Majjhima Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Majjhima Nikaaya
III. Upari Pa.n.naasa
1. Devadaha Vagga

Sutta 103

Kinti Sutta.m

Based on the 'Sri Lanka Buddha Jayanti Tripitaka Series.'

 


 

[1][chlm][pts][ntbb][upal][olds] Eva.m me suta.m|| ||

Eka.m samaya.m Bhagavaa kusi.naaraaya.m viharati balihara.ne vanasa.n.de. Tatra kho Bhagavaa bhikkhuu aamantesi Bhikkhavo ti. Bhadante ti te bhikkhuu Bhagavato paccassosu.m, Bhagavaa etad avoca:|| ||

Kinti vo bhikkhave, mayi hoti: 'ciivarahetu vaa Sama.no Gotamo dhamma.m deseti, pi.n.dapaatahetu vaa Sama.no Gotamo dhamma.m deseti, senaasanahetu vaa Sama.no Gotamo dhamma.m deseti, iti bhavaabhavahetu vaa Sama.no Gotamo dhamma.m desetii' ti.|| ||

Na kho no bhante, Bhagavati eva.m hoti: 'ciivarahetu vaa Sama.no Gotamo dhamma.m deseti, pi.n.dapaatahetu vaa Sama.no Gotamo dhamma.m deseti, senaasanahetu vaa Sama.no Gotamo dhamma.m deseti, iti bhavaabhavahetu vaa Sama.no Gotamo dhamma.m dese' ti.ii.|| ||

Na ca kira vo bhikkhave, mayi eva.m hoti : 'ciivarahetu vaa Sama.no Gotamo dhamma.m deseti, pi.n.dapaatahetu vaa Sama.no Gotamo dhamma.m deseti, senaasanahetu vaa Sama.no Gotamo dhamma.m deseti, iti bhavaabhavahetu vaa Sama.no Gotamo dhamma.m desetii' ti. Atha kinti carahi vo bhikkhave mayi hotii' ti.|| ||

Eva.m kho no bhante, Bhagavati hoti: 'anukampako Bhagavaa hitesii, anukampa.m upaadaaya dhamma.m desetii'ti|| ||

Eva~n ca kira vo bhikkhave, mayi hoti: 'anukampako Bhagavaa hitesii, anukampa.m upaadaaya dhamma.m desetii' ti. Tasmaat iha bhikkhave, ye vo mayaa dhammaa abhi~n~naa desitaa,

Seyyathiida.m : 'cattaaro satipa.t.thaanaa cattaaro sammappadhaanaa cattaaro iddhipaadaa pa~ncindriyaani pa~nca balaani satta [239] bojjha'ngaa ariyo a.t.tha'ngiko maggo. Tattha sabbeh'eva samaggehi sammodamaanehi avivadamaanehi sikkhitabba.m.|| ||

Tesa~nca vo bhikkhave, samaggaana.m sammodamaanaana.m avivadamaanaana.m sikkhata.m, tattha siyu.m1 dve bhikkhuu abhidhamme naanaavaadaa. Tatra ce tumhaaka.m evam assa: 'imesa.m kho aayasmantaana.m atthato c'eva naana.m bya~njanato ca naana'nti. Tattha ya.m bhikkhu.m suvacatara.m ma~n~neyyaatha so upasa'nkamitvaa evam assa vacaniiyo: 'aayasmantaana.m kho atthato c'eva naana.m. Byana~njanato ca naana.m. Tadaminaapeta.m aayasmanto jaanaatha yathaa atthato c'eva naana.m bya~njanato ca naana.m maa aayasmanto vivaada.m aapajjitthaa' ti. Athaaparesa.m ekato pakkhikaana.m bhikkhuuna.m ya.m bhikkhu.m suvacatara.m ma~n~neyyaatha, so upasa'nkamitvaa evam assa vacaniiyo: ' aayasmantaana.m kho atthato c'eva naana.m bya~njanato ca naana.m. Tadaminaapeta.m aayasmanto jaanaatha yathaa atthato c'eva naana.m byanjanato ca naana.m maa aayasmanto vivaada.m aapajjitthaa' ti. Iti duggahita.m duggahitato dhaaretabba.m suggahita.m suggahitato dhaaretabba.m duggahita.m duggahitato dhaaretvaa suggahita.m suggahitato dhaaretvaa yo dhammo yo vinayo so bhaasitabbo.|| ||

