Majjhima Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Majjhima Nikaaya
II. Majjhima-Pa.n.naasa
3. Paribbaajaka Vagga

Sutta 73

Mahaa Vacchagotta Sutta.m

Based on the 'Sri Lanka Buddha Jayanti Tripitaka Series.'

 


[489]

[1][chlm][pts][upal] Eva.m me suta.m|| ||

Eka.m samaya.m Bhagavaa Raajagahe viharati Veluvane Kalandakanivaape.|| ||

Atha kho Vacchagotto paribbaajako yena Bhagavaa ten'upasa'nkami.|| ||

Upasa'nkamitvaa Bhagavataa saddhi.m sammodi.|| ||

Sammodaniiya.m katha.m saaraa.niiya.m viitisaaretvaa eka-m-anta.m nisiidi.|| ||

Eka-m-anta.m nisinno kho Vacchagotto paribbaajako Bhagavanta.m etad avoca:|| ||

"Diigharattaaha.m bhotaa Gotamena sahakathii,||
saadhu me bhava.m Gotamo sa'nkhittena kusalaakusala.m desetuu" ti.|| ||

"Sa'nkhittena pi kho te aha.m Vaccha kusalaakusala.m deseyya.m,||
vitthaarena pi kho te aha.m Vaccha kusalaakusala.m deseyya.m.|| ||

Api ca te aha.m Vaccha sa'nkhittena kusalaakusala.m desissaami.|| ||

Ta.m su.naahi,||
saadhuka.m manasi karohi bhaasissaamii" ti.|| ||

"Eva.m bho" ti kho Vacchagotto paribbaajako Bhagavato paccassosi.|| ||

Bhagavaa etad avoca:|| ||

"Lobho kho Vaccha akusala.m,||
alobho kusala.m.|| ||

Doso kho Vaccha akusala.m,||
adoso kusala.m.|| ||

Moho kho Vaccha akusala.m,||
amoho kusala.m.|| ||

Iti kho Vaccha ime tayo dhammaa akusalaa,||
tayo dhammaa kusalaa.|| ||

Paa.naatipaato kho Vaccha akusala.m,||
paa.naatipaataa verama.nii kusala.m.|| ||

Adinnaadaana.m kho Vaccha akusala.m,||
adinnaadaanaa verama.nii kusala.m.|| ||

Kaamesumicchaacaaro kho Vaccha akusala.m,||
kaamesumicchaacaaraa verama.nii kusala.m.|| ||

Musaavaado kho Vaccha akusala.m,||
musaa-vaadaa verama.nii kusala.m.|| ||

Pisunaa vaacaa kho Vaccha [490] akusala.m,||
pisunaa vaacaa verama.nii kusala.m.|| ||

Pharusaa vaacaa kho Vaccha akusala.m,||
pharusaa vaacaa verama.nii kusala.m.|| ||

Samphappalaapaa kho Vaccha akusala.m,||
samphappalaapaa verama.nii kusala.m.|| ||

Abhijjhaa kho Vaccha akusala.m,||
anabhijjhaa kusala.m.|| ||

Vyaapaado kho Vaccha akusala.m,||
avyaapaado kusala.m.|| ||

Micchaadi.t.thi kho Vaccha akusala.m,||
sammaadi.t.thi kusala.m.|| ||

Iti kho Vaccha ime dasa dhammaa akusalaa,||
dasa dhammaa kusalaa.|| ||

Yatho kho Vaccha bhikkhuno ta.nhaa pahiinaa hoti ucchinnamuulaa taalaavatthukataa anabhaavakataa3 aayati.m anuppaadadhammaa.|| ||

So hoti bhikkhu araha.m khii.naasavo vusitavaa katakara.niiyo ohitabhaaro anuppatta-sadattho parikkhii.nabhavasa.m yojano samma-d-a~n~naa vimuttoti.|| ||

Ti.t.thatu bhava.m Gotamo||
atthi pana bhoto Gotamassa ekabhikkhuupi saavako1 aasavaana.m khayaa anaasava.m ceto-vimutti.m pa~n~naa-vimutti.m di.t.the va dhamme saya.m abhi~n~naa sacchikatvaa upasampajja viharatii ti.|| ||

