Majjhima Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Majjhima Nikaaya
II. Majjhima-Pa.n.naasa
2. Bhikkhu Vagga

Sutta 69

Gulissaani Sutta.m

Based on the 'Sri Lanka Buddha Jayanti Tripitaka Series.'

 


 

[1][chlm][pts][upal] Eva.m me suta.m:

Eka.m samaya.m Bhagavaa Raajagahe viharati Veluvane Kalandakanivaape.|| ||

Tena kho pana samayena Gulissaani naama bhikkhu aara~n~nako padarasamaacaaro sa'nghamajjhe osa.to hoti kenacid-eva kara.niiyena.|| ||

Tatra kho aayasmaa Saariputto gulissaani.m bhikkhu.m aarabbha bhikkhuu aamantesi.|| ||

"Aara~n~nakena h'aavuso bhikkhunaa sa'nghagatena sa'nghe viharantena sabrahmacaariisu sagaaravena bhavitabba.m sappatissena.|| ||

Sace aavuso aara~n~nako bhikkhu sa'nghagato sa'nghe viharanto sabrahmacaariisu agaaravo hoti appatisso.|| ||

Tassa bhavanti vattaaro:|| ||

'Kim pan'imass'aayasmat aara~n~nakassa ekassaara~n~ne serivihaarena,||
yo ayamaayasmaa sabrahmacaariisu agaaravo appatisso'tissa bhavanti vattaaro.|| ||

Tasmaa aara~n~nakena bhikkhunaa sa'nghagatena sa'nghe viharantena sabrahmacaariisu sagaaravena bhavitabba.m sappatissena.|| ||

Aara~n~nakena h'aavuso bhikkhunaa sa'nghagatena sa'nghe viharantena aasanakusalena bhavitabba.m 'Iti there ca bhikkhuu naanupakhajja nisiidissaami.|| ||

Nave ca bhikkhuu na aasanena pa.tibaahissaamii' ti.|| ||

Sace aavuso aara~n~nako bhikkhu sa'nghagato sa'nghe viharanto na aasanakusalo hoti.|| ||

Tassa bhavanti vattaaro:|| ||

Kim pan'imass'aayasmat aara~n~nakassa ekassaara~n~ne serivihaarena,||
yo ayamaayasmaa aabhisamaacaarikampi dhamma.m na jaanaatii'tissa bhavanti vattaaro.|| ||

Tasmaa aara~n~nakena bhikkhunaa sa'nghagatena sa'nghe viharantena aasanakusalena bhavitabba.m.|| ||

Aara~n~nakena h'aavuso bhikkhunaa sa'nghagatena sa'nghe viharantena naatikaalena gaamo pavisitabbo.|| ||

Naati divaa pa.tikkamitabba.m.|| ||

Sace aavuso aara~n~nako bhikkhu sa'nghagato sa'nghe viharanto atikaalena gaama.m pavisati,||
atidivaa7 pa.tikkamati.|| ||

Tassa bhavanti vattaaro.|| ||

Kim pan'imass'aayasmat aara~n~nakassa ekassaara~n~ne serivihaarena,||
yo ayamaayasmaa atikaalena gaama.m pavisati,||
atidivaa pa.tikkamatii'tissa6 bhavanti vattaaro.|| ||

Tasmaa aara~n~nakena bhikkhunaa sa'nghagatena sa'nghe viharantena naatikaalena gaamo pavisitabbo.|| ||

Naati divaa pa.tikkamitabba.m.|| ||

Aara~n~nakena h'aavuso bhikkhunaa sa'nghagatena sa'nghe viharantena na purebhatta.m [470] pacchaabhatta.m kulesu caaritta.m aapajjitabba.m.|| ||

Sace aavuso aara~n~nako bhikkhu sa'nghagato sa'nghe viharanto purebhatta.m pacchaabhatta.m kulesu caaritta.m aapajjati,||
tassa bhavanti vattaaro:||
ayannuunimassaayasmato aara~n~nakassa ekassaara~n~ne serivihaarena viharato vikaalacariyaa bahuliikataa,||
tam ena.m sa'nghagatampi samudaacaratii'tissa bhavanti vattaaro.|| ||

Tasmaa aara~n~nakena bhikkhunaa sa'nghagatena sa'nghe viharantena na purebhatta.m pacchaabhatta.m kulesu caaritta.m aapajjitabba.m.|| ||

Aara~n~nakena h'aavuso bhikkhunaa sa'nghagatena sa'nghe viharantena anuddhatena bhavitabba.m acapalena.|| ||

