ||

So dukkhaaya vedanaaya phu.t.tho samaano||
socati||
kilamati||
paridevati||
urattaa.li.m kandati,||
sammoha.m aapajjati.|| ||

Tassa kho esaa Aggivessana uppannaa pi sukhaa vedanaa citta.m pariyaadaaya ti.t.thati abhaavitattaa kaayassa.|| ||

Uppannaa pi dukkhaa vedanaa citta.m pariyaadaaya ti.t.thati abhaavitattaa cittassa.|| ||

Yassa kassaci Aggivessana eva.m ubhatopakkha.m uppannaa pi sukhaa vedanaa citta.m pariyaadaaya ti.t.thati abhaavitattaa kaayassa,||
uppannaa pi dukkhaa vedanaa citta.m pariyaadaaya ti.t.thati abhaavitattaa cittassa,||
eva.m kho Aggivessana abhaavitakaayo ca hoti abhaavita-citto ca.|| ||

8. Katha~n ca Aggivessana abhaavitakaayo ca hoti abhaavita-citto ca?|| ||

Idha Aggivessana sutavato ariyasaavakassa uppajjati sukhaa vedanaa.|| ||

So sukhaaya vedanaaya phu.t.tho samaano no sukhasaaraagii hoti,||
na sukhasaaraagita.m aapajjati||
tassa saa sukhaa vedanaa nirujjhati.|| ||

Sukhaaya vedanaaya nirodhaa uppajjati dukkhaa vedanaa.|| ||

So dukkhaaya vedanaaya phu.t.tho samaano||
na socati||
na kilamati||
na paridevati||
na urattaa.li.m kandati,||
na sammoha.m aapajjati.|| ||

Tassa kho esaa Aggivessana uppannaa pi sukhaa vedanaa citta.m na pariyaadaaya ti.t.thati bhaavitattaa kaayassa.|| ||

Uppannaa pi dukkhaa vedanaa citta.m na pariyaadaaya ti.t.thati bhaavitattaa cittassa.|| ||

Yassa kassaci Aggivessana eva.m ubhatopakkha.m uppannaa pi sukhaa vedanaa [240] citta.m na pariyaadaaya ti.t.thati bhaavitattaa kaayassa,||
uppannaa pi dukkhaa vedanaa citta.m na pariyaadaaya ti.t.thati bhaavitattaa cittassa.|| ||

Eva.m kho Aggivessana bhaavitakaayo ca hoti bhaavita-citto caa" ti.|| ||

9. "Eva.m pasanno aha.m bhoto Gotamassa:||
bhava.m hi Gotamo bhaavita-kaayo ca bhaavita-citto caa" ti.|| ||

"Addhaa kho te aya.m Aggivessana aasajja upaniiya vaacaa bhaasitaa.|| ||

Api ca te aha.m vyaakarissaami:|| ||

Yato kho aha.m Aggivessana kesamassu.m ohaaretvaa kaasaayaani vatthaani acchaadetvaa agaarasmaa anagaariya.m pabbajito,||
ta.m vata me uppannaa vaa sukhaa vedanaa citta.m pariyaadaaya .thassati,||
uppannaa vaa dukkhaa vedanaa citta.m pariyaadaaya .thassatiiti n'eta.m kho .thaana.m vijjatii" ti.|| ||

"Na ha nuuna bhoto Gotamassa uppajjati tathaaruupaa sukhaa vedanaa yathaaruupaa uppannaa sukhaa vedanaa citta.m pariyaadaaya ti.theyya,||
na ha nuuna bhoto Gotamassa uppajjati tathaaruupaa dukkhaa vedanaa,||
yathaaruupaa uppannaa dukkhaa vedanaa citta.m pariyaadaaya ti.t.theyyaa" ti?|| ||

"Ki.m hi no siyaa Aggivessana?|| ||

10. Idha me Aggivessana pubbe va sambodhaa anabhisambuddhassa bodhisattass'eva sato etad ahosi:|| ||

'Sambaadho gharaavaaso rajaapatho,||
abbhokaaso pabbajjaa||
na'y'da.m sukara.m agaara.m ajjhaavasataa ekanta-paripu.n.na.m ekanta-parisuddha.m sa.mkhalikhita.m brahmacariya.m caritu.m.|| ||

Yan'nuunaaha.m kesamassu.m ohaaretvaa kaasaayaani vatthaani acchaadetvaa agaarasmaa anagaariya.m pabbajeyyan' ti.|| ||

So kho aha.m Aggivessana aparena samayena daharova samaano susu kaa.lakeso bhaddena yobbanena samannaagato pa.thamena vayasaa,||
akaamakaana.m maataa-pitunna.m assumukhaana.m rudantaana.m,||
kesamassu.m ohaaretvaa kaasaayaani vatthaani acchaadetvaa agaarasmaa anagaariya.m pabbaji.m.|| ||

So eva.m pabbajito samaano ki.mkusalagavesii anuttara.m santivarapada.m pariyesamaano yena Aa.laaro Kaalaamo ten'upasa'nkami.m,||
upasa'nkamitvaa Aa.laara.m Kaalaama.m etad avoca.m:|| ||

'Icchaam'aha.m aavuso Kaalaama imasmi.m dhamma-vinaye brahmacariya.m caritun' ti.|| ||

Eva.m vutte Aggivessana Aa.laaro Kaalaamo ma.m etad avoca:|| ||

'Viharat'aayasmaa, taadiso aya.m dhammo yattha vi~n~nuu puriso nacirass'eva saka.m aacariyaka.m saya.m abhi~n~naa sacchikatvaa upasampajja vihareyyaa' ti.|| ||

So kho aha.m Aggivessana nacirass'eva khippam'eva ta.m dhamma.m pariyaapu.ni.m.|| ||

So kho aha.m Aggivessana taavataken'eva o.t.thapahatamattena lapitalaapanamattena ~naa.navaada~n ca vadaami theravaada~n ca,||
jaanaami passaamiiti ca pa.tijaanaami aha~n c'eva a~n~ne ca.|| ||

Tassa mayha.m Aggivessana etad ahosi:|| ||

'Na kho Aa.laaro Kaalaamo ima.m dhamma.m kevala.m saddhaamattakena:||
saya.m abhi~n~naa sacchikatvaa upasampajja viharaamiiti pavedeti||
addhaa Aa.laaro Kaalaamo ima.m dhamma.m jaana.m passa.m viharatii' ti.|| ||

Atha khvaaha.m Aggivessana yena Aa.laaro Kaalaamo ten'upasa'nkami.m.|| ||

Upasa'nkamitvaa Aa.laara.m Kaalaama.m etad avoca:|| ||

'Kittaavataa no aavuso Kaalaama ima.m dhamma.m saya.m abhi~n~naa sacchikatvaa upasampajja pavedesii' ti?|| ||

Eva.m vutte Aggivessana Aa.laaro Kaalaamo aaki~nca~n~naayatana.m pavedesi.||
|| ||

Tassa mayha.m Aggivessana etad ahosi:|| ||

'Na kho Aa.laarass'eva Kaalaamassa atthi saddhaa,||
mayham p'atthi saddhaa,||
na kho Aa.laarass'eva Kaalaamassa atthi viriya.m,||
mayham p'atthi viriya.m,||
na kho Aa.laarass'eva Kaalaamassa atthi sati,||
mayham p'atthi sati,.|| ||