Na kho Vaccha eka.myeva sata.m na dve sataani na tii.ni sataani na cattaari sataani na pa~nca sataani,||
atha kho bhiyyova ye bhikkhuu mama saavakaa aasavaana.m khayaa anaasava.m ceto-vimutti.m pa~n~naa-vimutti.m di.t.the va dhamme saya.m abhi~n~naa sacchikatvaa upasampajja viharantii ti.|| ||

Ti.t.thatu bhava.m Gotamo,||
ti.t.thantu bhikkhuu.|| ||

Atthi pana bhoto Gotamassa ekabhikkhuniipi saavikaa aasavaana.m khayaa anaasava.m ceto vimutti.m pa~n~naa-vimutti.m di.t.the va dhamme saya.m abhi~n~naa sacchikatvaa upasampajja viharatii ti.|| ||

Na kho Vaccha eka.myeva sata.m na dve sataani na tii.ni sataani na cattaari sataani na pa~nca sataani,||
atha kho bhiyyova yaa bhikkhuniyo mama saavikaa aasavaana.m khayaa anaasava.m ceto-vimutti.m pa~n~naa-vimutti.m di.t.the va dhamme saya.m abhi~n~naa sacchikatvaa upasampajja viharantii ti.|| ||

Ti.t.thatu bhava.m Gotamo,||
ti.t.thantu bhikkhuu.|| ||

Ti.t.thantu bhikkhuniyo.|| ||

Atthi pana bhoto Gotamassa ekuupaasakopi saavako gihii odaatavasano brahmacaarii pa~ncanna.m orambhaagiyaana.m sa.myojanaana.m parikkhayaa opapaatiko tattha parinibbaayii anaavattidhammo tasmaa lokaati.|| ||

Na kho Vaccha eka.myeva sata.m na dve sataani na tii.ni sataani na cattaari sataani na pa~nca sataani.|| ||

Atha kho bhiyyova ye upaasakaa mama saavakaa gihii odaatavasanaa brahmacaarino pa~ncanna.m orambhaagiyaana.m sa.myojanaana.m [491] parikkhayaa opapaatikaa tattha parinibbaayino anaavattidhammaa tasmaa lokaati.|| ||

Ti.t.thatu bhava.m Gotamo,||
ti.t.thantu bhikkhuu,||
ti.t.thantu bhikkhuniyo,||
ti.t.thantu upaasakaa gihii odaatavasanaa brahmacaarino.|| ||

Atthi pana bhoto Gotamassa ekuupaasakopi gihii odaatavasano kaamabhogii saasanakaro ovaadapatikaro ti.n.navicikiccho3 vigatakatha'nkatho vesaarajjappatto aparappaccayo satthusaasane viharatii ti.|| ||

Na kho Vaccha eka.myeva sata.m na dve sataani na tii.ni sataani na cattaari sataani na pa~nca sataani.|| ||

Atha kho bhiyyova ye upaasakaa mama saavakaa gihii odaatavasanaa kaamabhogino sasanakaraa ovaadapatikaraa ti.n.navicikicchaa vigatakatha'nkathaa vesaarajjappattaa satthusaasane viharantii' ti.|| ||

Ti.t.thatu bhava.m Gotamo,||
ti.t.thantu bhikkhuu,||
ti.t.thantu bhikkhuniyo,||
ti.t.thantu upaasakaa gihii odaatavasanaa brahmacaarino,||
ti.t.thantu upaasakaa gihii odaatavasanaa kaamabhogino.|| ||

Atthi pana bhoto Gotamassa ekuupaasikaapi saavikaa gihinii odaatavasanaa brahmacaari.nii pa~ncanna.m1 orambhaagiyaana.m sa.myojanaana.m parikkhayaa opapaatikaa tattha parinibbaayinii anaavattidhammaa tasmaa lokaati.|| ||

Na kho Vaccha eka.myeva sata.m na dve sataani na tii.ni sataani na cattaari sataani na pa~nca sataani.|| ||

