Majjhima Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Majjhima Nikaaya
II. Majjhima-Pa.n.naasa
4. Raaja Vagga

Sutta 87

Piya-Jaatika Sutta.m

Based on the 'Sri Lanka Buddha Jayanti Tripitaka Series.'

 


[100]

[1][chlm][pts][than][upal] Eva.m me suta.m|| ||

Eka.m samaya Bhagavaa Saavatthiiya.m viharati Jetavane Anaathapi.n.dikassa aaraame.|| ||

2. Tena kho pana samayena a~n~natarassa gahapatissa ekaputtako piyo manaapo kaalakato hoti.|| ||

Tassa kaalakiriyaaya n'eva kammantaa pa.tibhanti,||
na bhatta.m pa.tibhaati.|| ||

So aa'aahana.m gantvaa gantvaa kandati kaha.m ekaputtaka,||
kaha.m ekaputtakaa' ti.|| ||

3. Atha kho so gahapati yena Bhagavaa ten'upasa'nkami,||
upasa'nkamitvaa Bhagavanta.m abhivaadetvaa eka-m-anta.m nisiidi eka-m-anta.m nisinna.m kho ta.m gahapati.m Bhagavaa etad avoca:|| ||

na kho te gahapati,||
sake citte .thitassa indriyaani,||
atthi te indriyaana.m a~n~nathatta'nti.|| ||

Ki.m hi me bhante indriyaana.m naa~n~nathatta.m bhavissati? Mayha.m hi bhante,||
ekaputtako piyo manaapo kaalakato tassa kaalakiriyaaya n'eva kammantaa pa.tibhanti,||
na bhatta.m pa.tibhaati.|| ||

Soha.m aa'aahana.m gantvaa gantvaa kandaami kaha.m ekaputtaka,||
kaha.m ekaputtakaa' ti.|| ||

Evam eva gahapati,||
piyajaatikaa hi gahapati,||
soka parideva dukkha domanassupaayaasaa piyappabhavikaa' ti.|| ||

Kissa nu kho naame ta.m bhante,||
eva.m bhavissati:|| ||

Piyajaatikaa soka parideva dukkha domanassupaayaasaa piyappabhavikaa,||
piyajaatikaa hi kho bhante,||
aanandasomanassaa piyappabhavikaati.|| ||

Atha kho so gahapati Bhagavato bhaasita.m anabhinanditvaa pa.tikkositvaa u.t.thaay aasanaa pakkaami.|| ||

4. Tena kho pana samayena sambahulaa akkhadhuttaa Bhagavato aviduure akkhehi dibbanti.|| ||

Atha kho so gahapati yena te akkhadhuuttaa ten'upasa'nkami,||
upasa'nkamitvaa te akkhadhuutte etad avoca:|| ||

Idhaaha.m bhonto,||
yena Sama.no Gotamo ten'upasa'nkami.m.|| ||

Upasa'nkamitvaa sama.na.m Gotama.m abhivaadetvaa eka-m-anta.m nisidi.m.|| ||

Eka-m-anta.m nisinna.m kho ma.m bhonto,||
Sama.no Gotamo etad avoca:|| ||

na kho te gahapati,||
sake citte .thitassa indriyaani atthi.|| ||

Te indriyaana.m a~n~nathatta'nti.|| ||

Eva.m vutte aha.m bhonto,||
sama.na.m Gotama.m etad avoca.m:|| ||

Ki.m hi me bhante,||
indriyaana.m naa~n~nathatta.m bhavissati,||
mayha.m hi bhante,||
ekaputtako piyo manaapo kaalakato,||
tassa kaalakiriyaaya n'eva kammantaa pa.tibhanti,||
na bhatta.m pa.tibhaati.|| ||

Soha.m aa'aahana.m gantvaa gantvaa kandaami:|| ||

Kaha.m ekaputtaka,||
kaha.m ekaputtakaa' ti.|| ||

Evam eta.m gahapati,||
evam eta.m gahapati,||
piyajaatikaa hi gahapati,||
soka parideva dukkha domassupaayaasaa piyappabhavikaa ti.|| ||

Kissa nu kho naame ta.m bhante,||
eva.m bhavissati:|| ||

Piyajaatikaa soka parideva dukkha domanassupaayaasaa piyappabhavikaa,||
piyajaatikaa hi kho bhante,||
aanandasomanassaa piyappabhavikaati.|| ||

