Majjhima Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Majjhima Nikaaya
III. Upari Pa.n.naasa
1. Devadaha Vagga

Sutta 106

Aane~njasappaaya Sutta.m

Based on the 'Sri Lanka Buddha Jayanti Tripitaka Series.'

 


 

[1][chlm][pts][than][upal] Eva.m me suta.m|| ||

Eka.m samaya.m Bhagavaa Kuruusu viharati kammaasadamma.m naama Kuruuna.m nigamo. Tatra kho Bhagavaa bhikkhu aamantesi Bhikkhavo ti, bhadanteti te bhikkhu Bhagavato paccassosu.m. Bhagavaa etad avoca:|| ||

Aniccaa bhikkhave, kaamaa tucchaa mosadhammaa. Maayaakatame ta.m bhikkhave, baalalaapana.m. Ye ca di.t.thadhammikaa kaamaa, ye ca samparaayikaa kaamaa, yaa ca di.t.thadhammikaa [262] kaamasa~n~naa, yaa ca samparaayikaa kaamasa~n~naa, ubhayam eta.m maaradheyya.m, maarassesavisayo, marassesanivaapo, maarassesagocaro. Etth'ete paapakaa akusalaa maanasaa abhijjhaapi vyaapaadaapi saarambhaapi sa.mvattanti. Teva ariyasaavakassa idhamanusikkhato antaraayaaya sambhavanti.|| ||

Tatra, bhikkhave, ariyasaavako iti pa.tisa~ncikkhati: ye ca di.t.thadhammikaa kaamaa ye ca samparaayikaa kaamaa, yaa ca di.t.thadhammikaa kaamasa~n~naa yaa ca samparaayikaa kaamasa~n~naa, ubhayam eta.m maaradheyya.m. Maarassesavisayo, maarassesanivaapo, maarassesagocaro. Etth'ete paapakaa akusalaa maanasaa abhijjhaapi vyaapaadaapi saarambhaapi sa.mvattanti. Teva ariyasaavakassa idhamanusikkhato antaraayaaya sambhavanti. Yan'nuunaaha.m vipulena mahaggatena cetasaa vihareyya.m abhibhuyya loka.m adhi.t.thaaya manasaa. Vipulena hi me mahaggatena cetasaa viharato abhibhuyya loka.m adhi.t.thaaya manasaa. Ye paapakaa akusalaa manasaa abhijjhaapi saarambhaapi, te na bhavissanti. Tesa.m pahaanaa aparitta~n ca me citta.m bhavissati, appamaa.na.m subhaavita'nti. Tassa eva.m pa.tipannassa tabbahulavihaarino aayatane citta.m pasiidati.Sampasaade sati etarahi vaa aane~nja.m1 samaapajjati, pa~n~naaya vaa adhimuccati. Kaayassa bhedaa param mara.naa .thaaname ta.m vijjati: ya.m ta.m sa.mvattanika.m vi~n~naa.na.m assa aane~njupaga.m. Aya.m bhikkhave, pa.thamaa aane~njasappaayaa pa.tipadaa akkhaayati.|| ||

Puna ca para.m bhikkhave, ariyasaavako iti pa.tisa~ncikkhati, ye ca di.t.thadhammikaa kaamaa ye ca samparaayikaa kaamaa, yaa ca di.t.thadhammikaa kaamasa~n~naa yaa ca samparaayikaa kaamasa~n~naa, ya.m ki~nci ruupa.m1 cattaari ca mahaabhuutaani catunna~nca mahaabhuutaana.m ruupa'nti. Tassa eva.m pa.tipannassa tabbahulavihaarino aayatane citta.m pasiidati. Sampasaade sati etarahi vaa aane~nja.m samaapajjati, pa~n~naaya vaa adhimuccati. Kaayassa bhedaa param mara.naa .thaaname ta.m vijjati: ya.m ta.m sa.mvattanika.m vi~n~naa.na.m assa aane~njupaga.m. Aya.m bhikkhave, dutiyaa aane~njasappaayaa pa.tipadaa akkhaayati.|| ||

[263] Puna ca para.m bhikkhave, ariyasaavako iti pa.tisa~ncikkhati, ye ca di.t.thadhammikaa kaamaa ye ca samparaayikaa kaamaa, yaa ca di.t.thadhammikaa kaamasa~n~naa yaa ca samparaayikaa kaamasa~n~naa, yeca di.t.thadhammikaa ruupaa, ye ca samparaayikaa ruupaa, yaa ca di.t.thadhammikaa ruupasa~n~naa yaa ca samparaayikaa ruupasa~n~naa ubhayam eta.m anicca.m yad anicca.m ta.m naala.m abhinanditu.m, naala.m abhivaditu.m, naala.m ajjhositu'nti. Tassa eva.m pa.tipannassa tabbahulavihaarino aayatane citta.m pasiidati. Sampasaade sati etarahi vaa aane~nja.m samaapajjati, pa~n~naaya vaa adhimuccati. Kaayassa bhedaa param mara.naa .thaaname ta.m vijjati: ya.m ta.m sa.mvattanika.m vi~n~naa.na.m assa aane~njupaga.m. Aya.m bhikkhave, tatiyaa aane~njasappaayaa pa.tipadaa akkhaayati.|| ||

