Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 


Sa.myutta Nikaya:
Sagathavagga:

Brahma Sa.myutta

Suttas 1-15

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

I. Pa.thamo Vaggo


[136]

Sutta 1

Brahmaa Aayaacana Sutta.m

[1.1][pts][than] Eva.m me suta.m|| ||

Eka.m samaya.m Bhagavaa Uruvelaaya.m viharati najjaa Nera~njaraaya tiire Ajapaalanigrodhamuule pa.thamaabhisambuddho.|| ||

2. Atha kho Bhagavato rahogatassa pa.tisalliinassa eva.m cetaso parivitakko udapaadi.|| ||

3. Adhigato kho myaaya.m dhammo gambhiiro duddaso duranubodho santo pa.niito atakkaavacaro nipu.no pa.n.ditavedaniiyo,||
aalayaraamaa kho panaaya.m pajaa aalayarataa aalayasammuditaa aalayaraamaaya kho pana pajaaya aalayarataaya aalayasammuditaaya duddasa.m ida.m .thaana.m yad ida.m idappaccayataa pa.ticcasamuppaado.|| ||

Idam pi kho .thaana.m duddasa.m yad ida.m sabbasankhaarasamatho sabbuupadhipa.tinissaggo ta.nhakkhayo viraago nirodho nibbaa.na.m.|| ||

Aha~n c'eva kho pana Dhamma.m deseyya.m pare ca me na aajaaneyyu.m so mam'assa kilamatho saa mam'assa vihesaa ti.|| ||

4. Api ssuda.m Bhagavanta.m imaa acchariyaa gaathaayo pa.tibha.msu pubbe assutapubbaa:|| ||

Kicchena me adhigata.m halandaani pakaasitu.m,||
Raagadosaparetehi naaya.m dhammo susambudho.||
Pa.tisotagaami.m nipu.na.m gambhiira.m duddasa.m a.nu.m, Raagarattaa na dakkhinti4 tamokkhandhena aavutaati.|| ||

[137] 5. Iti Bhagavato pa.tisa~ncikkhato appossukkataaya citta.m namati no dhammadesanaaya.|| ||

6. Atha kho Brahmuno Sahampatissa Bhagavato cetasaa ceto parivitakkam a~n~naaya etad ahosi:|| ||

Nassati vata bho loko.|| ||

Vinassati vata bho loko.|| ||

Yatra hi naama Tathaagatassa arahato Sammaa-sambuddhassa appossukkataaya citta.m namati no dhammadesanaayaa ti.|| ||

7. Atha kho Brahmaa Sahampati seyyathaa pi naama balavaa puriso sammi~njita.m vaa baaha.m pasaareyya
pasaarita.m vaa baaha.m sammi~njeyya,||
evam eva brahmaloke antarahito Bhagavato purato paatu-r-ahosi.|| ||

8. Atha kho Brahmaa Sahampati eka.msa.m uttaraasa'nga.m karitvaa dakkhi.najaa.numa.n.dala.m pa.thaviya.m nihantvaa yena Bhagavaa ten'a~njali.m pa.naametvaa Bhagavanta.m etad avoca:|| ||

"Desetu bhante Bhagavaa dhamma.m desetu sugato dhamma.m.||
Santi sattaa apparajakkhajaatikaa.||
Assava.nataa Dhammassa parihaayanti.||
Bhavissanti Dhammassa a~n~naataaro" ti.|| ||

Idam avoca Brahmaa Sahampati.|| ||

Ida.m vatvaa athaapara.m etad avoca:|| ||

Paatu-r-ahosi Magadhesu pubbe||
dhammo asuddho samalehi cintito,||
Avaapur'eta.m amatassa dvaara.m||
su.nantu Dhamma.m vimalenaanubuddha.m.|| ||

Sele yathaa pabbatamuddhani .thito||
yathaa pi passe janata.m samantato,||
Tathuupama.m dhammamaya.m sumedha||
paasaadam aaruyha samantacakkhu,||
Sokaavati.n.na.m janatam apetasoko||
avekkhassu jaatijaraabhibhuutan ti.|| ||

[u.t.thehi viira vijitasa'ngaama||
satthavaaha ana.na vicara loke,||
Desetu Bhagavaa Dhamma.m a~n~naataaro bhavissantii ti.]|| ||

[138] 10. Atha kho Bhagavaa brahmuno ca ajjhesana.m viditvaa sattesu ca kaaru~n~nata.m pa.ticca Buddhacakkhunaa loka.m volokesi.|| ||

11. Addasaa kho Bhagavaa Buddhacakkhunaa loka.m volokento satte apparajakkhe mahaarajakkhe tikkhindriye mudindriye svaakaare dvaakaare suvi~n~naapaye duvi~n~naapaye app'ekacce paralokavajjabhayadassaavino viharante.|| ||

12. Seyyathaa pi naama uppaliniya.m vaa paduminiya.m vaa pu.n.dariikiniya.m vaa app'ekaccaani Uppalaani vaa padumaani vaa Pu.n.dariikaani vaa udake jaataani udake sa.mvaddhaani udakaanuggataani antonimuggaposiini.|| ||

App'ekaccaani Uppalaani vaa padumaani vaa Pu.n.dariikaani vaa udake jaataani udake sa.mvaddhaani samodaka.m .thitaani.|| ||

App'ekaccaani Uppalaani vaa padumaani vaa Pu.n.dariikaani vaa udake jaataani udake sa.mvaddhaani udakaa accuggamma .thitaani anupalittaani udakena.|| ||

Evam eva.m Bhagavaa Buddhacakkhunaa loka.m volokento addasa satte apparajakkhe mahaarajakkhe tikkhindriye mudindriye svaakaare dvaakaare suvi~n~naapaye duvi~n~naapaye app'ekacce paralokavajjabhaya dassaavino viharante.|| ||

13. Disvaana Brahmaana.m Sahampati.m gaathaaya paccabhaasi:|| ||

Apaarutaa tesa.m amatassa dvaaraa||
ye sotavante pamu~ncantu saddha.m,||
Vihi.msasa~n~nii pagu.na.m na bhaasi.m||
dhamma.m pa.niita.m manujesu Brahme ti.|| ||

14. Atha kho Brahmaa Sahampati kataavakaaso kho'mhi Bhagavataa dhammadesanaayaa ti Bhagavanta.m abhivaadetvaa padakkhi.na.m katvaa tatth'ev'antaradhaayii ti.|| ||

 

§

 

Sutta 2

Gaarava Sutta.m

[2.1][pts][than] Eva.m me suta.m|| ||

Eka.m samaya.m Bhagavaa Uruvelaaya.m viharati najjaa nera~njaraaya tiire ajapaalanigrodhamuule pa.thamaabhisambuddho.|| ||

[139] Atha kho Bhagavato rahogatassa patisalliinassa eva.m cetaso parivitakko udapaadi:||
dukkha.m kho agaaravo viharati appatisso.|| ||

Kannu khvaaha.m sama.na.m vaa braahma.na.m vaa sakkatvaa garu katvaa upanissaaya vihareyyanti.|| ||

Aparipu.n.nassa kho samaadhikkhandhassa paaripuriyaa a~n~na.m sama.na.m vaa braahma.na.m vaa sakkatvaa garu katvaa upanissaaya vihareyya.m,||
na kho panaaha.m passaami sadevake loke samaarake sabrahmake,||
sassama.nabraahma.niyaa pajaaya sadeva-manussaaya attanaa samaadhi sampannatara.m a~n~na.m sama.na.m vaa braahma.na.m vaa yamaha.m sakkatvaa garu katvaa upanissaaya vihareyyanti.|| ||

Aparipu.n.nassa kho pa~n~naakkhandhassa paaripuriyaa a~n~na.m sama.na.m vaa braahma.na.m vaa sakkatvaa garu katvaa upanissaaya vihareyya.m,||
na kho panaaha.m passaami sadevake loke samaarake sabrahmake,||
sassama.nabraahma.niyaa pajaaya sadeva-manussaaya attanaa pa~n~naa sampannatara.m a~n~na.m sama.na.m vaa braahma.na.m vaa yamaha.m sakkatvaa garu katvaa upanissaaya vihareyyanti.|| ||

