Majjhima Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Majjhima Nikaaya
III. Upari Pa.n.naasa
5. Sa.laayatana Vagga

Sutta 146

Nandak'ovaada Sutta.m

Based on the 'Sri Lanka Buddha Jayanti Tripitaka Series.'

 


 

[1][chlm][pts][than][upal] Eva.m me suta.m:

Eka.m samaya.m Bhagavaa Saavatthiiya.m viharati Jetavane Anaathapi.n.dikassa aaraame. Atha kho Mahaapajaapatii Gotamii pa~nca-mattehi bhikkhuniisatehi saddhi.m yena Bhagavaa ten'upasa'nkami, upasa'nkamitvaa Bhagavanta.m abhivaadetvaa eka-m-anta.m a.t.thaasi. Eka-m-anta.m .thitaa kho Mahaapajaapatii Gotamii Bhagavanta.m etad avoca: 'ovadatu bhante, Bhagavaa bhikkhuniyo, anusaasatu bhante, Bhagavaa bhikkhuniyo, karotu bhante, Bhagavaa bhikkhuniina.m dhammi.m katha'nti. || ||

Tena kho pana samayena theraa bhikkhuu bhikkhuniyo ovadanti pariyaayena. Aayasmaa pana nandako na icchati bhikkhuniyo ovaditu.m pariyaayena. Atha kho Bhagavaa aayasmanta.m Aananda.m aamantesi: 'kassa nu kho Aananda, ajja pariyaayo bhikkhuniyo ovaditu.m pariyaayenaa'ti.|| ||

Nandakassa bhante. Pariyaayo bhikkhuniyo ovaditu.m pariyaayena, aya.m bhante, aayasmaa nandako na icchati bhikkhuniyo ovaditu.m pariyaayenaa' ti.|| ||

Atha kho Bhagavaa aayasamanta.m nandaka.m aamantesi: 'ovada nandaka, bhikkhuniyo. Anusaasa nandaka, bhikkhuniyo, karohi tva.m braahma.na. Bhikkhuniina.m dhammi.m kathan' ti.|| ||

Eva.m bhantehi kho so [271] aayasmaa nandako Bhagavato pa.tissutvaa pubba.nha-samaya.m nivaasetvaa pattaciivara.m aadaaya Saavatthii.m pi.n.daaya paavisi, Saavatthiiya.m pi.n.daaya caritvaa pacchaabhatta.m pi.n.dapaatapa.tikkanto attadutiyo yena raajakaaraamo ten'upasa'nkami. Addasa.msu2 kho taa bhikkhuniyo aayasmanta.m nandaka.m duurato va aagacchanta.m. Disvaana aasana.m pa~n~naapesu.m, udaka~nca paadaana.m upa.t.thapesu.m. Nisidi kho aayasmaa nandako pa~n~natte aasane, nisajja paade pakkhaalesi. Taapi kho bhikkhuniyo aayasmanta.m nandaka.m abhivaadetvaa eka-m-anta.m nisiidi.msu, eka-m-anta.m nisinnaa kho taa bhikkhuniyo aayasmaa nandako etad avoca: pa.tipucchakathaa kho bhaginiyo, bhavissati. Tattha aajaanantiihi aajaanaamaatissa vacaniiya.m, na aajaanantiihi na aajaanaamaatissa vacaniya.m. Yassaa vaa panassa ka'nkhaa vaa vimati vaa, ahameva tattha pa.tipucchitabbo: 'ida.m bhante, katha.m imassa kvattho' ti.|| ||

Ettakenapi maya.m bhante, ayyassa nandakassa attamanaa abhiraddhaa. Ya.m no ayyo nandako pavaaretii' ti.|| ||

Ta.m ki.m ma~n~natha bhaginiyo, cakkhu.m3 nicca.m vaa anicca.m vaati?|| ||

Anicca.m bhante.|| ||

Ya.m panaanicca.m dukkha.m vaa ta.m sukha.m vaati.|| ||

Dukkha.m bhante.|| ||

Ya.m panaanicca.m dukkha.m viparinaamadhamma.m, kalla.m nu ta.m samanupassitu.m. Eta.m mama, eso'ham asmi, eso me attaa' ti.|| ||

No h'eta.m bhante.|| ||

Ta.m ki.m ma~n~natha bhaginiyo, sota.m nicca.m vaa anicca.m vaati.|| ||

Anicca.m bhante.|| ||

Ya.m panaanicca.m dukkha.m vaa ta.m sukha.m vaati.|| ||

Dukkha.m bhante.|| ||

Ya.m panaanicca.m dukkha.m viparinaamadhamma.m, kalla.m nu ta.m samanupassitu.m. Eta.m mama, eso'ham asmi, eso me attaa' ti.|| ||

No h'eta.m bhante.|| ||

Ta.m ki.m ma~n~natha bhaginiyo, ghaana.m nicca.m vaa anicca.m vaa'ti anicca.m bhante.|| ||

Ya.m panaanicca.m dukkha.m vaa ta.m sukha.m vaati.|| ||

Dukkha.m bhante.|| ||

Ya.m panaanicca.m dukkha.m viparinaamadhamma.m, kalla.m nu ta.m samanupassitu.m. Eta.m mama, eso'ham asmi, eso me attaa' ti.|| ||

No h'eta.m bhante.|| ||

[272] Ta.m ki.m ma~n~natha bhaginiyo, jihvaa nicca.m vaa anicca.m vaa' ti.|| ||

Anicca.m bhante.|| ||

Ya.m panaanicca.m dukkha.m vaa ta.m sukha.m vaati.|| ||

Dukkha.m bhante.|| ||

Ya.m panaanicca.m dukkha.m viparinaamadhamma.m, kalla.m nu ta.m samanupassitu.m. Eta.m mama, eso'ham asmi, eso me attaa' ti.|| ||

No h'eta.m bhante.|| ||

Ta.m ki.m ma~n~natha bhaginiyo, kaayo nicco vaa anicco vaa' ti.|| ||

Anicco bhante.|| ||

Ya.m panaanicca.m dukkha.m vaa ta.m sukha.m vaati.|| ||

Dukkha.m bhante.|| ||

Ya.m panaanicca.m dukkha.m viparinaamadhamma.m, kalla.m nu ta.m samanupassitu.m. Eta.m mama, eso'ham asmi, eso me attaa' ti.|| ||

