Majjhima Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Majjhima Nikaaya
III. Upari Pa.n.naasa
2. Anupada Vagga

Sutta 115

Bahu-Dhaatuka Sutta.m

Based on the 'Sri Lanka Buddha Jayanti Tripitaka Series.'

 


 

[1][chlm][pts][upal] Eva.m me suta.m:|| ||

Eka.m samaya.m Bhagavaa Saavatthiiya.m viharati Jetavane Anaathapi.n.dikassa aaraame.|| ||

Tatra kho Bhagavaa bhikkhu aamantesi:||
"Bhikkhavo" ti.|| ||

"Bhadante" ti te bhikkhuu Bhagavato paccassosu.m Bhagavaa etad avoca:|| ||

"Yaani kaanici bhikkhave,||
bhayaani uppajjanti,||
sabbaani taani baalato uppajjanti no pa.n.ditato.|| ||

Ye keci upaddavaa uppajjanti,||
sabbe te baalato uppajjanti no pa.n.ditato.|| ||

Ye keci upasaggaa uppajjanti.|| ||

Sabbe te baalato uppajjanti no pa.n.ditato.|| ||

Seyyathaa pi, bhikkhave,||
na'aagaaro vaa ti.naagaaro vaa1 aggimukko kuu.taagaaraa pi dahati ullittaavalittaani nivaataani phussitagga'aani pihitavaatapaanaani.|| ||

Evam eva kho bhikkhave,||
yaani kaanici bhayaani uppajjanti,||
sabbaani taani baalato uppajjanti no pa.n.ditato.|| ||

Ye keci upasaggaa uppajjanti,||
sabbe te baalato uppajjanti no pa.n.ditato.|| ||

Iti kho bhikkhave,||
sappa.tibhayo baalo appa.tibhayo pa.n.dito.|| ||

Saupaddavo baalo anupaddavo pa.n.dito.|| ||

Saupasaggo baalo anupasaggo pa.n.dito.|| ||

N'atthi bhikkhave,||
pa.n.ditato bhaya.m.|| ||

N'atthi pa.n.ditato upaddavo.|| ||

N'atthi pa.n.ditato upasaggo.|| ||

Tasmaat iha bhikkhave,||
*eva.m sikkhitabba.m:||
pa.n.ditaa bhavissaama viima.msakaati,||
eva.m hi vo bhikkhave sikkhitabban" ti.|| ||

[62] Eva.m vutte aayasmaa Aanando Bhagavanta.m etad avoca:|| ||

"Kittaavataa nu kho bhante,||
pa.n.dito bhikkhu vima.msakoti ala.m vacanaayaa" ti?|| ||

"Yato kho Aananda,||
bhikkhu dhaatukusalo ca hoti,||
aayatanakusalo ca hoti,||
pa.ticca-samuppaadakusalo ca hoti,||
.thaana.thaanakusalo ca hoti,||
ettaavataa kho Aananda,||
pa.n.dito bhikkhu vima.msakoti ala.m vacanaayaa" ti.|| ||

"Kittaavataa pana bhante,||
dhaatukusalo bhikkhuti ala.m vacanaayaa" ti?|| ||

"A.t.thaarasa kho imaa Aananda,||
dhaatuyo:||
cakkhudhaatu ruupadhaatu cakkhuvi~n~naa.nadhaatu,||
sotadhaatu saddadhaatu sotavi~n~naa.nadhaatu,||
ghaanadhaatu gandhadhaatu ghaanavi~n~naa.nadhaatu,||
jiivhaadhaatu rasadhaatu jivhaavi~n~naa.nadhaatu kaayadhaatu pho.t.thabbadhaatu kaayavi~n~naa.nadhaatu manodhaatu dhammadhaatu manovi~n~naa.nadhaatuti.|| ||

Imaa kho Aananda,||
a.t.thaarasa dhaatuyo yato jaanaati passati,||
ettaavataapi kho Aananda,||
dhaatukusalo bhikkhuuti ala.m vacanaayaa" ti.|| ||

