Majjhima Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Majjhima Nikaaya
I. Muulapa.n.naasa
5. Cuu.la Yamaka Vagga

Sutta 46

Mahaa Dhamma-Samaadaana Sutta.m

Based on the 'Sri Lanka Buddha Jayanti Tripitaka Series.'

 


 

[1][chlm][pts][ntbb][upal] Eva.m me suta.m:|| ||

Eka.m samaya.m Bhagavaa Saavatthiiya.m viharati Jetavane Anaathapi.n.dikassa aaraame.|| ||

Tatra kho Bhagavaa bhikkhuu aamantesi:

"Bhikkhavo" ti.|| ||

"Bhadante" ti te bhikkhuu Bhagavato paccassosu.m.|| ||

Bhagavaa etad avoca:|| ||

2. "Yebhuyyena bhikkhave sattaa eva.m kaamaa eva.m chandaa eva.m adhippaayaa: aho vata ani.t.thaa akantaa amanaapaa dhammaa parihaayeyyu.m,||
i.t.thaa kantaa manaapaa dhammaa abhiva.d.dheyyunti.|| ||

Tesa.m bhikkhave sattaana.m eva.m kaamaana.m eva.m chandaana.m eva.m adhippaayaana.m ani.t.thaa akantaa amanaapaa dhammaa abhiva.d.dhanti,||
i.t.thaa kantaa manaapaa dhammaa parihaayanti.|| ||

Tatra tumhe bhikkhave1 ka.m hetu.m paccethaati2.|| ||

"Bhagava.mmuulakaa [310] no bhante dhammaa Bhagava.mnettikaa Bhagava.mpa.tisara.naa.|| ||

Saadhu vata bhante3 Bhagavanta.myeva4 pa.tibhaatu etassa bhaasitassa attho.|| ||

Bhagavato sutvaa bhikkhuu dhaaressantii" ti.|| ||

Tena hi bhikkhave su.naatha,||
saadhuka.m manasi karotha,||
bhaasissaamiiti.|| ||

Eva.m bhante' ti kho te bhikkhuu Bhagavato paccassosu.m.|| ||

Bhagavaa etad avoca:|| ||

3. Idha, bhikkhave, assutavaa puthujjano ariyaana.m adassaavii ariya-Dhammassa akovido ariya-Dhamme aviniito,||
sappurisaana.m adassaavii sappurisa-Dhammassa akovido sappurisa-Dhamme aviniito sevitabbe dhamme na jaanaati,||
asevitabbe dhamme na jaanaati,||
bhajitabbe dhamme na jaanaati,||
abhajitabbe dhamme na jaanaati.So sevitabbe dhamme ajaananto asevitabbe dhamme ajaananto,||
bhajitabbe dhamme ajaananto abhajitabbe dhamme ajaananto,||
asevitabbe dhamme sevati sevitabbe dhamme na sevati,||
abhajitabbe dhamme bhajati,||
bhajitabbe dhamme na bhajati.|| ||

Tassa asevitabbe dhamme sevato sevitabbe dhamme asevato,||
abhajitabbe dhamme bhajato bhajitabbe dhamme abhajato ani.t.thaa akantaa amanaapaa dhammaa abhiva.d.dhanti.|| ||

I.t.thaa kantaa manaapaa dhammaa parihaayanti.|| ||

Ta.m kissa hetu? Eva.m h'eta.m bhikkhave hoti yathaa ta.m aviddasuno.|| ||

4. Sutavaa ca kho bhikkhave ariyasaavako ariyaana.m dassaavii ariya-Dhammassa kovido ariya-Dhamme suviniito,||
sappurisaana.m dassaavii sappurisa-Dhammassa kovido sapapurisadhamme suviniito sevitabbe dhamme pajaanaati1 asevitabbe dhamme pajaanaati,||
bhajitabbe dhamme pajaanaati abhajitabbe dhamme pajaanaati.|| ||

So sevitabbe dhamme pajaananto asevitabbe dhamme pajaananto,||
bhajitabbe dhamme pajaananto abhajitabbe dhamme pajaananto,||
asevitabbe dhamme na sevati,||
sevitabbe dhamme sevati.|| ||

