Majjhima Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Majjhima Nikaaya
II. Majjhima-Pa.n.naasa
4. Raaja Vagga

Sutta 89

Dhamma-Cetiya Sutta.m

Based on the 'Sri Lanka Buddha Jayanti Tripitaka Series.'

 


 

[1][pts][chlm][upal] Eva.m me suta.m|| ||

Eka.m samaya.m Bhagavaa Sakkesu viharati.|| ||

Meda.lumpa.m naama Sakkaana.m nigamo.|| ||

Tena kho pana samayena raajaa Pasenadi Kosalo Na'ngaraka.m anuppatto hoti kenaci-d-eva kara.niiyena.|| ||

Atha kho raajaa Pasenadi Kosalo Diigha.m Kaaraayana.m aamantesi:|| ||

'Yojehi samma Kaaraayana, bhadraani bhadraani yaanaani,||
uyyaanabhuumi.m gacchaama subhumi.m dassanaayaa' ti.|| ||

'Eva.m devaa' ti kho Diigho Kaaraayano ra~n~no Pasenadissa Kosalassa pa.tissutvaa bhadraani bhadraani yaanaani yojaapetvaa ra~n~no Pasenadissa Kosalassa pa.tivedesi:|| ||

'Yuttaani kho te, deva, bhadraani bhadraani yaanaani,||
yassa daani kaala.m ma~n~nasii' ti.|| ||

Atha kho raajaa Pasenadi Kosalo bhadra.m yaana.m abhiruhitvaa bhadrehi bhadrehi yaanehi Na'ngarakamhaaaa niyyaasi mahacca raajaanubhaavena yena aaraamo tena paayaasi.|| ||

Yaavatikaa yaanassa bhuumi yaanena gantvaa yaanaa paccorohitvaa pattiko va aaraama.m paavisi.|| ||

Addasaa kho raajaa Pasenadi Kosalo aaraame ja'nghaavihaara.m anuca'nkamamaano anuvicaramaano rukkhamuulaani paasaadikaani pasaadanii yaani appasaddaani appanigghosaani vijanavaataani manussaraahaseyyakaani pa.tisallaanasaaruppaani.|| ||

Disvaana Bhagavanta.m yeva aarabbha sati udapaadi:|| ||

'Imaani kho taani rukkhamuulaani paasaadikaani pasaadaniiyaani appasaddaani appanigghosaani vijanavaataani manussaraahaseyyakaani pa.tisallaa.nasaaruppaani,||
yattha suda.m maya.m ta.m Bhagavanta.m payirupaasaama arahanta.m sammaasambuddhan ti.|| ||

Atha kho raajaa Pasenadi Kosalo Diigha.m Kaaraayana.m aamantesi:|| ||

'Imaani kho samma Kaaraayana, taani rukkhamuulaani paasaadaani pasaadaniiyaani appasaddaani appanigghosaani vijanavaataani manussaraahaseyyakaani pa.tisallaanasaaruppaani,||
yattha suda.m maya.m ta.m Bhagavanata.m payirupaasaama arahanta.m sammaasambuddha.m.|| ||

Kaha.m nu kho, samma Kaaraayana, etarahi so [119] Bhagavaa viharati araha.m sammaa-sambuddho' ti?|| ||

'Atthi mahaaraaja, Meda.lumpa.m naama Sakkaana.m nigamo.|| ||

Tattha so Bhagavaa etarahi araha.m sammaa-sambuddho viharatii' ti.|| ||

'Kiiva duuro pana samma Kaaraayana,||
Na'ngarakamhaa Meda.lumpa.m naama Sakkaana.m nigamo hotii' ti?|| ||

'Na duure mahaaraaja, tii.ni yojanaani.|| ||

Sakkaa divasaavasesena gantun' ti.|| ||

'Tena hi samma Kaaraayana,||
yojehi bhadraani bhadraani yaanaani;||
gamissaama maya.m ta.m Bhagavanta.m dassanaaya arahanta.m sammaasambuddhan' ti.|| ||

'Eva.m devaa' ti kho Diigho Kaaraayano ra~n~no Pasenadissa Kosalassa pa.tisutvaa bhadraani bhadraani yaanaani yojaapetvaa ra~n~no Pasenadissa Kosalassa pa.tivedesi:|| ||

