Majjhima Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Majjhima Nikaaya
III. Upari Pa.n.naasa
3. Su~n~nata Vagga

Sutta 124

Bakkula Sutta.m

Based on the 'Sri Lanka Buddha Jayanti Tripitaka Series.'

 


 

[1][chlm][pts][upal] Eva.m me suta.m:|| ||

Eka.m samaya.m aayasmaa bakkulo Raajagahe viharati Ve.luvane Kalandakanivaape. Atha kho acelaKassapo aayasmato bakkulassa puraa.nagihiisahaayo [125] yen'aayasmaa bakkulo ten'upasa'nkami. Upasa'nkamitvaa aayasmataa bakkulena saddhi.m sammodi. Sammodaniiya.m katha.m saaraa.niiya.m viitisaaretvaa eka-m-anta.m nisiidi. Eka-m-anta.m nisinno kho acelaKassapo aayasmanta.m bakkula.m etad avoca:

Kiivacira.m pabbajitosi, aavuso bakkulaati:|| ||

Asiiti me aavuso vassaani pabbajitassaati.|| ||

Imehi pana te aavuso bakkula, asiitiyaa vassehi katikkhattu.m methuno dhammo patisevitoti:|| ||

Na kho ma.m aavuso kassapa, eva.m pucchitabba.m: 'imehi pana te aavuso bakkula, asiitiyaa vassehi katikkhattu.m methuno dhammo patisevito' ti. Eva~n ca kho ma.m aavuso kassapa, pucchitabba.m: 'imehi pana te aavuso bakkula, asiitiyaa vassehi katikkhattu.m kaamasa~n~naa uppannapubbaa' ti.|| ||

Imehi pana te aavuso, bakkula. Asiitiyaa vassehi katikkhattu.m kaamasa~n~naa uppannapubbaati.|| ||

Asiiti me aavuso kassapa, vassaani pabbajitassa, naabhijaanaami kaamasa~n~na.m uppannapubba.m.

Yampaayasmaa bakkulo asiitiyaa vassehi naabhijaanaati kaamasa~n~na.m uppannapubba.m.|| ||

Idam pi maya.m aayasmato bakkulassa acchariya.m abbhutadhamma.m dhaarema.|| ||

Asiiti me aavuso, vassaani pabbajitassa, naabhijaanaami vyaapaadasa~n~na.m uppannapubba.m.|| ||

Idam pi maya.m aayasmanto bakkulassa accariya.m abbhutadhamma.m dhaarema.Vihi.msaasa~n~na.m uppannapubba.m.|| ||

Yampaayasmaa bakkulo asiitiyaa vassehi naabhijaanaati vihi.msaasa~n~na.m uppannapubba.m.|| ||

Idam pi maya.m aayasmanto bakkulassa acchariya.m abbhutadhamma.m dhaarema.|| ||

Asiiti me aavuso, vassaani pabbajitassa, naabhijaanaami kaama-vitakka.m uppannapubba.m, yampaayasmaa bakkulo asitiyaa vassehi naabhijaanaati vyaapaada-vitakka.m uppannapubba.m.|| ||

Idam pi maya.m aayasmato bakkulassa acchariya.m abbhutadhamma.m dhaarema.|| ||

Asiiti me aavuso, vassaani pabbajitassa naabhijaanaami vyaapaada-vitakka.m uppannapubba.m, yampaayasmaa bakkulo asiitiyaa vassehi naabhijaanaati vihi.msaa-vitakka.m uppannapubba.m.|| ||

Idam pi maya.m aayasmato bakkulassa acchariya.m abbhuutadhamma.m dhaarema.|| ||

[126] Asiiti me aavuso, vassaani pabbajitassa, naabhijaanaami gahapati civara.m saaditaa. Yampaayasmaa bakkulo asiitiyaa vassehi naabhijaanaati ciivara.m saaditaa.|| ||

Idam pi maya.m aayasmato bakkulassa acchariya.m abbhutadhamma.m dhaarema.|| ||

Asiiti me aavuso, vassaani pabbajitassa, naabhijaanaami satthena ciivara.m chinditaa.