Atha kho bhiyyova yaa upaasikaa mama saavikaa gihiniyo odaatavasanaa brahmacaari.niyo pa~ncanna.m orambhaagiyaana.m sa.myojanaana.m parikkhayaa opapaatikaa tattha parinibbaayiniyo anaavattidhammaa tasmaa lokaati.|| ||

Ti.t.thatu bhava.m Gotamo,||
ti.t.thantu bhikkhuu,||
ti.t.thantu bhikkhuniyo,||
ti.t.thantu upaasakaa gihii odaatavasanaa brahmacaarino,||
ti.t.thantu upaasakaa gihii odaatavasanaa kaamabhogino,||
ti.t.thantu upaasikaa gihiniyo odaatavasanaa brahmacaari.niyo.|| ||

Atthi pana bhoto Gotamassa ekuupaasikaa pi saavikaa gihinii odaatavasanaa kaamabhoginii saasanakaraa ovaadapatikaraa ti.n.navicikicchaa vigatakatha'nkathaa vesaarajjappattaa aparappaccayaa satthusaasane viharatii ti.|| ||

Na kho Vaccha eka.myeva sata.m na dve sataani na tii.ni sataani na cattaari sataani na pa~nca-sataani.|| ||

Atha kho bhiyyova yaa upaasikaa mama saavikaa gihiniyo3 odaatavasanaa kaamabhoginiyo saasanakaraa ovaadapatikaraa ti.n.navicikicchaa vigatakatha'nkathaa vesaarajjappattaa aparappaccayaa satthusaasane viharantii ti.|| ||

Sace hi bho Gotama ima.m dhamma.m bhava.m yeva Gotamo aaraadhako abhavissa.|| ||

No ca kho bhikkhuu aaraadhakaa [492] abhavi.msu.|| ||

Evam ida.m brahmacariya.m aparipuura.m abhavissa tena'ngena.|| ||

Yasmaa ca kho bho Gotama ima.m dhamma.m bhava~nc'eva Gotamo aaraadhako bhikkhuu ca aaraadhakaa.|| ||

Evam ida.m brahmacariya.m paripuura.m tena'ngena.|| ||

Sace hi bho Gotama ima.m dhamma.m bhava~nc'eva Gotamo aaraadhako abhavissa,||
bhikkhuu ca aaraadhakaa abhavi.msu,||
no ca kho bhikkhuniyo aaraadhikaa abhavi.msu,||
evam ida.m brahmacariya.m aparipuura.m abhavissa tena'ngena.|| ||

Yasmaa ca kho bho Gotama ima.m dhamma.m bhava~nc'eva Gotamo aaraadhako bhikkhuu ca aaraadhakaa,||
bhikkhuuniyoca aaraadhikaa,||
evam ida.m brahmacariya.m paripuura.m tena'ngena.|| ||

Sace hi bho Gotama ima.m dhamma.m bhava~nc'eva Gotamo aaraadhako abhavissa,||
bhikkhuu ca aaraadhakaa abhavi.msu,||
bhikkhuuniyo ca aaraadhikaa abhavi.msu,||
no ca kho upaasakaa gihii odaatavasanaa brahmacaarino aaraadhakaa abhavi.msu,||
evam ida.m brahmacariya.m aparipuura.m abhavissa tena'ngena.|| ||

Yasmaa ca kho bho Gotama ima.m dhamma.m bhava~nc'eva Gotamo aaraadhako,||
bhikkhu ca aaraadhakaa,||
bhikkhuniyo ca aaraadhikaa,||
upaasakaa ca gihii odaatavasanaa brahmacaarino aaraadhakaa,||
evam ida.m brahmacariya.m paripuura.m tena'ngena.|| ||

Sace hi bho Gotama ima.m dhamma.m bhava~nc'eva Gotamo aaraadhako abhavissa,||
bhikkhuu ca aaraadhakaa abhavi.msu,||
bhikkhuniyo ca aaraadhikaa abhavi.msu,||
upaasakaa ca gihii odaatavasanaa brahmacaarino aaraadhakaa abhavi.msu,||
no ca kho upaasakaa gihii odaatavasanaa kaamabhogino aaraadhakaa abhavi.msu,||
evam ida.m brahmacariya.m aparipuura.m abhavissa tena'ngena.|| ||

