Majjhima Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Majjhima Nikaaya
III. Upari Pa.n.naasa
5. Sa.laayatana Vagga

Sutta 147

Cuu.la Raahul'ovaada Sutta.m

Based on the 'Sri Lanka Buddha Jayanti Tripitaka Series.'

 


 

[1][chlm][pts][than][ntbb][upal] Eva.m me suta.m:

Eka.m samaya.m Bhagavaa Saavatthiiya.m viharati Jetavane Anaathapi.n.dikassa aaraame.|| ||

2. Atha kho Bhagavato rahogatassa pa.tisalliinassa eva.m cetaso parivitakko udapaadi.|| ||

Paripakkaa kho Raahulassa vimuttiparipaacaniiyaa dhammaa.|| ||

Yan'nuunaaha.m Raahula.m uttari.m aasavaana.m khaye vineyyanti.|| ||

Atha kho Bhagavaa pubba.nha-samaya.m nivaasetvaa pattaciivara.m aadaaya Saavatthii.m pi.n.daaya paavisi.|| ||

Saavatthiya.m pi.n.daaya caritvaa pacchaabhatta.m pi.n.dapaatapa.tikkanto aayasmanta.m Raahula.m aamantesi:||
ga.nhaahi Raahula nisiidana.m,||
yena andhavana.m ten'upasa'nkamissaama divaavihaaraayaa' ti.|| ||

Eva.m bhante' ti kho aayasmaa raahulo Bhagavato pa.tissutvaa nisiidana.m aadaaya Bhagavanta.m pi.t.thato anubandhi.|| ||

Tena kho pana samayena anekaani devataasahassaani Bhagavanta.m anubandhaani honti.|| ||

Ajja Bhagavaa aayasmanta.m Raahula.m uttari.m aasavaana.m khaye vinessatii' ti.|| ||

Atha kho Bhagavaa andhavana.m ajjhogahetvaa a~n~natarasmi.m rukkhamuule pa~n~natte aasane nisiidi.|| ||

Aayasmaa pi kho raahulo Bhagavanta.m abhivaadetvaa eka-m-anta.m nisiidi.|| ||

Eka-m-anta.m nisinna.m kho aayasmanta.m Raahula.m Bhagavaa etad avoca:|| ||

3. Ta.m ki.m ma~n~nasi Raahula?|| ||

Cakkhu.m nicca.m vaa anicca.m vaati.|| ||

Anicca.m bhante. Ya.m panaanicca.m,||
dukkha.m vaa ta.m sukha.m vaati.|| ||

Dukkha.m bhante. Ya.m panaanicca.m dukkha.m vipari.naama-dhamma.m,||
kalla.m nu ta.m samanupassitu.m:|| ||

'Eta.m mama,||
eso'ham asmi,||
eso me attaa' ti.|| ||

No h'eta.m bhante.|| ||

Ta.m ki.m ma~n~nasi Raahula?|| ||

Ruupaa niccaa vaa aniccaa vaati.|| ||

Aniccaa bhante.|| ||

Ya.m panaanicca.m,||
dukkha.m vaa ta.m sukha.m vaati.|| ||

Dukkha.m bhante.|| ||

Ya.m panaanicca.m dukkha.m vipari.naama-dhamma.m,||
kalla.m nu ta.m samanupassitu.m:|| ||

'Eta.m mama,||
eso ham'asmi,||
eso me attaa' ti.|| ||

No h'eta.m bhante.|| ||

Ta.m ki.m ma~n~nasi Raahula?|| ||

Cakkhu-vi~n~naa.na.m nicca.m vaa anicca.m vaati.|| ||

Anicca.m bhante.|| ||

Ya.m panaanicca.m,||
dukkha.m vaa ta.m sukha.m vaati.|| ||

Dukkha.m bhante.|| ||

Ya.m panaanicca.m dukkha.m vipari.naama-dhamma.m,||
kalla.m nu ta.m samanupassitu.m:|| ||

'Eta.m mama,||
eso ham'asmi,||
eso me attaa' ti.|| ||

Eso me attaa' ti.|| ||

No eta.m bhante.|| ||

Ta.m ki.m ma~n~nasi Raahula?|| ||

Cakkhu-samphasso nicco vaa anicco vaati.|| ||

Anicco bhante.|| ||

'Ya.m panaanicca.m,||
dukkha.m vaa ta.m sukha.m vaa' ti.|| ||

Dukkha.m bhante.|| ||

Ya.m panaanicca.m dukkha.m,||
vipari.naama-dhamma.m,||
kalla.m nu ta.m samanupassitu.m:|| ||

'Eta.m mama,||
eso ham'asmi,||
eso me attaa' ti.|| ||

No h'eta.m bhante.|| ||

Ta.m ki.m ma~n~nasi Raahula?|| ||

Yam pida.m cakkhusamphassa-paccayaa uppajjati vedanaagata.m sa~n~naagata.m sankhaara-gata.m vi~n~naa.na-gata.m.|| ||

