Majjhima Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Majjhima Nikaaya
III. Upari Pa.n.naasa
2. Anupada Vagga

Sutta 112

Chabbisodhana Sutta.m

Based on the 'Sri Lanka Buddha Jayanti Tripitaka Series.'

 


 

[1][chlm][pts][upal][olds][ntbb] Eva.m me suta.m:|| ||

Eka.m samaya.m Bhagavaa Saavatthiiya.m viharati Jetavane Anaathapi.n.dikassa aaraame.|| ||

Tatra kho Bhagavaa bhikkhu aamantesi:|| ||

Bhikkhavo ti.|| ||

Bhadante ti te bhikkhu Bhagavato paccassosu.m.|| ||

Bhagavaa etad avoca:|| ||

Idha, bhikkhave, bhikkhu a~n~na.m vyaakaroti:|| ||

Khii.naa jaati,||
vusita.m brahmacariya.m,||
kata.m kara.niiya.m,||
naapara.m itthattaayaati pajaanaami' ti.|| ||

Tassa, bhikkhave, bhikkhuno bhaasita.m n'eva abhinanditabba.m nappa.tikkositabba.m.|| ||

Anabhinanditvaa appa.tikkositvaa pa~nho pucchitabbo:|| ||

Cattaaro'me, aavuso, vohaaraa tena Bhagavataa jaanataa passataa arahataa Sammaa-Sa.m-Buddhena sammad akkhaataa.|| ||

Katame cattaaro?|| ||

Di.t.the di.t.thavaaditaa,||
sute sutavaaditaa,||
mute mutavaaditaa,||
vi~n~naate [30] vi~n~naatavaaditaa.|| ||

Ime kho aavuso, cattaaro vohaaraa tena Bhagavataa jaanataa passataa arahataa Sammaa-Sa.m-Buddhena sammad akkhato.|| ||

Katha.m jaanato pan'aayasmato katha.m passato imesu catusu vohaaresu anupaadaaya aasavehi citta.m vimuttan ti?|| ||

Khii.naasavassa, bhikkhave, bhikkhuno||
vusitavato||
katakara.niiyassa||
ohitabhaarassa||
anuppattasadatthassa||
parikkhii.nabhavasa.myojanassa||
samma-d-a~n~naa vimuttassa||
ayam anudhammo hoti veyyaakara.naaya:|| ||

Di.t.the kho aha.m, aavuso,||
anupayo anapaayo anissito appa.tibaddho vippamutto visa'nyutto vimariyaadiikatena cetasaa vihaaraami.|| ||

Sute kho aha.m, aavuso,||
anupayo anapaayo anissito appa.tibaddho vippamutto visa'nyutto vimariyaadiikatena cetasaa viharaami.|| ||

Mute kho aha.m, aavuso,||
anupayo anapaayo anissito appa.tibaddho vippamutto visa'nyutto vimariyaadiikatena cetasaa viharaami.|| ||

Vi~n~naate kho aha.m, aavuso,||
anupayo anapaayo anissito appa.tibaddho vippamutato visa'nyutto vimariyaadiikatena cetasaa viharaamii.|| ||

Eva.m kho me aavuso,||
jaanato eva.m passato imesu catusu vohaaresu anupaadaaya aasavehi citta.m vimuttan ti.|| ||

Tassa, bhikkhave, bhikkhuno Saadhuuti bhaasita.m abhinanditabba.m, anumoditabba.m.|| ||

Saadhuuti bhaasita.m abhinanditvaa anumoditvaa uttari.m pa~nho pucchitabbo:|| ||

Pa~nca kho ime, aavuso,||
upaadaanakkhandhaa tena Bhagavataa jaanataa passataa arahataa Sammaa-Sa.m-Buddhena sammad akkhataa.|| ||

Katame pa~nca?|| ||

Seyyathiidam:||
ruupuupaadaanakkhandho||
vedanuupaadaanakkhandho||
sa~n~nuupaadaanakkhandho||
sankhaaruupaadaanakkhandho||
vi~n~naa.nuupaadaanakkhandho.|| ||

