Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 


Sa.myutta Nikaya:
Sagathavagga:

Vana Sa.myutta

Suttas 1-14

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

Sutta 1

Viveka Sutta.m

[1.1][pts][ati] Eva.m me suta.m.|| ||

Eka.m samaya.m a~n~nataro bhikkhu Kosalesu viharati a~n~natarasmi.m vanasa.n.de.|| ||

2. Tena kho pana samayena so bhikkhu divaavihaaragato paapake akusale vitakke vitakketi gehanissite.|| ||

3. Atha kho yaa tasmi.m vanasa.n.de adhivatthaa devataa tassa bhikkhuno anukampikaa atthakaamaa ta.m bhikkhu.m sa.mvejetukaamaa yena so bhikkhu ten'upasa'nkami.|| ||

4. Upasa'nkamitvaa ta.m bhikkhu.m gaathaahi ajjhabhaasi:|| ||

Vivekakaamosi vana.m pavi.t.tho atha te mano niccharatii bahiddhaa,||
Jano janasmi.m vinayassu chanda.m tato sukhii hohisi viitaraago.||
Arati.m pajahaasi sato bhavaasi sata.m ta.m saadayaamase,||
Paataalarajo hi duttaro maa ta.m kaamarajo avaahari.||
Saku.no yathaa pa.msuku.n.dito vidhuna.m paatayati sita.m raja.m,||
Eva.m bhikkhu padhaanavaa satimaa vidhuna.m paatayati sita.m rajanti.|| ||

Atha kho so bhikkhu taaya devataaya sa.mvejito sa.mvegamaapaadiiti.|| ||

 

§

 

Sutta 2

Upa.t.thaana Sutta.m

[2.1][pts] Eva.m me suta.m.|| ||

Eka.m samaya.m a~n~nataro bhikkhu Kosalesu viharati a~n~natarasmi.m vanasa.n.de.|| ||

Tena kho pana samayena so bhikkhu divaavihaaragato supati.|| ||

3. Atha kho yaa tasmi.m vanasa.na.de adhivatthaa devataa tassa bhikkhuno anukampikaa atthakaamaa ta.m bhikkhu.m sa.mvejetukaamaa yena so bhikkhu ten'upasa'nkami.|| ||

4. Upasa'nkamitvaa ta.m bhikkhu.m gaathaahi ajjhabhaasi:|| ||

U.t.thehi bhikkhu ki.m sesi ko attho supinena te,||
Aaturassa hi kaa niddaa sallaviddhassa ruppato.||
Yaaya saddhaaya pabbajito agaarasmaa'nagaariya.m,||
Tam eva saddha.m bruuhehi maa niddaaya vasa.m gamii ti.|| ||

5. Aniccaa addhuvaa kaamaa yesu mando samucchito,||
Bandhesu mutta.m asita.m kasmaa pabbajita.m tape.||
Chandaraagassa vinayaa avijjaasamatikkamaa,||
Ta.m ~naa.na.m pariyodaata.m kasmaa pabbajita.m tape.||
Bhetvaa avijja.m vijjaaya aasavaana.m parikkhayaa,||
Asoka.m anupaayaasa.m kasmaa pabbajita.m tape.||
Aaraddhaviriya.m pahitatta.m nicca.m da.lhaparakkama.m,||
Nibbaa.na.m abhika'nkhanta.m kasmaa pabbajita.m tape ti.|| ||

 

§

 

Sutta 3

Kassapagotta Sutta.m

[3.1][pts] Eva.m me suta.m.|| ||

Eka.m samaya.m aayasmaa Kassapagotto Kosalesu viharati a~n~natarasmi.m vanasa.n.de.|| ||

2. Tena kho pana samayena aayasmaa Kassapagotto divaavihaaragato a~n~natara.m ch'eta.m ovadati.|| ||

3. Atha kho yaa tasmi.m vanasa.n.de adhivatvaa devataa aayasmato Kassapagottassa anukampikaa atthakaamaa aayasmanta.m Kassapagotta.m sa.mvejetukaamaa yen'aayasmaa Kassapagotto ten'upasa'nkami.|| ||

