Majjhima Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Majjhima Nikaaya
III. Upari Pa.n.naasa
1. Devadaha Vagga

Sutta 102

Pa~ncattaya Sutta.m

Based on the 'Sri Lanka Buddha Jayanti Tripitaka Series.'

 


 

[1][chlm][pts][upal] Eva.m me suta.m|| ||

Eka.m samaya.m Bhagavaa Saavatthiiya.m viharati Jetavane Anaathapi.n.dikassa aaraame.|| ||

Tatra kho Bhagavaa bhikkhu aamantesi|| ||

"Bhikkhavo" ti.|| ||

"Bhadante" ti te bhikkhu Bhagavato paccassosu.m Bhagavaa etad avoca:|| ||

"Santi, bhikkhave, eke sama.na-braahma.naa||
aparanta-kappikaa||
aparantaanudi.t.thino||
aparanta.m aarabbha||
aneka-vihitaani adhivutti-padaani abhivadanti.|| ||

'Sa~n~nii attaa hoti arogo param mara.naa' ti||
itth'eke abhivadanti.|| ||

'Asa~n~nii attaa hoti arogo param mara.naa' ti itth'eke abhivadanti.|| ||

'N'evasa~n~nii naasa~n~nii attaa hoti arogo param mara.naa' ti itth'eke abhivadanti.|| ||

Sato vaa pana sattassa uccheda.m vinaasa.m vibhava.m pa~n~naapenti.|| ||

Di.t.tha-dhamma-nibbaana.m vaa pan'eke abhivadanti.|| ||

Iti santa.m vaa attaana.m pa~n~naapenti aroga.m param mara.naa.|| ||

Sato vaa pana sattassa uccheda.m vinaasa.m vibhava.m pa~n~naapenti.|| ||

Di.t.tha-dhamma-nibbaana.m vaa pan'eke abhivadanti.|| ||

Iti santa.m vaa attaana.m pa~n~naapenti aroga.m param marana.|| ||

Sato vaa pana sattassa uccheda.m vinaasa.m vibhava.m pa~n~naapenti.|| ||

Di.t.tha-dhamma-nibbaana.m va pan'eka abhivadanti.|| ||

Iti imaani pa~nca hutvaa tii.nii honti||
tii.nii hutvaa pa~nca honti.|| ||

Ayam uddeso pa~ncattayassa.|| ||

 


 

Tatra, bhikkhave, ye te sama.na-braahma.naa sa~n~ni.m attaana.m [229] pa~n~naapenti aroga.m param mara.naa.|| ||

Ruupi.m vaa te bhonto sama.na-braahma.naa sa~n~ni.m attaana.m pa~n~naapenti aroga.m param mara.naa.|| ||

Aruupi.m vaa te bhonto sama.na-braahma.naa sa~n~ni.m attaana.m pa~n~naapenti aroga.m param mara.naa.|| ||

Ruupi~n ca aruupi~n ca vaa te bhonto sama.na-braahma.naa sa~n~ni.m attaana.m pa~n~naapenti aroga.m param mara.naa.|| ||

N'evaruupi.m naaruupi.m vaa te bhonto sama.na-braahma.naa sa~n~ni.m attaana.m pa~n~naapenti aroga.m param mara.naa.|| ||

Ekatta-sa~n~ni.m vaa te bhonto sama.na-braahma.naa sa~n~ni.m attaana.m pa~n~naapenti aroga.m param mara.naa.|| ||

Naanatta-sa~n~ni.m vaa te bhonto sama.nabrahma.naa sa~n~ni.m attaana.m pa~n~naapenti aroga.m param mara.naa.|| ||

Paritta-sa~n~ni.m vaa te bhonto sama.na-braahma.naa sa~n~ni.m attaana.m pa~n~naapenti aroga.m param mara.naa.|| ||

Appamaa.na-sa~n~ni.m vaa te bhonto sama.na-braahma.naa sa~n~ni.m attaana.m pa~n~naapenti aroga.m param mara.naa.|| ||

Eta.m vaa pan'ekesa.m upaativattata.m vi~n~naa.na-kasi.na.m eke abhivadanti appamaa.na.m aane~nja.m.|| ||