Puna ca para.m bhikkhave, ariyasaavako iti pa.tisa~ncikkhati. Ye ca di.t.thadhammikaa kaamaa ye ca samparaayikaa kaamaa, yaa ca di.t.thadhammikaa kaamasa~n~naa yaa ca samparaayikaa kaamasa~n~naa, ye ca di.t.thadhammikaa ruupaa ye ca samparaayikaa ruupaa, yaa ca di.t.thadhammikaa ruupasa~n~naa yaa ca samparaayikaa ruupasa~n~naa yaa ca aane~njasa~n~naa, sabbaa sa~n~naa yatthetaa aparisesaa nirujjhanti. Eta.m santa.m eta.m pa.niita.m yad ida.m aaki~nca~n~naayatana'nti. Tassa eva.m pa.tipannassa tabbahulavihaarino aayatane citta.m pasiidati. Sampasaade sati etarahi vaa aaki~nca~n~naayatana.m samaapajjati. Pa~n~naaya vaa adhimuccati. Kaayassa bhedaa param mara.naa .thaaname ta.m vijjati: ya.m ta.m sa.mvattanika.m vi~n~naa.na.m assa aaki~nca~n~naayatanuupaga.m. Aya.m bhikkhave, pa.thamaa aaki~nca~n~naayatanasappaayaa pa.tipadaa akkhaayati.|| ||

Puna ca para.m bhikkhave, ariyasaavako ara~n~nagato vaa rukkhamuulagato vaa su~n~naagaaragato vaa iti pa.tisa~ncikkhati: su~n~namida.m attena vaa attaniyena vaa' ti. Tassa eva.m pa.tipannassa tabbahulavihaarino aayatane citta.m pasiidati. Sampasaade sati etarahi vaa aaki~nca~n~naayatana.m samaapajjati. Pa~n~naaya vaa adhimuccati. Kaayassa bhedaa param mara.naa .thaaname ta.m vijjati: ya.m ta.m sa.mvattanika.m vi~n~naa.na.m assa aaki~nca~n~naayatanuupaga.m. Aya.m bhikkhave, dutiyaa aaki~nca~n~naayatanasappaayaa pa.tipadaa akkhaayati.|| ||

Puna ca para.m bhikkhave, ariyasaavako iti pa.tisa~ncikkhati: naaha.m kvacani kassacii ki~ncanattasmi.m, na ca [264] mama kvacani kismici ki~ncanatatthi'ti1 tassa eva.m pa.tipannassa tabbahulavihaarino aayatane citta.m pasiidati. Sampasaade sati etarahi vaa aaki~nca~n~naayatana.m samaapajjati. Pa~n~naaya vaa adhimuccati. Kaayassa bhedaa param mara.naa .thaaname ta.m vijjati: ya.m ta.m sa.mvattanika.m vi~n~naa.na.m assa aaki~nca~n~naayatanuupaga.m. Aya.m bhikkhave, tatiyaa aaki~nca~n~naayatanasappaayaa pa.tipadaa akkhaayati.|| ||

Puna ca para.m bhikkhave, ariyasaavako iti pa.tisa~ncikkhati: ye ca di.t.thadhammikaa kaamaa ye ca samparaayikaa kaamaa, yaa ca di.t.thadhammikaa kaamasa~n~naa yaa ca samparaayikaa kaamasa~n~naa, ye ca di.t.thadhammikaa ruupaa ye ca samparaayikaa ruupaa, yaa ca di.t.thadhammikaa ruupasa~n~naa yaa ca samparaayikaa ruupasa~n~naa, yaa ca aane~njasa~n~naa, yaa ca aaki~nca~n~naayatanasa~n~naa, sabbaa sa~n~naa yatthetaa aparisesaa nirujjhanti. Eta.m santa.m eta.m pa.niita.m yad ida.m n'eva-sa~n~naa-naasa~n~naayatana'nti. Tassa eva.m pa.tipannassa tabbahulavihaarino aayatane citta.m pasiidati. Sampasaade sati etarahi vaa n'eva-sa~n~naa-naasa~n~naayatana.m samaapajjati, pa~n~naaya vaa adhimuccati. Kaayassa bhedaa param mara.naa .thaaname ta.m vijjati: ya.m ta.m sa.mvattanika.m vi~n~naa.na.m assa n'eva-sa~n~naa-naasa~n~naayatanuupaga.m, aya.m bhikkhave, n'eva-sa~n~naa-naasa~n~naayatanasappaayaa pa.tipadaa akkhaayatii ti.|| ||

