Majjhima Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Majjhima Nikaaya
III. Upari Pa.n.naasa
4. Vibha'nga Vagga

Sutta 140

Dhaatu-Vibha'nga Sutta.m

Based on the 'Sri Lanka Buddha Jayanti Tripitaka Series.'

 


 

[1][chlm][pts][than][ntbb][upal] Eva.m me suta.m:

Eka.m samaya.m Bhagavaa magadhesu caarika.m caramaano yena Raajagaha.m tadavasari.|| ||

Yena bhaggavo kumbhakaaro ten'upasa'nkami.|| ||

Upasa'nkamitvaa bhaggava.m kumbhakaara.m etad avoca: 'sace te bhaggava agaru,||
viharema aavesane1 ekarattinti.|| ||

Na kho me bhante garu,||
atthi c'ettha pabbajito pa.thama.m vaasuupagato.|| ||

Sace so anujaanaati viharatha bhante,||
yathaasukhanti.|| ||

[238] Tena kho pana samayena pukkusaati naama kulaputto Bhagavanta.m uddissa saddhaa agaarasmaa anagaariya.m pabbajito.|| ||

So tasmi.m kumbhakaaraavesane pa.thama.m vaasuupagato hoti.|| ||

Atha kho Bhagavaa yen'aayasmaa pukkusaati ten'upasa'nkami.|| ||

Upasa'nkamitvaa aayasmanta.m pukkusaati.m etad avoca: 'sace te bhikkhuu agaru,||
viharema aavesane ekarattinti.|| ||

Uurunda.m aavuso,||
kumbhakaaraavesana.m.|| ||

Viharat'aayasmaa yathaasukhanti.|| ||

Atha kho Bhagavaa kumbhakaaraavesana.m pavisitvaa eka-m-anta.m ti.nasanthaa raka.m pa~n~naapetvaa nisiidi palla'nka.m aabhujitvaa uju.m kaaya.m pa.nidhaaya parimukha.m sati.m upa.t.thapetvaa.|| ||

Atha kho Bhagavaa bahudeva ratti.m nisajjaaya viitinaamesi.|| ||

Aayasmaapi kho pukkusaati bahudeva ratti.m nisajjaaya viitinaamesi.|| ||

Atha kho Bhagavato etad ahosi: 'paasaadika.m nu kho aya.m kulaputto iriiyati,||
yan nuunaaha.m puccheyyanti.|| ||

Atha kho Bhagavaa aayasmanta.m pukkusaati.m etad avoca: 'ka.msi tva.m bhikkhu uddissa pabbajito,||
ko vaa te satthaa,||
kassa vaa tva.m dhamma.m rocesii' ti.|| ||

Atthaavuso, Sama.no Gotamo Sakyaputto Sakyakulaa pabbajito.|| ||

Ta.m kho pana Bhagavanta.m Gotama.m eva.m kalyaa.no kittisaddo abbhuggato: 'Iti pi so Bhagavaa araha.m Sammaa-sambuddho vijjaa-cara.na-sampanno sugato lokavidu anuttaro purisa-damma-saarathii satthaa deva-manussaana.m buddho Bhagavaa' ti.|| ||

Taa'ha.m Bhagavanta.m uddissa pabbajito.|| ||

So ca me Bhagavaa satthaa,||
tassaaha.m4 Bhagavato dhamma.m rocemii' ti.|| ||

Kaha.m pana bhikkhu etarahi so Bhagavaa viharati araha.m Sammaa-sambuddho'ti:|| ||

Atthaavuso uttaresu janapadesu Saavatthii naama nagara.m,||
tattha so Bhagavaa etarahi viharati araha.m Sammaa-sambuddho' ti.|| ||

Di.t.thapubbo pana te bhikkhu,||
so Bhagavaa.|| ||

Disvaa ca pana jaaneyyaasii' ti.|| ||

[239] Na kho me aavuso,||
di.t.thapubbo so Bhagavaa.|| ||

Disvaa caaha.m na jaaneyyan' ti.|| ||

Atha kho Bhagavato etad ahosi: 'mama.m khvaaya.m1 kulaputto uddissa pabbajito.|| ||

Yannuunassaaha.m dhamma.m deseyyan' ti.|| ||

Atha kho Bhagavaa aayasmanta.m pukkusaati.m aamantesi: 'dhamma.m te bhikkhu,||
desissaami.|| ||