Aparipu.n.nassa kho vimuttikkhandhassa paaripuriyaa a~n~na.m sama.na.m vaa braahma.na.m vaa sakkatvaa garu katvaa upanissaaya vihareyya.m,||
na kho panaaha.m passaami sadevake loke samaarake sabrahmake,||
sassama.nabraahma.niyaa pajaaya sadeva-manussaaya attanaa vimutti sampannatara.m a~n~na.m sama.na.m vaa braahma.na.m vaa yamaha.m sakkatvaa garu katvaa upanissaaya vihareyyanti.|| ||

Aparipu.n.nassa kho vimutti~naa.nadassanakkhandhassa paaripuriyaa a~n~na.m sama.na.m vaa braahma.na.m vaa sakkatvaa garu katvaa upanissaaya vihareyya.m,||
na kho panaaha.m passaami sadevake loke samaarake sabrahmake,||
sassama.nabraahma.niyaa pajaaya sadeva-manussaaya attanaa vimutti ~naa.nadassanasampannatara.m a~n~na.m sama.na.m vaa braahma.na.m vaa yamaha.m sakkatvaa garu katvaa upanissaaya vihareyya.m.|| ||

Yannuunaaha.m yvaaya.m dhammo mayaa abhisambuddho tameva dhamma.m sakkatvaa garu katvaa upanissaaya vihareyyanti.|| ||

Atha kho Brahmaa Sahampati Bhagavato cetasaa ceto parivitakkama~n~naaya seyyathaa pi naama balavaa puriso sammi~njita.m vaa baaha.m pasaareyya,||
pasaarita.m vaa baaha.m sammi~njeyya,||
evam eva.m brahmaloke antarahito Bhagavato puurato paatu-r-ahosi.|| ||

Atha khe Brahmaa Sahampati eka.msa.m uttaraasa'nga.m karitvaa yena Bhagavaa tena~njali.m pa.naametvaa Bhagavanta.m etad avoca:|| ||

[140] Evam eta.m Bhagavaa,||
evam eta.m sugata.|| ||

Yepi te bhante ahesu.m atiitam addhaana.m arahanto Sammaa-sambuddhaa te pi Bhagavanto dhamma.m yeva sakkatvaa garu katvaa upanissaaya vihari.msu.|| ||

Yepi te bhante bhavissanti anaagatam addhaana.m arahanto Sammaa-sambuddhaa te pi Bhagavanto dhamma.m yeva sakkatvaa garu katvaa upanissaaya viharissanti.|| ||

Bhagavaapi bhante etarahi araha.m Sammaa-sambuddho dhamma.m yeva sakkatvaa garu katvaa upanissaaya viharatuuti.|| ||

Idam avoca Brahmaa Sahampati.|| ||

Ida.m vatvaa athaapara.m etad avoca:|| ||

Ye cabbhatiitaa sambuddhaa ye ca buddhaa anaagataa,||
Yo cetarahi sambuddho bahunna.m sokanaasano.|| ||

Sabbe saddhammagaruno viha.msu viharanti ca,||
Athopi viharissanti esaa buddhaana dhammataa.|| ||

Tasmaa hi atthakaamena mahattamabhika'nkhataa,||
Saddhammo garu kaatabbo sara.m buddhaanasaasana.m.|| ||

 

§

 

Sutta 3

Brahmadeva Sutta.m

[3.1][pts] Eva.m me suta.m|| ||

Eka.m samaya.m Bhagavaa Saavatthiya.m viharati Jetavane Anaathapi.n.dikassa aaraame.|| ||

Tena kho pana samayena a~n~natarissaa braahma.niyaa brahmadevo naama putto Bhagavato santike agaarasmaa anagaariya.m pabbajito hoti.|| ||

Atha kho aayasmaa brahmadevo eko vuupaka.t.tho appamatto aataapi pahitatto viharanto na cirass'eva yassatthaaya kulaputtaa samma-d-eva agaarasmaa anagaariya.m pabbajanti tadanuttara.m brahmacariyapariyosaana.m di.t.the va dhamme saya.m abhi~n~naa sacchikatvaa upasampajja vihaasi.|| ||

Khii.naa jaati vusita.m brahmacariya.m kata.m kara.niiya.m naapara.m itthattaayaati abbha~n~naasi.|| ||

A~n~nataro ca panaayasmaa brahmadevo arahata.m ahosi.|| ||

Atha kho aayasmaa brahmadevo pubba.nhasamaya.m nivaasetvaa pattaciivaramaadaaya Saavatthi.m pi.n.daaya paavisi.|| ||

Saavatthiya.m sapadaana.m pi.n.daaya caramaano yena sakamaatunivesana.m ten'upasa'nkami.|| ||

[141] tena kho pana samayena aayasmato brahmadev'assa maataa braahma.nii brahmuno aahuti.m nicca.m pagga.nhaati.|| ||

Atha kho brahmuno Sahampatissa etad ahosi:||
aya.m kho aayasmato brahmadev'assa maataa braahma.nii brahmuno aahuti.m nicca.m pagga.nhaati,||
yannuunaaha.m ta.m upasa'nkamitvaa sa.mvejeyyanti.|| ||

Atha kho Brahmaa Sahampati seyyathaa pi naama balavaa puriso sammi~njita.m vaa baaha.m pasaareyya pasaarita.m vaa baaha.m sammi~njeyya.|| ||

Evam eva.m brahmaloke antarahito aayasmato brahmadev'assa maatunivesane paatu-r-ahosi.|| ||

Atha kho Brahmaa Sahampati vehaasa.m .thito aayasmato brahmadev'assa maatara.m braahma.ni.m gaathaahi ajjhabhaasi:|| ||

Duure ito braahma.nii brahmaloko yassaahuti.m pagga.nhaasi nicca.m.|| ||

Netaadiso braahma.ni brahmabhakkho ki.m jappasi brahmapatha.m ajaananti.|| ||

Eso hi te braahma.nii brahmadevo nirupadiko atidevappatto,||
Aki~ncano bhikkhu ana~n~naposii yo te so pi.n.daaya ghara.m pavi.t.tho.|| ||

Aahuneyyo vedaguu bhaavitatto naraana.m devaana~nca dakkhi.neyyo,||
Baahitvaa paapaani anupalitto ghaasesana.m iriiyati siitibhuuto.|| ||

Na tassa pacchaa na puratthamatthi santo vidhuumo anigho niraaso,||
Nikkhittada.n.do tasathaavaresu so tyaahuti.m bhu~njatu aggapi.n.da.m|| ||

Visenibhuuto upasantacitto naagova danto carati anejo,||
Bhikkhu susilo suvimuttacitto so tyaahuti.m bhu~njatu aggapi.n.da.m.|| ||

Tasmi.m pasannaa avikampamaanaa [142] pati.t.thapesi dakkhi.na.m dakkhi.neyye,||
Karohi pu~n~na.m sukhamaayatika.m disvaa muni.m braahma.ni oghati.n.nanati.|| ||

Tasmi.m pasannaa avikampamaanaa pati.t.thapesi dakkhi.na.m dakkhi.neyye,||
Akaasi pu~n~na.m sukhamaayatika.m disvaa muni.m braahma.nii oghati.n.nanti.|| ||

 

§

 

Sutta 4

Bakabrahma Sutta.m

[4.1][pts] Eva.m me suta.m|| ||

Eka.m samaya.m Bhagavaa Saavatthiya.m viharati Jetavane Anaathapi.n.dikassa aaraame.|| ||

2. Tena kho pana samayena Bakassa brahmuno evaruupa.m paapaka.m di.t.thigata.m uppanna.m hoti:||
ida.m nicca.m,||
ida.m dhuva.m,||
ida.m sassata.m,||
ida.m kevala.m,||
ida.m acavanadhamma.m||
ida.m hi na jaayati||
na jiiyati||
na miiyati||
na cavati||
na uppajjati.|| ||

