Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

N-O-T Y-E-T P-R-O-O-F-R-E-A-D

Sa'nyutta Nikaaya
I. Sagaatha Vagga
3. Kosalasa'nyutta

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

Sutta 21

Puggala Sutta.m

[21.1][pts] Evam me suta.m eka.m samaya.m Bhagavaa Saavatthiya.m viharati Jetavane Anaathapi.n.dikassa aaraame.|| ||

2. Atha kho raajaa Pasenadii Kosalo yena Bhagavaa ten'upasa'nkami.|| ||

Upasa'nkamitvaa Bhagavanta.m abhivaadetvaa eka-m-anta.m nisiidi.|| ||

Eka-m-anta.m nisinna.m kho raajaana.m Pasenadii Kosalo Bhagavaa etad avoca:|| ||

Cattaaro me mahaaraaja puggalaa santo sa.mvijjamaanaa lokasmi.m.|| ||

3. Katame cattaaro?|| ||

Tamo tamaparaaya.no||
tamo jotiparaaya.no||
joti tamaparaaya.no||
joti jotiparaaya.noti.|| ||

4. Katha~n ca mahaaraaja.||
puggalo tamo tamaparaaya.no hoti?|| ||

Idha mahaaraaja ekacco puggalo niice kule paccaajaato hoti ca.n.daalakule vaa ve.nakule vaa nesaadakule vaa rathakaarakule vaa pukkusakule vaa dalidde app'annapaanabhojane kasiravuttike [94] yattha kasirena ghaasacchaado labbhati.|| ||

So ca hoti dubba.n.no duddasiko oko.timako bavhaabaadho.|| ||

Kaa.no vaa hoti ku.niivaa kha~njo vaa pakkhahato vaa na laabhii annassa paanassa vatthassa yaanassa maalaagandhavilepanassa seyyaavasathapadiipeyyassa.|| ||

So kaayena duccarita.m carati.|| ||

Vaacaaya duccarita.m carati.|| ||

Manasaa duccarita.m carati.|| ||

So kaayena duccarita.m caritvaa vaacaaya duccarita.m caritvaa manasaa duccarita.m caritvaa kaayassa bhedaa param mara.naa apaaya.m duggati.m vinipaata.m Niraya.m upapajjati.|| ||

Seyyathaa pi mahaaraaja puriso andhakaaraa vaa andhakaara.m gaccheyya,||
tamaa vaa tama.m gaccheyya,||
lohitamalaa vaa lohitamala.m gaccheyya,||
tathuupamaaha.m mahaaraaja ima.m puggala.m vadaami.|| ||

Eva.m kho mahaaraaja puggalo tamo tamaparaaya.no hoti.|| ||

5. Katha~n ca mahaaraaja,||
puggalo tamojotiparaaya.no hoti?|| ||

Idha mahaaraaja ekacco puggalo niice kule paccaajaato hoti ca.n.daalakule vaa ve.nakule vaa nesaadakule vaa rathakaarakule vaa pukkusakule vaa dalidde app'annapaanabhojane kasiravuttike yattha kasirena ghaasacchaado labbhati.|| ||

So ca hoti dubba.n.no duddasiko oko.timako bavhaabaadho.|| ||

Kaa.no vaa hoti ku.nii vaa kha~njo vaa pakkhahato vaa na laabhii annassa paanassa vatthassa yaanassa maalaagandhavilepanassa seyyaavasathapadiipeyyassa.|| ||

So kaayena sucarita.m carati.|| ||

Vaacaaya sucarita.m carati.|| ||

Manasaa sucarita.m carati.|| ||

So kaayena sucarita.m caritvaa vaacaaya sucarita.m caritvaa manasaa sucarita.m caritvaa kaayassa bhedaa param mara.naa sugati.m sagga.m loka.m upapajjati.|| ||

