Majjhima Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Majjhima Nikaaya
II. Majjhima-Pa.n.naasa
2. Bhikkhu Vagga

Sutta 70

Kii.taagiri Sutta.m

Based on the 'Sri Lanka Buddha Jayanti Tripitaka Series.'

 


[473]

[1][chlm][pts][than][ntbb][upal] Eva.m me suta.m|| ||

Eka.m samaya.m Bhagavaa Kaasiisu caarika.m carati mahataa bhikkhu-sa'nghena saddhi.m.|| ||

Tatra kho Bhagavaa bhikkhuu aamantesi:|| ||

"Aha.m kho bhikkhave a~n~natr'eva rattibhojanaa bhu~njaami.|| ||

A~n~natra kho panaaha.m bhikkhave rattibhojanaa bhu~njamaano||
appaabaadhata~n ca sa~njaanaami||
appaata'nkata~n ca||
lahu.t.thaana~n ca||
bala~n ca||
phaasuvihaara~n ca.|| ||

Etha tumhe pi bhikkhave a~n~natr'eva rattibhojanaa bhu~njatha.|| ||

A~n~natra kho pana bhikkhave tumhe pi rattibhojanaa bhu~njamaanaa||
appaabaadhata~n ca sa~njaanissatha||
appaata'nkata~n ca||
lahu.t.thaana~n ca||
bala~n ca||
paasuvihaara~n caa" ti.|| ||

"Eva.m bhante" ti kho te bhikkhuu Bhagavato paccassosu.m.|| ||

Atha kho Bhagavaa Kaasiisu anupubbena caarika.m||
caramaano yena Kii.taagiri naama Kaasiina.m nigamo tad avasari.|| ||

Tatra suda.m Bhagavaa Kii.taagirismi.m viharati Kaasiina.m nigame.|| ||

Tena kho pana samayena Assaji-Punabbasukaa naama bhikkhuu Kii.taagirismi.m aavaasikaa honti.|| ||

Atha kho sambahulaa bhikkhuu yena Assaji-Punabbasukaa bhikkhuu ten'upasa'nkami.msu.|| ||

Upasa'nkamitvaa Assaji-Punabbasuke bhikkhuu etad avocu.m:|| ||

"Bhagavaa kho aavuso a~n~natr'eva rattibhojanaa bhu~njati bhikkhu sa'ngho ca,||
a~n~natra kho pan'aavuso rattibhojanaa bhu~njamaanaa||
appaabaadhata~n ca sa~njaananti||
appaata'nkata~n ca||
lahu.t.thaana~n ca||
bala~n ca||
phaasuvihaara~n ca.|| ||

Etha tumhe pi aavuso a~n~natr'eva rattibhojanaa bhu~njatha.|| ||

A~n~natra kho pan'aavuso tumhe pi rattibhojanaa bhu~njamaanaa||
appaabaadhata~n ca sa~njaanissatha,||
appaata'nkata~n ca||
lahu.t.thaana~n ca||
bala~n ca||
phaasuvihaara~n [474] caa" ti.|| ||

Eva.m vutte Assaji-Punabbasukaa bhikkhuu te bhikkhuu etad avocu.m:|| ||

"Maya.m kho aavuso saaya~n-c'eva bhu~njaama paato ca divaa ca vikaale.|| ||

Te maya.m saaya~n-c'eva bhu~njamaanaa paato ca divaa ca vikaale, appaabaadhata~n ca sa~njaanaama||
appaata'nkata~n ca||
lahu.t.thaana~n ca||
bala~n ca||
phaasuvihaara~n ca.|| ||

Te maya.m ki.m sandi.t.thika.m hitvaa kaalika.m anudhaavissaama,||
saaya~n-c'eva maya.m bhu~njissaama paato ca divaa ca vikaale" ti?|| ||

Yato kho te bhikkhu naasakkhi.msu Assaji-Punabbasuke bhikkhuu sa~n~naapetu.m||
atha yena Bhagavaa ten'upasa'nkami.msu.|| ||