Ito ca pan'a~n~na.m uttari.m nissara.na.m n'atthii ti.|| ||

3. Atha kho Bhagavaa Bakassa brahmuno cetasaa cetoparivitakkam a~n~naaya seyyathaa pi naama balavaa puriso sammi~njita.m vaa baaha.m pasaareyya pasaarita.m vaa baaha.m sammi~njeyya,||
evam eva Jetavane antarahito tasmi.m brahmaloke paatu-r-ahosi.|| ||

4. Addasaa kho Bako Brahmaa Bhagavanta.m duurato va aagacchanta.m.|| ||

Disvaana Bhagavanta.m etad avoca:|| ||

Ehi kho maarisa||
svaagata.m te maarisa||
cirassa.m kho maarisa||
ima.m pariyaaya.m akaasi yad ida.m idhaagamanaaya.|| ||

Ida.m hi maarisa nicca.m,||
ida.m dhuva.m,||
ida.m sassata.m,||
ida.m kevala.m,||
ida.m acavanadhamma.m,||
ida.m hi na jaayati||
na jiiyati||
na miiyati||
na cavati||
na uppajjati.|| ||

Ito ca pan'a~n~na.m uttari.m nissara.na.m n'atthii ti.|| ||

5. Eva.m vutte Bhagavaa Baka Brahmaana.m idam avoca:|| ||

Avijjaagato vata bho Bako Brahmaa,||
avijjaagato vata bho Bako Brahmaa.|| ||

Yatra hi naama anicca.m yeva samaana.m niccan ti vakkhati.|| ||

Addhuva.m yeva samaana.m dhuvanti vakkhati.|| ||

Asassata.m yeva samaana.m sassatanti vakkhati.|| ||

[143] Akevala.m yeva samaana.m kevalanti vakkhati.|| ||

Cavanadhamma.m yeva samaana.m acavanadhammanti vakkhati.|| ||

Yattha ca||
pana jaayati ca||
jiiyati ca||
miiyati ca||
cavati ca||
uppajjati ca.|| ||

Ta~n ca tathaa vakkhati:||
ida.m hi na jaayati||
na jiiyati||
na miiyati||
na cavati||
na uppajjati.|| ||

Santa~n ca pan'a~n~na.m uttari.m nissara.na.m,||
n'atth'a~n~na.m uttari.m nissara.nan ti vakkhatii ti.|| ||

[Bako Brahmaa:]|| ||

Dvaasattati Gotama pu~n~nakammaa||
vasavattino jaatijara.m atiitaa,||
Ayam antimaa vedagu brahmupapatti||
asmaabhijappanti janaa anekaa ti.|| ||

[Bhagavaa:]|| ||

Appa.m hi eta.m na hi diigham aayu||
ya.m tva.m Baka ma~n~nasi diigham aayu.||
Sata.m sahassaana.m Nirabbudaana.m||
aayu pajaanaami tavaaha.m brahame ti.|| ||

[Bako Brahmaa:]|| ||

Anantadassii Bhagavaa'ham asmi||
jaatijara.m sokam upaativatto,||
Ki.m me puraa.na.m vata siilavatta.m||
aacikkha me ta.m yam aha.m vija~n~naa.|| ||

[Bhagavaa:]|| ||

Ya.m tva.m apaayesi bahuu manusse||
pipaasite ghammani samparete,||
Ta.m te puraa.na.m vata siilavatta.m||
suttappabuddho va anussaraami.|| ||

Ya.m e.nikuulasmi.m jana.m gahiita.m||
amocayii gayhaka.m niyyamaana.m,||
Ta.m te puraa.na.m vata siilavatta.m||
suttappabuddho va anussaraami.|| ||

Ga'ngaaya sotasmi.m gahiitanaava.m||
luddena naagena manussakamyaa,||
Pamocayittha balasaa pasayha||
tan te puraa.na.m vata siilavatta.m||
suttappabuddho va anussaraami.|| ||

[144] Kappo ca te baddhacaro ahosi.m||
sambuddhivanta.m vatina.m ama~n~ni.m||
Tan te puraa.na.m vata siilavatta.m||
suttappabuddho va anussaraamii.|| ||

[Bako Brahmaa:]|| ||

Addhaa pajaanaasi mam'etam aayu.m||
a~n~nam pi jaanaasi tathaa hi Buddho,||
Tathaa hi tyaaya.m jalitaanubhaavo||
obhaasaya.m ti.t.thati brahmalokan ti.|| ||

 

§

 

Sutta 5

Aparaadi.t.thi Sutta.m

[5.1][pts] Eva.m me suta.m|| ||

Eka.m samaya.m Bhagavaa Saavatthiya.m viharati Jetavane Anaathapi.n.dikassa aaraame.|| ||

2. Tena kho pana samayena a~n~natarassa brahmuno evaruupa.m paapaka.m di.t.thigata.m uppanna.m hoti:|| ||

N'atthi so sama.no vaa braahma.no vaa yo'dha aagaccheyyaa ti.|| ||

3. Atha kho Bhagavaa tassa brahmuno cetasaa cetoparivitakkam-a~n~naaya seyyathaa pi naama balavaa puriso sammi~njita.m vaa baaha.m pasaareyya pasaarita.m vaa baaha.m sammi~njeyya evam eva Jetavane antarahito tasmi.m brahmaloke paatu-r-ahosi.|| ||

4. Atha kho Bhagavaa tassa brahmuno upari vehaasa.m palla'nkena nisiidi tejodhaatu.m samaapajjitvaa.|| ||

5. Atha kho aayasmato Mahaa Moggallaanassa etad ahosi:|| ||

Kaha.m nu kho Bhagavaa etarahi viharatii ti.|| ||

6. Addasaa kho aayasmaa Mahaa Moggallaano Bhagavanta.m dibbena cakkhunaa visuddhena atikkantamaanusakena tassa brahmuno upari-vehaasa.m palla'nkena nisinna.m tejodhaatu.m samaapanna.m.|| ||

Disvaana seyyathaa pi naama balavaa puriso sammi~njita.m vaa baaha.m pasaareyya,||
pasaarita.m vaa baaha.m sammi~njeyya,||
evam eva.m Jetavane antarahito tasmi.m brahmaloke paatu-r-ahosi.|| ||

7. Atha kho aayasmaa Mahaa Moggallaano puratthima.m disa.m nissaaya tassa brahmuno upari-vehaasa.m palla'nkena nisiidi,||
tejodhaatu.m samaapajjitvaa niicatara.m Bhagavato.|| ||

8. Atha kho aayasmato Mahaa-Kassapassa etad ahosi:|| ||

Kaha.m nu kho Bhagavaa etarahi viharatii ti.|| ||

Addasaa kho aayasmaa Mahaa-Kassapo Bhagavanta.m dibbena cakkhunaa visuddhena atikkantamaanusakena tassa brahmuno upari-vehaasa.m palla'nkena nisinna.m tejodhaatu.m samaapanna.m.|| ||

Disvaana seyyathaa pi naama balavaa puriso sammi~njita.m vaa baaha.m pasaareyya,||
pasaarita.m vaa baaha.m sammi~njeyya,||
evam eva.m [145] Jetavane antarahito tasmi.m brahmaloke paatu-r-ahosi.|| ||

Atha kho aayasmaa Mahaa-Kassapo dakkhi.na.m disa.m nissaaya tassa brahmuno upari-vehaasa.m palla'nkena nisiidi,||
tejodhaatu.m samaapajjitvaa niicatara.m Bhagavato.|| ||

9. Atha kho aayasmato Mahaa-Kappinassa etad ahosi:|| ||

Kaha.m nu kho Bhagavaa etarahi viharatii ti.|| ||

10. Addasaa kho aayasmaa Mahaa-Kappino Bhagavanta.m dibbena cakkhunaa visuddhena atikkantamaanusakena tassa brahmuno upari-vehaasa.m palla'nkena nisinna.m tejodhaatu.m samaapanna.m.|| ||

Disvaana seyyathaa pi naama balavaa puriso sammi~njita.m vaa baaha.m pasaareyya,||
pasaarita.m vaa baaha.m sammi~njeyya,||
evam eva.m Jetavane antarahito tasmi.m brahmaloke paatu-r-ahosi.|| ||

