Majjhima Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Majjhima Nikaaya
II. Majjhima-Pa.n.naasa
5. Braahma.na Vagga

Sutta 91

Brahmaayu Sutta.m

Based on the 'Sri Lanka Buddha Jayanti Tripitaka Series.'

 


 

[1][chlm][pts][upal] Eva.m me suta.m|| ||

Eka.m samaya.m Bhagavaa videhesu caarika.m carati mahataa bhikkhu-sa'nghena saddhi.m pa~nca-mattehi bhikkhuusatehi. Tena kho pana samayena braahmaayu naama braahma.no mithilaaya.m pa.tivasati ji.n.no vuddho mahallako addhagato vayo anuppatto viisa.mvassasatiko jaatiyaa, ti.n.na.m vedaana.m paaragu sanigha.n.duke.tubhaana.m saakkharappabhedaana.m itihaasapa~ncamaana.m padako veyyaakara.no lokaayatamahaapurisalakkha.nesu anavayo. Assosi kho Brahmaayu braahma.no: " sama.no khalu bho Gotamo Sakyaputto Sakyakulaa pabbajito videhesu caarika.m carati mahataa bhikkhu-sa'nghena saddhi.m pa~nca-mattehi bhikkhu-satehi. Ta.m kho pana Bhagavanta.m Gotama.m eva.m kalyaa.no kittisaddo.|| ||

Abbhuuggato 'Iti pi so Bhagavaa araha.m Sammaa-sambuddho vijjaacara.na sampanno sugato loka-viduu anuttaro purisadammasaarathi satthaa deva-manussaana.m buddho Bhagavaa. So ima.m loka.m sadevaka.m samaaraka.m sabrahmaka.m sassama.na-braahma.ni.m paja.m sadeva-manussa.m saya.m abhi~n~naa sacchikatvaa pavedeti. So dhamma.m deseti aadi kalyaa.na.m majjhe kalyaa.na.m pariyosaana-kalyaa.na.m saattha.m savya~njana.m kevalaparipu.n.na.m parisuddha.m brahmacariya.m pakaaseti. Saadhu kho pana tathaaruupaana.m arahata.m dassana.m ho' ti.ti. [134]

Tena kho pana samayena Brahmaayussa braahma.nassa uttaro naama maa.navo antevaasii hoti ti.n.na.m vedaana.m paaragu sanigha.n.duke.tubhaana.m saakkharappabhedaana.m itihaasapa~ncamaana.m padako veyyaakara.no lokaayatamahaapurisalakkha.nesu anavayo. Atha kho Brahmaayu braahma.no uttara.m maa.nava.m aamantesi: 'aya.m taata uttara, Sama.no Gotamo Sakyaputto Sakyakulaa pabbajito videhesu caarika.m carati mahataa bhikkhuusa'nghena saddhi.m pa~nca-mattehi bhikkhu-satehi. Ta.m kho pana Bhagavanta.m Gotama.m eva.m kalyaa.no kittisaddo abbhuuggato'Iti pi so Bhagavaa araha.m Sammaa-sambuddho vijjaacara.na sampanno sugato loka-viduu anuttaro purisadammasaarathi satthaa deva-manussaana.m buddho Bhagavaa.So ima.m loka.m sadevaka.m samaaraka.m sabrahmaka.m sassama.na-braahma.ni.m paja.m sadeva-manussa.m saya.m abhi~n~naa ~n~naa sacchikatvaa pavedeti. So dhamma.m deseti aadi kalyaa.na.m majjhe kalyaa.na.m pariyosaana-kalyaa.na.m saattha.m savya~njana.m kevalaparipu.n.na.m parisuddha.m brahmacariya.m pakaaseti. Saadhu kho pana tathaaruupaana.m arahata.m dassana.m ho' ti.ti. Ehi tva.m taata uttara, yena Sama.no Gotamo ten'upasa'nkama. Upasa'nkamitvaa sama.na.m Gotama.m jaanaahi yadi vaa ta.m bhavanta.m Gotama.m tathaa santa.m yeva saddo abbhuggato. Yadi vaa no tathaa, yadi vaa so bhava.m Gotamo taadiso, yadi vaa na taadiso, tayaa maya.m ta.m bhavanta.m Gotama.m vedissaamaa' ti. Yathaa kathampanaaha.m bho ta.m bhavanta.m Gotama.m jaanissaami: yadi vaa ta.m bhavanta.m Gotama.m tathaa santa.m yeva saddo abbhuggato, yadi vaa no tathaa, yadi vaa so bhava.m Gotamo taadiso yadivaa nataadiso' ti.|| ||