Na kho Aa.laarass'eva Kaalaamassa atthi samaadhi,||
mayham p'atthi samaadhi.|| ||

Na kho Aa.laarass'eva Kaalaamassa atthi pa~n~naa,||
mayham p'atthi pa~n~naa.|| ||

Yan'nuunaaha.m ya.m dhamma.m Aa.laaro Kaalaamo:|| ||

'Saya.m abhi~n~naa sacchikatvaa upasampajja viharaamiiti pavedeti tassa Dhammassa sacchikiriyaaya padaheyyan' ti.|| ||

So kho aha.m Aggivessana nacirass'eva khippam'eva ta.m dhamma.m saya.m abhi~n~naa sacchikatvaa upasampajja vihaasi.m.|| ||

Atha khvaaha.m Aggivessana yena Aa.laaro Kaalaamo ten'upasa'nkami.m.|| ||

Upasa'nkamitvaa Aa.laara.m Kaalaama.m etad avoca.m:|| ||

'Ettaavataa no aavuso Kaalaama ima.m dhamma.m saya.m abhi~n~naa sacchikatvaa upasampajja pavedesii' ti.|| ||

'Ettaavataa kho aha.m aavuso ima.m dhamma.m saya.m abhi~n~naa sacchikatvaa upasampajja pavedemii' ti.|| ||

Aham pi kho aavuso ettaavataa ima.m dhamma.m saya.m abhi~n~naa sacchikatvaa upasampajja viharaamiiti.|| ||

Laabhaa no aavuso,||
suladdha.m no aavuso,||
ye maya.m aayasmanta.m taadisa.m sabrahmacaari.m passaama.|| ||

Iti yaaha.m dhamma.m saya.m abhi~n~naa sacchikatvaa upasampajja pavedemi,||
ta.m tva.m dhamma.m saya.m abhi~n~naa sacchikatvaa upasampajja viharasi.|| ||

Ya.m tva.m dhamma.m saya.m abhi~n~naa sacchikatvaa upasampajja viharasi,||
tam aha.m dhamma.m saya.m abhi~n~naa sacchikatvaa upasampajja pavedemi.|| ||

Iti yaaha.m dhamma.m jaanaami,||
ta.m tva.m dhamma.m jaanaasi.|| ||

Ya.m tva.m dhamma.m jaanaasi,||
tam aha.m dhamma.m jaanaami.|| ||

Iti yaadiso aha.m,||
taadiso tva.m.|| ||

Yaadiso tva.m,||
taadiso aha.m.|| ||

Ehi daani aavuso,||
ubho va santaa ima.m ga.na.m pariharaamaa' ti.|| ||

Iti kho Aggivessana Aa.laaro Kaalaamo aacariyo me samaano antevaasi.m ma.m samaana.m attano samasama.m .thapesi,||
u.laaraaya ca ma.m puujaaya puujesi.|| ||

Tassa mayha.m Aggivessana etad ahosi:|| ||

'Naaya.m dhammo nibbidaaya na viraagaaya na nirodhaaya na upasamaaya na abhi~n~naaya na sambodhaaya na nibbaanaaya sa.mvattati,||
yaavad eva aaki~nca~n~naayatanuupapattiyaa' ti.|| ||

So kho aha.m Aggivessana ta.m dhamma.m anala.mkaritvaa tasmaa dhammaa nibbijja apakkami.m.|| ||

So kho aha.m Aggivessana ki.m kusalagavesii anuttara.m santivarapada.m pariyesamaano yena Uddako Raamaputto ten'upasa'nkami.m.|| ||

Upasa'nkamitvaa Uddaka.m Raamaputta.m etad avoca.m:|| ||

'Icchaam'aha.m aavuso imasmi.m dhamma-vinaye brahmacariya.m caritun' ti.|| ||

Eva.m vutte Aggivessana Uddako Raamaputto ma.m etad avoca:|| ||

'Viharat'aayasmaa, taadiso aya.m dhammo yattha vi~n~nuu puriso nacirass'eva saka.m aacariyaka.m saya.m abhi~n~naa sacchikatvaa upasampajja vihareyyaa' ti.|| ||

So kho aha.m Aggivessana nacirass'eva khippam'eva ta.m dhamma.m pariyaapu.ni.m.|| ||

So kho aha.m Aggivessana taavataken'eva o.t.thapahatamattena lapitalaapanamattena ~naa.navaada~n ca vadaami theravaada~n ca||
'jaanaami, passaamii' ti ca pa.tijaanaami aha~n c'eva a~n~ne ca.|| ||

Tassa mayha.m Aggivessana etad ahosi:|| ||

'Na kho Raamo ima.m dhamma.m kevala.m saddhaamattakena:||
saya.m abhi~n~naa sacchikatvaa upasampajja viharaamiiti pavedesi,||
addhaa Raamo ima.m dhamma.m jaana.m passa.m vihaasiiti.|| ||

Atha khvaaha.m Aggivessana yena Uddako Raamaputto ten'upasa'nkami.m.|| ||

Upasa'nkamitvaa Uddaka.m Raamaputta.m etad avoca.m:|| ||

'Kittaavataa no aavuso Raamo ima.m dhamma.m saya.m abhi~n~naa sacchikatvaa upasampajja pavedesii' ti?|| ||

Eva.m vutte Aggivessana Uddako Raamaputto n'eva-sa~n~naa-naasa~n~naayatana.m pavedesi.|| ||

Tassa mayha.m Aggivessana etad ahosi:|| ||

'Na kho Raamass'eva ahosi saddhaa,||
mayham p'atthi saddhaa.|| ||

Na kho Raamass'eva ahosi viriya.m,||
mayham p'atthi viriya.m.|| ||

Na kho Raamass'eva ahosi sati,||
mayham p'atthi sati.|| ||

Na kho Raamass'eva ahosi samaadhi,||
mayham p'atthi samaadhi.|| ||

Na kho Raamass'eva ahosi pa~n~naa,||
mayham p'atthi pa~n~naa.|| ||

Yan'nuunaaha.m ya.m dhamma.m Raamo:||
saya.m abhi~n~naa sacchikatvaa upasampajja viharaamiiti pavedesi,||
tassa Dhammassa sacchikiriyaaya padaheyyan" ti.|| ||

So kho aha.m Aggivessana nacirass'eva khippam'eva ta.m dhamma.m saya.m abhi~n~naa sacchikatvaa upasampajja vihaasi.m.|| ||

Atha khvaaha.m Aggivessana yena Uddako Raamaputto ten'upasa'nkami.m.|| ||

Upasa'nkamitvaa Uddaka.m Raamaputta.m etad avoca.m:|| ||

'Ettaavataa no aavuso Raamo ima.m dhamma.m saya.m abhi~n~naa sacchikatvaa upasampajja pavedesii' ti?|| ||

'Ettaavataa kho Raamo aavuso ima.m dhamma.m saya.m abhi~n~naa sacchikatvaa upasampajja pavedesii' ti.|| ||

'Aham pi kho aavuso ettaavataa ima.m dhamma.m saya.m abhi~n~naa sacchikatvaa upasampajja viharaamiiti.|| ||

Laabhaa no aavuso,||
suladdha.m no aavuso,||
ye maya.m aayasmanta.m taadisa.m sabrahmacaari.m passaama.|| ||

Iti ya.m dhamma.m Raamo saya.m abhi~n~naa sacchikatvaa upasampajja pavedesi,||
ta.m tva.m dhamma.m saya.m abhi~n~naa sacchikatvaa upasampajja viharasi.|| ||

Ya.m tva.m dhamma.m saya.m abhi~n~naa sacchikatvaa upasampajja viharasi,||
ta.m dhamma.m Raamo saya.m abhi~n~naa sacchikatvaa upasampajja pavedesi.|| ||

Iti ya.m dhamma.m Raamo a~n~naasi,||
ta.m tva.m dhamma.m jaanaasi||
ya.m tva.m dhamma.m jaanaasi||
ta.m dhamma.m Raamo a~n~naasi.|| ||

Iti yaadiso Raamo ahosi,||
taadiso tva.m,||
yaadiso tva.m,||
taadiso Raamo ahosi.|| ||

Ehi daani aavuso,||
tva.m ima.m ga.na.m pariharaa' ti.