Yasmaa ca kho bho Gotama ima.m dhamma.m bhava~nc'eva Gotamo aaraadhako,||
bhikkhuu ca aaraadhakaa,||
bhikkhuniyo ca aaraadhikaa,||
upaasakaa ca gihii odaatavasanaa brahmacaarino aaraadhakaa upaasakaa ca gihii odaatavasanaa kaamabhogino aaraadhakaa,||
evam ida.m brahmacariya.m paripuura.m tena'ngena|| ||

Sace hi bho Gotama ima.m dhamma.m bhava~nc'eva Gotamo aaraadhako abhavissa,||
bhikkhuu ca aaraadhakaa abhavi.msu,||
bhikkhuniyo ca aaraadhikaa abhavi.msu,||
upaasakaa ca gihii odaatavasanaa brahmacaarino aaraadhakaa abhavi.msu,||
upaasakaa ca gihii odaatavasanaa kaamabhogino aaraadhakaa abhavi.msu,||
no ca kho upaasikaa gihiniyo odaatavasanaa brahmacaari.niyo aaraadhikaa abhavi.msu,||
evam ida.m brahmacariya.m aparipuura.m abhavissa tena'ngena.|| ||

Yasmaa ca kho bho Gotama ima.m dhamma.m bhava~nc'eva Gotamo aaraadhako bhikkhuu ca aaraadhakaa bhikkhuniyo ca aaraadhikaa upaasakaa ca gihii odaatavasanaa brahmacaarino aaraadhakaa upaasakaa ca gihii odaatavasanaa kaamabhogino aaraadhakaa upaasikaa ca gihiniyo odaatavasanaa brahmacaari.niyo aaraadhikaa,||
evam ida.m brahmacariya.m paripuura.m tena'ngena.|| ||

Sace hi bho Gotama ima.m dhamma.m bhava~nc'eva Gotamo aaraadhako abhavissa,||
bhikkhuu ca aaraadhakaa abhavi.msu,||
bhikkhuniyo ca aaraadhikaa abhavi.msu,||
upaasakaa ca gihii odaatavasanaa brahmacaarino aaraadhakaa abhavi.msu,||
upaasakaa ca gihii odaatavasanaa kaamabhogino aaraadhakaa abhavi.msu,||
upaasikaa ca gihiniyo odaatavasanaa brahmacaari.niyo aaraadhikaa abhavi.msu,||
no ca kho upaasikaa gihiniyo odaatavasanaa kaamabhoginiyo aaraadhikaa abhavi.msu,||
evam ida.m brahmacariya.m aparipuura.m abhavissa tena'ngena.|| ||

Yasmaa ca kho bho Gotama ima.m dhamma.m bhava~nc'eva Gotamo aaraadhako bhikkhuu ca aaraadhakaa bhikkhuniyo ca aaraadhikaa upaasakaa ca gihii odaatavasanaa brahmacaarino aaraadhakaa upaasakaa ca gihii odaatavasanaa kaamabhogino aaraadhakaa upaasikaa ca gihiniyo odaatavasanaa brahmacaari.niyo aaraadhikaa upaasikaa ca gihiniyo odaatavasanaa kaamabhoginiyo aaraadhikaa.|| ||

Evam ida.m brahmacariya.m paripuura.m tena'ngena.|| ||

Seyyathaa pi bho Gotama Ga'ngaa nadii samuddaninnaa samuddapo.naa samuddapabhaaraa samudda.m aahacca ti.t.thati.|| ||

Evamevaaya.m bhoto Gotamassa parisaa sagaha.t.thapabbajitaa nibbaananinnaa nibbaanapo.naa nibbaanapabbhaaraa nibbaana.m aahacca ti.t.thati.|| ||

Abhikkanta.m bho Gotama abhikkanta.m bho Gotama,||
seyyathaa pi bho Gotama nikkujjita.m vaa ukkujjeyya,||
pa.ticchanna.m vaa vivareyya,||
muu.lhassa vaa magga.m aacikkheyya' andhakaare vaa telapajjota.m dhaareyya,||
'cakkhumanto ruupaani dakkhintii' ti,||
evam eva bhotaa Gotamena aneka-pariyaayena dhammo pakaasito.|| ||