Abhajitabbe dhamme na bhajati,||
bhajitabbe dhamme bhajati.|| ||

Tassa asevitabbe dhamme asevato sevitabbe dhamme sevato,||
abhajitabbe dhamme abhajato bhajitabbe dhamme bhajato,||
ani.t.thaa akantaa amanaapaa dhammaa parihaayanti.|| ||

I.t.thaa kantaa manaapaa dhammaa abhiva.d.dhanti.|| ||

Ta.m kissa hetu? Eva.m h'eta.m bhikkhave hoti yathaa ta.m viddasuno.|| ||

5. Cattaarimaani bhikkhave dhammasamaadaanaani.|| ||

Katamaani cattaari?|| ||

Atthi bhikkhave dhammasamaadaana.m paccuppannadukkha~nc'eva aayati~nca dukkha vipaaka.m.|| ||

Atthi bhikkhave dhammasamaadaana.m paccuppannasukha.m aayati.m dukkhavipaaka.m.|| ||

Atthi bhikkhave dhammasamaadaana.m paccuppannasukha.m aayati.m dukkhavipaaka.m.|| ||

Atthi bhikkhave [311] dhammasamaadaana.m paccuppannadukkha.m aayati.m sukhavipaaka.m.|| ||

Atthi bhikkhave dhammasamaadaana.m paccuppannasukha~nc'eva aayati~nca sukhavipaaka.m.|| ||

6. Tatra, bhikkhave, yad ida.m dhammasamaadaana.m paccuppannadukkha~nc'eva aayati~nca dukkhavipaaka.m,||
ta.m avidvaa4 avijjaagato yathaabhuuta.m nappajaanaati.|| ||

Ida.m kho dhammasamaadaana.m paccuppannadukkha~nc'eva aayati~nca dukkhavipaakanti.|| ||

Ta.m avidvaa avijjaagato yathaabhuuta.m appajaananto ta.m sevati,||
ta.m na parivajjeti.|| ||

Tassa ta.m sevato ta.m aparivajjayato ani.t.thaa akantaa amanaapaa dhammaa abhiva.d.dhanti.|| ||

I.t.thaa kantaa manaapaa dhammaa parihaayanti ta.m kissahetu? Eva.m h'eta.m bhikkhave hoti yathaa ta.m aviddasuno.|| ||

7. Tatra, bhikkhave, yad ida.m dhammasamaadaana.m paccuppannasukha.m aayati.m dukkhavipaaka.m,||
ta.m avidvaa avijjaagato yathaabhuuta.m nappajaanaati.|| ||

Ida.m kho dhammasamaadaana.m paccuppannasukha.m aayati.m dukkhavipaakanti.|| ||

Ta.m avidvaa avijjaagato yathaabhuuta.m appajaananto ta.m sevati,||
ta.m na parivajjeti.|| ||

Tassa ta.m sevato ta.m aparivajjayato ani.t.thaa akantaa amanaapaa dhammaa abhiva.d.dhanti.|| ||

I.t.thaa kantaa manaapaa dhammaa parihaayanti ta.m kissa hetu? Eva.m h'eta.m bhikkhave hoti yathaa ta.m aviddasuno.|| ||

8. Tatra, bhikkhave, yad ida.m dhammasamaadaana.m paccuppannadukkha.m aayati.m sukhavipaaka.m,||
ta.m avidvaa2 avijjaagato yathaabhuuta.m nappajaanaati.|| ||

Ida.m kho dhammasamaadaana.m paccuppannadukkha.m aayati.m sukhavipaakanti.|| ||

Ta.m avidvaa avijjaagato yathaabhuuta.m appajaananto ta.m na sevati,||
ta.m parivajjeti.|| ||

Tassa ta.m asevato ta.m parivajjayato ani.t.thaa akantaa amanaapaa dhammaa abhiva.d.dhanti.|| ||

I.t.thaa kantaa manaapaa dhammaa parihaayanti ta.m kissahetu? Eva.m h'eta.m bhikkhave hoti yathaa ta.m aviddasuno.|| ||

9. Tatra, bhikkhave, yad ida.m dhammasamaadaana.m paccuppanna sukha~nc'eva aayati~nca sukhavipaaka.m,3 ta.m avidvaa avijjaagato yathaabhuuta.m nappajaanaati.|| ||

