Majjhima Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Majjhima Nikaaya
III. Upari Pa.n.naasa
3. Su~n~nata Vagga

Sutta 122

Mahaa Su~n~nata Sutta.m

Based on the 'Sri Lanka Buddha Jayanti Tripitaka Series.'

 


 

[1][chlm][pts][ntbb][than][olds][upal] Eva.m me suta.m:|| ||

Eka.m samaya.m Bhagavaa Sakkesu viharati Kapilavatthusmi.m Nigrodhaaraame.|| ||

[2] [pts] [ntbb] [olds] Atha kho Bhagavaa pubba.nha-samaya.m nivaasetvaa pattaciivara.m aadaaya Kapilavatthu.m pi.n.daaya paavisi.|| ||

Kapilavatthusmi.m pi.n.daaya caritvaa pacchaabhatta.m pi.n.dapaatapa.tikkanto yena Kaa.lakhemakassa Sakkassa vihaaro||
ten'upasa.mkami divaavihaaraaya.|| ||

Tena kho pana samayena Kaa.lakhemakassa Sakkassa vihaare sambahulaani senaasanaani pa~n~nattaani honti.|| ||

Addasaa kho Bhagavaa Kaa.lakhemakassa Sakkassa vihaare sambahulaani [110] senaasanaani pa~n~nattaani.|| ||

Disvaana Bhagavato etad ahosi:|| ||

'Sambahulaani kho Kaa.lakhemakassa Sakkassa vihaare senaasanaani pa~n~nattaani.|| ||

Sambahulaa nu kho idha bhikkhu viharantii' ti?|| ||

Tena kho pana samayena aayasmaa Aanando sambahulehi bhikkhuuhi saddhi.m Gha.taaya-Sakkassa vihaare civarakamma.m karoti.|| ||

Atha kho Bhagavaa saaya.nhasamaya.m patisallaanaa vu.t.thito,||
yena Gha.taaya-Sakkassa vihaaro ten'upasa.mkami,||
upasa.mkamitvaa pa~n~natte aasane nisiidi.|| ||

Nisajja kho Bhagavaa aayasmanta.m Aananda.m aamantesi:|| ||

'Sambahulaani kho, Aananda Kaa.lakhemakassa Sakkassa vihaare senaasanaani pa~n~nattaani.|| ||

Samabahulaa nu kho ettha bhikkhuu viharantii' ti?|| ||

Sambahulaani bhante||
Kaa.lakhemakassa Sakkassa vihaare senaasanaani pa~n~nattaani,||
sambahulaa ettha bhikkhuu viharanti.|| ||

Ciivarakaarasamayo no bhante, vattatii ti.|| ||

[3] [pts] [ntbb] [olds] Na kho Aananda, bhikkhu sobhani sanga~nikaaraamo sanga~nikaarato sanga~nikaaraamata.m||
anuyutto ga.naaraamo ga.narato ga.nasammudito.|| ||

So vat', Aananda||
bhikkhu sanga~nikaaraamo sanga~nikaarato sanga~nikaaraamata.m||
anuyutto ga.naaraamo ga.narato ga.nasammudito,||
yan ta.m nekkhammasukha.m pavivekasukha.m upasamasukha.m sambodhasukha.m,||
tassa sukhassa nikaamalaabhii bhavissati akicchalaabhii akasiralaabhii ti,||
- n'eta.m .thaana.m vijjati.|| ||

Yo ca kho so Aananda,||
bhikkhu eko ga.nasmaa vuupaka.t.tho viharati,||
tass'eta.m bhikkhuno paa.tika'nkha.m,||
yan ta.m nekkhammasukha.m pavivekasukha.m upasamasukha.m sambodhasukha.m,||
tassa sukhassa nikaamalaabhii bhavissati akicchalaabhii akasiralaabhii ti,||
- .thaanam eta.m vijjati.|| ||

[4] [pts] [ntbb] [olds] So vat', Aananda bhikkhu sanga~nikaaraamo sanga~nikaaraato sanga~nikaaraamata.m||
anuyutto ga.naaraamo ga.narato ga.nasammudito,||
saamayika.m vaa kanta.m ceto-vimutti.m upasampajja viharissati,||
asaamayika.m vaa akuppan ti,||
- n'eta.m .thaana.m vijjati.|| ||