Seyyathaa pi mahaaraaja puriso||
pa.thaviyaa vaa palla'nka.m aaroheyya palla'nkaa vaa||
assapi.t.thi.m aaroheyya assapi.t.thiyaa vaa||
hattikkhandha.m aaroheyya hatthikkhandhaa vaa||
paasaada.m aaroheyya,||
tathuupamaaha.m mahaaraaja ima.m puggala.m vadaami.|| ||

Eva.m kho mahaaraaja puggalo tamo jotiparaaya.no hoti.|| ||

6. Katha~n ca mahaaraaja,||
puggalo joti tamaparaaya.no hoti?|| ||

Idha mahaaraaja ekacco puggalo ucce kule paccaajaato hoti khattiyamahaasaalakule vaa braahma.namahaasaalakule vaa gahapatimahaasaalakule vaa a.d.dhe mahaddhane mahaabhoge pahuuta- [95] jaataruuparajate pahuutavittuupakara.ne pahuutadhanadha~n~ne.|| ||

So ca hoti abhiruupo dassaniiyo paasaadiko paramaaya va.n.napokkharataaya samannaagato laabhii annassa paanassa vatthassa yaanassa maalaagandhavilepanassa seyyaavasathapadiipeyyassa.|| ||

So kaayena duccarita.m carati.|| ||

Vaacaaya duccarita.m carati.|| ||

Manasaa duccarita.m carati.|| ||

So kaayena duccarita.m caritvaa vaacaaya duccarita.m caritvaa manasaa duccarita.m caritvaa kaayassa bhedaa param mara.naa apaaya.m duggati.m viniipaata.m Niraya.m upapajjati.|| ||

Seyyathaa pi mahaaraaja puriso||
paasaadaa vaa hatthikkhandha.m oroheyya,||
hattikkhandhaa vaa assapi.t.thi.m oroheyya,||
assapi.t.thiyaa vaa palla'nka.m oroheyya,||
palla'nkaa vaa pa.thavi.m oroheyya,||
pa.thaviyaa vaa andhakaara.m paviseyya,||
tathuupamaaha.m mahaaraaja ima.m puggala.m vadaami.|| ||

Eva.m kho mahaaraaja puggalo joti tamaparaaya.no hoti.|| ||

7. Katha~n ca mahaaraaja,||
puggalo joti jotiparaaya.no hoti?|| ||

Idha mahaaraaja ekacco puggalo ucce kule paccaajaato hoti khattiyamahaasaalakule vaa braahma.namahaasaalakule vaa gahapatimahaasaalakule vaa a.d.dhe mahaddhane mahaabhoge pahuutajaataruuparajate pahuutavittuupakara.ne pahuutadhanadha~n~ne.|| ||

So ca hoti abhiruupo dassaniiyo paasaadiko paramaaya va.n.napokkharataaya samannaagato laabhii annassa paanassa vatthassa yaanassa maalaagandhavilepanassa seyyaavasathapadiipeyyassa.|| ||

So kaayena sucarita.m carati.|| ||

Vaacaaya sucarita.m carati.|| ||

Manasaa sucarita.m carati.|| ||

So kaayena sucarita.m caritvaa vaacaaya sucarita.m caritvaa manasaa sucarita.m caritvaa kaayassa bhedaa param mara.naa sugati.m sagga.m loka.m upapajjati.|| ||

Seyyathaa pi mahaaraaja puriso||
palla'nkaa vaa palla'nka.m sa'nkameyya,||
assapi.t.thiyaa vaa assapi.t.thi.m sa'nkameyya,||
hatthikkhandhaa vaa hatthikkhandha.m sa'nkameyya||
paasaadaa vaa paasaada.m sa'nkameyya||
tathuupamaaha.m mahaaraaja ima.m puggala.m vadaami.|| ||

Eva.m kho mahaaraaja puggalo joti jotiparaaya.no hoti.|| ||

[96] 8. Ime kho mahaaraaja cattaaro puggalaa santo sa.mvijjamaanaa lokasmi.m.|| ||