Ta.m su.naahi,||
saadhuka.m manasi karohi,||
bhaasissaamii' ti.|| ||

Evam aavuso ti kho aayasmaa pukkusaati Bhagavato paccassosi.|| ||

Bhagavaa etad avoca:|| ||

'Chaddhaaturo aya.m bhikkhu,||
puriso chaphassaayatano a.t.thaarasamanopavicaaro caturaadhi.t.thaano,||
yattha .thita.m ma~n~nussavaa nappavattanti,||
ma~n~nussave kho pana nappavattamaane muni santoti vuccati.|| ||

Pa~n~na.m nappamajjeyya.|| ||

Saccamanurakkheyya.|| ||

Caagamanubruuheyya.|| ||

Santimeva so sikkheyyaa' ti.|| ||

Ayamuddeso chadhaatu vibha'ngassa.|| ||

'Chaddhaaturo aya.m bhikkhu,||
puriso'ti iti kho pan'eta.m vutta.m.|| ||

Ki~nc'eta.m pa.ticca vutta.m.|| ||

Pa.thaviidhaatu aapodhaatu tejodhaatu vaayodhaatu aakaasadhaatu vi~n~naa.nadhaatu.|| ||

'Chaddhaaturo.|| ||

Aya.m bhikkhu,||
puriso'ti iti ya.m ta.m vutta.m,||
idame ta.m pa.ticca vutta.m.|| ||

'Chaphassaayatano aya.m bhikkhu,||
puriso'ti iti kho pan'eta.m vutta.m,||
ki~nc'eta.m pa.ticca vutta.m: cakkhusamphassaayatana.m sotasamphassaayatana.m ghaanasamphassaayatana.m jivhaasamphassaayatana.m kaayasamphassaayatana.m manosamphassaayatana.m.|| ||

'Chaphassaayatano aya.m bhikkhu,||
puriso'ti iti ya.m ta.m vutta.m,||
idame ta.m pa.ticca vutta.m.|| ||

'A.t.thaarasamanopavicaaro aya.m bhikkhu,||
puriso'ti iti kho pan'eta.m vutta.m,||
ki~nc'eta.m pa.ticca vutta.m:|| ||

cakkhunaa ruupa.m disvaa somanassa.t.thaaniya.m ruupa.m upavicarati.|| ||

Domanassa.t.thaaniya.m ruupa.m upavicarati.|| ||

Upekkha.t.thaaniya.m ruupa.m upavicarati.|| ||

Sotena sadda.m sutvaa somanassa.t.thaaniya.m sadda.m upavicarati.|| ||

Domanassa.t.thaaniya.m sadda.m upavicarati.|| ||

Upekkha.t.thaaniya.m sadda.m upavicarati.|| ||

Ghaanena [240] gandha.m ghaayitvaa somanassa.t.thaaniya.m gandha.m upavicarati.|| ||

Domanassa.t.thaaniya.m gandha.m upavicarati.|| ||

Upekkha.t.thaaniya.m gandha.m upavicarati.|| ||

Jivhaaya rasa.m saayitvaa somanassa.t.thaaniya.m rasa.m upavicarati.|| ||

Domanassa.t.thaaniya.m rasa.m upavicarati.|| ||

Upekkha.t.thaaniya.m rasa.m upavicarati.|| ||

Kaayena pho.t.thabba.m phusitvaa

Somanassa.t.thaaniya.m pho.t.thabba.m upavicarati.|| ||

Domanassa.t.thaaniya.m pho.t.thabba.m upavicarati.|| ||

Upekkha.t.thaaniya.m pho.t.thabba.m upavicarati.|| ||

Manasaa dhamma.m vi~n~naaya somanassa.t.thaaniya.m dhamma.m upavicarati.|| ||

Domanassa.t.thaaniya.m dhamma.m upavicarati.|| ||

Upekkha.t.thaaniya.m dhamma.m upavicarati.|| ||

Iti cha somanassuupavicaaraa cha domanassuupavicaaraa cha upekkhuupavicaaraa.|| ||

'A.t.thaarasamanopavicaaro aya.m bhikkhu,||
puriso'ti iti ya.m ta.m vutta.m,||
idame ta.m pa.ticca vutta.m.|| ||

'Caturaadhi.t.thaano aya.m bhikkhu,||
puriso'ti iti kho pan'eta.m vutta.m,||
ki~nc'eta.m pa.ticca vutta.m: pa~n~naadhi.t.thaano caagaadhi.t.thaano upasamaadhi.t.thaano.|| ||

'Caturaadhi.t.thaano aya.m bhikkhu,||
puriso'ti iti ya.m ta.m vutta.m,||
idame ta.m pa.ticca vutta.m.|| ||

