Majjhima Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Majjhima Nikaaya
III. Upari Pa.n.naasa
4. Vibha'nga Vagga

Sutta 135

Cuu.la Kamma-Vibha'nga Sutta.m

Based on the 'Sri Lanka Buddha Jayanti Tripitaka Series.'

 


[202]

[1][chlm][pts][than][nymo][ntbb][olds][upal] Eva.m me suta.m:|| ||

Eka.m samaya.m Bhagavaa Saavatthiiya.m viharati Jetavane Anaathapi.n.dikassa aaraame.|| ||

2. Atha kho subho maa.navo todeyyaputto yena Bhagavaa ten'upasa'nkami.|| ||

Upasa'nkamitvaa Bhagavataa saddhi.m sammodi,||
sammodaniiya.m katha.m saaraa.niiya.m viitisaaretvaa eka-m-anta.m nisiidi eka-m-anta.m nisinno kho subho maa.navo todeyyaputto Bhagavanta.m etad avoca:|| ||

3. Ko nu kho bho Gotama,||
hetu ko paccayo,||
yena manussaana.m yeva sata.m manussabhuutaana.m dissanti hiinappa.niitataa.|| ||

Dissanti hi bho Gotama,||
manussaa appaayukaa,||
dissanti diighaayukaa.|| ||

Dissanti bavhaabaadhaa,||
dissanti appaabaadhaa.|| ||

Dissanti dubba.n.naa,||
dissanti va.n.navanto.|| ||

Dissanti appesakkhaa,||
dissanti mahesakkhaa.|| ||

Dissanti appabhogaa,||
dissanti mahaabhogaa,||
dissanti niicakuliinaa,||
dissanti uccaakulinaa.|| ||

Dissanti duppa~n~naa,||
dissanti [203] pa~n~navanto.|| ||

Ko nu kho Gotama hetu ko paccayo,||
yena manussaana.m yeva sata.m manussabhuutaana.m dissanti hinappa.niitataani.|| ||

4. Kammasakkaa maa.nava,||
sattaa kammadaayaadaa kammayoni kammabandhu kammapa.tisara.naa.|| ||

Kamma.m satte vibhajati yad ida.m hiinappa.niitataayaati.||
Na kho aha.m imassa bhoto Gotamassa sa'nkhittena bhaasitassa vitthaarena attha.m avibhattassa vitthaarena attha.m aajaanaami,||
saadhu me bhava.m Gotamo tathaa dhamma.m desetu,||
yathaa'ha.m imassa bhoto Gotamassa sa'nkhittena bhaasitassa vitthaarena attha.m avibhattassa vitthaarena attha.m aajaaneyyanti.||
Tena hi maa.nava,||
su.naahi saadhuka.m manasikarohi,||
bhaasissaamiiti.||
Eva.m hoti kho subho maa.navo todeyyaputto Bhagavato paccassosi Bhagavaa etad avoca:|| ||

5. Idha maa.nava,||
ekacco itthi vaa puriso vaa paa.naatipaatii hoti luddo lohitapaa.ni hatapahate nivi.t.tho adayaapanno sabbapaa.nabhutesu.|| ||

So tena kammena eva.m samantena eva.m samaadinnena kaayassa bhedaa param mara.naa apaaya.m duggati.m vinipaata.m Niraya.m upapajjati.|| ||

No ce kaayassa bhedaa param mara.naa apaaya.m duggati.m vinipaata.m Niraya.m upapajjati,||
sace manussatta.m aagacchati,||
yattha yattha paccaajaayati,||
appaayuko hoti.|| ||

Appaayukasa.mvattanikaa esaa maanava pa.tipadaa,||
yad ida.m paa.naatipaatii hoti luddo lohitapaa.nii hatapahate nivi.t.tho adayaapanno sabbapaa.nabhutesu.|| ||

6. Idha pana maa.nava,||
ekacco itthi vaa puriso vaa paa.naatipaata.m pahaaya paa.naatipaataa pa.tivirato hoti,||
nihita-da.n.do nihita-sattho lajjii dayaapanno sabba-paa.na-bhuuta-hitaanukampii viharati.|| ||