Aagataani kho taata uttara, amhaaka.m mantesu dvatti.msa mahaapurisalakkha.naani, yehi samannaagatassa mahaapurisassa dveyeva gatiyo bhavanti ana~n~naa, sace agaara.m ajjhaavasati, raajaa hoti cakkavattii dhammiko dhammaraajaa caaturanto vijitaavii janapadatthaavariyappatto sattaratanasamannaagato. Tassimaani sattaratanaani bhavanti, seyyathiida.m: cakkaratana.m hatthiratana.m assaratana.m ma.niratana.m itthiratana.m gahapatiratana.m parinaayakaratanameva sattama.m. Parosahassa.m kho panassa puttaa bhavanti suuraa viira'ngaruupaa parasenappamaddanaa. So ima.m pa.thavi.m saagarapariyan ta.m ada.n.dena asatthena dhammena abhivijiya ajjhaavasati: sace kho pana agaarasmaa anagaariya.m pabbajati, araha.m hoti Sammaa-sambuddho loke vivattacchado1. Aha.m kho pana te taata uttara,mantaana.m daataa, tva.m me mantaana.m pa.tiggahetaati.|| ||

Eva.m hoti kho uttaro maa.navo Brahmaayussa braahma.nassa pa.tissutvaa u.t.thaay aasanaa Brahmaayu.m braahma.na.m abhivaadetvaa padakkhi.na.m katvaa videhesu yena Bhagavaa tena [135] caarika.m pakkaami. Anupubbena caarika.m caramaano yena Bhagavaa ten'upasa'nkami. Upasa'nkamitvaa Bhagavataa saddhi.m sammodi, sammodaniiya.m katha.m saaraa.niiya.m viitisaaretvaa eka-m-anta.m nisiidi. Eka-m-anta.m nisinno kho uttaro maa.navo Bhagavato kaaye dvatti.msa mahaapurisalakkha.naani sammannesi. Addasaa kho uttaro maa.navo Bhagavato kaaye dvatti.msa mahaapurisalakkha.naani yebhuuyyena .thapetvaa dve. Dviisu mahaapurisalakkha.nesu ka'nkhati vicikicchati naadhimuccati na sampasiidati: ' kosohite ca vatthaguyhe pahuutajivhataaya caa' ti. Atha kho Bhagavato etad ahosi: 'passati kho me aya.m uttaro maa.navo dvatti.msa mahaapurisalakkha.naani yebhuuyyena .thapetvaa dve. Dviisu mahaapurisalakkha.nesu ka'nkhati vicikicchati naadhimuccati na sampasidati kosohite ca c'atthaguyhe pahuutajivhataaya caa' ti.|| ||

Atha kho Bhagava tathaaruupa.m iddhaabhisankhaara.m abhisa'nkhaasi2. Yathaa addasa uttaro maa.navo Bhagavato kosohita.m vatthaguyha.m. Atha kho Bhagavaa jivha.m ninnaametvaa ubhopi ka.n.nasotaani anumasi parimasi3. Ubhopi naasikaasotaani anumasi parimasi. Kevalampi4 lalaa.tama.n.dala.m jivhaaya chaadesi.|| ||

Atha kho uttarassa maa.navassa etad ahosi: samannaagato kho Sama.no Gotamodvatti.msa mahaapurisalakkha.nehi. Yan'nuunaaha.m sama.na.m Gotama.m anubandheyya.m iriyaapatha~nc'assa passeyya'nti. Atha kho uttaro maa.navo satta maasaani Bhagavanta.m anubandhi jaayaava anapaayinii atha kho uttaro maa.navo sattanna.m maasaana.m accayena videhesu yena mithilaa tena caarika.m pakkaami. Anupubbena caarika.m caramaano yena mithilaa yena Brahmaayu braahma.no ten'upasa'nkami. Upasa'nkamitvaa Brahmaayu.m braahma.na.m abhivaadetvaa eka-m-anta.m nisiidi. Eka-m-anta.m nisinna.m kho uttara.m maa.nava.m Brahmaayu braahma.no etad avoca: kacci taata uttara, ta.m bhavanta.m Gotama.m tathaa santa.m yeva saddo [136] abbhuggato no a~n~nataa, kacci ca pana so bhava.m Gotamo taadiso, no a~n~naadiso' ti.|| ||

Tathaasanta.myeva bho ta.m bhavanta.m Gotama.m tathaa saddo abbhuggato, no a~n~nathaa, taadiso ca bho so bhava.m Gotamo, na a~n~naadiso. Samannaagato ca so bho bhava.m Gotamo dvatti.msa mahaapurisalakkha.nehi.|| ||

Suppati.t.thitapaado kho pana so bhava.m Gotamo, idampi tassa1 bhoto Gotamassa mahaapurisassa mahaapurisa-lakkha.na.m bhavati.|| ||

He.t.thaa kho panassa bhoto Gotamassa paadatalesu cakkaani jaataani sahassaaraani sanemikaani sanaabhikaani sabbaakaaraparipuuraa.ni.|| ||

