Majjhima Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Majjhima Nikaaya
III. Upari Pa.n.naasa
4. Vibha'nga Vagga

Sutta 134

Lomasaka'ngiya Bhadd'Eka-ratta Sutta.m

Based on the 'Sri Lanka Buddha Jayanti Tripitaka Series.'

 


 

[1][chlm][pts][upal] Eva.m me suta.m:

Eka.m samaya.m Bhagavaa Saavatthiiya.m viharati Jetavane Anaathapi.n.dikassa aaraame.|| ||

Tena kho pana samayena aayasmaa lomasaka'ngiyo Sakkesu viharati Kapilavatthusmi.m Nigrodhaaraame.|| ||

Atha kho candano devaputto abhikkantaaya rattiyaa abhikkantava.n.no kevalakappa.m nigrodhaaraama.m obhaasetvaa yen'aayasmaa lomasaka'ngiyo ten'upasa'nkami.|| ||

Upasa'nkamitvaa eka-m-anta.m a.t.thaasi. Eka-m-anta.m .thito kho candano devaputto aayasmanta.m lomasaka'ngiya.m etad avoca:|| ||

Dhaaresi tva.m bhikkhu, bhaddekarattassa uddesa~nca vibha'nga~ncaati.|| ||

[200] Na kho aha.m aavuso, dhaaremi bhaddekarattassa uddesa~nca vibha'nga~nca.|| ||

Tva.m pan'aavuso, dhaaresi bhaddekarattassa uddesa~nca vibha'nga~ncaati.|| ||

Ahampi kho bhikkhu, na dhaaremi bhaddekarattassa uddesa~nca vibha'nga~nca.|| ||

Dhaaresi pana tva.m bhikkhu, bhaddekarattiyo gaathaati.|| ||

Na kho aha.m aavuso, dhaaremi bhaddekarattiyo gaathaa.|| ||

Tva.m pan'aavuso, dhaaresi bhaddekarattiyo gaathaati.|| ||

Dhaaremi khoha.m bhikkhu, bhaddekarattiyo gaathaati.|| ||

Yathaa katha.m pana tva.m aavuso, dhaaresi bhaddekarattiyo gaathaati.|| ||

Ekam'idaaha.m bhikkhu samaya.m Bhagavaa devesu Taavati.msesu viharati paaricchattakamuule pa.n.dukambalasilaaya.m.|| ||

Tatra Bhagavaa devaana.m Taavati.msaana.m bhaddekarattassa uddesa~n ca vibha'nga~n ca aabhaasi:|| ||

Atiita.m naanvaagameyya||
nappa.tika'nkhe anaagata.m|| ||

Yadatiita.m pahiina.m ta.m||
appatta~n ca anaagata.m|| ||

Paccuppanna~nca yo dhamma.m||
tattha tattha vipassatii|| ||

Asa'nhiira.m asankuppa.m||
ta.m viditvaa manubruuhaye|| ||

Ajj'eva kicca.m aatappa.m||
ko ja~n~naa mara.na.m suve?|| ||

Na hi no sangara.m tena||
mahaasenena maccunaa|| ||

Eva.m vihaari.m aataapi.m||
ahorattam atandita.m|| ||

Ta.m ve bhaddekaratto ti||
santo aacikkhate munii ti|| ||

Eva.m kho aha.m bhikkhu, dhaaremi bhaddekarattiyo gaathaa.|| ||

Ugga.nhaahi tva.m bhikkhu, bhaddekarattassa uddesa~nca vibha'nga~nca. Pariyaapu.naahi tva.m bhikkhu, bhaddekarattassa uddesa~nca vibha'nga~nca. Dhaarehi tva.m bhikkhu, bhaddekarattassa uddesa~nca vibha'nga~nca. Atthasa.mhito bhikkhu, bhaddekarattassa uddeso ca vibha'ngo ca aadibrahmacariyakoti. Idam avoca candano devaputto. Ida.m vatvaa tatth'evantaradhaayi.|| ||