Ime kho aavuso, pa~nc'upaadaanakkhandhaa tena Bhagavataa jaanataa passataa arahataa Sammaa-Sa.m-Buddhena sammad akkhaataa.|| ||

Katha.m jaanato pan'aayasmato||
katha.m passato imesu pa~ncasuu'paadaanakkhandhesu anupaadaaya aasavehi citta.m vimuttan ti?|| ||

Khii.naasavassa, bhikkhave, bhikkhuno vusitavato katakara.niiyassa ohitabhaarassa anuppattasadatthassa parikkhii.nabhavasa.myojanassa samma-d-a~n~naa vimuttassa ayam anudhammo hoti veyyaakara.naaya:|| ||

- Ruupa.m kho aha.m, aavuso,||
abala.m viraaga.m anassaasikan viditvaa ye ruupe upaayuupaadaanaa [31] cetaso adhi.t.thaanaabhinivesaanusayaa,||
tesa.m khayaa viraagaa nirodhaa caagaa pa.tinissaggaa vimutta.m me cittan ti pajaanaami.|| ||

Vedana.m kho aha.m, aavuso,||
abala.m viraaga.m anassaasikan viditvaa ye vedanaa upaayuupaadaanaa cetaso adhi.t.thaanaabhinivesaanusayaa,||
tesa.m khayaa viraagaa nirodhaa caagaa pa.tinissaggaa vimutta.m me cittan ti pajaanaami.|| ||

Sa~n~na.m kho aha.m, aavuso,||
abala.m viraaga.m anassaasikan viditvaa ye sa~n~naa upaayuupaadaanaa cetaso adhi.t.thaanaabhinivesaanusayaa,||
tesa.m khayaa viraagaa nirodhaa caagaa pa.tinissaggaa vimutta.m me cittan ti pajaanaami.|| ||

Sankhaare kho aha.m, aavuso,||
abala.m viraaga.m anassaasikan viditvaa ye sankhaaraa upaayuupaadaanaa cetaso adhi.t.thaanaabhinivesaanusayaa,||
tesa.m khayaa viraagaa nirodhaa caagaa pa.tinissaggaa vimutta.m me cittan ti pajaanaami.

Vi~n~naa.na.m kho aha.m, aavuso,||
abala.m viraaga.m anassaasikan viditvaa ye vi~n~naa.ne upaayuupaadaanaa cetaso adhi.t.thaanaabhinivesaanusayaa,||
tesa.m khayaa viraagaa nirodhaa caagaa pa.tinissaggaa vimutta.m me cittan ti pajaanaami.|| ||

Eva.m kho me aavuso,||
jaanato eva.m passato imesu pa~ncasuu'paadaanakkhandhesu anupaadaaya aasavehi citta.m vimuttan ti.|| ||

Tassa bhikkhave, bhikkhuno Saadhuuti bhaasita.m abhinanditabba.m anumoditabba.m.|| ||

Saadhuuti bhaasita.m abhinanditvaa anumoditvaa uttari.m pa~nho pucchitabbo:|| ||

cha.ly'imaa aavuso,||
dhaatuyo tena Bhagavataa jaanataa passataa arahataa Sammaa-Sa.m-Buddhena sammad akkhataa.|| ||

Katamaa cha?|| ||

Pa.thaviidhaatu||
aapodhaatu||
tejodhaatu||
vaayodhaatu||
aakaasadhaatu||
vi~n~naa.nadhaatu.|| ||

Imaa kho, aavuso, cha dhaatuyo tena Bhagavataa jaanataa passataa arahataa Sammaa-Sa.m-Buddhena sammad akkhataa.|| ||

Katha.m jaanato pan'aayasmato katha.m passato imaasu chasu dhaatusu anupaadaaya aasavehi citta.m vimuttanti?|| ||

Khii.naasavassa, bhikkhave, bhikkhuno vusitavato katakara.niiyassa ohitabhaarassa anupattasadatthassa parikkhii.nabhavasa.myojanassa samma-d-a~n~naa vimutassa ayam anudhammo hoti veyyaakara.naaya:|| ||