'Yuttaani kho te, deva, bhadraani bhadraani yaanaani.|| ||

Yassa daani kaala.m ma~n~nasi' ti.|| ||

Atha kho raajaa Pasenadi Kosalo bhadra.m yaana.m abhiruhitvaa bhadrehi bhadrehi yaanehi Na'ngarakamhaa niyyaasi yena Meda.lumpa.m naama Sakkaana.m nigamo tena paayaasi ten'eva divasaavasesena Meda.lumpa.m naama Sakkaana.m nigama.m sampaapu.ni,||
yena aaraamo tena paayaasi.|| ||

Yaavatikaa yaanassa bhuumi yaanena gantvaa,||
yaanaa paccorohitvaa pattiko va aaraama.m paavisi.|| ||

Tena kho pana samayena sambahulaa bhikkhuu abhokaase ca'nkamanti.|| ||

Atha kho raajaa Pasenadi Kosalo yena te bhikkhu ten'upasa'nkami.|| ||

Upasa'nkamitvaa te bhikkhu etad avoca:|| ||

'Kaha.m nu kho bhante, etarahi so Bhagavaa viharati araha.m sammaa-sambuddho?|| ||

Dassanakaamaa hi maya.m ta.m Bhagavanta.m arahanta.m sammaasambuddhan' ti.|| ||

'Eso mahaaraaja vihaaro sa.mvutadvaaro;||
tena appasaddo upasa'nkamitvaa ataramaano aa.linda.m pavisitvaa ukkaasitvaa agga.la.m aako.tehi,||
vivarissati te Bhagavaa dvaaran' ti.|| ||

Atha kho raajaa Pasenadi Kosalo tatth'eva khagga~n ca u.nhiisa~n ca Diighassa Kaaraayanassa paadaasi.|| ||

Atha kho Diighassa Kaaraayanassa etad ahosi:|| ||

'Rahaayati kho daani mahaaraajaa;||
ten idh'eva daani mayaa .thaatabban' ti?|| ||

Atha kho raajaa Pasenadi Kosalo yena so vihaaro sa.mvutadvaaro tena appasaddo upasa.mkamitvaa ataramaano aa.linda.m pavisitvaa ukkaasitvaa agga.la.m aako.tesi.|| ||

Vivari Bhagavaa dvaara.m.|| ||

Atha kho raajaa Pasenadi Kosalo [120] vihaara.m pavisitvaa Bhagavato paade sirasaa patitvaa Bhagavato paadaani mukhena ca paricumbati paa.niihi ca parisambaahati,||
naama~n ca saaveti:|| ||

'Raajaaha.m bhante, Pasenadi Kosalo,||
raajaaha.m bhante, Pasenadi Kosalo' ti.

Ki.m pana tva.m mahaaraaja,||
atthavasa.m sampassamaano imasmi.m sariire evaruupa.m paramanipaccaakaara.m karosi,||
mittuupahaara.m upada.msesii ti?|| ||

'Atthi kho me bhante, Bhagavati dhammanvayo, hoti:|| ||

'Sammaasambuddho Bhagavaa,||
svaakkhaato Bhagavataa dhammo,||
supa.tipanno Bhagavato saavakasa'ngho' ti.|| ||

Idhaaha.m bhante, passaami eke sama.nabraahma.ne pariyantakata.m brahmacariya.m carante dasa pi vassaani,||
viisatim pi vassaani,||
ti.msam pi vassaani,||
cattaarisam pi vassaani.|| ||

Te aparena samayena sunahaataa suvilittaa kappitakesamassu pa~ncahi kaamagu.nehi samappitaa sama'ngibhuutaa parivaarenti.|| ||

Idha panaaha.m bhante, bhikkhu passaami yaavajiiva.m apaa.nako.tika.m paripu.n.na.m parisuddha.m brahmacariya.m carante.|| ||

Na kho panaaha.m bhante, ito bahiddhaa a~n~na.m eva.m paripu.n.na.m parisuddha.m brahmacariya.m samanupassaami.|| ||

Ayam pi kho me bhante,||
Bhagavati dhammanvayo hoti:|| ||

'Sammaa-sambuddho Bhagavaa,||
svaakkhaato Bhagavataa dhammo,||
supa.tipanno sa'ngho' ti.|| ||

