Majjhima Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Majjhima Nikaaya
III. Upari Pa.n.naasa
4. Vibha'nga Vagga

Sutta 132

Aananda Bhaddekaratta Sutta.m

Based on the 'Sri Lanka Buddha Jayanti Tripitaka Series.'

 


 

[1][chlm][pts][upal] Eva.m me suta.m:

Eka.m samaya.m Bhagavaa Saavatthiiya.m viharati Jetavane Anaathapi.n.dikassa aaraame. Tena kho pana samayena aayasmaa Aanando upa.t.thaanasaalaya.m bhikkhuu1 dhammiyaa kathaaya sandasseti. Samaadapeti samuttejeti [190] samp'aha.mseti bhaddekarattassa uddesa~nca vibha'nga~nca bhaasati.|| ||

Atha kho Bhagavaa saaya.nhasamaya.m patisallaana.m vu.t.thito yena upa.t.thaanasaalaa, ten'upasa'nkami. Upasa'nkamitvaa pa~n~natte aasane nisiidi. Nisajja kho Bhagavaa bhikkhuu aamantesi 'ko nu kho bhikkhave upa.t.thaanasaalaaya.m bhikkhuu1 dhammiyaa kathaaya sandassesi samaadapesi samuttejesi samp'aha.msesi bhaddekarattassa uddesa~nca vibha'nga~nca abhaasii' ti.|| ||

Aayasmaa bhante, Aanando upaa.t.thaanasaalaaya.m bhikkhuu dhammiyaa kathaaya sandassesi samaadapesi samuttejesi samp'aha.msesi bhaddekarattassa uddesa~nca vibha'nga~nca abhaasii' ti.|| ||

Atha kho Bhagavaa aayasmanta.m Aananda.m aamantesi 'yathaa katha.m pana tva.m Aananda, bhikkhuu dhammiyaa kathaaya sandassesi samaadapesi samuttejesi samp'aha.msesi bhaddekarattassa uddesa~nca vibha'nga~nca abhaasii' ti?|| ||

Eva.m kho aha.m bhante, bhikkhuu dhammiyaa kathaaya sandassesi.m samaadapesi.m samuttejesi.m samp'aha.msesi.m bhaddekarattassa uddesa~nca vibha'nga~nca abhaasi.m:|| ||

Atiita.m naanvaagameyya nappa.tika'nkhe anaagata.m,||
Yadatiita.m pahiina.m ta.m appatta~n ca anaagata.m.|| ||

Paccuppanna~nca yo dhamma.m tattha tattha vipassati,||
Asa.mhiira.m asa'nkuppa.m ta.m vidvaa manubruuhaye.|| ||

Ajjeva kicca.m aatappa.m ko ja~n~naa mara.na.m suve,||
Na hi no sa'ngara.m tena mahaasenena maccunaa.|| ||

Eva.m vihaari.m aataapi.m ahorattamatandita.m,||
Ta.m ve bhaddekarattoti santo aacikkhate muniiti.|| ||

Katha~ncaavuso atiita.m anvaagameti: evaruupo ahosi.m atiitam addhaananti tattha nandi.m samanvaaneti. Eva.mvedano ahosi.m atiitam addhaananti tattha nandi.m samanvaaneti. Eva.msa~n~no ahosi.m atiitam addhaananti tattha nandi.m samanvaaneti. Eva.msankhaaro ahosi.m atiitam addhaananti tattha nandi.m samanvaaneti. Eva.mvi~n~naa.no ahosi.m atiitam addhaananti tattha nandi.m samanvaaneti. Eva.m kho aavuso atiita.m anvaagameti.|| ||

Katha~ncaavuso atiita.m naanvaagameti: eva.mruupo ahosi.m atiitam addhaananti tattha nandi.m na samanvaaneti. Eva.mvedano ahosi.m atiitam addhaananti tattha nandi.m na samanvaaneti. Eva.msa~n~no ahosi.m atiitam addhaananti tattha nandi.m na samanvaaneti. Eva.msankhaaro ahosi.m atiitam addhaananti tattha nandi.m na samanvaaneti. Eva.mvi~n~naa.no ahosi.m atiitam addhaananti tattha nandi.m na samanvaaneti. Eva.m kho aavuso atiita.m naanvaagameti.|| ||

