Majjhima Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Majjhima Nikaaya
II. Majjhima-Pa.n.naasa
5. Braahma.na Vagga

Sutta 94

Gho.tamukha Sutta.m

Based on the 'Sri Lanka Buddha Jayanti Tripitaka Series.'

 


 

[1][chlm][pts][upal] Eva.m me suta.m|| ||

Eka.m samaya.m aayasmaa udeno Baaraa.nasiya.m viharati khemiyAmbavane.|| ||

Tena kho pana samayena gho.tamukho braahma.no baaraa.nasi.m anuppatto hoti kenacid-eva kara.niiyena.|| ||

Atha kho gho.tamukho braahma.no [158] cha'nghaavihaara.m anuca'nkamamaano anuvicaramaano yena khemiyambavana.m ten'upasa'nkami.|| ||

Tena kho pana samayena aayasmaa udeno abbhokaase ca'nkamati.|| ||

Atha kho so gho.tamukho braahma.no yen'aayasmaa udeno ten'upasa'nkami,||
upasa'nkamitvaa aayasmataa udenena saddhi.m sammodi,||
sammodaniiya.m katha.m saaraa.niiya.m viitisaaretvaa aayasmanta.m udena.m ca'nkamanta.m anuca'nkamamaano evam aaha: ambho sama.na,||
n'atthi dhammiko paribbaajo,||
eva.m me ettha hoti,||
ta~n ca kho bhavantaruupaana.m vaa adassanaa,||
yo vaa pan'ettha dhammo' ti.|| ||

Eva.m vutte aayasmaa udeno ca'nkamaa orohitvaa vihaara.m pavisitvaa pa~n~natte aasane nisiidi.|| ||

Gho.tamukhopi kho braahma.no ca'nkamaa orohitvaa vihaara.m pavisitvaa eka-m-anta.m a.t.thaasi.|| ||

Eka-m-anta.m .thita.m kho gho.tamukha.m braahma.na.m aayasmaa udeno etad avoca: sa.mvijjante kho braahma.na,||
aasanaani sace aaka'nkhasi nisidaa' ti.

Etad eva ca kho pana maya.m bhoto udenassa aagamayamaanaa na nisiidaama.|| ||

Katha.m hi naama maadiso pubbe animantito aasane nisiditabba.m ma~n~neyyaa' ti.|| ||

Atha kho gho.tamukho braahma.no a~n~natara.m niica.m aasana.m gahetvaa eka-m-anta.m nisiidi.|| ||

Eka-m-anta.m nisinno kho gho.tamukho braahma.no aayasmanta.m udena.m etad avoca: ambho sama.na,||
n'atthi dhammiko paribbaajo,||
eva.m me ettha hoti,||
ta~n ca kho bhavantaruupaana.m vaa adassanaa,||
yo vaa pan'ettha dhammo' ti.|| ||

Sace kho pana me tva.m braahma.na,||
anu~n~neyya.m anujaaneyyaasi,||
pa.tikkositabba~n ca pa.tikkoseyyaasi,||
yassa ca pana me bhaasitassa attha na jaaneyyaasi,||
mama.myeva tattha uttari.m pa.tipuccheyyaasi: ida.m bho udena katha.m,||
imassa kvatthoti? Eva.m katvaa sayaa no ettha kathaasallaapoti.|| ||

Anu~n~neyya.m khvaaha.m bhoto udenassa anujaanissaami,||
pa.tikkositabba~nca pa.tikkosissaami.|| ||

Yassa ca panaaha.m [159] bhoto udenassa bhaasitassa attha.m na jaanissaami,||
bhavanta.myeva tattha udena.m uttari.m pa.tipucchissaami: ida.m bho udena katha.m,||
imassa kvattho' ti?|| ||

Eva.m katvaa hotu no ettha kathaasallaapoti.|| ||

Cattaaro'me braahma.na,||
puggalaa santo sa.mvijjamaanaa lokasmi.m,||
katame cattaaro: idha braahma.na,||
ekacco puggalo attantapo hoti attaparitaapanaanuyogamanuyutto.|| ||

Idha pana braahma.na,||
ekacco puggalo parantapo hoti paraparitaapanaanuyogamanuyutto.|| ||

Idha braamha.na,||
ekacco puggalo attantapo ca hoti attaparitaapanaanuyogamanuyutto,||
parantapo ca paraparitaapanaanuyogamanuyutto.|| ||

Idha pana braahma.na,||
ekacco puggalo n'evattantapo hoti naattaparitaapanaanuyogamanuyutto,||
na parantapo na paraparitaapanaanuyogamanuyutto,||
so anattantapo aparantapo di.t.the va dhamme nicchaato nibbuto siitibhuuto sukhapa.tisa'nvedi brahmabhuutena attanaa viharati.|| ||

Imesa.m braahma.na,||
catunna.m puggalaana.m katamo te puggalo citta.m aaraadhetii' ti?|| ||

Yvaaya.m bho udena,||
puggalo attantapo attaparitaapanaanuyogamanuyutto,||
aya.m me puggalo citta.m naaraadheti.|| ||