Puna ca para.m bhante, raajaano pi raajuuhi vivadanti.|| ||

Khattiyaa pi khattiyehi vivadanti.|| ||

Braahma.naa pi braahma.nehi vivadanti.|| ||

Gahapatii pi gahapatiihi vivadanti.|| ||

Maataa pi puttena vivadati.|| ||

Putto pi maataraa vivadati.|| ||

Pitaa pi puttena vivadati.|| ||

Putto pi pitaraa vivadati.|| ||

Bhaataa pi bhaataraa vivadati.|| ||

Bhaataa pi bhaginiyaa vivadati.|| ||

Bhagini pi bhaataraa vivadati.|| ||

Sahaayo pi sahaayena vivadati.|| ||

Idha panaaha.m bhante, bhikkhu passaami samaggaa sammodamaanaa avivadamaanaa khiirodakiibhuutaa a~n~na- [121] ma~n~na.m piya-cakkhuuhi sampassantaa viharanti.|| ||

Na kho panaaha.m bhante,||
ito bahiddhaa a~n~na.m eva.m samagga.m parisa.m samanupassaami.|| ||

Ayam pi kho me bhante,||
Bhagavati dhammanvayo hoti:|| ||

'Sammaa-sambuddho Bhagavaa,||
svaakkhaato Bhagavataa dhammo,||
supa.tipanno sa'ngho' ti.|| ||

Puna ca paraaha.m bhante,||
aaraamena aaraama.m uyyaanena uyyaana.m anuca'nkamaami anuvicaraami.|| ||

So'ha.m tattha passaami eke sama.nabraahma.ne kise luukhe dubba.n.ne uppa.n.duppa.n.dukajaate dhamanisanthatagatte na viya ma~n~ne cakkhu.m bandhante janassa dassanaaya.|| ||

Tassa mayha.m bhante eva.m hoti:||
addhaa ime aayasmanto anabhirataa vaa brahmacariya.m caranti.|| ||

Atthi vaa tesa.m ki~nci paapa.m kamma.m kata.m pa.ticchanna.m tathaa ime aayasmanto kisaa luukhaa dubba.n.naa uppa.n.duppa.n.dukajaataa dhamanisanthatagattaa,||
na viya ma~n~ne cakkhu.m bandhanti janassa dassanaayaa ti.|| ||

Tyaaha.m upasa'nkamitvaa eva.m vadaami:|| ||

Kin nu kho tumhe aayasmanto kisaa luukhaa dubba.n.naa uppa.n.duppa.n.dukajaataa dhamanisanthatagattaa,||
na viya ma~n~ne cakkhu.m bandhatha janassa dassanaayaa ti?|| ||

Te evam aaha.msu:|| ||

'Bandhukarogo no maharaajaa' ti.|| ||

Idha panaaha.m bhante, bhikkhuu passaami ha.t.thapaha.t.thaa udaggudaggaa abhirataruupaa pii.nitindriyaa appossukkaa pannalomaa paradavuttaa migabhuutena cetasaa viharanti.|| ||

Tassa mayha.m bhante eva.m hoti:|| ||

'Addhaa ime aayasmanto tassa Bhagavato saasane u.laara.m pubbenaapara.m visesa.m sa~njaananti,||
tathaa ime aayasmanto ha.t.thapaha.t.thaa udaggudaggaa abhirataruupaa pii.nitindriyaa appossukkaa pannalomaa paradavuttaa migabhuutena cetasaa viharantii' ti.|| ||

Ayam pi kho me bhante,||
Bhagavati dhammanvayo hoti:|| ||

'Sammaa-sambuddho Bhagavaa,||
svaakkhaato Bhagavataa dhammo,||
supa.tipanno sa'ngho' ti.|| ||

Puna ca paraaha.m bhante, raajaa khattiyo muddhaavasitto [122] pahomi ghaatetaaya.m vaa ghaatetu.m jaapetaaya.m vaa jaapetu.m,||
pabbaajetaaya.m vaa pabbaajetu.m.|| ||

Tassa mayha.m bhante, a.t.takara.ne nisinnassa antarantaraa katha.m opaatenti.|| ||

So'ha.m na labhaami:|| ||

Maa me bhonto, a.t.takara.ne nisinnassa antarantaraa katha.m opaatetha,||
kathaapariyosaana.m me bhavanto aagamentuu ti.|| ||

Tassa mayha.m bhante, antarantaraa katha.m opaatenti.|| ||

Idha panaaha.m bhante, bhikkhu pasasaami yasmi.m samaye Bhagavaa anekasataaya parisaaya dhamma.m deseti||
n'eva tasmi.m samaye Bhagavato saavakaana.m khipitasaddo vaa hoti ukkaasitasaddo vaa.|| ||