Katha~ncaavuso anaagata.m pa.tika'nkhati: evaruupo siya.m anaagatam addhaananti tattha nandi.m samanvaaneti. Eva.mvedano siya.m anaagatam addhaananti tattha nandi.m samanvaaneti.|| ||

Eva.msa~n~no siya.m anaagatam addhaananti tattha nandi.m samanvaaneti. Eva.msankhaaro siya.m anaagatam addhaananti tattha nandi.m samanvaaneti. Eva.mvi~n~naa.no siya.m anaagatam addhaananti tattha nandi.m samanvaaneti. Eva.m kho aavuso anaagata.m pa.tika'nkhati.|| ||

Katha~ncaavuso anaagata.m nappa.tika'nkhati: eva.mruupo siya.m anaagatam addhaananti tattha nandi.m na samanvaaneti. Eva.mvedano siya.m anaagatam addhaananti tattha nandi.m na samanvaaneti. Eva.msa~n~no siya.m anaagatam addhaananti tattha nandi.m na samanvaaneti. Eva.msankhaaro siya.m anaagatam addhaananti tattha nandi.m na samanvaaneti. Eva.mvi~n~naa.no siya.m anaagatam addhaananti tattha nandi.m na samanvaaneti. Eva.m kho aavuso anaagata.m nappa.tika'nkhati1.|| ||

Katha~ncaavuso paccuppannesu dhammesu sa.mhiirati: idh'aavuso assutavaa puthujjano ariyaana.m adassaavii ariya-Dhammassa akovido ariya-Dhamme aviniito sappurisaana.m adassaavii sappurisa-Dhammassa akovido sappurisa-Dhamme aviniito ruupa.m attato samanupassati, ruupavanta.m vaa attaana.m, attani vaa ruupa.m, ruupasmi.m vaa attaana.m. Vedana.m attato samanupassati, vedanaavanta.m vaa attaana.m, attani vaa vedana.m, vedanaaya vaa attaana.m. Sa~n~na.m attato samanupassati, sa~n~naavanta.m vaa attaana.m, attani vaa sa~n~na.m, sa~n~naaya vaa attaana.m. Sankhaare attato samanupassati, sa'nkaaravanta.m vaa attaana.m, attani vaa sankhaare, sankhaaresu vaa attaana.m. Vi~n~naa.na.m attato samanupassati, vi~n~naa.navanta.m vaa attaana.m, attani vaa vi~n~naa.na.m, vi~n~naa.nasmi.m vaa attaana.m. Eva.m kho aavuso paccuppannesu dhammesu sa.mhiirati.|| ||

Katha~ncaavuso, paccuppannesu dhammesu na sa.mhiirati: idh'aavuso, Sutavaa ariyasaavako ariyaana.m dassaavi ariya-Dhammassa kovido ariya-Dhamme suviniito2 sappurisaana.m dassaavii sappurisa-Dhammassa kovido sappurisa-Dhamme suviniito2 na ruupa.m attato samanupassati. Na ruupavanta.m vaa attaana.m, naattani vaa ruupa.m na ruupasmi.m vaa attaana.m. Na vedana.m attato samanupassati, vedanaavanta.m vaa attaana.m, na attani vaa vedana.m, na vedanaaya vaa attaana.m. Na sa~n~na.m attato samanupassati, na sa~n~naavanta.m vaa attaana.m, na attani vaa sa~n~na.m, na sa~n~naaya vaa attaana.m. Na sankhaare attato samanupassati, na sa'nkaaravanta.m vaa attaana.m, na attani vaa sankhaare, na sankhaaresu vaa attaana.m. Na vi~n~naa.na.m attato samanupassati, na vi~n~naa.navanta.m vaa attaana.m, na attani vaa na vi~n~naa.na.m, na vi~n~naa.nasmi.m vaa attaana.m. Eva.m kho aavuso paccuppannesu dhammesu na sa.mhiirati. [191] atiita.m naanvaagameyya nappa.tika'nkhe anaagata.m, yadatiita.m pahiina.m ta.m appatta~n ca anaagata.m.|| ||