Tatra ce tumhaaka.m evam assa. 'Imesa.m kho aayasmantaana.m atthato hi kho naana.m, byanjanato sametii' ti. Tattha ya.m bhikkhu.m suvacatara.m ma~n~neyyaatha, so upasa'nkamitvaa evam assa vacaniiyo: 'aayasmantaana.m atthato hi kho naana.m, bya~njanato sameti. Tadaminaapeta.m aayasmanto jaanaatha yathaa atthato hi kho naana.m, bya~njanato sameti. Maa aayasmanto vivaada.m aapajjitthaa' ti. Athaaparesa.m ekato pakkhikaana.m bhikkhuuna.m ya.m bhikkhu.m suvacatara.m ma~n~neyyaatha, so upasa'nkamitvaa evam assa vacaniiyo: 'aayasmantaana.m kho atthato hi kho naana.m bya~njanato sameti. Tadaminaapeta.m aayasmanto jaanaatha 'yathaa atthato hi kho naana.m, bya~njanato sameti. Maa aayasmanto vivaada.m aapajjitthaa' ti. [240] iti duggahita.m duggahitato dhaaretabba.m suggahita.m suggahitato dhaaretabba.m. Duggahita.m duggahito dhaaretvaa suggahita.m suggahitato dhaaretvaa yo dhammo yo vinayo so bhaasitabbo.|| ||

Tatra ce tumhaaka.m evam assa: 'imesa.m kho aayasmantaana.m atthato hi kho sameti. Byanjanato naana'nti. Tattha ya.m bhikkhu.m suvacatara.m ma~n~neyyaatha, so upasa'nkamitvaa evam assa vacaniiyo: 'aayasmantaana.m kho atthato hi sameti. Bya~njanato naana.m. Tadaminaapeta.m aayasmanto jaanaatha 'yathaa atthato hi kho sameti. Bya~njanato naana.m. Appamattaka.m kho pan'eta.m yad ida.m vya~njana.m maa aayasmanto appamattake vivaada.m aapajjitthaa' ti. Athaaparesa.m ekato pakkhikaana.m bhikkhuna.m ya.m bhikkhu.m suvacatara.m ma~n~neyyaatha, so upasa'nkamitvaa evam assa vacaniiyo: aayasmantaana.m kho atthato hi kho sameti. Bya~njanato naana.m. Tadaminaapeta.m aayasmanto jaanaatha 'yathaa atthato hi kho sameti bya~njanato naana.m. Appamattaka.m kho pan'eta.m yad ida.m vya~njana.m. Maa aayasmanto appamattake vivaada.m aapajjitthaa' ti. Iti suggahita.m suggahitato dharetabba.m duggahita.m duggahitato dhaaretabba.m. Suggahita.m suggahitato dhaaretvaa duggahita.m duggahitato dhaaretvaa yo dhammo yo vinayo so bhaasitabbo.|| ||

Tatra ce tumhaaka.m evam assa: 'imesa.m kho aayasmantaana.m atthato c'eva sameti. Bya~njanato ca sametii' ti. Tattha ya.m bhikkhu.m suvacatara.m ma~n~neyyaatha so upasa'nkamitvaa evam assa vacaniiyo: 'aayasmantaana.m kho atthato c'eva sameti. Bya~njanato ca sameti. Tadaminaapeta.m aayasmanto jaanaatha 'yathaa atthato c'eva sameti, bya~njanato ca sameti.Maa aayasmanto vivaada.m aapajjitthaa' ti. Athaaparesa.m ekato pakkhikaana.m bhikkhuuna.m ya.m bhikkhu.m suvacatara.m ma~n~neyyaatha, so upasa'nkamitvaa evam assa vacaniiyo: 'aayasmantaana.m kho attato c'eva sameti. Bya~njanato ca sameti. Tadaminaapeta.m aayasmanto jaanaatha 'yathaa atthato c'eva sameti, bya~njanato ca sameti. Maa aayasmanto [241] vivaada.m aapajjitthaa' ti. Iti suggahita.m suggahitato dhaaretabba.m suggahita.m suggahitato dhaaretvaa yo dhammo yo vinayo so bhaasitabbo.|| ||