"Siyaa pana bhante,||
a~n~no pi pariyaayo yathaa dhaatukusalo bhikkhuuti ala.m vacanaayaa" ti?|| ||

"Siyaa Aananda,||
chayimaa Aananda,||
dhaatuyo:||
pa.thaviidhaatu aapodhaatu tejodhaatu vaayodhotu aakaasadhaatu vi~n~naa.nadhaatu.|| ||

Imaa kho Aananda,||
cha dhaatuyo yato jaanaati passati.|| ||

Ettaavataa pi kho Aananda dhaatukusalo bhikkhuuti ala.m vacanaayaa" ti.|| ||

"Siyaa pana bhante,||
a~n~no pi pariyaayo yathaa dhaatukusalo bhikkhuuti ala.m vacanaayaa" ti?|| ||

"Siyaa Aananda,||
chayimaa Aananda,||
dhaatuyo:||
sukhadhaatu dukkhadhaatu somanassadhaatu domanassadhaatu upekkhaadhaatu avijjaadhaatu.|| ||

Imaa kho Aananda,||
cha dhaatuyo yato jaanaati passati.|| ||

Ettaavataa pi kho Aananda,||
dhaatukusalo bhikkhuuti ala.m vacanaayaa" ti.|| ||

"Siyaa pana bhante,||
a~n~no pi pariyaayo yathaa dhaatukusalo bhikkhuuti ala.m vacanaayaa" ti?|| ||

"Siyaa Aananda,||
chayimaa Aananda,||
dhaatuyo:||
kaamadhaatu nekkhammadhaatu vyaapaadadhaatu avyaapaadadhaatu [63] vihi.msaadhaatu avihi.msaadhaatu1 imaa kho Aananda,||
cha dhaatuyo yato jaanaati passati.|| ||

Ettaavataa pi kho Aananda,||
dhaatukusalo bhikkhuuti ala.m vacanaayaa" ti.|| ||

"Siyaa pana bhante,||
a~n~no pi pariyaayo yathaa dhaatukusalo bhikkhuuti ala.m vacanaayaa" ti?|| ||

"Siyaa Aananda,||
tisso imaa Aananda,||
dhaatuyo:||
kaamadhaatu ruupadhaatu aruupadhaatu.|| ||

Imaa kho Aananda,||
tisso dhaatuyo yato jaanaati passati.|| ||

Ettaavataa pi kho Aananda,||
dhaatukusalo bhikkhuuti ala.m vacanaayaa" ti.|| ||

"Siyaa pana bhante,||
a~n~no pi pariyaayo yathaa dhaatukusalo bhikkhuuti ala.m vacanaayaa" ti?|| ||

"Siyaa Aananda,||
dve imaa Aananda,||
dhaatuyo:||
sa'nkhataa ca dhaatu||
asa'nkhataa ca dhaatu.|| ||

Imaa kho Aananda,||
dve dhaatuyo yato jaanaati passati.|| ||

Ettaavataa pi kho Aananda,||
dhaatukusalo bhikkhuuti ala.m vacanaayaa" ti.|| ||

"Kittaavataa pana bhante,||
aayatanakusalo bhikkhuuti ala.m vacanaayaa" ti.|| ||

"Cha kho panimaani Aananda,||
ajjhattikabaahiraani aayatanaani:||
cakkhu.m c'eva ruupaa ca,||
sota~n ca saddaa ca,||
ghaana~nca gandhaa ca,||
jivhaa ca rasaa ca,||
kaayo ca pho.t.thabbaa ca6,||
mano ca dhammaa ca.|| ||

Imaani kho Aananda,||
cha ajjhattikabaahiraani aayatanaani yato jaanaati passati.|| ||

Ettaavataa kho Aananda,||
aayatanakusalo bhikkhuuti ala.m vacanaayaa" ti.|| ||

"Kittaavataa pana bhante,||
pa.ticca-samuppaadakusalo bhikkhuuti ala.m vacanaayaa" ti?|| ||