Paccuppanna~nca yo dhamma.m tattha tattha vipassati,||
Asa.mhiira.m asa'nkuppa.m ta.m vidvaa manubruuhaye.|| ||

Ajjeva kicca.m aatappa.m ko ja~n~naa mara.na.m suve,||
Na hi no sa'ngara.m tena mahaasenena maccunaa.|| ||

Eva.m vihaari.m aataapi.m ahorattamatandita.m,||
Ta.m ve bhaddekarattoti santo aacikkhate muniiti.|| ||

Eva.m kho aha.m bhante, bhikkhuu dhammiyaa kathaaya sandassesi.m samaadapesi.m samuttejesi.m samp'aha.msesi.m, bhaddekarattassa uddesa~nca vibha'nga~nca abhaasinti.|| ||

Saadhu saadhu Aananda saadhu kho tva.m Aananda bhikkhuu dhammiyaa kathaaya sandassesi samaadapesi samuttejesi samp'aha.msesi. Bhaddekarattassa uddesa~nca vibha'nga~nca abhaasi.|| ||

Atiita.m naanvaagameyya nappa.tika'nkhe anaagata.m,||
Yadatiita.m pahiina.m ta.m appatta~n ca anaagata.m.|| ||

Paccuppanna~nca yo dhamma.m tattha tattha vipassati||
Asa.mhiira.m asa'nkuppa.m ta.m vidvaa manubruuhaye.|| ||

Ajjeva kicca.m aatappa.m ko ja~n~naa mara.na.m suve,||
Na hi no sa'ngara.m tena mahaasenena maccunaa.|| ||

Eva.m vihaari.m aataapi.m ahorattamatandita.m,||
Ta.m ve bhaddekarattoti santo aacikkhate muniiti.|| ||

Katha~ncAananda, atiita.m anvaagameti?|| ||

Eva.m ruupo ahosi.m atiitam addhaananti tattha nandi.m samanvaaneti. Eva.mvedano ahosi.m atiitam addhaananti tattha nandi.m samanvaaneti. Eva.msa~n~no ahosi.m atiitam addhaananti tattha nandi.m samanvaaneti. Eva.msankhaaro ahosi.m atitamaddhaananti tattha nandi.m samanvaaneti. Eva.mvi~n~naa.no ahosi.m atiitaamaddhaananti tattha nandi.m samanvaaneti. Eva.m kho Aananda atiita.m anvaagameti.|| ||

Katha~ncAananda, atiitaa naanvaagameti?|| ||

Eva.mruupo ahosi.m atiitam addhaananti tattha nandi.m na samanvaaneti. Eva.mvedano ahosi.m atitamaddhaananti tattha nandi.m na samanvaaneti. Eva.msa~n~no ahosi.m atiitam addhaananti tattha nandi.m na samanvaaneti. Eva.msankhaaro ahosi.m atiitam addhaananti tattha nandi.m na samanvaaneti. Eva.mvi~n~naa.no ahosi.m atiitam addhaananti tattha nandi.m na samanvaaneti. Eva.m kho Aananda, atita.m naanvaagameti.|| ||

Kata~ncAananda, anaagata.m pa.tika'nkhati?|| ||

Eva.mruupo siya.m anaagatam addhaananti tattha nandi.m samanvaaneti. Eva.mvedano siya.m anaagatam addhaananti tattha nandi.m samanvaaneti. Eva.msa~n~no siya.m anaagatam addhaananti tattha nandi.m samanvaaneti. Eva.msankhaaro siya.m anaagatam addhaananti tattha nandi.m samanvaaneti. Eva.mvi~n~naa.no siya.m anaagatam addhaananti tattha nandi.m samanvaaneti. Eva.m kho Aananda, anaagata.m pa.tika'nkhati.|| ||