Pa.thaviidhaatu.m kho aha.m, aavuso,||
na attato upagacchi.m,||
na ca pa.thaviidhaatunissita.m attaana.m.|| ||

Ye ca pa.thaviidhaatunissitaa upayuupaadaanaa cetaso adhi.t.thaanaabhinivesaanusayaa tesa.m khayaa viraagaa nirodhaa caagaa pa.tinissaggaa vimutta.m me cittan ti pajaanaami.|| ||

Aapodhaatu.m kho aha.m, aavuso,||
na attato upagacchi.m,||
na ca aapodhaatunissita.m attaana.m.|| ||

Ye ca aapodhaatuunissitaa upayuupaadaanaa cetaso adhi.t.thaanaabhinivesaanusayaa tesa.m khayaa viraagaa nirodhaa caagaa pa.tinissaggaa vimutta.m me cittanti pajaanaami.|| ||

Tejodhaatu.m kho aha.m, aavuso,||
na attato upagacchi.m,||
na ca tejodhaatunissita.m attaana.m.|| ||

Ye ca tejodhaatunissitaa upayuupaadaanaa cetaso adhi.t.thaanaabhinivesaanusayaa tesa.m khayaa viraagaa nirodhaa caagaa pa.tinissaggaa vimutta.m me cittanti pajaanaami.|| ||

Vaayodhaatu.m kho aha.m, aavuso,||
na attato upagacchi.m,||
na ca vaayodhaatunissita.m attaana.m.|| ||

Ye ca vaayodhaatunissitaa upayuupaadaanaa cetaso adhi.t.thaanaabhinivesaanusayaa tesa.m khayaa viraagaa nirodhaa caagaa pa.tinissaggaa vimutta.m me cittanti pajaanaami.|| ||

Aakaasadhaatu.m kho aha.m, aavuso,||
na attato upagacchi.m,||
na ca aakaasadhaatunissita.m attaana.m.|| ||

Ye ca aakaasadhaatunissitaa upayuupaadaanaa cetaso adhi.t.thaanaabhinivesaanusayaa tesa.m khayaa viraagaa nirodhaa caagaa pa.tinissaggaa vimutta.m me cittanti pajaanaami.|| ||

Vi~n~naa.nadhaatu.m kho aha.m, aavuso,||
na attato upagacchi.m,||
na ca vi~n~naa.nadhaatunissita.m attaana.m.|| ||

Ye ca vi~n~naa.nadhaatunissitaa upayuupaadaanaa cetaso adhi.t.thaanaabhinivesaanusayaa tesa.m khayaa viraagaa nirodhaa caagaa pa.tinissaggaa vimutta.m me cittanti pajaanaami.|| ||

Eva.m kho me aavuso,||
jaanato eva.m passato imaasu chasu dhaatusu anupaadaaya aasavehi citta.m vimuttan ti.|| ||

Tassa, bhikkhave, bhikkhuno Saadhuuti bhaasita.m abhinanditabba.m anumoditabba.m.|| ||

Saadhuuti bhaasita.m abhinanditvaa anumoditvaa uttari.m pa~nho pucchitabbo:|| ||

Cha kho pan'imaani aavuso,
ajjhattikaani baahiraani aayatanaani tena Bhagavataa jaanataa passataa arahataa Sammaa-Sa.m-Buddhena sammad akkhaataani.|| ||

Katamaani cha?|| ||

Cakkhu.m c'eva ruupaa ca,||
sota.m ca saddaa ca,||
ghaana.m ca ghandhaa ca,||
jivhaa ca rasaa ca,||
kaayo ca pho.t.thabbaa ca,||
mano ca dhammaa ca.|| ||

Imaani kho, aavuso,||
cha ajjhattikaani baahiraani aayatanaani tena Bhagavataa jaanataa passataa arahataa Sammaa-Sa.m-Buddhena sammad akkhaataani.|| ||

Katha.m jaanato pan'aayasmato katha.m passato imesu chasu ajjhattikaani baahiraani aayatanesu anupaadaaya aasavehi citta.m vimuttan ti?|| ||