Yopaaya.m bho udena,||
puggalo parantapo paraparitaapanaanuyogamanuyutto,||
ayam pi me puggalo citta.m naaraadheti.|| ||

Yopaaya.m bho udena,puggalo attantapo ca attaparitaapanaanuyogamanuyutto parantapo ca paraparitaapanaanuyogamanuyutto,||
ayam pi me puggalo citta.m naaraadheti.|| ||

Yo ca kho aya.m bho udena,||
puggalo n'evattantapo naattaparitaapanaanuyogamanuyutto na parantapo na paraparitaapanaanuyogamanuyutto,||
so anattantapo aparantapo di.t.th'evadhamme nicchaato nibbuto siitiibhuuto sukhapa.tisa'nvedi brahmabhuutena attanaa viharati.|| ||

Aya.m me puggalo citta.m aaraadhetii' ti.|| ||

Kasmaa pana te braahma.na,||
ime tayo puggalaa citta.m naaraadhen' ti?|| ||

Yvaaya.m bho udena,||
puggalo attantapo attaparitaapanaanuyogamanuyutto,||
so attaana.m sukhakaama.m dukkhapa.tikkuula.m aataapeti paritaapeti,iminaa me aya.m puggalo citta.m naaraadheti.|| ||

[160] Yopaaya.m bho udena,||
puggalo parantapo paraparitaapanaanuyogamanuyutto,||
so para.m sukhakaama.m dukkhapa.tikkuula.m aataapeti paritaapeti,||
iminaa me aya.m puggalo citta.m naaraadheti.|| ||

Yopaaya.m bho udena,||
puggalo attantapo ca attaparitaapanaanuyogamanuyutto,||
parantapo ca paraparitaapanaanuyogamanuyutto,||
so attaana~n ca para~nca sukhakaama.m dukkhapa.tikkuula.m aataapeti paritaapeti,||
iminaa me aya.m puggalo citta.m naaraadheti.|| ||

Yo ca kho aya.m bho udena,||
puggalo n'evattantapo naattaparitaapanaanuyogamanuyutto na parantapo na paraparitaapanaanuyogamanuyutto,||
so anattantapo aparantapo di.t.th'evadhamme nicchaato nibbuto siitiibhuuto sukhapa.tisa'nvedi brahmabhuutena attanaa viharati.|| ||

So attaana~n ca para~nca sukhakaame dukkhapa.tikkuule n'eva aataapeti,||
na paritaapeti,||
iminaa me aya.m puggalo citta.m aaraadhe' ti.|| ||

Dvemaa braahma.na parisaa,||
katamaa dve: idha braahma.na,||
ekaccaa parisaa saarattarattaa ma.niku.n.dalesu puttabhariya.m pariyesati,||
daasidaasa.m pariyesati,||
khettavatthu.m pariyesati,||
jaataruuparajata.m pariyesati.|| ||

Idha pana braahma.na,||
ekaccaa parisaa asaarattarattaa ma.niku.n.dalesu puttabhariya.m pahaaya daasidaasa.m pahaaya khettavatthu.m pahaaya jaataruuparajata.m pahaaya agaarasmaa anagaariya.m pabbajitaa.|| ||

Yvaaya.m braahma.na,puggalo n'evattantapo naattaparitaapanaanuyogamanuyutto na parantapo na paraparitaapanaanuyogamanuyutto,||
so anattantapo aparantapo di.t.th'evadhamme nicchaato nibbuto siitiibhuuto sukhapa.tisa'nvedi brahmabhuutena attanaa viharati.|| ||

Ima.m tva.m braahma.naa,puggala.m katamassa parisaaya.m bahula.m samanupassasi: yaa caaya.m parisaa saarattarattaa ma.niku.n.dalesu puttabhariya.m pariyesati,||
daasidaasa.m pariyesati,||
khettavatthu.m pariyesati,||
jaataruuparajata.m pariyesati.|| ||

Yaa caaya.m parisaa asaarattarattaa ma.niku.n.dalesu puttabhariya.m pahaaya daasidaasa.m pahaaya khettavatthu.m pahaaya jaataruuparajata.m pahaaya agaarasmaa anagaariya.m pabbajitaa' ti.|| ||

[161]Yvaaya.m bho udena,||
puggalo n'evattantapo naattaparitaapanaanuyogamanuyutto,||
na parantapo na paraparitaapanaanuyogamanuyutto,||
so anattantapo aparantapo di.t.th'evadhamme nicchaato nibbuto sitiibhuuto sukhapa.tisa'nvedi brahmabhuutena attanaa viharati.|| ||

Imaaha.m puggala.m yaa'ya.m parisaa asaarattarattaa ma.niku.n.dalesu puttabhariya.m pahaaya daasidaasa.m pahaaya khettavatthu.m pahaaya jaataruuparajata.m pahaaya agaarasmaa anagaariya.m pabbaajitaa,||
imissa.m parisaaya.m bahula.m samanupassaami' ti.|| ||