Daliddo puriso raaja assaddho hoti maccharii,||
Kadariyo paapasa'nkappo micchaadi.t.thi anaadaro.|| ||

Sama.ne braahma.ne vaa pi a~n~ne vaa pi va.nibbake,||
Akkosati paribhaasati n'atthiko hoti rosako,||
Dadamaana.m nivaareti yaacamaanaana bhojana.m.|| ||

Taadiso puriso raaja miiyamaano janaadhipa,||
Upeti Niraya.m ghora.m tamo tamaparaaya.no.|| ||

Daliddo puriso raaja saddho hoti amaccharii,||
Dadaati se.t.thasa'nkappo avyaggamanaso naro.|| ||

Sama.ne braahma.ne vaa pi a~n~ne vaa pi va.nibbake,||
U.t.thaaya abhivaadeti samacariyaaya sikkhati,||
Dadamaana.m na vaareti yaacamaanaana bhojana.m.|| ||

Taadiso puriso raaja miiyamaano janaadhipa,||
Upeti tidiva.m .thaana.m tamo jotiparaaya.no.|| ||

A.d.dho ve puriso raaja assaddho hoti macchari,||
Kadariyo paapasa'nkappo micchaadi.t.thi anaadaro.|| ||

Sama.ne braahma.ne vaa pi a~n~ne vaa pi va.nibbake,||
Akkosati paribhaasati n'atthiko hoti rosako,||
Dadamaana.m nivaareti yaacamaanaana bhojana.m.|| ||

Taadiso puriso raaja miiyamaano janaadhipa,||
Upeti Niraya.m ghora.m joti tamaparaaya.no.|| ||

A.d.dho ve puriso raaja saddho hoti amaccharii,||
Dadaati se.t.thasa'nkappo abyaggamanaso naro.|| ||

Sama.ne braahma.ne vaa pi a~n~ne vaa pi va.nibbake,||
U.t.thaaya abhivaadeti samacariyaaya sikkhati,||
Dadamaana.m na vaareti yaacamaanaana bhojana.m.|| ||

Taadiso puriso raaja miiyamaano janaadhipa,||
Upeti tidiva.m .thaana.m joti joti paraaya.no ti.|| ||

 

§

 

Sutta 22

Ayyakaa Sutta.m

[22.1][pts] Evam me suta.m eka.m samaya.m Bhagavaa Saavatthiya.m viharati Jetavane Anaathapi.n.dikassa aaraame.|| ||

2. Atha kho raajaa Pasenadii Kosalo divaadivassa yena Bhagavaa ten'upasa'nkami,||
upasa'nkamitvaa Bhagavanta.m abhivaadetvaa eka-m-anta.m nisiidi.|| ||

Eka-m-anta.m nisinna.m kho raajaana.m Pasenadi.m Kosala.m [97] Bhagavaa etad avaaca:|| ||

Handa kuto nu tva.m mahaaraaja,||
aagacchasi divaadivassaa ti?|| ||

3. Ayyakaa me bhante,||
kaalakataa ji.n.naa vu.d.dhaa mahallika addhagataa vayo anuppattaa viisa.mvassasatikaa jaatiyaa.|| ||

4. Ayyaka kho pana me bhante,||
piyaa ahosi manaapaa.|| ||

Hatthiratanena ce paha.m bhante,||
labheyya.m maa me ayyakaa kaalam akaasii ti,||
hattiratanam paaha.m dadeyya.m maa me ayyakaa kaalam akaasii ti.|| ||

Assaratanena ce paha.m bhante,||
labheyya.m maa me ayyakaa kaalam akaasii ti,||
assaratanam paaha.m dadeyya.m maa me ayakyaa kaalam akaasii ti.|| ||