Upasa'nkamitvaa Bhagavanta.m abhivaadetvaa eka-m-anta.m nisiidi.msu.|| ||

Eka-m-anta.m nisinnaa kho te bhikkhuu Bhagavanta.m etad avocu.m:|| ||

"Idha maya.m bhante yena Assaji-Punabbasukaa bhikkhuu ten'upasa'nkamimha.|| ||

Upasa'nkamitvaa Assaji-Punabbasuke bhikkhuu etad avocumha:|| ||

'Bhagavaa kho aavuso a~n~natr'eva rattibhojanaa bhu~njati bhikkhu sa'ngho ca,||
a~n~natra kho pan'aavuso rattibhojanaa bhu~njamaanaa||
appaabaadhata~n ca sa~njaananti||
appaata'nkata~n ca||
lahu.t.thaana~n ca||
bala~n ca||
phaasuvihaara~n ca.|| ||

Etha tumhe pi aavuso a~n~natr'eva rattibhojanaa bhu~njatha.|| ||

A~n~natra kho pan'aavuso tumhe pi rattibhojanaa bhu~njamaanaa||
appaabaadhata~n ca sa~njaanissatha,||
appaata'nkata~n ca||
lahu.t.thaana~n ca||
bala~n ca||
phaasuvihaara~n caa' ti.|| ||

Eva.m vutte Assaji-Punabbasukaa bhikkhuu te bhikkhuu etad avocu.m:|| ||

'Maya.m kho aavuso saaya~n-c'eva bhu~njaama paato ca divaa ca vikaale.|| ||

Te maya.m saaya~n-c'eva bhu~njamaanaa paato ca divaa ca vikaale, appaabaadhata~n ca sa~njaanaama||
appaata'nkata~n ca||
lahu.t.thaana~n ca||
bala~n ca||
phaasuvihaara~n ca.|| ||

Te maya.m ki.m sandi.t.thika.m hitvaa kaalika.m anudhaavissaama,||
saaya~n-c'eva maya.m bhu~njissaama paato ca divaa ca vikaale' ti?|| ||

Yato kho maya.m bhante naasakkhimha Assaji-Punabbasuke bhikkhuu sa~n~napetu.m||
qtha maya.m etam attha.m Bhagavato aarocemaa" ti.|| ||

Atha kho Bhagavaa a~n~natara.m bhikkhu.m aamantesi:|| ||

"Ehi tva.m bhikkhu mama vacanena Assaji-Punabbasuke bhikkhuu aamantehi:||
'Satthaayasmante aamantetii'" ti.|| ||

"Eva.m bhante" ti kho so bhikkhu Bhagavato pa.tissutvaa yena Assaji-Punabbasukaa bhikkhuu ten'upasa'nkami.|| ||

Upasa'nkamitvaa Assaji-Punabbasuke bhikkhuu etad avoca:|| ||

"Satthaayasmante aamantetii" ti.|| ||

"Evam aavuso" ti kho Assaji-Punabbasukaa bhikkhuu tassa bhikkhuno pa.tissutvaa yena Bhagavaa ten'upasa'nkami.msu.|| ||

Upasa'nkamitvaa Bhagavanta.m abhivaadetvaa eka-m-anta.m nisiidi.msu.|| ||

Eka-m-anta.m nisinne kho Assaji-Punabbasuke bhikkhuu Bhagavaa etad avoca:|| ||

"Sacca.m kira bhakkhave sambahulaa bhikkhuu tumhe upasa'nkamitvaa etad avocu.m:|| ||

'Bhagavaa kho aavuso a~n~natr'eva rattibhojanaa bhu~njati bhikkhu-sa'ngho ca,||
a~n~natra kho pan'aavuso rattibhojanaa bhu~njamaanaa||
appabaadhata~n ca sa~njaananti||
appaata'nkata~n ca||
lahu.t.thaana~n ca||
bala~n ca||
phaasuvihaara~n ca.|| ||

Etha tumhe pi aavuso a~n~natr'eva rattibhojanaa bhu~njatha,||
a~n~natra kho pan'aavuso tumhe pi rattibhojanaa bhu~n- [475] jamaanaa||
appaabaadhata~n ca sa~njaanissatha||
appaata'nkata~n ca||
lahu.t.thaana~n ca||
bala~n ca||
phaasuvihaara~n caa' ti.|| ||