Ta-y-ida.m, bhikkhave, Tathaagato pajaanaati:|| ||

Ye kho te bhonto sama.na-braahma.naa sa~n~ni.m attaana.m pa~n~naapenti aroga.m param mara.naa -|| ||

Ruupi.m vaa te bhonto sama.na-braahma.naa sa~n~ni.m attaana.m pa~n~naapenti aroga.m param mara.naa.|| ||

Aruupi.m vaa te bhonto sama.na-braahma.naa sa~n~ni.m attaana.m pa~n~naapenti aroga.m param mara.naa.|| ||

Ruupi~n ca aruupi~n ca vaa te bhonto sama.na-braahma.naa sa~n~ni.m attaana.m pa~n~naapenti aroga.m param mara.naa.|| ||

N'evaruupi.m naaruupi.m vaa te bhonto sama.na-braahma.naa sa~n~ni.m attaana.m pa~n~naapenti aroga.m param mara.naa.|| ||

Ekatta-sa~n~ni.m vaa te bhonto sama.na-braahma.naa sa~n~ni.m attaana.m pa~n~naapenti aroga.m param mara.naa.|| ||

Naanatta-sa~n~ni.m vaa te bhonto sama.na-braahma.naa sa~n~ni.m attaana.m pa~n~naapenti aroga.m param mara.naa.|| ||

Paritta-sa~n~ni.m vaa te bhonto sama.na-braahma.naa sa~n~ni.m attaana.m pa~n~naapenti aroga.m param mara.naa.|| ||

Appamaa.na-sa~n~ni.m vaa te bhonto sama.na-braahma.naa sa~n~ni.m attaana.m pa~n~naapenti aroga.m param mara.naa.|| ||

Yaa vaa pan'esa.m sa~n~naana.m parisuddhaa paramaa aggaa anuttariyaa [230] akkhaayati||
yadi ruupa-sa~n~naana.m||
yadi aruupa-sa~n~naana.m||
yadi ekatta-sa~n~naana.m||
yadi naanatta-sa~n~naana.m||
'N'atthi ki~nci' ti||
aaki~nca~n~naayatana.m eke abhivadanti appamaa.na.m aane~nja.m.|| ||

Ta-y-ida.m sa'nkhata.m o.laarika.m:||
'Atthi kho pana Sankhaaraana.m nirodho,||
atth'etan' ti||
iti viditvaa tassa nissara.na-dassaavii Tathaagato tad upaativatto.|| ||

 


 

Tatra, bhikkhave, ye te sama.na-braahma.naa asa~n~ni.m attaana.m pa~n~naapenti aroga.m param mara.naa -|| ||

Ruupi.m vaa te bhonto sama.na-braahma.naa asa~n~ni.m attaana.m pa~n~naapenti aroga.m param mara.naa.|| ||

Aruupi.m vaa te bhonto sama.na-braahma.naa asa~n~ni.m attaana.m pa~n~naapenti aroga.m param mara.naa.|| ||

Ruupi~n ca aruupi~n ca vaa te bhonto sama.na-braahma.naa asa~n~ni.m attaana.m pa~n~naapenti aroga.m param mara.naa.|| ||

N'evaruupi.m naaruupi.m vaa te bhonto sama.na-braahma.naa asa~n~ni.m attaana.m pa~n~naapenti aroga.m param mara.naa.|| ||

Tatra, bhikkhave, ye te sama.na-braahma.naa sa~n~ni.m attaana.m pa~n~naapenti aroga.m param mara.naa,||
tesa.m eke pa.tikkosanti.|| ||

Ta.m kissa hetu?|| ||

'Sa~n~naa-rogo,||
sa~n~naa-ga.n.do,||
sa~n~naa-salla.m||
eta.m satta.m||
eta.m pa.niita.m||
yad ida.m asa~n~nan' ti.|| ||

Ta-y-ida.m, bhikkhave, Tathaagato abhijaanaati.|| ||

Ye kho te bhonto sama.na-braahma.naa asa~n~ni.m attaana.m pa~n~naapenti aroga.m param mara.naa.|| ||

Ruupi.m vaa te bhonto sama.na-braahma.naa asa~n~ni.m attaana.m pa~n~naapenti aroga.m param mara.naa.|| ||

Aruupi.m vaa te bhonto sama.na-braahma.naa asa~n~ni.m attaana.m pa~n~naapanti aeroga.m param mara.naa.|| ||