4. Upasa'nkamitvaa aayasmanta.m Kassapagotta.m gaathaahi ajjhabhaasi:|| ||

Giriduggacara.m ch'eta.m appapa~n~na.m acetasa.m,||
Akaale ovada.m bhikkhu mando va pa.tibhaati ma.m.||
Su.naati na vijaanaati aaloketi na passati,||
Dhammasmi.m bha~n~namaanasmi.m attha.m baalo na bujjhati.||
sace pi dasa pajjote dhaarayissasi Kassapa,||
N'eva dakkhiti ruupaani cakkhu hi'ssa na vijjatii ti.|| ||

Atha kho aayasmaa Kassapagotto taaya devataaya sa.mvejito sa.mvegamaapaadii ti.|| ||

 

§

 

Sutta 4

Sambahulaa Sutta.m

[4.1][pts] Eva.m me suta.m.|| ||

Eka.m samaya.m sambahulaa bhikakhuu Kosalesu viharanti a~n~natarasmi.m vanasa.n.de.|| ||

2. Atha kho te bhikkhuu vassa.m vutthaa temaasaccayena caarika.m pakkami.msu.|| ||

3. Atha kho yaa tasmi.m vanasa.n.de adhivatthaa devataa te bhikkhuu apassantii paridevamaanaa taaya.m velaaya.m ima.m gaatha.m abhaasi:|| ||

Arati viya me'jja khaayati||
bahuke disvaana vivitte aasane,||
Te cittakathaa bahussutaa||
ko'me Gotamasaavakaa gataa ti.|| ||

4. Eva.m vutte a~n~nataraa devataa ta.m devata.m gaathaaya ajjhabhaasi:|| ||

Magadha.m gataa Kosala.m gataa||
ekacciyaa pana Vajjibhuumiyaa,||
Migaa viya asa'ngacaarino||
aniketaa viharanti bhikkhavo ti.|| ||

 

§

 

Sutta 5

Aananda Sutta.m

[5.1][pts] Eva.m me suta.m.

Eka.m samaya.m aayasmaa Aanando Kosalesu viharati a~n~natarasmi.m vanasa.n.de.|| ||

2. Tena kho pana samayena aayasmaa Aanando ativela.m gihiisa~n~nattibahulo viharati.|| ||

3. Atha kho yaa tasmi.m vanasa.n.de adhivatthaa devataa aayasmato Aanandassa anukampikaa atthakaamaa aayasmanta.m Aananda.m sa.mvejetukaamaa yen'aayasmaa Aanando ten'upasa'nkami.|| ||

Upasa'nkamitvaa aayasmanta.m Aananda.m gaathaaya ajjhabhaasi:|| ||

Rukkhamuulagaha.na.m pasakkiya||
nibbaa.na.m hadayasmi.m opiya,||
jhaaya Gotama maa ca pamaado||
ki.m te bi.libi.likaa karissatii ti.|| ||

4. Atha kho aayasmaa Aanando taaya devataaya sa.mvejito sa.mvegam aapaadii ti.|| ||

 

§

 

Sutta 6

Anuruddha Sutta.m

[6.1][pts][ati] Eva.m me suta.m.|| ||

Eka.m samaya.m aayasmaa Anuruddho Kosalesu viharati a~n~natarasmi.m vanasa.n.de.|| ||

2. Atha kho a~n~nataraa Taavati.msakaayikaa devataa Jaalinii naama aayasmato Anuruddhassa puraa.nadutiyikaa yen'aayasmaa Anuruddho ten'upasa'nkami.|| ||

3. Upasa'nkamitvaa aayasmanta.m Anuruddha.m gaathaahi ajjhabhaasi:|| ||

Tattha citta.m pa.nidhehi yattha te vusita.m pure,||
Taavati.msesu devesu sabbakaamasamiddhisu||
Purakkhato parivuto devaka~n~naahi sobhasii.|| ||

4.[Anuruddho:]|| ||

Duggataa devaka~n~naayo sakkaayasmi.m pati.t.thitaa,||
Te caapi duggataa sattaa devaka~n~naahi patthitaatika.|| ||

5. [Jaalinii:]|| ||

Na te sukha.m pajaananti ye na passanti Nandana.m,||
Aavaasa.m naradevaana.m tidasaana.m yasassinan ti.|| ||