Eva.m vutte kira bhikkhave tumhe te bhikkhuu eva.m avacuttha:|| ||

'Maya.m kho aavuso saaya~n-c'eva bhu~njaama paato ca divaa ca vikaale.|| ||

Te maya.m saaya~n-c'eva bhu~njamaanaa paato ca divaa ca vikaale,||
appabaadhata~n ca sa~njaanaama||
appata'nkata~n ca||
lahu.t.thaana~n ca||
bala~n ca||
phaasuvihaara~n ca.|| ||

Te maya.m ki.m sandi.t.thika.m hitvaa kaalika.m anudhaavissaama,||
saaya~n-c'eva maya.m bhu~njissaama paato ca divaa ca vikaale'" ti?|| ||

"Eva.m bhante."|| ||

"Kin-nu me tumhe bhikkhave eva.m dhamma.m desita.m aajaanaatha:|| ||

'Ya.m ki~ncaaya.m purisa-puggalo pa.tisa'nvedeti
sukha.m vaa dukkha.m vaa adukkha-m-asukha.m vaa,||
tassa akusalaa dhammaa parihaayanti,||
kusalaa dhammaa abhiva.d.dhantii'" ti?|| ||

"No h'eta.m bhante."|| ||

"Nanu me tumhe bhikkhave eva.m dhamma.m desita.m aajaanaatha:|| ||

'Idh'ekaccassa evaruupa.m sukha.m vedana.m vediyato||
akusalaa dhammaa abhiva.d.dhanti,||
kusalaa dhammaa parihaayanti.|| ||

Idha pan'ekaccassa evaruupa.m sukha.m vedana.m vediyato||
akusalaa dhammaa parihaayanti,||
kusalaa dhammaa abhiva.d.dhanti.|| ||

Idh'ekaccassa evaruupa.m dukkha.m vedana.m vediyato||
akusalaa dhammaa abhiva.d.dhanti,||
kusalaa dhammaa parihaayanti.|| ||

Idha pan'ekaccassa evaruupa.m dukkha.m vedana.m vediyato||
akusalaa dhammaa parihaayanti,||
kusalaa dhammaa abhiva.d.dhanti.|| ||

Idh'ekaccassa evaruupa.m adukkha-m-asukha.m vedana.m vediyato||
akusalaa dhammaa abhiva.d.dhanti,||
kusalaa dhammaa parihaayanti.|| ||

Idha pan'ekaccassa evaruupa.m adukkha-m-asukha.m vedana.m vediyato,||
akusalaa dhammaa parihaayanti,||
kusalaa dhammaa abhiva.d.dhantii" ti?|| ||

"Evam bhante."|| ||

"Saadhu bhikkhave."|| ||

 

§

 

"Mayaa c'eta.m bhikkhave a~n~naata.m abhavissa adi.t.tha.m avidita.m asacchikata.m aphassita.m pa~n~naaya:|| ||

'Idh'ekaccassa evaruupa.m sukha.m vedana.m vediyato||
akusalaa dhammaa abhiva.d.dhanti,||
kusalaa dhammaa parihaayantii' ti,|| ||

evam-aha.m ajaananto:|| ||

'Evaruupa.m sukha.m vedana.m pajahathaa' ti vadeyya.m,|| ||

api nu me eta.m bhikkhave pa.tiruupa.m abhavissaa" ti?|| ||

"No h'eta.m bhante."|| ||

"Yasmaa ca kho eta.m bhikkhave mayaa ~naata.m di.t.tha.m vidita.m sacchikata.m phassita.m pa~n~naaya:|| ||

'Idh'ekaccassa evaruupa.m sukha.m vedana.m vediyato||
akusalaa [476] dhammaa abhiva.d.dhanti,||
kusalaa dhammaa parihaayantii' ti,|| ||

tasmaa'ha.m evaruupa.m sukha.m vedana.m pajahathaa' ti vadaami.|| ||

Mayaa c'eta.m bhikkhave a~n~naata.m abhavissa adi.t.tha.m avidita.m asacchikata.m aphassita.m pa~n~naaya:|| ||