Ruupi~n ca aruupi~n ca vaa te bhonto sama.na-braahma.naa asa~n~ni.m attaana.m pa~n~naapenti aroga.m param mara.naa.|| ||

N'evaruupi.m naaruupi.m vaa te bhonto sama.na-braahma.naa asa~n~ni.m attaana.m pa~n~naapenti aroga.m param mara.naa.|| ||

Yo hi koci bhikkhave,||
sama.no vaa braahma.no vaa eva.m vadeyya:|| ||

'Aham a~n~natra ruupaa
a~n~natra vedanaaya
a~n~natra sa~n~naaya
a~n~natra Sankhaarehi
vi~n~naa.nassa aagati.m vaa
gati.m vaa
cuti.m vaa
upapatti.m vaa
vu.d.dhi.m vaa
viruu.lhi.m vaa
vepulla.m vaa
pa~n~naapessaamii' ti,||
n'eta.m .thaana.m vijjati.|| ||

Ta-y-ida.m sa'nkhata.m o.laarika.m.|| ||

Atthi kho pana Sankhaaraana.m

[231] nirodho,||
atth'etan ti iti viditvaa tassa nissara.na-dassaavii Tathaagato tad upaativatto.|| ||

 


 

Tatra, bhikkhave, ye te sama.na-braahma.naa n'eva sa~n~ni.m naasa~n~ni.m attaana.m pa~n~naapenti aroga.m param mara.naa.|| ||

Ruupi.m vaa te bhonto sama.na-braahma.naa n'eva sa~n~ni.m naasa~n~ni.m attaana.m pa~n~naapenti aroga.m param mara.naa.|| ||

Aruupi.m vaa te bhonto sama.na-braahma.naa n'eva sa~n~ni.m naasa~n~ni.m attaana.m pa~n~naapenti aroga.m param mara.naa.|| ||

Ruupi~n ca aruupi~n ca vaa te bhonto sama.na-braahma.naa n'eva sa~n~ni.m naasa~n~ni.m attaana.m pa~n~naapenti aroga.m param mara.naa.|| ||

N'evaruupi.m naaruupi.m vaa te bhonto sama.na-braahma.naa n'eva sa~n~ni.m naasa~n~ni.m attaana.m pa~n~naapenti aroga.m param mara.naa.|| ||

Tatra, bhikkhave, ye te sama.na-braahma.naa sa~n~ni.m attaana.m pa~n~naapenti aroga.m param mara.naa,tesa.m eke pa.tikkosanti,||
yepi te bhonto sama.na-braahma.naa asa~n~ni.m attaana.m pa~n~naapenti aroga.m param mara.naa.|| ||

Tesa.m eke pa.tikkosanti.|| ||

Ta.m kissa hetu?|| ||

Sa~n~naa-rogo,||
sa~n~naa-ga.n.do,||
sa~n~naa-salla.m,||
asa~n~naa-sammoho||
eta.m satta.m||
eta.m pa.niita.m||
yad ida.m n'eva-sa~n~naa-naa-sa~n~nanti.|| ||

Tayida.m bhikkhave, Tathaagato abhijaanaati:|| ||

Ye kho te bhonto,||
sama.na-braahma.naa n'eva sa~n~ni.m naasa~n~ni.m attaana.m pa~n~naapenti aroga.m param mara.naa:|| ||

Ruupi.m vaa te bhonto sama.na-braahma.naa n'eva sa~n~ni.m naasa~n~ni.m attaana.m pa~n~naapenti aroga.m param mara.naa.|| ||

Aruupi.m vaa te bhonto sama.na-braahma.naa n'eva sa~n~ni.m naasa~n~ni.m attaana.m pa~n~naapenti aroga.m param mara.naa.|| ||

Ruupi~n ca aruupi~n ca vaa te bhonto sama.na-braahma.naa n'eva sa~n~ni.m naasa~n~ni.m attaana.m pa~n~naapenti aroga.m param mara.naa.|| ||

N'evaruupi.m naaruupi.m vaa te bhonto sama.na-braahma.naa n'eva sa~n~ni.m naasa~n~ni.m attaana.m pa~n~naapenti aroga.m param mara.naa.|| ||