'Pa~n~na.m nappamajjeyya saccamanurakkheyya caagamanubruuheyya santimeva so sikkheyyaa'ti iti kho pan'eta.m vutta.m: katha~nca bhikkhu.|| ||

Pa~n~na.m nappamajjati: cha imaa bhikkhu,||
dhaatuyo: pa.thavidhaatu aapodhaatu tejodhaatu vaayodhaato aakaasadhaatu vi~n~naa.nadhaatu.|| ||

Katamaa ca bhikkhu,||
pa.thavidhaatu: pa.thavidhaatu siyaa ajjhattikaa siyaa baahiraa.|| ||

Katamaa ca bhikkhu,||
ajjhattikaa pa.thavidhaatu: ya.m ajjhatta.m paccatta.m kakkha.la.m kharigata.m upaadinna.m.|| ||

Seyyathiida.m: kesaa lomaa nakhaa dattaa taco ma.msa.m nahaaruu a.t.thi a.t.thami~njaa1 vakka.m hadaya.m,||
yakana.m kilomaka.m pihaka.m pappaasa.m anta.m antagu.na.m udariya.m kariisa.m ya.m vaa pana~n~nampi ki~nci ajjhatta.m paccatta.m kakkha.la.m kharigata.m upaadinna.m.|| ||

Aya.m vuccati bhikkhu,||
ajjhattikaa pa.thaviidhaatu.|| ||

Yaa c'eva kho pana ajjhattikaa pa.thaviidhaatu yaa ca baahiraa pa.thaviidhaatu,||
pa.thaviidhaaturevesaa.|| ||

Ta.m n'eta.m mama,||
neso'ham asmi,||
na m'eso attaa'ti evam eta.m yathaabhuuta.m sammappa~n~naaya da.t.thabba.m.|| ||

evam eta.m yathaabhuuta.m sammappa~n~naaya disvaa pa.thaviidhaatuyaa nibbindati,||
pa.thaviidhaatuyaa citta.m viraajeti.|| ||

Katamaa ca bhikkhu,||
aapodhaatu: aapodhaatu siyaa ajjhattikaa [241] siyaa baahiraa.|| ||

Katamaa ca bhikkhu,||
ajjhattikaa aapodhaatu: ya.m ajjhatta.m paccatta.m aapo aapogata.m upaadinna.m.|| ||

Seyyathiida.m: pitta.m semha.m pubbo lohita.m sedo medo assu vasaa khe'o si'nghaanikaa lasikaamutta.m.|| ||

Ya.m vaa pana~n~nampi ki~nci ajjhatta.m paccatta.m aapo aapogata.m upaadinna.m.|| ||

Aya.m vuccati bhikkhu,||
ajjhattikaa aapodhaatu.|| ||

Yaa c'eva kho pana ajjhattikaa aapodhaatu yaa ca baahiraa aapodhaatu,||
aapodhaaturevesaa.|| ||

Ta.m n'eta.m mama,||
neso'ham asmi,||
na m'eso attaa'ti evam eta.m yathaabhuuta.m sammappa~n~naaya da.t.thabba.m.|| ||

evam eta.m yathaabhuuta.m sammappa~n~naaya disvaa aapodhaatuyaa nibbindati,||
aapodhaatuyaa citta.m viraajeti.|| ||

Katamaa ca bhikkhu,||
tejodhaatu: tejodhaatu siyaa ajjhattikaa siyaa baahiraa.|| ||

Katamaa ca bhikkhu,||
ajjhattikaa tejodhaatu: ya.m ajjhatta.m paccatta.m tejo tejogata.m upaadinna.m.|| ||

Seyyathiida.m: yena ca santappati2 yena ca jiiriiyati3,||
yena ca pari.dayhati,||
yena ca asitapiitakhaayitasaayita.m sammaa pari.naama.m gacchati,||
ya.m vaa pana~n~nampi ki~nci ajjhatta.m paccatta.m tejo tejogata.m upaadinna.m.|| ||

Aya.m vuccati bhikkhu,||
ajjhattikaa tejodhaatu.|| ||

Yaa c'eva kho pana ajjhattikaa tejodhaatu yaa ca baahiraa tejodhaatu,||
tejodhaaturevesaa.|| ||

Ta.m n'eta.m mama,||
neso'ham asmi,||
na m'eso attaati evam eta.m yathaabhuuta.m sammappa~n~naaya da.t.thabba.m.|| ||

evam eta.m yathaabhuuta.m sammappa~n~naaya disvaa tejodhaatuyaa nibbindati,||
tejodhaatuyaa citta.m viraajeti.|| ||

