Majjhima Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Majjhima Nikaaya
III. Upari Pa.n.naasa
2. Anupada Vagga

Sutta 117

Mahaa Cattaariisaka Sutta.m

Based on the 'Sri Lanka Buddha Jayanti Tripitaka Series.'

 


 

[1][chlm][pts][than][ntbb][upal] Eva.m me suta.m:|| ||

Eka.m samaya.m Bhagavaa Saavatthiiya.m viharati Jetavane Anaathapi.n.dikassa aaraame. Tatra kho Bhagavaa bhikkhuu aamantesi Bhikkhavo ti. Bhadante ti te bhikkhu Bhagavato paccassosu.m, Bhagavaa etad avoca:|| ||

Ariya.m vo bhikkhave, sammaasamaadhi.m desissaami saupanisa.m saparikkhaara.m. Ta.m su.naatha, saadhuka.m manasi karotha, bhaasissaamiiti.|| ||

Eva.m bhante' ti kho te bhikkhuu Bhagavato paccassosu.m. Bhagavaa etad avoca:|| ||

Katamo ca bhikkhave, ariyo sammaasamaadhi saupaniso saparikkhaaro, seyyathiida.m: sammaadi.t.thi sammaasa'nkappo sammaavaacaa sammaakammanto sammaaaajiivo sammaavaayaamo sammaasati. Yaa kho bhikkhave, imehi sattaha'ngehi cittassa ekaggataa parikkhataa aya.m vuccati bhikkhave, ariyo sammaasamaadhi saupaniso iti pi, saparikkhaaro iti pi.|| ||

Tatra, bhikkhave,, sammaadi.t.thi pubba'ngamaa hoti. Katha~n ca bhikkhave, sammaadi.t.thi pubba'ngamaa hoti: micchaadi.t.thi.m micchaadi.t.thiiti pajaanaati. Sammaadi.t.thi.m sammaadi.t.thiiti pajaanaati. Saassa hoti sammaadi.t.thi.|| ||

Katamaa ca bhikkhave, micchaadi.t.thi: n'atthi dinna.m, n'atthi yi.t.tha.m, n'atthi huta.m, n'atthi suka.ta-dukka.taana.m kammaana.m phala.m vipaako, n'atthi aya.m loko, n'atthi paro loko, n'atthi maataa, n'atthi pitaa, n'atthi sattaa opapaatikaa, [72] n'atthi loke sama.na-braahma.naa sammaggataa sammaapa.tipannaa, ye ima.m ca loka.m para.m ca loka.m saya.m abhi~n~naa sacchikatvaa pavedentiiti. Aya.m bhikkhave, micchaadi.t.thi.|| ||

Katamaa ca bhikkhave, sammaadi.t.thi: sammaadi.t.thimp'aha.m2 bhikkhave, dvaya.m3 vadaami: atthi bhikkhave, sammaadi.t.thi saasavaa pu~n~naabhaagiyaa upadhivepakkaa atthi bhikkhave, sammaadi.t.thi ariyaa anaasavaa lokuttaraa magga'ngaa.|| ||

Katamaa ca bhikkhave, sammaadi.t.thi saasavaa pu~n~nabhaagiyaa upadhivepakkaa: atthi dinna.m, atthi yi.t.tha.m, atthi huta.m, atthi suka.ta-dukka.taana.m kammaana.m phala.m vipaako, atthi aya.m loko, atthi paro loko, atthi maataa, atthi pitaa, atthi sattaa opapaatikaa, atthi loke sama.na-braahma.naa sammaggataa sammaapa.tipannaa, ye ima.m ca loka.m para.m ca loka.m saya.m abhi~n~naa sacchikatvaa pavedentiiti. Aya.m bhikkhave, sammaadi.t.thi saasavaa pu~n~nabhaagiyaa upadhivepakkaa.|| ||

Katamaa ca bhikkhave, sammaadi.t.thi ariyaa anaasavaa lokuttaraa magga'ngaa: yaa kho bhikkhave, ariyacittassa anaasavacittassa ariyamaggasama'ngino ariyamagga.m bhaavayato pa~n~naa pa~n~nindriya.m pa~n~naabala.m dhammavicayasambojjha'ngo sammaadi.t.thi magga'nga.m aya.m vuccati bhikkhave, sammaadi.t.thi ariyaa anaasavaa lokuttaraa magga'ngaa. So micchaadi.t.thiyaa pahaanaaya vaayamati sammaadi.t.thiyaa upasampadaaya. Svaassa hoti sammaavaayaamo. So sato micchaadi.t.thi.m pajahati. Sato sammaadi.t.thi.m upasampajja viharati. Saassa hoti sammaasati. Itissime tayo dhammaa sammaadi.t.thi.m anuparidhaavanti anuparivattanti. Seyyathiida.m: sammaadi.t.thi sammaavaayaamo sammaasati.|| ||