No h'eta.m bhante.|| ||

Ta.m ki.m ma~n~natha bhaginiyo, mano nicco vaa anicco vaa,ti.|| ||

Anicco bhante.|| ||

Yam panaanicca.m dukkha.m vaa ta.m sukha.m vaa' ti.|| ||

Dukkha.m bhante.|| ||

Ya.m panaanicca.m dukkha.m vipari.naama-dhamma.m, kalla.m nu ta.m samanupassitu.m. Eta.m mama,

Esohamasmi, eso me attaa' ti.|| ||

No h'eta.m bhante. Ta.m kissa hetu? pubbe va no h'eta.m bhante. Yathaabhuuta.m sammappa~n~naaya sudi.t.tha.m: 'Iti pime cha ajjhattikaa aayatanaa aniccaa' ti.|| ||

Saadhu saadhu bhaginiyo, eva.m h'eta.m bhaginiyo. Hoti ariyasaavakassa yathaabhuuta.m sammappa~n~naaya passato. Ta.m ki.m ma~n~natha bhaginiyo. Ruupaa niccaa vaa aniccaa vaa' ti.|| ||

Aniccaa bhante.|| ||

Ya.m panaanicca.m dukkha.m vaa ta.m sukha.m vaa' ti.|| ||

Dukkha.m bhante.|| ||

Ya.m panaanicca.m dukkha.m vipari.naama-dhamma.m, kalla.m nu ta.m samanupassitu.m. Eta.m mama, eso hamasmi, eso me attaa' ti.|| ||

No h'eta.m bhante.|| ||

Ta.m ki.m ma~n~natha bhaginiyo. Saddaa niccaa vaa aniccaa vaa' ti.|| ||

Aniccaa bhante.|| ||

Ya.m panaanicca.m dukkha.m vaa ta.m sukha.m vaa' ti.|| ||

Dukkha.m bhante.|| ||

Ya.m panaanicca.m dukkha.m vipari.naama-dhamma.m, kalla.m nu ta.m samanupassitu.m. Eta.m mama, eso hamasmi, eso me attaa' ti.|| ||

No h'eta.m bhante.|| ||

Ta.m ki.m ma~n~natha bhaginiyo.|| ||

Gandhaa niccaa vaa aniccaa vaa' ti.|| ||

Aniccaa bhante.|| ||

Ya.m panaanicca.m dukkha.m vaa ta.m sukha.m vaa' ti.|| ||

Dukkha.m bhante.|| ||

Ya.m panaanicca.m dukkha.m vipari.naama-dhamma.m, kalla.m nu ta.m samanupassitu.m. Eta.m mama,

Esohamasmi, eso me attaa' ti.|| ||

No h'eta.m bhante.|| ||

Ta.m ki.m ma~n~natha bhaginiyo. Rasaa niccaa vaa aniccaa vaa' ti.|| ||

Aniccaa bhante.|| ||

Ya.m panaanicca.m dukkha.m vaa ta.m sukha.m vaa' ti.|| ||

Dukkha.m bhante.|| ||

Ya.m panaanicca.m dukkha.m vipari.naama-dhamma.m, kalla.m nu ta.m samanupassitu.m. Eta.m mama,

Esohamasmi, eso me attaa' ti.|| ||

No h'eta.m bhante.|| ||

Ta.m ki.m ma~n~natha bhaginiyo. Pho.t.thabbaa niccaa vaa aniccaa vaa' ti.|| ||

Aniccaa bhante.|| ||

Ya.m panaanicca.m dukkha.m vaa ta.m sukha.m vaa' ti.|| ||

Dukkha.m bhante.|| ||

Ya.m panaanicca.m dukkha.m vipari.naama-dhamma.m, kalla.m nu ta.m samanupassitu.m. Eta.m mama,

Esohamasmi, eso me attaa' ti.|| ||

No h'eta.m bhante.|| ||

Ta.m ki.m ma~n~natha bhaginiyo. Dhammaa niccaa vaa aniccaa vaa' ti.|| ||

Aniccaa bhante.|| ||

Ya.m panaanicca.m dukkha.m vaa ta.m sukha.m vaa' ti.|| ||

Dukkha.m bhante.|| ||

Ya.m panaanicca.m dukkha.m vipari.naama-dhamma.m, kalla.m nu ta.m samanupassitu.m. Eta.m mama, eso hamasmi, eso me attaa' ti.|| ||

No h'eta.m bhante. Ta.m kissa hotu: pubbe va no h'eta.m bhante, yathaabhuuta.m sammappa~n~naaya sudi.t.tha.m: iti pi me cha baahiraa aayatanaa aniccaa' ti.|| ||

Saadhu saadhu bhaginiyo, eva.m h'eta.m bhaginiyo. Hoti ariyasaavakassa yathaabhuuta.m sammappa~n~naaya passato. Ta.m ki.m ma~n~natha bhaginiyo, cakkhuvi~n~naa.na.m nicca.m vaa anicca.m vaati.|| ||

Anicca.m bhante.|| ||

Ya.m panaanicca.m dukkha.m vaa ta.m sukha.m vaati.|| ||

Dukkha.m bhante.|| ||

Ya.m panaanicca.m dukkha.m vipari.naama-dhamma.m, kalla.m nu ta.m samanupassitu.m. Eta.m mama,

Esohamasmi, eso me attaa' ti.|| ||

No h'eta.m bhante.|| ||

[273] Ta.m ki.m ma~n~natha bhaginiyo, sotavi~n~naa.na.m nicca.m vaa anicca.m vaati.|| ||

Anicca.m bhante.|| ||

Ya.m panaanicca.m dukkha.m vaa ta.m sukha.m vaati.|| ||

Dukkha.m bhante.|| ||

Ya.m panaanicca.m dukkha.m vipari.naama-dhamma.m, kalla.m nu ta.m samanupassitu.m. Eta.m mama, eso hamasmi, eso me attaa' ti.|| ||

No h'eta.m bhante.|| ||

Ta.m ki.m ma~n~natha bhaginiyo, ghaanavi~n~naa.na.m nicca.m vaa anicca.m vaati.|| ||