'Idh'ekaccassa evaruupa.m sukha.m vedana.m vediyato||
akusalaa dhammaa parihaayanti,||
kusalaa dhammaa abhiva.d.dhantii' ti,|| ||

evam-aha.m ajaananto:|| ||

'Evaruupa.m sukha.m vedana.m upasampajja viharathaa' ti vadeyya.m,|| ||

api nu me eta.m bhikkhave pa.tiruupa.m abhavissaa'" ti?|| ||

"No h'eta.m bhante."|| ||

"Yasmaa ca kho eta.m bhikkhave mayaa ~naata.m di.t.tha.m vidita.m sacchikata.m phassita.m pa~n~naaya:|| ||

'Idh'ekaccassa evaruupa.m sukha.m vedana.m vediyato||
akusalaa dhammaa parihaayanti,||
kusalaa dhammaa abhiva.d.dhantii' ti.|| ||

Tasmaa'ha.m:|| ||

evaruupa.m sukha.m vedana.m upasampajja viharathaati vadaami.|| ||

 


 

"Mayaa c'eta.m bhikkhave a~n~naata.m abhavissa adi.t.tha.m avidita.m asacchikata.m aphassita.m pa~n~naaya:|| ||

'Idh'ekaccassa evaruupa.m dukkha.m vedana.m vediyato||
akusalaa dhammaa abhiva.d.dhanti,||
kusalaa dhammaa parihaayantii' ti,|| ||

evam-aha.m ajaananto:|| ||

'Evaruupa.m dukkha.m vedana.m pajahathaa' ti vadeyya.m,|| ||

api nu me eta.m bhikkhave pa.tiruupa.m abhavissaa" ti?|| ||

"No h'eta.m bhante."|| ||

"Yasmaa ca kho eta.m bhikkhave mayaa ~naata.m di.t.tha.m vidita.m sacchikata.m phassita.m pa~n~naaya:|| ||

'Idh'ekaccassa evaruupa.m dukkha.m vedana.m vediyato||
akusalaa dhammaa abhiva.d.dhanti,||
kusalaa dhammaa parihaayantii' ti,|| ||

tasmaa'ha.m evaruupa.m dukkha.m vedana.m pajahathaa' ti vadaami.|| ||

Mayaa c'eta.m bhikkhave a~n~naata.m abhavissa adi.t.tha.m avidita.m asacchikata.m aphassita.m pa~n~naaya:|| ||

'Idh'ekaccassa evaruupa.m dukkha.m vedana.m vediyato||
akusalaa dhammaa parihaayanti,||
kusalaa dhammaa abhiva.d.dhantii' ti,|| ||

evam-aha.m ajaananto:|| ||

'Evaruupa.m dukkha.m vedana.m upasampajja viharathaa' ti vadeyya.m,|| ||

api nu me eta.m bhikkhave pa.tiruupa.m abhavissaa'" ti?|| ||

"No h'eta.m bhante."|| ||

"Yasmaa ca kho eta.m bhikkhave mayaa ~naata.m di.t.tha.m vidita.m sacchikata.m phassita.m pa~n~naaya:|| ||

'Idh'ekaccassa evaruupa.m dukkha.m vedana.m vediyato||
akusalaa dhammaa parihaayanti,||
kusalaa dhammaa abhiva.d.dhantii' ti.|| ||

Tasmaa'ha.m:|| ||

evaruupa.m dukkha.m vedana.m upasampajja viharathaati vadaami.|| ||

 


 

"Mayaa c'eta.m bhikkhave a~n~naata.m abhavissa adi.t.tha.m avidita.m asacchikata.m aphassita.m pa~n~naaya:|| ||

'Idh'ekaccassa evaruupa.m adukkha-m-asukha.m vedana.m vediyato||
akusalaa dhammaa abhiva.d.dhanti,||
kusalaa dhammaa parihaayantii' ti,|| ||

evam-aha.m ajaananto:|| ||

'Evaruupa.m adukkha-m-asukha.m vedana.m pajahathaa' ti vadeyya.m,|| ||

api nu me eta.m bhikkhave pa.tiruupa.m abhavissaa" ti?|| ||

"No h'eta.m bhante."|| ||

"Yasmaa ca kho eta.m bhikkhave mayaa ~naata.m di.t.tha.m vidita.m sacchikata.m phassita.m pa~n~naaya:|| ||