Aayatapa.nhii kho pana so bhava.m Gotamo||
Diigha'ngulii kho pana so bhava.m Gotamo||
Mudutae.nahatthapaado kho pana so bhava.m Gotamo||
Jaalahatthapaado kho pana so bhava.m Gotamo||
Ussa'nkhapaado kho pana so bhava.m Gotamo||
E.nija'ngho kho pana so bhava.m Gotamo||
.Thitakova kho pana so bhava.m Gotamo anonamanto ubhohi paa.nitalehi ja.n.nukaani parimasati parimajjati.|| ||

Kosohitavatthaguyho kho pana so bhava.m Gotamo.|| ||

Suva.n.nava.n.no kho pana so bhava.m Gotamo ka~ncanasantibhattaco.|| ||

Sukhumacchavi kho pana so bhava.m Gotamo sukhumattaa chaviyaa rajojalla.m kaaye na upalippati.|| ||

Ekekalomo kho pana so bhava.m Gotamo,ekekaani lomaani lomakuupesu jaataani.|| ||

Uddhaggalomo kho pana so bhava.m Gotamo uddhaggaani lomaani jaataani niilaani a~njanava.n.naani ku.n.dalaavattaani padakkhi.naavattakajaataani.|| ||

Brahmujjugatto kho pana so bhava.m Gotamo||
Sattussado kho pana so bhava.m Gotamo||
Siihapubbaddhakaayo kho pana so bhava.m Gotamo||
Citantara.mso kho pana so bhava.m Gotamo||
Nigrodhaparima.n.dalo kho pana so bhava.m Gotamo,||
yaavatakvassa kaayo taavatakvassa vyaamo yaavatakvassa vyaamo taavatakvassa kaayo||
Samavattakkhandho kho pana so bhava.m Gotamo||
Rasaggasaggi kho pana so bhava.m Gotamo||
Siihahanu kho [137] pana so bhava.m Gotamo||
Cattaa'isadanto kho pana so bhava.m Gotamo||
Samadanto kho pana so bhava.m Gotamo||
Avivaradanto kho pana so bhava.m Gotamo||
Susukkadaa.tho kho pana so bhava.m Gotamo||
Pahutajivho kho pana so bhava.m Gotamo||
Brahmassaro kho pana so bhava.m Gotamo ,karaviikabhaa.nii.|| ||

Abhiniilanetto kho pana so bhava.m Gotamo||
Gopakhumo kho pana so bhava.m Gotamo||
U.n.naa kho panassa bhoto Gotamassa bhamukantare jaataa odaataa mudutulasantibhaa.|| ||

U.nhiisasiiso kho pana so bhava.m Gotamo idampi tassa bhoto Gotamassa mahaapurisassa mahaapurisa-lakkha.na.m bhavati. Imehi kho so bhava.m Gotamo dvati.msa mahaapurisalakkha.nehi samannaagato.|| ||

Gacchanto kho pana so bhava.m Gotamo dakkhi.nen'eva paadena pa.thama.m pakkamati, so naatiduure paada.m uddharati, naaccaasanne paada.m nikkhipati, so naatisiigha.m gacchati, naatisanika.m gacchati, na ca adduvena adduuva.m sa'ngha.t.tento gacchati, na ca gopphakena gopphaka.m ga'ngha.t.tento gacchati, so gacchanto na satthi.m unnaameti, na satthi.m onaameti, na satti.m sannaameti, na satti.m vinaameti. Gacchato kho panassa bhoto Gotamassa adharakaayova1 i~njati. Na ca kaayabalena gacchati. Avalokento kho pana so bhava.m Gotamo sabbakaayen'eva avaloketi. So na uddha.m ulloketi. Na adho oloketi. Na ca vipekkhamaano gacchati. Yugamatta~n ca pekkhati. Tato c'assa uttari.m anaava.ta.m ~naa.na-dassana.m bhavati.|| ||

So antaraghara.m pavisanto na kaaya.m unnaameti. Na kaaya.m onaameti. Na kaaya.m sannaameti. [138] na kaaya.m vinaameti. So naatiduure naaccaasanne aasanassa parivattati. Na ca paa.ninaa aalambhitvaa aasane nisiidati. Na ca aasanasmi.m kaaya.m pakkhipati. So antaraghare nisinno samaano na hatthakukkucca.m aapajjati. Na paadakukkucca.m aapajjati. Na ca adduvena adduva.m2 aaropetvaa nisiidati. Na ca gopphakena gopphaka.m aaropetvaa nisiidati. Na ca paa.ninaa hanuka.m upaadiyitvaa3 nisiidati. So antaraghare nisinnova samaano nacchambhati na kampati na vedhati na paritassati. Acchamahii akampii avedhii aparitassii vigatalomaha.mso. Vivekaavatto ca4 so bhava.m Gotamo antaraghare nisinno hoti.|| ||