Ye hi keci, bhikkhave, sama.naa vaa braahma.naa vaa di.t.tha-suta-muta-vi~n~naatabbassa Sankhaara-mattena etassa aayatanassa upasampada.m pa~n~naapenti.|| ||

Byasana.m h'eta.m bhikkhave,||
akkhaayati etassa aayatanassa upasampadaaya.|| ||

[232] Na h'eta.m bhikkhave,||
aayatana.m sasankhaara-samaapatti pattabba-makkhaayati.|| ||

Sankhaaraavasesa-samaapatti-pattabbame ta.m bhikkhave aayatana.m akkhaayati.|| ||

Ta-y-ida.m sa'nkhata.m o.laarika.m.|| ||

Atthi kho pana Sankhaaraana.m nirodho,||
atth'etan ti iti viditvaa tassa nissara.na-dassaavii Tathaagato tad upaativatto.|| ||

 


 

Tatra, bhikkhave, ye te sama.na-braahma.naa sato sattassa uccheda.m vinaasa.m vibhava.m pa~n~naapenti.|| ||

Tatra, bhikkhave, ye te sama.na-braahma.naa sa~n~ni.m attaana.m pa~n~naapenti aroga.m param mara.naa,||
tesam eke pa.tikkosanti.|| ||

Ye pi te bhonto sama.na-braahma.naa asa~n~ni.m attaana.m pa~n~naapenti aroga.m param mara.naa tesam eke pa.tikkosanti;|| ||

Ye pi te bhonto sama.na-braahma.naa n'eva sa~n~ni.m naasa~n~ni.m attaana.m pa~n~naapenti aroga.m param mara.naa,||
tesam eke pa.tikkosanti.|| ||

Ta.m kissa hetu?|| ||

'Sabbe p'ime bhonto sama.na-braahma.naa uddha.m-saraa aasatti.m yeva abhivadanti.|| ||

"Iti pecca bhavissaama||
iti pecca bhavissaamaa" ti.|| ||

Seyyathaa pi naama vaa.nijassa gacchato eva.m hoti:|| ||

"Ito me ida.m bhavissati,||
iminaa ida.m lacchaamii" ti.|| ||

Evam eva ime bhonto sama.na-braahma.naa||
vaa.nijuupamaa ma~n~ne pa.tibhanti:|| ||

"Iti pecca bhavissaama,||
iti pecca bhavissaamii"' ti.|| ||

Ta-y-ida.m, bhikkhave, Tathaagato abhijaanaati.|| ||

Ye kho te bhonto sama.na-braahma.naa sato sattassa uccheda.m vinaasa.m vibhava.m pa~n~naapenti,||
te sakkaaya-bhayaa||
sakkaaya-parijegucchaa||
sakkaaya.m yeva anuparidhaavanti||
anuparivattanti.|| ||

Seyyathaa pi naama saa||
gaddula-baddho da.leha thambhe vaa||
khiile vaa upani-baddho||
[233] tam eva thambha.m vaa||
khiilra.m vaa||
anuparidhaavati anuparivattati.|| ||

Evam ev'ime bhonto sama.na-braahma.naa sakkaaya-bhayaa sakkaaya-parijegucchaa sakkaaya.m yeva anuparidhaavanti,||
anuparivattanti.|| ||

Ta-y-ida.m sa'nkhata.m o.laarika.m,||
atthi kho pana Sankhaaraana.m nirodho atth'etan ti.|| ||

Iti viditvaa tassa nissara.na-dassaavii Tathaagato tad upaativatto.|| ||

Ye hi keci, bhikkhave, sama.naa vaa braahma.naa vaa aparanta-kappikaa aparantaanudi.t.thino aparanta.m aarabbha aneka-vihitaani adhivutti-padaani abhivadanti.|| ||

Sabbe te imaan'eva pa~ncaayatanaani abhivadanti etesa.m vaa a~n~natara.m.|| ||

Santi, bhikkhave, eke sama.na-braahma.naa pubbanta-kappikaa pubbantaanudi.t.thino pubbanta.m aarabbha aneka-vihitaani adhivutti-padaani abhivadanti.|| ||

Sassato attaa ca loko ca,||
idam eva sacca.m mogham a~n~nan ti itth'eke abhivadanti.|| ||

