Majjhima Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Majjhima Nikaaya
III. Upari Pa.n.naasa
2. Anupada Vagga

Sutta 116

Isigili Sutta.m

Based on the 'Sri Lanka Buddha Jayanti Tripitaka Series.'

 


 

[1][chlm][pts][piya][upal] Eva.m me suta.m:|| ||

Eka.m samaya.m Bhagavaa Raajagahe viharati Isigilismi.m pabbate.|| ||

Tatra kho Bhagavaa bhikkhuu aamantesi Bhikkhavo ti, Bhadante ti te bhikkhuu Bhagavato paccassosu.m.|| ||

Bhagavaa etad avoca:|| ||

Passatha no tumhe bhikkhave, eta.m vebhaara.m pabbatanti.|| ||

Eva.m bhante.|| ||

Etassapi kho bhikkhave, vebhaarassa pabbatassa a~n~naava sama~n~naa ahosi a~n~naa pa~n~natti, passatha no tumhe bhikkhave, eta.m pa.n.dava.m pabbatanti.|| ||

Eva.m bhante.|| ||

Etassa pi kho bhikkhave, pa.n.davassa pabbatassa a~n~naava sama~n~naa ahosi a~n~naa pa~n~natti.|| ||

Passatha no tumhe bhikkhave, eta.m vepulla.m pabbatanti.|| ||

Eva.m bhante.|| ||

Etassapi kho bhikkhave, vepullassa pabbatassa a~n~naava sama~n~naa ahosi a~n~naa pa~n~natti.|| ||

Passatha no tumhe bhikkhave, eta.m Gijjhakuu.ta.m pabbatanti.|| ||

Eva.m bhante.|| ||

Etassapi kho bhikkhave, Gijjhakuu.tassa pabbatassa a~n~naava sama~n~naa ahosi a~n~naa pa~n~natti.|| ||

Passatha no tumhe bhikkhave, ima.m isagili.m pabbatanti.|| ||

Eva.m bhante.|| ||

Imassa kho bhikkhave, Isigilissa pabbatassa esaava sama~n~naa ahosi esaa pa~n~natti.|| ||

Bhuutapubba.m bhikkhave, pa~nca paccekaBuddhasataani imasmi.m Isigilismi.m pabbate ciranivaasino ahesu.m.|| ||

Te ima.m pabbata.m pavisantaa dissanti, pavi.t.thaa na dissanti.|| ||

Tamena1 manussaa disvaa evam aaha.msu: 'aya.m pabbato ime isii gilatii'ti Isigili isigiliitv'eva sama~n~naa udapaadi.|| ||

Aacikkhissaami bhikkhave, paccekabuddhaana.m naamaani.|| ||

Kittayissaami bhikkhave, paccekabuddhaana.m naamaani.|| ||

Desissaami [69] bhikkhave, paccekabuddhaana.m naamaani.|| ||

Ta.m su.naatha, saadhuka.m manasi karotha, bhaasissaamiiti.|| ||

Eva.m bhante' ti kho te bhikkhuu Bhagavato paccassosu.m.|| ||

Bhagavaa etad avoca:|| ||

Ari.t.tho naama bhikkhave, paccekasambuddho1 imasmi.m Isigilismi.m pabbate ciranivaasii ahosi.|| ||

Upari.t.tho naama bhikkhave, paccekasambuddho imasmi.m Isigilismi.m pabbate ciranivaasii ahosi.|| ||

Tagarasikhii naama bhikkhave, paccekasambuddho imasmi.m Isigilismi.m pabbate ciiranivaasii ahosi.|| ||

Yasassii naama bhikkhave, paccekasambuddho imasmi.m Isigilismi.m pabbate ciranivaasii ahosi.|| ||

Sudassano naama bhikkhave, paccekasambuddho imasmi.m Isigilismi.m pabbate ciranivaasii ahosi.|| ||

Piyadassii naama bhikkhave, paccekasambuddho imasmi.m Isigilismi.m pabbate ciranivaasii ahosi.|| ||