6. [Anuruddho:]|| ||

Na tva.m baale vijaanaasi yathaa arahata.m vaco,||
Aniccaa sabbe sankhaaraa uppaadavayadhammino,||
Uppajjitvaa nirujjhanti tesa.m vuupasamo sukho.||
N'atthi daani punaavaaso deva-kaayasmi.m Jaalinii,||
Vikkhii.no jaatisa.msaaro n'atthi daani punabbhavo ti.|| ||

 

§

 

Sutta 7

Naagadatta Sutta.m

[7.1][pts] Eva.m me suta.m.|| ||

Eka.m samaya.m aayasmaa Naagadatto Kosalesu viharati a~n~natarasmi.m vanasa.n.de.|| ||

2. Tena kho pana samayena aayasmaa Naagadatto atikaalena gaama.m pavisati,||
atidivaa pa.tikkamati.|| ||

3. Atha kho yaa tasmi.m vanasa.n.de adhivatthaa devataa aayasmato Naagadattassa anukampikaa atthakaamaa aayasmanta.m Naagadatta.m sa.mvejetukaamaa yen'aayasmaa Naagadatto ten'upasa'nkami.|| ||

4. Upasa'nkamitvaa aayasmanta.m Naagadatta.m gaathaahi ajjhabhaasi:|| ||

Kaale pavissa Naagadatta||
divaa ca aagantvaa ativelacaarii,||
Sa.msa.t.tho gaha.t.thehi||
samaanasukhadukkho.||
Bhaayaami Naagadatta.m suppagabbha.m||
kulesu vinibaddha.m,||
Maa h'eva maccura~n~no balavato||
antakassa vasam eyyaa ti.|| ||

5. Atha kho aayasmaa Naagadatto taaya devataaya sa.mvejito sa.mvegam aapaadii ti.|| ||

 

§

 

Sutta 8

Kulaghara.nii Sutta.m

[8.1][pts] Eva.m me suta.m.|| ||

Eka.m samaya.m a~n~nataro bhikkhu Kosalesu viharati a~n~natarasmi.m vanasa.n.de.|| ||

2. Tena kho pana samayena so bhikkhu a~n~natarasmi.m kule ativela.m ajjhogaa.lhappatto viharati.|| ||

3. Atha kho yaa tasmi.m vanasa.n.de adhivatthaa devataa tassa bhikkhuno anukamipikaa atthakaamaa ta.m bhikkhu.m sa.mvejetukaamaa yaa tasmi.m kule kulaghara.nii tassaa va.n.na.m abhinimminitvaa yena so bhikkhu ten'upasa'nkami.

4. Upasa'nkamitvaa ta.m bhikkhu.m gaathaahi ajjhabhaasi:|| ||

Nadiitiiresu sa.n.thaane sabhaasu rathiyaasu ca,||
Janaa sa'ngamma mantenti ma~n ca ta~n ca kim antaran ti.|| ||

5. Bahuu hi saddaa paccuuhaa khamitabbaa tapassinaa,||
Na tena ma'nku hotabbo na hi tena kilissati.||
Yo ca saddaparittaasii vane vaatamigo yathaa,||
Lahucitto ti ta.m aahu naassa sampajjate vatan ti.|| ||

 

§

 

Sutta 9

Vajjiputta Sutta.m

[9.1][pts][ati] Eva.m me suta.m.|| ||

Eka.m samaya.m a~n~nataro Vajjiputtako bhikkhu Vesaaliya.m viharati a~n~natarasmi.m vanasa.n.de.|| ||

2. Tena kho pana samayena Vesaaliya.m sabbaratticaaro hoti.|| ||

3. Atha kho so bhikkhuu Vesaaliya.m turiyataa.litavaaditanigghosasadda.m sutvaa paridevamaano taaya.m velaaya.m ima.m gaatha.m abhaasi:

Ekakaa maya.m ara~n~ne viharaama||
apaviddha.m va vanasmi.m daaruka.m,||
Etaadisikaaya rattiyaa||
ko su naama amhehi paapiyo ti.|| ||

4. Atha kho yaa tasmi.m vanasa.n.de adhivatthaa devataa tassa bhikkhuno anukampikaa attakaamaa ta.m bhikkhu.m sa.mvejetukaamaa yena so bhikkhu ten'upasa'na.mkami.|| ||