Yampaayasmaa bakkulo asiitiyaa vassehi naabhijaanaati ciivara.m chinditaa.|| ||

Idam pi maya.m aayasmato bakkulassa acchariya.m abbhutadhamma.m dhaarema.|| ||

Asiiti me aavuso, vassaani pabbajitassa, naabhijaanaami suuciyaa ciivara.m sibbitaa. Yampaayasmaa bakkulo asiitiyaa vassehi naabhijaanaati ciivara.m sibbitaa.|| ||

Idam pi maya.m aayasmato bakkulassa acchariya.m abbhutadhamma.m dhaarema.|| ||

Asiiti me aavuso, vassaani pabbajitassa, naabhijaanaami rajanena ciivara.m rajitaa. Yampaayasmaa bakkulo asitiyaa vassehi naabhijaanaati ciivara.m rajitaa.|| ||

Idam pi maya.m aayasmato bakkulassa acchariya.m abbhutadhamma.m dhaarema.|| ||

Asiiti me aavuso, vassaani pabbajitassa, naabhijaanaami ka.thine1 ciivara.m sibbitaa.

Yampaayasmaa bakkulo asiitiyaa vassehi naabhijaanaati ciivara.m sibbitaa.|| ||

Idam pi maya.m aayasmato bakkulassa acchariya.m abbhutadhamma.m dhaarema.|| ||

Asiiti me aavuso, vassaani pabbajitassa, naabhijaanaami sabrahmacaarii ciivarakamme byaapaaritaa2 yampaayasmaa bakkulo asiitiyaa vassehi naabhijaanaati ciivara.m byaapaaritaa.|| ||

Idam pi maya.m aayasmato bakkulassa acchariya.m abbhutadhamma.m dhaarema.|| ||

Asiiti me aavuso, vassaani pabbajitassa, naabhijaanaami nimantana.m saaditaa. Yampaayasmaa bakkulo asiitiyaa vassehi naabhijaanaati nimantana.m saaditaa.|| ||

Idam pi maya.m aayasmato bakkulassa acchariya.m abbhutadhamma.m dhaarema.|| ||

Asiiti me aavuso, vassaani pabbajitassa, naabhijaanaami evaruupa.m citta.m uppannapubba.m: ahovata ma.m koci nimanteyyaati. Yampaayasmaa bakkulo asiitiyaa vassehi naabhijaanaati citta.m uppannapubba.m.|| ||

Idam pi maya.m aayasmato bakkulassa acchariya.m abbhutadhamma.m dhaarema.|| ||

Asiiti me aavuso, vassaani pabbajitassa, naabhijaanaami antaraghare nisiiditaa. Yampaayasmaa bakkulo asiitiyaa vassehi naabhijaanaati antaraghare nisiiditaa.|| ||

Idam pi maya.m aayasmanto bakkulassa acchariya.m abbhutadhamma.m dhaarema.|| ||

Asiiti me aavuso vassaani pabbajitassa naabhijaanaami antaraghare bhu~njitaa. Yampaayasmaa bakkulo.|| ||

Asiitiyaa vassehi naabhijaanaati antaraghare bhu~njitaa. Idam pi maya.m aayasmato bakkulassa acchariya.m abbhutadhamma.m dhadhadada dhaarema.|| ||

Asiiti me aavuso vassaani pabbajitassa, naabhijaanaami maatugaamassa anubya~njenaso nimitta.m gahetaa. Yampaayasmaa bakkulo asiitiyaa vassehi naabhijaanaati nimitta.m gahetaa.|| ||

Idam pi maya.m aayasmato bakkulassa acchariya.m abbhutadhamma.m dhaarema.|| ||

Asiiti me aavuso vassaani pabbajitassa naabhijaanaami maatugaamassa dhamma.m desitaa, antamaso catuppadampi gaatha.m. Yampaayasmaa bakkulo asiitiyaa vassehi naabhijaanaati antamaso catuppadampi gaatha.m.|| ||

Idam pi maya.m aayasmato bakkulassa acchariya.m abbhuta.m dhamma.m dhaarema.|| ||

Asiiti me aavuso vassaani pabbajitassa, naabhijaanaami bhikkhu.nuupassaya.m upasa'nkamitaa. Yampaayasmaa bakkulo asiitiyaa vassehi naabhijaanaati bhikkhu.nuupassaya.m upasa'nkamitaa.|| ||

