Majjhima Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Majjhima Nikaaya
III. Upari Pa.n.naasa
3. Su~n~nata Vagga

Sutta 130

Devaduuta Sutta.m

Based on the 'Sri Lanka Buddha Jayanti Tripitaka Series.'

 


[178]

[1][chlm][pts][ntbb][than][upal] Eva.m me suta.m:|| ||

Eka.m samaya.m Bhagavaa Saavatthiiya.m viharati Jetavane Anaathapi.n.dikassa aaraame.|| ||

Tatra kho Bhagavaa bhikkhuu aamantesi Bhikkhavo ti.|| ||

Bhadante ti te bhikkhuu Bhagavato paccassosu.m.|| ||

Bhagavaa etad avoca:|| ||

2. Seyyathaa pi, bhikkhave, dve agaaraa sadvaaraa,||
tattha cakkhumaa puriso majjhe .thito passeyya manusse geha.m pavisante pi nikkhamante pi,||
anusa~ncarante pi anuvicarante pi.|| ||

Evam eva kho aha.m bhikkhave,||
dibbena cakkhunaa visuddhena atikkantamaanusakena satte passaami cavamaane upapajjamaane hiine pa.niite suva.n.ne dubba.n.ne sugate duggate yathaa kammuupage satte pajaanaami.|| ||

Ime vata bhonto sattaa kaayasucaritena samannaagato vaciisucaritena samannaagataa manosucaritena samannaagataa ariyaana.m anupavaadakaa sammaadi.t.thikaa sammaadi.t.thikammasamaadaanaa.|| ||

Te kaayassa bhedaa param mara.naa sugati.m sagga.m loka.m upapannaa.|| ||

Ime vaa pana bhonto sattaa kaayasucaritena samannaagataa vaciisucaritena samannaagataa manosucaritena samannaagataa ariyaana.m anupavaadakaa sammaadi.t.thikaa sammaadi.t.thikammasamaadaanaa,||
te kaayassa bhedaa param mara.naa manussesu upapannaa.|| ||

Ime vata bhonto sattaa kaaya-duccaritena samannaagataa vacii-duccaritena samannaagataa mano-duccaritena samannaagataa ariyaa-[179]na.m upavaadakaa micchaadi.t.thikaa micchaadi.t.thikammasamaadaanaa,||
te kaayassa bhedaa param mara.naa pettivisaya.m upapannaa.|| ||

Ime vaa pana bhonto sattaa kaayaduccaritena samannaagataa vaciiduccaritena samannaagataa manoduccaritena samannaagataa ariyaana.m upavaadakaa micchaadi.t.thikaa micchaadi.t.thikammasamaadaanaa,||
te kaayassa bhedaa param mara.naa tiracchaanayoni.m upapannaa.|| ||

Ime vaa pana bhonto sattaa kaayaduccaritena samannaagataa vaciiduccaritena samannaagataa manoduccaritena samannaagataa ariyaana.m upavaadakaa micchaadi.t.thikaa micchaadi.t.thikammasamaadaanaa,||
te kaayassa bhedaa param mara.naa apaaya.m duggati.m vinipaata.m Niraya.m upapannaati.|| ||

3. Tam ena.m bhikkhave, nirayapaalaa naanaa baahaasu gahetvaa Yamassa ra~n~no dassen' ti.|| ||

Ya.m deva, puriso ametteyyo apetteyyo asaama~n~no abrahma~n~no na kule je.t.thaapacaayii,||
imassa devo da.n.da.m pa.netuuti.|| ||

4. Tam ena.m bhikkhave, Yamo raajaa pa.thama.m devaduuta.m samanuyu~njati samanugaahati samanubhaasati:||
'Amho purisa, na tva.m addasa manussesu pa.thama.m devaduuta.m paatubhuuta'nti?|| ||

So evam aaha:||
'naaddasa.m bhante' ti.|| ||

Tam ena.m bhikkhave, Yamo raajaa evam aaha:||
'amho purisa, na tva.m addasa manussesu dahara.m kuMaara.m manda.m uttaanaseyyaka.m sake muttakariise palipanna.m semaana'nti?|| ||

So evam aaha:||
'addasa.m bhante' ti.|| ||

Tam ena.m bhikkhave, Yamo raajaa evam aaha:||
'amho purisa, tassa te vi~n~nuussa sato mahallakassa na etad ahosi:||
'Aham pi kho'mhi jaatidhammo jaati.m anatiito,||
handaaha.m kalyaa.na.m karomi kaayena vaacaaya manasaa' ti?|| ||