Eva.m vutte aayasmaa Aanando bhavanta.m etad avoca: 'idha bhante. Bhikkhu eva.m pa.tipanno hoti, no c'assa, no ca me siyaa na bhavissati, na me bhavissati. Yadatthi ya.m bhuuta.m ta.m pajaahaamii'ti eva.m upekkha.m pa.tilabhati. Parinibbaayeyya nu kho so bhante. Bhikkhu na vaa parinibbaayeyyaa' ti.|| ||

Apetthekacco Aananda, bhikkhu parinibbaayeyya, apetthekacco bhikkhu na parinibbaayeyyaa' ti.|| ||

Ko nu kho bhante, hetu, ko paccayo, yenapetthekacco bhikkhu parinibbaayeyya, apetthekacco bhikkhu na parinibbaayeyyaati. || ||

Idh'Aananda bhikkhu eva.m pa.tipanno hoti: 'no c'assa, no ca me siyaa. Na bhavissati. Yadatthi [265] ya.m bhuuta.m ta.m pajaahaamii'ti eva.m upekkha.m pa.tilabhati. So ta.m upekkha.m abhinandati, abhivadati, ajjhosaaya ti.t.thati. Tassa ta.m upekkha.m abhinandato abhivadato ajjhosaaya ti.t.thato ta.m nissita.m hoti vi~n~naa.na.m, tadupaadaana.m saupaadaano Aananda, bhikkhu na parinibbaayatii' ti.|| ||

'Kahampana so bhante, bhikkhu upaadiyamaano upaadiyatii' ti.|| ||

N'evasa~n~naanaasa~n~naayatana.m aanandaati.|| ||

Upaadaanase.t.tha.m kira so bhante, bhikkhu upaadiyamaano upaadiyatii ti.|| ||

Upaadaanase.t.tha.m hi so Aananda, bhikkhu upaadiyamaano upaadiyati. Upaadaanase.t.tha.m h'eta.m Aananda, yad ida.m n'eva-sa~n~naa-naasa~n~naayatana.m.|| ||

Idh'Aananda bhikkhu eva.m pa.tipanno hoti: no c'assa, no ca me siyaa. Na bhavissati. Na me bhavissati. Yadatthi ya.m bhuuta.m ta.m pajahaamii' ti. Eva.m upekkha.m pa.tilabhati. So ta.m upekkha.m naabhinandati, naabhivadati, naajjhosaaya ti.t.thati. Tassa ta.m upekkha.m anabhinandato anabhivadato anajjhosaaya ti.t.thato na ta.m nissita.m hoti vi~n~naa.na.m, na tadupaadaana.m anupaadaano Aananda, bhikkhu parinibbaayatii ti.|| ||

Acchariya.m bhante! Abbhuta.m bhante! Nissaaya nissaaya kira no bhante, Bhagavataa oghassa nitthara.naa akkhaataa. Katamo pana bhante, ariyo vimokkhoti|| ||

Idh'Aananda, ariyasaavako bhikkhu itipa.tisa~ncikkhati: ye ca di.t.thadhammikaa kaamaa, ye ca samparaayikaa kaamaa, yaa ca di.t.thadhammikaa kaamasa~n~naa, yaa ca samparaayikaa kaamasa~n~naa ye ca di.t.thadhammikaa ruupaa ye ca samparaayikaa ruupaa yaa ca di.t.thadhammikaa ruupasa~n~naa, yaa ca samparaayikaa ruupasa~n~naa, yaa ca aane~njasa~n~naa, yaa ca aaki~nca~n~naayatanasa~n~naa, yaa ca n'eva-sa~n~naa-naasa~n~naayatanasa~n~naa, esa sakkaayo, yaavataa sakkaayo, eta.m amata.m yad ida.m anupaadaa cittassa vimokkho.|| ||

Iti kho Aananda, desitaa mayaa ane~njasappayaa pa.tipadaa, desitaa aaki~nca~n~naayatanasappaayaa pa.tipadaa, desitaa n'eva-sa~n~naa-naasa~n~naayatanasappaayaa pa.tipadaa, desitaa nissaaya nissaaya oghassa nitthara.naa, desito ariyo vimokkho. Ya.m kho Aananda, satthaaraa kara.niiya.m saavakaana.m hitesinaa anukampakena anukampa.m upaadaaya. [266] kata.m vo ta.m mayaa. Etaani Aananda, rukkhamuulaani, etaani su~n~naagaaraani, jhaayatha Aananda, maa pamaadattha, maa pacchaa vippa.tisaarino ahuvattha. Aya.m vo amhaaka.m anusaasaniiti.|| ||

Idam avoca Bhagavaa, attamano aayasmaa Aanando Bhagavato bhaasita.m abhinandiiti.|| ||

Aane~njasappaaya sutta.m ja.ta.tha.m


 

Contact:
E-mail
Copyright Statement