Bhuutapubba.m bhante, Bhagavaa anekasataaya parisaaya dhamma.m desasi:|| ||

Tatr'a~n~nataro Bhagavato saavako ukkaasi;|| ||

Tam ena.m a~n~nataro sabrahmacaarii ja.n.nukena gha.t.tesi:|| ||

'Appasaddo aayasmaa hotu,||
maa'yasmaa saddam akaasi:|| ||

Satthaa no Bhagavaa dhamma.m desetii' ti.|| ||

Tassa mayha.m bhante, etad ahosi:|| ||

Acchariya.m vata bho,||
abbhuuta.m vata bho.|| ||

Ada.n.dena vata kira,||
bho asatthena eva.m suviniitaa parisaa bhavissatii' ti.|| ||

Na kho panaaha.m bhante,||
ito bahiddhaa a~n~na.m eva.m suviniita.m parisa.m samanupassaami.|| ||

Ayam pi kho me bhante,||
Bhagavati dhammanvayo hoti:|| ||

'Sammaa-sambuddho Bhagavaa,||
svaakkhaato Bhagavataa dhammo,||
supa.tipanno sa'ngho' ti.|| ||

Puna ca paraaha.m bhante, passaami idh'ekacce khattiyapa.n.dite nipu.ne kataparappavaade vaa.lavedhiruupe.|| ||

Te bhindantaa ma~n~ne caranti pa~n~naagatena di.t.thi-gataani.|| ||

Te su.nanti sama.no khalu||
bho Gotamo amuka.m naama gaama.m vaa nigama.m vaa osarissatii ti.|| ||

Te pa~nha.m abhisa'nkharonti:|| ||

Ima.m maya.m pa~nha.m sama.na.m Gotama.m upasa'nkamitvaa pucchisasaama:|| ||

'Eva.m ce no pu.t.tho eva.m vyaakarissati,||
evam assa maya.m vaada.m aaropessaama.|| ||

Eva.m ce pi no pu.t.tho eva.m vyaakarissati,||
evam pissa maya.m vaada.m aaropessaamaa' ti.|| ||

Te su.nanti:|| ||

'Sama.no khalu bho Gotamo amuka.m naama gaama.m vaa nigama.m vaa osa.to' ti.|| ||

Te yena Bhagavaa ten'upasa'nkamanti.|| ||

Te Bhagava dhammiyaa kathaaya sandasseti samaadapeti samuttejeti [123] samp'aha.mseti:|| ||

Te Bhagavataa dhammiyaa kathaaya sandassitaa samaadapitaa samuttejitaa samp'aha.msitaa na c'eva Bhagavanta.m pa~nha.m pucchanti,||
kuto vaada.m aaropessanti,||
a~n~nadatthu Bhagavato saavakaa sampajjanti.|| ||

Ayam pi kho me bhante,||
Bhagavati dhammanvayo hoti:|| ||

'Sammaa-sambuddho Bhagavaa,||
svaakkhaato Bhagavataa dhammo,||
supa.tipanno sa'ngho' ti.|| ||

Puna caparaaha.m bhante, passaami idh'ekacce braahma.napa.n.dite nipu.ne kataparappavaade vaa.lavedhiruupe.|| ||

Te bhindantaa ma~n~ne caranti pa~n~naa-gatena di.t.thi-gataani.|| ||

Te su.nanti sama.no khalu||
bho Gotamo amuka.m naama gaama.m vaa nigama.m vaa osarissatii ti.|| ||

Te pa~nha.m abhisa'nkharonti.|| ||

Ima.m maya.m pa~nha.m sama.na.m Gotama.m upasa'nkamitvaa pucchisasaama:|| ||

'Eva.m ce no pu.t.tho eva.m vyaakarissati,||
evam assa maya.m vaada.m aaropessaama.|| ||

Eva.m ce pi no pu.t.tho eva.m vyaakarissati,||
evam pissa maya.m vaada.m aaropessaamaa' ti.|| ||

Te su.nanti:|| ||

'Sama.no khalu bho Gotamo amuka.m naama gaama.m vaa nigama.m vaa osa.to' ti.|| ||

Te yena Bhagavaa ten'upasa'nkamanti.|| ||

Te Bhagavaa dhammiyaa kathaaya sandasseti samaadapeti samuttejeti sampahaseti:|| ||

Te Bhagavataa dhammiyaa kathaaya sandassitaa samaadapitaa samuttejitaa samp'aha.msitaa na c'eva Bhagavanta.m pa~nha.m pucchanti,||
kuto vaada.m aaropessanti,||
a~n~nadatthu Bhagavato saavakaa sampajjanti.|| ||