Ida.m kho dhammasamaadaana.m paccuppannasukha~nc'eva aayati~nca sukhavipaakanti.|| ||

Ta.m avidvaa avijjaagato yathaabhuuta.m appajaananto ta.m na sevati,||
ta.m parivajjeti.|| ||

Tassa ta.m asevato ta.m parivajjayato ani.t.thaa akantaa amanaapaa dhammaa abhiva.d.dhanti.|| ||

I.t.thaa kantaa manaapaa dhammaa parihaayanti ta.m kissahetu? Eva.m h'eta.m bhikkhave hoti yathaa ta.m aviddasuno.|| ||

10. Tatra, bhikkhave, yad ida.m dhammasamaadaana.m paccuppannadukkha~nc'eva aayati~nca dukkhavipaaka.m,||
ta.m vidvaa4 vijjaagato yathaabhuuta.m pajaanaati.|| ||

Ida.m kho dhammasamaadaana.m paccuppannadukkha~nc'eva aayati~nca dukkhavipaakanti.|| ||

Ta.m vidvaa vijjaagato yathaabhuuta.m pajaananto ta.m na sevati,||
ta.m parivajjeti.|| ||

Tassa ta.m asevato ta.m parivajjayato [312] ani.t.thaa akantaa amanaapaa dhammaa parihaayanti.|| ||

I.t.thaa kantaa manaapaa dhammaa abhiva.d.dhanti ta.m kissahetu? Eva.m h'eta.m bhikkhave hoti yathaa ta.m viddasuno.|| ||

11. Tatra, bhikkhave, yad ida.m dhammasamaadaana.m paccuppannasukha.m aayati.m dukkhavipaaka.m,||
ta.m vidvaa vijjaagato yathaabhuuta.m pajaanaati.|| ||

Ida.m kho dhammasamaadaana.m paccuppannasukha.m aayati.m dukkhavipaakanti.|| ||

Ta.m vidvaa vijjaagato yathaabhuuta.m pajaananto ta.m na sevati,||
ta.m parivajjeti.|| ||

Tassa ta.m asevato ta.m parivajjayato ani.t.thaa akantaa amanaapaa dhammaa parihaayanti.|| ||

I.t.thaa kantaa manaapaa dhammaa abhiva.d.dhanti.|| ||

Ta.m kissahetu? Eva.m h'eta.m bhikkhave hoti yathaa ta.m viddasuno.|| ||

12. Tatra, bhikkhave, yad ida.m dhammasamaadaana.m paccuppannadukkha.m aayati.m sukhavipaaka.m,||
ta.m vidvaa4 vijjaagato yathaabhuuta.m pajaanaati.|| ||

Ida.m kho dhammasamaadaana.m paccuppannadukkha.m aayati.m sukhavipaakanti.|| ||

Ta.m vidvaa vijjaagato yathaabhuuta.m pajaananto ta.m sevati,||
ta.m na parivajjeti.|| ||

Tassa ta.m sevato ta.m aparivajjayato ani.t.thaa akantaa amanaapaa dhammaa parihaayanti.|| ||

I.t.thaa kantaa manaapaa dhammaa abhiva.d.dhanti ta.m kissahetu? Eva.m h'eta.m bhikkhave hoti yathaa ta.m viddasuno.|| ||

13. Tatra, bhikkhave, yad ida.m dhammasamaadaana.m paccuppannasukha~nc'eva aayati~nca sukhavipaaka.m,||
ta.m vidvaa4 vijjaagato yathaabhuuta.m pajaanaati.|| ||

Ida.m kho dhammasamaadaana.m paccuppannasukha~nc'eva aayati~nca sukhavipaakanti.|| ||

Ta.m vidvaa vijjaagato yathaabhuuta.m pajaananto ta.m sevati,||
ta.m na parivajjeti.|| ||

Tassa ta.m sevato ta.m aparivajjayato ani.t.thaa akantaa amanaapaa dhammaa parihaayanti.|| ||

I.t.thaa kantaa manaapaa dhammaa abhiva.d.dhanti ta.m kissahetu? Eva.m h'eta.m bhikkhave hoti yathaa ta.m viddasuno.|| ||

[313] 14. Katama~n ca bhikkhave dhammasamaadaana.m paccuppannadukkha~nc'eva aayati~nca dukkhavipaaka.m?