Anicca.m bhante.|| ||

Ya.m panaanicca.m dukkha.m vaa ta.m sukha.m vaati.|| ||

Dukkha.m bhante.|| ||

Ya.m panaanicca.m dukkha.m vipari.naama-dhamma.m, kalla.m nu ta.m samanupassitu.m. Eta.m mama, eso hamasmi, eso me attaa' ti.|| ||

No h'eta.m bhante.|| ||

Ta.m ki.m ma~n~natha bhaginiyo, jihvaavi~n~naa.na.m nicca.m vaa anicca.m vaati.|| ||

Anicca.m bhante.|| ||

Ya.m panaanicca.m dukkha.m vaa ta.m sukha.m vaati.|| ||

Dukkha.m bhante.|| ||

Ya.m panaanicca.m dukkha.m vipari.naama-dhamma.m, kalla.m nu ta.m samanupassitu.m. Eta.m mama, eso hamasmi, eso me attaa' ti.|| ||

No h'eta.m bhante.|| ||

Ta.m ki.m ma~n~natha bhaginiyo, kaayavi~n~naa.na.m nicca.m vaa anicca.m vaati.|| ||

Anicca.m bhante.|| ||

Ya.m panaanicca.m dukkha.m vaa ta.m sukha.m vaati.|| ||

Dukkha.m bhante.|| ||

Ya.m panaanicca.m dukkha.m vipari.naama-dhamma.m, kalla.m nu ta.m samanupassitu.m. Eta.m mama, eso sohamasmi, eso me attaa' ti.|| ||

No h'eta.m bhante.|| ||

Ta.m ki.m ma~n~natha bhaginiyo, manovi~n~naa.na.m nicca.m vaa anicca.m vaati.|| ||

Anicca.m bhante.|| ||

Ya.m panaanicca.m dukkha.m vaa ta.m sukha.m vaatii.|| ||

Dukkha.m bhante.|| ||

Ya.m panaanicca.m dukkha.m vipari.naama-dhamma.m, kalla.m nu ta.m samanupassitu.m. Eta.m mama, eso hamasmi, eso me attaa' ti.|| ||

No h'eta.m bhante. Ta.m kissa hetu? pubbe va no h'eta.m bhante, yathaabhuuta.m sammappa~n~naaya sudi.t.tha.m: iti pi me cha vi~n~naa.nakaayaa aniccaa' ti.|| ||

Saadhu saadhu bhaginiyo, eva.m h'eta.m bhaginiyo, hoti ariyasaavakassa yathaabhuuta.m sammappa~n~naaya passato.|| ||

Seyyathaapii bhaginiyo. Telappadiipassa jhaayato telampi anicca.m vipari.naama-dhamma.m, va.t.tipi aniccaa vipari.naama-dhammaa, accipi aniccaa vipari.naama-dhammaa, aabhaapi aniccaa vipari.naama-dhammaa. Yo nu kho bhaginiyo eva.m vadeyya. 'Amussa telappadiipassa jhaayato telampi anicca.m vipari.naama-dhamma.m, va.t.tipi aniccaa vipari.naama-dhammaa. Accipi aniccaa vipari.naama-dhammaa, yaa khvaassa aabhaa, saa niccaa dhuvaa sassataa avipari.naama-dhammaa' ti. Sammaa nu kho so bhaginiyo, vadamaano vadeyyaati.|| ||

N'esaa h'eta.m bhante. Ta.m kissa hetu? amussa hi bhante, telappadiipassa jhaayato telampi anicca.m vipari.naama-dhamma.m, va.t.tipi aniccaa vipari.naama-dhammaa, accipi aniccaa vipari.naama-dhammaa, pagev'assa aabhaa aniccaa vipari.naama-dhammaa' ti.|| ||

Evam eva kho bhaginiyo, yo nu kho eva.m vadeyya, cha hi kho imaa ajjhattikaa aayatanaa aniccaa, ya~n ca kho cha ajjhattike aayatane pa.ticca pa.tisa'nvedeti sukha.m vaa dukakha.m vaa adukkha-m-asukha.m vaa, ta.m nicca.m dhuva.m sassata.m avipari.naamadhammanti. Sammaa1 nu kho so bhaginiyo, vadamaano vadeyyaa' ti.|| ||

No h'eta.m bhante. Ta.m kissa hetu? 'tajja.m tajja.m bhante. Paccayaa pa.ticca tajjaa tajjaa vedanaa uppajjanti. [274] tajjassa tajjassa paccayassa nirodhaa tajjaa tajjaa vedanaa nirujjhantii' ti.|| ||

Saadhu saadhu bhaginiyo, eva.m h'eta.m bhaginiyo, hoti ariyasaavakassa yathaabhuuta.m sammappa~n~naaya passato.|| ||

Seyyathaapii bhaginiyo, mahato rukkhassa ti.t.thato saaravato muulampi anicca.m vipari.naama-dhamma.m, khandhopi anicco vipari.naama-dhammo, saakhaapalaasampi anicca.m vipari.naama-dhamma.m, chaayaapi aniccaa vipari.naama-dhammaa. Yo nu kho bhaginiyo, eva.m vadeyya: 'amussa mahato rukkhassa ti.t.thato saaravato muulampi anicca.m vipari.naama-dhamma.m, khandhopi anicco vipari.naama-dhammo, saakhaapalaasampi anicca.m vipari.naama-dhamma.m, yaa ca khvaassa chaayaa saa niccaa dhuvaa sassataa avipari.naama-dhammaa' ti. Sammaa nu kho so bhaginiyo, vadamaano vadeyyaa' ti.|| ||

No h'eta.m bhante. Ta.m kissa hetu? 'amussa hi bhante, mahato rukkhassa ti.t.thato saaravato muulampi anicca.m vipari.naama-dhamma.m, khandhopi anicco vipari.naama-dhammo, saakhaapalaasampi anicca.m vipari.naama-dhamma.m, pagev'assa chaayaa aniccaa vipari.naama-dhammaa' ti. || ||