So evam aaha:||
'Naaham sakkhissa.m bhante, pamaadassa.m bhante' ti.|| ||

Tam ena.m bhikkhave, Yamo raajaa evam aaha:||
'amho purisa pamaadavataaya na kalyaa.nam akaasi kaayena vaacaaya manasaa.|| ||

Taggha tva.m amho purisa,||
tathaa karissanti yathaa ta.m pamatta.m.|| ||

Ta.m kho pana te eta.m paapa.m kamma.m n'eva maataraa kata.m,||
na pitaraa [180] kata.m,||
na bhaataraa kata.m,||
na bhaginiyaa kata.m,||
na mittaamaccehi kata.m,||
na ~naatisaalohitehi kata.m,||
na sama.nabraahma.nehi kata.m,||
na devataahi kata.m.|| ||

Tayaaveta.m paapa.m kamma.m kata.m,||
tva.m yeva tassa vipaaka.m pa.tisa'nvediyasii' ti.|| ||

5. Tam ena.m bhikkhave, Yamo raajaa pa.thama.m devaduuta.m samanuyu~njitvaa samanugaahitvaa samanubhaasitvaa dutiya.m devaduuta.m samanuyu~njati samanugaahati samanubhaasati:||
'amho purisa, na tva.m addasa manussesu dutiya.m devaduuta.m paatubhuutanti?|| ||

So evam aaha:||
'naaddasa.m bhante' ti.|| ||

Tam ena.m bhikkhave, Yamo raajaa evam aaha:||
'amho purisa, na tva.m addasa manussesu itthi.m vaa purisa.m vaa aasiitika.m vaa naavutika.m vaa vassasatika.m vaa jaatiiyaa ji.n.na.m gopaanasiva'nka.m bhogga.m da.n.daparaaya.na.m pavedhamaana.m gacchanta.m aatura.m gatayobbana.m kha.n.dadanta.m palitakesa.m viluuna.m khalitasira.m valita.m tilakaahatagatta'nti?|| ||

So evam aaha:||
'addasa.m bhante' ti.|| ||

Tam ena.m bhikkhave, Yamo raajaa evam aaha:||
'amho puriso, tassa te vi~n~nuussa.|| ||

Sato mahallakassa na etad ahosi:||
'Aham pi kho'mhi jaraa dhammo jara.m anatiito,||
handaaha.m kalyaa.na.m karomi kaayena vaacaaya manasaa' ti?|| ||

So evam aaha:||
'Naaham sakkhissa.m bhante, pamaadassa.m bhante' ti.|| ||

Tam ena.m bhikkhave, Yamo raajaa evam aaha:||
'amho purisa, pamaadavataaya na kalyaa.nam akaasi kaayena vaacaaya manasaa.|| ||

Taggha tva.m ambho purisa,||
tathaa karissanti yathaa ta.m pamatta.m.|| ||

Ta.m kho pana te eta.m paapa.m kamma.m n'eva maataraa kata.m,||
na pitaraa kata.m,||
na bhaataraa kata.m,||
na bhaginiyaa kata.m,||
na mittaamaccehi kata.m,||
na ~naatisaalohitehi kata.m,||
na sama.nabraahma.nehi kata.m,||
na devataahi kata.m.|| ||

Tayaa veta.m paapa.m kamma.m kata.m,||
tva.m yeva etassa vipaaka.m pa.tisa'nvediyasii' ti.|| ||

6. Tam ena.m bhikkhave, Yamo raajaa dutiya.m devaduuta.m samanuyu~njitvaa samanugaahitvaa samanubhaasitvaa tatiya.m devaduuta.m samanuyu~njati,||
samanugaahati||
samanubhaasati:|| ||

[181]Ambho purisa, na tva.m addasa,||
manussesu tatiya.m devaduuta.m paatubhuutan' ti.|| ||

So evam aaha:||
'naaddasa.m bhante' ti.|| ||

Tam ena.m bhikkhave, Yamo raajaa evam aaha:||
'amho purisa, na tva.m addasa manussesu itthi.m vaa purisa.m vaa aabaadhika.m dukkhita.m baa.lhagilaana.m sake muttakariise palipanna.m semaana.m a~n~nehi vu.t.thaapiyamaana.m a~n~nehi sa.mvesiyamaanan' ti.|| ||