Atha khvaaha.m bhonto,||
sama.nassa Gotamassa bhaasita.m anabhinanditvaa pa.tikkositvaa u.t.thaay aasanaa pakkami'nti.|| ||

Evam eta.m gahapati,||
evam eta.m gahapati,||
piyajaatikaa hi gahapati,||
aananda-somanassaa piyappabhavikaa' ti.|| ||

Atha kho so gahapati,||
sameti me akkadhuttehiiti pakkaami.|| ||

5. Atha kho ida.m kathaavatthu.m anupubbena raajantepura.m paavisi.|| ||

Atha kho Pasenadi kosalo Mallika.m devi.m aamantesi:|| ||

Idan te Mallike,||
sama.nena Gotamena bhaasita.m:|| ||

Piyajaatikaa soka parideva dukkha domanassupaayaasaa piyappabhavikaa' ti.|| ||

Sace ta.m mahaaraaja,||
Bhagavataa bhaasita.m,||
evametanti.|| ||

Evam eva.m panaaya.m Mallikaa ya~n-yad-eva Sama.no Gotamo bhaasati ta.mtadev'assa abbhanumodati.|| ||

Sace ta.m mahaaraaja,||
Bhagavataa bhaasita.m evameta'nti.|| ||

Seyyathaa pi naama aacariyo ya~n-yad-eva antevaasissa bhaasati,||
ta.m tadev'assa antevaasii abbhanumodati:||
evam eta.m aacariyaa evam eta.m aacariyaati.|| ||

Evam eva.m kho tva.m Mallike,||
ya~n-yad-eva Sama.no Gotamo bhaasati.|| ||

Ta.m tadev'assa abbhanumodasi.|| ||

Sace ta.m mahaaraaja,||
Bhagavataa bhaasita.m evameta'nti.|| ||

Cara pare Mallike vinassaati.|| ||

6. Atha kho Mallikaa devii naa'ija'ngha.m braahma.na.m aamantesi:|| ||

Ehi tva.m braahma.na,||
yena Bhagavaa ten'upasa'nkama,||
upasa'nkamitvaa mama vacanena Bhagavato paade sirisaa vandaahi,||
appaabaadha.m appaata'nka.m lahu.t.thaana.m bala.m phaasuvihaara.m puccha:|| ||

Mallikaa bhante,||
devii Bhagavato paade sirasaa vandati,||
appaabaadha.m appaata'nka.m lahu.t.thaana.m bala.m phaasuvihaara.m pucchatii' ti.|| ||

Eva~n ca vadehi:|| ||

Bhaasitaa nu kho bhante,||
Bhagavataa esaa vaacaa:|| ||

Piyajaatikaa soka parideva dukkha domanassupaayaasaa piyappabhavikaa' ti.|| ||

Yathaa ca te Bhagavaa vyaakaroti,||
tathaa ta.m saadhuka.m uggahetvaa mama.m aaroceyyaasi.|| ||

Na hi Tathaagataa vitatha.m bha.nantii" ti.|| ||

Eva.m bhotiiti kho naa'ija'ngho braahma.no Mallikaaya deviyaa pa.tissutvaa yena Bhagavaa ten'upasa'nkami,||
upasa'nkamitvaa Bhagavataa saddhi.m sammodi,||
sammodaniiya.m katha.m saaraa.niiya.m viitisaaretvaa eka-m-anta.m nisiidi.|| ||

Eka-m-anta.m nisinno kho naa'ija'ngho braahma.no Bhagavanta.m etad avoca:|| ||

Mallikaa bho Gotama,||
devii bhoto Gotamassa paade sirasaa vandati,||
appaabaadha.m appaata'nka.m lahu.t.thaana.m bala.m phaasuvihaara.m pucchati.|| ||

Eva~n ca vadeti:|| ||

Bhaasitaa nu kho bhante,||
Bhagavataa esaa vaacaa piyajaatikaa soka parideva dukkha domanassupaayaasaa piyappabhavikaa" ti.|| ||

7. Evam eta.m braahma.na,||
evam eta.m braahma.na,||
piyajaatikaa hi kho braahma.na,||
soka parideva dukkha domanassupaayaasaa piyappabhavikaati.|| ||

8. Tadaminaapeta.m braahma.na,||
pariyaayena veditabba.m:|| ||

Yathaa piyajaatikaa soka parideva dukkha domanassupaayaasaa piyappabhavikaa' ti.|| ||