Tesa~nca vo bhikkhave, samaggaana.m sammodamaanaana.m avivadamaanaana.m sikkhata.m, siyaa a~n~natarassa bhikkhuno aapatti siyaa viitikkamo tatra bhikkhave, na codanaaya taritabba.m, puggalo upaparikkhitabbo, iti mayha~nca avihesaa bhavissati. Parassa ca puggalassa anupaghaato, paro hi puggalo akkodhano anupanaahii adandhadi.t.thii suppa.tinissaggii, Sakkomi caa' ha.m eta.m puggala.m akusalaa vu.t.thaapetvaa kusale pati.t.thaapetu'nti. Sace bhikkhave, evam assa kalla.m vacanaaya.|| ||

Sace pana bhikkhave, evam assa: 'mayha.m kho avihesaa bhavissati. Parassa ca puggalassa upaghaato, paro hi puggalo kodhano upanaahii adandhadi.t.thii suppa.tinissaggii, Sakkomi caaha.m eta.m puggala.m akusalaa vu.t.thaapetvaa kusale pati.t.thaapetu.m. Appamattaka.m kho pan'eta.m yad ida.m parassa puggalassa upaghaato. Atha kho etad eva bahutara.m, 'soha.m1 Sakkomi eta.m puggala.m akusalaa vu.t.thaapetvaa kusale pati.t.thaapetu'nti. Sace bhikkhave,evam assa kalla.m vacanaaya.|| ||

Sace pana bhikkhave, evam assa: 'mayha.m kho vihesaa bhavissati. Parassa ca puggalassa

Anupaghaato, paro hi puggalo akkodhano anupanaahii adandhadi.t.thii duppa.tinissaggii. Sakkomi caaha.m eta.m puggala.m akusalaa vu.t.thaapetvaa kusale pati.t.thaapetu.m. Appamattaka.m kho pan'eta.m 'yad ida.m mayha.m vihesaa. Atha kho etad eva bahutara.m, soha.m

Sakkomi eta.m puggala.m akusalaa vu.t.thaapetvaa kusale pati.t.thaapetu'nti. Sace bhikkhave,evam assa kalla.m vacanaaya.|| ||

Sace pana bhikkhave, evam assa: mayha~nca kho vihesaa bhavissati. Parassa ca puggalassa||
Upaghaato, paro hi puggalo kodhano upanaahii adandhadi.t.thii duppa.tinissaggii.|| ||

Sakkomi caaha.m eta.m puggala.m akusalaa vu.t.thaapetvaa kusale pati.t.thaapetu.m. Appamattaka.m kho pan'eta.m 'yad ida.m mayha~nca vihesaa parassa ca puggalassa upaghaato,||
Atha kho etad eva bahutara.m, soha.m Sakkomi eta.m puggala.m akusalaa||
Vu.t.thaapetvaa kusale pati.t.thaapetu'nti. Sace bhikkhave, evam assa kalla.m vacanaaya. || ||

Sace pana bhikkhave, evam assa: 'mayha~nca kho vihesaa bhavissati. Parassa ca puggalassa upaghaato, paro [242] hi puggalo kodhano upanaahii dandhadi.t.thii duppa.tinissaggii. Na caaha.m Sakkomi eta.m puggala.m akusalaa vu.t.thaapetvaa kusale pati.t.thaapetu'nti. Evaruupe bhikkhave, puggale upekkhaa naatima~n~nitabbaa|| ||