So tena kammena eva.m samattena eva.m samaadinnena kaayassa bhedaa param mara.naa sugati.m sagga.m loka.m upapajjati.|| ||

No ce kaayassa bhedaa param mara.naa sugati.m sagga.m loka.m upapajjati,||
sace manussatta.m aagacchati,||
yattha paccaajaayati,||
diighaayuko hoti.|| ||

Diighaayukasa.mvattanikaa esaa maa.nava pa.tipadaa yad ida.m paa.naatipaata.m pahaaya paa.naatipaataa pa.tivirato [204] hoti nihita-da.n.do nihita-sattho lajjii dayaapanno sabba-paa.na-bhuuta-hitaanukampii viharati.|| ||

7. Idha maa.nava,||
ekacco itthii vaa puriso vaa sattaana.m vihe.thakajaatiko hoti paa.ninaa vaa le.d.dunaa vaa da.n.dena vaa satthena vaa.|| ||

So tena kammena eva.m samattena eva.m samaadinnena kaayassa bhedaa param mara.naa apaaya.m duggati.m vinipaata.m Niraya.m upapajjati.|| ||

No ce kaayassa bhedaa param mara.naa apaaya.m duggati.m vinipaata.m Niraya.m upapajjati,||
sace manussatta.m aagacchati,||
yattha yattha paccaajaayati,||
bavhaabaadho hoti.|| ||

Bavhaabaadhasa.mvattanikaa esaa maa.nava,||
pa.tipadaa yad ida.m sattaana.m vihe.thakajaatiko hoti paa.ninaa vaa le.d.dunaa vaa da.n.dena vaa satthena vaa.|| ||

8. Idha pana maa.nava,||
ekacco itthii vaa puriso vaa sattaana.m avihe.thakajaatiko hoti paa.ninaa vaa le.d.dunaa vaa da.n.dena vaa satthena vaa.|| ||

So tena kammena eva.m samattena eva.m samaadinnena kaayassa bhedaa param mara.naa sugati.m sagga.m loka.m upapajjati.|| ||

No ce kaayassa bhedaa param mara.naa sugati.m sagga.m loka.m upapajjati,||
sace manussatta.m aagacchati,||
yattha yattha paccaajaayati,||
appaabaadho hoti.|| ||

Appaabaadhasa.mvattanikaa esaa maa.nava,||
pa.tipadaa yad ida.m sattaana.m avihe.thakajaatiko hoti paa.ninaa vaa le.d.dunaa vaa da.n.dena vaa satthena vaa.|| ||

9. Idha pana maa.nava,||
ekacco itthi vaa puriso vaa kodhano hoti upaayaasabahulo,||
appam pi vutto samaano abhisajjati kuppati vyaapajjati patitthiiyati kopa~n ca dosa~n ca appaccaya~n ca paatukaroti.|| ||

So tena kammena eva.m samattena eva.m samaadinnena kaayassa bhedaa param mara.naa apaaya.m duggati.m vinipaata.m Niraya.m upapajjati.|| ||

No ce kaayassa bhedaa param mara.naa apaaya.m duggati.m vinipaata.m Niraya.m upapajjati,||
sace manussatta.m aagacchati,||
yattha yattha paccaajaayati dubba.n.no hoti.|| ||

Dubba.n.nasa.mvattanikaa esaa maa.nava,||
pa.tipadaa yad ida.m kodhano hoti upaayaasabahulo,||
appam pi vutto samaano abhisajjati kuppati vyaapajjati patitthiiyati kopa~n ca dosa~n ca appaccaya~n ca paatukareti.|| ||

10. Idha pana maa.nava,||
ekacco itthii vaa puriso vaa akkodhano hoti anupaayaasabahulo,||
bahumpi vutto samaano naabhisajjati,||
na kuppati na vyaapajjati na patitthiiyati na kopa~n ca dosa~n ca appaccaya~n ca paatukaroti.|| ||

