Majjhima Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Majjhima Nikaaya
II. Majjhima-Pa.n.naasa
1. Gahapati Vagga

Sutta 57

Kukkura-Vatika Sutta.m

Based on the 'Sri Lanka Buddha Jayanti Tripitaka Series.'

 


[387]

[1][chlm][pts][nymo][ntbb][upal] Eva.m me suta.m:|| ||

Eka.m samaya.m Bhagavaa Ko.liyesu viharati Haliddavasana.m naama Ko.liyaana.m nigamo.|| ||

Atha kho Pu.n.no ca Ko.liyaputto govatiko,||
acelo ca Seniyo kukkuravatiko yena Bhagavaa ten'upasa'nkami.msu.|| ||

Upasa'nkamitvaa Pu.n.no Ko.liyaputto govatiko Bhagavanta.m abhivaadetvaa eka-m-anta.m nisiidi.|| ||

Acelo pana Seniyo kukkuravatiko Bhagavataa saddhi.m sammodi,||
sammodaniiya.m katha.m saaraa.niiya.m viitisaaretvaa kukkuro va palikujjitvaa eka-m-anta.m nisiidi.|| ||

Eka-m-anta.m nisinno kho Pu.n.no Ko.liyaputto govatiko Bhagavanta.m etad avoca:|| ||

Aya.m bhante acelo Seniyo kukkuravatiko dukkarakaarako,||
chamaanikkhitta.m bhu~njati.|| ||

Tassa ta.m kukkuravata.m diigha-ratta.m samatta.m samaadinna.m,||
tassa kaa gati,||
ko abhisamparaayo ti.|| ||

Ala.m Pu.n.na, ti.t.that'eta.m,||
maa ma.m eta.m pucchiiti.|| ||

Dutiyam pi kho Pu.n.no Ko.liyaputto govatiko Bhagavanta.m etad avoca:|| ||

Aya.m bhante acelo Seniyo kukkuravatiko dukkarakaarako,||
chamaanikkhitta.m bhu~njati.|| ||

Tassa ta.m kukkuravata.m diigha-ratta.m samatta.m samaadinna.m,||
tassa kaa gati,||
ko abhisamparaayo ti.|| ||

Ala.m Pu.n.na, ti.t.that'eta.m,||
maa ma.m eta.m pucchiiti.|| ||

Tatiyam pi kho Pu.n.no Ko.liyaputto govatiko Bhagavanta.m etad avoca:|| ||

Aya.m bhante acelo Seniyo kukkuravatiko dukkarakaarako,||
chamaanikkhitta.m bhu~njati.|| ||

Tassa ta.m kukkuravata.m diigha-ratta.m samatta.m samaadinna.m,||
tassa kaa gati,||
ko abhisamparaayo ti.|| ||

Addhaa kho te aha.m Pu.n.na na labhaami:||
ala.m Pu.n.na, ti.t.that'eta.m,||
maa ma.m eta.m pucchiiti.|| ||

Api ca te aaha.m vyaakarissaami.|| ||

Idha Pu.n.na, ekacco kukkuravata.m bhaaveti paripu.n.na.m abboki.n.na.m,||
kukkurasiila.m bhaaveti paripu.n.na.m abboki.n.na.m,||
kukkuracitta.m bhaaveti paripu.n.na.m [388] abboki.n.na.m,||
kukkuraakappa.m bhaaveti paripu.n.na.m abboki.n.na.m.|| ||

So kukkuravata.m bhaavetvaa paripu.n.na.m abboki.n.na.m,||
kukkurasiila.m bhaavetvaa paripu.n.na.m abboki.n.na.m,||
kukkuracitta.m bhaavetvaa paripu.n.na.m abboki.n.na.m,||
kukkuraakappa.m bhaavetvaa paripu.n.na.m abboki.n.na.m,||
kaayassa bhedaa param mara.naa kukkuraana.m sahabyata.m upapajjati.|| ||