Sace aavuso aara~n~nako bhikkhu sa'nghagato sa'nghe viharanto uddhato hoti.|| ||

Capalo tassa bhavanti vattaaro:|| ||

'Idannuunimassaayasmato aara~n~nakassa ekassaara~n~ne serivihaarena viharato uddhacca.m caapalya.m bahuliikata.m,||
tam ena.m sa'nghagatam pi samudaacaratii'tissa bhavanti vattaaro.|| ||

Tasmaa aara~n~nakena bhikkhunaa sa'nghagatena sa'nghe viharantena anuddhatena bhavitabba.m acapalena.|| ||

Aara~n~nakena h'aavuso bhikkhunaa sa'nghagatena sa'nghe viharantena amukharena bhavitabba.m aviki.n.navaacena.|| ||

Sace aavuso aara~n~nako bhikkhu sa'nghagato sa'nghe viharanto mukharo hotiviki.n.navaaco.|| ||

Tassa bhavanti vattaaro:|| ||

'Kam pan'imass'aayasmato aara~n~nakassa ekassaara~n~ne serivihaarena,||
yo ayamaayasmaa mukharo viki.n.navaaco'tissa bhavanti vattaaro.|| ||

Tasmaa aara~n~nakena bhikkhunaa sa'nghagatena sa'nghe viharantena amukharena bhavitabba.m aviki.n.navaacena.|| ||

Aara~n~nakena h'aavuso bhikkhunaa sa'nghagatena sa'nghe viharantena subbacena bhavitabba.m kalyaa.namittena.|| ||

Sace aavuso aara~n~nako bhikkhu sa'nghagato sa'nghe viharanto dubbaco hoti paapamitto|| ||

Tassa bhavanti vattaaro:|| ||

'Kim pan'imass'aayasmato aara~n~nakassa ekassaara~n~ne serivihaarena.|| ||

Yo ayamaayasmaa dubbaco paapamitto tissa bhavanti vattaaro.|| ||

Tasmaa aara~n~nakena bhikkhunaa sa'nghagatena sa'nghe viharantena subbacena bhavitabba.m kalyaa.namittena.|| ||

Aara~n~nakena h'aavuso bhikkhunaa indriyesu guttadvaarena bhavitabba.m.|| ||

Sace aavuso aara~n~nako bhikkhu indriyesu aguttadvaaro hoti.|| ||

Tassa bhavanti vattaaro:|| ||

'Kim pan'imass'aayasmato aara~n~nakassa ekassaara~n~ne serivihaarena,||
yo ayamaayasmaa [471] indriyesu aguttadvaaro'tissa bhavanti vattaaro.|| ||

Tasmaa aara~n~nakena bhikkhunaa indriyesu guttadvaarena bhavitabba.m.|| ||

Aara~n~nakena h'aavuso bhikkhunaa bhojane matta~n~nunaa bhavitabba.m.|| ||

Sace aavuso aara~n~nako bhikkhu bhojane amatta~n~nuu hoti.|| ||

Tassa bhavanti vattaaro:|| ||

'Kim pan'imass'aayasmato aara~n~nakassa ekassaara~n~ne serivihaarena,||
yo ayamaayasmaa bhojane amatta~n~nuu' tissa bhavanti vattaaro.|| ||

Tasmaa aara~n~nakena bhikkhunaa bhojane matta~n~nunaa bhavitabba.m.|| ||

Aara~n~nakena h'aavuso bhikkhunaa jaagariya.m anuyuttena bhavitabba.m.|| ||

Sace aavuso aara~n~nako bhikkhu jaagariya.m ananuyutto hoti.|| ||

Tassa bhavanti vattaaro:|| ||

'Kim pan'imass'aayasmato aara~n~nakassa ekassaara~n~ne serivihaarena,||
yo ayamaayasmaa jaagariya.m ananuyuttotissa bhavanti vattaaro.|| ||

Tasmaa aara~n~nakena bhikkhunaa jaagariya.m anuyuttena bhavitabba.m.|| ||

Aara~n~nakena h'aavuso bhikkhunaa aaraddhaviriyena bhavitabba.m.|| ||

Sace aavuso aara~n~nako bhikkhu kusiito hoti.|| ||

Tassa bhavanti vattaaro:|| ||

'Kim pan'imass'aayasmato aara~n~nakassa ekassaara~n~ne serivihaarena,||
yo ayamaayasmaa kusiito'tissa bhavanti vattaaro.|| ||

Tasmaa aara~n~nakena bhikkhunaa aaraddhaviriyena bhavitabba.m.|| ||

Aara~n~nakena h'aavuso bhikkhunaa upa.t.thitasatinaa bhavitabba.m.|| ||

Sace aavuso aara~n~nako bhikkhu mu.t.thassatii hoti.|| ||

Tassa bhavanti vattaaro:|| ||

'Kim pan'imass'aayasmato aara~n~nakassa ekassaara~n~ne serivihaarena,||
yo ayamaayasmaa mu.t.thassatii' tissa bhavanti vattaaro.|| ||