Idha,||
bhikkhave,||
ekacco sahaa pi dukkhena sahaa pi domanassena paa.naatipaatii hoti paa.naatipaatapaccayaa ca dukkha.m domanassa.m pa.tisa'nvedeti.|| ||

Sahaa pi dukkhena sahaa pi domanassena adinnaadaayii hoti adinnaadaanapaccayaa ca dukkha.m domanassa.m pa.tisa'nvedeti.|| ||

Sahaa pi dukkhena sahaa pi domanassena kaamesu micchaacaarii hoti.|| ||

Kaamesu micchaacaarapaccayaa ca dukkha.m domanassa.m pa.tisa'nvedeti.|| ||

Sahaa pi dukkhena sahaa pi domanassena musaavaadii hoti.|| ||

Musaavaadapaccayaa ca dukkha.m domanassa.m pa.tisa'nvedeti.|| ||

Sahaa pi dukkhena sahaa pi domanassena pisunaavaaco2 hoti.|| ||

Pisunaavaacapaccayaa ca3 dukkha.m domanassa.m pa.tisa'nvedeti.|| ||

Sahaa pi dukkhena sahaa pi domanassena pharusaavaavo4 hoti pharusaavaacapaccayaa ca5 dukkha.m domanassa.m pa.tisa'nvedeti.|| ||

Sahaa pi dukkhena sahaa pi domanassena samphappalaapii hoti.|| ||

Samphappalaapapaccayaa ca dukkha.m domanassa.m pa.tisa'nvedeti.|| ||

Sahaa pi dukkhena sahaa pi domanassena abhijjhaalu hoti.|| ||

Abhijjhaapaccayaa ca dukkha.m domanassa.m pa.tisa'nvedeti.|| ||

Sahaa pi dukkhena sahaa pi domanassena byaapannacitto hoti.|| ||

Vyaapaadapaccayaa ca dukkha.m domanassa.m pa.tisa'nvedeti.|| ||

Sahaa pi dukkhena sahaa pi domanassena micchaadi.t.thi hoti.|| ||

Micchaadi.t.thipaccayaa ca dukkha.m domanassa.m pa.tisa'nvedeti.|| ||

So kaayassa bhedaa param mara.naa apaaya.m duggati.m vinipaata.m Niraya.m upapajjati6.|| ||

Ida.m vuccati bhikkhave dhammasamaadaana.m paccuppannadukkha~nc'eva aayati~nca dukkhavipaaka.m.|| ||

15. Katama~n ca bhikkhave dhammasamaadaana.m paccuppannasukha.m aayati.m dukkhavipaaka.m?|| ||

Idha, bhikkhave, ekacco sahaa pi sukhena sahaa pi somanassena paa.naatipaatii hoti.|| ||

Paa.naatipaatapaccayaa ca sukha.m somanassa.m pa.tisa'nvedeti.|| ||

Sahaa pi sukhena sahaa pi somanassena adinnaadaayii hoti adinnaadaanapaccayaa ca sukha.m somanassa.m pa.tisa'nvedeti.|| ||

Sahaa pi sukhena sahaa pi somanassena kaamesu micchaacaarii hoti kaamesu micchaacaarapaccayaa ca sukha.m somanassa.m pa.tisa'nvedeti.|| ||