'Idh'ekaccassa evaruupa.m adukkha-m-asukha.m vedana.m vediyato||
akusalaa dhammaa abhiva.d.dhanti,||
kusalaa dhammaa parihaayantii' ti,|| ||

tasmaa'ha.m evaruupa.m adukkha-m-asukha.m vedana.m pajahathaa' ti vadaami.|| ||

Mayaa c'eta.m bhikkhave a~n~naata.m abhavissa adi.t.tha.m avidita.m asacchikata.m aphassita.m pa~n~naaya:|| ||

'Idh'ekaccassa evaruupa.m adukkha-m-asukha.m vedana.m vediyato||
akusalaa dhammaa parihaayanti,||
kusalaa dhammaa abhiva.d.dhantii' ti,|| ||

evam-aha.m ajaananto:|| ||

'Evaruupa.m adukkha-m-asukha.m vedana.m upasampajja viharathaa' ti vadeyya.m,|| ||

api nu me eta.m bhikkhave pa.tiruupa.m abhavissaa'" ti?|| ||

"No h'eta.m bhante."|| ||

"Yasmaa ca kho eta.m bhikkhave mayaa ~naata.m di.t.tha.m vidita.m sacchikata.m phassita.m pa~n~naaya:|| ||

'Idh'ekaccassa evaruupa.m adukkha-m-asukha.m vedana.m vediyato||
akusalaa dhammaa parihaayanti,||
kusalaa dhammaa abhiva.d.dhantii' ti.|| ||

Tasmaa'ha.m:|| ||

eva- [477] ruupa.m adukkha-m-asukha.m vedana.m upasampajja viharathaati vadaami."|| ||

 

§

 

"Naaha.m bhikkhave sabbesa.m yeva bhikkhuuna.m appamaadena kara.niiyan ti vadaami.|| ||

Na panaaha.m bhikkhave sabbesa.m yeva bhikkhuuna.m na appamaadena kara.niiyan ti vadaami.|| ||

Ye te bhikkhave bhikkhuu arahanto||
khii.naasavaa||
vusitavanto||
kata-kara.niiyaa||
ohitabhaaraa||
anuppatta-sadatthaa parikkhii.na-bhava-sa.myojanaa||
samma-d-a~n~naa vimuttaa||
tathaa-ruupaanaaha.m bhikkhave bhikkhuuna.m||
na appamaadena kara.niiyan ti vadaami.|| ||

Ta.m kissa hetu?|| ||

Kata.m tesa.m appamaadena,||
abhabbaa te pamajjitu.m.|| ||

Ye ca kho te bhikkhave bhikkhuu sekkhaa appattamaanasaa anuttara.m yogakkhema.m patthayamaanaa viharanti||
tathaa-ruupaanaaha.m bhikkhave bhikkhuuna.m appamaadena kara.niiyan ti vadaami.|| ||

Ta.m kissa hetu?|| ||

App-eva naam'ime aayasmanto anulomikaani senaasanaani pa.tisevamaanaa kalyaa.namitte bhajamaanaa indriyaani samannaanayamaanaa yass'atthaaya kulaputtaa samma-d-eva agaarasmaa anagaariya.m pabbajanti,||
tad-anuttara.m brahmacariya-pariyosaana.m||
di.t.the va dhamme saya.m abhi~n~naa sacchikatvaa||
upasampajja vihareyyun ti.|| ||

Ima.m kho aha.m bhikkhave imesa.m bhikkhuuna.m appamaadaphala.m sampassamaano appamaadena kara.niiyan ti vadaami.|| ||

 

§

 

Satt'ime bhikkhave puggalaa santo sa.mvijjamaanaa lokasmi.m.|| ||

Katame satta?|| ||

Ubhato-bhaaga-vimutto||
pa~n~naa-vimutto||
kaaya-sakkhii||
di.t.thappatto||
saddhaa-vimutto||
dhammaanusaarii||
saddhaanusaarii.|| ||

Katamo ca bhikkhave puggalo||
ubhato-bhaaga-vimutto?|| ||

Idha bhikkhave ekacco puggalo||
ye te santaa vimokkhaa atikkamma ruupe||
aaruppaa te kaayena phassitvaa viharati,||
pa~n~naaya c'assa disvaa aasavaa parikkhii.naa honti.|| ||