Gaamavarena ce paaha.m bhante,||
labheyya.m maa me ayyakaa kaalam akaasii ti,||
gaamavaram paaha.m dadeyya.m maa me ayyakaa kaalam akaasii ti.|| ||

Janapadena ce paaha.m bhante,||
labheyya.m maa me ayyakaa kaalam akaasii ti,||
janapadam paaha.m dadeyya.m maa me ayyakaa kaalam akaasii ti.|| ||

5. Sabbe sattaa mahaaraaja,||
mara.nadhammaa mara.napariyosaanaa mara.na.m anatiitaa ti.|| ||

6. Acchariya.m bhante abbhuuta.m bhante,||
yaava subhaasitam ida.m bhante, Bhagavataa:|| ||

Sabbe sattaa mara.nadhammaa||
mara.napariyosaanaa||
mara.na.m anatiitaa ti.|| ||

7. Evam eta.m mahaaraaja.|| ||

Evam eta.m mahaaraaja.|| ||

Sabbe sattaa mara.nadhammaa||
mara.napariyosaanaa||
mara.na.m anatiitaa ti.|| ||

Seyyathaa pi mahaaraaja,||
yaani kaani ci kumbhakaarabhaajanaani aamakaani c'eva pakkaani ca,||
sabbaani taani bhedanadhammaani bhedanapariyosaanaani bhedana.m anatiitaani.|| ||

Evam eva kho mahaaraaja sabbe sattaa mara.nadhammaa mara.napariyosaanaa mara.na.m anatiitaa ti.

Sabbe sattaa marissanti mara.nanta.m hi jiivita.m,||
Yathaakamma.m gamissanti pu~n~napaapaphaluupagaa,||
Niraya.m paapakammantaa pu~n~nakammaa ca suggati.m.||
Tasmaa kareyya kalyaa.na.m nicaya.m samparaayika.m,||
Pu~n~naani paralokasmi.m pati.t.thaa honti paa.ninan ti.|| ||

[98]

§

 

Sutta 23

Loka Sutta.m

[23.1][pts][ati] Evam me suta.m eka.m samaya.m Bhagavaa Saavatthiya.m viharati Jetavane Anaathapi.n.dikassa aaraame.|| ||

2. Eka-m-anta.m nisinno kho raajaa pasenadi kosalo Bhagavanta.m etad avoca:|| ||

Kati nu kho bhante lokassa dhammaa uppajjamaanaa uppajjanti ahitaaya dukkhaaya aphaasuvihaaraayaa ti?|| ||

3. Tayo kho mahaaraaja lokassa dhammaa uppajjamaanaa uppajjanti ahitaaya dukkhaaya aphaasuvihaaraaya.|| ||

4. Katame tayo?|| ||

Lobho kho mahaaraaja lokassa dhammo uppajjamaano uppajjati ahitaaya dukkhaaya aphaasuvihaaraaya.|| ||

Doso kho mahaaraaja lokassa dhammo uppajjamaano uppajjati ahitaaya dukkhaaya aphaasuvihaaraaya.|| ||

Moho kho mahaaraaja lokassa dhammo uppajjamaano uppajjati ahitaaya dukkhaaya aphaasuvihaaraaya.|| ||

5. Ime kho mahaaraaja tayo lokassa dhammaa uppajjamaanaa uppajjanti ahitaaya dukkhaaya aphaasuvihaaraayaa ti.|| ||

Lobho doso ca moho ca purisa.m paapacetasa,||
Hi.msanti attasambhuutaa tacasaara.m va samphalan ti.|| ||

 

§

 

Sutta 24

Issattha Sutta.m

[24.1][pts][ati] Evam me suta.m eka.m samaya.m Bhagavaa Saavatthiya.m viharati Jetavane Anaathapi.n.dikassa aaraame.|| ||