Idaan'eva kho pana te braahma.na,||
bhaasita.m: maya.m eva.m aajaanaama,||
ambho sama.na,||
n'atthi dhammiko paribbaajo,||
eva.m me ettha hoti,||
ta~n ca kho bhavantaruupaana.m vaa adassanaa,||
yo vaa pan'ettha dhammo' ti.|| ||

Addhaamesaa bho udena,||
saanuggahaa vaacaa bhaasitaa atthi dhammiko paribbaajo,||
eva.m me ettha hoti,||
eva~nca pana ma.m bhava.m udeno dhaaretu.|| ||

Yecime bhotaa udenena cattaaro puggalo sa'nkhittena vuttaa vitthaarena avibhattaa,||
saadhu me bhava.m udeno ime cattaaro puggale vitthaarena vibhajatu anukampa.m upaadaayaati.|| ||

Tena hi braahma.na,||
su.naahi,saadhuka.m manasi karohi,||
bhaasissaamiti.|| ||

Eva.m bhoti kho gho.tamukho braahma.no aayasmato udenassa paccassosi.|| ||

Aayasmaa udeno etad avoca:|| ||

Katamo ca braahma.na,||
puggalo attantapo attaparitaapanaanuyogamanuyutto: idha braahma.na,||
ekacco puggalo acelako hoti muttaacaaro,||
hatthaavalekhano na ehibhadantiko na ti.t.thabhadantiko naabhiha.ta.m na uddissa ka.ta.m na nimantana.m saadiyati,||
so na kumhimukhaa patiga.nhaati,||
na khalopimukhaa patiga.nhaati,||
na e.lakamantara.m na da.n.damantara.m na musalamantara.m na dvinna.m bhu~njamaanaana.m na gabbhiniyaa na paayamaanaaya [162] na purisantaragataaya na sa'nkittiisu na yattha saa upa.t.thito hoti,||
na yattha makkhikaa sa.n.dasa.n.dacaarinii,||
na maccha.m na ma.msa.m na sura.m na meraya.m na thusodaka.m pivati,||
so ekaagaariko vaa hoti ekaalopiko vaa,||
dvaagaariko vaa hoti dvaalopiko vaa sattaagaariko vaa hoti sattaalopiko vaa,ekissaapi dattiyaa yaapeti,||
dviihipi dattiihi yaapeta sattahipi dattehi yaapeti.|| ||

Ekaahikam pi aahaara.m aahaareti,||
dviihikampi aahaara.m aahaareti,||
sattaahikampi aahaara.m aahaareti iti evaruupa.m addhamaasikampi pariyaayabhattabhojanaanuyogamanuyutto viharati.|| ||

So saakabhakkho vaa heti,||
saamaakabhakkho vaa hoti,||
niivaarabhakkho vaa hoti daddulabhakkho vaa hoti,||
ha.tabhakkho vaa hoti,||
ka.nabhakkho vaa hoti,||
aacaamabhakkho vaa hoti,||
pi~n~naakabhakkho vaa hoti.|| ||

Ti.nabhakkho vaa hoti,||
gomayabhakkho vaa hoti,||
vanamuulaphalaahaaro yaapeti pavattaphalabhoji.|| ||

Se saa.naani pi dhaareti,||
masaa.naani pi dhaareti,||
cavadussaani pi dhaareti,||
pa.msukulaani pi dhaareti,||
tirii.taani pi dhaareti,||
ajinaani pi dhaareti,||
ajinakkhipam pi dhaareti,||
kusaciiram pi dhaareti,||
vaakaciiram pi dhaareti,||
phalakaciiram pi dhaareti.|| ||

Kesakambalam pi dhaareti,||
vaa'akambalam pi dhaareti,||
uluukapakkham pi dhaareti.|| ||

Kesamassulocako pi hoti kesamassulocanaanuyogamanuyutto,||
ubba.t.tako pi hoti aasanapa.tikkhitto,||
ukku.tiko pi hoti ukku.tikappadhaanamanuyutto,||
ka.n.takaapassayiko pi hoti ka.n.takaapassaye seyya.m kappeti,||
saayatatiyakam pi udakoroha.naanuyogamanuyutto viharati.|| ||

Iti evaruupa.m aneka-vihita.m kaayassa aataapanaparitaapanaanuyogamanuyutto viharati.|| ||

Aya.m vuccati braahma.na,puggalo attantapo attaparitaapanaanuyogamanuyutto.|| ||

Katamo ca braahma.na,||
puggalo parantapo paraparitaapanaanuyogamanuyutto: idha braahma.na,||
ekacco puggalo orabhiko hoti,||
suukariko saakuntiko maagaviko eddo macchaghaatako coro coraghaatako bandhanaagaariko,||
ye vaa pan'a~n~ne pi keci Kuruurakammantaa,aya.m vuccati braahma.na,||
puggalo parantapo paraparitaapanaanuyogamanuyutto.|| ||