Aya.m vuccati bhikkhave puggalo||
ubhato-bhaaga-vimutto.|| ||

Imassa kho aha.m bhikkhave bhikkhuno na appamaadena kara.niiyan ti vadaami.|| ||

Ta.m kissa hetu?|| ||

Kata.m tassa appamaadena,
abhabbo so pamajjitu.m.|| ||

Katamo ca bhikkhave puggalo
pa~n~naa-vimutto?|| ||

Idha bhikkhave ekacco puggalo
ye te santaa vimokkhaa atikkamma ruupe
aaruppaa te na kaayena phassitvaa viharati,||
pa~n~naaya c'assa disvaa aasavaa parikkhii.naa honti.|| ||

Aya.m vuccati bhikkhave [478] puggalo pa~n~naa-vimutto.|| ||

Imassa pi kho aha.m bhikkhave bhikkhuno na appamaadena kara.niiyan ti vadaami.|| ||

Ta.m kissa hetu?|| ||

Kata.m tassa appamaadena,
abhabbo so pamajjitu.m.

Katamo ca bhikkhave puggalo||
kaaya-sakkhii?|| ||

Idha bhikkhave ekacco puggalo||
ye te santaa vimokkhaa atikkamma ruupe||
aaruppaa te kaayena phassitvaa viharati,||
pa~n~naaya c'assa disvaa ekacce aasavaa parikkhii.naa honti.|| ||

Aya.m vuccati bhikkhave puggalo||
kaaya-sakkhi.|| ||

Imassa kho aha.m bhikkhave bhikkhuno appamaadena kara.niiyan ti vadaami.|| ||

Ta.m kissa hetu?|| ||

App'eva naama ayam-aayasmaa anulomikaani senaasanaani pa.tisevamaano kalyaa.namitte bhajamaano indriyaani samannaanayamaano yass'atthaaya kulaputtaa samma-d-eva agaarasmaa anagaariya.m pabbajanti,||
tad-anuttara.m brahmacariya-pariyosaana.m||
di.t.the va dhamme saya.m abhi~n~naa sacchikatvaa||
upasampajja vihareyyaati.|| ||

Ima.m kho aha.m bhikkhave imassa bhikkhuno appamaadaphala.m sampassamaano appamaadena kara.niiyan ti vadaami.|| ||

Katamo ca bhikkhave puggalo||
di.t.thappatto?|| ||

Idha bhikkhave ekacco puggalo||
ye te santaa vimokkhaa atikkamma ruupe||
aaruppaa te na kaayena phassitvaa viharati,||
pa~n~naaya c'assa disvaa ekacce aasavaa parikkhii.naa honti.|| ||

Tathaagatappaveditaa c'assa dhammaa pa~n~naaya vodi.t.thaa honti vocaritaa.|| ||

Aya.m vuccati bhikkhave puggalo||
di.t.thappatto.|| ||

Imassa pi kho aha.m bhikkhave bhikkhuno appamaadena kara.niiyan-ti vadaami.|| ||

Ta.m kissa hetu?|| ||

App'eva naama ayam-aayasmaa anulomikaani senaasanaani pa.tisevamaano kalyaa.namitte bhajamaano indriyaani samannaanayamaano yass'atthaaya kulaputtaa samma-d-eva agaarasmaa anagaariya.m pabbajanti,||
tad-anuttara.m brahmacariya-pariyosaana.m||
di.t.the va dhamme saya.m abhi~n~naa sacchikatvaa||
upasampajja vihareyyaati.|| ||

Ima.m kho aha.m bhikkhave imassa bhikkhuno appamaadaphala.m sampassamaano appamaadena kara.niiyan ti vadaami.|| ||

Katamo ca bhikkhave puggalo||
saddhaa-vimutto?|| ||

Idha bhikkhave ekacco puggalo||
ye te santaa vimokkhaa atikkamma ruupe||
aaruppaa te na kaayena phassitvaa viharati,||
pa~n~naaya c'assa disvaa ekacce aasavaa parikkhii.naa honti.|| ||