Katamaa ca bhikkhu,||
vaayodhaatu: vaayodhaatu siyaa ajjhattikaa siyaa baahiraa katamaa ca bhikkhu,||
ajjhattikaa vaayodhaatu: ya.m ajjhatta.m paccatta.m vaayo vaayogata.m upaadinna.m.|| ||

Seyyathiida.m: uddha'ngamaa vaataa adhogamaa vaataa kucchisayaa vaataa ko.t.thasayaa1 vaataa a'ngama'ngaanusaarino vaataa assaaso,||
passaaso,||
iti ya.m vaa pana~n~nampi ki~nci ajjhatta.m paccatta.m vaayo vaayogata.m upaadinna.m.|| ||

Aya.m vuccati bhikkhu,||
ajjhattikaa vaayodhaatu.|| ||

Yaa c'eva kho pana ajjhattikaa vaayodhaatu yaa ca baahiraa vaayodhaatu,||
vaayodhaaturevesaa.|| ||

Ta.m n'eta.m mama,||
neso'ham asmi,||
na m'eso attaati evam eta.m yathaabhuuta.m sammappa~n~naaya da.t.thabba.m.|| ||

evam eta.m yathaabhuuta.m sammappa~n~naaya disvaa vaayodhaatuyaa nibbindati,||
vaayodhaatuyaa citta.m viraajeti.|| ||

Katamaa ca bhikkhu,||
aakaasadhaatu: aakaasadhaatu siyaa ajjhattikaa siyaa baahiraa.|| ||

Katamaa ca bhikkhu,||
ajjhattikaa [242] aakaasadhaatu: ya.m ajjhatta.m paccatta.m aakaasa.m aakaasagata.m upaadinna.m.|| ||

Seyyathiida.m: ka.n.nacchidda.m naasacchidda.m mukhadvaara.m yena ca asitapiitakhaayitasaayita.m ajjhoharati,||
yattha ca asitapiitakhaayitasaayita.m santi.t.thati,||
yena ca asitapiitakhaayitasaayita.m adhobhaagaa2 nikkhamati,||
ya.m vaa pana~n~nampi ki~nci ajjhatta.m paccatta.m aakaasa.m aakaasagata.m agha.m aghagata.m vivara.m vivaragata.m asamphu.t.tha.m ma.msalohitehi upaadinna.m.|| ||

Aya.m vuccati bhikkhu,||
ajjhattikaa aakaasadhaatu.|| ||

Yaa c'eva kho pana ajjhattikaa aakaasadhaatu,||
yaa ca baahiraa aakaasadhaatu,||
aakaasadhaaturevesaa.|| ||

Ta.m n'eta.m mama,||
neso'ham asmi,||
na m'eso attaati evam eta.m yathaabhuuta.m sammappa~n~naaya da.t.thabba.m.|| ||

evam eta.m yathaabhuuta.m sammappa~n~naaya disvaa aakaasadhaatuyaa nibbindati,||
aakaasadhaatuyaa citta.m viraajeti.|| ||

Athaapara.m vi~n~naa.na.m yeva avasissati parisuddha.m pariyodaata.m.|| ||

Tena va vi~n~naa.nena ki.m jaanaani: sukhantipi vijaanaati,||
dukkhan tipi vijaanaati,||
adukkhamasukhantipi vijaanaati.|| ||

Sukhavedaniya.m bhikkhu,||
phassa.m pa.ticca upapajjati sukhaa vedanaa,||
so sukha.m vedana.m vediyamaano sukha.m vedana.m vediyaamiiti pajaanaati.|| ||

Tass'eva sukhavedanissa phassassa nirodhaa ya.m tajja.m vedayita.m sukhavedaniya.m phassa.m pa.ticca uppannaa sukhaa vedanaa saa nirujjhanti,||
saa vuupasammatiiti pajaanaati.|| ||

Dukkhavedaniya.m bhikkhu.|| ||

Phassa.m pa.ticca uppajjati dukkhaa vedanaa so dukkhaa vedana.m vediyamaano dukkha.m vedana.m vediyaamiiti pajaanaati.|| ||

Tass'eva dukkhavedaniyassa phassassa nirodhaa ya.m tajja.m vedayita.m dukkhavedaniya.m phassa.m pa.ticca uppannaa dukkhaa vedanaa saa nirujjhati.|| ||