5. Upasa'nkamitvaa ta.m bhikkhu.m gaathaaya ajjhabhaasi:|| ||

Ekako tva.m ara~n~ne viharasi||
apaviddha.m va vanasmi.m daaruka.m,||
Tassa te bahukaa pihayanti||
nerayikaa viya saggagaaminan ti.|| ||

6. Atha kho so bhikkhu taaya devataaya sa.mvajito sa.mvegam aapaadii ti.|| ||

 

§

 

Sutta 10

Sajjhaaya Sutta.m

[10.1][pts] Eva.m me suta.m.|| ||

Eka.m samaya.m a~n~nataro bhikkhu Kosalesu viharati a~n~natarasmi.m vanasa.n.de.|| ||

2. Tena kho pana samayena so bhikkhu ya.m suda.m pubbe ativela.m sajjhaaya bahulo viharati.|| ||

So aparena samayena appossukko tu.nhiibhuuto sa.mkasaayati.|| ||

3. Atha kho yaa tasmi.m vanasa.n.de adhivatthaa devataa tassa bhikkhuno dhamma.m asu.nantii yena so bhikkhu ten'upasa'nkami.|| ||

Upasa'nkamitvaa ta.m bhikkhu.m gaathaahi ajjhabhaasi:|| ||

Kasmaa tuva.m dhammapadaani bhikkhuu||
naadhiiyasi bhikkhuuhi sa.mvasanto,||
Sutvaana dhamma.m labhati ppasaada.m||
di.t.the va dhamme labhati ppasa.msan ti.||
Ahu pure dhammapadesu chando||
yaava viraagena samaagamimha,||
yato viraagena samaagamimha,||
ya.m ki~nci di.t.tha.m va suta.m vaa muta.m,||
A~n~naaya nikkhepanam aahu santo ti.|| ||

 

§

 

Sutta 11

Ayoniso Sutta.m

[11.1][pts][ati] Eva.m me suta.m.|| ||

Eka.m samaya.m a~n~nataro bhikkhu Kosalesu viharati a~n~natarasmi.m vanasa.n.de.|| ||

2. Tena kho pana samayena so bhikkhu divaavihaaragato paapake akusale vitakke vitakketi.|| ||

Seyyathiida.m:||
kaamavitakka.m vyaapaadavitakka.m vihi.msaavitakka.m.|| ||

3. Atha kho yaa tasmi.m vanasa.n.de adhivatthaa devataa tassa bhikkhuno anukampikaa atthakaamaa ta.m bhikkhu.m sa.mvejetukaamaa yena so bhikkhu ten'upasa'nkami.|| ||

4. Upasa'nkamitvaa ta.m bhikkhu.m gaathaahi ajjhabhaasi:|| ||

Ayoniso manasikaaraa bho vitakkehi majjasi,||
Ayoni.m pa.tinissajja yoniso anuvicintaya.||
Satthaara.m dhammam aarabbha sa'ngha.m siilaani-vattano,||
Adhigacchasi paamojja.m piitisukham asa.msaya.m,||
Tato paamojjabahulo dukkhass'anta.m karissasii ti.|| ||

5. Atha kho so bhikkhu taaya devataaya sa.mvejito sa.mvegam aapaadii ti|| ||

 

§

 

Sutta 12

Majjhathika (or Sa.nika) Sutta.m

[12.1][pts] Eva.m me suta.m.|| ||

Eka.m samaya.m a~n~nataro bhikkhu Kosalesu viharati a~n~natarasmi.m vanasa.n.de.|| ||

2. Atha kho tasmi.m vanasa.n.de adhivatthaa devataa yena so bhikkhu ten'upasa'nkami.|| ||

3. Upasa'nkamitvaa tassa bhikkhuno santike ima.m gaatha.m abhaasi:|| ||

.Thite majjhantike kaale sannisinnesu pakkhisu,||
Sa.nate va mahaara~n~na.m ta.m bhaya.m pa.tibhaati ma.m.|| ||

[Bhikkhu: -]|| ||

.Thite majjhantike kaale sannisinnesu pakkhisu,||
Sa.nate va mahaara~n~na.m saa rati pa.tibhaati man ti.|| ||