Khii.naasavassa, bhikkhave,||
bhikkhuno vusitavato katakara.niiyassa ohitabhaarassa ||
anupattasadatthassa parikkhii.nabhavasa.myojanassa||
samma-d-a~n~naa vimuttassa ayam anudhammo hoti veyyaakara.naaya:|| ||

Cakkhusmi.m aavuso,||
ruupe cakkhuvi~n~naa.ne||
cakkhuvi~n~naa.navi~n~naatabbesu dhammesu||
yo chando,||
yo raago,||
yaa nandi,||
yaa ta.nhaa,||
ye ca upayuupaadaanaa cetaso adhi.t.thaanaabhinivesaanusayaa,||
tesa.m khayaa viraagaa nirodhaa caagaa pa.tinissaggaa vimutta.m me cittan ti pajaanaami.|| ||

Sotasmi.m aavuso,||
sadde sotavi~n~naa.ne||
sotavi~n~naa.navi~n~naatabbesu dhammesu||
yo chando,||
yo raago,||
yaa nandi,||
yaa ta.nhaa,||
ye ca upayuupaadaanaa cetaso adhi.t.thaanaabhinivesaanusayaa,||
tesa.m khayaa viraagaa nirodhaa caagaa pa.tinissaggaa vimutta.m me cittan ti pajaanaami.|| ||

Ghaanasmi.m aavuso,||
gandhe ghaanavi~n~naa.ne||
ghaanavi~n~naa.navi~n~naatabbesu dhammesu||
yo chando,||
yo raago,||
yaa nandi,||
yaa ta.nhaa,||
ye ca upayuupaadaanaa cetaso adhi.t.thaanaabhinivesaanusayaa,||
tesa.m khayaa viraagaa nirodhaa caagaa pa.tinissaggaa vimutta.m me cittan ti pajaanaami.|| ||

Jivhaaya aavuso,||
rase jivhaavi~n~naa.ne||
jivhaavi~n~naa.navi~n~naatabbesu dhammesu||
yo chando,||
yo raago,||
yaa nandi,||
yaa ta.nhaa,||
ye ca upayuupaadaanaa cetaso adhi.t.thaanaabhinivesaanusayaa,||
tesa.m khayaa viraagaa nirodhaa caagaa pa.tinissaggaa vimutta.m me cittan ti pajaanaami.|| ||

Kaayasmi.m aavuso,||
pho.t.thabbe kaayavi~n~naa.ne||
kaayavi~n~naa.navi~n~naatabbesu dhammesu||
yo chando,||
yo raago,||
yaa nandi,||
yaa ta.nhaa,||
ye ca upayuupaadaanaa cetaso adhi.t.thaanaabhinivesaanusayaa,||
tesa.m khayaa viraagaa nirodhaa caagaa pa.tinissaggaa vimutta.m me cittan ti pajaanaami.|| ||

Manasmi.m aavuso,||
dhamme manovi~n~naa.ne||
manovi~n~naa.navi~n~naatabbesu dhammesu||
yo chando,||
yo raago,||
yaa nandi,||
yaa ta.nhaa,||
ye ca upayuupaadaanaa cetaso adhi.t.thaanaabhinivesaanusayaa,||
tesa.m khayaa viraagaa nirodhaa caagaa pa.tinissaggaa vimutta.m me cittan ti pajaanaami.|| ||

Eva.m kho me, aavuso,||
jaanato eva.m passato imesu chasu ajjhattikaani baahiraani aayatanesu anupaadaaya aasavehi citta.m vimuttan ti.|| ||

Tassa bhikkhave, bhikkhuno Saadhuuti bhaasita.m abhinanditabba.m anumoditabba.m.|| ||

Saadhuuti bhaasita.m abhinanditvaa anumoditvaa uttari.m pa~nho pucchitabbo:|| ||

Katha.m jaanato pan'aayasmato katha.m passato imasmi.m ca savi~n~naa.nake kaaye bahiddhaa ca sabbanimittesu ahi.mkaaramami'nkaaramaanaanusayaa susamuuhataa ti?|| ||