So pattodaka.m patiga.nhanto na patta.m unnaameti. Na patta.m onaameti. Na patta.m sannaameti. Na patta.m vinaameti. So pattodaka.m patiga.nhaati naatithoka.m naatibahu.m. So na bulubulukaaraka.m1 patta.m dhovati. Na samparivattaka.m patta.m dhovati. Na patta.m bhumiya.m nikkhipitvaa hatthe dhovati. Hatthesu dhotesu patto dhoto hoti. Patte dhote hatthaa dhotaa honti. So pattodaka.m cha.d.dheti naatiduure naaccaasanne na ca viccha.d.dayamaano.|| ||

So odana.m patiga.nhanto2 na patta.m unnaameti. Na patta.m onaameti. Na patta.m sannaameti na patta.m vinaameti. So odana.m patiga.nhaati naatithoka.m naatibahu.m. Bya~njana.m kho pana so bhava.m Gotamo bya~njanamattaaya aahaareti, na ca bya~njanena aalopa.m atimaaneti3. Dvattikkhattu.m kho pana so bhava.m Gotamo mukhe aalopa.m samparivattetvaa ajjhoharati. Na c'assa kaaci odanami~njaa asambhinna.m kaaya.m pavisati, na c'assa kaaci odanami~njaa mukhe avasi.t.thaa hoti. Athaapara.m aalopa.m upanaameti. Rasapa.tisa'nvedi kho pana so bhava.m Gotamo aahaara.m aahaareti no ca rasaraagapa.tisa'nvedii. A.t.tha'ngasamannaagata.m kho pana so bhava.m Gotamo aahaara.m aahaareti. N'eva davaaya na madaaya na ma.n.danaaya na vibhuusanaaya yaavad eva imassa kaayassa .thitiyaa yaapanaaya vihi.msuuparatiyaa brahmacariyaanuggahaaya iti puraa.na~n ca [139] vedana.m pa.tiha'nkhaami. Nava~nca vedana.m na uppaadessaami. Yaatraa ca me bhavissati anavajjataa ca phaasuvihaaro caa' ti.|| ||

So bhuttaavii pattodaka.m patiga.nhanto na patta.m unnaameti na patta.m onaameti. Na patta.m sannaameti. Na patta.m vinaameti. So pattodaka.m patiga.nhaati naatithoka.m naatibahu.m. So na bulubulukaaraka.m1 patta.m dhovati na samparivattaka.m patta.m dhovati. Na patta.m bhumiya.m nikkhipitvaa hatthe dhovati. Hatthesu dhotesu patto dhoto hoti. Patte dhote hatthaa dhotaa honti. So pattodaka.m cha.d.deti naatiduure naaccaasanne, na ca viccha.d.dayamaano. So bhuttaavii na patta.m4 bhumiya.m nikkhipati naatidure naaccaasanne. Na ca an'atthiko pattena hoti, na ca ativelaanurakkhii pattasmi.m.|| ||

So bhuttaavii muhutta.m tu.nhii nisidati. Na ca anumodanassa kaalamatinaameti. So bhuttaavii anumodati. Na ta.m bhatta.m garahati. Na a~n~na.m bhatta.m paa.tika'nkhati5 a~n~nadatthu dhammiyaava kathaaya ta.m parisa.m sandasseti samaadapeti samuttejeti samp'aha.mseti. So ta.m parisa.m dhammiyaa kathaaya sandassetvaa samaadapetvaa samuttejetvaa samp'aha.msetvaa u.t.thaay aasanaa pakkamati.|| ||

So naatisiigha.m gacchati. Naatisanika.m gacchati. Na ca nimuccitukaamo gacchati na ca tassa bhoto Gotamassa kaaye ciivara.m accUkka.t.tha.m hoti, na ca accokka.t.tha.m, na ca kaayasmi.m alliina.m, na ca kaayasmaa apaka.t.tha.m, na ca tassa bhoto Gotamassa kaayamhaa vaato ciivara.m apavahati. Na ca tassa bhoto Gotamassa kaaye rajojalla.m upalippati3|| ||

So aaraamagato nisiidati pa~n~natte aasane. Nisajja paade pakkhaaleti. Na ca so bhava.m Gotamo paadama.n.danaanuyogamanuyutto viharati. So paade pakkhaaletvaa nisiidati pall'nka.m aabhujitvaa uju.m kaaya.m pa.nidhaaya parimukha.m sati.m upa.t.thapetvaa. So n'eva attavyaabaadhaaya ceteti na paravyaabaadhaaya ceteti. Na ubhayavyaabaadhaaya ceteti. Attahita.m parahita.m ubhayahita.m sabbalokahitameva [140] so bhava.m Gotamo cintento nisinno hoti.|| ||