Iti kho Aggivessana Uddako Raamaputto sabrahmacaarii me samaano aacariya.t.thaane va ma.m .thapesi||
u.laaraaya ca ma.m puujaaya puujesi.|| ||

Tassa mayha.m Aggivessana etad ahosi:|| ||

'Naaya.m dhammo nibbidaaya na viraagaaya na nirodhaaya na nibbaanaaya sa.mvattati,||
yaavad eva n'eva-sa~n~naa-naasa~n~naayatanuupapattiyaa' ti.|| ||

So kho aha.m Aggivessana ta.m dhamma.m anala.mkaritvaa tasmaa dhammaa nibbijja apakkami.m.|| ||

So kho aha.m Aggivessana ki.mkusalagavesii anuttara.m santivarapada.m pariyesamaano Magadhesu anupubbena caarika.m caramaano yena Uruvelaa senaanigamo tad'avasari.m.|| ||

Tatth'addasa.m raama.niiya.m bhuumibhaaga.m,||
paasaadika~n ca vanasa.n.da.m,||
nadi~n ca sandanti.m setaka.m supatittha.m raama.niiya.m,||
samantaa ca gocaragaama.m.|| ||

Tassa mayha.m Aggivessana etad ahosi:|| ||

'Raama.niiyo vata bhuumibhaago paasaadiko ca vanasa.n.do,||
nadii ca sandati setakaa supatitthaa raama.niiyaa,||
samantaa ca gocaragaamo;||
ala.m vat'ida.m kulaputtassa padhaanatthikassa padhaanaayaa" ti.|| ||

So kho aha.m Aggivessana tatth'eva nisiidi.m alam'ida.m padhaanaayaati.|| ||

23. Api'ssu ma.m Aggivessana tisso upamaa pa.tibha.msu anacchariyaa pubbe assutapubbaa:|| ||

Seyyathaa pi Aggivessana alla.m ka.t.tha.m sasneha.m udake nikkhitta.m,||
atha puriso aagaccheyya uttaraara.ni.m aadaaya:|| ||

'Aggi.m abhinibbattessaami,||
tejo paatukarissaamii' ti.|| ||

Ta.m ki.m ma~n~nasi Aggivessana?|| ||

Api nu so puriso amu.m alla.m ka.t.tha.m sasneha.m udake nikkhitta.m uttaraara.ni.m aadaaya abhimanthento aggi.m abhinibbatteyya,||
tejo paatu kareyyaa" ti?|| ||

"No h'ida.m bho Gotama.|| ||

Ta.m kissa hetu?|| ||

Adu.m hi bho Gotama alla.m ka.t.tha.m sasneha.m.|| ||

Ta~n ca pana [241] udake nikkhitta.m.|| ||

Yaavad eva ca pana so puriso kilamathassa vighaatassa bhaagii assaa" ti.|| ||

"Evam eva kho Aggivessana ye hi keci sama.naa vaa braahma.naa vaa kaayena c'eva kaamehi avuupaka.t.thaa viharanti,||
yo ca n'esa.m kaamesu kaamacchando kaamasneho kaamamucchaa kaamapipaasaa kaama pari.laaho,||
so ca ajjhatta.m na suppahiino hoti na suppa.tippassaddho.|| ||

Opakkamikaa ce pi te bhonto sama.na-braahma.naa dukkhaa tippaa ka.tukaa vedanaa vediyanti,||
Abhabbaa va te ~naa.naaya dassanaaya anuttaraaya sambodhaaya.|| ||

No ce pi te bhonto sama.na-braahma.naa opakkamikaa dukkhaa tippaa ka.tukaa vedanaa vediyanti,||
abhabbaa va te ~naa.naaya dassanaaya anuttaraaya sambodhaaya.|| ||

Aya.m kho ma.m Aggivessana pa.thamaa upamaa pa.tibhaasi anacchariyaa pubbe assutapubbaa.|| ||

24. Aparaa pi kho ma.m Aggivessana dutiyaa upama.m pa.tibhaasi anacchariyaa pubbe assutapubbaa:|| ||

Seyyathaa pi Aggivessana alla.m ka.t.tha.m sasneha.m aarakaa udakaa thale nikkhitta.m,||
atha puriso aagaccheyya uttaraara.ni.m aadaaya:|| ||

'Aggi.m abhinibbattessaami,||
tejo paatu karissaamii' ti.|| ||

Ta.m ki.m ma~n~nasi Aggivessana?|| ||

Api nu so puriso amu.m alla.m ka.t.tha.m sasneha.m aarakaa udakaa thale nikkhitta.m uttaraara.ni.m aadaaya abhimanthento aggi.m abhinibbatteyya,||
tejo paatu kareyyaa" ti?|| ||

"No h'ida.m bho Gotama.|| ||

Ta.m kissa hetu?|| ||

Adu.m hi bho Gotama alla.m ka.t.tha.m sasneha.m,||
ki~ncaapi aarakaa udakaa thale nikkhitta.m,||
yaavad eva ca pana so puriso kilamathassa vighaatassa bhaagii assaa" ti.|| ||

"Evam eva kho Aggivessana ye hi keci sama.naa vaa braahma.naa vaa kaayena c'eva kaamehi avuupaka.t.thaa viharanti,||
yo ca n'esa.m kaamesu kaamacchando kaamasneho kaamamucchaa kaamapipaasaa kaamapari.laaho so ca ajjhatta.m na suppahiino hoti na suppa.tippassaddho.|| ||

Opakkamikaa ce pi te bhonto sama.na-braahma.naa dukkhaa tippaa ka.tukaa vedanaa vediyanti||
abhabbaa va te ~naa.naaya dassanaaya anuttaraaya sambodhaaya.|| ||

No ce pi te bhonto sama.na-braahma.naa opakkamikaa dukkhaa tippaa ka.tukaa vedanaa vediyanti,||
abhabbaa va te ~naa.naaya dassanaaya anuttaraaya sambodhaaya.|| ||

Aya.m kho ma.m Aggivessana dutiyaa upamaa pa.tibhaasi anacchariyaa pubbe assutapubbaa.|| ||

25. Aparaa pi kho ma.m Aggivessana tatiyaa upamaa pa.tibhaasi [242] anacchariyaa pubbe assutapubbaa:|| ||

Seyyathaa pi Aggivessana sukkha.m ka.t.tha.m ko.laapa.m aarakaa udakaa thale nikkhitta.m,||
atha puriso aagaccheyya uttaraara.ni.m aadaaya:|| ||