Evam eva kho bhaginiyo, yo nu kho eva.m vadeyya: cha kho me baahiraa aayatanaa aniccaa vipari.naama-dhammaa. Ya~n ca kho cha baahire aayatane pa.ticca pa.tisa'nvedemi sukha.m vaa dukkha.m vaa adukkha-m-asukha.m vaa, ta.m nicca.m dhuva.m sassata.m avipari.naamadhammanti, sammaa nu kho so bhaginiye, vadamaano vadeyyaa' ti.|| ||

No h'eta.m bhante. Ta.m kissa hetu? tajja.m tajja.m bhante. Paccaya.m pa.ticca tajjaa tajjaa vedanaa nirujjhantii' ti.|| ||

Saadhu saadhu bhaginiyo, eva.m h'eta.m bhaginiyo, hoti ariyasaavakassa yathaabhuuta.m sammappa~n~naaya passato.|| ||

Seyyathaa pi bhaginiyo, dakkho goghaatako vaa goghaatakantevaasii vaa gaavi.m vadhitvaa ti.nhena. Govikantanena gaavi.m vikanteyya,1 anupahacca antara.m ma.msakaaya, anupahacca baahira.m cammakaaya.m, ya.m yadeva tattha antaraa viliima.msa.m, antaraa nahaaruu, antaraa bandhana.m, ta.m tad eva ti.nhena [275] govikantanena sa~nchindeyya sa'nkanteyya sampakanteyya. Samparikanteyya. Sa~nchinditvaa, sa'nkantitvaa samparikantitvaa vidhunitvaa baahira.m cammakaaya.m ten'eva cammena ta.m gaavi.m pa.ticchaadetvaa eva.m vadeyya: 'tathevaaya.m gaavii sa.myuttaa iminaava cammenaa' ti. Sammaa nu kho so bhaginiyo, vadamaano vadeyyaa' ti.|| ||

No h'eta.m bhante. Ta.m kissa hetu? amu hi bhante, dakkho goghaatako vaa goghaatakantevaasii vaa gaavi.m vadhitvaa ti.nhena govikantanena gaavi.m sa'nkanteyya anupahacca antara.m ma.msakaaya.m. Anupahacca baahira.m cammakaaya.m, ya.m yadeva tattha antaraa viliima.msa.m, antaraa nahaaruu, antaraa bandhana.m, ta.m tad eva ti.nhena govikantanena sa~nchindeyya, sa'nkanteyya, sampakanteyya, samparikanteyya. Sa~nchinditvaa sa'nkantitvaa samparikantitvaa vidhunitvaa baahira.m cammakaaya.m ten'eva cammena ta.m gaavi.m pa.ticchaadetvaa ki~ncaapi so eva.m vadeyya: 'tathevaaya.m gaavii sa.myuttaa iminaava cammenaa' ti. Atha kho saa gaavii visa.myuttaa ten'eva cammenaa' ti.|| ||

Upamaa kho me aya.m bhaginiyo, kataa atthassa vi~n~naapanaaya. Ayamevettha attho: 'antaraa ma.msakaayoti kho bhaginiyo chann'eta.m ajjhattikaana.m aayatanaana.m adhivacana.m. Baahiro cammakaayoti kho bhaginiyo, chann'eta.m baahiraana.m aayatanaana.m adhivacana.m. Antaraa viliima.msa.m antaraa nahaaruu antaraa bandhananti kho bhaginiyo, nandiraagasseta.m adhivacana.m. Ti.nha.m govikantananti kho bhaginiyo, ariyaayeta.m pa~n~naaya adhivacana.m yaa'ya.m ariyaa pa~n~naa antaraa kilesa.m antaraa sa.myojana.m antaraa bandhana.m sa~nchindati sa'nkantati sampakantati samparikantati.|| ||

Satta kho ime bhaginiyo, bojjha'ngaa yesa.m bhaavitattaa bahuliikatattaa bhikkhu aasavana.m khayaa anaasava.m ceto-vimutti.m pa~n~naa-vimutti.m di.t.th'evadhamme saya.m abhi~n~naa sacchikatvaa upasampajja viharati. Katame satta? idha bhaginiyo, bhikkhu satisambojjha'nga.m bhaaveti vivekanissita.m viraaganissita.m nirodhanissita.m vossaggapari.naami.m, dhammavicayasambojjha'nga.m bhaaveti vivekanissita.m viraaganissita.m nirodhanissita.m vossaggapari.naami.m, viriyasambojjha'nga.m bhaaveti vivekanissita.m viraaganissita.m nirodhanissita.m vossaggapari.naami.m, piitisambojjha'nga.m bhaaveti vivekanissita.m viraaganissita.m nirodhanissita.m vossaggapari.naami.m, passaddhisambojjha'nga.m bhaaveti vivekanissita.m viraaganissita.m nirodhanissita.m vossaggapari.naami.m, samaadhisambojjha'nga.m bhaaveti vivekanissita.m viraaganissita.m nirodhanissita.m vossaggapari.naami.m, upekkhaasambojjha'nga.m bhaaveti vivekanissita.m viraaganissita.m nirodhanissita.m vossaggapari.naami.m. Ime kho bhaginiyo, satta bojjha'ngaa: yesa.m bhaavitattaa bahuliikatattaa bhikkhu aasavaana.m khayaa anaasava.m ceto-vimutti.m pa~n~naa-vimutti.m di.t.th'evadhamme saya.m abhi~n~naa sacchikatvaa upasampajja viharatii'ti|| ||

[276] Atha kho aayasmaa nandako taa bhikkhuniyo iminaa ovaadena ovaditvaa uyyojesi: 'gacchatha bhaginiyo, kaalo'ti|| ||

Atha kho taa bhikkhuniyo aayasmato nandakassa bhaasita.m abhinanditvaa anumoditvaa u.t.thaay aasanaa aayasmanta.m nandaka.m abhivaadetvaa padakkhii.na.m katvaa yena Bhagavaa, ten'upasa'nkami.msu. Upasa'nkamitvaa Bhagavanta.m abhivaadetvaa eka-m-anta.m a.t.tha.msu. Eka-m-anta.m .thitaa kho taa bhikkhuniyo Bhagavaa etad avoca: 'gacchatha bhikkhuniyo kaalo' ti.|| ||

Atha kho taa bhikkhuniyo Bhagavanta.m abhivaadetvaa padakkhii.na.m katvaa pakkami.msu.|| ||