So aaraamagato parisati.m dhamma.m deseti na ta.m parisa.m ussaadeti. Na ta.m parisa.m apasaadeti. A~n~nadatthu dhammiyaava kathaaya ta.m parisa.m sandasseti samaadapeti samuttejeti samp'aha.mseti. A.t.tha'ngasamannaagato kho panassa bhoto Gotamassa mukhato ghosoniccharati. Vissa.t.thoca vi~n~neyyo ca ma~nchu ca savaniiyo ca bindu ca avisaarii ca gambhiiro ca ninnaadi ca. Yathaaparisa.m kho pana so bhava.m Gotamo sarena vi~n~naapeti. Na c'assa bahiddhaa parisaaya ghoso niccharati. Te tena bhotaa Gotamena dhammiyaa kathaaya sandassitaa samaadapitaa samuttejitaa samp'aha.msitaa u.t.thaay aasanaa pakkamanti apalokayamaanaayeva avijahantaa bhaavena4. Addasaama kho maya.m bho ta.m bhavanta.m Gotama.m gacchanta.m. Addasaama .thita.m. Addasaama antaraghara.m pavisanta.m5 addasaama antaraghare nisinna.m tu.nhiibhuuta.m. Addasaama bhuttaavi.m anumodanta.m. Addasaama aaraama.m gacchanta.m6 addasaama aaramagata.m nisinna.m tu.nhiibhuuta.m. Addasaama aaramagata.m parisati.m dhamma.m desenta.m. Ediso ca ediso ca bho so bhava.m Gotamo, tato ca bhiyyo' ti.|| ||

Eva.m vutte Brahmaayu braahma.no u.t.thaay aasanaa eka.msa.m uttaraasa'nga.m karitvaa yena Bhagavaa ten'a~njali.m panaametvaa tikkhattu.m udaana.m udaanesi:||
namo tassa Bhagavato arahato Sammaa-sambuddhassa,||
namo tassa Bhagavato arahato Sammaa-sambuddhassa,||
namo tassa Bhagavato arahato Sammaa-sambuddhassa.|| ||

Appeva naama maya.m kadaaci karahaci tena bhotaa Gotamena saddhi.m samaagaccheyyaama,||
app'eva naama siyaa kocid-eva kathaasallaapo' ti.|| ||

Atha kho Bhagavaa videhesu anupubbena caarika.m caramaano yena mithilaa tadavasari. Tatra suda.m Bhagavaa mithilaaya.m viharati makhaadevAmbavane assosu.m kho methileyyakaa1 braahma.nagahapatikaa sama.no khalu bho [141] Gotamo Sakyaputto Sakyakulaa pabbajito videhesu caarika.m caramaano mahataa bhikkhuu sa'nghena saddhi.m pa~nca-mattehi bhikkhu-satehi mithilaaanuppatto mithilaaya.m viharati makhaadevAmbavane. Ta.m kho pana Bhagavanta.m Gotama.m eva.m kalyaa.no kittisaddo abbhuggato: 'Iti pi so Bhagavaa araha.m Sammaa-sambuddho vijjaa-cara.na-sampanno sugato loka-viduu anuttaro purisadammasaarathi satthaa deva-manussaana.m buddho Bhagavaa, so ima.m loka.m sadevaka.m samaaraka.m sabrahmaka.m sassama.na-braahma.ni.m paja.m sadeva-manussa.m saya.m abhi~n~naa sacchikatvaa pavedeti. So dhamma.m deseti aadi kalyaa.na.m majjhe kalyaa.na.m pariyosaana-kalyaa.na.m saattha.m savya~njana.m kevalaparipu.n.na.m parisuddha.m brahmacariya.m pakaaseti. Saadhu kho pana tathaaruupaana.m arahata.m dassana.m ho' ti.ti. Atha kho methileyyakaa1 app'ekacce Bhagavanta.m abhivaadetvaa eka-m-anta.m nisiidi.msu, app'ekacce Bhagavataa saddhi.m sammodi.msu, sammodaniiya.m katha.m saaraa.niiya.m2 viitisaaretvaa eka-m-anta.m nisidi.msu. App'ekacce yena Bhagavaa ten'a~njali.m pa.naametvaa eka-m-anta.m nisidi.msu, app'ekacce Bhagavato santike naamagotta.m saavetvaa eka-m-anta.m nisiidi.msu. App'ekacce tu.nhiibhuutaa eka-m-anta.m nisiidi.msu.|| ||