Atha kho aayasmaa Mahaa-Kappino pacchima.m disa.m nissaaya tassa brahmuno upari-vehaasa.m palla'nkena nisiidi,||
tejodhaatu.m samaapajjitvaa niicatara.m Bhagavato.|| ||

11. Atha kho aayasmato Anuruddhassa etad ahosi|| ||

Kaha.m nu kho Bhagavaa etarahi viharatii ti.|| ||

Addasaa kho aayasmaa Anuruddho Bhagavanta.m dibbena cakkhunaa visuddhena atikkantamaanusakena tassa brahmuno upari-vehaasa.m palla'nkena nisinna.m tejodhaatu.m samaapanna.m.|| ||

Disvaana seyyathaa pi naama balavaa puriso sammi~njita.m vaa baaha.m pasaareyya,||
pasaarita.m vaa baaha.m sammi~njeyya,||
evam eva.m Jetavane antarahito tasmi.m brahmaloke paatu-r-ahosi.|| ||

Atha kho aayasmaa Anuruddho uttara.m disa.m nissaaya tassa brahmuno upari-vehaasa.m palla'nkena nisiidi,||
tejodhaatu.m samaapajjitvaa niicatara.m Bhagavato.|| ||

12. Atha kho aayasmaa Mahaa Moggallaano ta.m Brahmaana.m gaathaaya ajjhabhaasi:|| ||

Ajjaapi te aavuso saa di.t.thi yaa te di.t.thi pure ahu,||
Passasi viitivattanta.m brahmaloke pabhassaran ti.|| ||

[Brahmaa:]|| ||

Na me maarisa saa di.t.thi yaa me di.t.thi pure ahu,||
Passaami viitiivattanta.m brahmaloke pabhassara.m,||
Svaaha.m ajja katha.m vajja.m aha.m nicco'mhi sassato ti.|| ||

14. Atha kho Bhagavaa ta.m Brahmaana.m sa.mvechetvaa seyyathaa pi naama balavaa puriso sammi~njita.m vaa baaha.m pasaareyya pasaarita.m vaa baaha.m sammi~njeyya evam eva tasmi.m brahmaloke antarahito Jetavane paatu-r-ahosi.|| ||

15. Atha kho so Brahmaa a~n~natara.m brahmapaarisajja.m aamantesi:|| ||

Ehi tva.m maarisa.|| ||

Yen'aayasmaa Mahaa Moggallaano ten'upasa'nkama.|| ||

Upasa'nkamitvaa aayasmanta.m Mahaa Moggallaana.m eva.m vadehi:|| ||

Atthi nu kho maarisa Moggallaana a~n~ne pi tassa Bhagavato saavakaa eva.m mahiddhikaa [146] eva.m mahaanubhaavaa,||
seyyathaa pi naama bhava.m Moggallaano, Kassapo, Kappino, Anuruddho ti.|| ||

16. Eva.m maarisaa ti kho so brahmapaarisajjo tassa brahmuno pa.tissutvaa yen'aayasmaa Mahaa Moggallaano ten'upasa'nkami.|| ||

17. Upasa'nkamitvaa aayasmanta.m Mahaa Moggallaana.m etad avoca:|| ||

Atthi nu kho maarisa Moggallaana a~n~ne pi tassa Bhagavato saavakaa eva.m mahiddhikaa eva.m mahaanubhaavaa,||
seyyathaa pi naama bhava.m Moggallaano, Kassapo, Kappino, Anuruddho ti.|| ||

18. Atha kho aayasmaa Mahaa Moggallaano ta.m brahmapaarisajja.m gaathaaya ajjhabhaasi:|| ||

Tevijjaa iddhippattaa ca cetopariyaayakovidaa,||
Khii.naasavaa arahanto bahuu Buddhassa saavakaa ti.|| ||

19. Atha kho so brahmapaarisajjo aayasmato Mahaa Moggallaanassa bhaasita.m abhinanditvaa anumoditvaa yena so Brahmaa ten'upasa'nkami.|| ||

Upasa'nkamitvaa ta.m Brahmaana.m etad avoca:|| ||

Aayasmaa maarisa Mahaa Moggallaano evam aaha:|| ||

"Tevijjaa iddhippattaa ca cetopariyaayakovidaa,||
Khii.naasavaa arahanto bahuu Buddhassa saavakaa" ti.|| ||

20. Idam avoca so brahmapaarisajjo attamano ca so Brahmaa tassa brahmapaarisajjassa bhaasita.m abhinandii ti.|| ||

 

§

 

Sutta 6

Pamaada Sutta.m (Brahmaloka Sutta.m)

[6.1][pts] Eva.m me suta.m|| ||

Eka.m samaya.m Bhagavaa Saavatthiya.m viharati Jetavane Anaathapi.n.dikassa aaraame.|| ||

2. Tena kho pana samayena Bhagavaa divaavihaaragato hoti pa.tisalliino.|| ||

3. Atha kho Subrahmaa ca paccekabrahmaa Suddhaavaaso ca paccekabrahmaa yena Bhagavaa ten'upasa'nkami.msu.|| ||

Upasa'nkamitvaa pacceka-dvaarabaaha.m upanissaaya a.t.tha.msu.|| ||

4. Atha kho Subrahmaa paccekabrahmaa Suddhaavaasa.m paccekabrahmaana.m etad avoca:|| ||

Akaalo kho taava maarisa Bhagavanta.m payirupaasitu.m.|| ||

Divaavihaaragato Bhagavaa pa.tisalliino ca,||
asuko ca brahmaloko iddho c'eva phiito ca,||
Brahmaa ca tatra pamaadavihaara.m viharati.|| ||

Aayaama maarisa yena so brahmaloko ten'upasa'nkamissaama.|| ||

Upasa'nkamitvaa ta.m Brahmaana.m sa.mvejeyyaamaa ti.|| ||

[147] 5. Eva.m maarisaa ti kho Suddhaavaaso paccekabrahmaa Subrahmuno paccekabrahmuno paccassosi.|| ||

6. Atha kho Subrahmaa ca paccekabrahmaa Suddhaavaaso ca paccekabrahmaa seyyathaa pi naama balavaa puriso sammi~njita.m vaa baaha.m pasaareyya pasaarita.m vaa baaha.m sammi~njeyya evam eva Bhagavato purato antarahitaa tasmi.m brahmaloke paatu-r-ahesu.m.|| ||

7. Addasaa kho so Brahmaa te Brahmaano duurato va aagacchante.|| ||

Disvaana te Brahmaano etad avoca:|| ||

Handa kuto nu tumhe maarisaa aagacchathaa ti.|| ||

8. Atha kho maya.m maarisa aagacchaama tassa Bhagavato santikaa arahato Sammaa-sambuddhassa.|| ||

Gaccheyyaasi pana tva.m maarisa tassa Bhagavato upa.t.thaana.m arahato Sammaa-sambuddhassaa ti.|| ||

9. Eva.m vutto kho so Brahmaa ta.m vacana.m anadhivaasento sahassakkhattu.m attaana.m abhinimminitvaa Subrahmaana.m paccekabrahmaana.m etad avoca:|| ||

Passasi me no tva.m maarisa evaruupa.m iddhaanubhaavan ti.|| ||

10. Passaami kho tyaaha.m maarisa evaruupa.m iddhaanubhaavan ti.|| ||

11. So khvaaha.m maarisa eva.m mahiddhiko eva.m mahaanubhaavo kassa a~n~nassa sama.nassa vaa braahma.nassa vaa upa.t.thaana.m gamissaamii ti.|| ||

12. Atha kho Subrahmaa paccekabrahmaa dvisahassakkhattu.m attaana.m abhinimminitvaa ta.m Brahmaana.m etad avoca:|| ||

Passasi me no tva.m maarisa evaruupa.m ta.m iddhaanubhaavan ti.|| ||

13. Passaami kho tyaaha.m maarisa evaruupa.m iddhaanubhaavan ti.|| ||

14. Tayaa ca kho maarisa mayaa ca sv eva Bhagavaa mahiddhikataro c'eva mahaanubhaavataro ca.|| ||

Gaccheyyaasi tva.m maarisa tassa Bhagavato upa.t.thaana.m arahato Sammaa-sambuddhassaa ti.|| ||