Asassato attaa ca loko ca,||
idam eva sacca.m mogham a~n~nan ti itth'eke abhivadanti.|| ||

Sassato ca asassato ca attaa ca loko ca,||
idam eva sacca.m mogham a~n~nan ti itth'eke abhivadanti.|| ||

N'eva sassato naasassato attaa ca loko ca,||
idam eva sacca.m mogham a~n~nan ti itth'eke abhivadanti antavaa attaa ca loko ca,||
idam eva sacca.m mogham a~n~nan ti itth'eke abhivadanti.|| ||

Anantavaa attaa ca loko ca,||
idam eva sacca.m mogham a~n~nan ti itth'eke abhivadanti.|| ||

Antavaa ca anantavaa ca attaa ca loko ca,||
idam eva sacca.m mogham a~n~nan ti itth'eke abhivadanti.|| ||

N'ev'antavaa naanantavaa attaa ca loko ca,||
idam eva sacca.m mogham a~n~nan ti itth'eke abhivadanti.|| ||

Ekatta-sa~n~nii attaa ca loko ca,||
idam eva sacca.m mogham a~n~nan ti itth'eke abhivadanti.|| ||

Naanatta-sa~n~nii attaa ca loko ca,||
idam eva sacca.m mogham a~n~nan ti itth'eke abhivadanti.|| ||

Paritta-sa~n~ni attaa ca loko ca,||
idam eva sacca.m mogham a~n~nan ti itth'eke abhivadanti.|| ||

Appamaa.na-sa~n~nii attaa ca loko ca,||
idam eva sacca.m mogham a~n~nan ti itth'eke abhivadanti.|| ||

Ekanta-sukhii attaa ca loko ca,||
idam eva sacca.m mogham a~n~nan ti itth'eke abhivadanti.|| ||

Ekanta-dukkhii attaa ca loko ca,||
idam eva [234] sacca.m mogham a~n~nan ti itth'eke abhivadanti.|| ||

Sukha-dukkhii attaa ca loko ca,||
idam eva sacca.m mogham a~n~nan ti itth'eke abhivadanti.|| ||

Adukkha-m-asukhii attaa ca loko ca,||
idam eva sacca.m mogham a~n~nan ti itth'eke abhivadanti.|| ||

Tatra, bhikkhave, ye te sama.na-braahma.naa eva.mvaadino eva.m-di.t.thino:||
sassato attaa ca loko ca,||
idam eva sacca.m mogham a~n~nan ti.|| ||

Tesa.m vata a~n~natr'eva saddhaaya a~n~natra ruciyaa a~n~natra anussavaa a~n~natra aakaaraparivitakkaa a~n~natra di.t.thinijjhaanakkhantiyaa paccatta.m yeva ~naa.na.m bhavissati parisuddha.m pariyodaatanti.|| ||

Neta.m .thaana.m vijjati.|| ||

Paccatta.m kho pana bhikkhave,||
~naa.ne asati parisuddhe pariyodaate,||
yada pi te bhonto sama.na-braahma.naa tattha ~naa.nabhaagamattameva pariyodapenti,||
tad api tesa.m bhavata.m sama.na-braahma.naana.m upaadaanamakkhaayati.|| ||

Ta-y-ida.m sa'nkhata.m o.laarika.m,||
atthi kho pana Sankhaaraana.m nirodho,||
atth'etan ti iti viditvaa tassa nissara.na-dassaavii Tathaagato tad upaativatto.|| ||

Tatra, bhikkhave, ye te sama.na-braahma.naa eva.mvaadino eva.m-di.t.thino:||
asassato attaa ca loko ca,||
idam eva sacca.m mogham a~n~nan ti itth'eke abhivadanti.|| ||

Sassato ca asassato attaa ca loko ca,||
idam eva sacca.m mogham a~n~nan ti itteke abhivadanti.|| ||

N'eva sassato naasassato attaa ca loko ca idam eva sacca.m mogham a~n~nan ti itth'eke abhivadanti antavaa attaa ca loko ca,||
idam eva sacca.m mogham a~n~nan ti itth'eke abhivadanti.|| ||

Anantavaa attaa ca loko ca,||
idam eva sacca.m mogham a~n~nan ti itth'eke abhivadanti.|| ||