So tena kammena eva.m samattena eva.m samaadinnena kaayassa bhedaa param mara.naa sugati.m sagga.m loka.m upapajjati.|| ||

No ce kaayassa bhedaa param mara.naa sugati.m sagga.m loka.m upapajjati,||
sace manussatta.m aagacchati,||
yattha yattha paccaajaayati paasaadiko hoti.|| ||

Paasaadikasa.mvattanikaa esaa maa.nava,||
pa.tipadaa yad ida.m akkodhano hoti anupaayaasabahulo,||
bahumpi vutto samaano naabhisajjati na vyaapajjati na patitthiiyati na kopa~n ca dosa~n ca appaccaya~n ca paatukareti.|| ||

11. Idha pana maa.nava,||
ekacco itthii vaa puriso vaa issaamanako hoti,||
para-laabha-sakkaara-garukaara-maanana-vandana-puujanaasu issati,||
upadussati issa.m bandhati.|| ||

So tena kammena eva.m samattena eva.m samaadinnena kaayassa bhedaa param mara.naa apaaya.m duggati.m vinipaata.m Niraya.m upapajjati.|| ||

No ce kaayassa bhedaa param mara.naa apaaya.m duggati.m vinipaata.m Niraya.m upapajjati,||
sace manussatta.m aagacchati,||
yattha yattha paccaajaayati appesakkho hoti.|| ||

Appesakkhasa.mvattanikaa esaa maa.nava,||
pa.tipadaa yad ida.m issaamanako hoti,||
para-laabha-sakkaara-garukaara-maanana-vandana-puujanaasu issati upadussati issa.m bandhati.|| ||

12. Idha pana maa.nava,||
ekacco itthii vaa puriso vaa anissaamanako hoti,||
para-laabha-sakkaara-garukaara-maanana-vandana-puujanaasu na issati,||
na upadussati issa.m bandhati.|| ||

So tena kammena eva.m samattena eva.m samaadinnena kaayassa bhedaa param mara.naa sugati.m loka.m upapajjati.|| ||

No ce kaayassa bhedaa param mara.naa sugati.m sagga.m loka.m upapajjati,||
sace manussatta.m aagacchati,||
yattha yattha paccaajaayati mahesakkho hoti.|| ||

Mahesakkhasa.mvattanikaa esaa maa.nava,||
pa.tipadaa yad ida.m anissaamanako hoti,||
para-laabha-sakkaara-garukaara-maanana-vandana-puujanaasu na issati na upadussati na issa.m bandhati.|| ||

13. Idha pana maa.nava,||
ekacco itthii vaa puriso vaa na daataa hoti sama.nassa vaa braahma.nassa vaa anna.m paana.m vattha.m yaana.m maalaagandhavilepana.m seyyaavasathapadiipeyya.m.|| ||

So tena kammena eva.m samattena eva.m samaadinnena kaayassa bhedaa param mara.naa apaaya.m duggati.m vinipaata.m Niraya.m upapajjati.|| ||

No ce kaayassa bhedaa param mara.naa apaaya.m duggati.m vinipaata.m Niraya.m upapajjati,||
sace manussata.m aagacchati,||
yattha yattha paccaajaayati appabhogo hoti.|| ||

Appabhogasa.mvattanikaa esaa maa.nava,||
pa.tipadaa yad ida.m na daataa hoti sama.nassa vaa braahma.nassa vaa anna.m paana.m vattha.m yaana.m maalaagandhavilepana.m seyyaavasathapadiipeyya.m.|| ||

14. Idha pana maa.nava,||
ekacco itthii vaa puriso vaa daataa hoti sama.nassa vaa braahma.nassa vaa anna.m paana.m vattha.m yaana.m maalaagandhavilepana.m seyyaavasathapadiipeyya.m.|| ||

So tena kammena eva.m samattena eva.m samaadinnena kaayassa bhedaa param mara.naa sugati.m sagga.m loka.m upapajjati.|| ||

No ce kaayassa bhedaa param mara.naa sugati.m sagga.m loka.m upapajjati,||
sace manussatta.m aagacchati,||
yattha yattha paccaajaayati,||
mahaabhogo hoti.|| ||