Bhuutapubba.m braahma.na,||
imissaayeva Saavatthiiyaa a~n~natarassaa itthiyaa maataa kaalamakaasi.|| ||

Saa tassaa kaalakiriyaaya ummattikaa khittacittaa rathiyaaya rathiya.m si'nghaa.takena si'nghaa.taka.m upasa'nkamitvaa evam aaha:|| ||

Api me maatara.m addasatha api me maatara.m addasathaa' ti?|| ||

9. Iminaa pi kho eta.m braahma.na,||
pariyaayena veditabba.m:|| ||

Yathaa piyajaatikaa soka parideva dukkha domanassupaayaasaa piyappabhavikaati.|| ||

Bhuutapubba.m braahma.na,||
imissaayeva Saavatthiiyaa a~n~natarassaa itthiyaa pitaa kaalamakaasi saa tassa kaalakiriyaaya ummattikaa khittacittaa rathiyaaya rathiya.m si'nghaa.takena si'ngaa.taka.m upasa'nkamitvaa evam aaha:|| ||

Api me pitara.m assasatha api me pitara.m addasathaa' ti?|| ||

10. Iminaa pi kho eta.m braahma.na pariyaayena veditabba.m:|| ||

Yathaa piyajaatikaa soka parideva dukkha domanassupaayaasaa piyappabhavikaati.|| ||

Bhuutapubba.m braahma.na imissaayeva Saavatthiiyaa a~n~natarassaa itthiyaa bhaataa kaalamakaasi.|| ||

Saa tassa kaalakiriyaaya ummattikaa khittacittaa rathiyaaya rathiya.m si'nghaa.takena si'nghaa.taka.m upasa'nkamitvaa evam aaha:|| ||

Api me bhaatara.m addasatha api me bhaatara.m addasathaa' ti?|| ||

11. Iminaa pi kho eta.m braahma.na pariyaayena veditabba.m :|| ||

Yathaa piyajaatikaa soka parideva dukkha domanassupaayaasaa piyappabhavikaa' ti.|| ||

Bhuutapubba.m braahma.na,||
imissaayeva Saavatthiiyaa a~n~natarassaa itthiyaa bhaginii kaalamakaasi.|| ||

Saa tassaa kaalakiriyaaya ummattikaa khittacittaa rathiyaaya rathiya.m si'nghaa.takena si'nghaa.taka.m upasa'nkamitvaa evam aaha:|| ||

Api me bhagini.m addasatha api me bhagini.m addasathaa' ti?|| ||

12. Iminaa pi kho eta.m braahma.na,||
pariyaayena veditabba.m :|| ||

Yathaa piyajaatikaa soka parideva dukkha domanassupaayaasaa piyappabhavikaa' ti.|| ||

Bhuutapubba.m braahma.na,||
imissaayeva Saavatthiiyaa a~n~natarassaa itthiyaa putto kaalamakaasi.|| ||

Saa tassaa kaalakiriyaaya ummattikaa khittacittaa rathiyaaya rathiya.m si'nghaa.takena si'nghaa.taka.m upasa'nkamitvaa evam aaha:|| ||

Api me putta.m addasatha api me putta.m addasathaa' ti?|| ||

13. Iminaa pi kho eta.m braahma.na,||
pariyaayena veditabba.m yathaa piyajaatikaa soka parideva dukkha domanassupaayaasaa piyappabhavikaa' ti.|| ||

Bhuutapubba.m braahma.na,||
imissaayeva Saavatthiiyaa a~n~natarassaa itthiyaa dhiitaa kaalamakaasi.|| ||

Saa tassaa kaalakiriyaaya ummattikaa khittacittaa rathiyaaya rathiya.m si'nghaa.takena si'nghaa.taka.m upasa'nkamitvaa evam aaha:|| ||

Api me dhiitara.m addasatha api me dhiitara.m addasathaa' ti?|| ||

14. Iminaa pi kho eta.m braahma.na,||
pariyaayena veditabba.m:|| ||

Yathaa piyajaatikaa soka parideva dukkha domanassupaayaasaa piyappabhavikaa' ti.|| ||

Bhuutapubba.m braahma.na,||
imissaayeva Saavatthiiyaa a~n~natarassaa itthiyaa saamiko kaalamakaasi.|| ||