Tasmaa aara~n~nakena bhikkhunaa upa.t.thitasatinaa bhavitabba.m.|| ||

Aara~n~nakena h'aavuso bhikkhunaa samaahitena bhavitabba.m.|| ||

Sace aavuso aara~n~nako bhikkhu asamaahito hoti.|| ||

Tassa bhavanti vattaaro:|| ||

'Kim pan'imass'aayasmato aara~n~nakassa ekassaara~n~ne serivihaarena,||
yo ayamaayasmaa asamaahito'tissa bhavanti vattaaro.|| ||

Tasmaa aara~n~nakena bhikkhunaa samaahitena bhavitabba.m.|| ||

Aara~n~nakena h'aavuso bhikkhunaa pa~n~navataa bhavitabba.m.|| ||

Sace aavuso aara~n~nako bhikkhu duppa~n~no hoti.|| ||

Tassa bhavanti [472] vattaaro:|| ||

'Kim panimassaayasmato aara~n~nakassa ekassaara~n~ne serivihaarena,||
yo ayamaayasmaa duppa~n~no'tissa bhavanti vattaaro.|| ||

Tasmaa aara~n~nakena bhikkhunaa pa~n~navataa bhavitabba.m.|| ||

Aara~n~nakena h'aavuso bhikkhunaa abhidhamme abhivinaye yogo kara.niiyo.|| ||

Santaavuso aara~n~naka.m bhikkhu.m abhidhamme abhivinaye pa~nha.m pucchitaaro.|| ||

Sace aavuso aara~n~nako bhikkhu abhidhamme abhivinaye pa~nha.m pu.t.tho na sampaayati.|| ||

Tassa bhavanti vattaaro:|| ||

'Kim pan'imass'aayasmato aara~n~nakassa ekassaara~n~ne serivihaarena,||
yo ayamaayasmaa abhidhamme abhivinaye pa~nha.m pu.t.tho na sampaayatii'tissa bhavanti vattaaro.|| ||

Tasmaa aara~n~nakena bhikkhunaa abhidhamme abhivinaye yogo kara.niiyo|| ||

Aara~n~nakena h'aavuso bhikkhunaa ye te santaa vimokkhaa atikkamma ruupe aaruppaa,||
tattha yogo kara.niiyo.|| ||

Santaavuso aara~n~naka.m bhikkhu.m ye te santaa vimokkhaa atikkamma ruupe aaruppaa,||
tattha pa~nha.m pucchitaaro.|| ||

Sace aavuso aara~n~nako bhikkhu ye te santaa vimokkhaa atikkamma ruupe aaruppaa tattha pa~nha.m pu.t.tho na sampaayati.|| ||

Tassa bhavanti vattaaro:|| ||

'Kim pan'imass'aayasmato aara~n~nakassa ekassaara~n~ne serivihaarena,||
yo ayamaayasmaa ye te santaa vimokkhaa atikkamma ruupe aaruppaa,||
tattha pa~nha.m pu.t.tho na sampaayatii'tissa bhavanti vattaaro.|| ||

Tasmaa aara~n~nakena bhikkhunaa ye te santaa vimokkhaa atikkamma ruupe aaruppaa,||
tattha yogo kara.niiyo.|| ||

Aara~n~nakena haavuso bhikkhunaa uttarimanussadhamme yogo kara.niiyo.|| ||

Santaavuso aara~n~naka.m bhikkhu.m uttarimanussadhamme pa~nha.m pucchitaaro.|| ||

Sace aavuso aara~n~nako bhikkhu uttarimanussadhamme pa~nha.m pu.t.tho na sampaayati.|| ||

Tassa bhavanti vattaaro:|| ||

'Kim pan'imass'aayasmato aara~n~nakassa ekassaara~n~ne serivihaarena,||
yo ayamaayasmaa yassatthaaya pabbajito tamattha.m na jaanaatii'tissa bhavanti vattaaro.|| ||

Tasmaa aara~n~nakena bhikkhunaa uttarimanussadhamme yogo kara.niiyoti.|| ||

Eva.m vutte aayasmaa Mahaa Moggallaano aayasmanta.m Saariputta.m etad avoca:|| ||

"Aara~n~naken'eva nu kho aavuso Saariputta bhikkhunaa ime dhammaa samaadaaya vattitabbaa udaahu [473] gaamantavihaarinaa pii" ti?|| ||

"Aara~n~nakenaa pi kho aavuso Moggallaana bhikkhunaa ime dhammaa samaadaaya vattitabbaa||
pageva gaamantavihaarinaa" ti.|| ||

Gulissaani sutta.m navama.m


Contact:
E-mail
Copyright Statement