Atha kho aayasmaa lomasaka'ngiyo tassaa rattiyaa accayena senaasana.m sa.msaametvaa pattacivara.m aadaaya yena Saavatthii [201] tena caarika.m pakkaami. Anupubbena caarika.m caramaano yena Saavatthii Jetavana.m Anaathapi.n.dikassa aaraamo, yena Bhagavaa ten'upasa'nkami. Upasa'nkamitvaa Bhagavanta.m abhivaadetvaa eka-m-anta.m nisiidi. Eka-m-anta.m nisinno kho aayasmaa lomasaka'ngiyo Bhagavanta.m etad avoca:|| ||

'Ekamidaaha.m bhante, samaya.m Sakkesu viharaami Kapilavatthusmi.m Nigrodhaaraame. Atha kho bhante, a~n~nataro devaputto abhikkantaaya rattiyaa abhikkantava.n.no kevalakappa.m nigrodhaaraama.m obhaasetvaa yenaaha.m ten'upasa'nkami. Upasa'nkamitvaa eka-m-anta.m a.t.thaasi. Eka-m-anta.m .thito kho bhante, so devaputto ma.m etad avoca: 'dhaaresi tva.m bhikkhu, bhaddekarattassa uddesa~nca vibha'nga~ncaa' ti. Eva.m vutte aha.m bhante ta.m devaputta.m etad avoca.m: 'na kho aha.m aavuso, dhaaremi bhaddekarattassa uddesa~nca vibha'nga~nca. Tva.m pan'aavuso dhaaresi bhaddekarattassa uddesa~nca vibha'nga~ncaa'ti aham pi kho bhikkhu, na dhaaremi bhaddekarattassa uddesa~nca vibha'nga~nca. Dhaaresi pana tva.m bhikkhu, bhaddekarattiyo gaathaa' ti. Na kho aha.m aavuso, dhaaremi bhaddekarattiyo gaathaati. Tva.m pan'aavuso dhaaresi bhaddekarattiyo gaathaati. Dhaaremi kho aha.m bhikkhu, bhaddekarattiyo gaathaati. Yathaa katha.m pana tva.m aavuso, dhaaresi bhaddekarattiyo gaathaati.|| ||

Ekamidaaha.m bhikkhu, samaya.m Bhagavaa devesu Taavati.msesu viharati paaricchattakamuule pa.n.dukambalasilaaya.m. Tatra Bhagavaa devaana.m Taavati.msaana.m bhaddekarattassa uddesa~nca vibha'nga~nca abhaasi:|| ||

Atiita.m naanvaagameyya nappa.tika'nkhe anaagata.m.||
Yadatiita.m pahiina.m ta.m appatta~n ca anaagata.m.|| ||

Paccuppanna~nca yo dhamma.m tattha tattha vipassati,||
Asa.mhiira.m asa'nkuppa.m ta.m vidvaa manubruuhaye.|| ||

Ajjeva kicca.m aatappa.m ko ja~n~naa mara.na.m suve,||
Na hi no sa'ngara.m tena mahaasenena maccunaa.|| ||

Eva.m vihaari.m aataapi.m ahorattamatandita.m,||
Ta.m ve bhaddekarattoti santo aacikkhate muniiti.|| ||

'Eva.m kho aha.m bhikkhu, dhaaremi bhaddekarattiyo gaathaa. Ugga.nhaahi tva.m bhikkhu, bhaddekarattassa uddesa~nca vibha'nga~nca, pariyaapu.naahi tva.m bhikkhu, bhaddekarattassa uddesa~nca vibha'nga~nca. Dhaarehi tva.m bhikkhu, bhaddekarattassa uddesa~nca vibha'nga~nca. Atthasa.mhito bhikkhu, bhaddekarattassa uddeso ca vibha'ngo ca aadibrahmacariyakoti. Idam avoca so bhante, devaputto, ida.m vatvaa tatth'evantaradhaayi. Saadhu me bhante, Bhagavaa bhaddekarattassa uddesa~nca vibha'nga~nca desetu' ti.|| ||