Katamo ca braahma.na,||
puggalo attantapo ca attaparitaapanaanuyogamanuyutto parantapo ca paraparitaapanaanuyogamanuyutto: idha braahma.na,||
ekacco puggalo raajaa vaa hoti khattiyo muddhaabhisitto,||
braahma.naa vaa mahaasaa.lo,||
so puratthimena nagarassa nava.m santhaagaara.m kaaraapetvaa kesamassu.m ohaaretvaa kharaajina.m nivaasetvaa sappitelena kaaya.m abbha~njitvaa migavisaa.nena pi.t.thi.m ka.na.duuvamaano santhaagaara.m pavisati saddhi.m mahesiyaa braahma.nena ca purohitena.|| ||

So tattha anantarahitaaya bhuumiyaa haritupattaaya seyya.m kappeti,||
ekissaa gaaviyaa saruupavacchaaya ya.m ekasmi.m thane khira.m hoti,||
tena raajaa yaapeti.|| ||

Ya.m dutiyasmi.m thane khiira.m hoti,||
tena mahesi yaapeti.|| ||

Ya.m tatiyasmi.m thane khira.m hoti,||
tena braahma.no purohito yaapeti.|| ||

Ya.m catutthasmi.m thane khiira.m hoti,||
tena aggi.m juhanti.|| ||

Avasesena vacchako yaapeti.|| ||

So evam aaha: 'ettakaa usabhaa ha~n~nantu ya~n~natthaaya,||
ettakaa vacchataraa ha~n~nantu ya~n~natthaaya,||
ettikaa vacchatariyo ha~n~nantu ya~n~natthaaya,||
ettakaa ajaa ha~n~nantu ya~n~natthaaya,||
ettakaa urabbhaa ha~n~nantu ya~n~natthaaya,||
ettakaa rukkhaa chijjantu yuupatthaaya,||
ettakaa dabbaa luuyantu barihisatthaayaa' ti.|| ||

Ye pissa te honti daasaati vaa pessaati vaa kammakaraati vaa,||
tepi da.n.datajjitaa bhayatajjitaa assumukhaa rudamaanaa parikammaani karonti.|| ||

Aya.m vuccati braahma.na,||
puggalo attantapo ca attaparitaapanaanuyogamanuyutto parantapo ca paraparitaapanaanuyogamanuyutto.|| ||

Katamo ca braahma.na,||
puggalo n'evattantapo naattaparitaapanaanuyogamanuyutto,||
na parantapo na paraparitaapanaanuyogamanuyutto,||
so anattantapo aparantapo di.t.th'evadhamme nicchaato nibbuto sitiibhuuto sukhapa.tisa'nvedi brahmabhuutena attanaa viharati: 'idha braahma.na,||
Tathaagato loke uppajjati araha.m Sammaa-sambuddho vijjaa-cara.na-sampanno sugato loka-viduu anuttaro purisadammasaarathi satthaa deva-manussaana.m buddho Bhagavaa.|| ||

So ima.m loka.m sadevaka.m samaaraka.m sabrahmaka.m sassama.na-braahma.ni.m paja.m sadeva-manussa.m saya.m abhi~n~naa sacchikatvaa pavedeti.|| ||

So dhamma.m deseti aadi kalyaa.na.m majjhe kalyaa.na.m pariyosaana-kalyaa.na.m saattha.m savya~njana.m kevalaparipu.n.na.m parisuddha.m brahmacariya.m pakaaseti.|| ||

Ta.m dhamma.m su.naati gahapati vaa gahapatiputto vaa a~n~natarasmi.m kule paccaajaato,||
so ta.m dhamma.m sutvaa Tathaagate saddha.m pa.tilabhati.|| ||

So tena saddhaa pa.tilaabhena samannaagato iti pa.tisa~ncikkhati: 'sambaadho gharaavaaso rajaapatho,||
abbhokaaso pabbajjaa,||
na-y-ida.m sukara.m agaara.m ajjhaavasataa ekanta-paripu.n.na.m ekanta-parisuddha.m sa'nkhalikhita.m brahmacariya.m caritu.m,||
yan nuunaaha.m kesamassu.m ohaaretvaa kaasaayaani vatthaani acchaadetvaa agaarasmaa anagaariya.m pabbajeyya'nti.|| ||

So aparena samayena appa.m vaa bhogakkhandha.m pahaaya mahanta.m vaa bhogakkhandha.m pahaaya appa.m vaa ~naati pariva.t.ta.m pahaaya mahanta.m vaa ~naatipariva.t.ta.m pahaaya kesamassu.m ohaaretvaa kaasaayaani vatthaani acchaadetvaa agaarasmaa anagaariya.m pabbajati.|| ||

So eva.m pabbajito samaano bhikkhuuna.m sikkhaasaajivasamaapanno paa.naatipaata.m pahaaya paa.naatipaataa pa.tivirato hoti,||
nihita-da.n.do nihita-sattho lajji dayaapanno sabba-paa.na-bhuuta-hitaanukampii viharati.|| ||

Adinnaadaana.m pahaaya adinnaadaanaa pa.tivirato hoti,||
dinnaadaayii dinna-paa.tika'nkhii athenena suci-bhuutena attanaa viharati.|| ||

