Majjhima Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Majjhima Nikaaya
III. Upari Pa.n.naasa
4. Vibha'nga Vagga

Sutta 136

Mahaa Kamma-Vibha'nga Sutta.m

Based on the 'Sri Lanka Buddha Jayanti Tripitaka Series.'

 


 

[1][chlm][pts][than][than.2][nymo][upal][olds] Eva.m me suta.m:

Eka.m samaya.m Bhagavaa Raajagahe viharati Ve.luvane Kalandakanivaape.|| ||

Tena kho pana samayena aayasmaa Samiddhi ara~n~naku.tikaaya.m viharati.|| ||

Atha kho potaliputto paribbaajako ja'nghaavihaara.m anuca'nkamamaano anuvicaramaano yen'aayasmaa Samiddhi ten'upasa'nkami.|| ||

Upasa'nkamitvaa aayasmataa Samiddhinaa saddhi.m sammodi.|| ||

Sammodaniiya.m katha.m saaraa.niiya.m viitisaaretvaa eka-m-anta.m nisiidi.|| ||

Eka-m-anta.m nisinno kho potaliputto paribbaajako aayasmanta.m Samiddhi.m etad avoca:||
'sammukhaa me ta.m aavuso Samiddhi,||
sama.nassa Gotamassa suta.m,||
sammukhaa pa.tiggahita.m:||
mogha.m kaaya-kamma.m,||
mogha.m vacii-kamma.m,||
mano-kammameva saccan' ti.|| ||

Atthi ca saa samaapatti ya.m samaapatti.m samaapanno na ki~nci vediyatii ti.|| ||

Maa eva.m aavuso potaliputta avaca,||
maa eva.m aavuso potaliputta avaca,||
maa Bhagavanta.m abbhaacikkhi,||
na hi saadhu Bhagavato abbhakkhaana.m,||
na hi Bhagavaa eva.m vadeyya:||
'mogha.m kaaya-kamma.m,||
mogha.m vacii-kamma.m,||
mano-kammameva saccan' ti.|| ||

Atthi ca kho saa aavuso,||
samaapatti ya.m samaapatti.m samaapanno na ki~nci vediyatii ti.|| ||

Kiva cira.m pabbajitosi aavuso,||
Samiddhii ti.|| ||

Na cira.m aavuso,||
tii.ni vassaaniti.|| ||

Etthadaani maya.m there bhikkhu ki.m vakkhaama,||
yatra hi naameva.m navo bhikkhu satthaara.m parirakkhitabba.m ma~n~nissati.|| ||

Sa~ncetanika.m aavuso Samiddhi,||
kamma.m katvaa kaayena vaacaaya manasaa,||
ki.m so vediyatii ti.|| ||

Sa~ncetanika.m aavuso potaliputta,||
kamma.m katvaa kaayena vaacaaya manasaa,||
dukkha.m so vediyatii ti.|| ||

Atha kho potaliputto paribbaajako aayasmato Samiddhi'ssa bhaasita.m n'eva abhinandi na pa.tikkosi.|| ||

Anabhinanditvaa appa.tikkositvaa u.t.thaay aasanaa pakkaami.|| ||

Atha kho aayasmaa Samiddhi acirapakkante potaliputte paribbaajake yen'aayasmaa Aanando ten'upasa'nkami.|| ||

Upasa'nkamitvaa [208] aayasmataa Aanandena saddhi.m sammodi.|| ||

Sammodaniiya.m katha.m saaraa.niiya.m viitisaaretvaa eka-m-anta.m nisiidi.|| ||

Eka-m-anta.m nisinno kho aayasmaa Samiddhi yaavatako ahosi potaliputtena paribbaajakena saddhi.m kathaasallaapo,||
ta.m sabba.m aayasmato Aanandassa aarocesi.|| ||

Eva.m vutte aayasmaa Aanando aayasmanta.m Samiddhi.m etad avoca:||
'atthi kho ida.m aavuso Samiddhi,||
kathaapaabhata.m Bhagavanta.m dassanaaya.|| ||

Aayaamaavuso Samiddhi.|| ||

Yena Bhagavaa ten'upasa'nkameyyaama,||
upasa'nkamitvaa etam attha.m Bhagavato aaroceyyaama.|| ||