Jaanaasi pana tva.m bhikkhu, ta.m devaputtan' ti.|| ||

Na kho aha.m bhante, jaanaami ta.m devaputtanti.|| ||

Candano naama so bhikkhu, devaputto. Candano bhikkhu, devaputto a.t.thikatvaa manasikatvaa sabbacetaso1 samannaaharitvaa ohitasoto dhamma.m su.naati. Tena hi bhikkhu, su.naahi. Saadhuka.m manasikarohi. Bhaasissaamiiti. Eva.m bhante' ti kho aayasmaa lomasaka'ngiyo Bhagavato paccassosi. Bhagavaa etad avoca:|| ||

Atiita.m naanvaagameyya nappa.tika'nkhe anaagata.m.||
Yadatiita.m pahiina.m ta.m appatta~n ca anaagata.m.|| ||

Paccuppanna~nca yo dhamma.m tattha tattha vipassati,||
Asa.mhiira.m asa'nkuppa.m ta.m vidvaa manubruuhaye.|| ||

Ajjeva kicca.m aatappa.m ko ja~n~naa mara.na.m suve,||
Na hi no sa'ngara.m tena mahaasenena maccunaa.|| ||

Eva.m vihaari.m aataapi.m ahorattamatandita.m,||
Ta.m ve bhaddekarattoti santo aacikkhate muniiti.|| ||

Katha~n ca bhikkhu, atiita.m anvaagameti: eva.mruupo ahosi.m atiitam addhaananti tattha nandi.m samanvaaneti. Eva.mvedano ahosi.m atiitam addhaananti tattha nandi.m samanvaaneti. Eva.m sa~n~no ahosi.m atiitam addhaananti tattha nandi.m samanvaaneti. Eva.m sankhaaro ahosi.m atiitam addhaananti tattha nandi.m samanvaaneti. Eva.mvi~n~naa.no ahosi.m atiitam addhaananti tattha nandi.m samanvaaneti. Eva.m kho bhikkhu atiita.m anvaagameti.|| ||

[202] Katha~n ca bhikkhu, atiita.m naanvaagameti: eva.mruupo ahosi.m atiitam addhaananti tattha nandi.m na samanvaaneti. Eva.mvedano ahosi.m atiitam addhaananti tattha nandi.m na samanvaaneti. Eva.m sa~n~no ahosi.m atiitam addhaananti tattha nandi.m na samanvaaneti. Eva.m sankhaaro ahosi.m atiitam addhaananti tattha nandi.m na samanvaaneti. Eva.mvi~n~naa.no ahosi.m atiitam addhaananti tattha nandi.m na samanvaaneti. Eva.m kho bhikkhu atiita.m naanvaagameti.|| ||

Katha~n ca bhikkhu, anaagata.m pa.tika'nkhati: eva.mruupo siya.m anaagatam addhaananti tattha nandi.m samanvaaneti. Eva.mvedano siya.m anaagatam addhaananti tattha nandi.m samanvaaneti. Eva.msa~n~no siya.m anaagatmaddhaananti tattha nandi.m samanvaaneti. Eva.msankhaaro siya.m anaagatam addhaananti tattha nandi.m samanvaaneti. Eva.mvi~n~naa.no siya.m anaagatam addhaananti tattha nandi.m samanvaaneti. Eva.m kho bhikkhu, anaagata.m pa.tika'nkhati.|| ||

Katha~n ca bhikkhu, anaagata.m na pa.tika'nkhati: eva.mruupo siya.m anaagatam addhaananti tattha nandi.m na samanvaaneti. Eva.mvedano siya.m anaagatam addhaananti tattha nandi.m na samanvaaneti.|| ||