Eka-m-anta.m nisinno kho raajaa Pasenadii Kosalo Bhagavanta.m etad avoca:|| ||

Kattha nu kho bhante daana.m daatabbanti?|| ||

3. Yattha kho mahaaraaja,||
citta.m pasiidatii ti.|| ||

4. Kattha pana bhante dinna.m mahapphalan ti?|| ||

5. A~n~na.m kho eta.m mahaaraaja kattha daana.m daatabba.m.|| ||

A~n~na.m pan'eta.m kattha dinna.m mahapphalan ti.|| ||

Siilavato kho mahaaraaja dinna.m mahapphala.m no tathaa dussiile.|| ||

Tena hi mahaaraaja ta.m ~nev'ettha pa.tipucchissaami.|| ||

Yathaa te khameyya tathaa na.m vyaakareyyaasi.|| ||

6. Ta.m kim ma~n~nasi mahaaraaja?|| ||

Idha ty aassa yuddha.m paccupa.t.thita.m sa'ngaamo samuupabbu.lho.|| ||

Atha aagaccheyya khattiyakumaaro asikkhito akatahattho akatayoggo akat- [99] upaasano bhiiru chambhii utraasii palaayii||
Bhareyyaasi ta.m purisa.m?|| ||

Attho ca te taadisena purisenaa ti?|| ||

7. Naaha.m bhante bhareyya.m ta.m purisa.m.||
Na ca me attho taadisena purisenaa ti.|| ||

8a. Atha aagaccheyya braahma.nakumaaro asikkhito atha katahattho akatayoggo akatupaasano bhiirucchambhii utraasii palaayii||
Bhareyyaasi ta.m purisa.m?||
Attho ca te taadisena purisenaa ti.|| ||

8a2. Naaha.m bhante bhareyya.m ta.m purisa.m.||
Na ca me attho taadisena purisenaati.|| ||

8b. Atha aagaccheyya vessakumaaro asikkhito akatahattho akatayoggo akatupaasano bhiirucchambhii utraasii palaayii.||
Bhareyyaasi ta.m purisa.m?||
Attho ca te taadisena purisenaa ti.|| ||

8b2. Naaha.m bhante bhareyya.m ta.m purisa.m.||
Na ca me attho taadisena purisenaati.|| ||

8c. Atha aagaccheyya suddakumaaro asikkhito akatahattho akatayoggo akatupaasano bhiirucchambhii utraasii palaayii.||
Bhareyyaasi ta.m purisa.m?||
Attho ca te taadisena purisenaa ti?|| ||

8c2. Naaha.m bhante bhareyya.m ta.m purisa.m.||
Na ca me attho taadisena purisenaa ti.|| ||

9. Ta.m kim ma~n~nasi mahaaraaja?|| ||

Idha tyaassa yuddha.m paccupa.t.thita.m sa'ngaamo samuupabbu.lho.|| ||

Atha aagacchayya khattiyakumaaro susikkhito.|| ||

Katahattho katayoggo katuupaasano abhiiru acchambhii anusitraasii apalaayii.|| ||

Bhareyyaasi ta.m purisa.m attho ca te taadisena purisenaati?|| ||

Bhareyyaaha.m bhante ta.m purisa.m attho ca me taadisena purisenaati.|| ||

Atha aagacchayya braahma.nakumaaro susikkhito katahattho katayoggo katuupaasano abhiiru acchambhii anutraasii apalaayii.|| ||

Bhareyyaasi ta.m purisa.m?|| ||

Attho ca te taadisena purisenaati?|| ||

Bhareyyaaha.m bhante ta.m purisa.m attho ca me taadisena purisenaati.|| ||

Atha aagacchayya vessakumaaro susikkhito2 katahattho katayoggo katuupaasano abhiiru acchambhii anutraasii apalaayii.|| ||

Bhareyyaasi ta.m purisa.m?|| ||

Attho ca te taadisena purisenaati?|| ||

Bhareyyaaha.m bhante ta.m purisa.m attho ca me taadisena purisenaati.|| ||

Atha aagacchayya suddakumaaro susikkhito2 katahattho katayoggo katuupaasano abhiiru acchambhii anusitraasii apalaayii.|| ||