Gandhaaro naama bhikkhave, paccekasambuddho imasmi.m Isigilismi.m pabbate ciranivaasii ahosi.|| ||

Pi.n.dolo naama bhikkhave, paccekasambuddho imasmi.m Isigilismi.m pabbate ciranivaasii ahosi.|| ||

Upaasabho naama bhikkhave, paccekasambuddho, imasmi.m Isigilismi.m pabbate ciranivaasii ahosi.|| ||

Niito naama bhikkhave, paccekasambuddho imasmi.m Isigilismi.m pabbate ciranivaasii ahosi.|| ||

Tatho naama bhikkhave, paccekasambuddho imasmi.m Isigilismi.m pabbate ciranivaasii ahosi.|| ||

Sutavaa naama bhikkhave, paccekasambuddho imasmi.m Isigilismi.m pabbate ciranivaasii ahosi.|| ||

Bhaavitatto naama bhikkhave, paccekasambuddho imasmi.m Isigilismi.m pabbate ciranivaasii ahosii ti.|| ||

Ye sattasaaraa anighaa niraasaa||
Paccekamevajjhagamu.m subodhi.m,||
Tesa.m visallaana.m naruttamaana.m||
Naamaani me kittayato su.naatha.|| ||

Ari.t.tho upari.t.tho tagarasikhii yasassii||
Sudassano piyadassii ca buddho,||
Gandhaaro pi.n.dolo upaasabho ca||
Niito tatho Sutavaa bhaavitatto.|| ||

[70] Sumbho subho methulo a.t.thamo ca||
Athassu megho aniigho sudaa.tho,||
Paccekabuddhaa bhavanettikhii.naa||
Hi'ngu ca hi'ngo ca mahaanubhaavaa.|| ||

Dve jaalino munino a.t.thako ca||
Atha kosalo buddho atho subaahu,||
Upanemiso nemiso santacitto||
Sacco tatho virajo pa.n.dito ca.|| ||

Kaalupakaalaa vijito jito ca||
A'ngo ca pa'ngo ca gutijjito1 ca,||
Passii jahii upadhi.m dukkhamuula.m||
Aparaajito maarabala.m ajesi.|| ||

Satthaa pavattaa sarabha'ngo lomaha.mso||
Ucca'ngamaayo asito anaasavo,||
Manomayo maanacjido ca bandhumaa||
Tadaadhimutto vimalo ca ketumaa.|| ||

Ketumbaraago ca maata'ngo ariyo||
Athaccuto accutagaamabyaamako,||
Suma'ngalo dabbilo suppati.t.thito||
Asayho khemabhirato ca sorato.|| ||

Duurannayo sa'ngho athopi uccayo||
Aparo munii sayho anomanikkamo,||
Aanandanando upanando dvaadasa||
Bhaaradvaajo antimadehadhaarii.|| ||

Bodhi Mahaanaamo athopi uttaro||
Kesii sikhii sundaro bhaaradvaajo||
Tissuupatissaa bhavabandhanacjidaa||
Upasiidarii ta.nhacjido ca siidarii10.|| ||

Buddho ahuu ma'ngalo viitaraago||
Usabhacjidaa jaalini.m dukkhamuula.m,||
Santa.m pada.m ajjhagamuupaniito.||
Uposatho sundaro saccanaamo.|| ||

Jeto jayanto padumo uppalo ca||
Padumuttaro rakkhito pabbato||
[71] ca,||
Maanatthaddho sobhito viitaraago||
Ka.nho ca buddho suvimutta-citto.|| ||

Ete ca a~n~ne ca mahaanubhaavaa||
Paccekabuddhaa bhavanettiikhii.naa.||
Te sabbasa'ngaatigate mahesii||
Parinibbute vandatha appameyye' ti.|| ||

Isigilisutta.m ja.t.tha.m


 

Contact:
E-mail
Copyright Statement