Saa tassa kaalakiriyaaya ummattikaa khittacittaa rathiyaaya rathiya.m si'nghaa.takena si'nghaa.taka.m upasa'nkamitvaa evam aaha:|| ||

Api me saamika.m addasatha api me saamika.m addasathaa' ti?|| ||

15. Iminaa pi kho eta.m braahma.na,||
pariyaayena veditabba.m:|| ||

'yathaa piyajaatikaa soka parideva dukkha domanassupaayaasaa piyappabhavikaa' ti.|| ||

Bhuutapubba.m braahma.na,||
imissaayeva Saavatthiiyaa a~n~natarassa purisassa maataa kaalamakaasi.|| ||

So tassaa kaalakiriyaaya ummattako khittacitto rathiyaaya rathiya.m si'nghaa.takena si'nghaa.taka.m upasa'nkamitvaa evam aaha:|| ||

Api me maatara.m addasatha,||
api me maatara.m addasathaa' ti?|| ||

16. Iminaa pi kho eta.m braahma.na,||
pariyaayena veditabba.m:|| ||

'yathaa piyajaatikaa soka parideva dukkha domanassupaayaasaa piyappabhavikaa' ti.|| ||

Bhuutapubba.m braahma.na,||
imissaayeva Saavatthiiyaa a~n~natarassa purisassa pitaa kaalamakaasi.|| ||

So tassa kaalakiriyaaya ummattako khittacitto rathiyaaya rathiya.m si'nghaa.takena si'nghaa.taka.m upasa'nkamitvaa evam aaha:|| ||

Api me pitara.m addasatha api me pitara.m addasathaa' ti?|| ||

17. Iminaa pi kho eta.m braahma.na,||
pariyaayena veditabba.m:|| ||

Yathaa piyajaatikaa soka parideva dukkha domanassupaayaasaa piyappabhavikaa' ti.|| ||

Bhuutapubba.m braahma.na,||
imissaayeva Saavatthiiyaa a~n~natarassa purisassa bhaataa kaalamakaasi.|| ||

So tassa kaalakiriyaaya ummattako khittacitto rathiyaaya rathiya.m si'nghaa.takena si'nghaa.taka.m upasa'nkamitvaa evam aaha:|| ||

Api me bhaatara.m addasathaa api me bhaatara.m addasathaa' ti?|| ||

18. Iminaa pi kho eta.m braahma.na,||
pariyaayena veditabba.m:|| ||

Yathaa piyajaatikaa soka parideva dukkha domanassupaayaasaa piyappabhavikaa' ti.|| ||

Bhuutapubba.m braahma.na,||
imissaayeva Saavatthiiyaa a~n~natarassa purisassa bhaginii kaalamakaasi.|| ||

So tassaa kaalakiriyaaya ummattako khittacitto rathiyaaya rathiya.m si'nghaa.takena si'nghaa.taka.m upasa'nkamitvaa evam aaha:|| ||

Api me bhagini.m addasatha api me bhagini.m addasathaa' ti?|| ||

19. Iminaa pi kho eta.m braahma.na,||
pariyaayena veditabba.m:|| ||

Yathaa piyajaatikaa soka parideva dukkha domanassupaayaasaa piyappabhavikaa' ti.|| ||

Bhuutapubba.m braahma.na,||
imissaayeva Saavatthiiyaa a~n~natarassa purisassa addasathaa'ti? Putto kaalamakaasi.|| ||

So tassa kaalakiriyaaya ummattako khittacitto rathiyaaya rathiya.m si'nghaa.takena si'nghaa.taka.m upasa'nkamitvaa evam aaha:|| ||

Api me putta.m addasatha api me putta.m addasathaa' ti?|| ||

20. Iminaa pi kho eta.m braahma.na,||
pariyaayena veditabba.m yathaa piyajaatikaa soka parideva dukkha domanassupaayaasaa piyappabhavikaa' ti.|| ||

Bhuutapubba.m braahma.na,||
imissaayeva Saavatthiiyaa a~n~natarassa purisassa dhiitaa kaalamakaasi.|| ||

So tassaa kaalakiriyaaya ummattako khittacitto rathiyaaya rathiya.m si'nghaa.takena si'nghaa.taka.m upasa'nkamitvaa evam aaha:|| ||