Sace kho pan'assa eva.m di.t.thi hoti:|| ||

Iminaa'ha.m siilena vaa vatena vaa tapena vaa brahmacariyena vaa devo vaa bhavissaami deva~n~nataro vaa ti.|| ||

Saa'ssa hoti micchaadi.t.thi.|| ||

Micchaadi.t.thissa kho aha.m Pu.n.na dvinna.m gatiina.m a~n~natara.m gati.m vadaami:||
Niraya.m vaa tiracchaanayoni.m vaa.|| ||

Iti kho Pu.n.na sampajjamaana.m kukkuravata.m kukkuraana.m sahavyata.m upaneti,||
vipajjamaana.m nirayan ti.

Eva.m vutte acelo Seniyo kukkuravatiko parodi,||
assuuni pavattesi.|| ||

Atha kho Bhagavaa Pu.n.na.m Ko.liyaputta.m govatika.m etad avoca:|| ||

Eta.m kho te aha.m Pu.n.na naalattha.m:||
ala.m Pu.n.na, ti.t.that'eta.m,
maa ma.m eta.m pucchiiti.|| ||

Naaha.m bhante eta.m rodaami,||
ya.m ma.m Bhagavaa evam aaha.|| ||

Api ca me ida.m bhante kukkuravata.m diigha-ratta.m samatta.m samaadinna.m.|| ||

Aya~n bhante Pu.n.no Ko.liyaputto govatiko,||
tassa ta.m govata.m diigha-ratta.m samatta.m samaadinna.m||
tassa kaa gati,||
ko abhisamparaayo ti.|| ||

Ala.m Seniya, ti.t.that'eta.m,||
maa ma.m eta.m pucchiiti.|| ||

Dutiyam pi kho acelo Seniyo kukkuravatiko Bhagavanta.m etad avoca:|| ||

Aya.m bhante Pu.n.no Ko.liyaputto govatiko,||
tassa ta.m govata.m diigha-ratta.m samatta.m samaadinna.m,||
tassa kaa gati,||
ko abhisamparaayo ti.|| ||

Ala.m Seniya, ti.t.that'eta.m,
maa ma.m eta.m pucchiiti.|| ||

Tatiyam pi kho acelo Seniyo kukkuravatiko Bhagavanta.m etad avoca:|| ||

Aya.m bhante Pu.n.no Ko.liyaputto govatiko,||
tassa ta.m govata.m diigha-ratta.m samatta.m samaadinna.m,||
tassa kaa gati,||
ko abhisamparaayo ti.|| ||

Addhaa kho te aha.m Seniya na labhaami:||
ala.m Seniya, ti.t.that'eta.m||
maa ma.m eta.m pucchiiti,||
api ca kho tyaaha.m vyaakarissaami.|| ||

Idha Seniya, ekacco govata.m bhaaveti paripu.n.na.m abboki.n.na.m,||
gosiila.m bhaaveti paripu.n.na.m abboki.n.na.m,||
gocitta.m bhaaveti paripu.n.na.m abboki.n.na.m,||
gavaakappa.m bhaaveti paripu.n.na.m abboki.n.na.m.|| ||

So govata.m bhaavetvaa paripu.n.na.m abboki.n.na.m,||
gosiila.m bhaavetvaa paripu.n.na.m abboki.n.na.m,||
gocitta.m bhaavetvaa paripu.n.na.m abboki.n.na.m,||
gavaakappa.m bhaavetvaa paripu.n.na.m abboki.n.na.m,||
kaayassa bhedaa param mara.naa gunna.m sahavyata.m upapajjati.|| ||

Sace [389] kho pan'assa eva.m di.t.thi hoti:|| ||

Iminaa'ha.m siilena vaa vatena vaa tapena vaa brahmacariyena vaa devo vaa bhavissaami deva~n~nataro vaa ti.|| ||

Saa'ssa hoti micchaadi.t.thi.|| ||

Micchaadi.t.thikassa kho aha.m Seniya dvinna.m gatiina.m a~n~natara.m gati.m vadaami:|| ||