"Idh'Aananda,||
bhikkhuu eva.m pajaanaati:||
imasmi.m sati ida.m hoti.|| ||

Imassuppaadaa ida.m uppajjati.|| ||

Imasmi.m asati ida.m na hoti.|| ||

Imassa nirodhaa idha.m nirujjhati,||
yad ida.m avijjaa paccayaa sankhaaraa,||
sankhaarapaccayaa vi~n~naa.na.m,||
vi~n~naa.napaccayaa naama-ruupa.m,||
naama-ruupapaccayaa sa.laayatana.m,||
sa.laayatanapaccayaa phasso,||
phassa-paccayaa vedanaa,||
vedanaapaccayaa ta.nhaa,||
ta.nhaapaccayaa upaadaana.m,||
upaadaana-paccayaa [64] bhavo,||
bhava-paccayaa jaati,||
jaati-paccayaa jaraa-mara.na.m,||
sokaparidevadukkhadomanassupaasaayaa sambhavanti.|| ||

Evam etassa kevalassa dukkhakkhandhassa samudayo hoti.|| ||

Avijjayattheva asesaviraaganirodhaa sankhaaranirodho,||
sankhaaranirodhaa vi~n~naa.nanirodho,||
vi~n~naa.nanirodhaa naama-ruupanirodho,||
naama-ruupanirodhaa sa.laayatananirodho,||
sa.laayatananirodhaa phassanirodho,||
phassanirodhaa vedanaanirodho,||
vedanaanirodhaa ta.nhaanirodho,||
ta.nhaanirodhaa upaadaananirodho,||
upaadaananirodhaa bhavanirodho,||
bhavanirodhaa jaatinirodho,||
jaatinirodhaa jaraa-mara.na.m soka-parideva-dukkha-domanass'-upaayaasaa nirujjhanti.|| ||

Evam etassa kevalassa dukkhakkhandhassa nirodho hoti.|| ||

Ettaavataa kho Aananda,||
pa.ticca-samuppaadakusalo bhikkhuuti ala.m vacanaayaa" ti.|| ||

"Kittaavataa pana bhante,||
.thaana.thaanakusalo bhikkhuuti ala.m vacanaayaa" ti?|| ||

"Idh'Aananda, bhikkhuu:||
'a.t.thaaname ta.m anavakaaso,||
ya.m di.t.thi-sampanno puggalo ka~nci sankhaara.m niccato upagaccheyya,||
n'eta.m .thaana.m vijjatii' ti pajaanaati.|| ||

'.Thaana.m ca kho eta.m vijjati ya.m puthujjano ka~nci sankhaara.m niccato upagaccheyya,||
.thaaname ta.m vijjatii' ti pajaanaati.|| ||

'A.t.thaaname ta.m anavakaaso ya.m di.t.thi-sampanno puggalo ka~nci sankhaara.m sukhato upagaccheyya,||
n'eta.m .thaana.m vijjati ya.m puthujjano ka~nci sankhaara.m sukhato upagaccheyya,||
.thaaname ta.m vijjatii' ti pajaanaati.|| ||

'A.t.thaaname ta.m anavakaaso ya.m di.t.thi-sampanno puggalo ka~nci dhamma.m attato sukhato upagaccheyya,||
n'eta.m .thaana.m vijjati ya.m puthujjano ka~nci dhamma.m attato upagaccheyya,||
.thaaname ta.m vijjatii' ti pajaanaati.|| ||

'A.t.thaaname ta.m anavakaaso ya.m di.t.thi-sampanno puggalo maatara.m jiivitaa voropeyya,||
n'eta.m .thaana.m vijjatii' ti pajaanaati.|| ||

'.Thaana.m ca kho eta.m vijjati ya.m puthujjano maatara.m jiivitaa voropeyya,||
.thaaname ta.m vijjatii' ti pajaanaati.|| ||

'A.t.thaaname ta.m anavakaaso,||
[65] ya.m di.t.thi-sampanno puggalo pitara.m jiivitaa voropeyya,||
n'eta.m .thaana.m vijjatii' ti pajaanaati.|| ||