Assosi kho Brahmaayu braahma.no,'sama.no khalu bho Gotamo Sakyaputto Sakyakulaa pabbajito mithila.m anuppatto, mithilaaya.m viharati makhaadevAmbavane' ti. Atha kho Brahmaayu braahma.no sambahulehi maa.navakehi saddhi.m yena makhaadevambavana.m ten'upasa'nkami, atha kho Brahmaayuno braahma.nassa aviduure ambavanassa etad ahosi: 'na kho me ta.m pa.tiruupa.m yoha.m pubbe appa.tisa.mvidito sama.na.m Gotama.m dassanaaya upasa'nkameyya'nti. Atha kho Brahmaayu braahma.no a~n~natara.m maa.navaka.m aamantesi: 'ehi tva.m maa.navaka, yena Sama.no Gotamo ten'upasa'nkama, upasa'nkamitvaa mama vacanena sama.na.m Gotama.m appaabaadha.m appaata'nka.m lahu.t.thaana.m bala.m phaasuvihaara.m puccha, Brahmaayu bho Gotama braahma.no bhavanta.m Gotama.m appaabaadha.m appaata'nka.m lahu.t.thaana.m bala.m phaasuvihaara.m pucchatii' ti. Eva.m ca vadehi,Brahmaayu bho Gotama,braahma.no ji.n.no vuddho mahallako addhagato vayo anuppatto viisa.mvassasatiko jaatiyaa ti.n.na.m vedaana.m paaragu sanigha.n.duke.tubhaana.m saakkharappabhedaana.m itihaasapa~ncamaana.m padako veyyaakara.no lokaayatamahaapurisalakkha.nesu anavayo. Yaavataa kho braahma.nagahapatikaa mithilaaya.m pa.tivasanti Brahmaayu tesa.m braahma.no aggam akkhaayati yad ida.m bhogehi. Bravmaayu tesa.m braahma.no aggam akkhaayati yad ida.m mantehi. [142] Brahmaayu tesa.m braahma.no aggam akkhaayati yad ida.m aayunaa c'eva yasasaa ca. So bhoto Gotamassa dassanakaamo' ti.|| ||

Eva.m bhoti kho so maa.navako Brahmaayussa braahma.nassa pa.tissutvaa yena Bhagavaa ten'upasa'nkami. Upasa'nkamitvaa Bhagavataa saddhi.m sammodi, sammodaniiya.m katha.m saaraa.niiya.m viitisaaretvaa eka-m-anta.m a.t.thaasi. Eka-m-anta.m .thito kho so maa.navako Bhagavanta.m etad avoca: Brahmaayu bho Gotama, braahma.no Bhagavanta.m Gotama.m appaabaadha.m appaata'nka.m la lahu.t.thaana.m bala.m phaasuvihaara.m pucchati. Brahmaayu bho Gotama, braahma.no ji.n.no vuddho mahallako addhagato vayo anuppatto viisa.mvassasatiko jaatiyaa ti.n.na.m vedaana.m paaragu sanigha.n.duke.tubhaana.m saakkharappabhedaana.m itihaasapa~ncamaana.m padako veyyaakara.no lokaayatamahaapurisalakkha.nesu anavayo. Yaavataa bho braahma.nagahapatikaa mithilaaya.m pa.tivasanti, Brahmaayu tesa.m braahma.no aggam akkhaayati yad ida.m bhogehi. Brahmaayu tesa.m braahma.no aggam akkhaayati yad ida.m mantehi. Brahmaayu tesa.m braahma.no aggam akkhaayati yad ida.m aayunaa c'eva yasasaa ca. So bhoto Gotamassa dassanakaamo' ti.|| ||

'Yassadaani maa.navaka, Brahmaayu braahma.no kaala.m ma~n~natii' ti.|| ||

Atha kho so maa.navako yena Brahmaayu braahma.no ten'upasa'nkami. Upasa'nkamitvaa Brahmaayu.m braahma.na.m etad avoca: 'kataavakaaso kho bhava.m sama.nena Gotamena, yassadaani bhava.m kaala.m ma~n~natii' ti.|| ||

Atha kho Brahmaayu braahma.no yena Bhagavaa ten'upasa'nkami. Addasaa kho saa parisaa Brahmaayu.m braahma.na.m duurato va aagacchanta.m, disvaana atha na.m1 okaasamakaasi yathaa ta.m ~naatassa yasassino. Atha kho Brahmaayu braahma.no ta.m parisa.m etad avoca: ala.m bho, nisiidatha tumhe sake aasane, idhaaha.m sama.nassa Gotamassa santike nisiidissaamiiti. Atha kho Brahmaayu braahma.no yena Bhagavaa ten'upasa'nkami. Upasa'nkamitvaa Bhagavataa saddhi.m sammodi. Sammodaniiya.m katha.m saaraa.niiya.m viitisaaretvaa eka-m-anta.m nisiidi. Eka-m-anta.m nisinno kho Brahmaayu braahma.no Bhagavato [143] kaaye dvatti.msa mahaapurisalakkha.naani sammannesi. Addasaa kho Brahmaayu braahma.no Bhagavato kaaye dvatti.msa mahaapurisalakkha.naani, yebhuuyyena .thapetvaa dve dviisu mahaapurisalakkha.nesu ka'nkhati vicikicchati naadhimuccati na sampasiidati. Kosohite ca vatthaguyhe pahuutajivhataaya ca. Atha kho Brahmaayu braahma.no Bhagavanta.m gaathaahi ajjhabhaasi:|| ||