Yo ca kho so Aananda,||
bhikkhu eko ga.nasmaa vuupaka.t.tho viharati,||
tass'eta.m bhikkhuno paa.tika'nkha.m||
saamayika.m vaa kanta.m [111] ceto-vimutti.m upasampajja viharissati,||
asaamayika.m vaa akuppan ti,||
- .thaanam eta.m vijjati.|| ||

[5] [pts] [ntbb] [olds] Naaha.m, Aananda, eka.m ruupam pi samanupassaami,||
yattha rattassa yatthaabhirattassa ruupassa vipari.naama~n~nathaabhaavaa na uppajjeyyu.m soka-parideva-dukkha-domanass'-upaayaasaa.|| ||

[6][pts] [ntbb] [olds] Aya.m kho pan'Aananda, vihaaro Tathaagatena abhisambuddho,||
yad ida.m sabbanimittaana.m amanasi-kaaraa ajjhatta.m su~n~nata.m upasampajja viharitu.m|| ||

Tatra ce Aananda, Tathaagata.m iminaa vihaarena viharanta.m bhavanti upasa.mkamitaaro bhikkhuu bhikkhuniyo upaasakaa upaasikaayo raajaano raajamahaamattaa titthiyaa titthiyasaavakaa,||
- Tatr'Aananda, Tathaagato vivekaninnen'eva cittena vivekapo.nena vivekapabbhaarena vuupaka.t.thena nekkhammaabhiratena byantiibhutena sabbaso aasava.t.thaaniyehi dhammehi a~n~nadatthu uyyojaniyapa.tisa.myutta.m yeva katha.m kattaa hoti.|| ||

[7][pts] [ntbb] [olds] Tasmaat iha'Aananda, bhikkhu ce pi aaka'nkheyya:|| ||

Ajjhatta.m su~n~nata.m upasampajja vihareyyan ti.|| ||

Ten'Aaananda, bhikkhunaa ajjhattam eva citta.m sa.n.thapetabba.m||
sannisaadetabba.m,||
ekodi kaatabba.m||
samaadahaatabba.m.|| ||

[8][pts] [ntbb] [olds] Katha~n ca Aananda, bhikkhu ajjhattam eva citta.m sa.n.thapeti sannisaadeti ekodikaroti samaadahati?|| ||

Idh'Aananda, bhikkhu vivicc'eva kaamehi vivicca akusalehi dhammehi savitakka.m savicaara.m vivekaja.m piiti-sukha.m pa.thama.majjhaana.m upasampajja viharati.|| ||

Vitakkavicaarana.m vuupasamaa ajjhatta.m sampasaadana.m cetaso ekodi-bhaava.m avitakka.m avicaara.m samaadhija.m piiti-sukha.m dutiya.m-jhaana.m upasampajja viharati.|| ||

Sukha~n ca kaayena pa.tisa'nvedeti.|| ||

Yan ta.m ariyaa aacikkhanti:||
'Upekkhako satimaa sukha-vihaarii' ti,||
catuttha jhaana.m upasampajja viharati.|| ||

Sukhassa ca pahaanaa dukkhassa ca pahaanaa pubbe va somanassadomanassa.m attha'ngamaa adukkha.m-asukha.m upekkhaa-sati-paarisuddhi.m catuttha.m-jhaana.m upasampajja viharati.|| ||

Eva.m kho Aananda bhikkhu ajjhattam eva citta.m sa.n.thapeti,||
sannisaadeti||
ekodi karoti||
samaadahati.|| ||

[112] [9][pts] [ntbb] [olds] So ajjhatta.m su~n~nata.m manasikaroti.|| ||

Tassa ajjhatta.m su~n~nata.m manasikaroto ajjhatta.m su~n~nataaya citta.m na pakkhandati||
nappasiidati||
na santi.t.thati||
na vimuccati.|| ||

Eva.m santa.m eta.m Aananda||
bhikkhu eva.m pajaanaati:|| ||

Ajjhatta.m su~n~nata.m kho me manasikaroto ajjhatta.m su~n~nataaya citta.m na pakkhandati||
nappasidati||
na santi.t.thati||
na vimuccatii ti.|| ||

Iti ha tattha sampajaano hoti.|| ||

So bahiddhaa su~n~nata.m manasikaroti.|| ||

Tassa bahiddhaa su~n~nata.m manasikaroto su~n~nataaya citta.m na pakkhandati||
nappasidati||
na santi.t.thati||
na vimuccati.|| ||