15. Atha kho so Brahmaa Subrahmaana.m paccekabrahmaana.m gaathaaya ajjhabhaasi:|| ||

[148] Tayo ca supa.n.naa ca ha.msaa||
vyagghiinisaa pa~nca-sataa ca jhaayino,||
Ta-y-ida.m vimaana.m jalate va brahme||
obhaasaya.m uttarassa.m disaayan ti.|| ||

16. Ki~ncaapi te ta.m jalate vimaana.m||
obhaasaya.m uttarassa.m disaaya.m,||
Ruupe ra.na.m disvaa sadaa pavedhita.m||
tasmaa na ruupe ramatii su medho ti.|| ||

17. Atha kho Subrahmaa ca paccekabrahmaa Suddhaavaaso ca paccekabrahmaa ta.m Brahmaana.m sa.mvechetvaa tatth'ev'antaradhaayi.msu.|| ||

18. Agamaasi ca kho so Brahmaa aparena samayena Bhagavato upa.t.thaana.m arahato sammaasambudadhassaa ti.|| ||

 

§

 

Sutta 7

Kokaalika Sutta.m

[7.1][pts] Eva.m me suta.m|| ||

Eka.m samaya.m Bhagavaa Saavatthiya.m viharati Jetavane Anaathapi.n.dikassa aaraame.|| ||

2. Tena kho pana samayena Bhagavaa divaavihaaragato hoti pa.tisalliino.|| ||

3. Atha kho Subrahmaa ca paccekabrahmaa Suddhaavaaso ca paccekabrahmaa yena Bhagavaa ten'upasa'nkami.msu.|| ||

Upasa'nkamitvaa paccekadvaarabaaha.m nissaaya a.t.tha.msu.|| ||

4. Atha kho Subrahmaa paccekabrahmaa Kokaalika.m bhikkhu.m aarabbha Bhagavato santike ima.m gaatha.m abhaasi:|| ||

Appameyya.m paminanto ko'dha vidvaa vikappaye,||
Appameyya.m pamaayina.m nivuta.m ma~n~ne puthujjanan ti.|| ||

 

§

 

Sutta 8

Katamorakatissa Sutta.m

[8.1][pts] Eva.m me suta.m|| ||

Eka.m samaya.m Bhagavaa Saavatthiya.m viharati Jetavane Anaathapi.n.dikassa aaraame.|| ||

2. Tena kho pana samayena Bhagavaa divaavihaaragato hoti pa.tisalliino.|| ||

3. Atha kho Subrahmaa ca paccekabrahmaa Suddhaavaaso ca paccekabrahmaa yena Bhagavaa ten'upasa'nkami.msu.|| ||

Upasa'nkamitvaa paccekadvaarabaaha.m nissaaya a.t.tha.msu.|| ||

4. Atha kho Subrahmaa paccekabrahmaa Katamodaka Tissaka.m bhikkhu.m aarabbha Bhagavato santike ima.m gaatha.m abhaasi:|| ||

[149] Appameyya.m paminanto ko'dha vidvaa vikappaye,||
Appameyya.m pamaayina.m nivuta.m ma~n~ne akissavan ti.|| ||

 

§

 

Sutta 9

Tudubrahma Sutta.m

[9.1][pts] Eva.m me suta.m|| ||

Eka.m samaya.m Bhagavaa Saavatthiya.m viharati Jetavane Anaathapi.n.dikassa aaraame.|| ||

2. Tena kho pana samayena Kokaaliko bhikkhu aabaadhiko hoti dukkhito baa.lhagilaano.|| ||

3. Atha kho Tudu paccekabrahmaa abhikkantaaya rattiyaa abhikkantava.n.no kevalakappa.m Jetavana.m obhaasetvaa yena Kokaaliko bhikkhu ten'upasa'nkami.|| ||

4. Upasa'nkamitvaa vehaasa.m .thito Kokaalika.m bhikkhu.m etad avoca:|| ||

Pasaadehi Kokaalika Saariputta-Moggallaanesu citta.m.|| ||

Pesalaa Saariputta-Moggallaanaa ti.|| ||

5. Ko'si tva.m aavuso ti?|| ||

6. Aha.m Tudu paccekabrahmaa ti.|| ||

7. Na nu tva.m aavuso Bhagavataa anaagaami byaakato.|| ||

Atha ki~ncarahi idh'aagato.|| ||

Passa yaava~n ca te ida.m aparaddhan ti.|| ||

Purisassa hi jaatassa ku.thaarii jaayate mukhe,||
Yaaya chindati attaana.m baalo dubbhaasita.m bha.na.m.||
Yo nindiya.m pasa.msati||
ta.m vaa nindati yo pasa.msiyo,||
Vicinaati mukhena so kali.m||
kalinaa tena sukha.m na vindati.||
Appamatto aya.m kali||
yo akkhesu dhanaparaajayo,||
Sabbassaapi sahaapi attanaa||
ayam eva mahantataro kali||
yo Sugatesu mana.m padosaye.||
Sata.m sahassaana.m Nirabbudaana.m||
chatti.msati pa~nca ca abbudaani,||
Yam ariyagarahii Niraya.m upeti||
vaaca.m mana~n ca pa.nidhaaya paapakan ti.|| ||

 

§

 

Sutta 10

Dukiya Kokaalika Sutta.m

[10.1][pts] Eva.m me suta.m|| ||

Eka.m samaya.m Bhagavaa Saavatthiya.m- Atha kho Kokaaliko bhikkhu yena Bhagavaa ten' [150] upasa'nkami.|| ||

Upasa'nkamitvaa Bhagavanta.m abhivaadetvaa eka-m-anta.m nisiidi.|| ||

3. Eka-m-anta.m nisinno kho Kokaaliko bhikkhu Bhagavanta.m etad avoca:|| ||

Paapicchaa bhante Saariputta-Moggallaanaa||
paapikaana.m icchaana.m vasa.m gataa ti.|| ||

4. Eva.m vutte Bhagavaa Kokaalika.m bhikkhu.m etad avoca:|| ||

Maa h'eva.m Kokaalika avaca.||
Maa h'eva.m Kokaalika avaca.|| ||

Pasaadehi Kokaalika Saariputta-Moggallaanesu citta.m.|| ||

Pesalaa Saariputta-Moggallaanaa ti.|| ||

5. Dutiyam pi kho Kokaaliko bhikkhu Bhagavanta.m etad avoca:|| ||

Ki~ncaa pi me bhante Bhagavaa saddhaayiko paccayiko.|| ||

Atha kho paapicchaa Saariputta-Moggallaanaa paapikaana.m icchaana.m vasa.m gataa ti.|| ||

6. Dutiyam pi kho Bhagavaa Kokaalika.m bhikkhu.m etad avoca:|| ||

Maa h'eva.m Kokaalika avaca.||
Maa h'eva.m Kokaalika avaca.|| ||

Pasaadehi Kokaalika Saariputta-Moggallaanesu citta.m.|| ||

Pesalaa Saariputta-Moggallaanaa ti.|| ||

7. Tatiyam pi kho Bhagavaa Kokaaliko bhikkhu Bhagavanta.m etad avoca:|| ||

Ki~ncaa pi me bhante Bhagavaa saddhaayiko paccayiko.|| ||

Atha kho paapicchaa Saariputta-Moggallaanaa paapikaana.m icchaana.m vasa.m gataa ti.|| ||