Niraya.m vaa tiracchaanayoni.m vaa.|| ||

Iti kho Seniya sampajjamaana.m govata.m gunna.m sahavyata.m upaneti,||
vipajjamaana.m nirayan ti.|| ||

Eva.m vutte Pu.n.no Ko.liyaputto govatiko parodi,||
assuuni pavattesi.|| ||

Atha kho Bhagavaa acela.m Seniya.m kukkaravatika.m etad avoca:|| ||

Eta.m kho te aha.m Seniya, naalattha.m:||
ala.m Seniya, ti.t.that'eta.m,||
maa ma.m eta.m pucchiiti.|| ||

Naaha.m bhante eta.m rodaami,||
ya.m ma.m Bhagavaa evam aaha.|| ||

Api ca me ida.m bhante govata.m diigha-ratta.m samatta.m samaadinna.m.|| ||

Eva.m pasanno aha.m bhante Bhagavati:|| ||

Pahoti Bhagavaa tathaa dhamma.m desetu.m yathaa aha~n-c'ev'ima.m govata.m pajaheyya.m.|| ||

Aya~n-ca acelo Seniyo kukkuravatiko ta.m kukkuravata.m pajaheyyaati.|| ||

Tena hi Pu.n.na su.naahi,||
saadhuka.m manasikarohi,||
bhaasissaamiiti.|| ||

Eva.m bhante' ti kho Pu.n.no Ko.liyaputto govatiko Bhagavato paccassosi.|| ||

Bhagavaa etad avoca:|| ||

Cattaar'imaani Pu.n.na kammaani mayaa saya.m abhi~n~naa sacchikatvaa paveditaani.|| ||

Katamaani cattaari?|| ||

Atthi Pu.n.na kamma.m ka.nha.m ka.nhavipaaka.m,||
atthi Pu.n.na kamma.m sukka.m sukkavipaaka.m,||
atthi Pu.n.na kamma.m ka.nhasukka.m ka.nhasukkavipaaka.m,||
atthi Pu.n.na kamma.m aka.nha.m asukka.m aka.nhaasukkavipaaka.m kamma.m kammakkhayaaya sa.mvattati.|| ||

Katama~n ca Pu.n.na kamma.m ka.nha.m ka.nhavipaaka.m?|| ||

Idha Pu.n.na ekacco sabyaapajjha.m kaayasankhaara.m abhisa'nkharoti.|| ||

Sabyaapajjha.m vaciisankhaara.m abhisa'nkharoti.|| ||

Sabyaapajjha.m manosankhaara.m abhisa'nkharoti.|| ||

So sabyaapajjha.m kaayasankhaara.m abhisa'nkharitvaa||
sabyaapajjha.m vaciisankhaara.m abhisa'nkharitvaa||
sabyaapajjha.m mano sankhaara.m abhisa'nkharitvaa||
sabyaapajjha.m loka.m upapajjati.|| ||

Tam ena.m sabyaapajjha.m loka.m upapanna.m samaana.m sabyaapajjhaa phassaa phusanti.|| ||

So sabyaapajjhehi phassehi phu.t.tho samaano sabyaapajjha.m vedana.m vedeti ekantadukkha.m.|| ||

Seyyathaa pi sattaa [390] nerayikaa.|| ||

Iti kho Pu.n.na bhuutaa bhuutassa upapatti hoti,||
ya.m karoti tena upapajjati,||
upapannam-ena.m phassaa phusanti.|| ||

Eva.m p'aha.m Pu.n.na kammadaayaadaa sattaa ti vadaami.|| ||

Ida.m vuccati Pu.n.na kamma.m ka.nha.m ka.nhavipaaka.m.|| ||

Katama~n ca Pu.n.na kamma.m sukka.m sukkavipaaka.m?|| ||

Idha Pu.n.na ekacco abyaapajjha.m kaayasankhaara.m abhisa'nkharoti.|| ||

Abyaapajjha.m vaciisankhaara.m abhisa'nkharoti.|| ||

Abyaapajjha.m manosankhaara.m abhisa'nkharoti.|| ||

So abyaapajjha.m kaayasankhaara.m abhisa'nkharitvaa abyaapajjha.m||
vaciisankhaara.m abhisa'nkharitvaa abyaapajjha.m||
manosankhaara.m abhisa'nkharitvaa abyaapajjha.m||
loka.m upapajjati.|| ||