Tam pi nicca.m vaa anicca.m vaa' ti.|| ||

Anicca.m bhante.|| ||

Ya.m panaanicca.m dukkha.m vaa ta.m sukha.m vaati.|| ||

Dukkha.m bhante.|| ||

Ya.m panaanicca.m dukkha.m vipari.naama-dhamma.m,||
kalla.m nu ta.m samanupassitu.m:|| ||

'Eta.m mama,||
eso ham'asmi,||
eso me attaa' ti.|| ||

No h'eta.m bhante.|| ||

4. Ta.m ki.m ma~n~nasi Raahula?|| ||

Sota.m nicca.m vaa anicca.m vaati.|| ||

Anicca.m bhante.|| ||

Ya.m panaanicca.m.|| ||

Dukkha.m vaa ta.m sukha.m vaati.|| ||

Dukkha.m bhante.|| ||

Ya.m panaanicca.m dukkha.m vipari.naama-dhamma.m,||
kalla.m nu ta.m samanupassitu.m:|| ||

'Eta.m mama,||
eso ham'asmi,||
eso me attaa' ti.|| ||

No h'eta.m bhante.|| ||

5. Ta.m ki.m ma~n~nasi Raahula?|| ||

Ghaana.m nicca.m vaa anicca.m vaa' ti.|| ||

Anicca.m bhante.|| ||

Ya.m panaanicca.m.|| ||

Dukkha.m vaa ta.m sukha.m vaati.|| ||

Dukkha.m bhante.|| ||

Ya.m panaanicca.m dukkha.m vipari.naama-dhamma.m,||
kalla.m nu ta.m samanupassitu.m:|| ||

'Eta.m mama,||
eso ham'asmi,||
eso me attaa' ti.|| ||

No h'eta.m bhante.|| ||

6. Ta.m ki.m ma~n~nasi Raahula? Jivhaa niccaa vaa aniccaa vaa' ti.|| ||

Aniccaa bhante.|| ||

Ya.m panaanicca.m.|| ||

Dukkha.m vaa ta.m sukha.m vaati.|| ||

Dukkha.m bhante.|| ||

Ya.m panaanicca.m dukkha.m vipari.naama-dhamma.m,||
kalla.m nu ta.m samanupassitu.m:|| ||

'Eta.m mama,||
eso ham'asmi,||
eso me attaa' ti.|| ||

No h'eta.m bhante.|| ||

7. Ta.m ki.m ma~n~nasi Raahula?|| ||

Kaayo nicco vaa anicco vaa' ti.|| ||

Anicco bhante.|| ||

Ya.m panaanicca.m.|| ||

Dukkha.m vaa ta.m sukha.m vaati.|| ||

Dukkha.m bhante.|| ||

Ya.m panaanicca.m dukkha.m vipari.naama-dhamma.m,||
kalla.m nu ta.m samanupassitu.m:|| ||

'Eta.m mama,||
eso ham'asmi,||
eso me attaa' ti.|| ||

No h'eta.m bhante.|| ||

8. Ta.m ki.m ma~n~nasi Raahula? Mano nicco vaa anicco vaati.|| ||

Anicco bhante.|| ||

Ya.m panaanicca.m.|| ||

Dukkha.m vaa ta.m sukha.mvaati.|| ||

Dukkha.m bhante.|| ||

Ya.m panaanicca.m dukkha.m vipari.naama-dhamma.m,||
kalla.m nu ta.m samanupassitu.m:|| ||

'Eta.m mama,||
eso ham'asmi,||
eso me attaa' ti.|| ||

Ta.m ki.m ma~n~nasi Raahula?|| ||

Dhammaa niccaa vaa aniccaa vaati.|| ||

Aniccaa bhante.|| ||

Ya.m panaanicca.m.|| ||

Dukkha.m vaa ta.m sukha.m vaati.|| ||

Dukkha.m bhante.|| ||

Ya.m panaanicca.m dukkha.m vipari.naama-dhamma.m,||
kalla.m nu ta.m samanupassitu.m:|| ||

'Eta.m mama,||
eso ham'asmi,||
eso me attaa' ti.|| ||

No h'eta.m bhante.|| ||

Ta.m ki.m ma~n~nasi Raahula?|| ||

Mano-vi~n~naa.na.m nicca.m vaa anicca.m vaati.|| ||

Anicca.m bhante.|| ||

Ya.m panaanicca.m,||
dukkha.m vaa ta.m sukha.m vaati.|| ||

Dukkha.m bhante.|| ||

Ya.m panaanicca.m dukkha.m vipari.naama-dhamma.m kalla.m nu ta.m samanupassitu.m:|| ||