Tatra, bhikkhave,, sammaadi.t.thi pubba'ngamaa hoti. Katha~n ca bhikkhave sammaadi.t.thi pubba'ngamaa hoti: micchaasa'nkappa.m micchaasa'nkappoti pajaanaati sammaasa'nkappa.m sammaasa'nkappoti pajaanaati. Saassa [73] hoti sammaadi.t.thi.|| ||

Katamo ca bhikkhave, micchaasa'nkappo, vyaapaadasa'nkappo, vihi.msaasa'nkappo. Aya.m bhikkhave, micchaasa'nkappo.|| ||

Katamo ca bhikkhave, sammaasa'nkappo: sammaasa'nkappampa'ha.m bhikkhave, dvaya.m vadaami. Atthi bhikkhave, sammaasa'nkappo saasavo pu~n~nabhaagiyo upadhivepakko, atthi bhikkhave, sammaasa'nkappo ariyo anaasavo lokuttaro magga'ngo.|| ||

Katamo ca bhikkhave, sammaasa'nkappo saasavo pu~n~nabhaagiyo upadhivepakko: nekkhammasa'nkappo avyaapaadasa'nkappo avihi.msaa sa'nkappo aya.m bhikkhave, sammaasa'nkappo saasavo pu~n~nabhaagiyo upadhivepakko.|| ||

Katamo ca bhikkhave, sammaasa'nkappo ariyo anaasavo lokuttaro magga'ngo: yo kho bhikkhave, ariyacittassa anaasavacittassa ariyamaggasama'ngino ariyamagga.m bhaavayato takko vitakko sa'nkappo appa.naa vyappa.naa cetaso abhiniropanaa vaciisankhaaro. Aya.m bhikkhave, sammaasa'nkappo ariyo anaasavo lokuttaro magga'ngo. So micchaasa'nkappassa pahaanaaya vaayamati sammaasa'nkappassa upasampadaaya. Svaassa hoti sammaavaayaamo. So sato micchaasa'nkappa.m pajahati. Sato sammaasa'nkappa.m upasampajja viharati. Saa'ssa hoti sammaasati. Itissi'me tayo dhammaa sammaasa'nkappa.m anuparidhaavanti. Anuparivattanti. Seyyathiida.m: sammaadi.t.thi sammaavaayaamo sammaasati.|| ||

Tatra, bhikkhave,, sammaadi.t.thi pubba'ngamaa hoti katha~nca bhikkhave, sammaadi.t.thi pubba'ngamaa hoti: micchaavaaca.m micchaavaacaati pajaanaati. Sammaavaaca.m sammaavaacaati pajaanaati. Saa'ssa hoti sammaadi.t.thi.|| ||

Katamaa ca bhikkhave, micchaavaacaa: musaavaado pisunaavaacaa pharusaavaacaa samphappalaapo. Aya.m bhikkhave micchaavaacaa.|| ||

Katamaa ca bhikkhave sammaavaacaa: sammaavaacampa'ha.m bhikkhave, dvaya.m vadaami. Atthi bhikkhave, sammaavaacaa saasavaa pu~n~nabhaagiyaa upadhivepakkaa, atthi [74] bhikkhave, sammaavaacaa ariyaa anaasavaa lokuttaraa magga'ngaa.|| ||

Katamaa ca bhikkhave, sammaavaacaa saasavaa pu~n~nabhaagiyaa upadhivepakkaa: musaa-vaadaa verama.nii, pisunaaya vaacaaya verama.nii. Pharusaaya vaacaaya verama.nii, samphappalaapaa verama.nii. Aya.m bhikkhave, sammaavaacaa saasavaa pu~n~nabhaagiyaa upadhivepakkaa.|| ||