 

§

 

Sutta 13

Paakatindriya Sutta.m

[13.1][pts] Eva.m me suta.m.|| ||

Eka.m samaya.m sambahulaa bhikkhuu Kosalesu viharanti a~n~natarasmi.m vanasa.n.de,||
uddhataa u.n.na.laa capalaa mukharaa viki.n.na-vaacaa mu.t.thassatino asampajaanaa asamaahitaa vibbhanta-cittaa paakatindriyaa.|| ||

2. Atha kho yaa tasmi.m vanasa.n.de adhivatthaa devataa tesa.m bhikkhuuna.m anukampikaa atthakaamaa te bhikkhuu sa.mvejetukaamaa yena te bhikkhuu ten'upasa'nkami.

3. Upasa'nkamitvaa te bhikkhuu gaathaahi ajjhabhaasi.|| ||

Sukhajiivino pure aasu.m bhikkhuu Gotamasaavakaa,||
Anicchaa pi.n.dam esanaa anicchaa sayanaasana.m,||
Loke aniccata.m ~natvaa dukkhass'anta.m aka.msu te.||
Dupposa.m katvaa attaana.m gaame gaama.nikaa viya,||
Bhuutvaa bhutvaa nipajjanti paraagaaresu mucchitaa.||
Sa'nghassa a~njali.m katvaa idh'ekacce vadaam'aha.m,||
Appaviddhaa anaathaa te yathaa petaa tath'eva te.||
Ye kho pamattaa viharanti te me sandhaaya bhaasita.m,||
Ye appamattaa viharanti namo tesa.m karom'ahan ti.|| ||

4. Atha kho te bhikkhuu taaya devataaya sa.mvejitaa sa.mvegam aapaadun ti.|| ||

 

§

 

Sutta 14

Gandhatthena, or Pu.n.dariika, or Upa.t.thaana Sutta.m

[14.1][pts][than][olen] Eva.m me suta.m.|| ||

Eka.m samaya.m a~n~nataro bhikkhu Kosalesu viharati a~n~natarasmi.m vanasa.n.de.|| ||

2. Tena kho pana samayena so bhikkhu pacchaabhatta.m pi.n.dapaatapa.tikkanto pokkhara.ni.m ogaahetvaa paduma.m upasi'nghati.|| ||

3. Atha kho yaa tasmi.m vanasa.n.de adhivatthaa devataa tassa bhikkhuno anukampikaa atthakaamaa ta.m bhikkhu.m sa.mvejetukaamaa yena so bhikkhu ten'upasa'nkami.|| ||

4. Upasa'nkamitvaa ta.m bhikkhu.m gaathaaya ajjhabhaasi:|| ||

Yam eta.m vaarija.m puppha.m adinna.m upasi'nghasi,||
Eka'ngam eta.m theyyaana.m gandhattheno'si maarisaa ti.|| ||

5. [Bhikkhu:]|| ||

Na haraami na bha~njaami aaraa si'nghaami vaarija.m,||
Atha kena nu va.n.nena gandhattheno'ti vuccati.|| ||

Yavaaya.m bhisaani kha.nati pu.n.dariikaani bha~njati,||
Eva.m aaki.n.nakammanto kasmaa eso na vuccatii ti.||

6. [Devataa:]|| ||

aaki.n.naluddo puriso dhaati cela.m va makkhito,||
Tasmi.m me vacana.m n'atthi ta~n ca arahaami vattave.||
Ana'nga.nassa posassa nicca.m sucigavesino,||
Vaa.laggamatta.m paapassa abbhaamatta.m va khaayatii ti.|| ||

7. [Bhikkhu:]|| ||

Addhaa ma.m yakkha jaanaasi atho ma.m anukampasi,||
Puna pi yakkha vajjaasi yadaa passasi edisa.m.|| ||

8. [Devataa:]|| ||

N'eva ta.m upajiivaami na pi te bhatak'aamhase,||
Tvam eva bhikkhu jaaneyya yena gaccheyya suggatin ti.|| ||

9. Atha kho so bhikkhu taaya devataaya sa.mvejito sa.mvegam aapaadii ti.|| ||

Vanasa.myutta.m samatta.m.

 


Contact:
E-mail
Copyright Statement