Saa vuupasammatiiti pajaanaati.|| ||

Adukkhamasukhavedaniya.m bhikkhu,||
phassa.m pa.ticca uppajjati adukkhamasukhaa vedanaa.|| ||

So adukkha-m-asukha.m vedana.m vediyamaano adukkha-m-asukha.m vediyaamiiti pajaanaati.|| ||

Tass'eva adukkhamasukhavedaniyassa phassassa nirodhaa ya.m tajja.m vedayita.m adukkhamasukhavedaniya.m phassa.m pa.ticca uppannaa adukkhamasukhaa vedanaa saa nirujjhati,||
saa vuupasammatiiti pajaanaati.|| ||

Seyyathaa pi bhikkhu dvinna.m ka.t.thaana.m samphassasamodhaanaa1 usmaa jaayati,||
tejo abhinibbattati.|| ||

Tesa.m yeva dvinna.m ka.t.thaana.m naanaabhaavaa viinikkhepaa yaa tajjaa usmaa,||
saa nirujjhati saa vuupasammati.|| ||

Evam eva kho bhikkhu,||
sukhavedaniiya.m [243] phassa.m pa.ticca uppajjati sukhaa vedanaa.|| ||

So sukha.m vedana.m vediyamaano sukha.m vedana.m vediyaamiitipajaanaati.|| ||

Tass'eva sukhavedaniyassa phassassa nirodhaa ya.m tajja.m vedayita.m sukhavedaniya.m phassa.m pa.ticca uppannaa sukhaa vedanaa saa nirujjhati,||
saa vuupasammatiiti pajaanaati.|| ||

Dukkhavedaniya.m bhikkhu,||
phassa.m pa.ticca uppajjati dukkhaa vedanaa.|| ||

So dukkha.m vedana.m vediyamaano dukkha.m vedana.m vediyaamiiti pajaanaati.|| ||

Tass'eva dukkhavedaniyassa phassassa nirodhaa ya.m tajja.m vedayita.m dukkhavedaniya.m phassa.m pa.ticca uppannaa dukkhaa vedanaa saa nirujjhati saa vuupasammatiiti pajaanaati.|| ||

Adukkhamasukhavedaniya.m bhikkhu,||
phassa.m pa.ticca uppajjati adukkhamasukhaa vedanaa.|| ||

So adukkhasukha.m vedana.m vediyamaano adukkha-m-asukha.m vedana.m vediyaamiiti pajaanaati.|| ||

Tass'eva adukkhamasukhavedaniyassa phassassa nirodhaa ya.m tajja.m vedayita.m adukkhamasukhavedaniya.m phassa.m pa.ticca uppannaa adukkhamasukhaa vedanaa saa nirujjhati saa vuupasammatiiti pajaanaati.|| ||

Athaapara.m upekkhaayeva avasissati parisuddhaa pariyodaataa mudu ca kamma~n~naa ca pabhassaraa ca.|| ||

Seyyathaa pi bhikkhu,||
dakkho suva.n.nakaaro vaa suva.n.nakaarantevaasii vaa ukka.m bandheyya,||
ukka.m bandhitvaa ukkaamukha.m aalimpeyya,||
ukkaamukha.m aalimpetvaa sa.n.daasena jaataruupa.m gahetvaa ukkaamukhe pakkhipeyya.|| ||

Tam ena.m kaalena kaala.m abhidhameyya.|| ||

Kaalena kaala.m udakena paripphoseyya.|| ||

Kaalena kaala.m ajjhupekkheyya.|| ||

Ta.m hoti jaataruupa.m dhanta.m2 sudhanta.m niddhanta.m niiha.ta.m3 niiha.takasaava.m4 mudu ca kamma~n~na.m ca pabhassara~nca.|| ||

Yassaa yassaa ca pi'andhanavikatiyaa aaka'nkhati,||
yadi pavaddhikaaya yadi ku.n.dalaaya yadi giiveyyakaaya yadi suva.n.namaalaaya,||
ta~n c'assa attha.m anubhoti.|| ||

Evam eva kho bhikkhu,||
athaapara.m upekkhaayeva avasissati parisuddhaa pariyodhaataa mudu ca kamma~n~naa ca pabhassaraa ca.|| ||

So eva.m pajaanaati: 'ima.m ce aha.m upekkha.m eva.mparisuddha.m eva.mpariyodaata.m aakaasaana~ncaayatana.m upasa'nhareyya.m,||
tadanudhamma~nca citta.m bhaaveyya.m.|| ||

Eva.m aya.m upekkhaa tannissitaa tadupaadaanaa cira.m diigham addhaana.m ti.t.theyya.|| ||