Katamaa ca bhikkhave, sammaavaacaa ariyaa anaasavaa lokuttaraa magga'ngaa: yaa kho bhikkhave, ariyacittassa anaasavacittassa ariyamaggasama'ngiino ariyamagga.m bhaavayato catuhipi vaciiduccaritehi aarati virati pa.tivirati verama.nii. Aya.m bhikkhave, sammaavaacaa ariyaa anaasavaa lokuttaraa magga'ngaa. So micchaavaacaaya pahaanaaya vaayamatii, sammaa vaacaaya upasampadaaya. Svaassa hoti sammaavaayaamo. So sato micchaavaaca.m pajahati. Sato sammaavaaca.m upasammajja viharati. Saassa hoti sammaasati. Itissime tayo dhammaa sammaavaaca.m anuparidhaavanti anuparivattanti. Seyyathiida.m: sammaadi.t.thi, sammaavaayaamo, sammaasati.|| ||

Tatra, bhikkhave,, sammaadi.t.thi pubba'ngamaa hoti. Katha~n ca bhikkhave, sammaadi.t.thi pubba'ngamaa hoti: micchaakammanta.m micchaakammantoti pajaanaati sammaakammanta.m sammaakammantoti pajaanaati. Saassa hoti sammaadi.t.thi.|| ||

Katamo ca bhikkhave, micchaakammanto: paa.naatipaato, adinnaadaana.m, kaamesu micchaacaaro. Aya.m bhikkhave, micchaakammanto.|| ||

Katamo ca bhikkhave, sammaakammanto: sammaakammantamp'aha.m bhikkhave, dvaya.m vadaami. Atthi bhikkhave, sammaakammanto saasavo pu~n~nabhaagiyo upadhivepakko. Atthi bhikkhave sammaakammanto ariyo anaasavo lokuttaro magga'ngo.|| ||

Katamo ca bhikkhave, sammaakammanto saasavo pu~n~nabhaagiyo upadhivepakko: paa.naatipaataa verama.nii, adinnaadaanaa verama.nii, kaamesu micchaacaaraa verama.nii. Aya.m bhikkhave, sammaakammanto saasavo pu~n~nabhaagiyo upadhivepakko.|| ||

Katamo ca bhikkhave, sammaakammanto ariyo anaasavo lokuttaro magga'ngo: yaa kho bhikkhave, ariyacittassa anaasavacittassa ariyamaggasama'ngiino ariyamagga.m bhaavayato tiihipi kaayaduccaritehi aarati virati pa.tivirati verama.nii. Aya.m bhikkhave, sammaakammanto [75] ariyo anaasavo lokuttaro magga'ngo. So micchaakammantassa pahaanaaya vaayamati, sammaakammantassa upasampadaaya. Svaa'ssa hoti sammaavaayaamo. So sato micchaakammanta.m pajahati. Sato sammaakammanta.m upasampajja viharati. Saa'ssa hoti sammaasati. I' ti.si me tayo dhammaa sammaakammanta.m anuparidhaavanti anuparivattanti. Seyyathiida.m: sammaadi.t.thi, sammaavaayaamo sammaasati.|| ||

Tatra, bhikkhave,, sammaadi.t.thi pubba'ngamaa hoti. Katha~n ca bhikkhave, sammaadi.t.thi pubba'ngamaa hoti: micchaaaajiiva.m micchaaaajiivoti pajaanaati. Sammaaaajiiva.m sammaaaajiivoti pajaanaati. Saassa hoti sammaadi.t.thi.|| ||

Katamo ca bhikkhave, micchaaaajiivo: kuhanaa lapanaa nemittikataa nippesikataa laabhena laabha.m nijigi.msanaataa aya.m bhikkhave, micchaaaajiivo.|| ||

Katamo ca bhikkhave, sammaaaajiivo: sammaaaajiivamp'aha.m bhikkhave, dvaya.m vadaami. Atthi bhikkhave, sammaaaajiivo saasavo pu~n~nabhaagiyo upadhivepakko, atthi bhikkhave, sammaaaajiivo ariyo anaasavo lokuttaro magga'ngo.|| ||

Katamo ca bhikkhave, sammaaaajiivo saasavo pu~n~nabhaagiyo upadhivepakko: idha bhikkhave, ariyasaavako micchaaaajiiva.m pahaaya sammaa aajiivena jiivaka.m kappeti. Aya.m bhikkhave, sammaa aajiivo saasavo pu~n~nabhaagiyo upadhivepakko.|| ||