Sahaa pi sukhena sahaa pi somanassena musaavaadii hoti.|| ||

Musaavaadapaccayaa ca sukha.m somanassa.m pa.tisa'nvedeti.|| ||

Sahaa pi sukhena sahaa pi somanassena pisunaavaaco1 hoti.|| ||

Pisunaavaacapaccayaa [314] ca sukha.m somanassa.m pa.tisa'nvedeti.|| ||

Sahaa pi sukhena sahaa pi somanassena pharusaavaaco3 hoti.|| ||

Pharusaavaacapaccayaa ca sukha.m somanassa.m pa.tisa'nvedeti.|| ||

Sahaa pi sukhena sahaa pi somanassena samphappalaapii hoti.|| ||

Samphappalaapapaccayaa ca sukha.m somanassa.m pa.tisa'nvedeti.|| ||

Sahaa pi sukhena sahaa pi somanassena abhijjhaalu hoti.|| ||

Abhijjhaapaccayaa ca sukha.m somanassa.m pa.tisa'nvedeti.|| ||

Sahaa pi sukhena sahaa pi somanassena byaapannacitto hoti.|| ||

vyaapaadapaccayaa ca sukha.m somanassa.m pa.tisa'nvedeti.|| ||

Sahaa pi sukhena sahaa pi somanassena micchaadi.t.thi hoti.|| ||

Micchaadi.t.thipaccayaa ca sukha.m somanassa.m pa.tisa'nvedeti.|| ||

So kaayassa bhedaa param mara.naa apaaya.m duggati.m vinipaata.m Niraya.m upapajjati.|| ||

Ida.m vuccati bhikkhave dhammasamaadaana.m paccuppannasukha.m aayati.m dukkhavipaaka.m.|| ||

16. Katama~n ca bhikkhave dhammasamaadaana.m paccuppannadukkha.m aayati.m sukhavipaaka.m?|| ||

Idha, bhikkhave, ekacco sahaa pi dukkhena sahaa pi domanassena paa.naatipaataa pa.tivirato hoti.|| ||

Paa.naatipaataa verama.niipaccayaa ca dukkha.m domanassa.m pa.tisa'nvedeti.|| ||

Sahaa pi dukkhena sahaa pi domanassena adinnaadaanaa pa.tivirato hoti.|| ||

Adinnaadaanaa verama.niipaccayaa ca dukkha.m domanassa.m pa.tisa'nvedeti.|| ||

Sahaa pi dukkhena sahaa pi domanassena kaamesu micchaacaaraa pa.tivirato hoti.|| ||

Kaamesu micchaacaaraa verama.niipaccayaa ca dukkha.m domanassa.m pa.tisa'nvedeti.|| ||

Sahaa pi dukkhena sahaa pi domanassena musaa-vaadaa pa.tivirato hoti.|| ||

Musaavaadaa verama.niipaccayaa ca dukkha.m domanassa.m pa.tisa'nvedeti.|| ||

Sahaa pi dukkhena sahaa pi domanassena pisunaaya vaacaaya5 pa.tivirato hoti.|| ||

Pisunaaya vaacaaya verama.niipaccayaa ca dukkha.m domanassa.m pa.tisa'nvedeti.|| ||

Sahaa pi dukkhena sahaa pi domanassena pharusaaya vaacaaya6 pa.tivirato hoti.|| ||

Pharusaaya vaacaaya verama.niipaccayaa ca dukkha.m domanassa.m pa.tisa'nvedeti.|| ||

Sahaa pi dukkhena sahaa pi domanassena samphappalaapaa pa.tivirato hoti.|| ||

Samphappalaapaa verama.niipaccayaa ca dukkha.m domanassa.m pa.tisa'nvedeti.-|| ||

Sahaa pi dukkhena sahaa pi domanassena anabhijjhaalu hoti.|| ||

Anabhijjhaapaccayaa ca dukkha.m domanassa.m pa.tisa'nvedeti.|| ||

Sahaa pi dukkhena sahaa pi domanassena abyaapannacitto hoti.|| ||

Avyaapaadapaccayaa ca dukkha.m domanassa.m pa.tisa'nvedeti.|| ||

Sahaa pi [315] dukkhena sahaa pi domanassena sammaadi.t.thi hoti.|| ||

Sammaadi.t.thipaccayaa ca dukkha.m domanassa.m pa.tisa'nvedeti.|| ||

So kaayassa bhedaa param mara.naa sugati.m sagga.m loka.m upapajjati.1 Ida.m vuccati bhikkhave dhammasamaadaana.m paccuppannadukkha.m aayati.m sukhavipaaka.m.|| ||

17. Katama~n ca bhikkhave dhammasamaadaana.m paccuppannasukha~nc'eva aayati~nca sukhavipaaka.m?|| ||

Idha, bhikkhave, ekacco sahaa pi sukhena sahaa pi somanassena paa.naatipaataa pa.tivirato hoti.|| ||