Ima.m ce aha.m upekkha.m eva.mparisuddha.m eva.mpariyodaata.m vi~n~naa.na~ncaayatana.m upasa'nhareyya.m,||
tadanudhamma~nca citta.m bhaaveyya.m.|| ||

Eva.m me aya.m upekkhaa tannissitaa tadupaadaanaa cira.m diigham addhaana.m ti.t.theyya.|| ||

Ima.m ce [244] aha.m upekkha.m eva.mparisuddha.m eva.mpariyodaata.m aaki~nca~n~naayatana.m upasa'nhareya.m,||
tadanudhamma~nca citta.m bhaaveyya.m.|| ||

Eva.m me aya.m upekkhaa tannissitaa tadupaadaanaa cira.m diigham addhaana.m ti.t.theyya.|| ||

Ima.m ce aha.m upekkha.m eva.mparisuddha.m eva.mpariyodaata.m n'eva-sa~n~naa-naasa~n~naayatana.m upasa'nhareyya.m.|| ||

Tadanudhamma~nca citta.m bhaaveyya.m,||
eva.m me aya.m upekkhaa tannissitaa taduupaadaanaa cira.m diigham addhaana.m ti.t.theyyaa' ti.|| ||

So eva.m pajaanaati: 'ima.m ce aha.m upekkha.m eva.mparisuddha.m eva.mpariyodaata.m aakaasaana~ncaayatana.m upasa'nhareyya.m,||
tadanudhamma~nca citta.m bhaaveyya.m,||
sa'nkhatame ta.m.|| ||

Ima~nce aha.m upekkha.m eva.mparisuddha.m eva.mpariyodaata.m vi~n~naa.na~ncaayatana.m upasa'nhareyya.m,||
kadanudhamma~nca citta.m bhaaveyya.m,||
sa'nkhatame ta.m.|| ||

Ima.m ce aha.m upekkha.m eva.mparisuddha.m eva.mpariyodaata.m aaki~nca~n~naayatana.m upasa'nhareyya.m,||
tadanudhamma~nca citta.m bhaaveyya.m,||
sa'nkhatame ta.m.|| ||

Ima~nce aha.m upekkha.m eva.m parisuddha.m eva.mpariyodaata.m n'evasa~n~naanaasa~ncaayatana.m upasa'nhareyya.m,||
tadanudhamma~nca citta.m bhaaveyya.m,||
sa'nkhatametanti.|| ||

So n'eva ta.m abhisa'nkharoti,||
naabhisa~ncetayati bhavaaya vaa vibhavaaya vaa.|| ||

So anabhisa'nkharonto anabhisa~ncetayanto bhavaaya vaa vibhavaaya vaa na ki~nci loke upaadiyati.|| ||

Anupaadiya.m na paritassati,||
aparitassa.m paccatta.m yeva parinibkhaayati.|| ||

'Khii.naa jaati,||
vusita.m brahmacariya.m,||
kata.m kara.niiya.m,||
naapara.m itthattaayaa'ti pajaanaati.|| ||

So sukha.m ce vedana.m vedeti.|| ||

Saa aniccaati pajaanaati,||
anajjhositaati pajaanaati,||
anabhinanditaati pajaanaati.|| ||

Dukkha.m ce vedana.m vedeti.|| ||

Saa aniccaati pajaanaati.|| ||

Anajjhositaati pajaanaati.|| ||

Abhinanditaati pajaanaati,||
adukkhamasukha~nce vedana.m vedeti,||
saa aniccaati pajaanaati,||
anajjhositaani pajaanaati,||
anabhinanditaati pajaanaati.|| ||

So sukha.m ce vedana.m vedeti,||
visa.myutto ta.m na vedeti.|| ||

So dukkha.m ce vedana.m vedeti,||
visa.myutto ta.m na vedeti.1 Adukkhamasukha.m ce vedana.m vedeti,||
visa.myutto ta.m na vedeti.|| ||

So kaayapariyantika.m vedana.m vediyamaano kaayapariyantika.m vedana.m vediyaamiiti pajaanaati.|| ||

Jiivitapariyantika.m [245] vedana.m vediyamaano jiivitapariyantika.m vedana.m vediyaamiiti pajaanaati.|| ||

Kaayassa bhedaa param mara.naa uddha.m jiivita-pariyaadaanaa ideva sabbavedayitaani anabhinanditaani siitiibhavissantii'ti pajaanaati.|| ||