Abrahmacariya.m pahaaya brahmacaarii hoti,||
aaraa-caarii virato methunaa gaama-dhammaa.|| ||

Musaa-vaada.m pahaaya musaa-vaadaa pa.tivirato hoti,||
sacca-vaadii sacca-sandho theto paccayiko avisa.mvaadako lokassa.|| ||

Pisuna.m vaaca.m pahaaya pisunaaya vaacaaya pa.tivirato hoti,||
ito sutvaa na amutra akkhaataa imesa.m bhedaaya,amutra vaa sutvaa na imesa.m akkhaataa amuusa.m bhedaaya,||
iti bhinnaana.m vaa sandhaataa sahitaana.m vaa anuppadaataa,||
samaggaaraamo samagga-rato samagganandi samagga-kara.ni.m vaaca.m bhaasitaa hoti.|| ||

Pharusa.m vaaca.m pahaaya pharusaaya vaacaaya pa.tivirato hoti,||
yaa saa vaacaa ne'aa ka.n.na-sukhaa pemaniiyaa hadaya'n-gamaa porii bahujana-kantaa bahujana-manaapaa,||
tathaaruupa.m vaaca.m bhaasitaa hoti.|| ||

Samphappalaapa.m pahaaya samphappalaapaa pa.tivirato hoti,||
kaala-vaadii bhuuta-vaadii attha-vaadii dhamma-vaadii vinaya-vaadii nidhaanavati.m vaaca.m bhaasitaa kaalena saapadesa.m pariyantavati.m atthasa.mhita.m.|| ||

So biijagaama-bhuutagaama-samaarambhaa pa.tivirato hoti.|| ||

Eka-bhattiko hoti rattuparato virato vikaala-bhojanaa.|| ||

Nacca-giita-vaadita-visuuka-dassanaa pa.tivirato hoti.|| ||

Maalaa-gandha-vilepana-dhaara.na-ma.n.dana-vibhuusana-.t.thaanaa pa.tivirato hoti.|| ||

Uccaasayana-mahaasayanaa pa.tivirato hoti.|| ||

Jaataruuparajatapa.tiggahanaa pa.tivirato hoti aamakadha~n~napa.tiggahanaa pa.tivirato hoti.|| ||

Aamakama.msapa.tiggahanaa pa.tivirato hoti.|| ||

Itthikumaarikapa.tiggahanaa pa.tivirato hoti.|| ||

Daasidaasapa.tiggahanaa pa.tivirato hoti.|| ||

Aje.lakapa.tiggahanaa pa.tivirato hoti.|| ||

Kukku.tasuukarapa.tiggahanaa pa.tivirato hoti.|| ||

Hatthigavaassava'avaapa.tiggahanaa pa.tivirato hoti.|| ||

Khettavatthupa.tiggahanaa pa.tivirato hoti.|| ||

Duuteyyapahiinagamanaanuyogaa pa.tivirato hoti.|| ||

Kaya-vikkayaa pa.tivirato hoti.|| ||

Tulaakuu.taka.msaku.tamaanakuu.taa pa.tivirato hoti.|| ||

Ukko.tana-va~ncana-nikati-saaci-yogaa pa.tivirato hoti.|| ||

Chedana-vadhabandhana-viparaamosa-aalopa-sahasaakaaraa pa.tivirato hoti.|| ||

So santu.t.tho hoti kaayaparihaarikena ciivarena,||
kucchiparihaarikena pi.n.dapaatena,||
so yena yen'eva pakkamati,||
samaadaayeva pakkamati.|| ||

Seyyathaa pi naama pakkhii saku.no yena yen'eva .deti,||
sapattabhaarova .deti.|| ||

Evam eva.m bhikkhu santu.t.tho hoti kaayaparihaari kena ciivarena,||
kucchiparihaarikena pi.n.dapaatena.|| ||

Yena yen'eva pakkamati samaadaayeva pakkamati.|| ||

So iminaa ariyena siilakkhandhena samannaagato ajjhatta.m anavajjasukha.m pa.tisa'nvedeti.|| ||

So cakkhunaa ruupa.m disvaa na nimittaggaahii hoti naanuvya~njanaggaahii,||
yatvaadhikara.namena.m cakkhu'ndriya.m asa.mvuta.m viharanta.m abhijjhaa domanassaa paapakaa akusalaadhammaa anvaassaveyyu.m,tassa sa.mvaraaya pa.tipajjati,rakkhati cakkhu'ndriya.m,cakkhu'ndriyesa.mvara.m aapajjati.|| ||

So sotena sadda.m sutvaa na nimittaggaahii hoti naanuvya~njanaggaahii,||
yatvaadhikara.namena.m sotendriya.m asa.mvuta.m viharanta.m abhijjhaa domanassaa paapakaa akusalaadhammaa anvaassaveyyu.m,tassa sa.mvaraaya pa.tipajjati,rakkhati sotendriya.m,||
sotendriyesa.mvara.m aapajjati.|| ||