Katha~ncAananda, anaagata.m nappa.tika'nkhati?|| ||

Eva.mruupo siya.m anaagatmaddhaananti tattha nandi.m na samanvaaneti. Eva.mvedano siya.m anaagatam addhaananti tattha nandi.m na samanvaaneti. Eva.msa~n~no siya.m anaagatmaddhaananti tattha nandi.m na samanvaaneti. Eva.msankhaaro siya.m anaagatam addhaananti tattha nandi.m na samanvaaneti. Eva.mvi~n~naa.no siya.m anaagatmaddhaananti tattha nandi.m na samanvaaneti. Eva.m kho Aananda, anaagata.m nappa.tika'nkhati.|| ||

Katha~ncAananda, paccuppannesu dhammesu sa.mhiirati: idha bhikkhave assutavaa puthujjano ariyaana.m adassaavii ariya-Dhammassa akovido ariya-Dhamme aviniito sappurisaana.m adassaavii sappurisa-Dhammassa akovido sappurisa-Dhamme aviniito ruupa.m attato samanupassati, ruupavanta.m vaa attaana.m, attani vaa ruupa.m, ruupasmi.m vaa attaana.m.Vedana.m attato samanupassati, vedanaavanta.m vaa attaana.m, attani vaa vedana.m. Vedanaaya vaa attaana.m. Sa~n~na.m attato samanupassati, sa~n~navanta.m vaa attaana.m, attani vaa sa~n~na.m, sa~n~naaya vaa attaana.m. Sankhaare attato samanupassati, sankhaaravanta.m vaa attaana.m, attani vaa sankhaare, sankhaaresu vaa attaana.m. Vi~n~naa.na.m attato samanupassati vi~n~naa.navanta.m vaa attaana.m, attani vaa vi~n~naa.na.m, vi~n~naa.nasmi.m vaa attaana.m. Eva.m kho Aananda, paccuppannesu dhammesu sa.mhiirati.|| ||

Katha~ncAananda, paccuppannesu dhammesu na sa.mhiirati: idha bhikkhave Sutavaa ariyasaavako ariyaana.m dassaavii ariya-Dhammassa kovido ariya-Dhamme suviniito sappurisaana.m dassaavii sappurisa-Dhammassa kovido sappurisa-Dhamme suviniito na ruupa.m attato samanupassati. Na ruupavanta.m vaa attaana.m, na attanii vaa ruupa.m, na ruupasmi.m vaa attaana.m, na vedana.m attato samanupassati. Na vedavanta.m vaa attaana.m, na attani vaa vedana.m, na vedanaaya vaa attaana.m. Na sa~n~na.m attato samanupassati, na sa~n~naavanta.m vaa attaana.m, na attani vaa sa~n~na.m, na sa~n~naaya vaa attaana.m. Na sankhaare attato samanupassati, na sankhaaravanta.m vaa attaana.m, na attani vaa sankhaare, na sankhaaresu vaa attaana.m. Na vi~n~naa.na.m attato samanupassati na vi~n~naa.navanta.m vaa attaana.m, na attani vaa vi~n~naa.na.m, na vi~n~naa.nasmi.m vaa attaana.m.Eva.m kho Aananda, paccuppannesu dhammesu na sa.mhiirati.|| ||

Atiita.m naanvaagameyya nappa.tika'nkhe anaagata.m,||
Yadatiita.m pahiina.m ta.m appatta~n ca anaagata.m.|| ||

Paccuppanna~nca yo dhamma.m tattha tattha vipassati,||
Asa.mhiira.m asa'nkuppa.m ta.m vidvaa manubruuhaye.|| ||

Ajjeva kicca.m aatappa.m ko ja~n~naa mara.na.m suve||
Na hi no sa'ngara.m tena mahaasenena maccunaa.|| ||

Eva.m vihaari.m aataapi.m ahorattamatandita.m,||
Ta.m ve bhaddekarattoti santo aacikkhate muniiti.|| ||

Idam avoca Bhagavaa, attamano aayasmaa Aanando Bhagavato bhaasita.m abhinandiiti.|| ||

Aananda bhaddekaratta sutta.m dutiya.m


 

Contact:
E-mail
Copyright Statement