'Aggi.m abhinibbattessaami,||
tejo paatu karissaamii' ti.|| ||

Ta.m ki.m ma~n~nasi Aggivessana?|| ||

Api nu so puriso amu.m sukkha.m ka.t.tha.m ko.laapa.m aarakaa udakaa thale nikkhitta.m uttaraara.ni.m aadaaya abhimanthento aggi.m abhinibbatteyya,||
tejo paatu kareyyaa" ti?|| ||

"Eva.m bho Gotama.|| ||

Ta.m kissa hetu?|| ||

Adu.m hi bho Gotama sukkha.m ka.t.tha.m ko.laapa.m,||
ta~n ca pana aarakaa udakaa thale nikkhittan" ti.|| ||

"Evam eva kho Aggivessana ye hi keci sama.naa vaa braahma.naa vaa kaayena c'eva kaamehi vuupaka.t.thaa viharanti,||
yo ca n'esa.m kaamesu||
kaamacchando||
kaamasneho||
kaama-mucchaa||
kaama-pipaasaa||
kaama pari.laaho,||
so ca ajjhatta.m suppahiino hoti suppa.tippassaddho.|| ||

Opakkamikaa ce pi te bhonto sama.na-braahma.naa dukkhaa tippaa ka.tukaa vedanaa vediyanti||
bhabbaa va te ~naa.naaya dassanaaya anuttaraaya sambodhaaya||
no ce pi te bhonto sama.na-braahma.naa opakkamikaa dukkhaa tippaa ka.tukaa vedanaa vediyanti,||
bhabbaa va te ~naa.naaya dassanaaya anuttaraaya sambodhaaya.|| ||

Aya.m kho ma.m Aggivessana tatiyaa upamaa pa.tibhaasi anacchariyaa pubbe assutapubbaa.|| ||

Imaa kho ma.m Aggivessana tisso upamaa pa.tibha.msu anacchariyaa pubbe assutapubbaa.|| ||

26. Tassa mayha.m Aggivessana etad ahosi:|| ||

'Yan nuunaaha.m dantehi danta-m-aadhaaya jivhaaya taalu.m aahacca cetasaa citta.m abhinigga.nheyya.m abhinippii.leyya.m abhisantaapeyyan' ti?|| ||

So kho aha.m Aggivessana dantehi danta-m-aadhaaya jivhaaya taalu.m aahacca cetasaa citta.m abhinigga.nhaami abhinippii.lemi abhisantaapemi.|| ||

Tassa mayha.m Aggivessana dantehi danta-m-aadhaaya jivhaaya taalu.m aahacca cetasaa citta.m abhinigga.nhayato abhinippii.layato abhisantaapayato kacchehi sedaa muccanti.|| ||

Seyyathaa pi Aggivessana balavaa puriso dubbalatara.m purisa.m siise vaa gahetvaa khandhe vaa gahetvaa abhinigga.nheyya abhinippii.leyya abhisantaapeyya,||
evam eva kho me Aggivessana dantehi danta-m-aadhaaya jivhaaya taalu.m aahacca cetasaa citta.m abhinigga.nhayato abhinippii.layato abhisantaapayato kacchehi sedaa muccanti.|| ||

Aaraddha.m kho pana me Aggivessana viriya.m hoti asalliina.m||
upa.t.thitaa sati asammu.t.thaa,||
saaraddho ca pana me [243] kaayo hoti appa.tippassaddho ten'eva dukkhappadhaanena padhaanaabhitunnassa sato.|| ||

Evaruupaa pi kho me Aggivessana uppannaa dukkhaa vedanaa citta.m na paridaaya ti.t.tha" ti.

27. Tassa mayha.m Aggivessana etad ahosi:|| ||

'Yan nuunaaha.m appaa.naka.m jhaana.m jhaayeyyan' ti?|| ||

"So kho aha.m Aggivessana mukhato ca naasato ca assaasapassaase uparundhi.m.|| ||

Tassa mayha.m Aggivessana mukhato ca naasato ca assaasapassaasesu uparuddhesu ka.n.nasotehi vaataana.m nikkhamantaana.m adhimatto saddo hoti.|| ||

Seyyathaa pi naama kammaaragaggariyaa dhamamaanaaya adhimatto saddo hoti,||
evam eva kho me Aggivessana mukhato ca naasato ca assaasapassaasesu uparuddhesu ka.n.nasotehi vaataana.m nikkhamantaana.m adhimatto saddo hoti.|| ||

Aaraddha.m kho pana me Aggivessana viriya.m hoti asalliina.m,||
upa.t.thitaa sati asammu.t.thaa,||
saaraddho ca pana me kaayo hoti appa.tippassaddho ten'eva dukkhappadhaanena padhaanaabhitunnassa sato.|| ||

Evaruupaa pi kho me Aggivessana uppannaa dukkhaa vedanaa citta.m na pariyaadaaya ti.t.tha" ti.|| ||

28. Tassa mayha.m Aggivessana etad ahosi:|| ||

'Yan nuunaaha.m appaa.naka.m yeva jhaana.m jhaayeyyan' ti?|| ||

So kho aha.m Aggivessana mukhato ca naasato ca ka.n.nato ca assaasapassaase uparundhi.m.|| ||

Tassa mayha.m Aggivessana mukhato ca naasato ca ka.n.nato ca assaasapassaasesu uparuddhesu adhimattaa vaataa muddhaana.m uuhananti.|| ||

Seyyathaa pi Aggivessana balavaa puriso ti.nhena sikharena muddhaani abhimantheyya,||
evam eva kho me Aggivessana mukhato ca naasato ca ka.n.nato ca assaasapassaasesu uparuddhesu adhimattaa vaataa muddhaana.m uuhananti.|| ||

Aaraddha.m kho pana me Aggivessana viriya.m hoti asalliina.m,||
upa.t.thitaa sati asammu.t.thaa,||
saaraddho ca pana me kaayo hoti appa.tippassaddho tene ca dukkhappadhaanena padhaanaabhitunnassa sato.|| ||

Evaruupaa pi kho me Aggivessana uppannaa dukkhaa vedanaa citta.m na pariyaadaaya ti.t.thati.|| ||

29. Tassa mayha.m Aggivessana etad ahosi:|| ||

'Yan nuunaaha.m appaa.naka.m yeva jhaana.m jhaayeyyan' ti?|| ||

So kho aha.m Aggivessana mukhato ca naasato ca ka.n.nato ca assaasapassaase uparundhi.m.|| ||

Tassa mayha.m Aggivessana mukhato ca naasato ca ka.n.nato ca assaasapassaasesu uparuddhesu adhimattaa siise siisavedanaa honti.|| ||

Seyyathaa pi Aggivessana balavaa puriso [244] da.lhena varattakaba.n.dhanena siise siisave.tha.m dadeyya,||
evam eva kho me Aggivessana mukhato ca naasato ca ka.n.nato ca assaasapassaasesu uparuddhesu adhimattaa siise siisavedanaa honti.|| ||

Aaraddha.m kho pana me Aggivessana viriya.m hoti asalliina.m,||
upa.t.thitaa sati asammu.t.thaa,||
saaraddho ca pana me kaayo hoti appa.tippassaddho tene ca dukkhappadhaanena padhaanaabhitunnassa sato.|| ||