Eva.msa~n~no siya.m anaagatmaddhaananti tattha nandi.m na samanvaaneti. Eva.msankhaaro siya.m anaagatam addhaananti tattha nandi.m na samanvaaneti. Eva.mvi~n~naa.no siya.m anaagatam addhaananti tattha nandi.m na samanvaaneti. Eva.m kho bhikkhu, anaagata.m na pa.tika'nkhati.|| ||

Katha~n ca bhikkhu, paccuppannesu dhammesu sa.mhiirati: idha bhikkhu, assutavaa puthujjano ariyaana.m adassaavii ariya-Dhammassa akovido ariya-Dhamme aviniito sappurisaana.m adassaavii sappurisa-Dhammassa akovido sappurisa-Dhamme aviniito ruupa.m attato samanupassati, ruupavanta.m vaa attaana.m, attani vaa ruupa.m, ruupasmi.m vaa attaana.m. Vedana.m attato samanupassati, vedanaavanta.m vaa attaana.m, attani vaa vedana.m, vedanaaya vaa attaana.m. Sa~n~na.m attato samanupassati, sa~n~naavanta.m vaa attaana.m. Attani vaa sa~n~na.m, sa~n~naaya vaa attaana.m. Sankhaare attato samanupassati, sankhaaravanta.m vaa attaana.m, attani vaa sankhaare, sankhaaresu vaa attaana.m. Vi~n~naa.na.m attato samanupassati, vi~n~naa.navanta.m vaa attaana.m, attani vaa vi~n~naa.na.m, vi~n~naa.nasmi.m vaa attaana.m. Eva.m kho bhikkhu, paccuppannesu dhammesu sa.mhiirati.|| ||

Katha~n ca bhikkhu, paccuppannesu dhammesu na sa.mhiirati: idha bhikkhu, Sutavaa ariyasaavako. Ariyaana.m dassaavii ariya-Dhammassa kovido ariya-Dhamme suviniito sappurisaana.m dassaavii sappurisa-Dhammassa kovido sappurisa-Dhamme suviniito. Na ruupa.m attato samanupassati, na ruupavanta.m vaa attaana.m, na attani vaa ruupa.m, na ruupasmi.m vaa attaana.m. Na vedana.m attato samanupassati, na vedanaavanta.m vaa attaana.m, na attani vaa vedana.m, na vedanaaya vaa attaana.m. Na sa~n~na.m attato samanupassati, na sa~n~naavanta.m vaa attaana.m. Na attani vaa sa~n~na.m, na sa~n~naaya vaa attaana.m. Na sankhaare attato samanupassati, na sankhaaravanta.m vaa attaana.m, na attani vaa sankhaare, na sankhaaresu vaa attaana.m. Na vi~n~naa.na.m attato samanupassati, na vi~n~naa.navanta.m vaa attaana.m, na attani vaa vi~n~naa.na.m, na vi~n~naa.nasmi.m vaa attaana.m. Eva.m kho bhikkhu, paccuppannesu dhammesu na sa.mhiirati.|| ||

Atiita.m naanvaagameyya nappa.tika'nkhe anaagata.m.||
Yadatiita.m pahiina.m ta.m appatta~n ca anaagata.m.|| ||

Paccuppanna~nca yo dhamma.m tattha tattha vipassati,||
Asa.mhiira.m asa'nkuppa.m ta.m vidvaa manubruuhaye.|| ||

Ajjeva kicca.m aatappa.m ko ja~n~naa mara.na.m suve,||
Na hi no sa'ngara.m tena mahaasenena maccunaa.|| ||

Eva.m vihaari.m aataapi.m ahorattamatandita.m,||
Ta.m ve bhaddekarattoti santo aacikkhate muniiti.|| ||

Idam avoca Bhagavaa. Attamano aayasmaa lomasaka'ngiyo Bhagavato bhaasita.m abhinandiiti.|| ||

Lomasaka'ngiya bhaddekaratta sutta.m catuttha.m


 

Contact:
E-mail
Copyright Statement