Atha kho Bhagavaa acirapakkantiisu taasu bhikkhuniisu bhikkhuu aamantesi: 'seyyathaa pi bhikkhave, tadahuposathe caatuddase na hoti bahuno janassa ka'nkhaa vaa vimati vaa: 'uuno nu kho cando, pu.n.no nu kho cando' ti. Atha kho uuno cando tv'eva hoti. Evam eva kho bhikkhave, taa bhikkhuniyo nandakassa dhammadesanaaya attamanaa c'eva honti, no ca kho paripu.n.na sa'nkappaa' ti.|| ||

Atha kho Bhagavaa aayasmanta.m nandaka.m aamantesi: 'tena hi tva.m nandaka, sevpi taa bhikkhuniyo tenevovaadena ovadeyyaasiiti. Eva.m bhante' ti kho aayasmaa nandako Bhagavato paccassosi.|| ||

Atha kho aayasmaa nandako tassaa rattiyaa accayena pubba.nha samaya.m nivaasetvaa pattaciivara.m aadaaya Saavatthii.m pi.n.daaya paavisi. Saavatthiya.m pi.n.daaya caritvaa pacchaabhatta.m pi.n.dapaatapa.tikkanto attadutiyo yena raajakaaraamo ten'upasa'nkami. Addasa.msu kho taa bhikkhuniyo aayasmanta.m nandaka.m duuratoca aagacchanta.m, disvaana aasana.m pa~n~naapesu.m udaka~nca paadaana.m upa.t.thapesu.m. Nisiidi kho aayasmaa nandako pa~n~natte aasane, nisajja paade pakkhaalesi. Taapi kho bhikkhuniyo aayasmanta.m nandaka.m abhivaadetvaa eka-m-anta.m nisiidi.msu. Eka-m-anta.m nisinnaa kho taa bhikkhuniyo aayasmaa nandako etad avoca: 'pa.tipucchakathaa kho bhaginiyo, bhavissati. Tattha aajaanantiihi aajaanaamaatissa vacaniiya.m. Na aajaanantiihi na aajaanaamaatissa vacaniiya.m. Yassaa vaa panassa ka'nkhaa vaa vimati vaa, ahameva tattha [277] pa.tipucchitabbo: 'ida.m bhante katha.m imassa kvattho' ti.|| ||

Ettakenapi maya.m bhante, ayyassa nandakassa attamanaa abhiraddhaa, ya.m no ayyo nandako pavaaretii' ti.|| ||

Ta.m ki.m ma~n~natha bhaginiyo, cakkhu.m nicca.m vaa anicca.m vaati.|| ||

Anicca.m bhante.|| ||

Ya.m panaanicca.m, dukkha.m vaa ta.m sukha.m vaati.|| ||

Dukkha.m bhante.|| ||

Ya.m panaanicca.m dukkha.m vipari.naama-dhamma.m, kalla.m nu ta.m samanupassitu.m: 'eta.m mama, eso'ham asmi, eso me attaa' ti.|| ||

No h'eta.m bhante.|| ||

Ta.m ki.m ma~n~natha bhaginiyo, sota.m nicca.m vaa anicca.m vaati.|| ||

Anicca.m bhante.|| ||

Ya.m panaanicca.m, dukkha.m vaa ta.m sukha.m vaati.|| ||

Dukkha.m bhante.|| ||

Ya.m panaanicca.m dukkha.m vipari.naama-dhamma.m, kalla.m nu ta.m samanupassitu.m: 'eta.m mama, eso hamasmi, eso me attaa' ti.|| ||

No h'eta.m bhante.|| ||

Ta.m ki.m ma~n~natha bhaginiyo, ghaana.m nicca.m vaa anicca.m vaati.|| ||

Anicca.m bhante.|| ||

Ya.m panaanicca.m, dukkha.m vaa ta.m sukha.m vaati.|| ||

Dukkha.m bhante.|| ||

Ya.m panaanicca.m dukkha.m vipari.naama-dhamma.m, kalla.m nu ta.m samanupassitu.m: 'eta.m mama, eso hamasmi, eso me attaa' ti.|| ||

No h'eta.m bhante.|| ||

Ta.m ki.m ma~n~natha bhaginiyo, jivhaa nicca.m vaa anicca.m vaati.|| ||

Anicca.m bhante.|| ||

Ya.m panaanicca.m, dukkha.m vaa ta.m sukha.m vaati.|| ||

Dukkha.m bhante.|| ||

Ya.m panaanicca.m dukkha.m vipari.naama-dhamma.m, kalla.m nu ta.m samanupassitu.m: 'eta.m mama, eso hamasmi, eso me attaa' ti.|| ||

No h'eta.m bhante.|| ||

Ta.m ki.m ma~n~natha bhaginiyo, kaayo nicco vaa anicco vaati.|| ||

Anicco bhante.|| ||

Ya.m panaanicca.m, dukkha.m vaa ta.m sukha.m vaati.|| ||

Dukkha.m bhante.|| ||

Ya.m panaanicca.m dukkha.m vipari.naama-dhamma.m, kalla.m nu ta.m samanupassitu.m: 'eta.m mama, eso hamasmi, eso me attaa' ti.|| ||

No h'eta.m bhante.|| ||

Ta.m ki.m ma~n~natha bhaginiyo, mano nicco vaa anicco vaati.|| ||

Anicco bhante.|| ||

Ya.m panaanicca.m, dukkha.m vaa ta.m sukha.m vaati.|| ||

Dukkha.m bhante.|| ||

Ya.m panaanicca.m dukkha.m vipari.naama-dhamma.m, kalla.m nu ta.m samanupassitu.m: 'eta.m mama, eso hamasmi, eso me attaa' ti.|| ||

No h'eta.m bhante. Ta.m kissa hetu? pubbe va no h'eta.m bhante, yathaabhuuta.m sammappa~n~naaya sudi.t.tha.m: 'Iti pi me cha ajjhattikaa aayatanaa aniccaa' ti.|| ||

Saadhu saadhu bhaginiyo, eva.m h'eta.m bhaginiyo, hoti ariyasaavakassa yathaabhuuta.m sammappa~n~naaya passato. Ta.m ki.m ma~n~natha bhaginiyo, ruupaa niccaa vaa aniccaa vaati.|| ||