.Thaana~n ca kho eta.m vijjati:||
ya.m puthujjano pitara.m jiivitaa voropeyya,||
.thaaname ta.m vijjatii' ti pajaanaati.|| ||

'A.t.thaaname ta.m anavakaaso ya.m di.t.thi-sampanno puggalo arahanta.m jiivitaa voropeyya,||
n'eta.m .thaana.m vijjatii' ti pajaanaati.|| ||

.Thaana~n ca kho eta.m vijjati:||
ya.m puthujjano arahanta.m jiivitaa voropeyya,||
.thaaname ta.m vijjatii' ti pajaanaati.|| ||

'A.t.thaaname ta.m anavakaaso:||
ya.m di.t.thi-sampanno puggalo du.t.thacitto Tathaagatassa lohita.m uppaadeyya,||
n'eta.m .thaana.m vijjatii' ti pajaanaati.|| ||

.Thaana~n ca kho eta.m vijjati:||
ya.m puthujjano du.t.thacitto Tathaagatassa lohita.m uppaadeyya,||
.thaaname ta.m vijjatii' ti pajaanaati.|| ||

'A.t.thaaname ta.m anavakaaso:||
ya.m di.t.thi-sampanno puggalo sa'ngha.m bhindeyya,||
n'eta.m .thaana.m vijjatii' ti pajaanaati.|| ||

'.Thaana.m ca kho eta.m vijjati:||
ya.m puthujjano sa'ngha.m bhindeyya,||
.thaaname ta.m vijjatii' ti pajaanaati.|| ||

'A.t.thaaname ta.m anavakaaso:||
ya.m di.t.thi-sampanno puggaloa~n~na.m satthaara.m uddiseyya,||
n'eta.m .thaana.m vijjatii' ti pajaanaati.|| ||

'.Thaana.m ca kho eta.m vijjati:||
ya.m puthujjano a~n~na.m satthaara.m uddiseyya,||
.thaaname ta.m vijjatii' ti pajaanaati.|| ||

'A.t.thaaname ta.m anavakaaso:||
ya.m ekissaa loka-dhaatuyaa dve arahanto Sammaa-sambuddho apubba.m acarima.m uppajjeyyu.m,||
n'eta.m .thaana.m vijjatii' ti pajaanaati.|| ||

.Thaana.m ca kho eta.m vijjati:||
ya.m ekissaa loka-dhaatuyaa eko araha.m Sammaa-sambuddho uppajjeyya,||
.thaaname ta.m vijjatii' ti pajaanaati.|| ||

'A.t.thaaname ta.m anavakaaso:||
ya.m ekissaa loka-dhaatuyaa dve raajaano cakkavattino apubba.m acarima.m uppajjeyyu.m,||
n'eta.m .thaana.m vijjatii' ti pajaanaati.|| ||

.Thaana.m ca kho eta.m vijjati:||
ya.m ekissaa loka-dhaatuyaa eko raajaa cakkavattii uppajjeyya,||
.thaaname ta.m vijjatii' ti pajaanaati.|| ||

'A.t.thaaname ta.m anavakaaso:||
ya.m itthii araha.m assa Sammaa-sambuddho,||
n'eta.m .thaana.m vijjatii' ti pajaanaati.|| ||

.Thaana~n ca kho eta.m vijjati:||
ya.m puriso araha.m assa Sammaa-sambuddho,||
.thaaname ta.m vijjatii' ti pajaanaati.|| ||

'A.t.thaaname ta.m anavakaaso:||
ya.m itthii raajaa assa cakkavattii,||
n'eta.m .thaana.m vijjatii' ti pajaanaati.|| ||

'.Thaana~n ca kho eta.m vijjati:||
ya.m puriso raajaa assa cakkavattii,||
.thaaname ta.m vijjatii' ti pajaanaati.|| ||

'A.t.thaaname ta.m anavakaaso:||
ya.m itthii sakkatta.m [66] kareyya1,||
n'eta.m .thaana.m vijjatii' ti pajaanaati.|| ||