Bhareyyaasi ta.m purisa.m?|| ||

Attho ca te taadisena purisenaati?|| ||

Bhareyyaaha.m bhante ta.m purisa.m attho ca me taadisena purisenaati.|| ||

Evam eva kho mahaaraaja,||
yasmaa kasmaa ce pi kulaa agaarasmaa anagaariya.m pabbajito hoti:|| ||

So ca hoti pa~nca'ngavippahiino pa~nca'ngasamannaagato,||
tasmi.m dinne mahapphala.m hoti.|| ||

Katamaani pa~nca a'ngaani pahiinaani honti?|| ||

Kaamacchando pahiino hoti,||
vyaapaado pahiino hoti,||
thiinamiddha.m pahiina.m hoti,||
uddhaccakukkucca.m pahiina.m hoti,||
vicikicchaa pahiinaa hoti.|| ||

Imaani pa~nca a'ngaani pahiinaani honti.|| ||

Katamehi pa~ncaha'ngehi samannaagato hoti?|| ||

Asekhena silakkhandhena samannaagato hoti,||
asekhena samaadhikkhandhena samannaagato hoti,||
asekhena pa~n~naakkhandhena [100] samannaagato hoti,||
asekhena vimuttikkhandhena samannaagato hoti,||
asekhena vimutti~naa.nadassanakkhandhena samannaagato hoti.|| ||

Imehi pa~ncaha'ngehi samannaagato hoti.|| ||

Iti pa~nca'ngavippahine pa~nca'ngasamannaagate dinna.m mahapphalanti.|| ||

Idam avoca Bhagavaa.|| ||

Ida.m vatvaa sugato athaapara.m etad avoca satthaa:|| ||

Issattha.m balaviriya~n ca yasmi.m vijjetha maa.nave,||
Ta.m yuddhattho bhare raajaa naasuura.m jaati-paccayaa.||
Tatheva khanti soracca.m dhammaa yasmi.m pati.t.thitaa,||
Tamariyavutti.m medhaavi.m hiinajaccampi puujaye.||
Kaaraye assame ramme vaasayettha bahussute,||
Papa~n ca vivane kayiraa dugge sa'nkamanaani ca.||
Anna.m paana.m khaadaniiya.m vatthasenaasanaani ca,||
Dadeyya ujubhuutesu vippasannena cetasaa.||
Yathaa hi megho thanaya.m vijjumaalii satakkaku,||
Thala.m ninna~nca puureti abhivassa.m vasundhara.m.||
Tatheva saddho Sutavaa abhisa'nkhacca bhojana.m,||
Va.nibbake tappayati annapaanena pa.n.dito,||
Aamodamaano pakireti detha dethaati bhaasati.||
Ta.m hi'ssa gajjita.m hoti devasseva pavassato,||
Saa pu~n~nadhaaraa vipulaa daataara.m abhivassatii ti.|| ||

 

§

 

Sutta 25

Pabbatuupama Sutta.m

[25.1][pts][ati][ati-olen] Evam me suta.m eka.m samaya.m Bhagavaa Saavatthiya.m viharati Jetavane Anaathapi.n.dikassa aaraame.|| ||

Eka-m-anta.m nisinna.m kho raajaana.m Pasenadi.m Kosala.m Bhagavaa etad avoca:|| ||

handa kuto nu tva.m mahaaraaja aagacchasi divaadivassaati?|| ||

Yaani taani bhante ra~n~na.m khattiyaana.m muddhaavasittaana.m issariyamadamattaana.m kaamagedhapariyu.t.thitaana.m janapadatthaacariyappattaana.m mahanta.m pa.thavima.n.dala.m abhivijiya ajjhaavasantaana.m raajakara.niiyaani santi4,||
tesvaaha.m5 etarahi ussukka.m aapannoti.|| ||