Eva.m santa.m eta.m Aananda||
bhikkhu eva.m pajaanaati:||
bahiddhaa su~n~nata.m kho me manasikaroto bahiddhaa su~n~nataaya citta.m na pakkhandati||
nappasidati||
na santi.t.thati||
na vimuccatii ti.|| ||

Iti ha tattha sampajaano hoti.|| ||

So ajjhattabahiddhaa su~n~nata.m manasikaroti.|| ||

Tassa ajjhattabahiddhaa su~n~nata.m manasikaroto su~n~nataaya citta.m na pakkhandati,||
nappasidati,||
na santi.t.thati,||
na vimuccati.|| ||

Eva.m santa.m eta.m Aananda||
bhikkhu eva.m pajaanaati:||
ajjhattabahiddhaa su~n~nata.m kho me manasikaroto ajjhattabahiddhaa su~n~nataaya citta.m na pakkhandati,||
nappasidati,||
na santi.t.thati,||
na vimuccatii ti.|| ||

Iti ha tattha sampajaano hoti.|| ||

So aane~nja.m manasikaroti.|| ||

Tassa aane~nja.m manasikaroto aane~njaaya citta.m na pakkhandati,||
nappasiidati,||
na santi.t.thati,||
na vimuccati.|| ||

Eva.m santa.m eta.m Aananda||
bhikkhu eva.m pajaanaati:||
Aanejja.m kho me manasikaroto aane~njaaya citta.m na pakkhandati||
nappasiidati||
na santi.t.thati||
na vimuccatii ti.|| ||

Iti ha tattha sampajaano hoti.|| ||

[10] [pts] [ntbb] [olds] Ten'aaananda bhikkhunaa tasmi.m yeva purimasmi.m samaadhinimittena ajjhatta.m eva citta.m sa.n.thapetabba.m,||
sannisaadetabba.m,||
ekodikaatabba.m,||
samaadahaatabba.m.|| ||

So ajjhatta.m su~n~nata.m manasikaroti.|| ||

Tassa ajjhatta.m su~n~nata.m manasikaroto ajjhatta.m su~n~nataaya citta.m pakkhandati,||
pasiidati,||
santi.t.thati,||
vimuccati.|| ||

Eva.m santa.m eta.m Aananda,||
bhikkhu eva.m pajaanaati:|| ||

Ajjhatta.m su~n~nata.m kho me manasikaroto ajjhatta.m su~n~nataaya citta.m pakkhandati pasiidati santi.t.thati vimuccatii ti.|| ||

Iti ha tattha sampajaano hoti.|| ||

So bahiddhaa su~n~nata.m masikaroti.|| ||

Tassa bahiddhaa su~n~nata.m manasikaroto su~n~nataaya citta.m na pakkhandati,||
nappasiidati||
na santi.t.thati||
na vimuccati.|| ||

Eva.m santa.m eta.m pajaanaati:||
bahiddhaa su~n~nata.m kho me manasikaroto bahiddhaa su~n~nataaya citta.m na pakkhanidati,||
nappasiidati,||
na santi.t.thati,||
na vimuccatii ti.|| ||

Iti ha tattha sampajaano hoti.|| ||

So ajjhattabahiddhaa su~n~nata.m masikaroti.|| ||

Tassa ajjhattabahiddhaa su~n~nata.m manasikaroto su~n~nataaya citta.m na pakkhandati||
nappasiidati||
na santi.t.thati||
na vimuccati.|| ||

Eva.m santa.m eta.m pajaanaati:||
ajjhattabahiddhaa su~n~nata.m kho me manasikaroto ajjhattabahiddhaa su~n~nataaya citta.m na pakkhanidati||
nappasiidati||
na santi.t.thati||
na vimuccatii ti.|| ||

Iti ha tattha sampajaano hoti.|| ||

So aane~nja.m manasikaroti.|| ||

Tassa aane~nja.m manasikaroto aane~njaaya citta.m pakkhandati pasiidati santi.t.thati vimuccati.|| ||

Eva.m santa.m eta.m Aananda||
bhikkhu eva.m pajaanaati:|| ||

Aane~nja.m kho me manasikaroto aane~njaaya citta.m pakkhandati pasiidati santi.t.thati vimuccatii ti.|| ||

Iti ha tattha sampajaano hoti.|| ||

[11] [pts] [ntbb] [olds] Tassa ce Aananda, bhikkhuno iminaa vihaarena viharato ca'nkamaaya citta.m namati,||
so ca'nkamati:|| ||

