Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

Sa.myutta Nikaaya
II. Nidaana Vagga
XII. Nidaana Sa.myutta
III. Dasabalaa Vagga

Sutta 21

Dasabalaa Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series.

 


[27]

[1][pts][bodh] Eva.m me suta.m.|| ||

Eka.m samaya.m Bhagavaa Saavatthiya.m viharati Jetavane Anaathapi.n.dikassa aaraame.|| ||

Tatra kho Bhagavaa bhikkhu aamantesi:|| ||

"Bhikkhavo" ti.|| ||

"Bhadante" ti||
te bhikkh Bhagavato paccassosu.m|| ||

Bhagavaa etad avoca:|| ||

2. "Dasabalasamannaagato bhikkhave, Tathaagato catuhi ca vesaarajjehi samannaagato aasabha.m .thaana.m pa.tijaanaati||
parisaasu siihanaada.m nadati||
brahmacakka.m pavatteti:|| ||

[28] Iti ruupa.m,||
iti ruupassa samudayo,||
iti ruupassa attha.mgamo.|| ||

Iti vedanaa,||
iti vedanaaya samudayo,||
iti vedanaaya attha.mgamo.|| ||

Iti sa~n~naa,||
iti sa~n~naaya samudayo,||
iti sa~n~naaya attha.mgamo.|| ||

Iti sankhaaraa,||
iti sankhaaraana.m samudayo,||
iti sankhaaraana.m attha.mgamo.|| ||

Iti vi~n~naa.na.m,||
iti vi~n~naa.nassa samudayo,||
iti vi~n~naa.nassa attha.mgamo.|| ||

Iti imasmi.m sati ida.m hoti.|| ||

Imassuppaadaa ida.m uppajjati.|| ||

Imasmi.m asati ida.m na hoti.|| ||

Imassa nirodhaa ida.m nirujjhati.|| ||

Yad ida.m:|| ||

3. Avijjaa-paccayaa bhikkhave sankhaaraa||
sankhaara-paccayaa vi~n~naana.m||
vi~n~naa.na-paccayaa naama-ruupa.m||
naama-ruupa-paccayaa sa.laayatana.m||
sa.laayatana-paccayaa phasso||
phassa-paccayaa vedanaa||
vedanaa-paccayaa ta.nhaa||
ta.nhaa-paccayaa upaadaana.m||
upaadaana-paccayaa bhavo||
bhava-paccayaa jaati||
jaati-paccayaa jaraa-mara.na.m soka-parideva-dukkha-domanassupaayasaa sambhavanti.|| ||

Evam etassa kevalassa dukkhakkhandhassa samudayo hoti.|| ||

4. Avijjaaya tv eva asesaviraaga-nirodhaa sankhaara-nirodho||
sankhaara-nirodhaa vi~n~naa.na-nirodho||
vi~n~naa.na-nirodhaa naama-ruupa-nirodho||
naama-ruupa-nirodhaa sa.laayatana-nirodho||
sa.laayatana-nirodhaa phassa-nirodho||
phassa-nirodhaa vedanaa-nirodho||
vedanaa-nirodhaa ta.nhaa-nirodho||
ta.nhaa-nirodhaa upaadaana-nirodho||
upaadaana-nirodhaa bhava-nirodho||
bhava-nirodhaa jaati-nirodho||
jaati-nirodhaa jaraa-mara.na.m soka-parideva-dukkha-domanaassupaayaasaa nirujjhanti.|| ||

Evam etassa kevalassa dukkha-kkhandhassa nirodho hotii" ti|| ||


Contact:
E-mail
Copyright Statement