Api me dhiitara.m addasatha api me dhiitara.m addasathaa' ti?|| ||

21. Iminaa pi kho eta.m braahma.na,||
pariyaayena veditabba.m:|| ||

Yathaa piyajaatikaa soka parideva dukkha domanassupaayaasaa piyappabhavikaa' ti.|| ||

Bhuutapubba.m braahma.na,||
imissaayeva Saavatthiiyaa a~n~natarassa purisassa pajaapati kaalamakaasi.|| ||

So tassaa kaalakiriyaaya ummattako khittacitto rathiyaaya rathiya.m si'nghaa.takena si'nghaa.taka.m upasa'nkamitvaa evam aaha:|| ||

Api me pajaapati.m addasatha api me pajaapati.m addasathaa' ti?|| ||

22. Iminaa pi kho eta.m braahma.na,||
pariyaayena veditabba.m:|| ||

Yathaa piyajaatikaa soka parideva dukkha domanassupaayaasaa piyappabhavikaa' ti.|| ||

Bhuutapubba.m braahma.na,||
imissaayeva Saavatthiiyaa a~n~nataraa itthi ~naatikula.m aagamaasi.|| ||

Tassaa te ~naatakaa saamikaa acchinditvaa a~n~nassa daatukaamaa,||
saa ca ta.m na icchati.|| ||

Atha kho saa itthi saamika.m etad avoca:|| ||

Ime ma.m ayyaputta,||
~naatakaa tayaa acchinditvaa a~n~nassa daatukaamaa aha~nca.|| ||

Ta.m na icchaami' ti.|| ||

Atha kho so puriso ta.m itthi.m dvidhaa chetvaa attaana.m opaadesi,||
ubho pecca bhavissaamaa' ti.|| ||

Iminaa pi kho eta.m braahma.na,||
pariyaayena veditabba.m:|| ||

Yathaa piyajaatikaa soka parideva dukkha domanassupaayaasaa,||
piyappabhavikaa' ti.|| ||

23. Atha kho naa'ija'ngho braahma.no Bhagavato bhaasita.m abhinanditvaa anumoditvaa u.t.thaay aasanaa yena Mallikaa devii ten'upasa'nkami,||
upasa'nkamitvaa yaavatako ahosi Bhagavataa saddhi.m kathaasallaapo,||
ta.m sabba.m Mallikaaya deviyaa aarocesi.|| ||

24. Atha kho Mallikaa devii yena raajaa Pasenadi kosalo ten'upasa'nkami,||
upasa'nkamitvaa raajaana.m Pasenadi.m Kosala.m etad avoca:|| ||

Ta.m ki.m ma~n~nasi mahaaraaja?|| ||

Piyaa te vajirii kumaariiti.|| ||

Eva.m Mallike piyaa me vajirii kumaariiti.|| ||

Ta.m ki.m ma~n~nasi mahaaraaja?|| ||

vajiriyaa te kumaariyaa vipari.naam-a~n~nathaa-bhaavaa uppajjeyyu.m soka parideva dukkha domanassupaayaasaa'ti.|| ||

Vajiriyaa me Mallike,||
kumaariyaa vipari.naam-a~n~nathaa-bhaavaa jiivitassapi siyaa a~n~nathatta.m,||
kimpana me na uppajjissanti soka parideva dukkha domanassupaayaasaa'ti.|| ||

Ida.m kho ta.m mahaaraaja,||
tena Bhagavataa jaanataa passataa arahataa sammaa-sambuddhena sandhaaya bhaasita.m:|| ||

Piyajaatikaa soka parideva dukkha domanassupaayaasaa piyappabhavikaa' ti.|| ||

25. Ta.m ki.m ma~n~nasi mahaaraaja?|| ||

Piyaa te vaasabhaa khattiyaati.
Eva.m Mallike,||
piyaa me vaasabhaa khattiyaati.|| ||

Ta.m ki.m ma~n~nasi mahaaraaja?|| ||

vaasabhaaya te khattiyaaya viparinaama~n~nathaabhaavaa uppajjeyyu.m soka parideva dukkha domanassupaayaasaati.|| ||

Vaasabhaaya me Mallike,||
khattiyaaya vipari.naam-a~n~nathaa-bhaavaa jiivitassapi siyaa a~n~nathatta.m,||
ki.m pana me na uppajjissanti soka parideva dukkha domanassupaayaasaa' ti.|| ||

