Majjhima Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Majjhima Nikaaya
III. Upari Pa.n.naasa
4. Vibha'nga Vagga

Sutta 131

Bhadd'Eka-Ratta Sutta.m

Based on the 'Sri Lanka Buddha Jayanti Tripitaka Series.'

 


 

[1][chlm][pts][nana][ntbb][than][olds][upal] Eva.m me suta.m:

Eka.m samaya.m Bhagavaa Saavatthiya.m viharati Jetavane Anaathapi.n.dikassa aaraame.||
Tatra kho Bhagavaa bhikkhuu aamantesi:||
'Bhikkhavo' ti.||
'Bhadante' ti te bhikkhuu Bhagavato paccassosu.m.||
Bhagavaa etad avoca:|| ||

[2][pts][nana][ntbb][than] Bhaddekarattassa vo, bhikkhave, uddesa~n ca vibha'nga~n ca desissaami. Ta.m su.naatha, saadhuka.m manasikarotha, bhaasissaamiiti.|| ||

'Eva.m bhante' ti kho bhikkhuu Bhagavato paccassosu.m.

[3][pts][nana][ntbb][than] Bhagavaa etad avoca:|| ||

Atiita.m naanvaagameyya||
nappa.tika'nkhe anaagata.m|| ||

Yadatiita.m pahiina.m ta.m||
appatta~n ca anaagata.m|| ||

Paccuppanna~nca yo dhamma.m||
tattha tattha vipassatii|| ||

Asa'nhiira.m asankuppa.m||
ta.m viditvaa manubruuhaye|| ||

Ajj'eva kicca.m aatappa.m||
ko ja~n~naa mara.na.m suve?|| ||

Na hi no sangara.m tena||
mahaasenena maccunaa|| ||

Eva.m vihaari.m aataapi.m||
ahorattam atandita.m|| ||

Ta.m ve bhaddekaratto ti||
santo aacikkhate muniiti|| ||

[4][pts][nana][ntbb][than] Katha~n ca bhikkhave, atiita.m anvaagameti?||
Eva.m ruupo ahosi.m atiitam addhaanan ti tattha nandi.m samanvaaneti;||
eva.m vedano ahosi.m atiitam addhaanan ti tattha nandi.m samanvaaneti;||
eva.m sa~n~no ahosi.m atiitam addhaanan ti tattha nandi.m samanvaaneti;||
eva.m sankhaaro ahosi.m atiitam addhaanan ti tattha nandi.m samanvaaneti;||
eva.m vi~n~naa.no ahosi.m atiitam addhaanan ti tattha nandi.m samanvaaneti.||
Eva.m kho bhikkhave, atita.m anvaagameti.|| ||

[5][pts][nana][ntbb][than] Katha~n ca bhikkhave, atiita.m naanvaagameti:||
Eva.m ruupo ahosi.m atiitam addhaanan ti tattha nandi.m na samanvaaneti;||
eva.m vedano ahosi.m atiitam addhaanan ti tattha nandi.m na samanvaaneti;||
eva.m sa~n~no ahosi.m atiitam addhaanan ti tattha nandi.m na samanvaaneti;||
eva.m sankhaaro ahosi.m atiitam addhaanan ti tattha nandi.m na samanvaaneti;||
eva.m vi~n~naa.no ahosi.m atiitam addhaanan ti tattha nandi.m na samanvaaneti.||
Eva.m kho bhikkhave, atiita.m naanvaagameti.|| ||

[6][pts][nana][ntbb][than] Katha~n ca bhikkhave, anaagata.m pa.tika'nkhati?||
Eva.m ruupo siya.m anaagatam addhaanan ti tattha nandi.m samanvaaneti;||
eva.m vedano siya.m anaagatam addhaanan ti tattha nandi.m samanvaaneti;||
eva.m sa~n~no siya.m anaagatam addhaanan ti tattha nandi.m samanvaaneti;||
eva.m sankhaaro siya.m anaagatam addhaanan ti tattha nandi.m samanvaaneti;||
eva.m vi~n~naa.no siya.m anaagatam addhaanan ti tattha nandi.m samanvaaneti.||
Eva.m kho bhikkhave, anaagata.m pa.tika'nkhati.|| ||