'Ye me dvatti.msaati sutaa mahaapurisalakkha.naa,|| ||

Duve tesa.m na passaami bhoto kaayasmi.m Gotama.|| ||

Kacci kosohita.m bhoto vatthaguyha.m naruttama,|| ||

Naariisahanaama savhayaa kacci jivhaa na rassikaa3|| ||

Kacci pahutajivhosi? Yathaa ta.m jaaniyaamase,|| ||

Ninnaamayeta.m tanuka.m ka'nkha.m vinaya no ise,|| ||

Di.t.thadhammahitatthaaya samparaaya sukhaaya ca,|| ||

Kataavakaasaa pucchemu4 ya.m ki~nci abhipatthitan' ti.|| ||

Atha kho Bhagavato etad ahosi: 'passati kho me aya.m Brahmaayu braahma.no dvatti.msa mahaapurisalakkha.naani yebhuuyyena .thapetvaa dve dviisu mahaapurisalakkha.nesu ka'nkhati vicikicchati naadimuccati na sampasiidati kosohite ca c'atthaguyha pahuutajivhataaya caati. Atha kho Bhagavaa tathaaruupa.m iddhaabhisankhaara.m abhisa'nkhaasi. Yathaa addasa Brahmaayu braahma.no Bhagavato kosohita.m c'atthaguyha.m. Atha kho Bhagavaa jivha.m ninnaametvaa ubhopi ka.n.nasotaani anumasi parimasi1, ubhopi naasikaasotaani anumasi parimasi. Kevalampi lalaa.tama.n.dala.m jivhaaya chaadesi atha kho Bhagavaa Brahmaayu.m braahma.na.m gaathaahi paccabhaasi.|| ||

Ye te dvatti.msaati sutaa mahaapurisalakkha.naa,|| ||

Sabbe te mama kaayasmi.m maa te ka'nkhaahu braahma.na.|| ||

Abhi~n~neyya.m abhi~n~naata.m bhaavetabba~nca bhaavita.m,|| ||

Pahaatabba.m pahiina.m me tasmaa buddhosmi braahma.na. [144]|| ||

Di.t.thadhammahitatthaaya samparaaya sukhaaya ca,|| ||

Kataavakaaso pucchassu ya.m ki~nci abhipatthitanti.|| ||

Atha kho Brahmaayussa braahma.nassa etad ahosi: 'kataavakaaso kho'mhi sama.nena Gotamena. Kin nu kho aha.m sama.na.m Gotama.m puccheyya.m di.t.thadhammika.m vaa attha.m samparaayika.m vaati. Atha kho Brahmaayussa braahma.nassa etad ahosi: 'kusalo kho aha.m di.t.thadhammikaana.m atthaana.m, a~n~ne pi ma.m di.t.thadhammika.m attha.m pucchanti. Yan'nuunaaha.m sama.na.m Gotama.m samparaayika.m yeva attha.m puccheyya'nti. Atha kho Brahmaayu braahma.no Bhagavanta.m gaathaahi ajjhabhaasi.|| ||

'Katha.m bho braahma.no hoti katha.m bhavati vedagu,||
Tevijjo bho katha.m hoti sottiyo kintivuccati.|| ||

Araha.m bho katha.m hoti katha.m bhavati kevalii,||
Municca bho katha.m hoti buddho kinti pavuccatii' ti.|| ||

Atha kho Bhagavaa Brahmaayu.m braahma.na.m gaathaahi paccabhaasi.|| ||

'Pubbenivaasa.m yo vedi saggaapaaya~n ca passati,||
Atho jaatikkhaya.m patto abhi~n~naa vosito muni.|| ||

Citta.m visuddha.m jaanaati mutta.m raagehi sabbaso,||
Pahiina jaatimara.no brahmacariyassa kevalii|| ||

Paaragu sabbadhammaana.m buddho taadi pavucca' ti.ti.|| ||

Eva.m vutte Brahmaayu braahma.no u.t.thaay aasanaa eka.msa.m uttaraasa'nga.m karitvaa Bhagavato paadesu sirasaa nipatitvaa Bhagavato paadaani mukhena ca paricumbati. Paa.niihi ca parisambaahati. Naama~nca saaveti: Brahmaayu caaha.m1 bho Gotama braahma.no, Brahmaayu caaha.m1 bho Gotama braahma.no' ti. Atha kho saa parisaa acchariyabbhuutacittaa jaataa ahosi: 'acchariya.m vata bho, abbhuuta.m vata bho, sama.nassa mahiddhikataa mahaanubhaavataa2. Yatrahi naamo aya.m Brahmaayu braahma.no ~naato yassasii evaruupa.m paramanipaccakaara.m3 karissatii' ti.|| ||

Atha kho Bhagavaa Brahmaayu.m braahma.na.m etad avoca: [PTS Page 145 ']ala.m braahma.na, u.t.thaha, nisiida tva.m sake aasane, yato te mayi citta.m pasanna'nti. Atha kho Brahmaayu braahma.no u.t.thabhitvaa sake aasane nisiidi.|| ||