Yathaa no Bhagavaa vyaakarissati,||
tathaa na.m dhaareyyaamaati.|| ||

Evam aavuso ti kho aayasmaa Samiddhi aayasmato Aanandassa paccassosi.|| ||

Atha kho aayasmaa ca Aanando aayasmaa ca Samiddhi yena Bhagavaa ten'upasa'nkami.msu.|| ||

Upasa'nkamitvaa Bhagavanta.m abhivaadetvaa eka-m-anta.m nisiidi.msu.|| ||

Eka-m-anta.m nisinno kho aayasmaa Aanando yaavatako ahosi aayasmato Samiddhi'ssa potaliputtena paribbaajakena saddhi.m kathaa sallaapo,||
ta.m sabba.m Bhagavato aarocesi.|| ||

Eva.m vutte Bhagavaa aayasmanta.m Aananda.m etad avoca:||
'dassanampi kho aha.m Aananda,||
potaliputtassa paribbaajakassa naabhijaanaami.|| ||

Kuto pan'evaruupa.m kathaasallaapa.m.|| ||

Iminaa ca Aananda,||
Samiddhinaa moghapurisena potaliputtassa paribbaajakassa vibhajja vayaakara.niiyo pa~nho eka.msena vyaakato' ti.|| ||

Eva.m vutte aayasmaa Udaayii Bhagavanta.m etad avoca:||
'sace pana bhante,||
aayasmataa Samiddhinaa ida.m sandhaaya bhaasita.m,ya.m ki~nci vedayita.m ta.m dukkhasmin' ti.|| ||

Atha kho Bhagavaa aayasmanta.m Aananda.m aamantesi:||
'passa kho tva.m Aananda,||
imassa udaayissa mogha-purisassa ummagga.m.|| ||

A~n~naasi.m kho aha.m Aananda,||
idaan'evaaya.m Udaayii moghapuriso ummujjamaano ayoniso ummujjissatii' ti.|| ||

Aadi.myeva Aananda,||
potaliputtena paribbaajakena tisso vedanaa pucchitaa.|| ||

Sacaaya.m Aananda,||
Samiddhi moghapuriso [209] potaliputtassa paribbaajakassa eva.m pu.t.tho eva.m vyaakareyya:||
'sa~ncetanika.m aavuso potaliputta,||
kamma.m katvaa kaayena vaacaaya manasaa sukhavedaniya.m,||
sukha.m so vediyati.|| ||

Sa~ncetanika.m aavuso potaliputta,||
kamma.m katvaa kaayena vaacaaya manasaa dukkhavedaniya.m,||
dukkha.m so vediyati sa~ncetanika.m aavuso potaliputta,||
kamma.m katvaa kaayena vaacaaya manasaa adukkhamasukhavedaniya.m,||
adukkha-m-asukha.m so vediyatiti.|| ||

Eva.m vyaakaramaano kho Aananda,||
Samiddhi moghapuriso potaliputtassa paribbaajakassa sammaa vyaakareyya.|| ||

Apic'Aananda,||
ke ca a~n~natitthiyaa paribbaajakaa baalaa avyattaa,||
ke ca Tathaagatassa mahaakammavibha'nga.m jaanissanti.|| ||

Sace tumhe Aananda,||
su.neyyaatha Tathaagatassa mahaakammavibha'nga.m vibhajantassaati.|| ||

Etassa Bhagavaa kaalo,||
etassa sugata kaalo,||
ya.m Bhagavaa mahaakammavibha'nga.m vibhajeyya.|| ||

Bhagavato sutvaa bhikkhu dhaaressantii ti.|| ||

Tena h'Aananda,||
su.naahi,||
saadhuka.m manasi karohi,||
bhaasissaamiiti.|| ||

Eva.m bhante' ti kho aayasmaa Aanando Bhagavato paccassosi.|| ||

Bhagavaa etad avoca:||

Cattaaro me Aananda,||
puggalaa santo sa.mvijjamaanaa lokasmi.m.|| ||

Katame cattaaro?