Ayam pi kho me bhante,||
Bhagavati dhammanvayo hoti:|| ||

'Sammaa-sambuddho Bhagavaa,||
svaakkhaato Bhagavataa dhammo,||
supa.tipanno sa'ngho' ti.|| ||

Puna ca paraaha.m bhante, passaami idh'ekacce gahapatipa.n.dite nipu.ne kataparappavaade vaa.lavedhiruupe.|| ||

Te bhindantaa ma~n~ne caranti pa~n~naa-gatena di.t.thi-gataani.|| ||

Te su.nanti sama.no khalu||
bho Gotamo amuka.m naama gaama.m vaa nigama.m vaa osarissatii ti.|| ||

Te pa~nha.m abhisa'nkharonti.|| ||

Ima.m maya.m pa~nha.m sama.na.m Gotama.m upasa'nkamitvaa pucchisasaama:|| ||

'Eva.m ce no pu.t.tho eva.m vyaakarissati,||
evam assa maya.m vaada.m aaropessaama.|| ||

Eva.m ce pi no pu.t.tho eva.m vyaakarissati,||
evam pissa maya.m vaada.m aaropessaamaa' ti.|| ||

Te su.nanti:|| ||

'Sama.no khalu bho Gotamo amuka.m naama gaama.m vaa nigama.m vaa osa.to' ti.|| ||

Te yena Bhagavaa ten'upasa'nkamanti.|| ||

Te Bhagavaa dhammiyaa kathaaya sandasseti samaadapeti samuttejeti sampahaseti:|| ||

Te Bhagavataa dhammiyaa kathaaya sandassitaa samaadapitaa samuttejitaa samp'aha.msitaa na c'eva Bhagavanta.m pa~nha.m pucchanti,||
kuto vaada.m aaropessanti||
a~n~nadatthu Bhagavato saavakaa sampajjanti.|| ||

Ayam pi kho me bhante,||
Bhagavati dhammanvayo hoti:|| ||

'Sammaa-sambuddho Bhagavaa,||
svaakkhaato Bhagavataa dhammo,||
supa.tipanno sa'ngho' ti.|| ||

Puna ca paraaha.m bhante, passaami idh'ekacce sama.napa.n.dite nipu.ne kataparappavaade vaa.lavedhiruupe.|| ||

Te bhindantaa ma~n~ne caranti pa~n~naa-gatena di.t.thi-gataani.|| ||

Te su.nanti sama.no khalu||
bho Gotamo amuka.m naama gaama.m vaa nigama.m vaa osarissatii ti.|| ||

Te pa~nha.m abhisa'nkharonti.|| ||

Ima.m maya.m pa~nha.m sama.na.m Gotama.m upasa'nkamitvaa pucchisasaama:|| ||

'Eva.m ce no pu.t.tho eva.m vyaakarissati,||
evam assa maya.m vaada.m aaropessaama.|| ||

Eva.m ce pi no pu.t.tho eva.m vyaakarissati,||
evam pissa maya.m vaada.m aaropessaamaa' ti.|| ||

Te su.nanti:|| ||

'Sama.no khalu bho Gotamo amuka.m naama gaama.m vaa nigama.m vaa osa.to' ti.|| ||

Te yena Bhagavaa ten'upasa'nkamanti.|| ||

Te Bhagavaa dhammiyaa kathaaya sandasseti samaadapeti samuttejeti samp'aha.mseti:|| ||

Te Bhagavataa dhammiyaa kathaaya sandassitaa samaadapitaa samuttejitaa samp'aha.msitaa na c'eva Bhagavanta.m pa~nha.m pucchanti,||
kuto vaada.m aaropessanti,||
a~n~nadatthu Bhagavanta.m yeva okaasa.m yaacanti agaarasmaa anagaariya.m pabbajjaaya.|| ||

Te Bhagavaa Pabbaajeti.|| ||

Te tathaa pabbajitaa samaanaa ekaa vuupaka.t.thaa appamattaa aataapino pahitattaa viharantaa na cirass'eva yass'atthaaya kulaputtaa sammad eva agaarasmaa anagaariya.m pabbajanti.|| ||

Tad anuttara.m brahmacariyapariyosaana.m di.t.the va dhamme saya.m abhi~n~naa sacchikatvaa upasampajja viharanti.|| ||