Katamo ca bhikkhave, sammaa aajiivo ariyo anaasavo lokuttaro magga'ngo: yaa kho bhikkhave, ariyacittassa anaasavacittassa ariyamaggasama'ngino ariyamagga.m bhaavayato micchaaaajiivaa aarati virati pa.tivirati verama.nii. Aya.m bhikkhave, sammaaaajiivo ariyo anaasavo lokuttaro magga'ngo. So micchaaajiivassa pahaanaaya vaayamati. Sammaa aajiivassa upasampadaaya. Svaassa hoti sammaavaayaamo. So sato micchaaaajiiva.m pajahati. Sato sammaaaajiiva.m upasampajja viharati . Saa'ssa hoti sammaasati. Tassime tayo dhammaa sammaaaajiiva.m anuparidhaavanti anuparivattanti. Seyyathiida.m: sammaadi.t.thi, sammaavaayaamo, sammaasati.|| ||

Tatra, bhikkhave,, sammaadi.t.thi pubba'ngamaa hoti. Katha~n ca bhikkhave, sammaadi.t.thi pubba'ngamaa hoti: [76] sammaadi.t.thi'ssa bhikkhave, sammaasa'nkappo pahoti sammaasa'nkappassa sammaavaacaa pahoti. Sammaavaac'assa sammaakammanto pahoti. Sammaakammantassa sammaaaajiivo pahoti. Sammaaaajiivassa sammaavaayaamo pahoti. SammaavaaYamassa sammaasati pahoti. Sammaasatissa sammaasamaadhi pahoti. Sammaasamaadhi'ssa sammaa~naa.na.m pahoti. Sammaa~naa.nassa sammaavimutti pahoti. Iti kho bhikkhave, a.t.tha'ngasamannaagato sekho dasa'ngasamannaagato arahaa hoti.|| ||

Tatra, bhikkhave,, sammaadi.t.thi pubba'ngamaa hoti. Katha~n ca bhikkhave, sammaadi.t.thi pubba'ngamaa hoti. Sammaadi.t.thi'ssa bhikkhave,mcchaadi.t.thi nijji.n.naa hoti. Ye ca micchaadi.t.thipaccayaa aneka paapakaa akusalaa dhammaa sambhavanti. Te c'assa nijji.n.naa honti. Sammaadi.t.thipaccayaa ca aneke kusalaa dhammaa bhaavanaa paariipuuri.m gacchanti.|| ||

Sammaasa'nkappassa bhikkhave, micchaasa'nkappo nijji.n.no hoti, ye ca micchaasa'nkappapaccayaa aneke paapakaa akusalaa dhammaa sambhavanti. Te c'assa nijji.n.naa honti. Sammaasa'nkappapaccayaa ca aneke kusalaa dhammaa bhaavanaa-paaripuuri.m gacchanti.|| ||

Sammaavaac'assa bhikkhave, micchaavaacaa nijji.n.naa hoti. Ye ca micchaavaacaapaccayaa aneke [77] paapakaa akusalaa dhammaa sambhavanti te c'assa nijji.n.naa honti. Sammaavaacaapaccayaa ca aneke kusalaa dhammaa bhaavanaa-paaripuuri.m gacchanti.|| ||

Sammaakammantassa bhikkhave, micchaakammanto nijji.n.no hoti. Ye ca micchaakammantapaccayaa aneke paapakaa akusalaa dhammaa sambhavanti. Te c'assa nijji.n.naa honti. Sammaakammantapaccayaa ca aneke kusalaa dhammaa bhaavanaa-paaripuuri.m gacchanti.|| ||

Sammaaaajiivassa bhikkhave, micchaaaajiivo nijji.n.no hoti. Ye ca micchaaaajiivapaccayaa aneke paapakaa akusalaa dhammaa sambhavanti, te c'assa nijji.n.naa honti. Sammaaaajiivapaccayaa ca aneke kusalaa dhammaa bhaavanaa-paaripuuri.m gacchanti.|| ||

Sammaavaayaamassa bhikkhave, micchaavaayaamo nijji.n.no hoti. Ye ca micchaavaayaamapaccayaa aneke paapakaa akusalaa dhammaa sambhavanti. Te c'assa nijji.n.naa honti. Sammaavaayaamapaccayaa ca aneke kusalaa dhammaa bhaavanaa paariipuuri.m gacchanti.|| ||

Sammaasatissa bhikkhave, micchaasati nijji.n.naa hoti. Ye ca micchaasatipaccayaa aneke paapakaa akusalaa dhammaa sambhavanti; te c'assa nijji.n.naa honti. Sammaasatipaccayaa ca aneke kusalaa dhammaa bhaavanaa-paaripuuri.m gacchanti.|| ||