Antavaa ca anantavaa ca attaa ca loko ca idam eva sacca.m mogham a~n~nan ti itth'eke abhivadanti.|| ||

N'ev'antavaa naanantavaa attaa ca loko ca idam eva sacca.m mogham a~n~nan ti itth'eke abhivadanti.|| ||

Ekatta-sa~n~nii attaa ca loko ca idam eva sacca.m mogham a~n~nan ti itth'eke abhivadanti.|| ||

Naanatta-sa~n~ni attaa ca loko ca idam eva sacca.m mogham a~n~nan ti itth'eke abhivadanti.|| ||

Paritta-sa~n~nii attaa ca loko ca idam eva sacca.m mogham a~n~nan ti itth'eke abhivadanti.|| ||

Appamaa.na-sa~n~nii attaa ca loko ca idam eva sacca.m mogham a~n~nan ti itth'eke abhivadanti.|| ||

Ekanta-sukhii attaa ca loko ca idam eva sacca.m mogham a~n~nan ti itth'eke abhivadanti.|| ||

Ekanta-dukkhii attaa ca loko ca idam eva sacca.m mogham a~n~nan ti itth'eke abhivadanti.|| ||

Sukha-dukkhii attaa ca loko ca idam eva sacca.m mogham a~n~nan ti itth'eke abhivadanti.|| ||

Adukkha-m-asukhii attaa ca loko ca idam eva sacca.m moghamasa~n~nanti.|| ||

Tesa.m vata a~n~natr'eva saddhaaya a~n~natra ruciyaa a~n~natra anussavaa a~n~natra aakaaraparivitakkaa a~n~natra di.t.thinijjhaanakkhantiyaa paccatta.m yeva ~naa.na.m bhavissati parisuddha.m pariyodaatanti n'eta.m [235] .thaana.m vijjati.|| ||

Paccatta.m kho pana bhikkhave,||
~naa.ne asati parisuddhe pariyodaate,||
yadi pi te bhonto sama.na-braahma.naa tattha ~naa.nabhaagamattameva pariyodapenti.|| ||

Tadi pi tesa.m bhavata.m sama.na-braahma.naana.m upaadaanamakkhaayati.|| ||

Ta-y-ida.m sa'nkhata.m o.laarika.m.|| ||

Atthi kho pana Sankhaaraana.m nirodho,||
atth'etan ti iti viditvaa tassa nissara.na-dassaavii Tathaagato tad upaativatto.|| ||

Idha, bhikkhave, ekacco sama.no vaa braahma.no vaa pubbantaanudi.t.thina~n ca pa.tinissaggaa aparantaanudi.t.thina~n ca pa.tinissaggaa sabbaso kaamasa.myojanaana.m anadhi.t.thaanaa paviveka.m piiti.m upasampajja viharati.|| ||

'Eta.m santa.m eta.m pa.niita.m,||
yad ida.m paviveka.m piiti.m upasampajja viharaamii' ti.|| ||

Tassa saa pavivekaa piiti nirujjhati,||
pavivekaaya piitiyaa nirodhaa uppajjati domanassa.m.|| ||

Domanassassa nirodhaa [236] uppajjati pavivekaa piiti.|| ||

Seyyathaa pi, bhikkhave, ya.m chaayaa jahati ta.m aatapo pharati,||
ya.m aatapo jahati,||
ta.m chaayaa pharati.|| ||

Evam eva kho bhikkhave,||
pavivekaaya piitiyaa nirodhaa uppajjati domanassa.m,||
domanassassa nirodhaa uppajjati pavivekaa piiti.|| ||

Ta-y-ida.m, bhikkhave, Tathaagato abhijaanaati:|| ||

'Aya.m kho bhava.m sama.no vaa braahma.no vaa pubbantaanudi.t.thina~n ca pa.tinissaggaa aparantaanudi.t.thina~n ca pa.tinissaggaa sabbaso-|| ||

Kaamasa.myojanaana.m anadhi.t.thaanaa,||
paviveka.m piiti.m upasampajja viharati:||
'eta.m santa.m eta.m pa.niita.m,||
yad ida.m paviveka.m piiti.m upasampajja viharaamii' ti.|| ||

Tassa saa pavivekaa piiti nirujjhati,||
pavivekaaya piitiyaa nirodhaa uppajjati domanassa.m.|| ||