Ta.m kim ma~n~nasi mahaaraaja,||
idha te puriso [101] aagaccheyya puratthimaaya disaaya saddhaayiko paccayiko.|| ||

So ta.m upasa'nkamitvaa eva.m vadeyya:|| ||

yagghe mahaaraaja jaaneyyaasi:|| ||

aha.m aagacchaami puratthimaaya disaaya.|| ||

Tatthaddasa.m mahanta.m pabbata.m abbhasama.m.|| ||

Sabbe paa.ne nippo.thento6 aagacchati.|| ||

Ya.m te mahaaraaja kara.niiya.m ta.m karohiiti.|| ||

Atha dutiyo puriso aagaccheyya dakkhi.naaya disaaya saddhaayiko paccayiko.|| ||

So ta.m upasa'nkamitvaa eva.m vadeyya:|| ||

yagghe mahaaraaja jaaneyyaasi:|| ||

aha.m aagacchaami dakkhi.naaya disaaya.|| ||

Tatthaddasa.m mahanta.m pabbata.m abbhasama.m.|| ||

Sabbe paa.ne nippo.thento6 aagacchati.|| ||

Ya.m te mahaaraaja kara.niiya.m ta.m karohiiti.|| ||

Atha tatiyo puriso aagaccheyya pacchimaaya disaaya saddhaayiko paccayiko.|| ||

So ta.m upasa'nkamitvaa eva.m vadeyya:|| ||

yagghe mahaaraaja jaaneyyaasi:|| ||

aha.m aagacchaami pacchimaaya disaaya.|| ||

Tatthaddasa.m mahanta.m pabbata.m abbhasama.m.|| ||

Sabbe paa.ne nippo.thento6 aagacchati.|| ||

Ya.m te mahaaraaja kara.niiya.m ta.m karohiiti.|| ||

Atha catuttho puriso aagaccheyya uttaraaya disaaya saddhaayiko paccayiko.|| ||

So ta.m upasa'nkamitvaa eva.m vadeyya:|| ||

yagghe mahaaraaja jaaneyyaasi:|| ||

aha.m aagacchaami uttaraaya disaaya.|| ||

Tatthaddasa.m mahanta.m pabbata.m abbhasama.m.|| ||

Sabbe paa.ne nippo.thento6 aagacchati.|| ||

Ya.m te mahaaraaja kara.niiya.m ta.m karohiiti.|| ||

Evaruupe te mahaaraaja mahati mahabbhaye samuppanne daaru.ne manussakkhaye dullabhe manussatte kimassa kara.niyanti?|| ||

Evaruupe me bhante mahati mahabbhaye samuppanne daaru.ne manussakkhaye dullabhe manussatte kimassa kara.niiya.m a~n~natra dhammacariyaaya samacariyaaya kusalakiriyaaya pu~n~nakiriyaayaati.|| ||

Aarocemi kho te mahaaraaja,||
pativedayaami8 kho te mahaaraaja,||
adhivattati kho ta.m mahaaraaja jaraa-mara.na.m.|| ||

Adhivattamaane ca te mahaaraaja,||
jaraamara.ne kimassa kara.niiyanti?|| ||

Adhivattamaane ca me bhante jaraamara.ne kimassa kara.niiya.m a~n~natra dhammacariyaaya samacariyaaya kusalakiriyaaya pu~n~nakiriyaaya.|| ||

Yaani taani bhante ra~n~na.m khattiyaana.m muddhaavasittaana.m issariyamadamattaana.m kaamagedhapariyu.t.thitaana.m janapadatthaacariyappattaana.m mahanta.m pa.thavima.n.dala.m abhivijiya ajjhaavasantaana.m hatthiyuddhaani bhavanti.|| ||