Esaaha.m bhavanta.m Gotama.m sara.na.m gacchaami dhamma~nca bhikkhu-sa'ngha~n ca.|| ||

Labheyyaaha.m bhoto Gotamassa santike pabbajja.m labheyya.m upasampadan" [494] ti.|| ||

Yo kho Vaccha a~n~natitthiyapubbo imasmi.m dhamma-vinaye aaka'nkhati pabbajja.m,||
aaka'nkhati upasampada.m.|| ||

So cattaaro maase parivasati.|| ||

Catunna.m maasaana.m accayena aaraddhacittaa bhikkhuu pabbaajenti,||
upa sampaadenti bhikkhubhaavaaya.|| ||

Api ca mettha puggalavemattataa viditaati.|| ||

Sace bhante a~n~natitthiyapubbaa imasmi.m dhamma-vinaye aaka'nkhantaa pabbajja.m aaka'nkhantaa upasampada.m cattaaro maase parivasanti.|| ||

Catunna.m maasaana.m accayena aaraddhacittaa bhikkhuu pabbaajenti,||
upasampaadenti bhikkhubhaavaaya.|| ||

Aha.m cattaari vassaani parivasissaami.|| ||

Catunna.m ma.m vassaana.m accayena aaraddhacittaa bhikkhuu pabbaajentu,||
upasampaadentu bhikkhubhaavaayaati.|| ||

Alattha kho Vacchagotto paribbaajako Bhagavato santike pabbajja.m,||
alattha upasampada.m.|| ||

Aciruupasampanno kho panaayasmaa Vacchagotto addhamaasuupasampanno yena Bhagavaa ten'upasa'nkami,||
upasa'nkamitvaa Bhagavanta.m abhivaadetvaa eka-m-anta.m nisiidi.|| ||

Eka-m-anta.m nisinno kho aayasmaa Vacchagotto Bhagavanta.m etad avoca:|| ||

'Yaavataka.m bhante sekhena ~naa.nena sekhaaya vijjaaya pattabba.m,||
anuppatta.m ta.m mayaa uttari.m me Bhagavaa dhamma.m desetuuti.|| ||

Tena hi tva.m Vaccha,||
dve dhamme uttari.m bhaavehi,||
samatha~n ca vipassana~n ca.|| ||

Ime kho te Vaccha dve dhammaa uttari.m1 bhaavitaa,||
samatho ca vipassanaaca.|| ||

Anekadhaatupa.tivedhaaya sa.mvattissanti.|| ||

So tva.m Vaccha yaavad eva aaka'nkhi'ssasi,||
aneka-vihita.m iddhividha.m paccanubhaveyya.m,||
eko pi hutvaa bahudhaa assa.m,||
bahudhaa pi hutvaa eko assa.m,||
aaviibhaava.m tirobhaava.m tiroku.d.da.m tiropaakaara.m tiropabbata.m asajjamaano gaccheyya.m seyyathaa pi aakaase,||
pa.thaviyaapi ummujjanimujja.m kareyya.m seyyathaa pi udake,||
udake pi abhejjamaane gaccheyya.m seyyathaa pi pa.thaviya.m,||
aakaase pi palla'nkena kameyya.m seyyathaa pi pakkhii saku.no,||
imepi candimasuriye eva.m mahiddhike eva.m mahaanubhaave paa.ninaa parimaseyya.m,||
parimajjeyya.m,||
yaava brahmalokaa pi kaayena vasa.m vatteyyan' ti.|| ||

Tatra tatr'eva sakkhibhabbata.m paapu.nissasi sati sati aayatane.|| ||

So tva.m Vaccha yaavad eva aaka'nkhi'ssasi:|| ||

Dibbaaya sota [495] dhaatuyaa visuddhaaya atikkantamaanusikaaya ubho sadde su.neyya.m,||
dibbe ca maanuse ca ,||
ye duure santike caati.|| ||