So evam aaha:||
'addasa.m bhante' ti.|| ||

Tam ena.m bhikkhave Yamo raajaa evam aaha:||
'amho purisa, tassa te vi~n~nuussa.|| ||

Sato mahallakassa na etad ahosi:||
'Aham pi kho'mhi vyaadhidhammo vyaadhi.m anatiito,||
handaaha.m kalyaa.na.m karomi kaayena vaacaaya manasaa' ti.|| ||

So evam aaha:||
'Naaham sakkhissa.m bhante, pamaadassa.m bhante' ti.|| ||

Tam ena.m bhikkhave, Yamo raajaa evam aaha:||
'amho purisa, pamaadavataaya na kalyaa.nam akaasi kaayena vaacaaya manasaa.|| ||

Taggha tva.m amho purisa, tathaa karissanti yathaa ta.m pamatta.m.|| ||

Ta.m kho pana te eta.m paapa.m kamma.m n'eva maataraa kata.m,||
na pitaraa kata.m,||
na bhaataraa kata.m,||
na bhaginiyaa kata.m,||
na mittaamaccehi kata.m,||
na ~naatisaalohitehi katha.m,||
na sama.nabraahma.nehi katha.m,||
na devataahi kata.m.|| ||

Tayaa veta.m paapa.m kamma.m kata.m.|| ||

Tva.m~n~nevetassa vipaaka.m pa.tisa'nvediyasii' ti.|| ||

7. Tam ena.m bhikkhave, Yamo raajaa tatiya.m devaduuta.m samanuyu~njitvaa samanugaahitvaa samanubhaasitvaa catuttha.m devaduuta.m samanuyu~njati,||
samanugaahati,||
samanubhaasati:|| ||

'Amho purisa, na tva.m addasa manussesu catuttha.m devaduuta.m paatubhuutan' ti?|| ||

So evam aaha:|| ||

'Naaddasa.m bhante' ti.|| ||

Tam ena.m bhikkhave, Yamo raajaa evam aaha:|| ||

'Amho purisa, na tva.m addasa manussesu raajaano cora.m aagucari.m gahetvaa vividhaa kamma-kaara.naa kaarente,||
- kasaahi pi taa.lente||
vettehi pi taa.lente||
addhada.n.dakehi pi taa.lente||
hattham pi chindante||
paadam pi chindante||
hattha-paadam pi chindante||
ka.n.nam pi chindante||
naasam pi chindante||
ka.n.na-naasam pi chindante||
bila'ngathaalikam pi karonte||
sa'nkhamu.n.dikam pi| karonte||
raahumukham pi karonte||
joti-maalikam pi karonte||
hattha-pajjotikam pi karonte||
eraka-vattikam pi karonte||
ciirakavaasikam pi karonte||
e.neyyakam pi karonte||
balisama.m-sikam pi karonte||
kahaapa.nakam pi karonte||
kaaraapatacchikam pi karonte||
palighapari-vattikam pi karonte||
palaalapii.thakam pi karonte||
tattena pi telena||
osi~ncante sunakhehi pi khaadaapente||
jiivantam pi suule uttaasente||
asinaa pi siisa.m chindante' ti?|| ||

- So evam aaha:|| ||

'Addasa.m bhante' ti.|| ||

Tam ena.m bhikkhave Yamo raajaa evam aaha:|| ||

'Amho purisa, tassa te vi~n~nuussa||
sato mahallakassa na etad ahosi:|| ||

'Ye kira bho paapakaani kammaani karonti||
te di.t.th'eva dhamme evaruupaa vividhaa kammakaara.naa kariiyanti||
kima'nga pana [182] parattha handaaha.m kalyaa.na.m karomi kaayena vaacaaya manasaa' ti.|| ||

So evam aaha:|| ||

'Naaham sakkhissa.m bhante, pamaadassa.m bhante' ti.|| ||

Tam ena.m bhikkhave, Yamo raajaa evam aaha:|| ||

'Amho purisa pamaadavataaya na kalyaa.nam akaasi.|| ||

Kaayena vaacaaya manasaa, taggha tva.m amho purisa,||
tathaa karissanti yathaa ta.m pamatta.m.|| ||