8. Tatiyam pi kho Bhagavaa Kokaalika.m bhikkhu.m etad avoca:|| ||

Maa h eva.m Kokaalika avaca.||
Maa h eva.m Kokaalika avaca.|| ||

Pasaadehi Kokaalika Saariputta-Moggallaanesu citta.m.|| ||

Pesalaa Saariputta-Moggallaanaati.|| ||

9. Atha kho Kokaaliko bhikkhu u.t.thaay'aasanaa Bhagavanta.m abhivaadetvaa padakkhi.na.m katvaa pakkaami.|| ||

10. Acirapakkantassa ca Kokaalikassa bhikkhuno saasapamattiihi p.lakaahi sabbo kaayo pu.to ahosi.|| ||

Saasapamattiyo hutvaa muggamattiyo ahesu.m.|| ||

Muggamattiyo hutvaa kalaayamattiyo ahesu.m.|| ||

Kalaayamattiyo hutvaa kola.t.thimattiyo ahesu.m.|| ||

Kola.t.thimattiyo hutvaa kolamattiyo ahesu.m.|| ||

Kolamattiyo hutvaa aamalakamattiyo ahesu.m.|| ||

Aamalakamattiyo hutvaa beluva-salaa.tukamattiyo ahesu.m.|| ||

Beluvasalaa.tukamattiyo hutvaa billamattiyo ahesu.m.|| ||

Billamattiyo hutvaa pabhijji.msu pubba~na ca lohita~n ca pagghari.msu.|| ||

11. Atha kho Kokaaliko bhikkhu ten'eva aabaadhena kaalam [151] akaasi.|| ||

Kaalakato ca Kokaaliko bhikkhu Paduma Niraya.m upapajji,||
Saariputta-Mogallaanesu citta.m aaghaatetvaa.|| ||

12. Atha kho Brahmaa Sahampati abhikkantaaya rattiyaa abhikkantava.n.no kevalakappa.m Jetavana.m obhaasetvaa yena Bhagavaa ten'upasa'nkami.|| ||

Upasa'nkamitvaa Bhagavanta.m abhivaadetvaa eka-m-anta.m a.t.thaasi.|| ||

13. Eka-m-anta.m .thito kho Brahmaa Sahampati Bhagavanta.m etad avoca:|| ||

Kokaaliko bhante bhikkhu kaalam akaasi.|| ||

Kaalakato ca bhante Kokaaliko bhikkhu Paduma.m Niraya.m upapanno Saariputta-Moggallaanesu citta.m aaghaatetvaa ti.|| ||

14. Idam avoca Brahmaa Sahampati.|| ||

Ida.m vatvaa Bhagavanta.m abhivaadetvaa padakkhi.na.m katvaa tatth'ev'antaradhaayii ti.|| ||

15. Atha kho Bhagavaa tassaa rattiyaa accayena bhikkhuu aamantesi:|| ||

Ima.m bhikkhave ratti.m Brahmaa Sahampati abhikkantaaya rattiyaa abhikkantava.n.no kevalakappa.m Jetavana.m obhaasetaa yenaaha.m ten'upasa'nkami.|| ||

Upasa'nkamitvaa ma.m abhivaadetvaa eka-m-anta.m a.t.thaasi.|| ||

Eka-m-anta.m .thito kho bhikkhave Brahmaa Sahampati ma.m etad avoca:|| ||

Kokaaliko bhante bhikkhu kaalam akaasi.|| ||

Kaalakato ca bhante Kokaaliko bhikkhu Paduma.m Niraya.m upapanno Saariputta-Moggallaanesu citta.m aaghaatetvaa ti.|| ||

Idam avoca bhikkhave Brahmaa Sahampati.|| ||

Ida.m vatvaa ma.m abhivaadetvaa padakkhi.na.m katvaa tatth'ev'antaradhaayii ti.|| ||

16. Eva.m vutte a~n~nataro bhikkhu Bhagavanta.m etad avoca:|| ||

Kiivadiigha.m nu kho bhante Paduma.m Niraya.m aayuppamaa.nan ti.|| ||

17. Diigha.m kho bhikkhu Paduma.m Niraya.m aayuppamaa.na.m.|| ||

Ta.m na sukara.m sa'nkhaatu.m ettakaani vassaani iti vaa,||
ettakaani vassasataani iti vaa,||
ettakaani vassasahassaani iti vaa,||
ettakaani vassasatasahassaani iti vaa ti.|| ||

18. Sakkaa pana bhante upama.m kaatun ti.|| ||

[152] 19. Sakkaa bhikkhuu ti Bhagavaa avoca.|| ||

Seyyathaa pi bhikkhu viisatikhaariko Kosalako tilavaaho.|| ||

Tato puriso vassasatassa vassasahassa accayena ekam eka.m tila.m uddhareyya.|| ||

Khippatara.m kho so bhikkhu viisatikhaariko Kosalako tilavaaho iminaa upakkamena parikkhaya.m pariyaadaana.m gaccheyya,||
na tv'eva eko Abbudo Nirayo.|| ||

Seyyathaa pi bhikkhu viisati Abbudaa Nirayaa,||
evameko NirAbbudo Nirayo.|| ||

Seyyathaa pi bhikkhu viisati Nirabbudaa Nirayaa,||
evameko Ababo Nirayo.|| ||

Seyyathaa pi bhikkhu viisati Ababaa Nirayaa,||
evameko A.ta.to Nirayo.|| ||

Seyyathaa pi bhikkhu viisati A.ta.taa Nirayaa,||
evameko Ahaho Nirayo.|| ||

Seyyathaa pi bhikkhu viisati Ahahaa Nirayaa,||
evameko Kumudo Nirayo.|| ||

Seyyathaa pi bhikkhu viisati Kumudaa Nirayaa,||
evameko Sogandhiko Nirayo.|| ||

Seyyathaa pi bhikkhu viisati Sogandhikaa Nirayaa,||
evameko Uppalo Nirayo.|| ||

Seyyathaa pi bhikkhu viisati Uppalaa Nirayaa,||
evameko Pu.n.dariiko Nirayo.|| ||

Seyyathaa pi bhikkhu viisati Pu.n.dariikaa Nirayaa,||
evameko Padumo Nirayo.|| ||

Paduma.m kho pana bhikkhu Niraya.m Kokaaliko bhikkhu upapanno Saariputta-Moggallaanesu citta.m aaghaatetvaati.|| ||

20. Idam avoca Bhagavaa.|| ||

Ida.m vatvaa Sugato athaapara.m etad avoca satthaa:|| ||

Purisassa hi jaatassa ku.thaarii jaayate mukhe,||
Yaaya chindati attaana.m baalo dubbhaasita.m bha.na.m.||
Yo nindiya.m pasa.msati ta.m vaa nindati yo pasa.msiyo,||
Vicinaati mukhena so kali.m kalinaa tena sukha.m na vindati.||
Appamatto aya.m kali||
yo akkhesu dhanaparaajayo,||
Sabbassaapi sahaapi attanaa||
ayam eva mahantataro kali||
Yo Sugatesu mana.m padosaye.||
Sata.m sahassaana.m nirabbudaana.m||
chatti.msati pa~nca ca abbudaani,||
[153] yam ariyagarahii Niraya.m upeti||
vaaca.m mana~n ca pa.nidhaaya paapakan ti.|| ||

 

§

II.


 

Sutta 11

Sana'nkumaara Sutta.m

[11.1][pts] Eva.m me suta.m|| ||

Eka.m samaya.m Bhagavaa Raajagahe viharati sappiniitiire.|| ||

2. Atha kho Brahmaa Sana'nkumaaro abhikkantaaya rattiyaa abhikkantava.n.no kevalakappa.m Sappiniitiira.m obhaasetvaa yena Bhagavaa ten'upasa'nkami.|| ||

Upasa'nkamitvaa Bhagavanta.m abhivaadetvaa eka-m-anta.m a.t.thaasi.|| ||

3. Eka-m-anta.m .thito kho Brahmaa Sana'nkumaaro Bhagavato santike ima.m gaatha.m abhaasi:|| ||

Khattiyo se.t.tho jane tasmi.m ye gottapa.tisaarino,||
vijjaa-cara.na-sampanno so se.t.tho devamaanuse ti.|| ||

4. Idam avoca Brahmaa Sana'nkumaaro,||
samanu~n~no satthaa ahosi.|| ||

5. Atha kho Brahmaa Sana'nkumaaro samanu~n~no me satthaa ti Bhagavanta.m abhivaadetvaa padakkhi.na.m katvaa tatth'ev'antaradhaayii ti.|| ||