.Thaana~n ca kho eta.m vijjati:||
ya.m puriso sakkatta.m kareyya,||
.thaaname ta.m vijjatii' ti pajaanaati.|| ||

'A.t.thaaname ta.m anavakaaso:||
ya.m itthii maaratta.m kareyya,||
n'eta.m .thaana.m vijjatii' ti pajaanaati.|| ||

.Thaana~n ca kho eta.m vijjati:||
ya.m puriso maaratta.m kareyya,||
.thaaname ta.m vijjatii' ti pajaanaati.|| ||

A.t.thaaname ta.m anavakaaso:||
ya.m itthii brahmatta.m kareyya,||
n'eta.m .thaana.m vijjatii' ti

Pajaanaati.|| ||

'.Thaana~n ca kho eta.m vijjati:||
ya.m puriso brahmatta.m kareyya,.thaaname ta.m vijjatii' ti pajaanaati.|| ||

A.t.thaaname ta.m anavakaaso:||
ya.m kaayaduccaritassa i.t.tho kanto manaapo vipaako nibbatteyya,||
n'eta.m .thaana.m vijjatii' ti pajaanaati.|| ||

.Thaana~n ca kho eta.m vijjati:||
ya.m kaayaduccaritassa ani.t.tho akanto amanaapo vipaako nibbatteyya,||
.thaaname ta.m vijjatii' ti pajaanaati.|| ||

'A.t.thaaname ta.m anavakaaso:||
ya.m vaciiduccaritassa i.t.tho kanto manaapo vipaako nibbatteyya,||
n'eta.m .thaana.m vijjatii' ti pajaanaati.|| ||

.Thaana~n ca kho eta.m vijjati:||
ya.m vaciiduccaritassa ani.t.tho akanto amanaapo vipaako nibbatteyya,||
.thaaname ta.m vijjatii' ti pajaanaati.|| ||

A.t.thaaname ta.m anavakaaso ya.m manoduccaritassa i.t.tho kanto manaapo vipaako nibbatteyya,||
n'eta.m .thaana.m vijjatii' ti pajaanaati.|| ||

'.Thaana~n ca kho eta.m vijjati:||
ya.m manoduccaritassa ani.t.tho akanto amanaapo vipaako nibbatteyya,||
.thaaname ta.m vijjatii' ti pajaanaati.|| ||

A.t.thaaname ta.m anavakaaso:||
ya.m kaayasucaritassa ani.t.tho akanto amanaapo vipaako nibbatteyya,||
n'eta.m .thaana.m vijjatii' ti pajaanaati.|| ||

'.Thaana~n ca kho eta.m vijjati:||
ya.m kaayasucaritassa i.t.tho kanto manaapo vipaako nibbatteyya,||
.thaaname ta.m vijjatii' ti pajaanaati.|| ||

'A.t.thaaname ta.m anavakaaso,||
ya.m vaciisucaritassa ani.t.tho akanto amanaapo vipaako nibbatteyya,||
n'eta.m .thaana.m vijjatii' ti pajaanaati.|| ||

.Thaana~n ca kho eta.m vijjati:||
ya.m vaciisucaritassa i.t.tho kanto manaapo vipaako nibbatteyya,||
.thaaname ta.m vijjatii' ti pajaanaati.|| ||

Ya.m manosucaritassa ani.t.tho akanto amanaapo vipaako nibbatteyya,||
n'eta.m .thaana.m vijjatii' ti pajaanaati.|| ||

.Thaana~n ca kho eta.m vijjati:||
ya.m manosucaritassa i.t.tho kanto manaapo vipaako nibbatteyya,||
.thaaname ta.m vijjatii' ti pajaanaati.|| ||

A.t.thaaname ta.m anavakaaso:||
ya.m kaayaduccaritasama'ngii tannidaanaa tappaccayaa kaayassa bhedaa param mara.naa sugati.m sagga.m loka.m uppajjeyya,||
n'eta.m .thaana.m vijjatii' ti pajaanaati.|| ||