So ghaanena gandha.m ghaayitvaa na nimittaggaahii hoti naanuvya~njanaggaahii,||
yatvaadhikara.namena.m ghaanendriya.m asa.mvuta.m viharanta.m abhijjhaa domanassaa paapakaa akusalaadhammaa anvaassaveyyu.m,tassa sa.mvaraaya pa.tipajjati,rakkhati ghaanendriya.m,ghaanendriye sa.mvara.m aapajjati.|| ||

So jivhaaya rasa.m saayitvaa na nimittaggaahii hoti naanuvya~njanaggaahii,||
yatvaadhikara.namena.m jivhendriya.m asa.mvuta.m viharanta.m abhijjhaa domanassaa paapakaa akusalaadhammaa anvaassaveyyu.m,tassa sa.mvaraaya pa.tipajjati,rakkhati jivhendriya.m,jivhendriye sa.mvara.m aapajjati.|| ||

So kaayena pho.t.thabba.m phuusitvaa na nimittaggaahii hoti naanuvya~njanaggaahii,||
yatvaadhikara.namena.m kaayendriya.m asa.mvuta.m viharanta.m abhijjhaa domanassaa paapakaa akusalaadhammaa anvaassaveyyu.m,tassa sa.mvaraaya pa.tipajjati,rakkhati kaayendriya.m,kaayendriye sa.mvara.m aapajjati.|| ||

So manasaa dhamma.m vi~n~naaya na nimittaggaahii hoti naanuvya~njanaggaahii,||
yatvaadhikara.namena.m manendriya.m asa.mvuta.m viharanta.m abhijjhaa domanassaa paapakaa akusalaadhammaa anvaassaveyyu.m,tassa sa.mvara.m pa.tipajjati,rakkhati manendriya.m,manendriye sa.mvara.m aapajjati.|| ||

So iminaa ariyena indriyasa.mvarena samannaagato ajjhatta.m abyaasekasukha.m pa.tisa'nvedeti|| ||

So abhikkante pa.tikkante sampajaanakaarii hoti,||
aalokite vilokite sampajaanakaarii hoti,||
sammi~njite pasaarite sampajaanakaarii hoti,||
sanghaa.tipattaciivaradhaara.ne sampajaanakaarii hoti,||
asite piite khaayite saayite sampajaanakaarii hoti,||
uccaarapassaavakamme sampajaanakaarii hoti,||
gate .thite nisinne sutte jaagarite bhaasite tu.nhiibhaave sampajaanakaarii hoti.|| ||

So iminaa ca ariyena siilakkhandhena samannaagato iminaa ca ariyena indriyasa.mvarena samannaagato iminaa ca ariyena satisampaja~n~nena samannaagato vivitta.m senaasana.m bhajati.|| ||

Ara~n~na.m rukkhamuula.m pabbata.m kandara.m giriguha.m susaana.m vanapatta.m abbhokaasa.m palaalapu~nja.m.|| ||

So pacchaabhatta.m pi.n.dapaatapa.tikkanto nisiidati palla'nka.m aabhujitvaa uju.m kaaya.m panidhaaya,||
parimukha.m sati.m upa.t.thapetvaa.|| ||

So abhijjha.m loke pahaaya vigataabhijjhena cetasaa viharati,||
abhijjhaaya citta.m parisodheti.|| ||

Vyaapaadapadosa.m pahaaya abyaapannacitto viharati sabba-paa.na-bhuuta-hitaanukampii.|| ||

Vyaapaadapadosaa citta.m parisodheti,||
thiinamiddha.m pahaaya vigatatiinamiddho viharati aalokasa~n~ni sato sampajaano.|| ||

Thiinamiddhaa citta.m parisodheti,||
uddaccakukkucca.m pahaaya anuddhato viharati ajjhatta.m vuupasantacitto.|| ||

Uddhaccakukkuccaa citta.m parisodheti.|| ||

Vicikiccha.m pahaaya ti.n.navicikiccho viharati akatha'nkathii kusalesu dhammesu.|| ||

Vicikicchaaya citta.m parisodheti.|| ||

So ime pa~ncaniivara.ne pahaaya cetaso upakkilese pa~n~naaya dubbaliikara.ne,||
vivicc'eva kaamehi vivicca akusalehi dhammehi savitakka.m savicaara.m vivekaja.m piiti-sukha.m pa.thama.m-jhaana.m upasampajja viharati.|| ||

Vitakka-vicaaraana.m vuupasamaa ajjhatta.m sampasaadana.m cetaso ekodi-bhaava.m avitakka.m avicaara.m samaadhija.m piiti-sukha.m dutiya.m-jhaana.m upasampajja viharati.|| ||

Piitiyaa ca viraagaa upekkhako ca viharati.|| ||

Sato ca sampajaano sukha~nca kaayena pa.tisa'nvedeti. Yanta.m ariyaa aacikkhanti:|| ||

'Upekkhako satimaa sukha-vihaarii' ti ta.m tatiya.m-jhaana.m upasampajja viharati.|| ||

Sukhassa ca pahaanaa dukkhassa ca pahaanaa,||
pubbe va somanassa-domanassaana.m attha'ngamaa adukkha.m-asukha.m upekkhaa-sati-paarisuddhi.m catuttha.m-jhaana.m upasampajja viharati.|| ||