Ida.m kho ta.m mahaaraaja,||
tena Bhagavataa jaanataa passataa arahataa sammaa-sambuddhena sandhaaya bhaasita.m:'piyajaatikaa soka parideva dukkha domanassupaayaasaa piyappabhavikaa' ti.|| ||

26. Ta.m ki.m ma~n~nasi mahaaraaja?|| ||

Piyo te vi.duu.dabho senaapatii'ti.|| ||

Eva.m Mallike,||
piyo me vi.duu.dabho senaapatii' ti.|| ||

Ta.m ki.m ma~n~nasi mahaaraaja?|| ||

vi.duu.dabhassa te senaapatissa viparinaama~n~nathaabhaavaa uppajjeyyu.m soka parideva dukkha domanassupaayaasaati.|| ||

Vi.duu.dabhassa me Mallike,||
senaapatissa vipari.naam-a~n~nathaa-bhaavaa jiivitassapi siyaa a~n~nathatta.m.|| ||

Ki.m pana me na uppajjissanti soka parideva dukkha domanassupaayaasaati.|| ||

Ida.m kho ta.m mahaaraaja'Tena Bhagavataa jaanataa passataa arahataa sammaa-sambuddhena sandhaaya bhaasita.m:|| ||

'piyajaatikaa soka parideva dukkha domanassupaayaasaa piyappabhavikaa' ti.|| ||

27. Ta.m ki.m ma~n~nasi mahaaraaja?|| ||

Piyaa te ahanti.|| ||

Eva.m Mallike,||
piyaa mesi tvanti.|| ||

Ta.m ki.m ma~n~nasi mahaaraaja?|| ||

Mayha.m te vipari.naam-a~n~nathaa-bhaavaa uppajjeyyu.m soka parideva dukkha domanassupaayaasaa'ti.|| ||

Tuyha.m hi me Mallike,||
vipari.naam-a~n~nathaa-bhaavaa jiivitassapi siyaa a~n~nathatta.m.|| ||

Ki.m pana me na uppajjissanti soka parideva dukkha domanassupaayaasaa' ti.|| ||

Ida.m kho ta.m mahaaraaja'Tena Bhagavataa jaanataa passataa arahataa sammaa-sambuddhena sandhaaya bhaasita.m:|| ||

'piyajaatikaa soka parideva dukkha domanassupaayaasaa piyappabhavikaa' ti.|| ||

28. Ta.m ki.m ma~n~nasi mahaaraaja?|| ||

Piyaa te kaasikosalaati.|| ||

Eva.m Mallike,||
piyaa me kaasikosalaa.|| ||

Kaasikosalaana.m Mallike,||
anubhaavena kaasiKosala.m kaasikacandana.m paccanubhoma,||
maalaagandhavilepana.m dhaaremaa' ti.|| ||

Ta.m ki.m ma~n~nasi mahaaraaja?|| ||

Kaasikosalaana.m te vipari.naam-a~n~nathaa-bhaavaa uppajjeyyu.m soka parideva dukkha domanassupaayaasaa'ti.|| ||

Kaasikosalaana.m hi me Mallike,||
vipari.naam-a~n~nathaa-bhaavaa jiivitassapi siyaa a~n~nathatta.m.|| ||

Ki.m pana me na uppajjissanti soka parideva dukkha domanassupaayaasaa' ti.|| ||

Ida.m kho ta.m mahaaraaja'Tena Bhagavataa jaanataa passataa arahataa sammaa-sambuddhena sandhaaya bhaasita.m:|| ||

'piyajaatikaa soka parideva dukkha domanassupaayaasaa piyappabhavikaa' ti.|| ||

29. Acchariya.m Mallike,||
abbhuuta.m Mallike,||
yaava~nca so Bhagavaa pa~n~naaya ativijjha ma~n~ne passati.|| ||

Ehi Mallike,||
aacaamehiiti.|| ||

Atha kho raajaa Pasenadi kosalo u.t.thaay aasanaa eka.msa.m uttaraasa'nga.m karitvaa yena Bhagavaa tena~nchali.m pa.naametvaa tikkhattu.m udaana.m udaanesi:|| ||

namo tassa Bhagavato arahato Sammaa-sambuddhassa,||
namo tassa Bhagavato arahato Sammaa-sambuddhassa,||
namo tassa Bhagavato arahato Sammaa-sambuddhassaa' ti.|| ||

Piyajaatikasutta.m sattama.m


 

Contact:
E-mail
Copyright Statement