.Thaana~n ca kho eta.m vijjati:||
ya.m kaayaduccaritasama'ngii [67] tannidaanaa tappaccayaa kaayassa bhedaa param mara.naa apaaya.m duggati.m vinipaata.m Niraya.m uppajjeyya,||
.thaaname ta.m vijjatii' ti pajaanaati.|| ||

A.t.thaaname ta.m anavakaaso:||
ya.m vaciiduccaritasama'ngii tannidaanaa tappaccayaa kaayassa bhedaa param mara.naa sugati.m sagga.m loka.m uppajjeyya,||
ya.m manoduccaritasama'ngii tannidaanaa tappaccayaa kaayassa bhedaa param mara.naa sugati.m sagga.m loka.m uppajjeyya,||
n'eta.m .thaana.m vijjatii' ti pajaanaati.|| ||

'.Thaana~n ca kho eta.m vijjati:||
ya.m mano duccaritasama'ngii tannidaanaa tappaccayaa kaayassa bhedaa param mara.naa apaaya.m duggati.m vinipaata.m Niraya.m uppajjeyya,||
.thaaname ta.m vijjatii' ti pajaanaati.|| ||

A.t.thaaname ta.m anavakaaso:||
ya.m kaayasucaritasama'ngii tannidaanaa tappaccayaa kaayassa bhedaa param mara.naa apaaya.m duggati.m vinipaata.m Niraya.m uppajjeyya,||
n'eta.m .thaana.m vijjatii' ti pajaanaati.|| ||

'.Thaana~n ca kho eta.m vijjati:||
ya.m kaayasucaritasama'ngii tannidaanaa tappaccayaa kaayassa bhedaa param mara.naa sugati.m sagga.m loka.m uppajjeyya,||
.thaaname ta.m vijjatii' ti pajaanaati.|| ||

A.t.thaaname ta.m anavakaaso,||
ya.m vaciisucaritasama'ngii tannidaanaa tappaccayaa kaayassa bhedaa param mara.naa apaaya.m duggati.m vinipaata.m Niraya.m uppajjeyya,||
n'eta.m .thaana.m vijjatii' ti pajaanaati.|| ||

.Thaana~n ca kho eta.m vijjati:||
ya.m vaciisucaritasama'ngii tannidaanaa tappaccayaa kaayassa bhedaa param mara.naa sugati.m sagga.m loka.m uppajjayya,.thaaname ta.m vijjatii' ti pajaanaati.|| ||

A.t.thaaname ta.m anavakaaso ya.m mano sucaritasama'ngii tannidaanaa tappaccayaa kaayassa bhedaa param mara.naa apaaya.m duggati.m vinipaata.m Niraya.m uppajjeyya,||
n'eta.m .thaana.m vijjatii' ti pajaanaati.|| ||

.Thaana~n ca kho eta.m vijjati:||
ya.m manosucaritasama'ngii tannidaanaa tappaccayaa kaayassa bhedaa param mara.naa sugati.m sagga.m loka.m uppajjye,||
.thaaname ta.m vijjatii' ti pajaanaati.|| ||

Ettaavataa kho Aananda,||
.thaanaa.thaanakusalo bhikkhuuti ala.m vacanaayaa" ti.|| ||

Eva.m vutte aayasmaa Aanando Bhagavanta.m etad avoca:|| ||

"Acchariya.m bhante,||
abbhuta.m bhante,||
ko namo aya.m bhante,||
dhamma-pariyaayo" ti.|| ||

"Tasmaat iha tva.m Aananda,||
ima.m dhamma-pariyaaya.m bahudhaatuko ti pi na.m dhaarehi,||
catupariva.t.to ti pi na.m dhaarehi dhammaadaasoti pi na.m dhaarehi,||
amatadundubhiiti pi na.m dhaarehi,||
anuttaro sa'ngaama-vijayoti pi na.m dhaarehii" ti.|| ||

Idam avoca Bhagavaa.|| ||

Attamano aayasmaa Aanando Bhagavato bhaasita.m abhinandiiti.

Bahudhaatukasutta.m pa~ncama.m


 

Contact:
E-mail
Copyright Statement