Idh'Aananda,||
ekacco puggalo idha paa.naatipaatii hoti,||
adinnaadaayii hoti,||
kaamesu micchaacaarii hoti,||
musaavaadii hoti,||
pisunaavaaco hoti,||
pharusaavaaco hoti,||
samphappalaapii hoti,||
abhijjhaaluu hoti,||
vyaapannacitto hoti,||
micchaadi.t.thi hoti,||
so kaayassa bedaa param mara.naa apaaya.m duggati.m vinipaata.m Niraya.m upapajjati.|| ||

Idha pana Aananda,||
ekacco puggalo idha paa.naatipaatii hoti adinnaadaayii hoti,||
kaamesu micchaacaarii hoti,||
musaavaadii hoti,||
pisunaavaaco hoti,||
pharusaavaaco hoti,||
samphappalaapii hoti,||
abhijjhaaluu hoti,||
vyaapannacitto hoti,||
micchaadi.t.thii hoti.|| ||

So kaayassa bhedaa param mara.naa sugati.m sagga.m loka.m upapajjati.|| ||

Idh'Aananda ekacco puggalo idha paa.naatipaataa pa.tivirato hoti,||
adinnaadaanaa pa.tivirato hoti, kaamesu micchaacaaraa pa.tivirato hoti,||
musaa-vaadaa pa.tivirato hoti,||
pisunaa vaacaa pa.tivirato hoti,||
[210] pharusaa vaacaa pa.tivirato hoti,||
samphappalaapaa pa.tivirato hoti,||
anabhijjhaaluu hoti,||
avyaapannacitto hoti,||
sammaadi.t.thi hoti,||
so kaayassa bhedaa param mara.naa sugati.m sagga.m loka.m upapajjati.|| ||

Idha pan'Aananda,||
ekacco puggalo idha paa.naatipaataa pa.tivirato hoti,||
adinnaadaanaa pa.tivirato hoti,||
kaamesu micchaacaaraa pa.tivirato hoti,||
musaa-vaadaa pa.tivirato hoti,||
pisunaa vaacaa pa.tivirato hoti,||
pharusaa vaacaa pa.tivirato hoti,||
samphappalaapaa pa.tivirato hoti,||
anabhijjhaaluu hoti,||
avyaapannacitto hoti,||
sammaadi.t.thi hoti,||
so kaayassa bhedaa param mara.naa apaaya.m duggati.m vinipaata.m Niraya.m upapajjati.|| ||

Idh'Aananda,||
ekacco sama.no vaa braahma.no vaa aatappam anvaaya padhaanam anvaaya anuyogam anvaaya appamaadam anvaaya sammaa manasi-kaaramanvaaya tathaaruupa.m ceto-samaadhi.m phusati.|| ||

Yathaa samaahite citte dibbena cakkhunaa visuddhena atikkantamaanusakena amu.m puggala.m passati:||
'idha paa.naatipaati.m adinnaadaayi.m kaamesu micchaacaari.m musaavaadi.m pisunaa vaaca.m pharusaavaaca.m samphappalaapi.m anabhijjhaalu.m vyaapannacitta.m micchaadi.t.thi.m.|| ||

Kaayassa bhedaa param mara.naa passati apaaya.m duggati.m vinipaata.m Niraya.m uppanna.m.|| ||

So evam aaha:||
'atthi kira bho,||
paapakaani kammaani,||
atthi duccaritassa vipaako,||
apaaha.m puggala.m addasa.m idha paa.naatipaati.m adinnaadaayi.m kaamesu micchaacaari.m musaavaadi.m pisunaavaaca.m pharusaavaaca.m samphappalaapi.m anabhijjhaalu.m vyaapannacitta.m micchaadi.t.thi.m kaayassa bhedaa param mara.naa passaami apaaya.m duggati.m vinipaata.m Niraya.m uppannanti.|| ||

So evam aaha:||
'yo kira bho paa.naatipaatii adinnaadaayii kaamesu micchaacaarii musaavaadii pisunaavaacii pharusaavaacii samphappalaapii anabhijjhaaluu hoti,||
avyaapannacitto hoti,||
micchaadi.t.thi,||
sabbo so kaayassa bhedaa param mara.naa apaaya.m duggati.m vinipaata.m Niraya.m upapajjati.|| ||

Ye eva.m jaananti,||
te sammaa jaananti,||
ye a~n~nathaa jaananti,||
micchaa tesa.m ~naa.nanti.|| ||

Iti so yadeva tassa saama.m ~naata.m saama.m di.t.tha.m saama.m vidita.m,||
tad eva tattha thaamasaa paraamassa3 abhinivissa voharati:||
idam eva sacca.m moghama~n~nan' ti.|| ||

Idha pan'Aananda,||
ekacco sama.no vaa braahma.no vaa aatappam anvaaya padhaanam anvaaya anuyogam anvaaya appamaadam anvaaya sammaa manasi-kaaramanvaaya tathaaruupa.m ceto-samaadhi.m phusati yathaa samaahite citte dibbena cakkhunaa visuddhena atikkantamaanusakena amu.m puggala.m passati.|| ||