Evaruupaa pi kho me Aggivessana uppannaa dukkhaa vedanaa citta.m na pariyaadaaya ti.t.thati.|| ||

30. Tassa mayha.m Aggivessana etad ahosi:|| ||

'Yan nuunaaha.m appaa.naka.m yeva jhaana.m jhaayeyyan' ti?|| ||

So kho aha.m Aggivessana mukhato ca naasato ca ka.n.nato ca assaasapassaase uparundhi.m.|| ||

Tassa mayha.m Aggivessana mukhato ca naasato ca ka.n.nato ca assaasapassaasesu uparuddhesu adhimattaa vaataa kucchi.m parikantanti.|| ||

Seyyathaa pi Aggivessana dakkho goghaatako vaa goghaatakantevaasii vaa ti.nhena govikantanena kucchi.m parikanteyya,||
evam eva kho me Aggivessana mukhato ca naasato ca ka.n.nato ca assaasapassaasesu uparuddhesu adhimattaa vaataa kucchi.m parikantanti.|| ||

Aaraddha.m kho pana me Aggivessana viriya.m hoti asalliina.m,||
upa.t.thitaa sati asammu.t.thaa,||
saaraddho ca pana me kaayo hoti appa.tippassaddho ten'eva dukkhappadhaanena padhaanaabhitunnassa sato.|| ||

Evaruupaa pi kho me Aggivessana uppannaa dukkhaa vedanaa citta.m na pariyaadaaya ti.t.thati.|| ||

31. Tassa mayha.m Aggivessana etad ahosi:|| ||

'Yan nuunaaha.m appaa.naka.m yeva jhaana.m jhaayeyyan' ti?|| ||

So kho aha.m Aggivessana mukhato ca naasato ca ka.n.nato ca assaasapassaase uparundhi.m.|| ||

Tassa mayha.m Aggivessana mukhato ca naasato ca ka.n.nato ca assaasapassaasesu uparuddhesu adhimatto kaayasmi.m .daaho hoti.|| ||

Seyyathaa pi Aggivessana,||
dve balavanto purisaa dubbalatara.m purisa.m naanaa baahaasu gahetvaa a'ngaarakaasuyaa santaapeyyu.m samparitaapeyyu.m.|| ||

Evam eva kho me Aggivessana mukhato ca naasato ca ka.n.nato ca assaasapassaasesu uparuddhesu adhimatto kaayasmi.m .daaho hoti.|| ||

Aaraddha.m kho pana me Aggivessana viriya.m hoti asalliina.m,||
upa.t.thitaa sati asammu.t.thaa,||
saaraddho ca pana me kaayo hoti appa.tippassaddho tene va dukkhappadhaanena padhaanaabhitunnassa sato.|| ||

Evaruupaapi kho me Aggivessana uppannaa dukkhaa vedanaa citta.m na pariyaadaaya ti.t.thati.|| ||

Api'ssu ma.m Aggivessana [245] devataa disvaa evam aaha.msu:|| ||

'Kaalakato Sama.no Gotamo' ti.|| ||

Ekaccaa devataa evam aaha.msu:|| ||

'Na kaalakato Sama.no Gotamo,||
api ca kaala.m karotii' ti.|| ||

Ekaccaa devataa evam aaha.msu:|| ||

'Na kaalakato Sama.no Gotamo,||
napi kaala.m karoti.|| ||

Araha.m Sama.no Gotamo.|| ||

Vihaaro tv'eve so arahato evaruupo hotii' ti.|| ||

32. Tassa mayha.m Aggivessana etad ahosi:|| ||

'Yan nuunaaha.m sabbaso aahaaruupacchedaaya pa.tipajjeyyan' ti.|| ||

Atha kho ma.m Aggivessana devataa upasa'nkamitvaa etad avocu.m:

'Maa kho tva.m maarisa sabbaso aahaaruupacchedaaya pa.tipajji,||
sace kho tva.m maarisa sabbaso aahaaruupacchedaaya pa.tipajjissasi,||
tassa te maya.m dibba.m oja.m lomakuupehi ajjhohaaressaama,||
taava tva.m yaapessasii' ti.|| ||

Tassa mayha.m Aggivessana etad ahosi:|| ||

'Aha~n c'eva kho pana sabbaso ajaddhukaa pa.tijaaneyya.m,||
imaa ca me devataa dibba.m oja.m lomakuupehi ajjhohaareyyu.m,||
taaya caaha.m yaapeyya.m,||
ta.m mama assa musaa' ti.|| ||

So kho aha.m Aggivessana taa devataa paccaacikkhaami,||
'Halan' ti vadaami.|| ||

33. Tassa mayha.m Aggivessana etad ahosi:|| ||

'Yan nuunaaha.m thoka.m thoka.m aahaara.m aahaareyya.m pasata.m pasata.m -||
yadi vaa muggayuusa.m||
yadi vaa kulatthayuusa.m||
yadi vaa ka.laayayuusa.m||
yadi vaa hare.nukayuusan' ti?|| ||

So kho aha.m Aggivessana thoka.m thoka.m aahaara.m aahaaresi.m pasata.m pasata.m -||
yadi vaa muggayuusa.m||
yadi vaa kulatthayuusa.m||
yadi vaa ka.laayayuusa.m||
yadi vaa hare.nukayuusa.m.|| ||

Tassa mayha.m Aggivessana thoka.m thoka.m aahaara.m aahaarayato pasata.m pasata.m -||
yadi vaa muggayuusa.m||
yadi vaa kulatthayuusa.m||
yadi vaa ka.laayayuusa.m||
yadi vaa hare.nukayuusa.m,||
adhimattakasimaana.m patto kaayo hoti.|| ||

Seyyathaa pi naama aasiitikapabbaani vaa kaalaapabbaani vaa,||
evam eva'ssu me a'ngapacca'ngaani bhavanti taay'ev'appaahaarataaya.|| ||

Seyyathaa pi naama o.t.thapada.m,||
evam eva'ssu me aanisada.m hoti taay'ev'appaahaarataaya.|| ||

Seyyathaa pi naama va.t.tanaava.lii,||
evam eva'ssu me pi.t.thika.n.tako unnataavanato hoti,||
taay'ev'appaahaarataaya.|| ||

Seyyathaa pi naama jarasaalaaya gopaanasiyo oluggaviluggaa bhavanti,||
evam eva'ssu me phaasu.liyo oluggaviluggaa bhavanti taay'ev'appaahaarataaya.|| ||

Seyyathaa pi naama gambhiire udapaane udakataarakaa gambhiiragataa okkhaayikaa dissanti,||
evam eva'ssu me akkhikuupesu akkhitaarakaa gambhiiragataa okkhaayikaa dissanti taay'ev'appaahaarataaya.|| ||

Seyyathaa pi naama titta- [246] kaalaapu aamakacchinno vaataatapena sampu.tito hoti sammilaato,||
evam eva'ssu me siisacchavi sampu.titaa hoti sammilaataa taay'ev'appaahaarataaya.|| ||

34. So kho aha.m Aggivessana udaracchavi.m paraamasissaamiiti pi.t.thika.n.taka.m yeva pariga.nhaami,||
pi.t.thika.n.taka.m paraamasissaamiiti udaracchavi.m yeva pariga.nhaami .|| ||