Tesampi bhante hatthiyuddhaana.m n'atthi gati n'atthi visayo adhivattamaane jaraamara.ne.|| ||

Yaanipi taani bhante ra~n~na.m khattiyaana.m muddhaavasittaana.m issariya madamattaana.m kaamagedhapariyu.t.thitaana.m janapadatthaacariyappattaana.m mahanta.m pa.thavima.n.dala.m abhivijiya ajjhaavasantaana.m assayuddhaani bhavanti.|| ||

Tesampi bhante assayuddhaana.m n'atthi gati n'atthi visayo adhivattamaane jaraamara.ne.|| ||

Yaanipi taani bhante ra~n~na.m khattiyaana.m muddhaavasittaana.m issariya madamattaana.m kaamagedhapariyu.t.thitaana.m janapadatthaacariyappattaana.m mahanta.m pa.thavima.n.dala.m abhivijiya ajjhaavasantaana.m rathayuddhaani bhavanti.|| ||

Tesampi bhante rathayuddhaana.m n'atthi gati n'atthi visayo adhivattamaane jaraamara.ne.|| ||

Yaanipi taani bhante ra~n~na.m khattiyaana.m muddhaavasittaana.m issariya madamattaana.m kaamagedhapariyu.t.thitaana.m janapadatthaacariyappattaana.m mahanta.m pa.thavima.n.dala.m abhivijiya ajjhaavasantaana.m pattiyuddhaani bhavanti.|| ||

Tesampi [102] bhante pattiyuddhaana.m n'atthi gati n'atthi visayo adhivattamaane jaraamara.ne.|| ||

Santi kho pana bhante imasmi.m raajakule mantino mahaamattaa ye pahonti aagate paccatthike mantehi bhedayitu.m.|| ||

Tesampi bhante mantayuddhaana.m n'atthi gati n'atthi visayo adhivattamaane jaraamara.ne.|| ||

Sa.mvijjati kho pana bhante imasmi.m raajakule pahuuta.m hira~n~nasuva.n.na.m bhuumigata~nc'eva vehaasa.t.tha~nca.|| ||

Yena maya.m pahoma aagate paccatthike dhanena upalaapetu.m.|| ||

Tesampi bhante dhanayuddhaana.m n'atthi gati n'atthi visayo adhivattamaane jaraamara.ne.|| ||

Adhivattamaane ca me bhante jaraamara.ne kimassa kara.niiya.m a~n~natra dhammacariyaaya samacariyaaya kusalakiriyaaya pu~n~nakiriyaayaati.|| ||

Evam eta.m maharaaja,||
evam eta.m mahaaraaja,||
adhivattamaane ca te jaraamara.ne kimassa kara.niiya.m a~n~natra dhammacariyaaya samacariyaaya kusalakiriyaaya pu~n~nakiriyaayaati.|| ||

Idam avoca Bhagavaa.|| ||

Ida.m vatvaa sugato athaapara.m etad avoca satthaa:|| ||

Yathaa pi selaa vipulaa nabha.m aahacca pabbataa,||
Samantaa anupariyeyyu.m nippo.thentaa catuddisaa.||
Eva.m jaraa ca maccu ca adhivattanti paa.nino,||
Khattiye braahma.ne vesse sudde ca.n.daalapukkuse,||
Na ki~nci parivajjeti sabbamevaabhimaddati.||
Na tattha hatthina.m bhuumi na rathaana.m na pattiyaa,||
Na caapi mantayuddhena sakkaa jetu.m dhanena vaa.||
Tasmaa hi pa.n.dito poso sampassa.m atthamattano,||
Buddhe dhamme ca sa'nghe ca dhiiro saddha.m nivesaye.||
Yo dhammacaarii kaayena vaacaaya uda cetasaa,||
Idh'eva na.m pasa.msanti pecca sagge pamodatii ti.|| ||

Kosalavaggo tatiyo

 


Contact:
E-mail
Copyright Statement