'Eta.m mama,||
eso ham'asmi,||
eso me attaa' ti.|| ||

No h'eta.m bhante.|| ||

Ta.m ki.m ma~n~nasi Raahula?|| ||

Mano-samphasso nicco vaa anicco vaati.|| ||

Anicco bhante.|| ||

Ya.m panaanicca.m,||
dukkha.m vaa ta.m sukha.m vaati.|| ||

Dukkha.m bhante.|| ||

Ya.m panaanicca.m dukkha.m vipari.naama-dhamma.m,||
kalla.m nu ta.m samanupassitu.m:|| ||

'Eta.m mama,||
eso ham'asmi,||
eso me attaa' ti.|| ||

No h'eta.m bhante.|| ||

Ta.m ki.m ma~n~nasi Raahula?|| ||

Yam pida.m mano-samphassa-paccayaa uppajjati vedanaagata.m sa~n~naagata.m sankhaara-gata.m vi~n~naa.na-gata.m.|| ||

Tam pi nicca.m vaa anicca.m vaati.|| ||

Anicca.m bhante.|| ||

Yam panaanicca.m,||
dukkha.m vaa ta.m sukha.m vaati.|| ||

Dukkha.m bhante.|| ||

Yam panaanicca.m dukkha.m vipari.naama-dhamma.m,||
kalla.m nu ta.m samanupassitu.m:|| ||

'Eta.m mama,||
eso ham'asmi,||
eso me attaa' ti.|| ||

No h'eta.m bhante.|| ||

9. Eva.m passa.m Raahula,||
sutavaa ariyasaavako cakkhusmi.m nibbindati,||
ruupesu nibbindati,||
cakkhu-vi~n~naa.ne nibbindati.|| ||

Cakkhu-samphasse nibbindati,||
yam pida.m cakkhu-samphassa-paccayaa uppajjati vedanaagata.m sa~n~naagata.m sankhaara-gata.m vi~n~naa.na-gata.m,||
tasmim pi nibbindati.|| ||

Sotasmi.m nibbindati,||
saddesu nibbindati,||
sota-vi~n~naa.ne nibbindati.|| ||

Sota-samphasse nibbindati,||
yampida.m sota-samphassa-paccayaa uppajjati vedanaagata.m sa~n~naagata.m sankhaara-gata.m vi~n~naa.na-gata.m,||
tasmim pi nibbindati.|| ||

Ghaanasmi.m nibbindati,||
gandhesu nibbindati,||
ghaanavi~n~naa.ne nibbindati.|| ||

Ghaana-samphasse nibbindati,||
yam pida.m ghaana-samphassa-paccayaa uppajjati vedanaagata.m sa~n~naagata.m sankhaara-gata.m vi~n~naa.na-gata.m,||
tasmim pi nibbindati.|| ||

Jivhaaya nibbindati,||
rasesu nibbindati,||
rasa-vi~n~naa.ne nibbindati.|| ||

Rasa-samphasse nibbindati,||
yampida.m rasa-samphassa-paccayaa uppajjati vedanaagata.m sa~n~naagata.m sankhaara-gata.m vi~n~naa.na-gata.m,||
tasmim pi nibbindati.|| ||

Kaayasmii.m nibbindati,||
po.t.thabbesu nibbindati,||
po.t.thabbavi~n~naa.ne nibbindati.|| ||

Pho.t.thabba-samphasse nibbindati,||
yampida.m pho.t.thabba-samphassa-paccayaa uppajjati vedanaagata.m sa~n~naagata.m sankhaara-gata.m vi~n~naa.na-gata.m,||
tasmim pi nibbindati.|| ||

Manasmi.m nibbindati,||
dhammesu nibbindati,||
mano-vi~n~naa.ne nibbindati.|| ||

Mano-samphasse nibbindati,||
yampida.m mano-samphassa-paccayaa uppajjati vedanaagata.m sa~n~naagata.m sankhaara-gata.m vi~n~naa.na-gata.m,||
tasmim pi nibbindati.|| ||

Nibbinda.m virajjati,||
viraagaa vimuccati.|| ||

Vimuttasmi.m vimuttamiti ~naa.na.m hoti:|| ||

'Khii.naa jaati||
vusita.m brahmacariya.m,||
kata.m kara.niiya.m,||
naapara.m itthattaayaati pajaanaatii' ti.|| ||

Idam avoca Bhagavaa,||
attamano aayasmaa raahulo Bhagavato bhaasita.m abhinandii ti.|| ||

Imasmi.m ca pana veyyaakara-.nasmi.m bha~n~namaane aayasmato Raahulassa anupaadaaya aasavehi citta.m vimucci.|| ||

Taasa~nca anekaana.m devataasahassaana.m viraja.m viitamala.m dhammacakkhu.m udapaadi: 'ya.m ki~nci samudaya-dhamma.m,||
sabba.m ta.m nirodhadhamman' ti.|| ||

Cuu.laraahul'ovaada sutta.m pa~ncama.m


 

Contact:
E-mail
Copyright Statement