Te evam aaha.msu:|| ||

'Mana.m vata bho anassaama,||
mana.m vata bho anassaama.|| ||

Maya.m hi pubbe assama.naava samaanaa sama.naa'mhaa ti pa.tijaanimhaa,||
abraahma.naa va samaanaa braahma.naa'mhaa ti pa.tijaanimhaa,||
anarahanto va samaanaa arahanto'mhaa ti pa.tijaanimhaa.|| ||

Idaani kho'mhaa sama.naa,||
idaani kho'mhaa braahma.naa,||
idaani kho'mhaa arahanto' ti.|| ||

Ayam pi kho me bhante,||
Bhagavati dhammanvayo hoti:|| ||

'Sammaa-sambuddho Bhagavaa,||
svaakkhaato Bhagavataa dhammo,||
supa.tipanno sa'ngho' ti.|| ||

Puna ca para.m bhante, ime Isidatta Puraa.naa thapatayo mama bhattaa mama yaanaa aha.m n'esa.m jiivita.m daataa yasassa aahattaa.|| ||

Atha ca pana no tathaa mayi [124] nipaccaakaara.m karonti yathaa Bhagavati.|| ||

Bhuutapubbaaha.m bhante sena.m abbhuuyyaano samaano ime va Isidatta Puraa.naa thapatayo vima.msamaano a~n~natarasmi.m sambaadhe aavasathe vaasa.m upaga~nchi.m.|| ||

Atha kho bhante, ime Isidatta Puraa.naa thapatayo bahudeva ratti.m dhammiyaa kathaaya viitinaametvaa yato ahossu.m kho Bhagavaa tato siisa.m katvaa ma.m paadato karitvaa nipajji.msu.|| ||

Tassa mayha.m bhante, etad ahosi:|| ||

'Acchariya.m vata bho, abbhuuta.m vata bho.|| ||

Ime Isidatta Puraa.naa thapatayo mama bhattaa mama yaanaa,||
aha.m tesa.m jiivitassa daataa,||
yasassa aahattaa.|| ||

Atha ca pana no tathaa mayi nipaccaakaara.m karonti yathaa Bhagavati.|| ||

Addhaa ime aayasmanto tassa Bhagavato saasane u.laara.m pubbenaapara.m visesa.m sa~njaanantii' ti.|| ||

Ayam pi kho me bhante, Bhagavati dhammanvayo hoti:|| ||

'Sammaa-sambuddho Bhagavaa, svaakkhaato Bhagavataa dhammo supa.tipanno sa'ngho' ti.|| ||

Puna ca para.m bhante, Bhagavaa pi khattiyo,||
aham pi khattiyo,||
Bhagavaa pi Kosalako,||
aham pi Kosalako,||
Bhagavaa pi aasiitiko,||
aham pi aasitiko||
yam pi bhante,||
Bhagavaa pi khattiyo,||
aham pi khattiyo,||
Bhagavaa pi Kosalako,||
aham pi Kosalako,||
Bhagavaa pi aasiitiko,||
ahami pi aasiitiko,||
iminaa vaarahaam evaaha.m bhante,||
Bhagavati paramanipaccaakaara.m kattu.m||
mittuupavaara.m upada.msetu.m.|| ||

Handa ca daani maya.m bhante, gacchaama||
bahukiccaa maya.m bahukara.niyaa' ti.|| ||

Yassa daani tva.m mahaaraaja, kaala.m ma~n~nasii ti.|| ||

Atha kho raajaa Pasenadi Kosalo u.t.thaay'aasanaa Bhagavanta.m abhivaadetvaa padakkhi.na.m katvaa pakkaami.|| ||

Atha kho Bhagavaa acirapakkantassa ra~n~no Pasenadissa Kosalassa bhikkhuu aamantesi:|| ||

'Eso bhikkhave, raajaa Pasenadi Kosalo dhammacetiyaani bhaasitvaa u.t.thaay'aasanaa pakkanto.|| ||

Ugga.nhaatha bhikkhave, dhammacetiyaani.|| ||

Pariyaapu.naatha [125] bhikkhave, dhammacetiyaani.|| ||

Dhaaretha bhikkhave, dhammacetiyaani.|| ||

Atthasa.mhitaani bhikkhave, dhammacetiyaani aadibrahmacariyakaanii' ti.|| ||

Idam avoca Bhagavaa attamanaa te bhikkhu Bhagavato bhaasita.m abhinandunti.|| ||

Dhammacetiyasutta.m navama.m


 

Contact:
E-mail
Copyright Statement