Atha kho Bhagavaa Brahmaayussa braahma.nassa aanupubbiikatha.m kathesi. Seyyathiida.m: 'daanakatha.m siilakatha.m saggakatha.m kaamaana.m aadiinava.m okaara.m sa'nkilesa.m nekkhamme aanisa.msa.m pakaasesi yadaa Bhagavaa a~n~naasi Brahmaayu.m braahma.na.m kallacitta.m muducitta.m viniivara.nacitta.m udaggacitta.m pasannacitta.m, atha yaa buddhaana.m saamukka.msikaa dhammadesanaa ta.m pakaasesi dukkha.m samudaya.m nirodha.m magga.m. Seyyathaa pi naama suddha.m vattha.m apagatakaa.laka.m samma-d-eva rajana.m patiga.nheyya, evam eva.m Brahmaayussa braahma.nassa tasmi~n~neva aasane viraja.m viitamala.m dhammacakkhu.m udapaadi, ya.m ki~nci samudayadhamma.m sabba.m ta.m nirodhadhammanti. Atha kho Brahmaayu braahma.no di.t.thadhammo, pattadhammo, viditadhammo, pariyogaa.lhadhammo ti.n.navicikiccho vigatakatha'nkatho vesaarajjappatto aparappaccayo satthusaasane Bhagavanta.m etad avoca: " abhikkanta.m ho Gotama, abhikkanta.m bho Gotama. Seyyathaa pi bho Gotama nikkujjita.m vaa ukkujjeyya. Pa.ticchanna.m vaa vivareyya, muu.lhassa vaa magga.m aacikkheyya, andhakaare vaa telapajjota.m dhaareyya 'cakkhuumanto ruupaani dakkhin' ti.ti. Evam eva.m bhotaa Gotamena aneka-pariyaayena dhammo pakaasito esaaha.m Bhagavanta.m Gotama.m sara.na.m gacchaami dhamma~nca bhikkhu-sa'ngha~n ca, upaasaka.m ma.m bhava.m Gotamamo dhaaretu ajjatagge paa.nupeta.m sara.na'ngata.m. Adivaasetu ca me bhava.m Gotamo svaatanaaya bhatta.m saddhi.m bhikkhu-sa'nghenaa" ti. Adhivaasesi Bhagavaa tu.nhii-bhaavena.|| ||

Atha kho Brahmaayu braahma.no Bhagavato adivaasana.m viditvaa u.t.thaay aasanaa Bhagavanta.m abhivaadetvaa padakkhi.na.m katvaa pakkaami. Atha kho Brahmaayu braahma.no tassaa rattiyaa accayena sake nivesane pa.niita.m khaadaniiya.m bhojaniiya.m pa.tiyaadaapetvaa Bhagavato kaala.m aarocaapesi: kaalo bho Gotama, ni.t.thita.m bhatta'nti. [146] atha kho Bhagavaa pubba.nha-samaya.m nivaasetvaa pattaciivara.m aadaaya yena Brahmaayussa braahma.nassa nivesana.m ten'upasa'nkami. Upasa'nkamitvaa pa~n~natte aasane nisiidi.|| ||

Saddhi.m bhikkhu-sa'nghena. Atha kho Brahmaayu braahma.no sattaaha.m Buddhapamukha.m bhikkhu-sa'ngha.m pa.niitena khaadaniiyena bhojaniiyena sahatthaa santappesi sampavaaresi. Atha kho Bhagavaa tassa sattaahassa accayena videhesu caarika.m pakkaami. Atha kho Brahmaayu braahma.no acirapakkantassa Bhagavato kaalamakaasi.|| ||

Atha kho sambahulaa bhikkhuu yena Bhagavaa ten'upasa'nkami.msu. Upasa'nkamitvaa Bhagavanta.m abhivaadetvaa eka-m-anta.m nisiidi.msu. Eka-m-anta.m nisinnaa kho te bhikkhu Bhagavanta.m etad avocu.m: 'Brahmaayu bhante, braahma.no kaalakato, tassa kaa gati, ko abhisamparaayo' ti.|| ||

Pa.n.dito bhikkhave, Brahmaayu braahma.no, paccapaadi dhammassaanudhamma.m na ca ma.m1 dhammaadhikara.na.m vihesesi. Brahmaayu bhikkhave, braahma.no pa~ncanna.m orambhaagiyaana.m sa.myojanaana.m parikkhayaa opapaatiko hoti tattha parinibbaayii anaavattidhammo tasmaa lokaati.|| ||

Idam avoca Bhagavaa. Attamanaa te bhikkhuu Bhagavato bhaasita.m abhinandunti.|| ||

Brahmaayusutta.m pa.thama.m


 

Contact:
E-mail
Copyright Statement