Eva.m ma.m ca'nkamanta.m naabhijjhaadomanassaa paapakaa akusalaa dhammaa [113] anvaassavissantii ti.|| ||

Iti ha tattha sampajaano hoti.|| ||

Tassa ce Aananda, bhikkhuno iminaa vihaarena viharato .thaanaaya citta.m namati:||
So ti.t.thati eva.m ma.m ti.t.thanta.m naabhijjhaa domanassaa paapakaa akusalaa dhammaa anvaassavissantii ti.|| ||

Iti ha tattha sampajaano hoti.|| ||

Tassa ce Aananda, bhikkhuno iminaa vihaarena viharato nissajjaaya citta.m namati:||
So nisiidati eva.m ma.m ti.t.thanta.m naabhijjhaa domanassaa paapakaa akusalaa dhammaa anvaassavissantii ti.|| ||

Iti ha tattha sampajaano hoti.|| ||

Tassa ce Aananda, bhikkhuno iminaa vihaarena viharato sayanaaya citta.m namati:||
So sayati eva.m ma.m ti.t.thanta.m naabhijjhaa domanassaa paapakaa akusalaa dhammaa anvaassavissantii ti.|| ||

Iti ha tattha sampajaano hoti.|| ||

[12] [pts] [ntbb] [olds] Tassa ce Aananda, bhikkhuno iminaa vihaarena viharato kathaaya citta.m namati:|| ||

So yaa'ya.m kathaa hiinaa gammaa pothujjanikaa anariyaa anatthasa.mhitaa na nibbidaaya na viraagaaya na nirodhaaya na upasamaaya na abhi~n~naaya na sambodhaaya na nibbaanaaya sa'nvattati.|| ||

Seyyathiida.m:||
raajakathaa corakathaa mahaamattakathaa senaakathaa bhayakathaa yuddhakathaa annakathaa paanakathaa vatthakathaa sayanakathaa maalaakathaa gandhakathaa ~naatikathaa yaanakathaa gaamakathaa nigamakathaa nagarakathaa janapadakathaa itthikathaa purisakathaa suraakathaa visikhaakathaa kumbha.t.thaanakathaa pubbapetakathaa naanatthakathaa lokakkhaayikaa samuddakkhaayikaa itibhavaabhavakathaa,||
iti vaa iti evaruupi.m katha.m na kathessaamiti.|| ||

Iti ha tattha sampajaano hoti.|| ||

Yaa ca kho aya.m Aananda, kathaa abhisallekhikaa cetoviniivara.nasappaayaa ekantanibbidaaya viraagaaya nirodhaaya upasamaaya abhi~n~naaya sambodhaaya nibbaanaaya sa'nvattati.|| ||

Seyyathiida.m:
appicchakathaa santu.t.thikathaa pavivekakathaa||
asa.msaggakathaa||
viriyaarambhakathaa||
siilakathaa||
samaadhikathaa||
pa~n~naakathaa||
vimuttikathaa vimutti-~naa.na-dassanakathaa||
iti evaruupi.m katha.m kathessaamiiti.|| ||

Iti ha tattha sampajaano hoti.|| ||

[13] [pts] [ntbb] [olds] Tassa ce Aananda, bhikkhuno iminaa vihaarena viharato [114] vitakkaaya citta.m namatii.|| ||

So ye te vitakkaa hiinaa gammaa pothujjanikaa anariyaa anatthasa.mhitaa na nibbidaaya na viraagaaya na nirodhaaya na upasamaaya na abhi~n~naaya na sambodhaaya na nibbaanaaya sa.mvattanti.|| ||

Seyyathiida.m:||
kaama-vitakko vyaapaada-vitakko vihi.msaa-vitakko||
iti evaruupe vitakke na vitakkessaamiiti.|| ||

Iti ha tattha sampajaano hoti.|| ||

Ye ca kho ime Aananda||
vitakkaa ariyaa niyyaanikaa niyyanti||
takkarassa sammaa dukkhakkhayaaya.|| ||

Seyyathiida.m:||
nekkhamma vitakko avyaapaada-vitakko avihi.msaa-vitakko iti evaruupe vitakke vitakkessaamiiti.|| ||