Yaava'ssu me Aggivessana udaracchavi pi.t.thika.n.taka.m alliinaa hoti taay'ev'appaahaarataaya.|| ||

So kho aha.m Aggivessana:||
vacca.m vaa mutta.m vaa karissaamiiti tatth'eva avakujjo papataami taay'ev'appaahaarataaya.|| ||

So kho aha.m Aggivessana imam eva kaaya.m assaasento paa.ninaa gattaani anumajjaami.|| ||

Tassa mayha.m Aggivessana paa.ninaa gattaani anumajjato puutimuulaani lomaani kaayasmaa papatanti taay'ev'appaahaarataaya.|| ||

Api'ssu ma.m Aggivessana manussaa disvaa evam aaha.msu:

'Kaa.lo Sama.no Gotamo' ti.|| ||

Ekacce manussaa evam aaha.msu:|| ||

'Na kaa.lo Sama.no Gotamo,||
saamo Sama.no Gotamo' ti.|| ||

Ekacce manussaa evam aaha.msu:|| ||

'Na kaa.lo Sama.no Gotamo na pi saamo,||
ma'nguracchavii Sama.no Gotamo' ti.|| ||

Yaava'ssu me Aggivessana taava parisuddho chaviva.n.no pariyodaato upahato hoti taay'ev'appaahaarataaya.|| ||

35. Tassa mayha.m Aggivessana etad ahosi:|| ||

"Ye kho keci atiitam addhaana.m sama.naa vaa braahma.naa vaa opakkamikaa dukkhaa tippaa ka.tukaa vedanaa vediyi.msu,||
etaavaparama.m na-y-ito bhiyyo.|| ||

Ye pi hi keci anaagatam addhaana.m sama.naa vaa braahma.naa vaa opakkamikaa dukkhaa tippaa ka.tukaa vedanaa vediyissanti,||
etaavaparama.m,||
na-y-ito bhiyyo.|| ||

Ye pi hi keci etarahi sama.naa vaa braahma.naa vaa opakkamikaa dukkhaa tippaa ka.tukaa vedanaa vediyanti,||
etaavaparama.m,||
na-y-ito bhiyyo.|| ||

Na kho panaaha.m imaaya ka.tukaaya dukkarakaarikaaya adhigacchaami uttari.m manussa-dhammaa alam-ariya-~naa.na-dassana-visesa.m,||
siyaa nu kho a~n~no maggo bodhaayaati.|| ||

36. Tassa mayha.m Aggivessana etad ahosi:|| ||

'Abhijaanaami kho pa.naaha.m pitu Sakkassa kammante siitaaya jambucchaayaaya nisinno||
vivicc'eva kaamehi||
vivicca akusalehi dhammehi||
savitakka.m||
savicaara.m||
vivekaja.m piiti-sukha.m||
pa.thama.m-jhaana.m upasampajja viharitaa.|| ||

Siyaa nu kho eso maggo bodhaayaa' ti.|| ||

Tassa mayha.m Aggivessana sataanusaarivi~n~naa.na.m ahosi:|| ||

'Eso va maggo bodhaayaa' ti.|| ||

Tassa mayha.m Aggivessana etad ahosi:|| ||

'Kin nu kho [247] aha.m tassa sukhassa bhaayaami yan ta.m sukha.m a~n~natr'eva kaamehi a~n~natra akusalehi dhammehii' ti.|| ||

37. Tassa mayha.m Aggivessana etad ahosi:|| ||

'Na kho aha.m tassa sukhassa bhaayaami yan ta.m sukha.m a~n~natr'eva kaamehi a~n~natra akusalehi dhammehii' ti.|| ||

Tassa mayha.m Aggivessana etad ahosi:|| ||

'Na kho ta.m sukara.m sukha.m adhigantu.m eva.m adhimattakasimaana.m pattakaayena,||
yan nuunaaha.m o.laarika.m aahaara.m aahaareyya odanakummaasan' ti.|| ||

So kho aha.m Aggivessana o.laarika.m aahaara.m aahaaresi.m odanakummaasa.m.|| ||

Tena kho pana ma.m Aggivessana samayena pa~nca bhikkhuu paccupa.t.thitaa honti:|| ||

'Ya.m kho Sama.no Gotamo dhamma.m adhigamissati ta.m no aarocessatii' ti.|| ||

Yato kho aha.m Aggivessana o.laarika.m aahaara.m aahaaresi.m odanakummaasa.m,||
atha me te pa~nca bhikkhuu nibbijja pakkami.msu:|| ||

'Baahuliko Sama.no Gotamo padhaanavibbhanto aavatto baahullaayaa' ti.|| ||

38. So kho aha.m Aggivessana o.laarika.m aahaara.m aahaarito bala.m gahetvaa||
vivicc'eva kaamehi||
vivicca akusalehi dhammehi||
savitakka.m||
savicaara.m||
vivekaja.m piiti-sukha.m||
pa.thama.m-jhaana.m upasampajja vihaasi.m.|| ||

Evaruupaa pi kho me Aggivessana uppannaa sukhaa vedanaa citta.m na pariyaadaaya ti.t.thati.|| ||

39. Vitakka-vicaaraana.m vuupasamaa||
ajjhatta.m sampasaadana.m||
cetaso ekodi-bhaava.m||
avitakka.m||
avicaara.m||
samaadhija.m piiti-sukha.m||
dutiya.m-jhaana.m upasampajja vihaasi.m.|| ||

Evaruupaa pi kho me Aggivessana uppannaa sukhaa vedanaa citta.m na pariyaadaaya ti.t.thati.|| ||

40. Piitiyaa ca viraagaa||
upekkhako ca vihaasi.m||
sato ca sampajaano||
sukha~n ca kaayena pa.tisa'nvedesi.m||
ya.m ta.m ariyaa aacikkhanti:||
'Upekkhako satimaa sukha-vihaarii' ti||
tatiya.m-jhaana.m upasampajja vihaasi.m.|| ||

Evaruupaa pi kho me Aggivessana uppannaa sukhaa vedanaa citta.m na pariyaadaaya ti.t.thati.|| ||

Sukhassa ca pahaanaa||
dukkhassa ca pahaanaa||
pubbe va somanassa-domanassaana.m attha-gamaa||
adukkha.m-asukha.m||
upekkhaa-sati-paarisuddhi.m||
catuttha.m-jhaana.m upasampajja vihaasi.m.|| ||

Evaruupaa pi kho me Aggivessana uppannaa sukhaa vedanaa citta.m na pariyaadaaya ti.t.thati.

So eva.m samaahite citte parisuddhe pariyodaate ana'nga.ne vigatuupakkilese mudubhuute kammaniye .thite aanejjappatte [248] pubbe nivaasaanussati~naa.naaya citta.m abhininnaamesi.m.|| ||

So aneka-vihita.m pubbenivaasa.m anussaraami seyyathiida.m:|| ||

Ekam pi jaati.m,||
dve pi jaatiyo,||
tisso pi jaatiyo,||
catasso pi jaatiyo,||
pa~nca pi jaatiyo,||
dasa pi jaatiyo,||
viisam pi jaatiyo,||
ti.msam pi jaatiyo,||
cattaariisam pi jaatiyo,||
pa~n~naasam pi jaatiyo,||
jaati-satam pi jaati-sahassam pi,||
jaati-sata-sahassam pi,||
aneke pi sa.mva.t.ta-kappe,||
aneke pi viva.t.ta-kappe,||
aneke pi sa.mva.t.ta-viva.t.ta-kappe,||
'amutr'aasi.m eva.m-naamo||
eva.m gotto||
eva.m va.n.no||
evam-aahaaro||
eva.m sukha-dukkha-pa.tisa.mvedii||
evam-aayu-pariyanto,||
so tato cuto||
amutra udapaadi.m.