Mahaabhogasa.mvattanikaa esaa maa.nava,||
pa.tipadaa yad ida.m daataa hoti sama.nassa vaa braahma.nassa vaa anna.m paana.m vattha.m yaana.m maalaagandhavilepana.m seyyaavasathapadiipeyya.m.|| ||

15. Idha pana maa.nava,||
ekacco itthii vaa puriso vaa thaddho hoti atimaanii.|| ||

Abhivaadetabba.m na abhivaadeti.|| ||

Paccu.t.thaatabba.m na paccu.t.theti,||
aasanaarahassa aasana.m na deti,||
maggaarahassa magga.m na deti,||
sakkaatabba.m na sakkaroti,||
garukaatabba.m na garukaroti.|| ||

Maanetabba.m na maaneti,||
puujetabba.m na puujeti.|| ||

So tena kammena eva.m samattena eva.m samaadinnena kaayassa bhedaa param mara.naa apaaya.m duggati.m vinipaata.m Niraya.m upapajjati.|| ||

No ce kaayassa bhedaa param mara.naa apaaya.m duggati.m vinipaata.m Niraya.m upapajjati,||
sace manussatta.m aagacchati,||
yattha yattha paccaajaayati,||
niicakuliino hoti.|| ||

Niicakuliinasa.mvattanikaa esaa maa.nava,||
pa.tipadaa yad ida.m thaddho hoti atimaanii,||
abhivaadetabba.m na abhivaadeti,||
paccu.t.thaatabba.m na paccu.t.theti,||
aasanaarahassa na aasana.m deti,||
maggaarahassa na magga.m deti,||
sakkaatabba.m na sakkaroti,||
garukaatabba.m na garukaroti,||
maanetabba.m na maaneti,||
puujetabba.m na puujeti.|| ||

17. Idha pana maa.nava,||
ekacco itthii vaa puriso vaa sama.na.m vaa braahma.na.m vaa upasa'nkamitvaa na paripucchitaa hoti: ki.m bhante kusala.m,||
ki.m akusala.m,||
ki.m saavajja.m,||
ki.m anavajja.m,||
ki.m sevitabba.m,||
ki.m na sevitabba.m,||
ki.m me kariiyamaana.m diigha-ratta.m ahitaaya dukkhaaya hoti,||
ki.m vaa pana me kariiyamaana.m diigha-ratta.m hitaaya sukhaaya hotii ti.|| ||

So tena kammena eva.m samattena eva.m samaadinnena kaayassa bhedaa param mara.naa apaaya.m duggati.m Niraya.m upapajjati.|| ||

No ce kaayassa bhedaa param mara.naa apaaya.m duggati.m Niraya.m upapajjati,||
sace manussatta.m aagacchati,||
yattha yattha paccaajaayati,||
duppa~n~no hoti.|| ||

Duppa~n~nasa.mvattanikaa esaa maa.nava,||
pa.tipadaa yad ida.m sama.na.m vaa braahma.na.m vaa upasa'nkamitvaa na paripucchitaa hoti: ki.m bhante,||
kusala.m,||
ki.m akusala.m,||
ki.m saavajja.m,||
ki.m anavajja.m,||
ki.m sevitabba.m,||
ki.m na sevitabba.m,||
ki.m me kariiyamaana.m diigha-ratta.m ahitaaya dukkhaaya hoti,||
ki.m vaa pana me kariiyamaana.m diigha-ratta.m hitaaya sukhaaya hotii ti.|| ||

18. Idha pana maa.nava,||
ekacco itthii vaa puriso vaa sama.na.m vaa braahma.na.m vaa upasa'nkamitvaa paripucchitaa hoti: ki.m bhante,||
kusala.m ki.m akusala.m ki.m saavajja.m ki.m anavajja.m,||
ki.m sevitabba.m ki.m na sevitabba.m ki.m me kariiyamaana.m diigha-ratta.m ahitaaya dukkhaaya hoti,||
ki.m vaa pana me kariiyamaana.m diigha-ratta.m hitaaya sukhaaya hotii ti.|| ||