Ta.m kho pana te eta.m paapa.m kamma.m n'eva maataraa kata.m,||
na pitaraa kata.m,||
na bhaataraa kata.m,||
na bhaginiyaa kata.m,||
na mittaamaccehi kata.m,||
na ~naatisaalohitehi kata.m,||
na sama.nabraahma.nehi kata.m,||
na devataahi kata.m.|| ||

Tayaa veta.m paapa.m kamma.m kata.m.|| ||

Tva~n~nevetassa vipaaka.m pa.tisa'nvediyasii' ti.|| ||

8. Tam ena.m bhikkhave, Yamo raajaa catuttha.m devaduuta.m samanuyu~njitvaa samanugaahitvaa samanubhaasitvaa pa~ncama.m devaduuta.m samanuyu~njati samanugaahati samanubhaasati:||
'amho purisa, na tva.m addasa manussesu pa~ncama.m devaduuta.m paatubhuutan' ti.|| ||

So evam aaha:||
'naaddasa.m bhante' ti.|| ||

Tam ena.m bhikkhave Yamo raajaa evam aaha:||
'amho purisa na tva.m addasa manussesu itthi.m vaa purisa.m vaa ekaahamata.m vaa dviihamata.m vaa tiihamata.m vaa uddhumaataka.m viniilaka.m vipubbakajaatan' ti.|| ||

So evam aaha:||
'addasa.m bhante' ti.|| ||

Tam ena.m bhikkhave, Yamo raajaa evam aaha:||
'amho purisa, tassa te vi~n~nussa sato mahallakassa na etad ahosi:||
'Aham pi kho'mhi mara.nadhammo mara.na.m anatiito,||
handaaha.m kalyaa.na.m karomi kaayena vaacaaya manasaa' ti.|| ||

So evam aaha:||
'Naaham sakkhissa.m bhante, pamaadassa.m bhante' ti.|| ||

Tam ena.m bhikkhave, Yamo raajaa evam aaha:||
'amho purisa, pamaadavataaya na kalyaa.nam akaasi kaayena vaacaaya manasaa.|| ||

Taggha tva.m amho purisa,||
tathaa karissanti yathaa ta.m pamatta.m.|| ||

Ta.m kho na te eta.m paapa.m kamma.m n'eva maataraa kata.m,||
na pitaraa kata.m,||
na bhaataraa kata.m,||
na bhaginiyaa kata.m,||
na mittaamaccehi kata.m,||
na ~naatisaalohitehi kata.m,||
na sama.nabraahma.nehi kata.m,||
na devataahi kata.m,||
tayaa ve ta.m paapa.m kamma.m kata.m.|| ||

Tva~n~nevetassa vipaaka.m pa.tisa'nvediyasii' ti.|| ||

9. Tam ena.m bhikkhave, Yamo raajaa pa~ncama.m devaduuta.m samanuyu~njitvaa samanugaahitvaa samanubhaasitvaa tu.nhi hoti.|| ||

10. Tam ena.m bhikkhave nirayapaalaa pa~nca-vidha-bandhana.m [183] naama kaara.na.m karonti.|| ||

Tatta.m ayokhiila.m hatthe gamenti,||
tatta.m ayokhiila.m dutiye hatthe gamenti,||
tatta.m ayokhiila.m paade gamenti.|| ||

Tatta.m ayokhiila.m dutiye paade gamenti.|| ||

Tatta.m ayokhiila.m majjhe urasmi.m gamenti.|| ||

So tattha dukkhaa tippaa ka.tukaa vedanaa vedeti.|| ||

Na ca taava kaala.m karoti,||
yaava na ta.m paapa.m kamma.m vyantii hoti.|| ||

11. Tam ena.m bhikkhave, nirayapaalaa sa.mvesetvaa ku.thaariihi tacchanti.|| ||

So tattha dukkhaa tippaa ka.tukaa vedanaa vedeti.|| ||

Na ca taava kaala.m karoti,||
yaava na ta.m paapa.m kamma.m vyantii hoti.|| ||

12. Tam ena.m bhikkhave, nirayapaalaa uddha.m paada.m adho sira.m gahetvaa vaasiihi tacchanti.|| ||

So tattha dukkhaa tippaa ka.tukaa vedanaa vedeti.|| ||

Na ca taava kaala.m karoti,||
yaava na ta.m paapa.m kamma.m vyantii hoti.|| ||

13. Tam ena.m bhikkhave, nirayapaalaa rathe yojetvaa aadittaaya pa.thaviyaa sampajjalitaaya sajotibhuutaaya saarenti pi paccaasaarenti pi.|| ||