[33] Khii.naasavassa bhikkhave, bhikkhuno vusitavato katakara.niiyassa ohitabhaarassa anuppattasadatthassa parikkhii.nabhavasa.myojanassa samma-d-a~n~naa vimuttassa ayam anudhammo hoti veyyaakara.naaya:|| ||

'Pubbe kho aha.m, aavuso, agaariyabhuuto samaano aviddasu ahosi.m.|| ||

Tassa me Tathaagato vaa Tathaagatasaavako vaa dhamma.m desesi.|| ||

Taaha.m dhamma.m sutvaa Tathaagate saddha.m pa.tilabhi.m.|| ||

So tena saddhaapa.tilaabhena samannaagato iti pa.tisa~ncikkhi.m:|| ||

Sambaadho ghaaraavaaso rajaapatho,||
abbhokaaso pabbajjaa,||
na-y-ida.m sukara.m agaara.m ajjhaavasataa||
ekanta-paripu.n.na.m||
ekanta-parisuddha.m||
sankhalikhita.m brahmacariya.m caritu.m.|| ||

Yan'nuunaaha.m kesamassu.m ohaaretvaa kaasaayaani vatthaani acchaadetvaa agaarasmaa anagaariya.m pabbajeyyan ti.|| ||

So kho aha.m, aavuso,||
aparena samayena appa.m vaa bhogakkhandha.m pahaaya mahanta.m vaa bhogakkhandha.m pahaaya,||
appa.m vaa ~naatipariva.t.ta.m pahaaya mahanta.m vaa ~naatipariva.t.ta.m pahaaya,||
kesamassu.m ohaaretvaa kaasaayaani vatthaani acchaadetvaa agaarasmaa anagaariya.m pabbaji.m.|| ||

So eva.m pabbajito samaano bhikkhuuna.m sikkhaasaajivasamaapanno paa.naatipaata.m pahaaya paa.naatipaataa pa.tivirato ahosi.m,||
nihita-da.n.do nihita-sattho lajjii dayaapanno sabba-paa.na-bhuuta-hitaanukampii vihaasi.m.|| ||

Adinnaadaana.m pahaaya adinnaadaanaa pa.tivirato ahosi.m.||
Dinnaadaayii dinna-paa.tika'nkhii athenena sucibhuutena attanaa vihaasi.m.|| ||

Abrahmacariya.m pahaaya brahmacaarii ahosi.m aaraa-caarii||
virato methunaa gaama-dhammaa.|| ||

Musaa-vaada.m pahaaya musaavaadaa pa.tivirato ahosi.m,||
sacca-vaadii saccasandho theto paccayiko avisa.mvaadako lokassa.|| ||

Pisuna.m vaaca.m pahaaya pisunaaya vaacaaya pa.tivirato ahosi.m,||
ito sutvaa na amutra akkhaataa imesa.m bhedaaya,||
amutra vaa sutvaa na imesa.m akkhaataa amuusa.m bhedaaya,||
iti bhinnaana.m vaa sandhaataa||
sahitaana.m vaa anuppadaataa||
samaggaaraamo samaggarato samagganandii samaggakara.ni.m vaaca.m bhaasitaa ahosi.m.|| ||

Pharusa.m vaaca.m pahaaya pharusaaya vaacaaya pa.tivirato ahosi.m,||
yaa saa vaacaa ne'aa ka.n.nasukhaa [34] pema.niiyaa hadaya'ngamaa porii bahujanakantaa bahujanamanaapaa tathaaruupi.m vaaca.m bhaasitaa ahosi.m.|| ||

Samphappalaapa.m pahaaya samphappalaapaa pa.tivirato ahosi.m,||
kaala-vaadii bhuuta-vaadii attha-vaadii dhamma-vaadii vinaya-vaadii ,||
nidhaanavati.m vaaca.m bhaasitaa ahosi.m kaalena saapadesa.m pariyantavati.m atthasa.mhita.m.|| ||