So eva.m samaahite citte parisuddhe pariyodaate ana'nga.ne vigatupakkilese mudubhuute kammaniye .thite aanejjappatte pubbe nivaasaanussati~naa.naaya citta.m abhininnaameti.|| ||

So aneka-vihita.m pubbenivaasa.m anussarati,||
seyyathiida.m: ekam pi jaati.m dve pi jaatiyo,||
Tisso pi jaatiyo catasso pi jaatiyo pa~nca pi jaatiyo dasa pi jaatiyo viisatim pi jaatiyo ti.msam pi jaatiyo cattaariisamipi jaatiyo pa~n~naasam pi jaatiyo jaati-satam pi jaati-sahassam pi jaati-sata-sahassam pi anekepi sa.mva.t.takappe anekepi viva.t.takappe anekepi sa.mva.t.ta-viva.t.takappe amutraasi.m eva.m-naamo ev'ngotto eva.m-va.n.no evam-aahaaro eva.m-sukha-dukkha-pa.tisa'nvedi evam-aayu-pariyanto.|| ||

So tato cuto amutra udapaadi.m5 tatraapaasi.m eva.m-naamo ev'ngotto eva.m-va.n.no evam-aahaaro eva.m-sukha-dukkha-pa.tisa'nvedi evam-aayu-pariyanto.|| ||

So tato cuto idhuupapanno' ti.|| ||

Iti saakaara.m sa-uddesa.m aneka-vihita.m pubbenivaasa.m anussarati.|| ||

So eva.m samaahite citte parisuddhe pariyodaate ana'nga.ne vigatuupakkilese mudubhuute kammaniye .thite aanejjappatte4 sattaana.m cuutupapaata~naa.naaya citta.m abhininnaameti.|| ||

So dibbena cakkhunaa visuddhena atikkantamaanusakena satte passati cavamaane upapajjamaane,||
hine pa.niite suva.n.ne dubba.n.ne sugate duggate yathaakammuupage satte pajaanaati.|| ||

Ime vata bhonto sattaa kaayaduccaritena samannaagataa vaciiduccaritena samannaagataa manoduccaritena samannaagataa ariyaana.m upavaadakaa micchadi.t.thikaa micchaadi.t.thikammasamaadaanaa,||
te kaayassa bhedaa param mara.naa apaaya.m duggati.m vinipaata.m Niraya.m upapannaa,||
ime vaa pana bhonto sattaa kaayasucaritena samannaagataa vaciisucaritena samannaagataa manosucaritena samannaagataa ariyaana.m anupavaadakaa sammaadi.t.thikaa sammaadi.t.thikammasamaadaanaa,||
te kaayassa bhedaa param mara.naa sugati.m sagga.m loka.m upapannaa' ti.|| ||

Iti dibbena cakkhunaa visuddhena atikkantamaanusakena satte passati cavamaane upapajjamaane hiine pa.niite suva.n.ne dubba.n.ne sugate duggate yathaakammuupage satte pajaanaati,|| ||

So eva.m samaahite citte parisuddhe pariyodaate ana'nga.ne vigatuupakkilese mudubhuute kammaniye .thite aanejjappatte aasavaana.m khaya~naa.naaya citta.m abhininnaameti,||
so ida.m dukkhan ti yathaabhuuta.m pajaanaati,||
aya.m dukkhasamudayo ti yathaabhuuta.m pajaanaati,||
aya.m dukkhanirodho ti yathaabhuuta.m pajaanaati,||
aya.m dukkhanirodhagaaminiipa.tipadaa ti yathaabhuuta.m pajaanaati.|| ||

Ime aasavaani yathaabhuuta.m pajaanaati,||
aya.m aasavasamudayoti yathaabhuuta.m pajaanaati,||
aya.m aasavanirodhoti yathaabhuuta.m pajaanaati,||
aya.m aasavanirodhagaaminiipa.tipadaa ti yathaabhuuta.m pajaanaati.|| ||

Tassa eva.m jaanato eva.m passato kaamaasavaa pi citta.m vimuccati,||
bhavaasavaa pi citta.m vimuccati,||
avijjaasavaa pi citta.m vimuccati.|| ||

Vimuttasmi.m vimuttamiti ~naa.na.m hoti: khii.naa jaati vusita.m brahmacariya.m kata.m kara.niiya.m naapara.m itthattaayaati pajaanaati.|| ||

Aya.m vuccati braahma.na,||
puggalo n'evattantapo naattaparitaapanaanuyogamanuyutto,||
na parantapo na paraparitaapanaanuyogamanuyutto,||
so anattantapo aparantapo di.t.th'evadhamme nicchaato nibbuto siitibhuuto sukhapa.tisa'nvedi brahmabhuutena attanaa viharatii' ti.|| ||