Idam pi maya.m aayasmato bakkulassa acchariya.m abbhutadhamma.m dhaarema.|| ||

Asiiti me aavuso vassaani pabbajitassa, naabhijaanaami bhikkhu.niiyaa dhamma.m desitaa yampaayasmaa bakkulo asiitiyaa vassehi naabhijaanaati bhikkhu.niiyaa dhamma.m desitaa.|| ||

Idam pi maya.m aayasmato bakkulassa acchariya.m abbhutadhamma.m dhaarema.|| ||

Asiiti me aavuso vassaani pabbajitassa naabhijaanaami sikkhamaanaaya dhamma.m desitaa. Yampaayasmaa bakkulo asiitiyaa vassehi naabhijaanaati sikkhamaanaaya dhamma.m desitaa.|| ||

Idam pi maya.m aayasmato bakkulassa acchariya.m abbhutadhamma.m dhamma.m dhaarema.|| ||

Asiiti me aavuso vassaani pabbajitassa, naabhijaanaami saama.neriyaa dhamma.m desitaa. Yampaayasmaa bakkulo asiitiyaa vassehi naabhijaanaati saama.neriyaa dhamma.m desitaa. Idam pi maya.m aayasmato bakkulassa acchariya.m abbhutadhamma.m dhaarema.|| ||

Asiiti me aavuso, vassaani pabbajitassa, naabhijaanaami pabbaajetaa yampaayasmaa bakkulo asiitiyaa vassehi naabhijaanaati pabbaajetaa idampi maya.m aayasmato bakkulassa acchariya.m abbhutadhamma.m dhaarema.|| ||

Asiiti me aavuso, vassaani pabbajitassa, naabhijaanaami upasampaadetaa. Yampaayasmaa bakkulo asiitiyaa vassehi naabhijaanaati upasampaadetaa idampi maya.m aayasmato bakkulassa acchariya.m abbhutadhamma.m dhaarema.|| ||

Asiiti me aavuso, vassaani pabbajitassa, naabhijaanaami nissaya.m daataa. Yampaayasmaa bakkulo asiitiyaa vassehi naabhijaanaati nissaya.m daataa idampi maya.m aayasmato bakkulassa acchariya.m abbhutadhamma.m dhaarema.|| ||

Asiiti me aavuso, vassaani pabbajitassa, naabhijaanaami saama.nera.m upa.t.thaapetaa. Yampaayasmaa bakkulo asiitiyaa vassehi naabhijaanaati saama.nera.m upa.t.thaapetaa idampi maya.m aayasmato bakkulassa acchariya.m abbhutadhamma.m dhaarema.|| ||

Asiiti me aavuso, vassaani pabbajitassa, naabhijaanaami jantaaghare nahaayitaa. Yampaayasmaa bakkulo asiitiyaa vassehi naabhijaanaati jantaaghare nahaayitaa idampi maya.m aayasmato bakkulassa acchariya.m abbhutadhamma.m dhaarema.|| ||

Asiiti me aavuso, vassaani pabbajitassa, naabhijaanaami cu.n.nena nahaayitaa. Yampaayasmaa bakkulo asiitiyaa vassehi naabhijaanaati cu.n.nena nahaayitaa idampi maya.m aayasmato bakkulassa acchariya.m abbhutadhamma.m dhaarema.|| ||

Asiiti me aavuso vassaani pabbajitassa, naabhijaanaami sabrahmacaarii [127] gattaparikamme vyaapaaritaa1 yampaayasmaa bakkulo asiitiyaa vassehi naabhijaanaati sabrahmacaarii gattaparikamme vyaapaaritaa1 idampi maya.m aayasmato bakkulassa acchariya.m abbhutadhamma.m dhaarema.|| ||

Asiiti me aavuso vassaani pabbajitassa, naabhijaanaami aabaadha.m uppannapubba.m antamaso gadduuhanamattampi. Yampaayasmaa bakkulo asiitiyaa vassehi naabhijaanaati aabaadha.m uppannapubba.m antamaso gadduuhanamattampi idampi maya.m aayasmato bakkulassa acchariya.m abbhutadhamma.m dhaarema.|| ||