Domanassassa nirodhaa uppajjati pavivekaa piiti.|| ||

Ta-y-ida.m sa'nkhata.m o.laarika.m,||
atthi kho pana Sankhaaraana.m nirodho,||
attheta'nti iti viditvaa tassa nissara.na-dassaavii Tathaagato tad upaativatto.|| ||

Idha pana bhikkhave,||
ekacco sama.no vaa braahma.no vaa pubbantaanudi.t.thiina~n ca pa.tinissaggaa aparantaanudi.t.thiina~n ca pa.tinissaggaa sabbaso kaamasa.myojanaana.m anadhi.t.thaanaa pavivekaaya piitiyaa samatikkamaa niraamisa.m sukha.m upasampajja viharati:||
'eta.m santa.m eta.m pa.niita.m-yad ida.m [237] niraamisa.m sukha.m upasampajja viharaamii' ti tassa ta.m niraamisa.m sukha.m nirujjhati.|| ||

Niraamisassa sukhassa nirodhaa uppajjati pavivekaa piiti.|| ||

Pavivekaaya piitiyaa nirodhaa uppajjati niraamisa.m sukha.m.|| ||

Seyyathaa pi,||
bhikkhave,||
ya.m chaayaa jahati,||
ta.m aatapo pharati.|| ||

Ya.m aatapo jahati,||
ta.m chaayaa pharati.|| ||

Evam eva kho bhikkhave,||
niraamisassa sukhassa nirodhaa uppajjati pavivekaa piiti,||
pavivekaaya piitiyaa nirodhaa uppajjati niraamisa.m sukha.m.|| ||

Ta-y-ida.m, bhikkhave, Tathaagato abhijaanaati: 'aya.m kho bhava.m sama.no vaa braahma.no vaa pubbantaanudi.t.thina~n ca pa.tinissaggaa aparantaanudi.t.thiina~n ca pa.tinissaggaa sabbaso kaamasa.myojanaana.m anadhi.t.thaanaa pavivekaaya piitiyaa samatikkamaa niraamisa.m sukha.m upasampajja viharati:||
'eta.m santa.m eta.m pa.niita.m yad ida.m niraamisa.m sukha.m upasampajja viharaamii' ti.|| ||

Tassa ta.m niraamisa.m sukha.m nirujjhati.|| ||

Niraamisassa sukhassa nirodhaa uppajjati pavivekaa piiti,||
pavivekaaya piitiyaa nirodhaa uppajjati niraamisa.m sukha.m.|| ||

Ta-y-ida.m sa'nkhata.m o.laarika.m,||
atthi kho pana Sankhaaraana.m nirodho,||
atth'etan ti iti viditvaa tassa nissara.na-dassaavii Tathaagato tad upaativatto.|| ||

Idha pana bhikkhave,||
ekacco sama.no vaa braahma.no vaa pubbantaanudi.t.thiina~n ca pa.tinissaggaa aparantaanudi.t.thiina~n ca pa.tinissaggaa sabbaso kaamasa.myojanaana.m anadhi.t.thaanaa pavivekaaya piitiyaa samatikkamaa niraamisassa sukhassa samatikkamaa adukkha-m-asukha.m vedana.m upasampajja viharati.'|| ||

Eta.m santa.m eta pa.niita.m yad ida.m adukakhamasukha.m vedana.m upasampajja viharaamii' ti.|| ||

Tassa saa adukkhamasukhaa vedanaa nirujjhati.|| ||

Adukkha-m-asukhaaya vedanaaya nirodhaa uppajjati niraamisa.m sukha.m.|| ||

Niraamisassa sukhassa nirodhaa uppajjati adukkhamasukhaa vedanaa.|| ||

Seyyathaa pi, bhikkhave, ya.m chaayaa jahati,||
ta.m aatapo pharati.|| ||

Ya.m aatapo jahati,||
ta.m chaayaa pharati.|| ||

Evam eva kho bhikkhave,||
adukkhamasukhaaya vedanaaya nirodhaa uppajjati niraamisa.m sukha.m,||
niraamisassa sukhassa nirodhaa uppajjati adkkhamasukhaa vedanaa.|| ||