Tam ena.m abyaapajjha.m loka.m upapanna.m samaana.m abyaapajjhaa phassaa phusanti.|| ||

So abyaapajjhehi phassehi phu.t.tho samaano abyaapajjha.m vedana.m vedeti ekantasukha.m.|| ||

Seyyathaa pi devaa Subhaki.n.naa.|| ||

Iti kho Pu.n.na bhuutaa bhuutassa upapatti hoti.|| ||

Ya.m karoti tena upapajjati.|| ||

Upapannam-ena.m phassaa phusanti.|| ||

Eva.m p'aha.m Pu.n.na kammadaayaadaa sattaa ti vadaami.|| ||

Ida.m vuccati Pu.n.na kamma.m sukka.m sukkavipaaka.m.|| ||

Katama~n ca Pu.n.na kamma.m ka.nhasukka.m ka.nhasukkavipaaka.m?|| ||

Idha Pu.n.na ekacco sabyaapajjham pi abyaapajjham pi kaayasankhaara.m abhisa'nkharoti||
sabyaapajjham pi abyaapajjham pi vaciisankhaara.m abhisa'nkharoti||
sabyaapajjham pi abyaapajjham pi manosankhaara.m abhisa'nkharoti.|| ||

So sabyaapajjham pi abyaapajjham pi kaayasankhaara.m abhisa'nkharitvaa||
sabyaapajjham pi abyaapajjham pi vaciisankhaara.m abhisa'nkharitvaa||
sabyaapajjham pi abyaapajjham pi manosankhaara.m abhisa'nkharitvaa||
sabyaapajjham pi abyaapajjham pi loka.m upapajjati.|| ||

Tam ena.m sabyaapajjham pi abyaapajjham pi loka.m upapanna.m samaana.m sabyaapajjhaa pi abyaapajjhaa pi phassaa phusanti.|| ||

So sabyaapajjhehi pi abyaapajjhehi pi phassehi phu.t.tho samaano sabyaapajjham pi abyaapajjham pi vedana.m vedeti voki.n.na.m sukhadukkha.m.|| ||

Seyyathaa pi manussaa ekacce ca devaa ekacce ca vinipaatikaa.|| ||

Iti kho Pu.n.na bhuutaa bhuutassa upapatti hoti.|| ||

Ya.m karoti tena upapajjati.|| ||

Upapannam-ena.m phassaa phusanti.|| ||

Eva.m p'aha.m Pu.n.na:||
kammadaayaadaa sattaa ti vadaami.|| ||

Ida.m vuccati Pu.n.na,||
kamma.m ka.nhasukka.m ka.nhasukkavipaaka.m.|| ||

Kata- [391] ma~n ca Pu.n.na kamma.m aka.nha.m asukka.m aka.nhasukkavipaaka.m||
kammakkhayaaya sa.mvattati?|| ||

Tatra Pu.n.na yam-ida.m kamma.m ka.nha.m ka.nhavipaaka.m||
tassa pahaanaaya yaa cetanaa,||
yam-p'ida.m kamma.m sukka.m sukkavipaaka.m||
tassa pahaanaaya yaa cetanaa,||
yam-p'ida.m kamma.m ka.nhasukka.m.|| ||

Ka.nhasukkavipaaka.m tassa pahaanaaya yaa cetanaa,||
ida.m vuccati Pu.n.na kamma.m aka.nha.m asukka.m aka.nhaasukkavipaaka.m kammakkhayaaya sa.mvattati.|| ||