Seyyathaa pi bhikkhu,||
tela~nca pa.ticca va.t.ti~nca pa.ticca telappadiipo jhaayati,||
tass'eva telassa ca va.t.tiyaa ca pariyaadaanaa a~n~nassa ca anupaahaaraa anaahaaro nibkhaayati.|| ||

Evam eva kho bhikkhu.|| ||

Kaayapariyantika.m vedana.m vediyamaano kaayapariyantika.m vedana.m vediyaamiiti pajaanaati.|| ||

Jiivitapariyantika.m vedana.m vediyamaano jiivitapariyantika.m vedana.m vediyaamiti pajaanaati.|| ||

Kaayassa bhedaa param mara.naa uddha.m jiivita-pariyaadaanaa idh'eva sabbavedayitaani anababhinanditaani siitiibhavissatii'ti pajaanaati.|| ||

Tasmaa eva.m samannaagato bhikkhu iminaa paramena pa~n~naadhi.t.thaanena samannaagato hoti.|| ||

Esaa hi bhikkhu,||
paramaa ariyaa pa~n~naa yad ida.m sabbadukkhakkhaye ~naa.na.m.|| ||

Tassa saa vimutti sacce .thitaa akuppaa hoti.|| ||

Ta.m hi bhikkhu musaa,||
ya.m mosadhamma.m.|| ||

Ta.m sacca.m,||
ya.m amosadhamma.m nibbaana.m.|| ||

Tasmaa eva.m samannaagato bhikkhu iminaa paramena saccaadhi.t.thaanena samannaagato hoti.|| ||

Eta.m hi bhikkhu,||
parama.m ariyasacca.m yad ida.m amosadhamma.m nibbaana.m.|| ||

Tass'eva kho pana pubbe aviddasuno upadhii honti samattaa samaadinnaa.|| ||

Tyaassa pahiinaa honti ucchinnamuulaa taalaavatthukataa anabhaavakataa1 aayati.m anuppaadadhammaa.|| ||

Tasmaa eva.m samannaagato bhikkhu iminaa paramena caagaadhi.t.thaanena samannaagato hoti.|| ||

Eso hi bhikkhu,||
paramo ariyo caago yad ida.m sabbuupadhipa.tinissaggo.|| ||

Tass'eva kho pana pubbe aviddasuno abhijjhaa hoti chando saaraago.|| ||

Svaassa pahiino hoti ucchinnamuulo taalaavatthukato anabhaavakato aayati.m anuppaadadhammo.|| ||

Tass'eva kho pana pubbe aviddasuno aaghaato hoti vyaapaado sampadoso,||
svaassa pahiino hoti ucchinnamuulo taalaavatthukato anabhaavakato aayati.m anuppaadadhammo.|| ||

Tass'eva kho pana pubbe aviddasuno avijjaa hoti sammoho sampadoso,||
svaassa pahiino hoti ucchinnamuulo [246] taalaavatthukato anabhaavakato aayati.m anuppaadadhammo.|| ||

Tasmaa eva.m samannaagato bhikkhu iminaa paramena upasamaadhi.t.thaanena samannaagato hoti eso hi bhikkhu,||
paramo ariyo upasamo yad ida.m raagadosamohaana.m upasamo.|| ||

'Pa~n~na.m nappamajjeyya.|| ||

Saccamanurakkheyya,||
caagamanubruuheyya,||
santimeva so sikkheyyaa'ti iti ya.m ta.m vutta.m,||
idame ta.m pa.ticca vutta.m.|| ||

Yattha .thita.m ma~n~nussavaa nappavattanti.|| ||

Ma~n~nussave kho pana appavattamaane muni santoti vuccatii'ti iti kho pan'eta.m vutta.m.|| ||

Ki~nc'eta.m pa.ticca vutta.m: asmiiti bhikkhu ma~n~nitame ta.m.|| ||

Ayamahamasmiiti.|| ||

Ma~n~nitame ta.m.|| ||

Bhavissanti ma~n~nitame ta.m.|| ||

Na bhavissanti ma~n~nitame ta.m.|| ||

Ruupii bhavissanti ma~n~nitame ta.m.|| ||

Aruupii bhavissanti ma~n~nitame ta.m.|| ||

Sa~n~nii bhavissanti ma~n~nitame ta.m.|| ||

Asa~n~nii bhavissanti ma~n~nitame ta.m.|| ||

N'evasa~n~niinaasa~n~nii bhavissanti ma~n~nitame ta.m.|| ||

Ma~n~nita.m bhikkhu rogo,||
ma~n~nita.m ga.n.do,||
ma~n~nita.m salla.m.|| ||

Sabbama~n~nitaana.m tv'eva bhikkhu,||
samatikkamaa muni santoti vuccati.|| ||

Muni kho pana bhikkhu,||
santo na jaayati na jiiyati na miiyati na kuppati na vihesati.|| ||