So tena kammena eva.m samattena eva.m samaadinnena kaayassa bhedaa param mara.naa sugati.m sagga.m loka.m upapajjati.|| ||

No ce kaayassa bhedaa param mara.naa sugati.m sagga.m loka.m upapajjati,||
sace manussatta.m aagacchati,||
yattha yattha paccaajaayati,||
mahaapa~n~no hoti.|| ||

Mahaapa~n~nasa.mvattanikaa esaa maa.nava,||
pa.tipadaa yad ida.m sama.na.m vaa braahma.na.m vaa upasa'nkamitvaa paripucchitaa hoti: ki.m bhante kusala.m,||
ki.m akusala.m,||
ki.m saavajja.m,||
ki.m anavajja.m,||
ki.m sevitabba.m,||
ki.m na sevitabba.m,||
ki.m me kariiyamaana.m diigha-ratta.m ahitaaya dukkhaaya hoti,||
ki.m vaa pana me kariiyamaana.m diigha-ratta.m hitaaya sukhaaya hotii ti.|| ||

19. Iti kho maa.nava,||
appaayukasa.mvattanikaa pa.tipadaa appaayukatta.m upaneti.|| ||

Diighaayukasa.mvattanikaa pa.tipadaa diighaayukatta.m upaneti.|| ||

Bavhaabaadhasa.mvattanikaa pa.tipadaa bavhaabaadhatta.m upaneti.|| ||

Appaabaadhasa.mvattanikaa pa.tipadaa appaabaadhatta.m upaneti.|| ||

Dubba.n.nasa.mvattanikaa pa.tipadaa dubba.n.natta.m upaneti.|| ||

Paasaadikasa.mvattanikaa pa.tipadaa paasaadikatta.m upaneti.|| ||

Appesakkhasa.mvattanikaa pa.tipadaa appesakkhatta.m upaneti.|| ||

Mahesakkhasa.mvattanikaa pa.tipadaa mahesakkhatta.m upaneti.|| ||

Appabhogasa.mvattanikaa pa.tipadaa appabhogatta.m upaneti.|| ||

Mahaabhogasa.mvattanikaa pa.tipadaa mahaabhogatta.m upaneti.|| ||

Niicakuliinasa.mvattanikaa pa.tipadaa niicakuliinatta.m upaneti.|| ||

Uccaakuliinasa.mvattanikaa pa.tipadaa uccaakuliinatta.m upaneti.|| ||

Duppa~n~nasa.mvattanikaa pa.tipadaa duppa~n~natta.m upaneti.|| ||

Mahaapa~n~nasa.mvattanikaa pa.tipadaa mahaapa~n~natta.m upaneti.|| ||

20. Kammassakaa maa.nava,||
sattaa kammadaayaadaa kammayoni kammabandhu kammapa.tisara.naa,||
kamma.m satte vibhajati yad ida.m hinappa.niitataayaati.|| ||

21. Eva.m vutte subho maa.navo todeyyaputto Bhagavanta.m etad avoca.|| ||

Abhikkanta.m bho Gotama,||
abhikkanta.m bho Gotama,||
seyyathaa pi bho Gotama,||
nikkujji.m vaa ukkujjeyya,||
pa.ticchanna.m vaa vivareyya,||
muu.lhassa vaa magga.m aacikkheyya,||
andhakaare vaa telapajjota.m dhaareyya cakkhumanto ruupaani dakkhintii ti.|| ||

Evam eva.m bhotaa Gotamena aneka-pariyaayena dhammo pakaasito esaaha.m bhavanta.m Gotama.m sara.na.m gacchaami dhamma~nca bhikkhu-sa'ngha~n ca.|| ||

Upaasaka.m ma.m bhava.m Gotamo dhaaretu ajjatagge paa.nupeta.m sara.na.m gatanti.|| ||

Cuu.lakammavibha'ngasutta.m pa~ncama.m


 

Contact:
E-mail
Copyright Statement