Tatra tatr'eva sakkhibhabbata.m paapu.nissasi sati sati aayatane.|| ||

So tva.m Vaccha yaavad eva aaka'nkhi'ssasi: parasattaana.m parapuggalaana.m cetasaa ceto paricca pajaaneyya.m.|| ||

Saraaga.m vaa citta.m saraaga.m cittanti pajaaneyya.m,||
viitaraaga.m vaa citta.m viitaraaga.m cittanti pajaaneyya.m,||
sadosa.m vaa citta.m sadosa.m cittanti pajaaneyya.m,||
viitadosa.m vaa citta.m viitadosa.m cittanti pajaaneyya.m,||
samoha.m vaa citta.m samoha.m cittanti pajaaneyya.m,||
viitamoha.m vaa citta.m viitamoha.m cittanti pajaaneyya.m,||
sa'nkhitta.m vaa citta.m sa'nkhitta.m cittanti pajaaneyya.m,||
vikkhitta.m vaa citta.m vikkhitta.m cittanti pajaaneyya.m,||
mahaggata.m vaa citta.m mahaggata.m cittanti pajaaneyya.m,||
amahaggata.m vaa citta.m amahaggata.m cittanti pajaaneyya.m,||
sa uttara.m vaa citta.m sauttara.m cittanti pajaaneyya.m,||
anuttara.m vaa citta.m anuttara.m cittanti pajaaneyya.m,||
samaahita.m vaa citta.m samaahita.m cittanti pajaaneyya.m,||
asamaahita.m vaa citta.m asamaahita.m cittanti pajaaneyya.m,||
vimutta.m vaa citta.m vimutta.m cittanti pajaaneyya.m,||
avimutta.m vaa citta.m avimutta.m cittanti pajaaneyyanti.|| ||

Tatra tatr'eva sakkhibhabbata.m paapu.nissasi sati sati aayatane .|| ||

So tva.m Vaccha yaavad eva aaka'nkhi'ssasi:||
aneka-vihita.m pubbenivaasa.m anussareyya.m,||
seyyathiida.m:||
ekam pi jaati.m dve pi jaatiyo,||
tisso pi jaatiyo catasso pi jaatiyo pa~nca pi jaatiyo dasa pi jaatiyo viisatim pi jaatiyo ti.msam pi jaatiyo cattaariisam pi jaatiyo pa~n~naasam pi jaatiyo jaati-satam pi jaati-sahassam pi jaati-sata-sahassam pi anekepi sa.mva.t.takappe anekepi viva.t.takappe anekepi sa.mva.t.ta-viva.t.takappe amutraasi.m eva.m-naamo eva.m-gotto eva.m-va.n.no evam-aahaaro eva.m-sukha-dukkha-pa.tisa'nvedii evam-aayu-pariyanto.|| ||

So tato cuto amutra upapaadi.m tatraapaasi.m eva.m-naamo eva.m-gotto eva.m-va.n.no evam-aahaaro eva.m-sukha-dukkha-pa.tisa'nvedii evam-aayu-pariyanto.|| ||

So tato cuto idhuupapanno' ti.|| ||

Iti saakaara.m sa-uddesa.m aneka-vihita.m pubbenivaasa.m anussareyyanti.|| ||

Tatra tatr'eva sakkhibhabbata.m paapu.nissasi sati sati aayatane.|| ||

[496] So tva.m Vaccha yaavad eva aaka'nkhi'ssasi: dibbena cakkhunaa visuddhena atikkantamaanusakena satte passeyya.m cavamaane upapajjamaane,||
hiine pa.niite suva.n.ne dubba.n.ne sugate duggate yathaakammuupage satte pajaaneyya.m,||
ime vata bhonte sattaa kaayaduccaritena samannaagataa vaciiduccaritena samannaagataa manoduccaritena samannaagataa ariyaana.m upavaadakaa micchaadi.t.thikaa micchaadi.t.thikammasamaadaanaa,||
te kaayassa bhedaa param mara.naa apaaya.m duggati.m vinipaata.m Niraya.m upapannaa,||
ime vaa pana1 bhonto sattaa kaayasucaritena samannaagataa vaciisucaritena samannaagataa manosucaritena samannaagataa ariyaana.m anupavaadakaa sammaadi.t.thikaa sammaadi.t.thikammasamaadaanaa,||
te kaayassa bhedaa param mara.naa sugati.m sagga.m loka.m upannaa' ti.|| ||