Iti ha tattha sampajaano hoti.|| ||

[14] [pts] [ntbb] [olds] Pa~nca kho ime Aananda kaamagu.naa.|| ||

Katame pa~nca?|| ||

Cakkhu vi~n~neyyaa ruupaa i.t.thaa kantaa manaapaa piyaruupaa kaamuupasa.mhitaa rajaniiyaa,||
sotavi~n~neyyaa saddhaa i.t.thaa kantaa manaapaa piyaruupaa kaamuupasa.mhitaa rajaniiyaa,||
ghaanavi~n~neyyaa gandhaa i.t.thaa kantaa manaapaa piyaruupaa kaamuupasa.mhitaa rajaniiyaa,||
jivhaavi~n~neyyaa rasaa i.t.thaa kantaa manaapaa piyaruupaa kaamuupa.mhitaa rajaniiyaa,||
kaayavi~n~neyyaa pho.t.thabbaa i.t.thaa kantaa manaapaa piyaruupaa kaamuupasa.mhitaa rajaniiyaa.|| ||

Ime kho Aananda pa~ncakaamagu.naa.|| ||

[15] [pts] [ntbb] [olds] Yattha bhikkhunaa abhikkha.na.m saka.m citta.m paccavekkhitabba.m.|| ||

Atthi nu kho me imesu pa~ncasu kaamagu.nesu a~n~natarasmi.m vaa a~n~natarasmi.m vaa aayatane uppajjati cetaso samudaacaaroti?|| ||

Sace Aananda, bhikkhu paccavekkhamaano eva.m pajaanaati:||
Atthi kho me imesu pa~ncasu kaamagu.nesu a~n~natarasmi.m vaa a~n~natarasmi.m vaa aayatane uppajjati cetaso samudaacaaro ti.|| ||

Eva.m santa.m eta.m Aananda||
bhikkhu eva.m pajaanaati:||
Yo kho imesu pa~ncasu kaamagu.nesu chandaraago,||
so me appahiinoti.|| ||

Iti ha tattha sampajaano hoti.|| ||

Sace pan'Aananda, bhikkhu paccavekkhamaano eva.m pajaanaati:||
N'atthi kho me imesu pa~ncasu kaamagu.nesu a~n~natarasmi.m vaa a~n~natarasmi.m vaa aayatane uppajjati cetaso samudaacaaro ti.|| ||

Eva.m santa.m eta.m Aananda,||
bhikkhuu eva.m pajaanaati:||
Yo kho imesu pa~ncasu kaamagu.nesu chandaraago,||
so me pahiinoti.|| ||

Iti ha tattha sampajaano hoti.|| ||

[16] [pts] [ntbb] [olds] Pa~nca kho ime Aananda upaadaanakkhandhaa.|| ||

Yattha bhikkhunaa udayabbayaanupassinaa vihaatabba.m.|| ||

Iti ruupa.m,||
iti ruupassa samudayo,||
iti ruupassa attha'ngamo.|| ||

Iti vedanaa,||
iti [115] vedanaaya samudayo,||
iti vedanaaya attha'ngamo.|| ||

Iti sa~n~naa,||
iti sa~n~naaya samudayo,||
iti sa~n~naaya attha'ngamo.|| ||

Iti sa'nkhaaraa,||
iti sa'nkhaarassa samudayo,||
Iti sa'nkhaarassa attha'ngamo.|| ||

Iti vi~n~naa.na.m,||
iti vi~n~naa.nassa samudayo,||
iti vi~n~naa.nassa attha'ngamo ti.|| ||

[17] [pts] [ntbb] [olds] Tassa imesu pa~ncasupaadaanakkhandhesu udayabbayaanupassino viharato||
yo pa~ncasupaadaanakkhandhesu asmimaano||
so pahiiyati.|| ||

Eva.m santa.m eta.m Aananda||
bhikkhu eva.m pajaanaati:||
Yo kho imesu pa~ncasupaadaanakkhandhesu asmimaano||
so me pahiinoti.|| ||

Iti ha tattha sampajaano hoti.|| ||

[18] [pts] [ntbb] [olds] Ime kho te Aananda,||
dhammaa ekantakusalaayatikaa ariyaa lokuttaraa anavakkantaa paapimataa.|| ||

[19] [pts] [ntbb] [olds] Ta.m ki.m ma~n~nasi Aananda?|| ||

Ka.m atthavasa.m sampassamaano arahati saavako satthaara.m anubandhitu.m api panujjamaanoti.|| ||