Paa.naatipaataa verama.niipaccayaa ca sukha.m somanassa.m pa.tisa'nvedeti.|| ||

Sahaa pi sukhena sahaa pi somanassena adinnaadaanaa pa.tivirato hoti.|| ||

Adinnaadaanaa verama.niipaccayaa ca sukha.m somanassa.m pa.tisa'nvedeti.|| ||

Sahaa pi sukhena sahaa pi somanassena kaamesu micchaacaaraa pa.tivirato hoti.|| ||

Kaamesu micchaacaaraa verama.niipaccayaa ca sukha.m somanassa.m pa.tisa'nvedeti.|| ||

Sahaa pi sukhena sahaa pi somanassena musaa-vaadaa pa.tivirato hoti.|| ||

Musaavaadaa verama.niipaccayaa ca sukha.m somanassa.m pa.tisa'nvedeti.|| ||

Sahaa pi sukhena sahaa pi somanassena pisunaaya vaacaaya2 pa.tivirato hoti.|| ||

Pisunaaya vaacaaya verama.niipaccayaa ca sukha.m somanassa.m pa.tisa'nvedeti.|| ||

Sahaa pi sukhena sahaa pi somanassena pharusaaya vaacaaya3 pa.tivirato hoti.|| ||

Pharusaaya vaacaaya verama.niipaccayaa ca sukha.m somanassa.m pa.tisa'nvedeti.|| ||

Sahaa pi sukhena sahaa pi somanassena samphappalaapaa pa.tivirato hoti.|| ||

Samphalaapaa verama.niipaccayaa ca sukha.m somanassa.m pa.tisa'nvedeti.|| ||

Sahaa pi sukhena sahaa pi somanassena anabhijjhaalu hoti.|| ||

Anabhijjhaapaccayaa ca sukha.m somanassa.m pa.tisa.m vedeti.|| ||

Sahaa pi sukhena sahaa pi somanassena abyaapannacitto hoti.|| ||

Avyaapaadapaccayaa ca sukha.m somanassa.m pa.tisa'nvedeti.|| ||

Sahaa pi sukhena sahaa pi somanassena sammaadi.t.thi hoti.|| ||

Sammaadi.t.thipaccayaa ca sukha.m somanassa.m pa.tisa'nvedeti.|| ||

So kaayassa bhedaa param mara.naa sugati.m sagga.m loka.m upapajjati.|| ||

Ida.m vuccati bhikkhave dhammasamaadaana.m paccuppannasukha~nc'eva aayati~nca sukhavipaaka.m.|| ||

Imaani kho bhikkhave cattaari dhammasamaadaanaani.|| ||

18. Seyyathaa pi, bhikkhave, tittakaalaapu visena sa.msa.t.tho,||
atha puriso aagaccheyya jiivitukaamo amaritukaamo,||
sukhakaamo dukkhapa.tikkuulo,||
tam ena.m eva.m vadeyyu.m: 'Ambho purisa,||
aya.m tittakaalaapuvisena sa.msa.t.tho.|| ||

Sace aaka.mkhasi piva [316] tassa te pivato6 c'eva nacchaadessati va.n.nena pi gandhena pi rasena pi.|| ||

Pivitvaa1 ca pana mara.na.m vaa nigacchasi2 mara.namatta.m vaa dukkhan ti.|| ||

So ta.m apa.tisa'nkhaaya3 piveyya,||
na pa.tinissajjeyya.|| ||

Tassa ta.m pivato c'eva nacchaadeyya va.n.nenapi gandhenapi rasenapi.|| ||

Pivitvaa ca pana mara.na.m vaa nigaccheyya mara.namatta.m vaa dukkha.m.|| ||

Tathuupamaaha.m bhikkhave ima.m dhammasamaadaana.m vadaami yam ida.m,||
dhammasamaadaana.m paccuppannadukkha~nc'eva aayati~nca dukkhavipaaka.m.|| ||

19. Seyyathaa pi, bhikkhave, aapaaniiyaka.mso va.n.nasampanno gandhasampanno rasasampanno,||
so ca kho visena sa.msa.t.tho,||
atha puriso aagaccheyya jiivitukaamo amaritukaamo,||
sukhakaamo dukkha pa.tikkuulo.|| ||