Asiiti me aavuso vassaani pabbajitassa, naabhijaanaami bhesajja.m pariharitaa2 antamaso hariitakiikha.n.dampi. Yampaayasmaa bakkulo asiitiyaa vassehi naabhijaanaati bhesajja.m pariharitaa2 antamaso hariitakiikha.n.dampi idampi maya.m aayasmato bakkulassa acchariya.m abbhutadhamma.m dhaarema.|| ||

Asiiti me aavuso vassaani pabbajitassa, naabhijaanaami apassenaka.m apassetaa3 yampaayasmaa bakkulo asiitiyaa vassehi naabhijaanaati apassenaka.m apassetaa3 idampi maya.m aayasmato bakkulassa acchariya.m abbhutadhamma.m dhaarema.|| ||

Asiiti me aavuso vassaani pabbajitassa, naabhijaanaami seyya.m kappetaa. Yampaayasmaa bakkulo asiitiyaa vassehi naabhijaanaati.|| ||

Seyya.m kappetaa idampi maya.m aayasmato bakkulassa acchariya.m abbhutadhamma.m dhaarema.|| ||

Asiiti me aavuso vassaani pabbajitassa, naabhijaanaami gaamantasenaasane vassa.m upagantaa. Yampaayasmaa bakkulo asiitiyaa vassehi naabhijaanaati gaamantasenaasane vassa.m upagantaa.|| ||

Idam pi maya.m ayasmato bakkulassa acchariya.m abbhutadhamma.m dhaarema.|| ||

Sattaahameva kho aha.m aavuso, sara.no ra.t.thapi.n.da.m bhu~nji.m. Atha a.t.thamiya.m a~n~naa udapaadi. Yampaayasmaa bakkulo sattaahameva sara.no ra.t.thapi.n.da.m bhu~nji, atha a.t.thamiya.m a~n~naa udapaadi.|| ||

Idam pi maya.m aayasmato bakkulassa acchariya.m abbhutadhamma.m dhaarema. || ||

Labheyyaaha.m aavuso bakkula, imasmi.m dhamma-vinaye pabbajja.m, labheyya.m upasampadanti.|| ||

Alattha kho acelaKassapo imasmi.m dhamma-vinaye pabbajja.m, alattha upasampada.m. Aciruupasampanno kho panaayasmaa Kassapo eko vuupaka.t.tho appamatto aataapii pahitatto viharanto na cirass'eva yassatthaaya kulaputtaa samma-d-eva agaarasmaa anagaariya.m pabbajanti. Tadanuttara.m brahmacariyapariyosaana.m di.t.th'evadhamme saya.m abhi~n~naa sacchikatvaa upasampajja vihaasi. Khii.naa jaati, vusita.m brahmacariya.m, kata.m kara.niiya.m, naapara.m itthattaayaati abbha~n~naasi. A~n~nataro kho panaayasmaa Kassapo arahata.m ahosi.|| ||

Atha kho aayasmaa bakkulo aparena samayena apaapura.na.m1 aadaaya vihaarena vihaara.m upasa'nkamitvaa evam aaha: abhikkamathaayasmanto, abhikkamathaayasmanto, ajja me parinibbaana.m bhavissatii' ti.|| ||

Yampaayasmaa bakkulo apaapura.na.m1 aadaaya vihaarena vihaara.m upasa'nkamitvaa evam aaha: 'abhikkamathaayasmanto, abhikkamathaayasmanto, ajja me parinibbaana.m bhavissatii' ti.|| ||

Idam pi maya.m aayasmato bakkulassa acchariya.m abbhutadhamma.m dhaarema.|| ||

[128] Atha kho aayasmaa bakkulo majjhe bhikkhuSa'nghassa nisinnakova parinibbaayi.|| ||

Yampaayasmaa bakkulo majjhe bhikkhuSa'nghassa nisinnakova parinibbaayi.|| ||

Idam pi maya.m aayasmato bakkulassa acchariya.m abbhutadhamma.m dhaaremaati.|| ||

Bakkulasutta.m catuttha.m


 

Contact:
E-mail
Copyright Statement