Idha paa.naatipaati.m adinnaadaayi.m kaamesu micchaacaari.m musaavaadi.m pisunaa vaaca.m pharusaavaaca.m samphappalaapi.m anabhijjhaalu.m vyaapannacitta.m micchaadi.t.thi.m,||
kaayassa bhedaa param mara.naa passati sugati.m sagga.m loka.m uppanna.m.|| ||

So evam aaha:||
'n'atthi kira bho,||
paapakaani kammaani,||
n'atthi duccaritassa vipaako,||
apaaha.m puggala.m addasa.m idha paa.naatipaati.m adinnaadaayi.m kaamesu micchaacaari.m musaavaadi.m pisunaavaaca.m pharusaavaaca.m samphappalaapi.m anabhijjhaalu.m vyaapannacitta.m micchaadi.t.thi.m kaayassa bhedaa param mara.naa passaami sugati.m sagga.m loka.m uppannanti.|| ||

So evam aaha:||
'yo kira bho paa.naatipaatii adinnaadaayii kaamesu micchaacaarii musaavaadii pisunaavaacii pharusaavaacii samphappalaapii anabhijjhaaluu hoti,||
avyaapannacitto hoti,||
micchaadi.t.thi,||
sabbo so kaayassa bhedaa param mara.naa sugati.m sagga.m loka.m upapajjati.|| ||

Ye eva.m jaananti,||
te sammaa jaananti,||
ye a~n~nathaa jaananti,||
micchaa tesa.m ~naa.nanti.|| ||

Iti so yadeva tassa saama.m ~naata.m saama.m di.t.tha.m saama.m vidita.m,||
tad eva tattha thaamasaa paraamassa1 abhinivissa voharati:||
idam eva sacca.m Moghama~n~nan' ti.|| ||

Idh'Aananda,||
ekacco sama.no vaa braahma.no [211] vaa aatappam anvaaya padhaanam anvaaya anuyogamanvaaya appamaadam anvaaya sammaa manasi-kaaramanvaaya tathaaruupa.m ceto-samaadhi.m phusati.|| ||

Yathaa samaahite citte dibbena cakkhunaa visuddhena atikkantamaanusakena amu.m puggala.m passati 'idha paa.naatipaataa pa.tivirata.m adinnaadaanaa pa.tivirata.m kaamesu micchaacaaraa pa.tivirata.m musaa-vaadaa pa.tivirata.m pisunaa vaacaa pa.tivirata.m pharusaa vaacaa pa.tivirata.m samphappalaapaa pa.tivirata.m anabhijjhaalu.m avyaapannacitta.m sammaadi.t.thi.m kaayassa bhedaa param mara.naa passati sugati.m sagga.m loka.m upapanna.m.|| ||

So evam aaha:||
'atthi kira bho kalyaa.naani kammaani,||
atthi sucaritassa vipaako.|| ||

Apaaha.m puggala.m addasa.m idha paa.naatipaataa pa.tivirata.m adinnaadaanaa pa.tivirata.m kaamesu micchaacaaraa pa.tivirata.m musaavaadaa pa.tivirata.m pisunaavaacaa pa.tivirata.m pharusaavaacaa pa.tivirata.m samphappalaapaa pa.tivirata.m anabhijjhaalu.m vyaapannacitta.m sammaadi.t.thi.m kaayassa bhedaa param mara.naa passaami sugati.m sagga.m loka.m upapannan' ti.|| ||

So evam aaha:||
'yo kira bho paa.naatipaataa pa.tivirato adinnaadaanaa pa.tivirato kaamesu micchaacaaraa pa.tivirato musaa-vaadaa pa.tivirato pisunaavaacaa pa.tivirato pharusaavaacaa pa.tivirato samphappalaapaa pa.tivirato anabhijjhaaluu hoti,||
avyaapannacitto hoti,||
sammaadi.t.thi sabbo so kaayassa bhedaa param mara.naa sugati.m sagga.m loka.m upapajjati ye eva.m jaananti,||
te sammaa jaananti,||
ye a~n~nathaa jaananti,||
micchaa tesa.m ~naa.nanti.|| ||

Iti so yadeva tassa saama.m ~naata.m saama.m di.t.tha.m saama.m vidita.m,||
tad eva tattha thaamasaa paraamassa1 abhinivissa voharati:||
'idam eva sacca.m moghama~n~nan' ti.|| ||