Ta-y-ida.m, bhikkhave, Tathaagato pajaanaati: 'aya.m kho bhava.m sama.no vaa braahma.no vaa pubbantaanudi.t.thiina~nca pa.tinissaggaa aparantaanudi.t.thiina~n ca pa.tinissaggaa sabbaso kaamasa.myojanaana.m anadhi.t.thaanaa pavivekaaya piitiyaa samatikkamaa niraamisassa sukhassa samatikkamaa adukkha-m-asukha.m vedana.m upasampajja viharati:||
eta.m santa.m eta.m pa.niita.m yad ida.m adukkha-m-asukha.m vedana.m upasampajja viharaamii' ti.|| ||

Tassa saa adukkhamasukhaa vedanaa nirujjhati.|| ||

Adukkha-m-asukhaaya vedanaaya nirodhaa uppajjati niraamisa.m sukha.m.|| ||

Niraamisassa sukhassa nirodhaa uppajjati adukkhamasukhaa vedanaa.|| ||

Ta-y-ida.m sa'nkhata.m o.laarika.m,||
atthi kho pana Sankhaaraana.m nirodho,||
atth'etan ti iti viditvaa tassa nissara.na-dassaavii Tathaagato tad upaativatto.|| ||

Idha pana bhikkhave,||
ekacco sama.no vaa braahma.no vaa pubbantaanudi.t.thiina~nca pa.tinissaggaa aparantaanudi.t.thiina~nca pa.tinissaggaa sabbaso kaamasa.myojanaana.m anadhi.t.thaanaa pavivekaaya piitiyaa samatikkamaa niraamisassa sukhassa samatikkamaa adukkhamasukhaaya vedanaaya samatikkamaa santohamasmi nibbutohamasmi anupaadaanohamasmii' ti samanupassati.|| ||

Ta-y-ida.m, bhikkhave, Tathaagato pajaanaati:|| ||

'Aya.m kho bhava.m sama.no vaa braahma.no vaa pubbantaanudi.t.thiina~nca pa.tinissaggaa aparantaanudi.t.thiina~nca pa.tinissaggaa sabbaso kaamasa.myojanaana.m anadhi.t.thaanaa pavivekaaya piitiyaa samatikkamaa niraamisassa sukhassa samatikkamaa adukkhamasukhaaya vedanaaya samatikkamaa santohamasmi nibbutohamasmi anupaadaanohamasmii' ti samanupassati.|| ||

Addhaa ayamaayasmaa nibbaanasappaaya.m yeva pa.tipada.m abhivadati.|| ||

Atha ca panaaya.m bhava.m sama.no vaa braahma.no vaa pubbantaanudi.t.thi.m vaa upaadiyamaano upaadiyati.|| ||

Aparantaanudi.t.thi.m vaa upaadiyamaano upaadiyati.|| ||

Kaamasa.myojanaana.m vaa upaadiyamaano upaadiyati.|| ||

Paviveka.m vaa piiti.m upaadiyamaano upaadiyati.|| ||

Niraamisa.m vaa sukha.m upaadiyamaano upaadiyati.|| ||

Adukkhamasukha.m vaa vedana.m upaadiyamaano upaadiyati.|| ||

Ya~n ca kho ayamaayasmaa 'santohamasmi,||
nibbutohamasmi anupaadinohamasmii' ti samanupassati.|| ||

Tadapi imassa bhoto sama.nassa braahma.nassa upaadaanamakkhaayati.|| ||

Ta-y-ida.m sa'nkhata.m o.laarika.m,||
atthi kho pana Sankhaaraana.m nirodho,||
atth'etan ti iti viditvaa tassa nissara.na-dassaavii Tathaagato tad upaativatto.|| ||

Ida.m kho pana bhikkhave, Tathaagatena anuttara.m santivarapada.m [238] abhisamBuddha.m 'yad ida.m channa.m phassaayatanaana.m samudaya~n ca attha'ngama~nca assaada~n ca aadiinava~n ca nissara.na~n ca yathaabhuuta.m viditvaa anupaadaa vimokkho' ti.|| ||

Idam avoca Bhagavaa.|| ||

Attamanaa te bhikkhuu Bhagavato bhaasita.m abhinandunti.|| ||

Pa~ncattayasutta.m dutiya.m


 

Contact:
E-mail
Copyright Statement