Aniccaa bhante.|| ||

Ya.m panaanicca.m, dukkha.m vaa ta.m sukha.m vaati.|| ||

Dukkha.m bhante.|| ||

Ya.m panaanicca.m dukkha.m vipari.naama-dhamma.m, kalla.m nu ta.m samanupassitu.m: 'eta.m mama, eso hamasmi, eso me attaati.|| ||

No h'eta.m bhante.|| ||

Ta.m ki.m ma~n~natha bhaginiyo, saddaa niccaa vaa aniccaa vaati.|| ||

Aniccaa bhante.|| ||

Ya.m panaanicca.m, dukkha.m vaa ta.m sukha.m vaati.|| ||

Dukkha.m bhante.|| ||

Ya.m panaanicca.m dukkha.m vipari.naama-dhamma.m, kalla.m nu ta.m samanupassitu.m: 'eta.m mama, eso hamasmi, eso me attaati.|| ||

No h'eta.m bhante.|| ||

Ta.m ki.m ma~n~natha bhaginiyo, gandhaa niccaa vaa aniccaa vaati.|| ||

Aniccaa bhante.|| ||

Ya.m panaanicca.m, dukkha.m vaa ta.m sukha.m vaati.|| ||

Dukkha.m bhante.|| ||

Ya.m panaanicca.m dukkha.m vipari.naama-dhamma.m, kalla.m nu ta.m samanupassitu.m: 'eta.m mama, eso hamasmi, eso me attaati.|| ||

No h'eta.m bhante.|| ||

Ta.m ki.m ma~n~natha bhaginiyo, rasaa niccaa vaa aniccaa vaati.|| ||

Aniccaa bhante.|| ||

Ya.m panaanicca.m, dukkha.m vaa ta.m sukha.m vaati.|| ||

Dukkha.m bhante.|| ||

Ya.m panaanicca.m dukkha.m vipari.naama-dhamma.m, kalla.m nu ta.m samanupassitu.m: 'eta.m mama, eso hamasmi, eso me attaati.|| ||

No h'eta.m bhante.|| ||

Ta.m ki.m ma~n~natha bhaginiyo, pho.t.thabbaa niccaa vaa aniccaa vaati.|| ||

Aniccaa bhante.|| ||

Ya.m panaanicca.m, dukkha.m vaa ta.m sukha.m vaati.|| ||

Dukkha.m bhante.|| ||

Ya.m panaanicca.m dukkha.m vipari.naama-dhamma.m, kalla.m nu ta.m samanupassitu.m: 'eta.m mama. Esohamasmi, eso me attaati.|| ||

No h'eta.m bhante.|| ||

Ta.m ki.m ma~n~natha bhaginiyo, dhammaa niccaa vaa aniccaa vaati.|| ||

Aniccaa bhante.|| ||

Ya.m panaanicca.m, dukkha.m vaa ta.m sukha.m vaati.|| ||

Dukkha.m bhante.|| ||

Ya.m panaanicca.m dukkha.m vipari.naama-dhamma.m, kalla.m nu ta.m samanupassitu.m: 'eta.m mama, eso hamasmi, eso me attaa' ti.|| ||

No h'eta.m bhante. Ta.m kissa hetu? pubbe va no h'eta.m bhante, yathaabhuuta.m sammappa~n~naaya sudi.t.tha.m: 'Iti pime cha baahiraa aayatanaa aniccaa' ti.|| ||

Saadhu saadhu bhaginiyo, eva.m h'eta.m bhaginiyo, hoti ariyasaavakassa yathaabhuuta.m sammappa~n~naaya passato.|| ||

Ta.m ki.m ma~n~natha bhaginiyo, cakkhu vi~n~naa.na.m nicca.m vaa anicca.m vaati.|| ||

Anicca.m bhante.|| ||

Ya.m panaanicca.m, dukkha.m vaa ta.m sukha.m vaati.|| ||

Dukkha.m bhante.|| ||

Ya.m panaanicca.m dukkha.m vipari.naama-dhamma.m, kalla.m nu ta.m samanupassitu.m: 'eta.m mama, eso hamasmi, eso me attaati?|| ||

No h'eta.m bhante.

Ta.m ki.m ma~n~natha bhaginiyo. Sotavi~n~naa.na.m nicca.m vaa anicca.m vaati.|| ||

Anicca.m bhante.|| ||

Ya.m panaanicca.m dukkha.m vaa ta.m sukha.m vaati.|| ||

Dukkha.m bhante.|| ||

Ya.m panaanicca.m dukkha.m vipari.naama-dhamma.m, kalla.m nu ta.m samanupassitu.m: 'eta.m mama, eso hamasmi, eso me attaa' ti?|| ||

No h'eta.m bhante.|| ||

Ta.m ki.m ma~n~natha bhaginiyo. Ghaanavi~n~naa.na.m nicca.m vaa anicca.m vaati.|| ||

Anicca.m bhante.|| ||

Ya.m panaanicca.m dukkha.m vaa ta.m sukha.m vaati.|| ||

Dukkha.m bhante.|| ||

Ya.m panaanicca.m dukkha.m vipari.naama-dhamma.m, kalla.m nu ta.m samanupassitu.m: 'eta.m mama, eso hamasmi, eso me attaa' ti?|| ||

No h'eta.m bhante.|| ||

Ta.m ki.m ma~n~natha bhaginiyo. Jivhaavi~n~naa.na.m nicca.m vaa anicca.m vaati.|| ||

Anicca.m bhante.|| ||

Ya.m panaanicca.m dukkha.m vaa ta.m sukha.m vaati.|| ||

Dukkha.m bhante.|| ||

Ya.m panaanicca.m dukkha.m vipari.naama-dhamma.m, kalla.m nu ta.m samanupassitu.m: 'eta.m mama, eso hamasmi, eso me attaa' ti?|| ||

No h'eta.m bhante.|| ||

Ta.m ki.m ma~n~natha bhaginiyo. Kaayavi~n~naa.na.m nicca.m vaa anicca.m vaati.|| ||