 

§

 

Sutta 12

Devadatta Sutta.m

[12.1][pts] Eva.m me suta.m|| ||

Eka.m samaya.m Bhagavaa Raajagahe viharati Gijjhakuu.te pabbate acirapakkante Devadatte.|| ||

2. Atha kho Brahmaa Sahampati abhikkantaaya rattiyaa abhikkantava.n.no kevalakappa.m Gijjhakuu.ta.m pabbata.m obhaasetvaa yena Bhagavaa ten'upasa'nkami.|| ||

Upasa'nkamitvaa Bhagavanta.m abhivaadetvaa eka-m-anta.m a.t.thaasi.|| ||

[154] 3. Eka-m-anta.m .thito kho Brahmaa Sahampati Devadatta.m aarabbha Bhagavato santike ima.m gaatha.m abhaasi:|| ||

Phala.m ve kadali.m hanti phala.m ve.lu phala.m nala.m||
Sakkaaro kaapurisa.m hanti gabbho assatari.m yathaa ti.|| ||

 

§

 

Sutta 13

Andhakavinda Sutta.m

[13.1][pts][ati-olen] Eva.m me suta.m|| ||

Eka.m samaya.m Bhagavaa Magadhesu viharati Andhakavinde.|| ||

2. Tena kho pana samayena Bhagavaa ratt'-andhakaara-timisaaya.m ajjhokaase nisinno hoti.|| ||

Devo ca ekam eka.m phusaayati.|| ||

3. Atha kho Brahmaa Sahampati abhikkantaaya rattiyaa abhikkantava.n.no kevalakappa.m Andhakavinda.m obhaasetvaa yena Bhagavaa ten'upasa'nkami.||
Upasa'nkamitvaa Bhagavanta.m abhivaadetvaa eka-m-anta.m a.t.thaasi.|| ||

4. Eka-m-anta.m .thito kho Brahmaa Sahampati Bhagavato santike imaa gaathaayo abhaasi:|| ||

Sevetha pantaani senaasanaani||
careyya sa.mojanavippamokkhaa,||
Sa ce rati.m naadhigaccheyya tattha||
sa'nghe vase rakkhitatto satiimaa.|| ||

Kulaa kula.m pi.n.dikaaya caranto||
indriyagutto nipako satiimaa,||
Sevetha pantaani senaasanaani||
bhayaa pamutto abhaye vimutto.|| ||

Yattha bheravaa siri.msapaa||
vijju sa~ncarati thaneti devo,||
Andhakaaratimisaaya rattiyaa||
nisiidi tattha bhikkhu vigatalomaha.mso.|| ||

Ida.m hi jaatu me di.t.tha.m na-y-ida.m itihiitiha.m,||
Ekasmi.m brahmacariyasmi.m sahassa.m maccuhaayina.m.|| ||

Bhiyyo pa~nca-sataa sekhaa dasaa ca dasadhaa sata.m,||
Sabbe sotasamaapannaa atiracchaanagaamino,|| ||

Athaaya.m itaraa pajaa pu~n~nabhaagaati me mano,||
Sa'nkhaatu.m no pi sakkomi musaavaadassa ottapeti.|| ||

 

§

[155]

Sutta 14

Aru.navatii Sutta.m

[2.14][pts] Eva.m me suta.m|| ||

Eka.m samaya.m Bhagavaa Saavatthiya.m viharati Jetavane Anaathapi.n.diksa aaraame.|| ||

2. Tatra kho Bhagavaa 'bhikkhu' aamantesi.|| ||

3. 'Bhadante' ti te bhikkhuu Bhagavato paccassosu.m.|| ||

4. Bhagavaa etad avoca:|| ||

5. Bhuutapubba.m bhikkhave raajaa ahosi Aru.navaa naama.|| ||

Ra~n~no kho pana bhikkhave Aru.navato Aru.navatii naama raajadhaanii ahosi.|| ||

Aru.navati.m kho pana bhikkhave raajadhaaniya.m Sikhii Bhagavaa araha.m Sammaa-sambuddho upanissaaya vihaasi.|| ||

6. Sikhissa kho pana bhikkhave Bhagavato arahato Sammaa-sambuddhassa Abhibhuu-Sambhava.m naama saavakayuga.m ahosi agga.m bhaddayuga.m.|| ||

7. Atha kho bhikkhave Sikhii Bhagavaa araha.m Sammaa-sambuddho Abhibhu.m bhikkhu.m aamantesi:|| ||

Aayaama braahma.na, yena a~n~nataro brahmaloko ten'upasa'nkamissaama,||
yaava bhattassa kaalo bhavisasa ti.|| ||

8. 'Eva.m bhante' ti kho bhikkhave Abhibhuu bhikkhu Sikhissa Bhagavato arahato Sammaa-sambuddhassa paccassosi.|| ||

9. Atha kho bhikkhave Sikhii Bhagavaa araha.m Sammaa-sambuddho Abhibhuu ca bhikkhu seyyathaa pi naama balavaa puriso sammi~njita.m vaa baaha.m pasaareyya pasaarita.m vaa baaha.m sammi~njeyya evam eva Aru.navatiyaa raajadhaaniyaa antarahitaa tasmi.m brahmaloke paatu-r-ahesu.m.|| ||

10. Atha kho bhikkhave Sikhii Bhagavaa araha.m Sammaa-sambuddho Abhibhu.m bhikkhu.m aamantesi:|| ||

Pa.tibhaatu ta.m braahma.na brahmuno ca brahmaparisaaya ca brahmapaarisajjaana~n ca dhammii kathaa ti.|| ||

11. 'Eva.m bhante' ti kho bhikkhave Abhibhuu bhikkhu Sikhissa Bhagavato arahato Sammaa-sambuddhassa pa.tissutvaa Brahmaana~n ca brahmaparisa~n ca brahmapaarisajje ca dhammiyaa kathaaya sandassesi samaadapesi samuttejesi sampaha.msesi.|| ||

12. Tatra suda.m bhikkhave Brahmaa ca brahmaparisaa ca [156] brahmapaarisajjaa ca ujjhaayanti khiiyanti vipaacenti:|| ||

Acchariya.m vata bho abbhuuta.m vata bho,||
katha.m hi naama satthari sammukhiibhute saavako dhamma.m desessatii ti.|| ||

13. Atha kho bhikkhave Sikhii Bhagavaa araha.m Sammaa-sambuddho Abhibhu.m bhikkhu.m aamantesi:|| ||

Ujjhaayanti kho te braahma.na Brahmaa ca brahmaparisaa ca brahmapaarisajjaa ca.|| ||

Acchariya.m vata bho abbhuuta.m vata bho.|| ||

Katha.m hi naama satthari sammukhiibhute saavako dhamma.m desessatii ti.|| ||

Tena hi tva.m braahma.na bhiiyosomattaaya Brahmaana~n ca brahmaparisa~n ca brahmapaarisajje ca sa.mvejehii ti.|| ||

14. 'Eva.m bhante' ti kho bhikkhave Abhibhuu bhikkhu Sikhissa Bhagavato arahato Sammaa-sambuddhassa pa.tissutvaa dissamaanena pi kaayena dhamma.m desesi.|| ||

Adissamaanena pi kaayena dhamma.m dasesi.|| ||

Dissamaanena pi he.t.thimena upa.d.dhakaayena adissamaanena pi uparimena upa.d.dhakaayena dhamma.m desesi.|| ||

Dissamaanena pi uparimena upa.d.dhakaayena adissamaanena pi he.t.thimena upa.d.dhakaayena dhamma.m desesi.|| ||

15. Tatra suda.m bhikkhave Brahmaa ca brahmaparisaa ca brahmapaarisajjaa ca acchariyabbhuutacittajaataa ahesu.m:|| ||

Acchariya.m vata bho abbhuta.m vata bho,||
sama.nassa mahiddhikataa mahaanubhaavataa ti.|| ||

16. Atha kho bhikkhave Abhibhuu bhikkhu Sikhi.m Bhagavanta.m arahanta.m Sammaa-sambuddha.m etad avoca:|| ||

Abhijaanaami khvaaha.m bhante bhikkhusa'nghassa majjhe evaruupa.m vaaca.m bhaasitaa:|| ||