Bhagavammuulakaa no bhante||
dhammaa Bhagava.mnettikaa Bhagavampapa.tisara.naa. Saadhu vata bhante||
Bhagavanta.myeva pa.tibhaatu etassa bhaasitassa attho||
Bhagavato sutvaa bhikkhuu dhaaressantiitii.|| ||

[20] [pts] [ntbb] [olds] Na kho Aananda, arahati saavako satthaara.m anubandhitu.m yad ida.m sutta.m geyya.m veyyaakara.na.m tassa hetu ta.m kissa hetu: diigharattassa hi vo Aananda||
dhammaa sutaa dhataa vacasaa paricitaa manasaanupekkhitaa di.t.thiyaa suppa.tividdhaa.
Yaa ca kho Aananda||
kathaa abhisallekhikaa ceto-viniivara.nasappaayaa ekantanibbidaaya viraagaaya nirodhaaya upasamaaya abhi~n~naaya sambhodhaaya nibbaanaaya sa'nvattati,
Seyyathiida.m:
Appicchakathaa santu.t.thikathaa pavivekakathaa asa.msaggakathaa viriyaarambhakathaa siilakathaa samaadhikathaa pa~n~naakathaa vimuttikathaa vimutti~naa.na-dassanakathaa. Evaruupiyaa kho Aananda kathaaya hetu arahati saavako satthaara.m anubandhitu.m api panujjamaano.|| ||

[21] [pts] [ntbb] [olds] Eva.m sante kho Aananda, aacariyuupaddavo hoti;||
Eva.m sante antevaasuupaddavo hoti;||
Eva.m sante brahmacaaruupaddavo hoti.|| ||

[22] [pts] [ntbb] [olds] Katha.m c'Aananda aacariyuupaddavo hoti?|| ||

Idh'Aananda ekacco satthaa vivitta.m senaasana.m bhajati ara~n~na.m rukkhamuula.m pabbata.m kandara.m giriguha.m susaana.m [116] vanapattha.m abbhokaasa.m palaalapu~nja.m.|| ||

Tassa tathaa vuupaka.t.thassa viharato anvaava.t.tanti braahama.nagahapatikaa negamaa c'eva jaanapadaa ca.|| ||

So anvaava.t.tantesu braahma.nagahapatikesu negamesu c'eva jaanapadesu ca mucchati||
nikaayamati||
gedha.m aapajjati||
aava.t.tati baahullaaya.|| ||

Aya.m vuccat'Aananda, upaddavo aacariyo.|| ||

Aacariyuupaddavena avadhi.msu na.m paapakaa akusalaa dhammaa sa.mkilesikaa ponobhavikaa sadaraa dukkhavipaakaa aayati.m jaatijaraamara.niyaa|| ||

Eva.m kho Aananda aacariyuupaddavo hoti.|| ||

[23] [pts] [ntbb] [olds] Katha.m c'Aananda, antevaasuupaddavo hoti?|| ||

Tass'eva kho pan'Aananda||
satthu saavako tassa satthu vivekamanubruuhayamaano vivitta.m senaasana.m bhajati ara~n~na.m rukkhamuula.m pabbata.m kandara.m giriguha.m susaana.m vanapattha.m abbhokaasa.m palaalapu~nja.m.
Tassa tathaa vuupaka.t.thassa viharato anvaava.t.tanti braahma.nagahapatikaa negamaa c'eva jaanapadaa ca.|| ||

Yo anvaava.t.tantesu braahma.nagahapatikesu negamesu c'eva jaanapadesu ca mucchati||
nikaayamati||
gedha.m aapajjati||
aava.t.tati baahullaaya.|| ||

Aya.m vuccat'Aananda, upaddavo antevaasii.|| ||

Antevaasupaddavena avadhi.msu na.m paapakaa akusalaa dhammaa sa'nkilesikaa ponobhavikaa sadaraa dukkhavipaakaa aayati.m jaatijaraamara.niyaa.|| ||

Eva.m kho Aananda, antevaasuupaddavo hoti.|| ||

[24] [pts] [ntbb] [olds] Katha.m c'Aananda, brahmacaaruupaddavo hoti.|| ||

Idh'Aananda Tathaagato loke upapajjati araha.m Sammaa-sambuddho vijjaa-cara.na-sampanno sugato lokavidu anuttaro purisa-damma-saarathii satthaa deva-manussaana.m buddho Bhagavaa.|| ||