Iti dibbena cakkhunaa visuddhena atikkantamaanusakena satte passeyya.m cavamaane upapajjamaane hiine pa.niite suva.n.ne dubba.n.ne sugate duggate yathaakammuupage satte pajaaneyyanti.|| ||

Tatra tatr'eva sakkhibhabbata.m paapu.nissasi sati sati aayatane.|| ||

So tva.m Vaccha yaavad eva aaka'nkhi'ssasi aasavaana.m khayaa anaasava.m ceto-vimutti.m pa~n~naa-vimutti.m di.t.th'evadhamme saya.m abhi~n~naa sacchikatvaa upasampajja vihareyyanti.|| ||

Tatra tatr'eva sakkhibhabbata.m paapu.nissasi sati sati aayataneti.|| ||

Atha kho aayasmaa Vacchagotto Bhagavato bhaasita.m abhinanditvaa anumoditvaa u.t.thaay aasanaa Bhagavanta.m abhivaadetvaa padakkhi.na.m katvaa pakkaami.|| ||

Atha kho aayasmaa Vacchagotto eko vuupaka.t.tho appamatto aataapii pahitatto viharanto na cirass'eva yassatthaaya kulaputtaa samma-d-eva agaarasmaa anagaariya.m pabbajanti,||
tadanuttara.m brahmacariyapariyosaana.m di.t.the va dhamme saya.m abhi~n~naa sacchikatvaa upasampajja vihaasi.|| ||

Khii.naa jaati,||
vusita.m brahmacariya.m,||
kata.m kara.niiya.m,||
naapara.m itthattaayaati abbha~n~naasi.|| ||

A~n~nataro ca kho panaayasmaa Vacchagotto arahata.m ahosi.|| ||

Tena kho pana samayena sambahulaa bhikkhuu Bhagavanta.m dassanaaya gacchanti addasaa kho aayasmaa Vacchagotto te bhikkhuu duurato va gacchante.|| ||

Disvaana yena te bhikkhuu ten'upasa'nkami,||
upasa'nkamitvaa te bhikkhuu etad [497] avoca:|| ||

Handa kaha.m pana tumhe aayasmanto gacchathaa'ti Bhagavanta.m kho maya.m aavuso dassanaaya gacchaamaati.|| ||

Tena'haayasmanto mama vacanena Bhagavato paade sirasaa vandatha,||
eva.m ca vadetha.|| ||

'Vacchagotto bhante bhikkhu Bhagavato paade sirasaa vandati,||
eva~nca vadeti,||
parici.n.no me Bhagavaa parici.n.no me sugato' ti.|| ||

Evam aavuso ti kho te bhikkhuu aayasmato Vacchagottassa paccassosu.m.|| ||

Atha kho te bhikkhuu yena Bhagavaa ten'upasa'nkami.msu,||
upasa'nkamitvaa Bhagavanta.m abhivaadetvaa eka-m-anta.m nisiidi.msu.|| ||

Eka-m-anta.m nisinnaa kho te bhikkhuu Bhagavanta.m etad avocu.m: aayasmaa bhante Vacchagotto Bhagavato paade sirasaa vandati,||
eva~nca vadeti: parici.n.no me Bhagavaa,||
parici.n.no me sugato' ti.|| ||

Pubbeva me bhikkhave Vacchagotto bhikkhu cetasaa ceto paricca vidito.|| ||

Tevijjo Vacchagotto bhikkhu mahiddhiko mahaanubhaavo' ti.|| ||

Devataa pi me etam attha.m aarocesu.m: tevijjo bhante Vacchagotto bhikkhu mahiddhiko mahaanubhaavo' ti.

Idam avoca Bhagavaa attamanaa te bhikkhuu Bhagavato bhaasita.m abhinandunti.|| ||

MahaaVacchagottasutta.m tatiya.m


Contact:
E-mail
Copyright Statement