Tathaagate c'assa saddhaa nivi.t.thaa hoti muulajaataa pati.t.thitaa.|| ||

Aya.m vuccati bhikkhave puggalo||
saddhaa-vimutto.|| ||

Imassa pi kho aha.m bhikkhave bhikkhuno appamaadena kara.niiyan ti vadaami.|| ||

Ta.m kissa hetu?|| ||

App'eva naama ayam-aayasmaa anulomikaani [479] senaasanaani pa.tisevamaano kalyaa.namitte bhajamaano indriyaani samannaanayamaano yass'atthaaya kulaputtaa samma-d-eva agaarasmaa anagaariya.m pabbajanti,||
tad-anuttara.m brahmacariya-pariyosaana.m||
di.t.the va dhamme saya.m abhi~n~naa sacchikatvaa||
upasampajja vihareyyaati.|| ||

Ima.m kho aha.m bhikkhave imassa bhikkhuno appamaadaphala.m sampassamaano appamaadena kara.niiyan ti vadaami.|| ||

Katamo ca bhikkhave puggalo||
dhammaanusaarii?|| ||

Idha bhikkhave ekacco puggalo||
ye te santaa vimokkhaa atikkamma ruupe||
aaruppaa te na kaayena phassitvaa viharati,||
pa~n~naaya c'assa disvaa aasavaa aparikkhii.naa honti,||
Tathaagatappaveditaa c'assa dhammaa pa~n~naaya mattaso nijjhaana.m khamanti,||
api c'assa ime dhammaa honti, seyyathiida.m:||
saddh'indriya.m||
viriy'indriya.m||
sat'indriya.m||
samaadh'indriya.m||
pa~n~n'indriya.m.|| ||

Aya.m vuccati bhikkhave puggalo||
dhammaanusaarii.|| ||

Imassa pi kho aha.m bhikkhave bhikkhuno appamaadena kara.niiyan ti vadaami.|| ||

Ta.m kissa hetu?|| ||

App'eva naama ayam-aayasmaa anulomikaani senaasanaani pa.tisevamaano kalyaa.namitte bhajamaano indriyaani samannaanayamaano yass'atthaaya kulaputtaa samma-d-eva agaarasmaa anagaariya.m pabbajanti,||
tad-anuttara.m brahmacariya-pariyosaana.m||
di.t.the va dhamme saya.m abhi~n~naa sacchikatvaa||
upasampajja vihareyyaati.|| ||

Ima.m kho aha.m bhikkhave imassa bhikkhuno appamaadaphala.m sampassamaano appamaadena kara.niiyan ti vadaami.|| ||

Katamo ca bhikkhave puggalo||
saddhaanusaarii?|| ||

Idha bhikkhave ekacco puggalo||
ye te santaa vimokkhaa atikkamma ruupe||
aaruppaa te na kaayena phassitvaa viharati,||
pa~n~naaya c'assa disvaa aasavaa aparikkhii.naa honti,||
Tathaagate c'assa saddhaamatta.m hoti pemamatta.m,||
api c'assa ime dhammaa honti seyyathiida.m:||
saddhindriya.m||
viriyindriya.m||
satindriya.m||
samaadhindriya.m||
pa~n~nindriya.m.|| ||

Aya.m vuccati bhikkhave puggalo||
saddhaanusaarii.|| ||

Imassa pi kho aha.m bhikkhave bhikkhuno appamaadena kara.niiyan-ti vadaami.|| ||

Ta.m kissa hetu?|| ||

App'eva naama ayam-aayasmaa anulomikaani senaasanaani pa.tisevamaano kalyaa.namitte bhajamaano indriyaani samannaanayamaano yass'atthaaya kulaputtaa samma-d-eva agaarasmaa anagaariya.m pabbajanti,||
tad-anuttara.m brahmacariya-pariyosaana.m||
di.t.the va dhamme saya.m abhi~n~naa sacchikatvaa||
upasampajja vihareyyaati.|| ||

Ima.m kho aha.m bhikkhave imassa bhikkhuno appamaadaphala.m sampassamaano appamaadena kara.niiyan ti vadaami.|| ||

 


 

Naaha.m bhikkhave aadiken'eva a~n~naaraadhana.m vadaami||
api ca bhikkhave anupubbasikkhaa anupubbakiriyaa anupubba- [480] pa.tipadaa a~n~naaraadhanaa hoti.|| ||

Katha~n ca bhikkhave anupubbasikkhaa anupubbakiriyaa anupubbapa.tipadaa a~n~naaraadhanaa hoti?|| ||