So tattha dukkhaa tippaa ka.tukaa vedanaa vedeti.|| ||

Na ca taava kaala.m karoti,||
yaava na ta.m paapa.m kamma.m vyantii hoti.|| ||

14. Tam ena.m bhikkhave, nirayapaalaa mahanta.m a'ngaarapabbata.m aaditta.m sampajjalita.m sajotibhuuta.m aaropenti pi oropenti pi.|| ||

So tattha dukkhaa tippaa ka.tukaa vedanaa vedeti.|| ||

Na ca taava kaala.m karoti,||
yaava na ta.m paapa.m kamma.m vyantii hoti.|| ||

15. Tam ena.m bhikkhave, nirayapaalaa uddha.m paada.m adho sira.m gahetvaa tattaaya lohakumbhiyaa pakkhipanti aadttaaya sampajjalitaaya sajotibhuutaaya.|| ||

So tattha phe.nuddehaka.m paccati.|| ||

So tattha phe.nuddehaka.m paccamaano sakim pi uddha.m gacchati,||
sakim pi adho gacchati,||
sakim pi tiriya.m gacchati.|| ||

So tattha dukkhaa tippaa ka.tukaa vedanaa vedeti.|| ||

Na ca taava kaala.m karoti,||
yaava na ta.m paapa.m kamma.m vyantii hoti.|| ||

16. Tam ena.m bhikkhave, nirayapaalaa Mahaaniraye pakkhipanti.|| ||

So kho pana bhikkhave, mahaanirayo:|| ||

Catukka.n.no catudvaaro vibhanto bhaagaso mito,||
Ayopaakaarapariyanto ayasaa pa.tikujjito.|| ||

Tassa ayomayaa bhuumi jalitaa tejasaa yutaa,||
Samantaa yojanasata.m pharitvaa ti.t.thati sabbadaa.|| ||

17. Tassa kho pana bhikkhave, Mahaanirayassa puratthimaaya bhittiyaa acci u.t.thahitvaa pacchimaaya bhittiyaa, pa.tiha~n~nati;||
pacchimaaya bhittiyaa acci u.t.thahitvaa puratthimaaya [184] bhittiyaa pa.tiha~n~nati.|| ||

Uttaraaya bhittiyaa acci u.t.thahitvaa dakkhi.naaya bhittiyaa pa.tiha~n~nati.|| ||

Dakkhi.naaya bhittiyaa acci u.t.thahitvaa uttaraaya bhittiyaa pa.tiha~n~nati.|| ||

He.t.thaa acci u.t.thahitvaa upari pa.tiha~n~nati.|| ||

Uparito acci u.t.thahitvaa he.t.thaa pa.tiha~n~nati.|| ||

So tattha dukkhaa tippaa ka.tukaa vedanaa vedeti.|| ||

Na ca taava kaala.m karoti.|| ||

Yaava na ta.m paapa.m kamma.m vyantii hoti.|| ||

18. Hoti kho so bhikkhave, samayo ya.m kadaaci karahaci diighassa addhuno accayena tassa mahaanirayassa puratthima.m dvaara.m avaapuriiyati.|| ||

So tattha siighena javena dhaavati.|| ||

Tassa siighena javena dhaavato chavim pi .dayhati, cammam pi .dayhati,||
ma.msam pi .dayhati,||
nahaarum pi .dayhati.|| ||

A.t.thiini pi sampadhuupaayanti.|| ||

Ubbhata.m taadisameva hoti.|| ||

Yato ca kho so bhikkhave, bahusampatto hoti,||
atha ta.m dvaara.m pithiiyati.|| ||

So tattha dukkhaa tippaa ka.tukaa vedanaa vedeti.|| ||

Na ca taava kaala.m karoti.|| ||

Yaava na ta.m paapa.m kamma.m vyantii hoti.|| ||

Hoti kho so bhikkhave,||
samayo ya.m kadaaci karahaci diighassa addhuno accayena tassa mahaanirayassa pacchiima.m dvaara.m avaapuriiyati.|| ||