Idha pan'Aananda,||
ekacco sama.no vaa braahma.no vaa aatappam anvaaya padhaanam anvaaya anuyogam anvaaya appamaadam anvaaya sammaa manasi-kaaramanvaaya tathaaruupa.m ceto-samaadhi.m phusati,||
yathaa samaahite citte dibbena cakkhunaa visuddhena atikkantamaanusakena amu.m puggala.m [212] passati.|| ||

Idha paa.naatipaataa pa.tivirata.m adinnaadaanaa pa.tivirata.m kaamesu micchaacaaraa pa.tivirata.m musaa-vaadaa pa.tivirata.m pisunaa vaacaa pa.tivirata.m pharusaa vaacaa pa.tivirata.m samphappalaapaa pa.tivirata.m anabhijjhaalu.m avyaapannacitta.m sammaadi.t.thi.m kaayassa bhedaa param mara.naa apaaya.m duggati.m vinipaata.m Niraya.m upapanna.m.|| ||

So evam aaha:||
'n'atthi kira bho kalyaa.naani kammaani,|| ||

N'atthi sucaritassa vipaako.|| ||

Apaaha.m puggala.m addasa.m idha paa.naatipaataa pa.tivirata.m adinnaadaanaa pa.tivirata.m kaamesu micchaacaaraa pa.tivirata.m musaa-vaadaa pa.tivirata.m pisunaa vaacaa pa.tivirata.m pharusaavaacaa pa.tivirata.m samphappalaapaa pa.tivirata.m anabhijjhaalu.m vyaapannacitta.m sammaadi.t.thi.m,||
kaayassa bhedaa param mara.naa passaami apaaya.m duggati.m vinipaata.m Niraya.m upapannan' ti.|| ||

So evam aaha:||
'yo kira bho paa.naatipaataa pa.tivirato adinnaadaanaa pa.tivirato kaamesu micchaacaaraa pa.tivirato musaa-vaadaa pa.tivirato pisunaavaacaa pa.tivirato pharusaavaacaa pa.tivirato samphappalaapaa pa.tivirato anabhijjhaalu hoti,||
avyaapannacitto hoti sammaadi.t.thi.|| ||

Sabbo so kaayassa bhedaa param mara.naa apaaya.m duggati.m vinipaata.m Niraya.m upapajjati,||
ye eva.m jaananti,||
te sammaa jaananti,||
ye a~n~nathaa jaananti,||
micchaa tesa.m ~naa.nan' ti.|| ||

Iti so yadeva tassa saama.m ~naata.m saama.m di.t.tha.m saama.m vidita.m,||
tad eva tattha thaamasaa paraamassa abhinivissa voharati:||
'idam eva sacca.m moghama~n~nan' ti.|| ||

Tatr'Aananda,||
yvaaya.m sama.no vaa braahma.no vaa evam aaha:||
atthi kira bho,||
paapakaani kammaani,||
atthi duccaritassa vipaakoti.|| ||

Idamassa anujaanaami.|| ||

Yam pi so evam aaha:||
apaaha.m puggala.m addasa.m idha paa.naatipaati.m adinnaadaayi.m kaamesu micchaacaari.m musaavaadi.m pisunaavaaci.m pharusaavaaci.m samphappalaapi.m anabhijjhaalu.m avyaapannacitta.m sammaadi.t.thi.m kaayassa bhedaa param mara.naa passaami apaaya.m duggati.m vinipaata.m Niraya.m upapannan' ti.|| ||

Idam pissa anujaanaami.|| ||

Ya~n ca kho so evam aaha:||
'yo kira bho paa.naatipaatii adinnaadaayii kaamesu micchaacaarii musaavaadii pisunaavaacii pharusaavaacii samphappalaapii anabhijjhaalu hoti,||
avyaapannacitto hoti,||
sammaadi.t.thi,||
sabbo so kaayassa bhedaa param mara.naa apaaya.m duggati.m vinipaata.m Niraya.m upapajjatii' ti.|| ||

Idamassa naanujaanaami.|| ||

Yam pi so evam aaha:||
ye eva.m jaananti,||
te sammaa jaananti,||
ye a~n~nathaa jaananti,||
micchaa tesa.m ~naa.nanti.|| ||