So vivitta.m senaasana.m bhajati ara~n~na.m rukkhamuulra.m pabbata.m kandara.m giriguha.m susaana.m vanapattha.m abbhokaasa.m palaalapu~nja.m.|| ||

Tassa tathaa vuupaka.t.thassa viharato anvaava.t.tanti braahma.nagahapatikaa negamaa c'eva jaanapadaa ca.|| ||

So anvaava.t.tantesu braahma.nagahapatikesu negamesu c'eva jaanapadesu ca na mucchati||
kaamayati||
na gedha.m aapajjati na [117] aava.t.tati baahullaaya.|| ||

Tasse kho pan'Aananda, satthu saavako tassa satthu vivekamanubruuhayamaano vivitta.m senaasana.m bhajati aara~n~na.m rukkhamuula.m pabbata.m kandara.m giriguha.m susaana.m vanapattha.m abbhokaasa.m palaalapu~nja.m||
tassa tathaa vuupaka.t.thassa viharato anvaava.t.tanti braahma.nagahapatikaa negamaa c'eva jaanapadaa ca.|| ||

So anvaava.t.tantesu braahma.nagahapatikesu negamesu c'eva jaanapadesu ca mucchati||
nikaamayati||
gedha.m aapajjati||
aava.t.tati baahullaaya.|| ||

Aya.m vuccat'Aananda, upaddavo brahmacaarii.|| ||

Brahmacaaruupaddavena avadhi.msu na.m paapakaa akusalaa dhammaa sa'nkilesikaa ponobhavikaa sadaraa dukkhavipaakaa aayati.m jaatijaraamara.niyaa.|| ||

Eva.m kho Aananda||
brahmacaaruupaddavo hoti|| ||

Tatr'Aananda, yo c'evaaya.m aacariyuupaddavo yo ca antevaasuupaddavo||
aya.m tehi brahmacaaruupaddavo dukkhavipaakataro c'eva ka.tukavipaakataroca||
api ca vinipaataaya sa'nvattati.|| ||

[25] [pts] [ntbb] [olds] Tasmaat iha ma.m Aananda, mittavataaya samudaacaratha||
maa sapattavataaya,||
ta.m vo bhavissati diigha-ratta.m hitaaya sukhaaya.|| ||

[26] [pts] [ntbb] [olds] Katha~n c'Aananda, satthaara.m saavakaa sapattavataaya samudaacaranti no mittavataaya?|| ||

Idh'Aananda, satthaa saavakaana.m dhamma.m deseti anukampako hitesii anukampa.m upaadaaya||
"Ida.m vo hitaaya ida.m vo sukhaayaati."||
Tassa saavakaa na sussuusanti||
na sota.m odahanti na a~n~naa-citta.m upa.t.thapenti. Vokkamma ca satthusaasanaa vattanti.|| ||

Eva.m kho Aananda, satthaara.m saavakaa sapattavataaya samudaacaranti no mittavataaya.|| ||

[27] [pts] [ntbb] [olds] Katha~n c'Aananda, satthaara.m saavakaa mittavataaya samudaacaranti no sapattavataaya?|| ||

Idh'Aananda, satthaa saavakaana.m dhamma.m deseti anukampako hitesii anukampa.m upaadaaya: ida.m vo hitaaya ida.m vo sukhaayaati.|| ||

Tassa saavakaa sussuusanti||
sota.m odahanti||
a~n~naa-citta.m upa.t.thapenti.|| ||

Na ca vokkamma satthusaasanaa vattanti.|| ||

Eva.m kho Aananda, satthaara.m saavakaa mittavataaya samudaacaranti no sapattavataaya.|| ||

Tasmaa- [118] tiiha ma.m Aananda||
mittavataaya samudaacaratha||
maa sapattavataaya|| ||

Ta.m vo bhavissati diigha-ratta.m hitaaya sukhaaya.|| ||

[28] [pts] [ntbb] [olds] Na vo aha.m Aananda, tathaa parakkamissaami.|| ||

Yathaa kumbhakaaro aamake aamakamatte.|| ||

Niggayha niggayhaaha.m Aananda vakkhaami.|| ||

Pavayha Aananda pavayha vakkhaami.|| ||

Yo saaro so .thassatii ti.|| ||

Idam avoca Bhagavaa attamano aayasmaa Aanando Bhagavato bhaasita.m abhinandiiti.|| ||

 


 

More Su~n~nata Resources


 

Contact:
E-mail
Copyright Statement