[7][pts][nana][ntbb][than] Katha~n ca bhikkhave, anaagata.m nappa.tika'nkhati?||
Eva.m ruupo siya.m anaagatam addhaanan ti tattha nandi.m na samanvaaneti;||
eva.m vedano siya.m anaagatam addhaanan ti tattha nandi.m na samanvaaneti;||
eva.m sa~n~no siya.m anaagatam addhaanan ti tattha nandi.m na samanvaaneti;||
eva.m sankhaaro siya.m anaagatam addhaanan ti tattha nandi.m na samanvaaneti;||
eva.m vi~n~naa.no siya.m anaagatam addhaanan ti tattha nandi.m na samanvaaneti. Eva.m kho bhikkhave, anaagata.m nappa.tika'nkhati.|| ||

[8][pts][nana][ntbb][than] Katha~n ca bhikkhave, paccuppannesu dhammesu Sa'nhiirati?||
Idha, bhikkhave,, assutavaa puthujjano ariyaana.m adassaavii ariya-Dhammassa akovido ariya-Dhamme aviniito sappurisaana.m adassaavii sappurisa-Dhammassa akovido sappurisa-Dhamme aviniito ruupa.m attato samanupassati, ruupavanta.m vaa attaana.m, attani vaa ruupa.m, ruupasmi.m vaa attaana.m;||
Vedana.m attato samanupassati, vedanaavanta.m vaa attaana.m, attani vaa vedana.m, vedanaaya vaa attaana.m;||
Sa~n~na.m attato samanupassati, sa~n~naavanta.m vaa attaana.m, attani vaa sa~n~na.m, sa~n~naaya vaa attaana.m;||
Sankhaare attato samanupassati, sankhaaravanta.m vaa attaana.m, attani vaa sankhaare, sankhaaresu vaa attaana.m;||
Vi~n~naa.na.m attato samanupassati vi~n~naa.navanta.m vaa attaana.m, attani vaa vi~n~naa.na.m, vi~n~naa.nasmi.m vaa attaana.m.||
Eva.m kho bhikkhave, paccuppannesu dhammesu Sa'nhiirati.|| ||

[9][pts][nana][ntbb][than] Katha~n ca bhikkhave, paccuppannesu dhammesu na Sa'nhiirati?||
Idha, bhikkhave, Sutavaa ariyasaavako ariyaana.m dassaavi ariya-Dhammassa kovido ariya-Dhamme suviniito sappurisaana.m dassaavii sappurisa-Dhammassa kovido sappurisa-Dhamme suviniito na ruupa.m attato samanupassati, na ruupavanta.m vaa attaana.m, na attani vaa ruupa.m, na ruupasmi.m vaa attaana.m;||
na vedana.m attato samanupassati, vedanaavanta.m vaa attaana.m, na attani vaa vedana.m, na vedanaaya vaa attaana.m;||
na sa~n~na.m attato samanupassati, na sa~n~naavanta.m vaa attaana.m, na attani vaa sa~n~na.m, na sa~n~naaya vaa attaana.m;||
na sankhaare attato samanupassati, na sankhaaravanta.m vaa attaana.m, na attani vaa sankhaare, na sankhaaresu vaa attaana.m;||
na vi~n~naa.na.m attato samanupassati, na vi~n~naa.navanta.m vaa attaana.m, na attati vaa na vi~n~naa.na.m, na vi~n~naa.nasmi.m vaa attaana.m.||
Eva.m kho bhikkhave, paccuppannesu dhammesu na Sa'nhiirati.|| ||

[10][pts][nana][ntbb][than] Atiita.m naanvaagameyya||
nappa.tika'nkhe anaagata.m|| ||

Yadatiita.m pahiina.m ta.m||
appatta~n ca anaagata.m|| ||

Paccuppanna~nca yo dhamma.m||
tattha tattha vipassatii|| ||

Asa'nhiira.m asankuppa.m||
ta.m viditvaa manubruuhaye|| ||

Ajj'eva kicca.m aatappa.m||
ko ja~n~naa mara.na.m suve?|| ||

Na hi no sangara.m tena||
mahaasenena maccunaa|| ||

Eva.m vihaari.m aataapi.m||
ahorattam atandita.m|| ||

Ta.m ve bhaddekaratto ti||
santo aacikkhate muniiti|| ||

[11][pts][nana][ntbb][than] Bhaddekarattassa vo bhikkhave, uddesa~nca vibha'nga~n ca desissaa miti iti ya.m ta.m vutta.m idameta.m pa.ticca vuttan ti.|| ||

Idam avoca Bhagavaa. Attamanaa te bhikkhuu Bhagavato bhaasita.m abhinandunti.|| ||


Contact:
E-mail
Copyright Statement