So biijagaamabhuutagaamasamaaramhaa pa.tivirato ahosi.m.|| ||

Ekabbhattiko ahosi.m rattuuparato,||
pa.tivirato vikaala-bhojanaa.|| ||

Naccagiitavaadita visukadassanaa pa.tivirato ahosi.m.|| ||

Maalaagandhavilepanadhaara.nama.n.dana vibhusana.t.thaanaa pa.tivirato ahosi.m.|| ||

Uccaasayana-mahaasayanaa pa.tivirato ahosi.m.|| ||

Jaataruupa-rajata-pa.tiggaha.naa pa.tivirato ahosi.m.|| ||

Aamakadha~n~na pa.tiggaha.naa pa.tivirato ahosi.m.|| ||

Aamaka-ma.msa-pa.tiggaha.naa pa.tivirato ahosi.m.|| ||

Itthi-kumaarika-pa.tiggaha.naa pa.tivirato ahosi.m.|| ||

Daasi-daasa-pa.tiggaha.naa pa.tivirato ahosi.m.|| ||

Aje.laka-pa.tiggaha.naa pa.tivirato ahosi.m.|| ||

Kukku.ta-suukara-pa.tiggaha.naa pa.tivirato ahosi.m.|| ||

Hatthigavaassa va'avapa.tiggaha.naa pa.tivirato ahosi.m.|| ||

Khetta-vatthu-pa.tiggaha.naa pa.tivirato ahosi.m.|| ||

Duuteyya pahinagamanaanuyogaa pa.tivirato ahosi.m.|| ||

Kaya-vikkayaa pa.tivirato ahosi.m.|| ||

Tulaakuu.taka.msaku.tamaanaku.taa pa.tivirato ahosi.m.|| ||

Ukko.tanava~n cananikatisaaciyogo pa.tivirato ahosi.m.|| ||

Chedana-vadhabandhana-viparaamosa-aalopa-sahasaakaaraa pa.tivirato ahosi.m.|| ||

So santu.t.tho ahosi.m kaayaparihaarikena ciivarena kucchiparihaarikena pi.n.dapaatena.|| ||

So yena yen'eva pakkami.m,||
samaadaayeva pakkami.m.|| ||

Seyyathaa pi naama pakkhii saku.no yena yen'eva .deti,||
sapattabhaarova .deti.|| ||

Evam eva kho aha.m aavuso,||
santu.t.tho ahosi.m,||
kaayaparihaarikena ciivarena kucchiparihaarikena pi.n.dapaatena.|| ||

So yena yen'eva pakkami.m,||
samaadaayeva pakkami.m.|| ||

So iminaa ariyena silakkhandhena samannaagato ajjhatta.m anavajjasukha.m pa.tisa'nvedesi.m.|| ||

So cakkhunaa ruupa.m disvaa na nimittaggaahii ahosi.m naanuvya~njanaggaahii.|| ||

Yato'dhikara.nam ena.m cakkhu'ndriya.m asa'nvuta.m viharanta.m abhijjhaa domanassaa paapakaa akusalaa dhammaa anvaassaveyyu.m,||
tassa sa'nvaraaya [35] pa.tipajji.m,||
rakkhi.m cakkhuundriya.m,||
cakkhu'ndriye sa'nvara.m aapajji.m.|| ||

Sotena sadda.m sutvaa na nimittaggaahii ahosi.m naanuvya~njanaggaahii.|| ||

Yato'dhikara.nam ena.m sot'indriya.m asa'nvuta.m viharanta.m abhijjhaa-domanassaa paapakaa akusalaa dhammaa anvaassaveyyu.m,||
tassa sa'nvaraaya pa.tipajji.m,||
rakkhi.m sot'indriya.m,||
sot'indriye sa'nvara.m aapajji.m.|| ||

Ghaanena gandha.m ghaayitvaa na nimittaggaahii ahosi.m naanuvya~njanaggaahii.|| ||