Idam pissa naanujaanaami.|| ||

Yam pi so yadeva tassa saama.m ~naata.m saama.m di.t.tha.m saama.m vidita.m,||
tad eva tattha thaamasaa paraamassa abhinivissa voharati,||
'idam eva sacca.m moghama~n~nan' ti.|| ||

Idam pissa naanujaanaami.|| ||

Ta.m kissa hetu?|| ||

A~n~nathaa hi Aananda,||
Tathaagatassa mahaakammavibha'nge ~naa.na.m hoti.|| ||

Tatr'Aananda,||
yvaaya.m sama.no vaa braahma.no vaa evam aaha:||
n'atthi kira bho,||
paapakaani kammaani n'atthi duccaritassa vipaakoti.|| ||

Idamassa naanujaanaami.|| ||

Yam pi kho so evam aaha:||
apaaha.m puggala.m addasa.m idha paa.naatipaati.m adinnaadaayi.m kaamesu micchaacaari.m musaavaadi.m pisunaavaaci.m pharusaavaaci.m samphappalaapi.m anabhijjhaalu.m avyaapannacitta.m sammaadi.t.thi.m kaayassa bhedaa param mara.naa passaami sugati.m sagga.m loka.m upapanna'nti,||
idamassa anujaanaami.|| ||

Ya~n ca kho so evam aaha:||
'yo kira bho paa.naatipaatii adinnaadaayii kaamesu micchaacaarii musaavaadii pisunaavaacii pharusaavaacii samphappalaapii anabhijjhaalu hoti,||
avyaapannacitto hoti sammaadi.t.thi,||
sabbo so kaayassa bhedaa param mara.naa sugati.m sagga.m loka.m upapajjatii' ti.|| ||

[213] Idamassa naanujaanaami.|| ||

Yam pi so evam aaha:||
ye eva.m jaananti,||
te sammaa jaananti ye a~n~nathaa jaananti,||
micchaa tesa.m ~naa.nanti.|| ||

Idam pissa naanujaanaami.|| ||

Yam pi so yadeva tassa saama.m ~naata.m saama.m di.t.tha.m saama.m vidita.m,||
tad eva tattha thaamasaa paraamassa abhinivissa voharati:||
'idam eva sacca.m moghama~n~nan' ti.|| ||

Idam pissa naanujaanaami.|| ||

Ta.m kissa hetu? a~n~nathaa hi Aananda,||
Tathaagatassa mahaakammavibha'nge ~naa.na.m hoti.|| ||

Tatr'Aananda,||
yvaaya.m sama.no vaa braahma.no vaa evam aaha:||
atthi kira bho kalyaa.naani kammaani,||
atthi sucaritassa vipaakoti.|| ||

Idamassa anujaanaami.|| ||

Yam pi kho so evam aaha:||
apaaha.m puggala.m addasa.m idha paa.naatipaataa pa.tivirata.m adinnaadaanaa pa.tivirata.m kaamesu micchaacaaraa pa.tivirata.m musaa-vaadaa pa.tivirata.m pisunaa vaacaa pa.tivirata.m pharusaa vaacaa pa.tivirata.m samphappalaapaa pa.tivirata.m anabhijjhaalu.m avyaapannacitta.m sammaadi.t.thi.m.|| ||

Kaayassa bhedaa param mara.naa passaami sugati.m sagga.m loka.m upapannan' ti.|| ||

Idam pissa anujaanaami.|| ||

Ya~n ca kho so evam aaha:||
yo kira bho paa.naatipaataa pa.tivirato adinnaadaanaa pa.tivirato kaamesu micchaacaaraa pa.tivirato musaa-vaadaa pa.tivirato pisunaavaacaa pa.tivirato pharusaavaacaa pa.tivirato anabhijjhaalu.m avyapannacitta.m sammaadi.t.thi,||
sabbo so kaayassa bhedaa param mara.naa sugati.m sagga.m loka.m upapajjatii' ti.|| ||

Idamassa naanujaanaami yampi so evam aaha:||
ye eva.m jaananti te sammaa jaananti,||
ye a~n~nathaa jaananti micchaa tesa.m ~naa.nanti.|| ||

Idam pissa naanujaanaami.|| ||

Yam pi so yadeva tassa saama.m ~naata.m saama.m di.t.tha.m saama.m vidita.m,||
tad eva tattha thaamasaa paraamassa abhinivissa voharati:||
idam eva sacca.m moghama~n~nan' ti.|| ||