Tam ena.m eva.m vadeyyu.m: 'Ambho purisa,||
aya.m aapaaniiyaka.mso6 va.n.nasampanno gandhasampanno rasasampanno,||
so ca kho visena sa.msa.t.tho.|| ||

Sace aaka'nkhasi piva.|| ||

Tassa te pivato hi kho chaadessati va.n.nenapi gandhenapi rasenapi.|| ||

Pivitvaa ca pana mara.na.m vaa nigacchasi mara.namatta.m vaa dukkhan ti.|| ||

So ta.m apa.tisa'nkhaaya piveyya,||
na pa.tinissajjeyya.|| ||

Tassa ta.m pivato hi kho chaadeyya va.n.nenapi gandhenapi rasenapi.|| ||

Pivitvaa ca pana mara.na.m vaa nigaccheyya mara.namatta.m vaa dukkha.m.|| ||

Tathuupamaaha.m bhikkhave ima.m dhammasamaadaana.m vadaami yam ida.m dhammasamaadaana.m paccuppannasukha.m aayati.m dukkhavipaaka.m.|| ||

20. Seyyathaa pi, bhikkhave, puutimutta.m naanaabhesajjehi sa.msa.t.tha.m,||
atha puriso aagaccheyya pa.n.durogii.|| ||

Tam ena.m eva.m vadeyyu.m: 'Ambho purisa,||
ida.m puutimutta.m naanaabhesajjehi sa.msa.t.tha.m.|| ||

Sace aaka'nkhasi piva.|| ||

Tassa te pivato hi kho nacchaadessati va.n.nenapi gandhenapi rasenapi,||
pivitvaa ca pana sukhii bhavissasii' ti.|| ||

So ta.m pa.tisa'nkhaaya piveyya na pa.tinissajjeyya.|| ||

Tassa ta.m pivato hi kho nacchaadeyya va.n.nenapi gandhenapi rasenapi.|| ||

Pivitvaa ca pana sukhii assa.|| ||

Tathuupamaaha.m bhikkhave ima.m dhammasamaadaana.m vadaami yam ida.m dhammasamaadaana.m paccuppannadukkha.m aayati.m sukhavipaaka.m.|| ||

21. Seyyathaa pi, bhikkhave, dadhi ca madhu ca sappi ca7 phaa.nita~n ca ekajjha.m sa.msa.t.tha.m.|| ||

Atha puriso aagaccheyya lohitapakkhandiko.|| ||

Tam ena.m eva.m vadeyyu.m: ambho purisa,||
[317] ima.m dadhi ca madhu ca sappi ca phaa.nita~n ca ekajjha.m sa.msa.t.tha.m,||
sace aaka'nkhasi piva.|| ||

Tassa te pivato c'eva chaadessati va.n.nenapi gandhenapi rasenapi pivitvaa ca pana sukhii bhavissasiiti.|| ||

So ta.m pa.tisa'nkhaaya piveyya,||
na pa.tinissajjeyya.4 Tassa ta.m pivato c'eva chaadeyya va.n.nenapi gandhenapi rasenapi.|| ||

Pivitvaa ca pana sukhii assa.|| ||

Tathuupamaaha.m bhikkhave ima.m dhammasamaadaana.m vadaami yam ida.m dhammasamaadaana.m paccuppannasukha~nc'eva aayati~nca sukhavipaaka.m.|| ||

22. Seyyathaa pi, bhikkhave, vassaana.m pacchime maase saradasamaye viddhe vigata-valaahake deve aadicco nabha.m abbhussukkamaano sabba.m aakaasagata.m tamagata.m abhivihacca bhaasati ca tapati ca virocati ca,||
evam eva kho,||
bhikkhave,||
yam ida.m dhammasamaadaana.m paccuppannasukha~nc'eva aayati~nca sukhavipaaka.m,||
tada~n~ne1 puthusama.nabraahma.naparappavaade abhivihacca bhaasati ca tapati ca virocati caa ti.|| ||

Idam avoca Bhagavaa.|| ||

Attamanaa te bhikkhuu Bhagavato bhaasita.m abhinandunti.|| ||

Mahaadhammasamaadaanasutta1 cha.t.tha.m


Contact:
E-mail
Copyright Statement