Yato'dhikara.nam ena.m ghaan'indriya.m asa'nvuta.m viharanta.m abhijjhaa domanassaa paapakaa akusalaa dhammaa anvaassaveyyu.m,||
tassa sa'nvaraaya pa.tipajji.m,||
rakkhi.m ghaan'indriya.m,||
ghaan'indriye sa'nvara.m aapajji.m.|| ||

Jivhaaya rasa.m saayitvaa na nimittaggaahii ahosi.m naanuvya~njanaggaahii.|| ||

Yato'dhikara.nam ena.m jivh'indriya.m asa'nvuta.m viharanta.m abhijjhaa domanassaa paapakaa akusalaa dhammaa anvaassaveyyu.m,||
tassa sa'nvaraaya pa.tipajji.m,||
rakkhi.m jivh'indriya.m,||
jivh'indriye sa'nvara.m aapajji.m.|| ||

Kaayena pho.t.thabba.m phusitvaa na nimittaggaahii ahosi.m naanuvya~njanaggaahii.|| ||

Yato'dhikara.nam ena.m kaay'indriya.m asa'nvuta.m viharanta.m abhijjhaa domanassaa paapakaa akusalaa dhammaa anvaassaveyyu.m,||
tassa sa'nvaraaya pa.tipajji.m,||
rakkhi.m kaay'indriya.m,||
kaay'indriye sa'nvara.m aapajji.m.|| ||

Manasaa dhamma.m vi~n~naaya na nimittaggaahii ahosi.m naanuvya~njanaggaahii.|| ||

Yato'dhikara.nam ena.m man'indriya.m asa'nvuta.m viharanta.m abhijjhaa-domanassaa paapakaa akusalaa dhammaa anvaassaveyyu.m,||
tassa sa'nvaraaya pa.tipajji.m,||
rakkhi.m man'indriya.m,||
man'indriye sa'nvara.m aapajji.m.|| ||

So iminaa ariyena indriyasa.mvarena samannaagato ajjhatta.m avyaasekasukha.m pa.tisa'nvedesi.m.|| ||

So abhikkante pa.tikkante sampajaanakaarii ahosi.m.|| ||

Aalokite vilokite sampajaanakaarii ahosi.m.|| ||

Sammi~njite pasaarite sampajaanakaarii ahosi.m.|| ||

Sanghaa.tiipattacivaradhaara.ne sampajaanakaarii ahosi.m.|| ||

Asite piite khaayite saayite sampajaanakaarii ahosi.m.|| ||

Uccaarapassaavakamme sampajaakaarii ahosi.m.|| ||

Gate .thite nisinne sutte jaagarite bhaasite tu.nhiibhaave sampajaanakaarii ahosi.|| ||

So iminaa ca ariyena siilakkhandhena samannaagato iminaa ca ariyena indriyasa.mvarena samannaagato iminaa ca ariyena satisampaja~n~nena samannaagato vivitta.m senaasana.m bhaji.m ara~n~na.m rukkhamuula.m pabbata.m kandara.m giriguha.m susaana.m vanapattha.m abbhokaasa.m palaalapu~nja.m.|| ||

So pacchaabhatta.m pi.n.dapaatapa.tikkanto
nisiidi.m palla'nka.m aabhujitvaa,||
uju.m kaaya.m pa.nidhaaya,||
parimukha.m sati.m upa.t.thapetvaa.|| ||

So abhijjha.m loke pahaaya||
vigaataabhijjhena cetasaa vihaasi.m,||
abhijjhaaya citta.m parisodhesi.m.|| ||

vyaapaadapadosa.m pahaaya||
avyaapannacitto vihaasi.m sabbapaanabhuutahitaanukampii,||
vyaapaadapadosaa citta.m parisodhesi.m.|| ||

Thiinamiddha.m pahaaya||
vigatathiinamiddho vihaasi.m aalokasa~n~nii sato sampajaano,||
thiinamiddhaa citta.m parisodhesi.m.|| ||

Uddhaccakukkucca.m pahaaya||
anuddhato vihaasi.m ajjhatta.m vuupasantacitto,||
uddhaccakukkuccaa citta.m parisodhesi.m.|| ||