Hoti kho so bhikkhave,||
saamayo ya.m kadaaci karahaci diighassa addhuno accayena tassa mahaanirayassa uttara.m dvaara.m avaapuriiyati.|| ||

Hoti kho so bhikkhave,||
samayo ya.m kadaaci karahaci diighassa addhuno accayena tassa mahaanirayassa dakkhi.na.m dvaara.m avaapuriiyati.|| ||

So tattha siighena javena dhaavati.|| ||

Tassa siighena javena dhaavato chavim pi .dayhati,||
cammam pi .dayhati,||
ma.msam pi .dayhati,||
nahaarum pi .dayhati.|| ||

A.t.thiinipi sampadhuupaayanti.|| ||

Ubbata.m taadisameva hoti.|| ||

Yato ca kho so bhikkhave, bahusampatto hoti.|| ||

Atha na.m dvaara.m pithiiyati.|| ||

So tattha dukkhaa tippaa ka.tukaa vedanaa vedeti.|| ||

Na ca taava kaala.m karoti,||
yaava na ta.m paapa.m kamma.m vyantii hoti.|| ||

19. Hoti kho so bhikkhave,||
samayo ya.m kadaaci karahaci diighassa addhuno accayena tassa mahaanirayassa puratthima.m dvaara.m avaapuriiyati.|| ||

So tattha siighena javena dhaavati.|| ||

Tassa siighena javena dhaavato chavim pi .dayhati,||
cammam pi .dayhati,||
ma.msam pi .dayhati,||
nahaarum pi .dayhati.|| ||

A.t.thiini pi sampadhuupaayanti.|| ||

Ubbhata.m taadisameva hoti.|| ||

So tena dvaarena nikkhamati.|| ||

20. Tassa kho pana bhikkhave,||
Mahaanirayassa samanan- [185] taraa sahitameva mahanto Guutha-nirayo.|| ||

So tattha papatati tasmi.m kho pana bhikkhave,||
guuthaniraye suucimukhaa paa.naa chaci.m chindanti.|| ||

Chavi.m chetvaa camma.m chindanti camma.m chetvaa ma.msa.m chindanti ma.msa.m chetvaa nahaaru.m chindanti.|| ||

Nahaaru.m chetvaa a.t.thi.m chindanti.|| ||

A.t.thi.m chetvaa a.t.thimi~nja.m khaadanti.|| ||

So tattha dukkhaa tippaa ka.tukaa vedanaa vedeti.|| ||

Na ca taava kaala.m karoti,||
yaava na ta.m paapa.m kamma.m vyantii hoti.|| ||

21. Tassa kho pana bhikkhave,||
guuthanirayassa samanantaraa sahitameva mahanto kukkulanirayo.|| ||

So tattha papatati so tattha dukkhaa tippaa ka.tukaa vedanaa vedeti.|| ||

Na ca taava kaala.m karoti,||
yaava na ta.m paapa.m kamma.m vyantii hoti.|| ||

22. Tassa kho pana bhikkhave,||
kukkulanirayassa samanantaraa sahitameva mahanta.m simbaliivana.m uddha.m yojanamuggata.m so'asa'ngulaka.n.taka.m aaditta.m sampajjalita.m sajotibhuuta.m,||
tattha aaropenti pi oropenti pi.|| ||

So tattha dukkhaa tippaa ka.tukaa vedanaa vedeti.|| ||

Na ca taava kaala.m karoti,||
yaava na ta.m paapa.m kamma.m vyantii hoti.|| ||

23. Tassa kho pana bhikkhave,||
simbaliivanassa samanantaraa sahitameva mahanta.m asipattavana.m.|| ||

So tattha pavisati tassa vaateritaani pattaani patitaani hattham pi chindanti,||
paadam pi chindanti,||
hatthapaadam pi chindanti.|| ||

Ka.n.nam pi chindanti,||
naasam pi chindanti,||
ka.n.nanaasam pi chindanti.|| ||

So tattha dukkhaa tippaa ka.tukaa vedanaa vedeti.|| ||

Na ca taava kaala.m karoti,||
yaava na ta.m paapa.m kamma.m vyantii hoti.|| ||

24. Tassa kho pana bhikkhave,||
asipattavanassa samanantaraa sahitameva mahatii khaarodikaa nadii.|| ||

So tattha papatati.|| ||

So tattha anusotam pi vuyhati.|| ||

Pa.tisotam pi vuyhati.|| ||

Anusotapa.tisotam pi vuyhati.|| ||

So tattha dukkhaa tippaa ka.tukaa vedanaa vedeti.|| ||

Na ca taava kaala.m karoti,||
yaava na ta.m paapa.m kamma.m vyantii hoti.|| ||

25. Tam ena.m bhikkhave,||
nirayapaalaa ba.lisena uddha- [186] ritvaa thale pati.t.thaapetvaa evam aaha.msu:||
'amho purisa, ki.m icchasii' ti.|| ||