Tesa~nca vo bhikkhave, samaggaana.m sammodamaanaana.m avivadamaanaana.m sikkhata.m a~n~nama~n~nassa vaciisa.msaaro1 uppajjeyya di.t.thipalaaso cetaso aaghaato appaccayo anabhiraddhi. Tattha ekato pakkhikaana.m bhikkhuuna.m ya.m bhikkhu.m suvacatara.m ma~n~neyyaatha, so upasa'nkamitvaa evam assa vacaniiyo: 'ya.m no aavuso, amhaaka.m samaggaana.m sammodamaanaana.m avivadamaanaana.m sikkhata.m a~n~nama~n~nassa vaciisa.msaaro uppanno di.t.thipalaaso cetaso aaghaato appaccayo anabhiraddhi. Ta.m jaanamaano samaano2 garaheyyaati. Sammaa vyaakaramaano [243] bhikkhave, bhikkhu eva.m vyaakareyya: ya.m no aavuso amhaaka.m samaggaana.m sammodamaanaana.m avivadamaanaana.m sikkhata.m a~n~nama~n~nassa vaciisa.msaaro1 uppanno di.t.thipalaaso cetaso aaghaato appaccayo anabhiraddhi. Ta.m jaanamaano samaano2 garaheyyaati. Eta.m pan'aavuso dhamma.m appahaaya nibbaana.m sacchikareyyaati. Sammaa vyaakaramaano bhikkhave, eva.m vyaakareyya: eta.m kho aavuso, dhamma.m appahaaya na nibbaana.m sacchikareyyaati.|| ||

Athaaparesa.m ekato pakkhikaana.m bhikkhuuna.m ya.m bhikkhu.m suvacataraa ma~n~neyyaatha, so upasa'nkamitvaa evam assa vacaniiyo: ya.m no aavuso amhaaka.m samaggaana.m sammodamaanaana.m avivadamaanaana.m sikkhata.m a~n~nama~n~nassa vaciisa.msaro1 uppanno di.t.thipalaaso cetaso aaghaato appaccayo anabhiraddhi. Ta.m jaanamaano samaano2 garaheyyaati. Sammaa vyaakaramaano bhikkhave, bhikkhu eva.m vyaakareyya: ya.m no aavuso amhaaka.m samaggaana.m sammodamaanaana.m avivadamaanaana.m sikkhata.m a~n~nama~n~nassa vaciisa.msaaro uppanno di.t.thipalaaso cetaso aaghaato appaccayo anabhiraddhi. Ta.m jaanamaano samaano garaheyyaati. Eta.m pan'aavuso dhamma.m appahaaya na nibbaana.m sacchikareyyaati. Sammaa vyaakaramaano bhikkhave, bhikkhu eva.m vyaakareyya: eta.m kho aavuso, dhamma.m appahaaya na nibbaana.m sacchikareyyaa' ti.|| ||

Ta~nce bhikkhave, bhikkhu.m pare eva.m puccheyyu.m: aayasmataa no ete bhikkhuu akusalaa vu.t.thaapetvaa kusale pati.t.thaapitaati. Sammaa vyaakaramaano bhikkhave, bhikkhu eva.m vyaakareyya: idhaaha.m aavuso, yena Bhagavaa ten'upasa'nkami.m, tassa me Bhagavaa dhamma.m desesi, taaha.m dhamma.m sutvaa tesa.m bhikkhuuna.m abhaasi.m: ta.m te bhikkhuu dhamma.m sutvaa akusalaa vu.t.thahi.msu. Kusale pati.t.thahi.msuu' ti. Eva.m vyaakaramaano kho bhikkhave, bhikkhu na c'eva attaana.m ukka.mseti, na para.m vambheti, Dhammassa caanudhamma.m vyaakaroti, na ca koci sahadhammiko vaadaanuvaado gaarayha.m .thaana.m aagacchatii' ti.|| ||

Idam avoca Bhagavaa attamanaa te bhikkhuu Bhagavato bhaasita.m abhinandunti.|| ||

Kinti sutta.m tatiya.m


 

Contact:
E-mail
Copyright Statement