Vicikiccha.m pahaaya||
ti.n.navicikiccho vihaasi.m akatha'nkathii kusalesu dhammesu,||
vicikicchaaya citta.m parisodhesi.m.|| ||

[36] So ime pa~nca niivara.ne pahaaya||
cetaso upakkilese pa~n~naaya dubbaliikara.ne||
vivicc'eva kaamehi||
vivicca akusalehi dhammehi||
savitakka.m savicaara.m||
vivekaja.m piiti-sukha.m||
pa.thama.m-jhaana.m upasampajja vihaasi.m.|| ||

Vitakka-vicaaraana.m vuupasamaa ajjhatta.m sampasaadana.m cetaso ekodi-bhaava.m||
avitakka.m avicaara.m samaadhija.m pitisukha.m dutiya.m-jhaana.m upasampajja vihaasi.m.|| ||

Piitiyaa ca viraagaa upekkhako ca vihaasi.m sato ca sampajaano sukha~nca kaayena pa.tisa'nvedesi.m.|| ||

Ya.m ta.m ariyaa aacikkhanti:|| ||

'Upekkhako satimaa sukha-vihaarii' ti ta.m tatiya.m-jhaana.m upasampajja vihaasi.m.|| ||

Sukhassa ca pahaanaa dukkhassa ca pahaanaa pubbe va somanassa-domanassaana.m attha'ngamaa adukkha-m-asukha.m upekkhaa-sati-paarisuddhi.m catuttha.m-jhaana.m upasampajja vihaasi.m.|| ||

So eva.m samaahite citte parisuddhe pariyodaate ana'nga.ne vigatupakkilese mudubhute kammaniiye .thite aa.na~njappatte aasavaana.m khaya~naa.naaya citta.m abhininnaamesi.m.|| ||

So ida.m dukkhan ti yathaabhuuta.m abbha~n~naasi.m,||
aya.m dukkhasamudayo ti yathaabhuuta.m abbha~n~naasi.m,||
aya.m dukkhanirodho ti yathaabhuuta.m abbha~n~naasi.m,||
aya.mdukkhanirodhagaaminiipa.tipadaa ti yathaabhuuta.m abbha~n~naasi.m.|| ||

Ime aasavaa ti yathaabhuuta.m abbha~n~naasi.m,||
aya.m aasavasamudayo ti yathaabhuuta.m abbha~n~naasi.m,||
aya.m aasavanirodho ti yathaabhuuta.m abbha~n~naasi.m,||
aya.m aasavanirodhagaaminiipa.tipadaa ti yathaabhuuta.m abbha~n~naasi.m.|| ||

Tassa me eva.m jaanato eva.m passato kaamaasavaa pi citta.m vimuccittha,||
bhavaasavaa pi citta.m vimuccittha,||
avijjaasavaa pi citta.m vimuccittha.|| ||

Vimuttasmi.m vimuttamiti ~naa.na.m ahosi:|| ||

'Khii.naa jaati,||
vusita.m brahmacariya.m,||
kata.m kara.niiya.m,||
naapara.m itthattaayaa'ti abbha~n~naasi.m.|| ||

Eva.m kho me aavuso,||
jaanato eva.m passato imasmi.m ca savi~n~naa.nake kaaye bahiddhaa ca sabbanimittesu aha'nkaara-mama'nkaara-maanaanusayaa susamuuhataati.|| ||

Tassa bhikkhave, bhikkhuno Saadhuuti bhaasita.m abhinanditabba.m anumoditabba.m.|| ||

Saadhuuti bhaasita.m abhinanditvaa anumoditvaa evam assa vacaniiyo:|| ||

'Laabhaa no aavuso,||
suladdha.m [37] no, aavuso,||
ye maya.m aayasmanta.m taadisa.m brahmacaari.m passaamaa' ti.|| ||

Idam avoca Bhagavaa. Attamanaa te bhikkhuu Bhagavato bhaasita.m abhinandunti.|| ||

Jabbisodhanasutta.m dutiya.m


 

Contact:
E-mail
Copyright Statement