Anicca.m bhante.|| ||

Ya.m panaanicca.m dukkha.m vaa ta.m sukha.m vaati.|| ||

Dukkha.m bhante.|| ||

Ya.m panaanicca.m dukkha.m vipari.naama-dhamma.m, kalla.m nu ta.m samanupassitu.m: 'eta.m mama, eso hamasmi, eso me attaa' ti?|| ||

No h'eta.m bhante.|| ||

Ta.m ki.m ma~n~natha bhaginiyo. Manovi~n~naa.na.m nicca.m vaa anicca.m vaati.|| ||

Anicca.m bhante.|| ||

Ya.m panaanicca.m dukkha.m vaa ta.m sukha.m vaati.|| ||

Dukkha.m bhante.|| ||

Ya.m panaanicca.m dukkha.m vipari.naama-dhamma.m kalla.m nu ta.m samanupassitu.m: 'eta.m mama, eso'ham asmi, eso me attaa' ti.|| ||

No h'eta.m bhante, ta.m kissa hetu: pubbe va no h'eta.m bhante. Yathaabhuuta.m sammappa~n~naaya sudi.t.tha.m: 'Iti pi me cha vi~n~naa.nakaayaa aniccaa' ti.|| ||

Saadhu saadhu bhaginiyo, eva.m h'eta.m bhaginiyo hoti ariyasaavakassa yathaabhuuta.m sammappa~n~naaya passato.|| ||

Seyyathaa pi bhaginiyo, telappadiipassa jhaayato telampi anicca.m vipari.naama-dhamma.m, va.t.tipi aniccaa vipari.naama-dhammaa, accipi aniccaa vipari.naama-dhammaa, aabhaapi aniccaa vipari.naama-dhammaa. Yo nu kho, bhaginiyo, eva.m vadeyya: 'amussa telappadiipassa jhaayato telampi anicca.m vipari.naama-dhamma.m, va.t.tipi aniccaa vipari.naama-dhammaa, accipi aniccaa vipari.naama-dhammaa, yaa ca khvaassa aabhaa saa niccaa dhuvaa sassataa avipari.naama-dhammaa' ti. Sammaa nu kho so bhaginiyo, vadamaano vadeyyaati.|| ||

No h'eta.m bhante, ta.m kissa hetu: 'amussa hi bhante, telappadiipassa jhaayato telampi anicca.m vipari.naama-dhamma.m, va.t.tipi aniccaa vipari.naama-dhammaa, accipi aniccaa vipari.naama-dhammaa, pagev'assa aabhaa aniccaa vipari.naama-dhammaa'tii.|| ||

Eva meva kho bhaginiyo, yo nu kho eva.m vadeyya: 'cha kho me ajjhattikaa aayatanaa aniccaa, ya~n ca kho cha ajjhattike aayatane pa.ticca pa.tisa'nvedemi sukha.m vaa dukkha.m vaa adukkha-m-asukha.m vaa. Ta.m nicca.m dhuva.m sassata.m avipari.naamadhamma'nti. Sammaa nu kho so bhaginiyo, vadamaano vadeyyaa' ti.|| ||

No h'eta.m bhante. Ta.m kissa hetu? 'tajja.m tajja.m bhante, paccaya.m pa.ticca tajjaa tajjaa vedanaa uppajjanti. Tajjassa tajjassa paccayassa nirodhaa tajjaa tajjaa vedanaa nirujjhantii'ti|| ||

Saadhu saadhu bhaginiyo, eva.m h'eta.m bhaginiyo, hoti ariyasaavakassa yathaabhuuta.m sammappa~n~naaya passato.|| ||

Seyyathaa pi bhaginiyo, mahato rukkhassa ti.t.thato saaravato muulampi anicca.m vipari.naama-dhamma.m, khandhopi anicco vipari.naama-dhammo, saakhaapalaasampi anicca.m vipari.naama-dhamma.m, chaayaapi aniccaa vipari.naama-dhammaa. Yo nu kho bhaginiyo, eva.m vadeyya: 'amussa mahato rukkhassa ti.t.thato saaravato muulampi anicca.m vipari.naama-dhamma.m, khandhopi anicco vipari.naama-dhammo, saakhaapalaasampi anicca.m vipari.naama-dhamma.m, yaa ca khvaassa chaayaa saa niccaa dhuvaa sassataa avipari.naama-dhammo' ti. 'Sammaa nu kho so bhaginiyo, vadamaano vadeyyaa' ti.|| ||

No h'eta.m bhante. Ta.m kissa hetu? 'amussa hi bhante mahato rukkhassa ti.t.thato saaravato muulampi anicca.m vipari.naama-dhamma.m, khandhopi anicco vipari.naama-dhammo, saakhaapalaasampi anicca.m vipari.naama-dhamma.m, pagev'assa chaayaa aniccaa vipari.naama-dhammaa' ti. || ||

Evam eva kho bhaginiyo, yo nu kho eva.m vadeyya: 'cha kho me baahiraa aayatanaa aniccaa vipari.naama-dhammaa, ya~n ca kho cha baahire aayatane pa.ticca pa.tisa'nvedeti sukha.m vaa dukkha.m vaa adukkha-m-asukha.m vaa, ta.m nicca.m dhuva.m sassata.m avipari.naamadhamma'nti. Sammaa nu kho so bhaginiyo, vadamaano vadeyyaa' ti.|| ||

No h'eta.m bhante. Ta.m kissa hetu 'tajja.m tajja.m bhante, paccaya.m pa.ticca tajjaa tajjaa vedanaa uppajjanti. Tajjassa tajjassa paccayassa nirodhaa tajjaa tajjaa vedanaa nirujjhantii' ti.|| ||

Saadu saadhu bhaginiyo, eva.m h'eta.m bhaginiyo, hoti ariyasaavakassa yathaabhuuta.m sammappa~n~naaya passato.|| ||