So evam aaha:||
jighacchitosmii bhante' ti.|| ||

Tam ena.m bhikkhave,||
nirayapaalaa tattena,||
ayosa'nkunaa mukha.m vivaritvaa aadittena samapajjalitena sajotibhuutena tatta.m ohagu'a.m mukhe pakkhipatanti aaditta.m samapajjalita.m sajotibhuuta.m.|| ||

So tassa o.t.tham pi .dayhati,||
mukham pi .dayhati,||
ka.n.tham pi .dayhati,||
uram pi .dayhati,||
antam pi antagu.nam pi aadaaya adhobhaagaa nikkhamati.|| ||

So tattha dukkhaa tippaa ka.tukaa vedanaa vedeti.|| ||

Na ca taava kaala.m karoti,||
yaava na ta.m paapa.m kamma.m vyantii hoti.|| ||

26. Tam ena.m bhikkhave,||
nirayapaalaa evam aaha.msu:||
'amho purisa, ki.m icchasii' ti.|| ||

So evam aaha:||
'pipaasitosmi bhante' ti.|| ||

Tam ena.m bhikkhave,||
nirayapaalaa tattena ayosa'nkunaa mukha.m vivaritvaa aadittena sampajjalitena sajotibhuutena tatta.m tambaloha.m mukhe aasi~ncanti aaditta.m sampajjalita.m sajotibhuuta.m.|| ||

Ta.m tassa o.t.tham pi .dayhati,||
mukham pi .dayhati,||
ka.n.tham pi .dayhati,||
uram pi .dayhati.|| ||

Antam pi antagu.nam pi aadaaya adhobhaagaa nikkhamati.|| ||

So tattha dukkhaa tippaa ka.tukaa vedanaa vedeti.|| ||

Na ca taava kaala.m karoti,||
yaava na ta.m paapa.m kamma.m vyantii hoti.|| ||

27. Tam ena.m bhikkhave,||
nirayapaalaa puna mahaaniraye pakkhipanti.|| ||

28. Bhuutapubba.m bhikkhave,||
Yamassa ra~n~no etad ahosi:||
'ye kira bho loke paapakaani akusalaani kammaani karonti,||
te evaruupaa vividhaa kammakaara.naa kariiyanti.|| ||

Ahovataaha.m manussatta.m labheyya.m.|| ||

Tathaagato ca loke upapajjeyya araha.m Sammaa-sambuddho.|| ||

Ta~ncaaha.m Bhagavanta.m payirupaaseyya.m,||
so ca me Bhagavaa dhamma.m deseyya,||
tassa caaha.m Bhagavato dhamma.m aajaaneyyan' ti.|| ||

29. Ta.m kho pana aha.m bhikkhave,||
naa~n~nassa sama.nassa vaa braahma.nassa vaa sutvaa vadaami.|| ||

Api ca yad eva me saama.m ~naata.m,||
saama.m di.t.tha.m,||
saama.m vidita.m||
- tam evaaha.m vadaamii ti.|| ||

[187] 30. Idam avoca Bhagavaa,||
ida.m vatvaa sugato athaapara.m etad avoca satthaa:|| ||

Coditaa devaduutehi ye pamajjanti maanavaa,||
Te diigha-ratta.m socanti hinakaayuupagaa naraa.|| ||

Ye ca kho devaduutehi santo sappurisaa idha,||
Coditaa nappamajjanti ariya-Dhamme kudaacana.m.|| ||

Upaadaane bhaya.m disvaa jaatimara.na sambhave, Anupaadaa vimuccanti jaatimara.nasa'nkhaye.|| ||

Te khemappattaa sukhino di.t.thadhammaabhinibbutaa,||
Sabbaverabhayaatiitaa sabbadukkha.m upaccagunti.|| ||

Devaduutasutta.m dasama.m


 

Contact:
E-mail
Copyright Statement