Tatraa p'aasi.m||
eva.m-naamo||
eva.m gotto||
eva.m va.n.no||
evam-aahaaro||
eva.m sukha-dukkha-pa.tisa.mvedii||
evam-aayu-pariyanto.

So tato cuto||
idhuupapanno' ti.

Iti saakaara.m sa-uddesa.m anekavihita.m pubbe-nivaasa.m anussaraami.|| ||

Aya.m kho me braahma.na rattiyaa pa.thame yaame pa.thamaa vijjaa adhigataa,||
avijjaa vihataa,||
vijjaa uppannaa,||
tamo vihato,||
aaloko uppanno,||
yathaa ta.m appamattassa aataapino pahitattassa viharato.|| ||

Evaruupaapi kho me Aggivessana uppannaa sukhaa vedanaa citta.m na pariyaadaaya ti.t.thati.|| ||

So eva.m samaahite citte parisuddhe,||
pariyodaate,||
ana'nga.ne,||
vigatuupakkilese,||
mudubhuute,||
kammaniye,||
.thite,||
aanejjappatte,||
sattaana.m cutuupapaata~naa.naaya citta.m abhininnaamesi.m.|| ||

So dibbena cakkhunaa visuddhena atikkantamaanusakena satte passaami cavamaane upapajjamaane,||
hiine pa.niite suva.n.ne dubba.n.ne sugate duggate.

Yathaa kammuupage satte pajaanaami:|| ||

'Ime vata bhonto sattaa||
kaaya-duccaritena samannaagataa,||
vacii-duccaritena samannaagataa,||
mano-duccaritena samannaagataa,||
ariyaana.m upavaadakaa,||
micchaa-di.t.thikaa,||
micchaa-di.t.thi-kamma-samaadaanaa,||
te kaayassa bhedaa param mara.naa||
apaaya.m duggati.m||
vinipaata.m||
niraya.m upapannaa.

Ime vaa pana bhonto sattaa||
kaaya-sucaritena samannaagataa,||
vacii-sucaritena samannaagataa,||
mano-sucaritena samannaagataa,||
ariyaana.m anupavaadakaa,||
sammaa-di.t.thikaa sammaa-di.t.thi-kamma-samaadaanaa,||
te kaayassa bhedaa param mara.naa||
sugati.m||
sagga.m loka.m upapannaati.

Iti dibbena cakkhunaa visuddhena atikkanta-maanusakena satte passaami cavamaane upapajjamaane,||
hiine pa.niite suva.n.ne dubba.n.ne sugate duggate.

Yathaa-kammuupage satte pajaanaami.|| ||

Aya.m kho me braahma.na rattiyaa majjhime yaame dutiyaa vijjaa adhigataa,||
avijjaa vihataa,||
[249] vijjaa uppannaa,||
tamo vihato,||
aaloko uppanno,||
yathaa ta.m appamattassa aataapino pahitattassa viharato.|| ||

Evaruupaapi kho me Aggivessana uppannaa sukhaa vedanaa citta.m na pariyaadaaya ti.t.thati.|| ||

So eva.m samaahite citte parisuddhe,||
pariyodaate,||
ana'nga.ne,||
vigatuupakkilese,||
mudubhuute,||
kammaniye,||
.thite,||
aanejjappatte,||
aasavaana.m khaya-~naa.naaya citta.m abhininnaamesi.m.

So:|| ||

'Ida.m dukkhan' ti||
yathaabhuuta.m abbha~n~naasi.m.

'Aya.m dukkha-samudayo' ti||
yathaabhuuta.m abbha~n~naasi.m.

'Aya.m dukkha-nirodho' ti||
yathaabhuuta.m abbha~n~naasi.m.

'Aya.m dukkha-nirodha-gaaminii pa.tipadaa' ti||
yathaabhuuta.m abbha~n~naasi.m.|| ||

'Ime aasavaa' ti||
yathaabhuuta.m abbha~n~naasi.m.

'Aya.m aasava-samudayo' ti||
yathaabhuuta.m abbha~n~naasi.m.

'Aya.m aasava-nirodho' ti||
yathaabhuuta.m abbha~n~naasi.m.

'Aya.m aasava-nirodha-gaaminii pa.tipadaa' ti||
yathaabhuuta.m abbha~n~naasi.m.|| ||

32. Tassa me eva.m jaanato||
eva.m passato kaamaasavaa pi citta.m vimuccittha.

Bhavaasavaa pi citta.m vimuccittha.

Avijjaasavaa pi citta.m vimuccittha.

Vimuttasmi.m vimuttam-iti ~naa.na.m ahosi:

'Khii.naa jaati,||
vusita.m brahmacariya.m,||
kata.m kara.niiya.m,||
naapara.m itthattaayaa' ti abbha~n~naasi.m.|| ||

Aya.m kho me braahma.na rattiyaa pacchime yaame tatiyaa vijjaa adhigataa,||
avijjaa vihataa,||
vijjaa uppannaa tamo vihato,||
aaloko uppanno,||
yathaa ta.m appamattassa aataapino pahitattassa viharato."|| ||

Evaruupaapi kho me Aggivessana uppannaa sukhaa vedanaa citta.m na pariyaadaaya ti.t.thati.|| ||

45. Abhijaanaami kho panaaha.m Aggivessana anekasataaya parisaaya dhamma.m desetaa.|| ||

Api'ssu ma.m ekameko eva.m ma~n~nati:|| ||

'Mam'ev'aarabbha Sama.no Gotamo dhamma.m desetii' ti.|| ||

Na kho pan'eta.m Aggivessana eva.m da.t.thabba.m.|| ||

Yaavad eva vi~n~naapanatthaaya Tathaagato paresa.m dhamma.m deseti.|| ||

So kho aha.m Aggivessana tassaa yeva kathaaya pariyosaane tasmi.m yeva purimasmi.m samaadhinimitte ajjhattam'eva citta.m sa.n.thapemi sannisiidaapemi ekodi.m karomi samaadahaami,||
yena suda.m niccakappa.m viharaamii" ti.|| ||

46. "Okappaniyam eta.m bhoto Gotamassa yathaa ta.m arahato sammaasambuddhassa.|| ||

Abhijaanaati pana bhava.m Gotamo divaa supitaa" ti.|| ||

"Abhijaanaam'aha.m Aggivessana gimhaana.m pacchime maase pacchaabhatta.m pi.n.dapaatapa.tikkanto catuggu.na.m sanghaa.ti.m pa~n~naapetvaa dakkhi.nena passena sato sampajaano nidda.m okkamitaa" ti.|| ||

"Eta.m kho bho Gotama eke sama.nabrahma.naa sammohavihaarasmi.m [250] vadantii" ti.|| ||