Seyyathaa pi bhaginiyo, dakkho goghaatako vaa goghaatakantevaasii vaa gaavi.m vadhitvaa ti.nhena govikantanena gaavi.m vikanteyya, anupahacca antara.m ma.msakaaya.m, anupahacca baahira.m cammakaaya.m, ya.m yadeva tattha antaraa viliima.msa.m, antaraa nahaaruu, antaraa bandhana.m, ta.m tad eva ti.nhena govikantanena sa~nchindeyya sa'nkanteyya sampakanteyya samparikanteyya, sa~nchinditvaa sa'nkantitvaa sampakantitvaa samparikantitvaa vidhunitvaa baahira.m cammakaaya.m, ten'eva cammena ta.m gaavi.m pa.ticchaadetvaa eva.m vadeyya: 'tathevaaya.m gaavii sa.myuttaa iminaa cammenaa' ti. 'Sammaa nu kho so bhaginiyo, vadamaano vadeyyaa' ti.|| ||

No h'eta.m bhante, ta.m kissa hetu. 'Asu hi bhante dakkho goghaatako vaa goghaatakantevaasii vaa gaavi.m vadhitvaa ti.nhena govikantanena gaavi.m vikanteyya, anupahacca antara.m ma.msakaaya.m, anupahacca baahira.m cammakaaya.m, ya.m yadeva tattha antaraa viliima.msa.m, antaraa nahaaruu, antaraa bandhana.m, ta.m tad eva ti.nhena govikantanena sa~nchindeyya sa'nkanteyya sampakanteyya samparikanteyya, sa~nchinditvaa sa'nkantitvaa sampakantitvaa samparikantitvaa vidhunitvaa baahira.m cammakaaya.m ten'eva cammena ta.m gaavi.m pa.ticchaadetvaa ki~ncaapi so eva.m vadeyya: 'tathevaaya.m gaavii sa.myuttaa iminaa cammenaa' ti. Atha kho saa gaavii visa.myuttaa ten'eva cammenaa' ti.|| ||

Upamaa kho me aya.m bhaginiyo, kataa atthassa vi~n~naapanaaya. Ayamevettha attho: 'antaraa ma.msakaayoti kho bhaginiyo, chann'eta.m ajjhattikaana.m aayatanaana.m adhivacana.m. Baahiro cammakaayoti kho bhaginiyo, chann'eta.m baahiraana.m aayatanaana.m adhivacana.m. Antaraa viliima.msa.m antaraa nahaaruu antaraa bandhananti kho bhaginiyo, nandiraagasseta.m adhivacana.m. Ti.nha.m govikantanti kho bhaginiyo, ariyaayeta.m pa~n~naaya adhivacana.m, yaa'ya.m ariyaa pa~n~naa antaraa kilesa.m antaraa sa.myojana.m antaraa bandhana.m sa~nchindati sa'nkantati sampakantati samparikantati.|| ||

Satta kho panime bhaginiyo, bojjha'ngaa yesa.m bhaavitattaa bahuliikatattaa bhikkhu aasavaana.m khayaa anaasava.m ceto-vimutti.m pa~n~naa-vimutti.m di.t.th'evadhamme saya.m abhi~n~naa sacchikatvaa upasampajja viharati katame satta: idha bhaginiyo, bhikkhu satisambojjha'nga.m bhaaveti vivekanissita.m viraaganissita.m nirodhanissita.m vossaggapari.naami.m.|| ||

Dhammavijayasambojjha'nga.m bhaaveti vivekanissita.m viraaganissita.m nirodhanissita.m vossaggapari.naami.m.|| ||

Viriyasambojjha'nga.m bhaaveti vivekanissita.m viraaganissita.m nirodhanissita.m vossaggapari.naami.m.|| ||

Piitisambojjha'nga.m bhaaveti vivekanissita.m viraaganissita.m nirodhanissita.m vossaggapari.naami.m.|| ||

Passaddhisambojjha'nga.m bhaaveti vivekanissita.m viraaganissita.m nirodhanissita.m vossaggapari.naami.m.|| ||

Samaadhisambojjha'nga.m bhaaveti vivekanissita.m viraaganissita.m nirodhanissita.m vossaggapari.naami.m.|| ||

Upekkhaasambojjha'nga.m bhaaveti vivekanissita.m viraaganissita.m nirodhanissita.m vossaggapari.naami.m.|| ||

Ime kho bhaginiyo satta bojjha'ngo yesa.m bhaavitattaa bahuliikatattaa bhikkhuu aasavaana.m khayaa anaasava.m ceto vimutti.m pa~n~naa-vimutti.m di.t.th'evadhamme saya.m abhi~n~naa sacchikatvaa upasampajja viharatii' ti.|| ||

Atha kho aayasmaa nandako taa bhikkhuniyo iminaa ovaadena ovaditvaa uyyojesi: 'gacchatha bhaginiyo, kaalo' ti.|| ||

Atha kho taa bhikkhuniyo aayasmato nandakassa bhaasita.m abhinanditvaa anumoditvaa u.t.thaay aasanaa aayasmanta.m nandaka.m abhivaadetvaa padakkhi.na.m katvaa yena Bhagavaa. Tenupasa'nkami.msu. Upasa'nkamitvaa Bhagavanta.m abhivaadetvaa eka-m-anta.m a.t.tha.msu. Eka-m-anta.m .thitaa kho taa bhikkhuniyo Bhagavaa etad avoca: 'gacchatha bhikkhuniyo, kaalo' ti.|| ||

Atha kho taa bhikkhuniyo Bhagavanta.m abhivaadetvaa padakkhi.na.m katvaa pakkami.msu. Atha kho Bhagavaa acirapakkantiisu taasu bhikkhuniisu bhikkhuu aamantesi: 'seyyathaa pi bhikkhave, tadahuposathe pa.n.narase na hoti bahuno janassa ka'nkhaa vaa vimati vaa: uuno nu kho cando pu.n.no nu kho cando'ti, atha kho pu.n.no candotv'eva hoti. Evam eva kho bhikkhave, taa bhikkhuniyo nandakassa dhammadesanaaya attamanaa c'eva paripu.n.na-sa'nkappaa ca. Taasa.m bhikkhave, pa~ncanna.m bhikkhuniisataana.m yaa pacchimaa1 bhikkhunii, saa sotaapannaa avinipaatadhammaa niyataa sambodhiparaaya.naati.|| ||

Idam avoca Bhagavaa. Attamanaa te bhikkhuu Bhagavato bhaasita.m abhinandunti.|| ||

Nandak'ovaadasutta.m catuttha.m


 

Contact:
E-mail
Copyright Statement