Idam pissa naanujaanaami.|| ||

Ta.m kissa hetu? a~n~nathaa hi Aananda,||
Tathaagatassa mahaakammavibha'nge ~naa.na.m hoti.|| ||

Tatr'Aananda,||
yvaaya.m sama.no vaa braahma.no vaa evam aaha:||
n'atthi kira bho kalyaa.naani kammaani,||
n'atthi sucaritassa vipaakoti.|| ||

Idamassa naanujaanaami.|| ||

Ya~n ca kho so evam aaha:||
apaaha.m puggala.m addasa.m idha paa.naatipaataa pa.tivirata.m adinnaadaanaa pa.tivirata.m kaamesu micchaacaaraa pa.tivirata.m musaa-vaadaa pa.tivirata.m pisunaa vaacaa pa.tivirata.m pharusaa vaacaa pa.tivirata.m samphappalaapaa pa.tivirata.m anabhijjhaalu.m avyaapannacitta.m sammaadi.t.thi.m.|| ||

Kaayassa bhedaa param mara.naa passaami apaaya.m duggati.m vinipaata.m Niraya.m upapannan' ti.|| ||

Idamassa anujaanaami.|| ||

Ya~n ca kho so evam aaha:||
yo kira bho paa.naatipaataa pa.tivirato adinnaadaanaa pa.tivirato kaamesu micchaacaaraa pa.tivirato musaa-vaadaa pa.tivirato pisunaavaacaa pa.tivirato pharusaavaacaa pa.tivirato anabhijjhaalu.m avyapannacitta.m sammaadi.t.thi,||
sabbo so kaayassa bhedaa param mara.naa apaaya.m duggati.m vinipaata.m Niraya.m upapajjatii' ti.|| ||

Idamassa naanujaanaami ya~n ca so kho evam aaha:||
[214] ye eva.m jaananti,||
te sammaa jaananti,||
ye a~n~nathaa jaananti,||
micchaa tesa.m ~naa.nanti.|| ||

Idam pissa naanujaanaami.|| ||

Yam pi so yadeva tassa saama.m ~naata.m saama.m di.t.tha.m saama.m vidita.m,||
tad eva tattha thaamasaa paraamassa abhinivissa voharati:||
idam eva sacca.m moghama~n~nan' ti.|| ||

Idam pissa naanujaanaami.|| ||

Ta.m kissa hetu? a~n~nathaa hi Aananda,||
Tathaagatassa mahaakammavibha'nge ~naa.na.m hoti.|| ||

Tatr'Aananda,||
yvaaya.m puggalo idha paa.naatipaatii adinnaadaayii kaamesu micchaacaarii musaavaadii pisunaavaacii pharusaavaacii anabhijjhaaluu avyapannacitta.m micchaadi.t.thi,||
kaayassa bhedaa param mara.naa apaaya.m duggati.m vinipaata.m Niraya.m upapajjati.|| ||

Pubbe vaassa ta.m kata.m hoti paapakamma.m dukkhavedaniya.m.|| ||

Pacchaa vaassata.m kata.m hoti paapakamma.m dukkhavedaniya.m.|| ||

Mara.nakaale vaassa hoti micchaadi.t.thi samattaa samaadinnaa.|| ||

Tena so kaayassa bhedaa param mara.naa apaaya.m duggati.m vinipaata.m Niraya.m upapajjati.|| ||

Ya~n ca kho so idha paa.naatipaatii hoti adinnaadaayii hoti kaamesu micchaacaarii hoti musaavaadii hoti pisunaavaacii hoti pharusaavaacii hoti anabhijjhaaluu hoti avyapannacitta.m micchaadi.t.thi hoti tassa di.t.the va dhamme vipaaka.m pa.tisa'nvedeti,||
upapajje vaa,||
apare vaa pariyaaye.|| ||

Tatr'Aananda, yvaaya.m puggalo idha paa.naatipaatii adinnaadaayii kaamesu micchaacaarii musaavaadii pisunaavaacii pharusaavaacii anabhijjhaalu.m avyapannacitta.m micchaadi.t.thi,||
kaayassa bhedaa param mara.naasugati.m sagga.m loka.m upapajjati.|| ||

Pubbe vaassa ta.m kata.m hoti kalyaa.nakamma.m sukhavedaniya.m.|| ||

Pacchaa vaassa ta.m kata.m hoti kalyaa.nakamma.m sukhavedaniya.m.|| ||

Mara.nakaale vaassa hoti sammaadi.t.thi samattaa samaadinnaa,||
tena so kaayassa bhedaa param mara.naa sugati.m sagga.m loka.m upapajjati.|| ||