Eva.m vutte gho.tamukho braahma.no aayasmanta.m udena.m etad avoca: abhikkanta.m bho udena,||
abhikkanta.m bho udena,||
seyyathaa pi bho udena,||
nikkujjita.m vaa ukkujjeyya,||
pa.ticchanna.m vaa vivareyya,||
muu.lhassa vaa magga.m aacikkheyya,||
andhakaare vaa telapajjota.m dhaareyya,||
'cakkhumanto ruupaani dakkhintii'ti,||
evam eva.m bhotaa udenena aneka-pariyaayena dhammo pakaasito.|| ||

Esaaha.m bhavanta.m udena.m sara.na.m gacchaami dhamma~nca bhikkhu-sa'ngha~n ca.|| ||

Upaasaka.m ma.m bhava.m udeno dhaaretu ajjatagge paa.nupeta.m sara.na.m gatan' ti.|| ||

Maa kho ma.m tva.m braahma.na,sara.na.m agamaasi,||
tameva tva.m Bhagavanta.m sara.na.m gaccha yamaha.m sara.na.m gatoti.|| ||

Kaha.m pana bho udena,||
etarahi so bhava.m Gotamo viharati araha.m Sammaa-sambuddhoti?

Parinibbuto kho braahma.na,||
etarahi so Bhagavaa araha.m Sammaa-sambuddhoti.|| ||

Sace hi maya.m bho udena,||
su.neyyaama ta.m bhavanta.m Gotama.m dassu yojanesu,||
dasa pi maya.m yojanaani gaccheyyaama ta.m bhavanta.m Gotama.m dassanaaya arahanta.m sammaasambuddha.m.|| ||

Sace maya.m bho udena,||
su.neyyaama ta.m bhavanta.m Gotama.m viisatiyaa yojanesu,viisatipi maya.m yojanaani gaccheyyaama ta.m bhavanta.m Gotama.m dassanaaya arahanta.m sammaasambuddha.m.|| ||

Sace hi maya.m bho udena,||
su.neyyaama ta.m bhavanta.m Gotama.m ti.msaaya yojanesu,||
ti.msmapi maya.m yojanaani gaccheyyaama ta.m bhavanta.m Gotama.m dassanaaya arahanta.m sammaasambuddha.m.|| ||

Sace maya.m bho udena,||
su.neyyaama ta.m bhavanta.m Gotama.m cattaarisaaya yojanesu,||
cattaarismapi maya.m yojanaani gaccheyyaama ta.m bhavanta.m Gotama.m dassanaaya arahanta.m sammaasambuddha.m.|| ||

Sace maya.m bho udena,||
su.neyyaama ta.m bhavanta.m Gotama.m pa~n~naasaaya yojanesu,||
pa~n~naasam pi maya.m yojanaani gaccheyyaama ta.m bhavanta.m Gotama.m dassanaaya arahanta.m sammaasambuddha.m.|| ||

Yojanasatepi [163] maya.m bho udena,||
su.neyyaama ta.m bhavanta.m Gotama.m,||
yojanasatam pi maya.m gaccheyyaama ta.m bhavanta.m Gotama.m dassanaaya arahanta.m sammaasambuddha.m.|| ||

Yato ca kho bho udena,||
parinibbuto so bhava.m Gotamo,||
parinibbutampi maya.m ta.m bhavanta.m Gotama.m sara.na.m gacchaama dhamma~nca bhikkhu-sa'ngha~n ca.|| ||

Upaasaka.m ma.m bhava.m udeno dhaaretu ajjatagge paa.nupeta.m sara.na.m gata.m.|| ||

Atthi ca me bho udena,||
a'ngaraajaa devasika.m niccabhikkha.m dadaati.|| ||

Tatoha.m bhoto udenassa eka.m niccabhikkha.m dadaamiiti.|| ||

Ki.m pana te braahma.na,||
a'ngaraajaa devasika.m niccabhikkha.m dadaatiiti? Pa~nca bho udena,||
kahaapa.nasataaniiti na kho no braahma.na,||
kappati jaataruuparajata pa.tiggahetunti.|| ||

Sace ta.m bhoto udenassa na kappati,||
vihaara.m bhoto udenassa kaaraapessaamiiti.|| ||

Sace kho me tva.m braahma.na,||
vihaara.m kaaraapetukaamo,paa.taliiputte Sa'nghassa upa.t.thaanasaala.m kaaraapehiiti.|| ||

Iminaap'aha.m1 bhoto udenassa bhiiyosomattaaya attamano abhiraddho,||
ya.m ma.m bhava.m udeno sa'nghe daane samaadapeti.|| ||

Esaaha.m bho udena,||
etissaa ca niccabhikkhaaya aparaaya ca niccabhikkhaaya paa.taliputte Sa'nghassa upa.t.thaanasaala.m kaaraapessaamiti.|| ||

Atha kho gho.tamukho braahma.no etissaa ca niccabhikkhaaya aparaaya ca niccabhikkhaaya paa.taliputte Sa'nghassa upa.t.thaanasaala.m kaaraapesi.|| ||

Saa etarahi gho.tamukhiti vuccatii ti.|| ||

Gho.tamukhasutta.m catuttha.m


 

Contact:
E-mail
Copyright Statement