Pahomi khvaaha.m aavuso brahmaloke .thito sahassiiloka-dhaatu.m sarena vi~n~naapetun ti.|| ||

17. Etassa braahma.na kaalo etassa braahma.na kaalo ya.m tva.m braahma.na brahmaloke .thito sahassiiloka-dhaatu.m sarena vi~n~naapeyyaasi ti.|| ||

18. 'Eva.m bhante' ti kho bhikkhave Abhibhu bhikkhu Sikhissa Bhagavato arahato Sammaa-sambuddhassa pa.tissutvaa brahmaloke .thito imaa gaathaayo abhaasi:||| ||

Aarabhatha nikkhamatha yu~njatha Buddhasaasane,||
Dhunaatha maccuno sena.m na.laagaara.mva ku~njaro.||
[157] Yo imasmi.m dhamma-vinaye appamatto vihessati||
Pahaaya jaatisa.msaara.m dukkhass'anta.m karissatii ti.|| ||

19. Atha kho bhikkhave Sikhii ca Bhagavaa araha.m Sammaa-sambuddho Abhibhuu ca bhikkhu Brahmaana~n ca brahmaparisa~n ca brahmapaarisajje ca sa.mvechetvaa seyyathaa pi naama balavaa puriso sammi~njita.m vaa baaha.m pasaareyya pasaarita.m vaa baaha.m sammi~njeyya evam eva tasmi.m brahmaloke antarahitaa aru.navatiyaa raajadhaaniyaa paatu-r-ahesu.m.|| ||

20. Atha kho bhikkhave Sikhii Bhagavaa araha.m Sammaa-sambuddho bhikkhuu aamantesi:|| ||

Assuttha no tumhe bhikkhave Abhibhussa bhikkhuno brahmaloke .thitassa gaathaayo bhaasamaanassaa ti.|| ||

21. Assumha kho maya.m bhante Abhibhussa bhikkhuno brahmaloke .thitassa gaathaayo bhaasamaanassaa ti.|| ||

22. Yathaa katha.m pana tumhe bhikkhave assuttha Abhibhussa bhikkhuno brahmalaake .thitassa gaathaayo bhaasamaanassaa ti.|| ||

23. Eva.m kho maya.m bhante assumha Abhibhuussa bhikkhuno brahmaloke .thitassa gaathaayo bhaasamaanassa.|| ||

"Aarabhatha nikkhamatha yu~njatha Buddhasaasane,||
Dhunaatha maccuno sena.m na.laagaara.mva ku~njaro.||
Yo imasmi.m dhamma-vinaye appamatto vihessati,||
Pahaaya jaatisa.msaara.m dukkhass'anta.m karissatii" ti.|| ||

24. Eva.m eva kho maya.m bhante assumha Abhibhuussa bhikkhuno,||
brahmaloke .thitassa gaathaayo bhaasamaanassaa ti.|| ||

25. Saadhu saadhu bhikkhave.|| ||

Saadhu kho tumhe bhikkhave assuttha Abhibhussa bhikkhuno brahmaloke .thitassa gaathaayo bhaasamaanassaati.|| ||

26. Idam avoca Bhagavaa attamanaa te bhikkhuu Bhagavato bhaasita.m abhinandun ti.|| ||

 

§

 

Sutta 15

Parinibbaa.na Sutta.m

[15.1][pts][than] Eva.m me suta.m|| ||

Eka.m samaya.m Bhagavaa Kusinaaraaya.m viharati Upavattane Mallaana.m saalavane antarena yamakasaalaana.m parinibbaa.nasamaye.|| ||

2. Atha kho Bhagavaa bhikkhuu aamantesi:|| ||

Handa daani [158] bhikkhave aamantayaami vo.|| ||

Appamaadena sampaadethaa vayadhammaa sankhaaraa ti.|| ||

Aya.m Tathaagatassa pacchimaa vaacaa.|| ||

3. Atha kho Bhagavaa pa.thama.m-jhaana.m samaapajji.|| ||

Pa.thamajhaanaa vu.t.thahitvaa dutiya.m jjhaana.m samaapajji.|| ||

Dutiyajhaanaa vu.t.thahitvaa tatiya.m jhaana.m samaapajji.|| ||

Tatiyajhaanaa vu.t.thahitvaa catuttha.m jhaana.m samaapajji.|| ||

Catutthajhaanaa vu.t.thahitvaa aakaasaana~ncaayatana.m samaapajji.|| ||

Aakaasaana~ncaayatanaa vu.t.thahitvaa vi~n~naa.na~ncaayatana.m samaapajji.|| ||

Vi~n~naa.na~ncaayatanaa vu.t.thahitvaa aaki~nca~n~naayatana.m samaapajji.|| ||

Aaki~nca~n~naayatanaa vu.t.thahitvaa n'eva-sa~n~naa-naasa~n~naayatana.m samaapajji.|| ||

N'evasa~n~naanaasa~n~naayatanaa vu.t.thahitvaa sa~n~naavedayitanirodha.m samaapajji.|| ||

4. Sa~n~naavedayitanirodhaa vu.t.thahitvaa n'eva-sa~n~naa-naasa~n~naayatana.m samaapajji.|| ||

N'evasa~n~naanaasa~n~naayatanaa vu.t.thahitvaa aaki~nca~n~naayatana.m samapajji.|| ||

Aaki~nca~n~naayatanaa vu.t.thahitvaa vi~n~naa.na~ncaayatana.m samaapajji.|| ||

Vi~n~naa.na~ncaayatanaa vu.t.thahitvaa aakaasaana~ncaayatana.m samaapajji.|| ||

Aakaasaana~ncaayatanaa vu.t.thahitvaa catuttha.m-jhaana.m samaapajji.|| ||

Catutthajjhaanaa vu.t.thahitvaa tatiya.m-jhaana.m samaapajji.|| ||

Tatiyajjhaanaa vu.t.thahitvaa dutiya.m-jhaana.m samaapajji.|| ||

Dutiyajjhaanaa vu.t.thahitvaa pa.thama.m-jhaana.m samaapajji,|| ||

Pa.thamajjhaanaa vu.t.thahitvaa dutiya.m-jhaana.m samaapajji.|| ||

Dutiyajjhaanaa vu.t.thahitvaa tatiya.m-jhaana.m samaapajji.|| ||

Tatiyajjhaanaa vu.t.thahitvaa catuttha.m-jhaana.m samaapajji.|| ||

Catutthajjhaanaa vu.t.thahitvaa samanantaraa Bhagavaa parinibbaayi.|| ||

5. Parinibbute Bhagavati saha parinibbaa.naa Brahmaa Sahampati ima.m gaatha.m abhaasi:|| ||

Sabbe va nikkhipissanti bhuutaa loke samussaya.m,||
Yathaa etaadiso satthaa loke appa.tipuggalo,||
Tathaagato balappatto sambuddho parinibbuto ti.|| ||

6. Parinibbute Bhagavati saha parinibbaa.naa Sakko devaana.m indo ima.m gaatha.m abhaasi:|| ||

Aniccaa vata sankhaaraa uppaadavayadhammino,||
Uppajjitvaa nirujjhanti tesa.m vuupasamo sukho ti.|| ||

7. Parinibbute Bhagavati saha parinibbaa.naa aayasmaa Aanando ima.m gaatha.m abhaasi:|| ||

Tadaa'si ya.m bhi.msanaka.m tadaa'si lomaha.msana.m,||
Sabbaakaaravaruupete sambuddhe parinibbute ti.|| ||

[159] 7. Parinibbute Bhagavati saha parinibbaa.naa aayasmaa Anuruddho imaa gaathaayo abhaasi:|| ||

Naahu assaasapassaaso .thitacittassa taadino,||
Anejo santim aarabbha cakkhumaa parinibbuto||
Asalliinena cittena vedana.m ajjhavaasayi,||
Pajjotass'eva nibbaa.na.m vimokkho cetaso ahuu ti.

 


Contact:
E-mail
Copyright Statement