Tampissa bhikkhu n'atthi.|| ||

Yena jaayetha,||
ajaayamaano ki.m jiiyissati,||
ajiiyamaano ki.m miiyissati,||
amiiyamaano ki.m kuppissati.|| ||

Akuppamaano kissa vihessati.|| ||

'Yattha .thiita.m ma~n~nussavaa nappavattanti.|| ||

Ma~n~nussave kho pana nappavattamaane muni santoti vuccatii'ti iti ya.m ta.m vutta.m,||
idame ta.m pa.ticca vutta.m.|| ||

Ima.m kho me tva.m bhikkhu,||
sa'nkhittena cha dhaatuvibha'nga.m dhaarehiiti.|| ||

Atha kho aayasmaa pukkusaati 'satthaa kira me anuppatto,||
sugato kira me anuppatto,||
Sammaa-sambuddho kira me anuppatto'ti u.t.thaay aasanaa eka.msaa civara.m katvaa Bhagavato paadesu sirasaa nipatitvaa Bhagavanta.m etad avoca: 'accayo ma.m bhante,||
accagamaa yathaabaala.m yathaamuu.lha.m [247] yathaaakusala.m,||
yoha.m Bhagavanta.m aavusovaadena samudaacaritabba.m ama~n~nissa.m.|| ||

Tassa me bhante,||
Bhagavaa accaya.m accayato patiga.nhaatu aayati.m sa.mvaraayaa' ti.|| ||

Taggha tva.m bhikkhu,||
accayo accagamaa yathaabaala.m yathaamuu.lha.m yathaaakusala.m,||
ya.m ma.m tva.m aavusovaadena samudaacaritabba.m ama~n~nittha.|| ||

Yato ca kho tva.m bhikkhu,||
accaya.m accayato disvaa yathaa dhamma.m pa.tikarosi.|| ||

Ta.m te maya.m patiga.nhaama.|| ||

Vuddhi hesaa bhikkhu.|| ||

Ariyassa vinaye yo accaya.m accayato disvaa yathaa dhamma.m pa.tikaroti,||
aayati.m sa.mvara.m aapajjatii' ti.|| ||

Labheyyaaha.m bhante,||
Bhagavato santike upasampadanti.|| ||

Paripu.n.na.m pana te bhikkhu,||
pattaciivaranti:|| ||

Na kho me bhante,||
paripu.n.na.m pattaciivaranti.|| ||

Na kho bhikkhu,||
Tathaagataa aparipu.n.napattaciivara.m upasampaadentii ti.|| ||

Atha kho aayasmaa pukkusaati Bhagavato bhaasita.m abhinanditvaa anumoditvaa u.t.thaay aasanaa Bhagavanta.m abhivaadetvaa padakkhi.na.m katvaa pattaciivarapariyesana.m pakkaami.|| ||

Atha kho aayasmanta.m pukkusaati.m pattaciivarapariyesana.m caranta.m bhantagaavii jiivitaa voropesi.|| ||

Atha kho sambahulaa bhikkhu yena Bhagavaa,||
ten'upasa'nkami.msu,||
upasa'nkamitvaa Bhagavanta.m abhivaadetvaa eka-m-anta.m nisiidi.msu.|| ||

Eka-m-anta.m nisinnaa kho te bhikkhuu Bhagavanta.m etad avocu.m: 'yo so bhante,||
pukkusaati naama kulaputto Bhagavataa sa'nkhittena ovaadena ovadito,||
so kaala'nkato.|| ||

Tassa kaa gati,||
ko abhisamparaayo' ti.|| ||

Pa.n.dito bhikkhave,||
pukkusaati kulaputto,paccapaadi dhammassaanudhamma.m.|| ||

Na ca ma.m dhammaadhikara.na.m vihe.thesi.|| ||

Pukkusaati bhikkhave,||
kulaputto pa~ncanna.m orambhaagiyaana.m sa.myojanaana.m parikkhayaa opapaatiko tattha parinibbaayii anaavattidhammo tasmaa lokaati.|| ||

Idam avoca Bhagavaa,||
attamanaa te bhikkhuu Bhagavato bhaasita.m abhinandunti.|| ||

Dhaatuvibha'ngasutta.m dasama.m


 

Contact:
E-mail
Copyright Statement