Imaani kho Pu.n.na cattaari kammaani mayaa saya.m abhi~n~naa sacchikatvaa paveditaaniiti.|| ||

Eva.m vutte Pu.n.no Ko.liyaputto govatiko Bhagavanta.m etad avoca:|| ||

Abhikkanta.m bhante,||
abhikkanta.m bhante.|| ||

Seyyathaa pi bhante nikkujjita.m vaa ukkujjeyya,||
pa.ticchanna.m vaa vivareyya,||
muu.lhassa vaa magga.m aacikkheyya,||
andhakaare vaa telapajjota.m dhaareyya,||
cakkhumanto ruupaani dakkhintiiti,||
evam eva.m Bhagavataa aneka-pariyaayena dhammo pakaasito.|| ||

Esaaha.m bhante Bhagavanta.m sara.na.m gacchaami dhamma~nca bhikkhu-sa'ngha~n ca.|| ||

Upaasaka.m ma.m Bhagavaa dhaaretu ajjatagge paa.nupeta.m sara.na.m gatanti.|| ||

Acelo pana Seniyo kukkuravatiko Bhagavanta.m etad avoca:|| ||

Abhikkanta.m bhante,||
abhikkanta.m bhante.|| ||

Seyyathaa pi bhante nikkujjita.m vaa ukkujjeyya,||
pa.ticchanna.m vaa vivareyya,||
muu.lhassa vaa magga.m aacikkheyya,||
andhakaare vaa telapajjota.m dhaareyya,||
cakkhumanto ruupaani dakkhintiiti,||
evam eva.m Bhagavataa aneka-pariyaayena dhammo pakaasito.|| ||

Esaaha.m bhante Bhagavanta.m sara.na.m gacchaami dhamma~nca bhikkhu-sa'ngha~n ca.|| ||

Labheyyaaha.m bhante Bhagavato santike pabbajja.m.|| ||

Labheyya.m upasampadanti.|| ||

Yo kho Seniya a~n~natitthiyapubbo imasmi.m dhamma-vinaye aaka'nkhati pabbajja.m,||
aaka'nkhati upasampada.m.|| ||

So cattaaro maase parivasati catunna.m maasaana.m accayena aaraddhacittaa bhikkhuu pabbaajenti,||
upasampaadenti bhikkhubhaavaaya.|| ||

Api ca mettha puggalavemattataa viditaati.|| ||

Sace bhante a~n~natitthiyapubbaa imasmi.m dhamma-vinaye aaka'nkhantaa pabbajja.m,||
aaka'nkhantaa upasampada.m,||
cattaaro maase parivasanti.|| ||

Catunna.m maasaana.m accayena aaraddhacittaa bhikkhuu pabbaajenti,||
upasampaadenti bhikkhubhaavaaya.|| ||

Aha.m cattaari vassaani parivasissaami.|| ||

Catunna.m ma.m vassaana.m accayena aaraddhacittaa bhikkhuu pabbaajentu,||
upasampaadentu bhikkhubhaavaayaati.|| ||

Alattha kho acelo Seniyo kukkuravatiko Bhagavato santike pabbajja.m,||
alattha upasampada.m.|| ||

Aciruupasampanno kho pan'aayasmaa Seniyo eko vuupaka.t.tho appa- [392] matto aataapii pahitatto viharanto na cirass'eva yassatthaaya kulaputtaa samma-d-eva agaarasmaa anaagaariya.m pabbajanti.|| ||

Tadanuttara.m brahmacariyapariyosaana.m di.t.the va dhamme saya.m abhi~n~naa sacchikatvaa upasampajja vihaasi.|| ||

Khii.naa jaati,||
vusita.m brahmacariya.m||
kata.m kara.niiya.m,||
naapara.m itthattaayaati abbha~n~naasi.|| ||

A~n~nataro kho panaayasmaa Seniyo arahata.m ahosii ti.|| ||

Kukkuravatiya sutta.m sattama.m


Contact:
E-mail
Copyright Statement