"Na kho Aggivessana ettaavataa sammuu.lho vaa hoti asammuu.lho vaa.|| ||

Api ca Aggivessana yathaa ca sammuu.lho ca hoti asammuu.lho ca,||
ta.m su.naahi,||
saadhuka.m manasi karohi,||
bhaasissaamii" ti.|| ||

"Eva.m bho Gotamaa" ti kho Saccako Niga.n.tha-putto Bhagavato paccassosi.|| ||

Bhagavaa etad avoca:|| ||

47. "Yassa kassaci Aggivessana ye aasavaa sa'nkilesikaa ponobhavikaa sadaraa dukkhavipaakaa aayati.m jaatijaraamara.niiyaa appahiinaa,||
tam'aha.m sammuu.lho ti vadaami.|| ||

Aasavaana.m hi Aggivessana appahaanaa sammuu.lho hoti.|| ||

Yassa kassaci Aggivessana ye aasavaa sa'nkilesikaa ponobhavikaa sadaraa dukkhavipaakaa aayati.m jaatijaraamara.niiyaa pahiinaa,||
tam'aha.m asammuu.lho ti vadaami.|| ||

Aasavaana.m hi Aggivessana pahaanaa asammuu.lho hoti.|| ||

Tathaagatassa kho Aggivessana ye aasavaa sa'nkilesikaa ponobhavikaa sadaraa dukkhavipaakaa aayati.m jaatijaraamara.niiyaa pahiinaa ucchinnamuulaa taalavatthukataa anabhaavakataa aayati.m anuppaadadhammaa.|| ||

Seyyathaa pi Aggivessana taalo matthakacchinno abhabbo puna viruu.lhiyaa,||
evam eva kho Aggivessana Tathaagatassa ye aasavaa sa'nkilesikaa ponobhavikaa sadaraa dukkhavipaakaa aayati.m jaati jaraamara.niiyaa pahiinaa ucchinnamuulaa taalaavatthukataa anabhaavakataa aayati.m anuppaadadhammaa" ti.|| ||

48. Eva.m vutte Saccako Niga.n.tha-putto Bhagavanta.m etad avoca:|| ||

"Acchariya.m bho Gotama,||
abbhuta.m bho Gotama,||
yaava~n c'ida.m bhoto Gotamassa eva.m aasajja aasajja vuccamaanassa upaniitehi upaniitehi vacanapathehi samudaacariyamaanassa chaviva.n.no c'eva pariyodaayati,||
mukhava.n.no ca vippasiidati,||
yathaa ta.m arahato sammaa sambuddhassa.|| ||

49. Abhijaanaam'aha.m bho Gotama Puura.na.m Kassapa.m vaadena vaada.m samaarabhitaa||
so pi mayaa vaadena vaada.m samaaraddho a~n~nena a~n~na.m pa.ticari,||
bahiddhaa katha.m apanaamesi,||
kopa~n ca dosa~n ca appaccaya~n ca paatvaakaasi.|| ||

Bhoto kho pana Gotamassa eva.m aasajja aasajja vuccamaanassa upaniitehi upaniitehi vacanapathehi samudaacariyamaanassa chaviva.n.no c'eva pariyodaayati,||
mukhava.n.no ca vippasiidati,||
yathaa ta.m arahato Sammaa-sambuddhassa.|| ||

50. Abhijaanaamaha.m bho Gotama Makkhali.m Gosaala.m vaadena vaada.m samaarabhitaa||
so pi mayaa vaadena vaada.m samaaraddho a~n~nena a~n~na.m pa.ticari,||
bahiddhaa katha.m apanaamesi,||
kopa~n ca dosa~n ca appaccaya~n ca paatvaakaasi.|| ||

Bhoto kho pana Gotamassa eva.m aasajja aasajja vuccamaanassa upaniitehi upaniitehi vacanapathehi samudaacariyamaanassa chaviva.n.no c'eva pariyodaayati,||
mukhava.n.no ca vippasiidati,||
yathaa ta.m arahato Sammaa-sambuddhassa.|| ||

Abhijaanaamaha.m bho Gotama Ajita.m Kesakambala.m vaadena vaada.m samaarabhitaa||
so pi mayaa vaadena vaada.m samaaraddho a~n~nena a~n~na.m pa.ticari,||
bahiddhaa katha.m apanaamesi,||
kopa~n ca dosa~n ca appaccaya~n ca paatvaakaasi.|| ||

Bhoto kho pana Gotamassa eva.m aasajja aasajja vuccamaanassa upaniitehi upaniitehi vacanapathehi samudaacariyamaanassa chaviva.n.no c'eva pariyodaayati,||
mukhava.n.no ca vippasiidati,||
yathaa ta.m arahato Sammaa-sambuddhassa.|| ||

Abhijaanaamaha.m bho Gotama Pakudha.m Kaccaayana.m vaadena vaada.m samaarabhitaa,||
so pi mayaa vaadena vaada.m samaaraddho a~n~nena a~n~na.m pa.ticari,||
bahiddhaa katha.m apanaamesi,||
kopa~n ca dosa~n ca appaccaya~n ca paatvaakaasi.|| ||

Bhoto kho pana Gotamassa eva.m aasajja aasajja vuccamaanassa upaniitehi upaniitehi vacanapathehi samudaacariyamaanassa chaviva.n.no c'eva pariyodaayati,||
mukhava.n.no ca vippasiidati,||
yathaa ta.m arahato Sammaa-sambuddhassa.|| ||

Abhijaanaamaha.m bho Gotama Sa~njaya.m Bela.t.thiputta.m vaadena vaada.m samaarabhitaa,||
so pi mayaa vaadena vaada.m samaaraddho a~n~nena a~n~na.m pa.ticari,||
bahiddhaa katha.m apanaamesi,||
kopa~n ca dosa~n ca appaccaya~n ca paatvaakaasi.|| ||

Bhoto kho pana Gotamassa eva.m aasajja aasajja vuccamaanassa upaniitehi upaniitehi vacanapathehi samudaacariyamaanassa chaviva.n.no c'eva pariyodaayati,||
mukhava.n.no ca vippasiidati,||
yathaa ta.m arahato Sammaa-sambuddhassa.|| ||

"Abhijaanaamaha.m bho Gotama Niga.n.tha.m Naataputta.m vaadena vaada.m samaarabhitaa,||
so pi mayaa vaadena vaada.m samaaraddho a~n~nena [251] a~n~na.m pa.ticari,||
bahiddhaa katha.m apanaamesi,||
kopa~n ca dosa~n ca appaccaya~n ca paatvaakaasi.|| ||

Bhoto kho pana Gotamassa eva.m aasajja aasajja vuccamaanassa upaniitehi upaniitehi vacanapathehi samudaacariyamaanassa chaviva.n.no c'eva pariyodaayati,||
mukhava.n.no ca vippasiidati,||
yathaa ta.m arahato Sammaa-sambuddhassa.|| ||

51. Handa ca daani maya.m bho Gotama gacchaama,||
bahukiccaa maya.m bahukara.niiyaa" ti.|| ||

"Yassa daani tva.m Aggivessana kaala.m ma~n~nasii" ti.|| ||

Atha kho Saccako Niga.n.tha-putto Bhagavato bhaasita.m abhinanditvaa anumoditvaa u.t.thaay'aasanaa pakkaamiiti.|| ||

MahaaSaccakasutta.m cha.t.tha.m


Contact:
E-mail
Copyright Statement