Sammaasamaadhi'ssa bhikkhave, micchaasamaadhi nijji.n.no hoti. Ye ca micchaasamaadhipaccayaa aneke paapakaa akusalaa dhammaa sambhavanti, te c'assa nijji.n.naa honti. Sammaasamaadhipaccayaa ca aneke kusalaa dhammaa bhaavanaa-paaripuuri.m gacchanti.|| ||

Sammaa~naa.nassa bhikkhave, micchaa~naa.na.m nijji.n.na.m hoti. Ye ca micchaa~naa.napaccayaa aneke paapakaa akusalaa dhammaa samabhavanti te c'assa nijji.n.naa honti. Sammaa~naa.napaccayaa ca aneke kusalaa dhammaa bhaavanaa-paaripuuri.m gacchanti.|| ||

Sammaavimuttassa bhikkhave, micchaavimutti nijji.n.naa hoti. Ye ca micchaavimuttipaccayaa aneke paapakaa akusalaa dhammaa sambhavanti. Te c'assa nijji.n.naa honti. Sammaavimuttipaccayaa ca aneke kusalaa dhammaa bhaavanaa-paaripuuri.m gacchanti.|| ||

Iti kho bhikkhave, viisati kusalapakkhaa viisati akusalapakkhaa, mahaacattaarisako dhamma-pariyaayo pavattito appativattiyo sama.nena vaa braahma.nena vaa devena vaa maarena vaa brahmunaa vaa kenaci vaa lokasmin ti.|| ||

Yo hi koci bhikkhave, sama.no vaa braahma.no vaa ima.m mahaacattaariisaka.m dhamma-pariyaa'ya.m garahitabba.m pa.tikkositabba.m ma~n~neyya, tassa di.t.the va dhamme dasa sahadhammikaa vaadaanuvaadaa gaarayha.m .thaana.m aagacchanti. Samamaadi.t.thi.m ce bhava.m garahati. Ye ca micchaadi.t.thi sama.na-braahma.naa, te bhoto pujjaa. Te bhoto paasa.msaa. Sammaasa'nkappa.m ce bhava.m [78] garahati. Ye ca micchaasa'nkappaa sama.na-braahma.naa, te bhoto pujjaa, te bhoto paasa.msaa. Sammaavaaca.m ce bhava.m garahati, ye ca micchaavaacaa sama.na-braahma.naa, te bhoto pujjaa te bhoto paasa.msaa. Sammaakammanta.m ce bhava.m garahati. Ye ca micchaakammantaa sama.na-braahma.naa, te bhoto pujjaa te bhoto paasa.msaa. Sammaaajiiva.m ce bhava.m garahati. Ye ca micchaaaajiivaa sama.na-braahma.naa. Te bhoto pujjaa te bhoto paasa.msaa. Sammaavaayaama.m ce bhava.m garahati. Ye ca micchaavaayaamaa sama.na-braahma.naa, te bhoto pujjaa te bhoto paasa.msaa. Sammaasati.m ce bhava.m garahati. Ye ca micchaasatii sama.na-braahma.naa, te bhoto pujjaa te bhoto paasa.msaa. Sammaasamaadhi~nce bhava.m garahati. Ye ca micchaasamaadhii sama.na-braahma.naa, te bhoto pujjaa te bhoto paasa.msaa. Sammaag~naa.na.m ce bhava.m garahati. Ye ca micchaa~naa.nii sama.na-braahma.naa, te bhoto pujjaa te bhoto paasa.msaa. Sammaavimutti.m ce bhava.m garahati. Ye ca micchaavimuttii sama.na-braahma.naa, te bhoto pujjaa te bhoto paasa.msaa.|| ||

Yo hi koci bhikkhave sama.no vaa braahma.no vaa ima.m mahaacattaariisaka.m dhamma-pariyaa'ya.m garahitabba.m pa.tikkositabba.m ma~n~neyya. Tassa di.t.the va dhamme ime dasa sahadhammikaa vaadaanuvaadaa gaarayha.m .thaana.m aagacchanti.|| ||

Ye pi te bhikkhave, ahesu.m ukkalaa vassabha~n~naa ahetuvaadaa akiriyavaadaa n'atthivaadaa, te pi mahaacattaariisaka.m dhamma-pariyaa'ya.m na garahitabba.m, na pa.tikkositabba.m ma~n~ni.msu. Ta.m kissa hetu? nindaabyaarosaupaarambhabhayaati.|| ||

Idamoca Bhagavaa. Attamanaa te bhikkhuu Bhagavato bhaasita.m abhinandunti.|| ||

Mahaacattaariisaka sutta.m sattama.m


 

Contact:
E-mail
Copyright Statement