Ya~n ca kho so idha paa.naatipaatii hoti adinnaadaayii hoti kaamesu micchaacaarii hoti musaavaadii hoti pisunaavaacii hoti pharusaavaacii hoti anabhijjhaalu.m hoti avyapannacitta.m micchaadi.t.thi hoti.|| ||

Tassa di.t.the va dhamme vipaaka.m pa.tisa'nvedeti,||
upapajje vaa,||
apare vaa,||
pariyaaye.|| ||

Tatr'Aananda, yvaaya.m puggalo idha paa.naatipaataa pa.tivirato adinnaadaanaa pa.tivirato kaamesu micchaacaaraa pa.tivirato musaa-vaadaa pa.tivirato pisunaavaacaa pa.tivirato pharusaavaacaa pa.tivirato anabhijjhaalu.m avyapannacitta.m sammaadi.t.thi,||
kaayassa bhedaa param mara.naa sugati.m sagga.m loka.m upapajjati.|| ||

Pubbe vaassa ta.m kata.m hoti kalyaa.nakamma.m sukhavedaniya.m.|| ||

Pacchaa vaassa ta.m kata.m hoti kalyaa.nakamma.msukhavedaniya.m.|| ||

Mara.nakaale vaassa hoti sammaadi.t.thi samattaa samaadinnaa.|| ||

Tena so kaayassa bhedaa param mara.naa sugati.m sagga.m loka.m upapajjati.|| ||

Ya~n ca kho so idha paa.naatipaataa pa.tivirato [215] hoti adinnaadaanaa pa.tivirato hoti kaamesu micchaacaaraa pa.tivirato hoti musaa-vaadaa pa.tivirato hoti pisunaavaacaa pa.tivirato hoti pharusaavaacaa pa.tivirato hoti anabhijjhaalu.m hoti avyapannacitta.m sammaadi.t.thi hoti.|| ||

Tassa di.t.the va dhamme vipaaka.m pa.tisa'nvedeti,||
upapajje vaa,||
apare vaa pariyaaye.|| ||

Tatr'Aananda, yvaaya.m puggalo idha paa.naatipaataa pa.tivirato adinnaadaanaa pa.tivirato kaamesu micchaacaaraa pa.tivirato musaa-vaadaa pa.tivirato pisunaavaacaa pa.tivirato pharusaavaacaa pa.tivirato anabhijjhaalu.m avyapannacitta.m sammaadi.t.thi,||
kaayassa bhedaa param mara.naa apaaya.m duggati.m vinipaata.m Niraya.m upapajjati.|| ||

Pubbe vaassa ta.m kata.m hoti paapakamma.m dukkhavedaniiya.m.|| ||

Pacchaa vaassa ta.m kata.m hoti paapakamma.m dukkhavedaniya.m.|| ||

Mara.na kaale vaassa hoti micchaadi.t.thi samattaa samaadinnaa.|| ||

Tena so kaayassa bhedaa param mara.naa apaaya.m duggati.m vinipaata.m Niraya.m upapajjati.|| ||

Ya~n ca kho so idha paa.naatipaataa pa.tivirato hoti adinnaadaanaa pa.tivirato hoti kaamesu micchaacaaraa pa.tivirato hoti musaa-vaadaa pa.tivirato hoti pisunaavaacaa pa.tivirato hoti pharusaavaacaa pa.tivirato hoti anabhijjhaalu.m hoti avyapannacitta.m sammaadi.t.thi hoti,||
tassa di.t.the va dhamme vipaaka.m pa.tisa'nvedeti,||
upapajje vaa,||
apare vaa,||
pariyaaye.|| ||

Iti kho Aananda,||
atthi kamma.m abhabba.m abhabbaabhaasa.m,||
atthi kamma.m abhabba.m bhabbaabhaasa.m||
atthi kamma.m bhabba~n c'eva bhabbaabhaasa~n ca,||
atthi kamma.m bhabba.m abhabbaabhaasan" ti.|| ||

Idam avoca Bhagavaa.|| ||

Attamano aayasmaa Aanando Bhagavato bhaasita.m abhinandii ti.|| ||

Mahaakammavibha'nga sutta.m ja.t.tha.m


 

Contact:
E-mail
Copyright Statement