Idha bhikkhave saddhaajaato upasa'nkamati,||
upasa'nkamanto payirupaasati,||
payirupaasanto sota.m odahati,||
ohitasoto dhamma.m su.naati,||
sutvaa dhamma.m dhaareti,||
dhataana.m dhammaana.m attha.m upaparikkhati,||
attha.m upaparikkhato dhammaa nijjhaana.m khamanti,||
dhammanijjhaanakkhantiyaa sati chando jaayati,||
chandajaato ussahati,||
ussahitvaa tuleti,||
tulayitvaa padahati,||
pahitatto samaano kaayena c'eva parama.m sacca.m sacchikaroti,||
pa~n~naaya ca na.m pa.tivijjha passati.|| ||

Saa pi naama bhikkhave saddhaa naahosi,||
tam pi naama bhikkhave upasa'nkamana.m naahosi.|| ||

Saa pi naama bhikkhave payirupaasanaa naahosi,||
tam pi naama bhikkhave sotaavadhaana.m naahosi,||
tam pi naama bhikkhave dhammasavana.m naahosi,||
saa pi naama bhikkhave dhammadhaara.naa naahosi,||
saa pi naama bhikkhave atthuupaparikkhaa naahosi,||
saa pi naama bhikkhave dhammanijjhaanakkhanti naahosi,||
so pi naama bhikkhave chando naahosi,||
so pi naama bhikkhave ussaaho naahosi,||
saa pi naama bhikkhave tulanaa naahosi,||
tam pi naama bhikkhave padhaana.m naahosi.|| ||

Vippa.tipannaa'ttha bhikkhave,||
micchaapa.tipannaa'ttha bhikkhave.|| ||

Kiiva duure v'ime bhikkhave moghapurisaa apakkantaa imasmaa dhamma-vinayaa,|| ||

Atthi bhikkhave catuppada.m veyyaakara.na.m yass'uddi.t.thassa vi~n~nuu puriso na cirass'eva pa~n~naay'attha.m aajaaneyya.|| ||

Uddisissaami vo bhikkhave,||
aajaanissatha metan" ti.|| ||

"Ke ca maya.m bhante,||
ke ca dhammassa a~n~naataaro" ti?|| ||

"Yo pi so bhikkhave satthaa aamisagaru aamisadaayaado aamisehi sa.msa.t.tho viharati,||
tassa p'aya.m evaruupii pa.nopa.naviyaa na upeti:|| ||

'Eva~n ca no assa,||
atha na.m kareyyaama,||
na ca no evam assa,||
na na.m kareyyaamaa' ti.|| ||

Kim-pana bhikkhave ya.m Tathaagato sabbaso aamisehi visa.msa.t.tho viharati?|| ||

Saddhassa bhikkhave saavakassa satthu saasane pariyogaaya vattato ayam-anudhammo hoti:|| ||

'Satthaa Bhagavaa,||
saavako'ham-asmi.|| ||

Jaanaati Bhagavaa,||
naaha.m jaanaamii' ti.|| ||

Saddhassa bhikkhave saavakassa satthu saasane pariyogaaya vattato rumhaniya.m satthusaasana.m hoti ojavanta.m.|| ||

Saddhassa bhikkhave saavakassa satthu saasane [481] pariyogaaya vattato ayam-anudhammo hoti:|| ||

'Kaama.m taco ca nahaaru ca a.t.thi ca avasissatu,||
upasussatu sariire ma.msalohita.m.|| ||

Ya.m ta.m purisatthaamena purisaviriyena purisaparakkamena pattabba.m,||
na ta.m apaapu.nitvaa viriyassa satthaana.m bhavissatii' ti.|| ||

Saddhassa bhikkhave saavakassa satthu saasane pariyogaaya vattato dvinna.m phalaana.m a~n~natara.m phala.m paa.tika'nkha.m:|| ||

Di.t.th'eva dhamme a~n~naa,||
sati vaa upaadisese anaagaamitaa" ti.|| ||

Idam avoca Bhagavaa.|| ||

Attamanaa te bhikkhuu Bhagavato bhaasita.m abhinandunti.|| ||

Kii.taagirisutta.m dasama.m


Contact:
E-mail
Copyright Statement